ചക്കരക്കൽ: ചക്കരക്കല്ലിൽ വീടിനു മുന്നിൽ റീത്ത് കണ്ടെത്തി. ഓൺലൈൻ മാധ്യമ പ്രവർത്തകൻ കണയന്നൂരിലെ എ.സി. ഷൈജുവിന്റെ വീട്ടിലാണ് ഇന്നു രാവിലെ റീത്ത് കണ്ടെത്തിയത്. രാവിലെ അഞ്ചരയോടെ വീട്ടുകാർ വാതിൽ തുറന്നപ്പോഴാണ് റീത്ത് കണ്ടെത്തിയത്. വള്ളിപ്പടർപ്പുകളും ഇലകളും കൊണ്ട് നിർമിച്ചതാണ് റീത്ത്. വിവരമറിഞ്ഞ് ചക്കരക്കൽ ഇൻസ്പെക്ടർ ശ്രീജിത്ത് കൊടേരിയുടെ നേതൃത്വത്തിലുള്ള പോലീസ് സ്ഥലത്തെത്തി പരിശോധന നടത്തി. സംഭവത്തിനു പിന്നിൽ ആരാണെന്നോ എന്താണ് ഇതിന് കാരണമെന്നോ അറിയില്ലെന്ന് ഷൈജു പറഞ്ഞു. ചെന്പിലോട് പഞ്ചായത്ത് പ്രസിഡന്റ് കെ.ദാമോദരൻ വീട് സന്ദർശിച്ചു.
Read MoreCategory: Edition News
വാഹനാപകടത്തിൽ വനിതാ ഡോക്ടർക്കും മകൾക്കും പരിക്ക്
വെഞ്ഞാറമൂട് : നിയന്ത്രണം വിട്ട കാർ റോഡിൽ നിർത്തിയിട്ടിരുന്ന മിനി ്രെയിനിലിടിച്ച് വനിതാഡോക്ടർക്കും മകൾക്കും പരിക്ക്. കോട്ടയം സ്വദേശിയും തിരുവനന്തപുരം നിംസ് ആശുപത്രിയിലെ ഡോക്ടറുമായ ഡോ: റീന, മകൾ ഷാരോൺ എന്നിവർക്കാണ് പരിക്കേറ്റത്. ഇന്ന് പുലർച്ചെ നാലിനാണ് സംഭവം. തിരുവനന്തപുരത്തേക്കുള്ള യാത്രയ്ക്കിടയിൽ വെഞ്ഞാറമൂട് ഫെഡറൽ ബാങ്കിന് സമീപത്തായിരുന്നു അപകടം. നിയന്ത്രണം വിട്ട കാർ റോഡ് സൈഡിൽ പാർക്ക് ചെയ്തിരുന്ന മിനി ക്രെയിനിൽ ഇടിക്കുകയായിരുന്നു. പരിക്കേറ്റവരെ എസ്യുടി ആശുപത്രിയിൽ പ്രവേശിപ്പിച്ചു
Read Moreവയനാട്ടില് കാട്ടാന ആക്രമണം; തോട്ടം തൊഴിലാളിക്കു ദാരുണാന്ത്യം
കല്പ്പറ്റ: കാട്ടാന ആക്രമണത്തില് തോട്ടംതൊഴിലാളി മരിച്ചു. വയനാട് മേപ്പാടി എളമ്പിലേരിയില് ഇന്നു രാവിലെയാണ് സംഭവം. ഏലത്തോട്ടം തൊഴിലാളി ചോലമല കുഞ്ഞവറാനാണ് (58) മരിച്ചത്. രാവിലെ ഏഴരയോടെ പണിക്കു പോകുമ്പോള് എളമ്പിലേരി ട്രാന്സ്ഫോര്മറിനു സമീപമായിരുന്നു കാട്ടാന ആക്രമണം. കുഞ്ഞവറാന് സംഭവസ്ഥലത്തുതന്നെ മരിച്ചു. ഇദ്ദേഹം തോട്ടത്തില് എത്താത്തിനെത്തുടര്ന്നു മറ്റു തൊഴിലാളികള് അന്വേഷിച്ചപ്പോഴാണ് ദാരുണരംഗം കണ്ടത്. കുഞ്ഞവറാനെ ആക്രമിച്ചശേഷം കുറച്ചകലെ നിലയുറപ്പിച്ച ആനയെ വനം ജീവനക്കാരെത്തിയാണ് തുരത്തിയത്. മേപ്പാടി പോലീസ് തുടര്നടപടികള് സ്വീകരിച്ചു. എളമ്പിലേരിയില് രണ്ടു ദിവസമായി കാട്ടാന സാന്നിധ്യമുണ്ടെന്ന് പ്രദേശവാസികള് പറഞ്ഞു.
Read More45 ലക്ഷത്തിന്റെ ആഡംബര കാര് കവർന്ന കേസ്; ജിപിഎസും സിസിടിവി കാമറയും പ്രതികളെ കുടുക്കി
കോഴിക്കോട്: സര്വീസ് സെന്ററിന്റെ പൂട്ട് തകര്ത്ത് 45 ലക്ഷം വിലവരുന്ന ഫോര്ഡ് കാര് കടത്തിയ സംഭവത്തില് പ്രതികളെ കുടുക്കിയത് ജിപിഎസ് സംവിധാനം. കോഴിക്കോട്ടുനിന്നു കടത്തിയ കാര് രൂപമാറ്റം വരുത്തുന്നതിനായി പേരാമ്പ്രയിലെ സ്റ്റിക്കര് ഷോപ്പില് എത്തിച്ചിരുന്നു. പൂര്ണമായും രൂപമാറ്റം വരുത്താനായിരുന്നു ശ്രമം. ഇതിനുള്ള പണി തുടങ്ങുന്നതിനിടെയാണ് രണ്ടു പ്രതികളെ പോലീസ് പൊക്കിയത്. നടക്കാവിലെ സര്വീസ് സെന്ററില്നിന്നു കടത്തിയ കെഎല് 13 എടി, 1223 നമ്പര് കാര് േപരാമ്പ്ര ഭാഗത്തേക്ക് പോകുന്നതായി പോലീസിന് വിവരം ലഭിച്ചിരുന്നു. തുടര്ന്ന് സിസിടിവി കാമറകള് പരിശോധിച്ച് അന്വേഷണം പേരാമ്പ്ര ഭാഗത്തേക്ക് വ്യാപിപ്പിക്കുന്നതിനിടെയാണ് ഫോര്ഡ് കാറിലെ ജിപിഎസ് സംവിധാനം പോലീസിന് സഹായകരമായത്. കാര് രൂപമാറ്റം വരുത്താനായി ഷോപ്പില് എത്തിച്ചപ്പോള് സംശയം തോന്നിയ ഷോപ്പുടമ പോലീസില് വിവരമറിയിക്കുകയായിരുന്നു. തുടര്ന്ന് കാറിലെ ജിപിഎസ് സംവിധാനം ട്രാപ്പ് ചെയ്ത് പോലീസ് ഇവിടെ എത്തുകയായിരുന്നു. തുടര്ന്നാണ് പോലീസ് പേരാമ്പ്ര മുളിയങ്ങളിലെ ഷോപ്പില്…
Read Moreവെടിക്കെട്ട് ആചാരത്തിന്റെ ഭാഗം; കോടതിവിധി ബാധകമാക്കിയാല് നിയമവഴി തേടുമെന്ന് ദേവസ്വങ്ങൾ
തൃശൂർ: വെടിക്കെട്ട് ഒഴിവാക്കി തൃശൂര് പൂരം നടത്താനാകില്ലെന്നും ഹൈക്കോടതി ഉത്തരവ് ദേവസ്വങ്ങളെയും ആഘോഷക്കമ്മിറ്റികളെയും കേട്ടശേഷമല്ലെന്നും തിരുവമ്പാടി, പാറമേക്കാവ് ദേവസ്വങ്ങൾ. ആരാധനാലയങ്ങളിൽ അസമയത്തു വെടിക്കെട്ടിനു നിരോധനം ഏർപ്പെടുത്തിയ ഹൈക്കോടതി ഉത്തരവിന്റെ പശ്ചാത്തലത്തിലാണു പ്രതികരണം. തൃശൂർ പൂരത്തിനു സുപ്രീം കോടതി ഇളവു നൽകിയിട്ടുള്ളതാണ്. വെടിക്കെട്ട് ആചാരത്തിന്റെ ഭാഗമാണ്. നടപടിക്രമങ്ങള് പാലിച്ചാണു നടത്താറുള്ളത്. കോടതിവിധി ബാധകമാക്കിയാല് നിയമവഴി തേടും. മതപരമായ കേന്ദ്രങ്ങളില് നിരോധിച്ചിട്ട് മറ്റിടങ്ങളില് അനുവദിക്കുന്നതു തുല്യനീതിയല്ല. പെസോയുടെ നിരീക്ഷണത്തിൽ വെടിക്കെട്ട് നടക്കുന്നതു തൃശൂർ പൂരത്തിനു മാത്രമാണ്. നിരോധിച്ച വെടിമരുന്നുകൾ തൃശൂർ പൂരത്തിന് ഉപയോഗിക്കുന്നില്ല. വീടുകളിലും മറ്റും വെടിക്കെട്ട് നിരോധിക്കാതെ ഉത്സവങ്ങളിൽമാത്രം നിരോധിക്കുന്നത് അംഗീകരിക്കാനാവില്ലെന്നും പാറമേക്കാവ് ദേവസ്വം സെക്രട്ടറി ജി. രാജേഷ് പറഞ്ഞു.
Read Moreമണിപ്പൂരിനെക്കുറിച്ച് പറഞ്ഞതിൽ മാറ്റമില്ലെന്ന് സുരേഷ്ഗോപി
തൃശൂർ : തൃശൂർ അതിരൂപതയുടെ വിമർശനത്തിന് മറുപടിയുമായി ബിജെപി നേതാവും മുൻ എംപിയും നടനുമായ സുരേഷ് ഗോപി. മണിപ്പൂരിനെക്കുറിച്ച് പറഞ്ഞതിൽ മാറ്റമില്ലെന്നും സഭയ്ക്ക് അഭിപ്രായം പറയാൻ സ്വതന്ത്ര്യമുണ്ടെന്നും അദ്ദേഹം പറഞ്ഞു. ഇതിനു പിന്നിൽ ആരെന്ന് തിരിച്ചറിയണമെന്നും അദ്ദേഹം കൂട്ടിച്ചേർത്തു. പാർട്ടിക്കു പറ്റിയ ആണുങ്ങൾ ഇല്ലാത്തതുകൊണ്ടാണോ തൃശൂരിലേക്ക് വരുന്നതെന്നും തെരഞ്ഞെടുപ്പിൽ മണിപ്പൂർ മറക്കില്ലെന്നും തൃശൂർ അതിരൂപതയുടെ മുഖപത്രത്തിന്റെ നവംബർ ലക്കത്തിലെ ‘മറക്കില്ല മണിപ്പുർ’ എന്ന തലക്കെട്ടോടു കൂടിയ ലേഖനത്തിൽ വിമർശിച്ചിരുന്നു. മണിപ്പൂരിലും ഉത്തർപ്രദേശിലും കാര്യങ്ങൾ നോക്കാൻ ആണുങ്ങളുണ്ടെന്ന് സുരേഷ് ഗോപിയുടെ പ്രസ്താവനയെ വിമർശിച്ച ലേഖനം, മണിപ്പൂർ കത്തിയെരിഞ്ഞപ്പോൾ ഈ ആണുങ്ങൾ എന്തെടുക്കുകയായിരുന്നുവെന്നും പ്രധാനമന്ത്രിയോടോ ബിജെപി കേന്ദ്ര നേതൃത്വത്തോടോ ചോദിക്കാൻ ആണത്തമുണ്ടോയെന്നും ലേഖനത്തിൽ ചോദിച്ചിരുന്നു.
Read Moreഗാന്ധിജിയുടെ ദണ്ഡിയാത്ര പോലെ സുരേഷ് ഗോപിയുടെ കരുവന്നൂര് യാത്ര ചരിത്രത്തില് ഇടം പിടിക്കുമെന്ന് എ.പി.അബ്ദുള്ളക്കുട്ടി
ചാവക്കാട്: ഗാന്ധിജിയുടെ ദണ്ഡിയാത്ര പോലെ സുരേഷ് ഗോപി നടത്തിയ കരുവന്നൂര് പദയാത്ര ചരിത്രത്തില് ഇടം പിടിക്കുമെന്ന് ബിജെപി ദേശീയ ഉപാധ്യക്ഷന് എ.പി. അബ്ദുള്ളക്കുട്ടി പറഞ്ഞു. ബിജെപി ജില്ലാ പ്രസിഡന്റ് അഡ്വ. കെ.കെ. അനീഷ് കുമാര് നയിച്ച തീരദേശ യാത്രയുടെ സമാപനസമ്മേളനം ചാവക്കാട്ട് ഉദ്ഘാടനം ചെയ്യുകയായിരുന്നു അബ്ദുള്ളക്കുട്ടി. സഹകരണപ്രസ്ഥാനത്തെ സിപിഎമ്മിന്റെ കൊള്ളസംഘത്തില്നിന്ന് രക്ഷിക്കാനായിരുന്നു സുരേഷ് ഗോപിയുടെ പദയാത്ര. ബിജെപി ചാവക്കാട് മണ്ഡലം പ്രസിഡന്റ് കെ.ആര്.ബൈജു അധ്യക്ഷനായി. ജില്ലാ ട്രഷറര് കെ.എ. അനീഷ്, ജില്ലാ വൈസ് പ്രസിഡന്റ് ദയാനന്ദന് മാമ്പുള്ളി, ഒബിസി മോര്ച്ച സംസ്ഥാന പ്രസിഡന്റ് എന്.പി.രാധാകൃഷ്ണന്, മഹിള മോര്ച്ച സംസ്ഥാന പ്രസിഡന്റ് അഡ്വ. സി. നിവേദിത തുടങ്ങിയവര് പ്രസംഗിച്ചു.
Read Moreവൈക്കത്തെ തന്തൈ പെരിയോർ സ്മാരകം; മാർച്ചിൽ തുറക്കും
വൈക്കം: നവീകരണ പ്രവർത്തനങ്ങൾ പൂർത്തിയാക്കി വൈക്കം തന്തൈ പെരിയോർ സ്മാരകം മാർച്ചിൽ തുറക്കും. തമിഴ്നാട് ഇൻഫർമേഷൻ വകുപ്പ് മന്ത്രി എം.പി. സ്വാമിനാഥനാണ് ഇക്കാര്യം അറിയിച്ചത്. വൈക്കം സത്യഗ്രഹസമരത്തിന്റെ നൂറാം വാർഷികത്തോടനുബന്ധിച്ച് എട്ടുകോടി രൂപ വിനിയോഗിച്ച് നവീകരിക്കുന്ന പെരിയോർ സ്മാരകം, മ്യൂസിയം, ലൈബ്രറി എന്നിവയുടെ നിർമാണ പുരോഗതി വിലയിരുത്തിയശേഷമാണ് മന്ത്രി ഇക്കാര്യം വ്യക്തമാക്കിയത്. ഡിസംബർ30ന് കേരള, തമിഴ്നാട് മുഖ്യമന്ത്രിമാർ ചർച്ച നടത്തിയ ശേഷം സ്മാരകത്തിന്റെ ഉദ്ഘാടന തീയതി തീരുമാനിക്കും. കേരള, തമിഴ്നാട് മുഖ്യമന്ത്രിമാരടക്കം ഉദ്ഘാടന സമ്മേളനത്തിൽ സംബന്ധിക്കുമെന്നാണ് കരുതുന്നതെന്നും മന്ത്രി എം.പി. സ്വാമിനാഥൻ കൂട്ടിച്ചേർത്തു. വൈക്കം സത്യഗ്രഹ സമരത്തിന് നേതൃത്വപരമായ പങ്കുവഹിച്ചവരിലൊരാളും തമിഴ്നാട്ടിലെ സാമൂഹ്യ പരിഷ്കർത്താക്കളിൽ പ്രമുഖനുമായിരുന്നു ഇ.വി. രാമസ്വാമിനായ്ക്കർ. തന്തെപെരിയോർ എന്ന് വിളിക്കപ്പെടുന്ന ഇ.വി. രാമസ്വാമി നായ്ക്കരുടെ സ്മരണാർഥം വൈക്കം വലിയ കവലയിൽ 70 സെന്റ് സ്ഥലത്ത് പെരിയോർക്ക് സമുചിതമായ സ്മാരകം തമിഴ്നാട് തീർത്തിരുന്നു. ഈ സ്മാരകത്തിലെ…
Read Moreപേരൂർ, കൂടല്ലൂർ കവലകളിൽ വെള്ളക്കെട്ട് രൂക്ഷം; വെട്ടിലായി ജനങ്ങൾ
ഏറ്റുമാനൂർ: ഏറ്റുമാനൂർ പേരൂർ കവലയിൽ ഇന്നലെ വൈകിട്ടു രൂപപ്പെട്ട വൻ വെള്ളക്കെട്ട് ജനത്തെ വലച്ചു. മണിക്കൂറുകളോളം നഗരം നിശ്ചലമായി. മഴക്കാലത്തിനു മുന്നോടിയായി ഓടകൾ വൃത്തിയാക്കാൻ നഗരസഭയോ പൊതുമരാമത്ത് വകുപ്പോ നടപടി സ്വീകരിക്കാതിരുന്നതാണ് വെള്ളക്കെട്ടിനു കാരണമായതെന്ന് നാട്ടുകാരും വ്യാപാരികളും ആരോപിച്ചു. അതിരമ്പുഴ റോഡിൽ കച്ചേരിക്കുന്നു മുതൽ ഒഴുകിയെത്തുന്ന വെള്ളമാണ് പേരൂർ കവലയിൽ നിറയുന്നത്. മത്സ്യ മാർക്കറ്റിലെ മലിനജലവും ഒഴുകിയെത്തുന്നത് ഇവിടേക്കാണ്. കാല്പാദം മൂടുന്ന മലിനജലത്തിൽ ചവിട്ടാതെ നടക്കാൻ വയ്യാത്ത ഗതികേടിലായി കാൽനട യാത്രക്കാർ.വെള്ളക്കെട്ടിലൂടെ വാഹനങ്ങൾ കടന്നുപോകാൻ ബുദ്ധിമുട്ടിയതോടെ ഗതാഗതസ്തംഭനമുണ്ടായി. വാഹനങ്ങൾ പോകുമ്പോൾ വ്യാപാരസ്ഥാപനങ്ങളിലേക്ക് വെള്ളം അടിച്ചുകയറിയത് വ്യാപാരികളെയും ബുദ്ധിമുട്ടിച്ചു.ഇന്നലെ വൈകുന്നേരമുണ്ടായ കനത്ത മഴയിൽ പാലാ-ഏറ്റുമാനൂർ റോഡിൽ വിവിധയിടങ്ങളിൽ വെള്ളക്കെട്ട് രൂപപ്പെട്ടു. കട്ടച്ചിറ മേരിമൗണ്ട് സ്കൂളിനു മുൻവശം മുതൽ മൂന്നിടങ്ങളിലാണു കനത്ത വെള്ളക്കെട്ട് രൂപപ്പെട്ടത്. ഇതേത്തുടർന്ന് മണിക്കൂറുകളോളം ഗതാഗതക്കുരുക്കുണ്ടായി. വെള്ളക്കെട്ടിലൂടെ വാഹനങ്ങൾ കടന്നുപോകാൻ ബുദ്ധിമുട്ടിയതോടെയാണ് ഗതാഗതക്കുരുക്കുണ്ടായത്.
Read Moreആർഎസ്എസ് പദസഞ്ചലനത്തിന് ഗ്രൗണ്ട് അനുവദിച്ചു; മാടായി പഞ്ചായത്ത് പ്രസിഡന്റിന് ലിഗിന്റെ കടുത്ത ശാസനം
പഴയങ്ങാടി: മുസ്ലിം ലീഗും കോൺഗ്രസും ചേർന്ന് ഭരിക്കുന്ന മാടായി ഗ്രാമപഞ്ചായത്തിൽ പ്രസിഡന്റും മുസ്ലിം ലീഗ് നേതാവുമായ കായിക്കാരൻ സഹീദിനെ ജില്ലാ കമ്മിറ്റി ശാസിച്ചു. പാർട്ടി നയത്തിന് വിരുദ്ധമായി ആർഎസ്എസ് പദസഞ്ചലനത്തിന് മാടായി പഞ്ചായത്തിന് കീഴിലുള്ള മാടായിപ്പാറയിലെ ഗ്രൗണ്ട് അനുവദിച്ചതിനെതിരേ മാടായി ഗ്രാമപഞ്ചായത്ത് പ്രസിഡന്റ് കായിക്കാരൻ സഹീദിനെയാണ് കണ്ണൂർ ജില്ലാ മുസ്ലിം ലീഗ് കമ്മിറ്റി ശാസിച്ചത്. ജില്ലാ ഭാരവാഹികളുടെ യോഗത്തിലേക്ക് വിളിച്ചുവരുത്തിയാണ് ശാസിച്ചത്. ആർഎസ്എസ് വിജയദശമി ദിനത്തിലാണ് മാടായിപ്പാറയിൽ പദസഞ്ചലനം നടത്തിയത്. ഇതേതുടർന്ന് സംഭവം വിവാദമാകുകയായിരുന്നു. മാടായി പഞ്ചായത്ത് മുസ്ലിംലീഗ് കമ്മിറ്റി വിഷയം ചർച്ച ചെയ്യുവാൻ യോഗം വിളിച്ചെങ്കിലും സംഘർഷത്തിൽ കലാശിക്കുകയായിരുന്നു. ജില്ലാ മുസ്ലിം ലീഗ് കമ്മിറ്റി പഞ്ചായത്ത് പ്രസിഡന്റിനോട് വിശദീകരണം ചോദിച്ചെങ്കിലും നൽകിയ വിശദീകരണം ജില്ലാ കമ്മിറ്റി പാടെ തള്ളുകയായിരുന്നു. കായിക്കാരൻ സഹീദിന് ഗ്രൗണ്ട് വിട്ടുനൽകിയതിൽ വേണ്ടത്ര ജാഗ്രത പുലർത്തിയില്ലെന്ന ജില്ലാ കമ്മിറ്റിയുടെ കണ്ടെത്തലിനെ തുടർന്നാണ് ശാസന.
Read More