മട്ടന്നൂർ: ഇൻഷ്വറൻസ് തുക അടക്കാത്തതിനെ തുടർന്ന് മോട്ടോർ വാഹനവകുപ്പ് എൻഫോഴ്സ്മെന്റിന്റെ വാഹനങ്ങൾ റോഡിലിറക്കാനാതെ കയറ്റിയിട്ടു. ജില്ലയിൽ വിവിധ ഭാഗങ്ങളിൽ സർവീസ് നടത്തുന്ന നാല് ഇലക്ട്രിക് വാഹനങ്ങളാണ് ഓഫീസിൽ കയറ്റിയിട്ടിരിക്കുന്നത്. പയ്യന്നൂർ, ഇരിട്ടി, തളിപ്പറമ്പ്, തലശേരി താലൂക്കുകളിൽ സർവീസ് നടത്തുന്ന വാഹനങ്ങൾ കയറ്റിയിട്ടതോടെ എൻഫോഴ്സ്മെന്റിന്റെ പ്രവർത്തനം ഭാഗികമായി തടസപ്പെടുന്ന സ്ഥിതിയാണ്. കണ്ണൂർ താലൂക്ക് ഉൾപ്പെടെ അഞ്ച് ഇലക്ട്രിക് വാഹനങ്ങളാണ് എൻഫോഴ്സ്മെന്റിന് അനുവദിച്ചിരുന്നു. ഇതിൽ നാല് വാഹനങ്ങളുടെ ഇൻഷ്വറൻസ് കാലാവധി അവസാനിച്ചത്. ഒരു വാഹനത്തിന്റെ കാലാവധി ആറിന് അവസാനിക്കും. ഒക്ടോബർ 31 നാണ് ഇലക്ട്രിക് വാഹനത്തിന്റെ കാലാവധി കഴിഞ്ഞത്. പിന്നീട് മൂന്ന് വാഹനങ്ങളുടെയും ഇൻഷ്വറൻസ് കാലാവധി കഴിഞ്ഞു. ഇതിനു പുറമെ രണ്ട് ഡീസൽ ജീപ്പുകളും മട്ടന്നൂർ ഓഫീസ് പരിസരത്ത് കട്ടപ്പുറത്താണ്. ജീപ്പുകൾക്കുണ്ടായ തകരാർ പരിഹരിക്കാതെയിട്ടതോടെയാണ് കട്ടപ്പുറത്തായത്. ഇൻഷ്വറൻസ് അടക്കാതെ വാഹനങ്ങൾ പുറത്തിറക്കാൻ കഴിയാതെ വന്നതോടെ വാഹന പരിശോധന ഉൾപ്പെടെയുള്ള എൻഫോഴ്സ്മെന്റിന്റെ…
Read MoreCategory: Edition News
നീർനായ ആക്രമണം: കോട്ടക്കുഴിയിൽ രണ്ട് അതിഥി തൊഴിലാളികൾക്ക് കടിയേറ്റു; ആറ്റിലിറങ്ങാൻ ഭയന്ന് നാട്ടുകാർ
മുക്കം: ഇരുവഴിഞ്ഞി പുഴയിൽ നീർനായ ആക്രമണം തുടർകഥയാവുന്നു. കോട്ടക്കുഴി കുളിക്കടവിൽ കുളിക്കുകയായിരുന്ന അതിഥിതൊഴിലാളികളായ വഹിദുൽ ഇസ്ലാം (24 ), ശബിലി(25) എന്നിവർക്കാണ് ഇന്നലെ കടിയേറ്റത്. രണ്ട് പേരെയും മെഡിക്കൽ കോളജിൽ പ്രവേശിപ്പിച്ചു. കഴിഞ്ഞ അഞ്ചു മാസത്തിനിടെ നിരവധി പേർക്കാണ് നീർനായയുടെ ആക്രമണത്തിൽ പരിക്കേറ്റത്. കാരശേരി, കൊടിയത്തൂർ, കോട്ടമുഴി, ഇടവഴികടവ്, പുതിയൊട്ടിൽ, ചാലക്കൽ, കരാട്ട്, പുത്തൻ വീട്ടിൽ എന്നിവിടങ്ങളിലാണ് ഒറ്റയ്ക്കും കൂട്ടമായും നീർനായകൾ വിഹരിക്കുന്നത്. പുഴയുടെ ഇരുകരകളിലുമുള്ള ജനങ്ങള്ക്ക് വെള്ളത്തില് ഇറങ്ങി കുളിക്കുവാനോ വസ്ത്രം കഴുകുവാനോ കഴിയാത്ത അവസ്ഥയാണ്. വെള്ളത്തിനടിയിലൂടെയുള്ള ആക്രമണമായതിനാൽ പെട്ടെന്ന് രക്ഷപെടാനും സാധിക്കുന്നില്ല.
Read Moreകൊച്ചിയിൽ എംഡിഎംഎയുമായി യുവാക്കള് പിടിയിലായ കേസ്; ഒന്നാം പ്രതിക്കായി അന്വേഷണം ഊര്ജിതം
കൊച്ചി: എംഡിഎംഎയുമായി യുവാക്കള് പിടിയിലായ കേസില് ഒന്നാം പ്രതിക്കായി അന്വേഷണം ഊര്ജിതം. കോഴിക്കോട് സ്വദേശിയായ അഫ്സലിനെ കണ്ടെത്തുന്നതിനായാണ് പോലീസ് അന്വേഷണം ആരംഭിച്ചിരിക്കുന്നത്. ഇയാള് മൊബൈല് ഫോണ് ഉപയോഗിക്കാത്തത് പോലീസിനെ പ്രതിസന്ധിയിലാഴ്ത്തിയിരിക്കുകയാണ്. സുഹൃത്തുക്കളുടെയും മറ്റും ഫോണിലൂടെയാണ് സംഘം ഇടപാടുകാരുമായി ബന്ധപ്പെടുന്നത്. കേസുമായി ബന്ധപ്പെട്ട് വെണ്ണലയില് വാടകയ്ക്ക് താമസിക്കുന്ന കണ്ണൂര് മയ്യില് കണ്ടക്ക റോഡില് നജില മന്സിലില് ജുനൈദ് (25), കളമശേരിയില് വാടകയ്ക്ക് താമസിക്കുന്ന വെങ്ങോല മാങ്ങാടന് തൈക്കാവിന് സമീപം കാട്ടൊലിപറമ്പില് അന്സില്(27) എന്നിവരെയാണ് എറണാകുളം നോര്ത്ത് പോലീസ് കഴിഞ്ഞ ദിവസം പിടികൂടിയത്. 78.59 ഗ്രാം എംഡിഎംഎ കൈവശം വച്ചതിന് അറസ്റ്റിലായ കേസിലെ പ്രതി ടില്ലു തോമസിനെ ചോദ്യം ചെയ്തതില് നിന്നാണ് ഇവരെക്കുറിച്ച് വിവരം ലഭിച്ചത്. ബംഗളൂരുവില്നിന്ന് വന്തോതില് മയക്കുമരുന്ന് കൊച്ചിയിലെത്തിച്ച് വില്പന നടത്തുന്ന മാഫിയ സംഘത്തിലെ കണ്ണികളാണ് ഇവര്. പ്രതികളെ ഇന്നു കോടതിയില് ഹാജരാക്കും.
Read Moreകോളജ് ദിനാഘോഷത്തിൽ തുറന്ന ജീപ്പിൽ നിയമവിരുദ്ധ റെയ്സിംഗ്; നാട്ടുകാരുമായി കയ്യാങ്കളി; കോതമംഗലത്തെ സംഭവം ഇങ്ങനെ…
കോതമംഗലം: കോളജ് ദിനാഘോഷത്തിൽ നിയമവിരുദ്ധമായി തുറന്ന ജീപ്പിൽ റെയ്സിംഗ് നടത്തി അപകടം സൃഷ്ടിച്ച സംഭവത്തിൽ പിടിയിലാകാനുള്ള ആറ് പേർക്കായി പോലീസ് അന്വേഷണം. എട്ട് കോളജ് വിദ്യാർഥികൾക്കെതിരേ നരഹത്യാശ്രമത്തിനാണ് കോതമംഗലം പോലീസ് കേസെടുത്തിട്ടുള്ളത്. ഇതിൽ രണ്ടുപേരെ ഇന്നലെ അറസ്റ്റ് ചെയ്തിരുന്നു. റെയ്സിംഗിനിടെ ജീപ്പിടിച്ച് കാൽനടയാത്രക്കാരിയായ പെണ്കുട്ടിക്കു പരിക്കേറ്റിരുന്നു. നെല്ലിക്കുഴി ഇന്ദിരാഗാന്ധി കോളജിലെ വിദ്യാർഥികൾക്കെതിരെയാണ് പോലീസ് കേസെടുത്തത്. ഇന്നലെ വൈകുന്നേരം അഞ്ചോടെയാണ് വിദ്യാർഥികൾ തുറന്ന ജീപ്പിൽ കാന്പസിലും പരിസര റോഡുകളിലും റെയ്സ് നടത്തി ഭീകരാന്തരീക്ഷം സൃഷ്ടിക്കുകയായിരുന്നു. ഇതിനിടെയാണ് സമീപവാസിയായ പെണ്കുട്ടിക്ക് ജീപ്പിടിച്ച് പരിക്കേറ്റത്. ഇത് നാട്ടുകാർ ചോദ്യം ചെയ്തതോടെയുണ്ടായ വാക്കേറ്റം കൈയാങ്കളിയിൽ കലാശിച്ചു. സംഭവമറിഞ്ഞ് വൻ പോലീസ് സംഘം സ്ഥലത്തെത്തി. കോതമംഗലം പോലീസ് ഇൻസ്പെക്ടർ പി.ടി. ബിജോയി, എസ്ഐമാരായ ആതിര പവിത്രൻ, സി.പി. രാധാകൃഷ്ണൻ, വി.വി. എൽദോസ്, എഎസ്ഐമാരായ കെ.എം. സലീം, ഷാൽവി അഗസ്റ്റിൻ, സിപിഒമാരായ എം.കെ ഷിയാസ്, സനൽകുമാർ…
Read Moreഅവസാനിക്കാതെ ജീമോന്റെ ദുരിതങ്ങൾ; ഓടയിലെ മലിനജലം കയറി വീട് വെള്ളത്തിൽ
കോട്ടയം: ഓടയിലെ വെള്ളം ഇരച്ചുകയറി അതിരന്പുഴ സ്വദേശി ജീമോൻ ജോർജിന്റെ വീട് വെള്ളത്തിലായി. ഇന്നലെ അർധരാത്രിയിൽ പെയ്ത ശക്തമായ മഴയെത്തുടർന്നാണ് വെള്ളപ്പാച്ചിലുണ്ടായത്. ജീമോന്റെ വീട്ടിൽ അരയടിയോളം വെള്ളം നിറഞ്ഞു. വീട്ടുകാർ ഉറങ്ങിക്കിടക്കുന്പോഴാണ് വീട്ടിൽ വെള്ളം ഇരച്ചുകയറിയത്. ഫയർഫോഴ്സ് എത്തിയാണ് ജീമോന്റെ കിടപ്പുരോഗിയായ അമ്മ അന്നമ്മയെ (68) പുറത്തെത്തിച്ചത്. ഓടയുടെ അശാസ്ത്രിയമായ നിർമാണമാണ് വെള്ളം വീട്ടിലേക്കു കയറാൻ ഇടയാക്കുന്നത്. അതിരമ്പുഴ-യൂണിവേഴ്സിറ്റി റോഡിന്റെ അരികിലാണ് ജീമോന്റെ വീട്. റോഡ് ഉയർത്തിയപ്പോൾ ഓട ഉയർത്തിക്കെട്ടിയില്ല. ഇതോടെ റോഡിലെ വെള്ളം വീട്ടിലേക്കു കയറാൻ തുടങ്ങി. മലിനജലത്തിൽ തെന്നിവീണാണ് അന്നമ്മ കിടപ്പിലായത്. രണ്ട് കാലും ഒടിഞ്ഞ് പരസഹായമില്ലാതെ നടക്കാൻ കഴിയാത്ത അവസ്ഥയിലാണ്. സ്ഥിരമായി മലിനജലം കയറുന്നതോടെ ഇവരുടെ കിണറ്റിലും മാലിന്യം കലർന്നിരുന്നു. നേരത്തെ റോഡിന് ഓടയില്ലാതിരുന്നപ്പോഴും സമാന അവസ്ഥയായിരുന്നു. ദുരിതമേറിയതോടെ പഞ്ചായത്തിലും പിഡബ്ല്യുഡി, കളക്ടർ, ആർഡിഒ തുടങ്ങിയവർക്കു പരാതി നൽകിയിരുന്നു. തുടർന്ന് സബ്കളക്ടറുടെ ഉത്തരവിന്റെ…
Read Moreകണ്ണൂരിൽ പോലീസിനെ വെടിവച്ച കേസ്; ആത്മരക്ഷാർഥം വെടിവച്ചതെന്ന് പ്രതിയുടെ ഭാര്യ
കണ്ണൂർ: ആത്മരക്ഷാർഥം ഒരു തവണ മുകളിലേക്കാണ് വെടിവെച്ചതെന്ന് പ്രതിബാബു ഉമ്മൻ തോമസിന്റെ ഭാര്യ ലിൻഡ പറഞ്ഞു. ബഹളം കേട്ടപ്പോൾ ഇന്നലെ രാത്രി വീടിനുനേരെ അക്രമം എന്നാണ് കരുതിയത്. ഗ്ലാസ് തകർന്ന ശബ്ദം കേട്ട് കാർ തകർത്തതായി ആദ്യം തോന്നി. ജനൽ ചില്ലുകളും ആരോ കല്ലെടുത്ത് എറിഞ്ഞ് തകർത്തു. നായ്ക്കൾ ശബ്ദത്തിൽ കുരയ്ക്കുന്നുമുണ്ടായിരുന്നു. പോലീസ് ആണെന്ന് വിളിച്ച് പറയുന്നുണ്ടായിരുന്നു. എന്നാൽ പോലീസ് കല്ലെറിയില്ലല്ലോ. കല്ലേറ് എന്ന് കരുതി ബാബു ഉമ്മൻ തോമസ് രക്ഷപ്പെടാനാണ് വെടി പൊട്ടിച്ചതെന്ന് ഭാര്യ ലിൻഡ പറഞ്ഞു. മതിലിന്റെ മുകളിൽ കൂടിയാണ് പോലീസ് രണ്ടാം നിലയിലേക്ക് കയറിയത്. പട്ടിയുള്ളത് കൊണ്ടാണ് അങ്ങനെ ചെയ്തതെന്നാണ് പോലീസ് പറഞ്ഞത്. അപ്പോൾ താഴെ വന്നാൽ വാതിൽ തുറക്കാമെന്ന് ബാബു പറഞ്ഞെന്നും വാതിൽ തുറന്നയുടനെ ബാബുവിനെ പോലീസ് അടിച്ച് നിലത്തിട്ടെന്നും ലിൻഡ പറഞ്ഞു. പോലീസ് മാത്രമല്ല മുണ്ട് ഉടുത്ത കുറെ ഗുണ്ടകളും…
Read Moreനിലവിളികേട്ട് ഓടിയെത്തിയ വീട്ടുകാർ കണ്ടത് സെപ്റ്റിക് ടാങ്കിൽ അകപ്പെട്ട വയോധികയെ; രക്ഷകരായി ഫയർഫോഴ്സ്
പേരൂർക്കട: സെപ്റ്റിക് ടാങ്കിനുള്ളിൽ അകപ്പെട്ട വയോധികയെ ഫയർഫോഴ്സ് സംഘം എത്തി രക്ഷപ്പെടുത്തി.മണ്ണന്തല സ്റ്റേഷൻ പരിധിയിൽ കേരളാദിത്യപുരം വെങ്കുളം ചിറക്കോട്ടുകോണം തിരുവോണം വീട്ടിൽ വത്സലയാണ് (65) വീട്ടുമുറ്റത്തെ 15 അടിയോളം താഴ്ചയുള്ള സെപ്റ്റിക് ടാങ്കിൽ അകപ്പെട്ടത് ഇന്ന് രാവിലെ 8.30നായിരുന്നു സംഭവം. തുടർച്ചയായുള്ള മഴയിൽ സെപ്റ്റിക് ടാങ്കിന്റെ മൂടി ദ്രവിച്ച് ഇളകിയിരിക്കുകയായിരുന്നു.ഈ ഭാഗത്ത് ചവിട്ടിയപ്പോഴാണ് ഉള്ളിലേക്ക് വീണത്. നിലവിളികേട്ട് വീട്ടിലുള്ളവർ സ്ഥലത്തെത്തുകയും ഫയർഫോഴ്സിൽ വിവരമറിയിക്കുകയുമായിരുന്നു. തിരുവനന്തപുരം ഫയർ സ്റ്റേഷൻ ഓഫീസിൽ നിന്ന് ഗ്രേഡ് എ.എസ്.ടി.ഒ അജിത്ത് കുമാറിന്റെ നേതൃത്വത്തിൽ സ്പെഷൽ ടാസ്ക് ഫോഴ്സിലെ ഫയർ ആൻഡ് റെസ്ക്യൂ ഓഫീസർ രതീഷാണ് 15 മിനിറ്റോളം പരിശ്രമിച്ച് വയോധികയെ പുറത്തെത്തിച്ചത്. വീഴ്ചയിൽ നിസാര പരിക്കേറ്റ വത്സലയെ വീട്ടുകാർ തന്നെ ആശുപത്രിയിൽ എത്തിച്ച് പ്രാഥമിക ചികിത്സ നൽകുകയായിരുന്നു.
Read Moreമകനെ അന്വേഷിച്ച് വീട്ടിലെത്തിയ പോലീസിന് നേരെ വെടിവച്ചു; പിതാവ് അറസ്റ്റിൽ
കണ്ണൂർ: വധശ്രമക്കേസ് അന്വേഷിക്കാൻ വീട്ടിലെത്തിയ എസ്ഐക്കും പോലീസുകാർക്കും നേരേ വെടിവയ്പ് നടത്തിയ സംഭവത്തിൽ പ്രതി അറസ്റ്റിൽ. ചിറയ്ക്കൽ ചിറയ്ക്കു സമീപം ലേക്ക് സ്ട്രീറ്റ് വില്ലയിലെ ബാബു ഉമ്മൻ തോമസ് (71) നെയാണ് വളപട്ടണം പോലീസ് അറസ്റ്റ് ചെയ്തത്. ഇന്നലെ രാത്രി പത്തോടെയാണ് സംഭവം. ഇയാളുടെ മകൻ റോഷൻ പ്രതിയായ വധശ്രമക്കേസ് അന്വേഷണത്തിന് എത്തിയതായിരുന്നു വളപട്ടണം സ്റ്റേഷനിലെ എസ്ഐ നിധിനും സംഘവും. റോഷനെ അന്വേഷിച്ചപ്പോൾ പ്രകോപിതനായ പ്രതി റിവോൾവർ ഉപയോഗിച്ച് പോലീസിന് നേരെ വെടിവയ്ക്കുകയായിരുന്നെന്ന് പോലീസ് പറഞ്ഞു. ഒഴിഞ്ഞ് മാറിയതിനാലാണ് പോലീസുകാർ പരിക്കേൽക്കാതെ രക്ഷപ്പെട്ടത്. മൂന്ന് തവണ പോലീസിനുനേരെ പ്രതി വെടിയുതിർത്തെന്ന് പോലീസ് പറഞ്ഞു. പോലീസ് പറയുന്നത് ഇങ്ങനെ; രണ്ട് സബ് ഇൻസ്പെക്ടര്മാരുടെ നേതൃത്വത്തില് ആറ് പോലീസുകാരാണ് പ്രതിയെ അറസ്റ്റ് ചെയ്യാനെത്തിയത്. വീടിന്റെ മുന്നിൽ എത്തിയപ്പോൾ ബാബു ഉമ്മൻ പോലീസിനെ കണ്ട് വാതിൽ അടയ്ക്കുകയായിരുന്നു. വളപട്ടണം സ്റ്റേഷനിൽ നിന്നാണെന്നും…
Read Moreകളമശേരിയിലെ ബോംബ് സ്ഫോടനം; ലിബ്നയുടെ ഭൗതിക ശരീരം ഏറ്റുവാങ്ങി ബന്ധുക്കൾ;സംസ്കാരം ഇന്ന്
കളമശേരി: കളമശേരി സാമ്ര കൺവൻഷൻ സെന്ററിൽ യഹോവയുടെ സാക്ഷികളുടെ സമ്മേളനത്തിനിടെ ബോംബ് സ്ഫോടനത്തിൽ മരിച്ച ലിബ്ന(12) യുടെ സംസ്കാരം ഇന്നു നടക്കും. കൊരട്ടിയിൽ യഹോവയുടെ സാക്ഷികളുടെ സെമിത്തേരിയിലായിരിക്കും സംസ്കാരം നടക്കുക. കടുവൻകുഴി പ്രദീപന്റ് മകളാണ് ലിബ്ന. കഴിഞ്ഞ തിങ്കളാഴ്ചയാണു ലിബ്നയുടെ മരണം സ്ഥിരീകരിച്ചത്. ലിബ്നയുടെ മാതാവ് സാലിയും (റീന) മൂത്ത സഹോദരൻ പ്രവീണും ഇപ്പോഴും ഗുരുതരാവസ്ഥയിൽ ചികിത്സയിലാണ്. ലിബ്നയുടെ ഭൗതിക ശരീരം ഇന്നു രാവിലെയാണ് ബന്ധുക്കൾക്ക് വിട്ടുകൊടുത്തത്. ജില്ലാ കളക്ടറെ പ്രതിനിധീകരിച്ച് എറണാകുളം മെഡിക്കൽ കോളജ് ആശുപത്രി സൂപ്രണ്ട് ഡോ. ഗണേഷ് മോഹൻ ആദരാഞ്ജലി അർപ്പിച്ചു.
Read Moreകൽപ്പാത്തി രഥോത്സവം; തേരിന്റെ അറ്റകുറ്റപ്പണികൾ മൂന്നാം തലമുറയിലേക്ക്
ജോസ് ചാലയ്ക്കൽ പാലക്കാട്: കൽപ്പാത്തി തേരിന്റെ അറ്റകുറ്റപ്പണികൾ മൂന്നാം തലമുറയിലേക്ക് എത്തി നിൽക്കുമ്പോൾ നാലു പതിറ്റാണ്ടിന്റെ പാരമ്പര്യമാണ് മൂന്നാം തലമുറയിലെ പുത്തൂർ നടരാജന് പറയാനുള്ളത്. മുത്തച്ഛൻ തുടങ്ങിവച്ച ഈ ജോലി ഒരു പുണ്യ പ്രവൃത്തി കൂടിയാണെന്ന ചിന്തയിലാണ് ചെയ്യുന്നതെന്ന് നടരാജൻ പറഞ്ഞു.മുത്തച്ഛൻ കുഞ്ചു ആശാരി, അച്ഛൻ വിശ്വനാഥൻ എന്നിവരാണ് മുൻ തലമുറക്കാർ. ഓരോ വർഷവും കൽപ്പാത്തി തേര് ഉത്സവം കഴിഞ്ഞാൽ തേര് മൂടിയിടും. പിന്നെ അടുത്ത വർഷം രഥോത്സവത്തിനേ തുറക്കുള്ളൂ.ആ സമയത്ത് ചക്രങ്ങളുടെ ചാഴിയാണിയിൽ ഗ്രീസിടുക, ഇളകിയ നട്ടും ബോൾട്ടും മുറുക്കുക, കൊത്തുപണികൾ പരിശോധിച്ച് കേടുപാടുകൾ തീർക്കുക തുടങ്ങിയവയാണ് ചെയ്യുക. ഈ മാസം 14 മുതൽ 16 വരെ തീയതികളിലാണ് കൽപ്പാത്തി രഥോത്സവം. എട്ടിന് ഉത്സവത്തിനു കൊടിയേറും.
Read More