ആര്യങ്കാവ്: ആര്യങ്കാവ് എക്സൈസ് ചെക്ക്പോസ്റ്റില് അധികൃതര് നടത്തിയ വാഹന പരിശോധനയ്ക്കിടെ എഴുകിലോ കഞ്ചാവുമായി ഒരാളെ പിടികൂടിയ സംഭവത്തില് അന്വേഷണം ഊര്ജിതമാക്കി എക്സൈസ്. കഴിഞ്ഞ ദിവസമാണ് ആര്യങ്കാവ് എക്സൈസ് ചെക്ക് പോസ്റ്റില് വാഹന പരിശോധനയ്ക്കിടെ കോഴഞ്ചേരി വള്ളിക്കോട് വാഴമുട്ടം കിഴക്ക് പാലയ്ക്കല് ഹൗസില് അനില്കുമാര് എന്ന വിഷ്ണു (28) പിടിയിലായത്. രാവിലെ പത്തരയോടെ തെങ്കാശി കൊട്ടാരക്കര സര്വീസ് നടത്തുന്ന തിമിഴ്നാട് സര്ക്കാര് ബസില് നിന്നുമാണ് അനില്കുമാര് പിടിയിലായത്. ബാഗില് ഒളിപ്പിച്ച നിലയില് കടത്താന് ശ്രമിച്ച കഞ്ചാവാണ് പിടികൂടിയത്. തെങ്കാശിയില്നിന്നു പത്തനംതിട്ടയിലേക്ക് കടത്താന് ശ്രമിക്കുകയായിരുന്നു. കഞ്ചാവ് ആര്ക്കുവേണ്ടിയാണ് കടത്തിയതെന്നതടക്കം വിവരങ്ങള് ലഭിച്ചതായും അന്തര്സംസ്ഥാന കഞ്ചാവ് കടത്ത് സംഘത്തിലെ പ്രധാനിയാണ് പിടിയിലായ വിഷ്ണു എന്നും എക്സൈസ് സംഘം പറയുന്നു. ചെക്ക്പോസ്റ്റിലെ പരിശോധന കൂടുതൽ ശക്തമാക്കുമെന്നും കേസില് കൂടുതല് ആളുകള് പിടിയിലാകുമെന്ന സൂചനയും അധികൃതര് നല്കി. എക്സൈസ് സർക്കിൾ ഇൻസ്പെക്ടർ എസ്. ഷിജു,…
Read MoreCategory: Edition News
കവ്വായിയില് ഊരുവിലക്കിന് പുറമെ വീടുകയറി ഭീഷണി; കളക്ടര്ക്ക് പരാതി നൽകി
പയ്യന്നൂര്: പയ്യന്നൂര് കവ്വായിയിലെ ഊരുവിലക്കിനെതിരേ ജില്ലാ കളക്ടര്ക്ക് പരാതി നല്കി. പ്രദേശത്തെ ചില കുടംബങ്ങള്ക്കെതിരേ നടപ്പാക്കുന്ന അപ്രഖ്യാപിത ഊരുവിലക്കിനും രാത്രികളില് വീടുകളില് കയറിയുള്ള ഭീഷണിക്കുമെതിരേയാണ് കവ്വായിയിലെ മാടാച്ചേരി പ്രേമന് ജില്ലാ കളക്ടര്ക്ക് പരാതി നല്കിയത്. കവ്വായിയിലെ കതിവന്നൂര് വീരന് ക്ഷേത്രത്തിലെ മുന് കമ്മിറ്റിയിലെ ഒരാള് നടത്തിയ സാമ്പത്തിക തിരിമറിക്കെതിരേ നിയമ നടപടി സ്വീകരിച്ച കമ്മിറ്റിയിലെ ആറുപേരുടെ കുടുംബങ്ങള്ക്കെതിരേയാണ് ചിലര് വ്യക്തിവിരോധം തീര്ക്കാനുള്ള നടപടികളുമായി മുന്നോട്ടു പോകുന്നതെന്ന് പരാതിയിലുണ്ട്. കൂടാതെ ചിലര് സംഘം ചേര്ന്ന് രാത്രികാലങ്ങളില് വീടുകളിലെത്തി ഭീഷണിപ്പെടുത്തുന്നതിനാല് സ്ത്രീകളും കുട്ടികളുമുള്പ്പെടെ ഭയന്നാണ് കഴിയുന്നതെന്നും ഊരുവിലക്കുള്പ്പെടെ നിര്ത്തുന്നതിനുള്ള നടപടികളെടുക്കണമെന്നുമാണ് ജില്ലാ കളക്ടര്ക്ക് നല്കിയ പരാതിയിലെ ആവശ്യം. ക്ഷേത്രത്തിലെ സാമ്പത്തിക തിരിമറിക്കെതിരേ നിയമ നടപടി സ്വീകരിച്ചതിന്റെ പേരില് കമ്മിറ്റിയിലെ മറ്റംഗങ്ങള്ക്കെതിരേ ഊരുവിലക്ക് കല്പ്പിച്ച സംഭവം കഴിഞ്ഞ ദിവസം രാഷ്ട്രദീപിക റിപ്പോര്ട്ടു ചെയ്തിരുന്നു. ഉറ്റവരുടെ മരണാനന്തര കര്മങ്ങള് ചെയ്യുന്നതിൽ പോലും തടസം…
Read Moreകരുവന്നൂർ കേസിൽ തൃശൂർ ജില്ല സഹകരണബാങ്ക് സെക്രട്ടറിയെ ഇഡി ചോദ്യംചെയ്യും; എം.കെ. കണ്ണന് വെള്ളിയാഴ്ച വീണ്ടും ഹാജരാകണം
കൊച്ചി,തൃശൂർ: കരുവന്നൂര് ബാങ്ക് തട്ടിപ്പിലെ കള്ളപ്പണക്കേസില് തൃശൂര് ജില്ലാ സഹകരണ ബാങ്ക് സെക്രട്ടറി ബിനു അടക്കമുള്ളവരെ എന്ഫോഴ്സ്മെന്റ് ഡയറക്ടറേറ്റ് (ഇഡി) ഇന്ന് ചോദ്യം ചെയ്തേക്കും. ബാങ്കിലെ സംശകരമായ പണമിടപാടുകളുടെ രേഖകള് ഇഡിക്ക് ലഭിച്ചിരുന്നു. കേസിലെ മുഖ്യ പ്രതി സതീഷ് കുമാര് നടത്തിയ ഇടപാടുകളെ സംബന്ധിച്ചും ഇഡിക്ക് വിവരം ലഭിച്ചിട്ടുണ്ട്. ഇതിന്റെ അടിസ്ഥാനത്തിലുള്ള വിവരങ്ങളാണ് ബിനു അടക്കമുള്ളവരില്നിന്ന് തേടുന്നത്. ജില്ലയിൽ ഇഡി ബാങ്കുകളിൽ പരിശോധന നടത്തിയപ്പോൾ തൃശൂർ ജില്ല സഹകരണ ബാങ്കിലും പരിശോധന നടത്തിയിരുന്നു. 17 മണിക്കൂറോളം നീണ്ട അന്നത്തെ പരിശോധനയിൽ നിരവധി ഫയലുകൾ ഇഡി പരിശോധിക്കുകയും കൊണ്ടുപോവുകയും ചെയ്തിരുന്നു. തൃശൂര് സഹകരണ ബാങ്ക് പ്രസിഡന്റും സിപിഎം സംസ്ഥാന കമ്മിറ്റിയംഗവുമായ എം.കെ.കണ്ണനെ ഇഡി ഇന്നലെ ഏഴു മണിക്കൂര് ചോദ്യം ചെയ്തിരുന്നു. തൃശൂര് കോ ഓപ്പറേറ്റീവ് ബാങ്കിലാണ് കരുവന്നൂര് കേസിലെ മുഖ്യപ്രതി അറസ്റ്റിലായ പി.സതീഷ് കുമാര് മിക്ക ഇടപാടും നടത്തിയിട്ടുള്ളതെന്നതിനാലാണ്…
Read Moreയുവനടിക്കെതിരേ സോഷ്യൽ മീഡിയയിൽ അധിക്ഷേപം; പട്ടാമ്പിക്കാരനെതിരെ പോലീസ് കേസ്
കൊയിലാണ്ടി: മലയാള സിനിമയിലെ പ്രമുഖ യുവനടി കൊയിലാണ്ടി കോടതിയില് ഹാജരായി മൊഴി നല്കി. സോഷ്യല് മീഡിയയില് തന്നെ പിന്തുടര്ന്ന് ശല്യപ്പെടുത്തുകയും അധിക്ഷേപിക്കുകയും ചെയ്തുവെന്ന കേസിലാണ് കൊയിലാണ്ടി കോടതിയില് മൊഴി നല്കിയത്. വാട്ട്സാപ്പിലും മെസഞ്ചറിലും നേരിട്ടുമെല്ലാമായി നിരന്തരം മെസേജ് അയച്ച് തന്നെ ശല്യപ്പെടുത്തുകയും ഫേസ്ബുക്ക് ലൈവില് വന്ന് കുടുംബത്തെ ഉള്പ്പെടെ പരസ്യമായി അധിക്ഷേപിക്കുകയും ചെയ്തതിനെതിരേ നടി എലത്തൂര് പോലീസില്നല്കിയ കേസിലാണ് കോടതിയില് എത്തി മൊഴി രേഖപ്പെടുത്തിയത്.’ പട്ടാമ്പി സ്വദേശി കിഷോറാണ് നടിയ്ക്കും കുടുംബത്തിനും നിരന്തരം ശല്യം ചെയ്ത് മെസേജ് അയയ്ക്കുകയും ഫേസ്ബുക്കില് അധിക്ഷേപിക്കുകയും ചെയ്തത്. ഇന്ത്യന് ശിക്ഷാ നിയമത്തിലെ 354 (ഡി), കേരള പോലീസ് ആക്റ്റിലെ 120 (ഒ) എന്നീ വകുപ്പുകള് പ്രകാരമാണ് എലത്തുര് പൊലീസ് കേസ് രജിസ്റ്റര് ചെയ്തത്. കോഴിക്കോട് സ്വദേശിയാണ് യുവനടി.
Read Moreപത്തനംതിട്ട സഹകരണ ബാങ്ക് തെരഞ്ഞെടുപ്പ്; എസ്എഫ്ഐ ജില്ലാ സെക്രട്ടറി അഞ്ചുതവണ വോട്ടു ചെയ്യുന്ന ദൃശ്യങ്ങൾ പുറത്ത്; ഭരണം കിട്ടിയത് യുഡിഎഫിന്
പത്തനംതിട്ട: സര്വീസ് സഹകരണ ബാങ്ക് ഭരണം പിടിക്കാന് എസ്എഫ്ഐ ജില്ലാ ഭാരവാഹികള് ഉള്പ്പെടെ കള്ളവോട്ട് രേഖപ്പെടുത്തുന്ന ദൃശ്യങ്ങള് പുറത്തുവന്നതോടെ വെട്ടിലായി സിപിഎം. കള്ളവോട്ട് ആരോപണത്തിൽ അകപ്പെട്ടെന്നു മാത്രമല്ല, ബാങ്ക് ഭരണം പിടിക്കാന് സിപിഎമ്മിനു കഴിഞ്ഞതുമില്ല. ഭരണസമിതിയിലെ ഒന്നൊഴികെ എല്ലാ സീറ്റിലും യുഡിഎഫാണ് വിജയിച്ചത്. എല്ഡിഎഫ് പാനലിൽ ജയിച്ച ഒരാൾ അജിത് കുമാർ ആണ്. ഇദ്ദേഹമാകട്ടെ മുമ്പ് കോണ്ഗ്രസ് പ്രവര്ത്തകനായിരുന്നു.വര്ഷങ്ങളായി യുഡിഎഫ് ആണ് പത്തനംതിട്ട സഹകരണ ബാങ്ക് ഭരിക്കുന്നത്. ഞായറാഴ്ച നടന്ന ബാങ്ക് വോട്ടെടുപ്പുമായി ബന്ധപ്പെട്ടു വ്യാപകമായ കള്ളവോട്ട് ആരോപണം ഉയര്ന്നിരുന്നു. എല്ഡിഎഫും യുഡിഎഫും പരസ്പരം കള്ളവോട്ട് ആരോപണം ഉന്നയിച്ചിരുന്നെങ്കിലും എസ്എഫ്ഐ ജില്ലാ സെക്രട്ടറി അടക്കം കള്ളവോട്ട് ചെയ്യുന്ന ദൃശ്യങ്ങളാണ് ഇന്നലെ പുറത്തുവന്നത്. തിരുവല്ല സ്വദേശിയും എസ്എഫ്ഐ ജില്ലാ സെക്രട്ടറിയുമായ കെ.എസ്. അമല് അഞ്ചുതവണ പോളിംഗ് ബൂത്തില് പ്രവേശിച്ചു വോട്ടു ചെയ്യുന്ന ദൃശ്യങ്ങൾ പുറത്തുവന്നതിലുണ്ട്. പെരിങ്ങനാട്, കൊടുമണ്, മല്ലപ്പള്ളി…
Read Moreജുവനൈല് ഹോമില് നിന്ന് കാണാതായ കുട്ടിയെ കണ്ടെത്തി
കോഴിക്കോട് വെള്ളിമാടുകുന്ന് ജുവനൈല് ഹോമില് നിന്നും കാണാതായ കുട്ടിയെ കണ്ടെത്തി. ഉത്തര്പ്രദേശ് സ്വദേശിയായ പതിനാറുകാരനെയാണ് കാണാതായത്. ഇന്നലെ വൈകിട്ടാണ് സംസാര ശേഷിയില്ലാത്ത കുട്ടിയെ കാണാതായത്. സംഭവത്തിൽ ചേവായൂര് പൊലീസ് കേസെടുത്ത് അന്വേഷണം നടത്തി വരികയായിരുന്നു. പാലക്കാട് നിന്നാണ് കുട്ടിയെ കണ്ടെത്തിയത്. ചേവായൂര് പൊലീസ് പാലക്കാട്ടേക്ക് തിരിച്ചു. ഇതിനു മുൻപ് പല തവണ ജുവനൈല് ഹോമിലെ അന്തേവാസികള് ചാടി പോയിട്ടുണ്ട്.
Read Moreവിമാന ടിക്കറ്റിന് 50 ലക്ഷത്തിന്റെ ഇൻഷ്വറൻസുമായി ഐആർസിടിസി
എസ്.ആർ.സുധീർ കുമാർകൊല്ലം: ഇന്ത്യൻ റെയിൽവേ കാറ്ററിംഗ് ആൻഡ് ടൂറിസം കോർപറേഷൻ ലിമിറ്റഡിന്റെ (ഐആർസിറ്റിസി) പോർട്ടൽ വഴി ബുക്ക് ചെയ്യുന്ന ഓരോ വിമാന ടിക്കറ്റിനും 50 ലക്ഷം രൂപയുടെ യാത്രാ ഇൻഷ്വറൻസ്. കോർപറേഷന്റെ മൂല്യവർധിത സേവനം എന്ന നിലയിലാണ് ഇത് ഏർപ്പെടുത്തിയിരിക്കുന്നതെന്ന് ജോയിന്റ് ജനറൽ മാനേജർ ( ടൂറിസം )പി. സാം ജോസഫ് വ്യക്തമാക്കി. ഐആർസിടിസി എയർ എന്ന ആപ്പ് മുഖേന പ്രതിരോധ മേഖലയിൽ ജോലി ചെയ്യുന്നവർക്ക് പ്രത്യേക വിമാന ടിക്കറ്റും സർക്കാർ ജീവനക്കാരുടെ അവധി യാത്ര ആനുകൂല്യ ( എൽടിസി) ടിക്കറ്റുകളും ലഭ്യമാണ്. ഐആർസിടിസിയുടെ 24-ാം വാർഷിക ആഘോഷത്തിന്റെയും ടൂറിസം ദിനാചരണത്തിന്റെയും ഭാഗമായി ഇന്നു മുതൽ 27 വരെ ബുക്ക് ചെയ്യുന്ന വിമാന ടിക്കറ്റുകൾക്ക് പ്രത്യേക ഇളവും കോർപറേഷൻ പ്രഖ്യാപിച്ചിട്ടുണ്ട്. ഈ ദിവസങ്ങളിൽ www.air.irctc.com എന്ന വെബ്സൈറ്റ് വഴിയോ മൊബൈൽ ആപ്പ് വഴിയോ ബുക്ക് ചെയ്യുന്ന വിമാന…
Read Moreലോക്സഭ തെരഞ്ഞെടുപ്പ്: കോട്ടയത്തിനു പുറമേ രണ്ടു സീറ്റുകള് വേണം; ഇടതുമുന്നണിയില് സമ്മര്ദം ശക്തമാക്കാന് കേരള കോണ്ഗ്രസ്-എം
സ്വന്തം ലേഖകന്കോട്ടയം: ലോക്സഭ തെരഞ്ഞെടുപ്പില് കോട്ടയം സിറ്റിംഗ് സീറ്റിനു പുറമേ രണ്ടു സീറ്റുകള് കൂടി ആവശ്യപ്പെടാനും ഈ ആവശ്യമുന്നയിച്ച് ഇടതു മുന്നണിയില് സമ്മര്ദം ശക്തമാക്കാനും കേരള കോണ്ഗ്രസ് എം ഉന്നതാധികാര സമിതിയോഗം. ഇന്നലെ കോട്ടയത്ത് കേരള കോണ്ഗ്രസ് എം സംസ്ഥാന കമ്മിറ്റി ഓഫീസില് നടന്ന യോഗത്തിലാണ് ഈ ആവശ്യമുയര്ന്നത്.കേരള കോണ്ഗ്രസ് എം പാര്ട്ടിയുടെ സ്വാധീന മേഖലകളിലാണ് കൂടുതല് സീറ്റുകള് ചോദിക്കുന്നത്. ഇക്കാര്യം എല്ഡിഎഫില് ചര്ച്ച വരുമ്പോള് ആവശ്യപ്പെടുമെന്ന് പാര്ട്ടി ചെയര്മാന് ജോസ് കെ.മാണി യോഗത്തിനു ശേഷം പറഞ്ഞു. നിലവിലെ സിറ്റിംഗ് സീറ്റായ കോട്ടയത്തിനു പുറമേ പത്തനംതിട്ട, ഇടുക്കി, ചാലക്കുടി, വടകര സീറ്റുകളില് ഒരെണ്ണത്തിനു കൂടിയാണ് അവകാശവാദം ഉന്നയിക്കുന്നത്. ഇതില് പത്തനംതിട്ടയും ഇടുക്കിയും വേണമെന്ന ഉറച്ച നിലപാടിലാണ് പാര്ട്ടി. ലോക്സഭ തെരഞ്ഞെടുപ്പ് ഉടന് നടക്കാന് സാധ്യതയുള്ളതിനാല് കഴിഞ്ഞയാഴ്ച തിരുവനന്തപുരുത്ത് എത്തിയ കേരള കോണ്ഗ്രസ് എം ചെയര്മാന് ജോസ് കെ.മാണിയും…
Read Moreപ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസ്; യുവാവ് അറസ്റ്റില്
പത്തനംതിട്ട: ഫേസ്ബുക്കിലൂടെ പരിചയപ്പെട്ടശേഷം കഴിഞ്ഞ രണ്ടുവര്ഷമായി പ്രായപൂര്ത്തിയാകാത്ത പെണ്കുട്ടിയെ ലൈംഗികമായി പീഡിപ്പിച്ച കേസില് 24 കാരനെ ശ്രമകരമായ ദൗത്യത്തിലൂടെ പോലീസ് പിടികൂടി. കുളത്തൂപ്പുഴ കണ്ടന്ചിറ ഡാലി പി ഓയില് ഓയില്പാം എസ്റ്റേറ്റ് സനല് ഭവനം വീട്ടില് സനലി (24)നെയാണ് കുളത്തൂപ്പുഴ കണ്ടന്ചിറ ഓയില് പാം എസ്റ്റേറ്റ് വനമേഖലയിലെ വാടകവീട്ടില് നിന്നു പോലീസ് ഇന്സ്പെക്ടറുടെ നേതൃത്വത്തില് ഇന്നലെ രാവിലെ സാഹസികമായി കീഴ്പ്പെടുത്തിയത്. പെണ്കുട്ടിയെ പ്രണയം നടിച്ച് ഭീഷണിപ്പെടുത്തി തട്ടിക്കൊണ്ടുപോയി യുവാവ് പീഡിപ്പിക്കുകയായിരുന്നു. തുടര്ന്ന്, കുട്ടിയുടെ നഗ്നചിത്രങ്ങള് ഇന്സ്റ്റഗ്രാമിലൂടെ പ്രചരിപ്പിക്കുകയും ചെയ്തു. ഈ ചിത്രങ്ങള് കാണിച്ച് പിന്നീട് ഭീഷണിപ്പെടുത്തി സ്വര്ണാഭരണങ്ങള് കൈവശപ്പെടുത്തുകയും ചെയ്തതായി പറയുന്നു. പ്രതി കാട്ടിനുള്ളില് ഒളിച്ചിരിപ്പുണ്ടെന്ന് രഹസ്യവിവരം ലഭിച്ചതിനെ തുടര്ന്ന് ഇന്നലെ രാത്രി മുഴുവന് കുളത്തൂപ്പുഴ വനമേഖലയിലെ ഡാലിചതുപ്പ് എന്ന ഭാഗം കേന്ദ്രീകരിച്ച് പോലീസ് സംഘം തെരച്ചില് നടത്തിയിരുന്നു. പോലീസ് എത്തിയതറിഞ്ഞ യുവാവ് നിബിഡ വനത്തിനുള്ളില് ഒളിച്ചു.…
Read Moreപോലീസുകാർ ലഹരി ഉപയോഗിച്ച് ഡ്യൂട്ടിക്കെത്തിയാൽ എട്ടിന്റെ പണി; ഉത്തരവിറക്കി എഡിജിപി
തിരുവനന്തപുരം: മദ്യപിച്ചും ലഹരിവസ്തുക്കൾ ഉപയോഗിച്ചും ഡ്യൂട്ടിക്കെത്തുന്ന പോലീസ് ഉദ്യോഗസ്ഥർക്കെതിരേ കർശന നടപടി സ്വീകരിക്കുമെന്ന് ക്രമസമാധാനപാലനം കൈകാര്യം ചെയ്യുന്ന എഡിജിപി എം.ആർ.അജിത്ത് കുമാർ ഉത്തരവിറക്കി. ഓരോ പോലീസ് സ്റ്റേഷനിലും ഇത്തരത്തിൽ പെരുമാറുന്ന ഉദ്യോഗസ്ഥർക്കെതിരേ എസ്എച്ച്ഒമാരും യൂണിറ്റ് മേധാവിമാരും നടപടി സ്വീകരിക്കണം. മദ്യപിച്ച് ഡ്യൂട്ടിക്ക് വരുന്ന പോലീസ് ഉദ്യോഗസ്ഥരെ പ്രത്യേകം നിരീക്ഷിച്ച് നടപടിയെടുക്കണം. ഇത്തരം സംഭവങ്ങൾ വീണ്ടും ആവർത്തിച്ചാൽ ഉന്നത പോലീസ് ഉദ്യോഗസ്ഥർക്കായിരിക്കും അതിന്റെ ഉത്തരവാദിത്വമെന്നും എഡിജിപിയുടെ ഉത്തരവിൽ വ്യക്തമാക്കുന്നു. ഡ്യൂട്ടി സമയങ്ങളിൽ മദ്യപിച്ച് പോലീസ് ഉദ്യോഗസ്ഥർ ഉണ്ടാക്കുന്ന പ്രശ്നങ്ങൾ വർധിച്ച് വരുന്ന സാഹചര്യത്തിലാണ് എഡിജിപിയുടെ കർശന നിർദേശം.
Read More