വടകര: ലോൺ ആപ്പ് ഓൺലൈൻ തട്ടിപ്പുമായി ബന്ധപ്പെട്ട് കോഴിക്കോട് റൂറൽ ജില്ലയിൽ 40 കേസുകൾ രജിസ്റ്റര് ചെയ്തു നിരവധി പേർ തട്ടിപ്പിനിരയായി. വയനാട്ടിൽ ലോൺ ആപ്പ് വഴിയുള്ള ഓൺലൈൻ തട്ടിപ്പിൽ കുടുങ്ങി കുടുംബം ആത്മഹത്യ ചെയ്ത പാശ്ചാത്തലത്തിലാണ് പോലീസ് അന്വേഷണം ഊർജിതമാക്കിയത്. വടകരയിലെ ഒരു വ്യാപാരി ലോൺ ആപ്പ് ഇൻസ്റ്റാൾ ചെയ്തതിനുശേഷം 5 ശതമാനം പലിശയും സർവ്വീസ് ചാർജും, ടാക്സും അടക്കം 40,000 രൂപ ആദ്യം വേണമെന്ന് ആവശ്യപ്പെട്ട പ്രകാരം നൽകിയിരുന്നു. പിന്നീട് ലോൺ തുക നൽകാതെ വീണ്ടും വീണ്ടും പണം ആവശ്യപ്പെട്ട് ഭീഷണി പെടുത്തി ശല്യം ചെയ്തതോടെയാണ് പരാതി നൽകിയത്. പുതുപ്പണത്തെ ഒരു യുവതിയിൽ നിന്നും 2,12,000 രൂപയും, മറ്റൊരു റിട്ട. അധ്യാപികയിൽനിന്നു ബാങ്കിൽനിന്നു വിളിക്കുന്നതാണെന്ന് പറഞ്ഞ് പാൻകാർഡ് അപ്ലോഡ് ചെയ്യണമെന്ന് ആവശ്യപ്പെട്ട് ഒടിപി കരസ്ഥമാക്കിയ ശേഷം അക്കൗണ്ടിലെ 25,000 രൂപ തട്ടിയെടുത്തു. ഇതേ പോലെ…
Read MoreCategory: Edition News
പണ്ട് ടാക്സി സർവീസ്, ഇപ്പോൾ ‘പാർട്ടി ബിനാമി’ സർവീസ്’ കരുവന്നൂർ ബാങ്ക് തട്ടിപ്പു കേസിൽ അറസ്റ്റിലായ പി.ആർ അരവിന്ദാക്ഷന്റെ ഒരു ചെറിയ മീനില്ല…
തൃശൂര്: ബാങ്ക് തട്ടിപ്പു കേസിൽ ചോദ്യം ചെയ്യുന്നതിനും കസ്റ്റഡിയിലെടുക്കുന്നതിനും അറസ്റ്റിനുമൊക്കെ മുന്പ് സിപിഎം നേതാവ് പി.ആർ. അരവിന്ദാക്ഷന്റെ ഭൂതകാലം ചികഞ്ഞപ്പോൾ ആൾ ഒരു ചെറിയ മീൻ അല്ലെന്ന് ഇഡിക്ക് വ്യക്തമാകുകയായിരുന്നു. ഒരു ചെറു ചൂണ്ടയിൽ കുരുങ്ങില്ല ഈ മീനെന്നും അവർക്കു ബോധ്യപ്പെട്ടു. അരവിന്ദാക്ഷൻ ബിനാമികളുടെ തമ്പുരാനാണെന്ന വിശേഷണമാണ് അന്വേഷണ സംഘത്തിന് ലഭിച്ചത്. കരുവന്നൂര് സഹകരണ ബാങ്ക് തട്ടിപ്പ് കേസില് അറസ്റ്റിലാകുന്ന ആദ്യ പ്രമുഖ സിപിഎം നേതാവാണ് സിപിഎം വടക്കാ ഞ്ചേരി നഗരസഭ കൗണ്സിലര് കൂടിയായ പി.ആർ. അരവിന്ദാക്ഷന്. പണ്ട് വടക്കാഞ്ചേരിയിലും അത്താണിയിലും ടാക്സി കാർ ഓടിച്ചിരുന്ന അരവിന്ദാക്ഷൻ പിന്നീട് സിപിഎമ്മിലെ പ്രമുഖരുടെ ബിനാമി ബിസിനസുകളുടെ സ്റ്റിയറിംഗ് നിയന്ത്രിക്കുന്ന പ്രമുഖനായി. രണ്ട് കരിങ്കൽ ക്വാറികൾ അരവിന്ദാക്ഷന് ഉണ്ടായിരുന്നു. കൂടാതെ ജില്ലയുടെ വിവിധ ഭാഗങ്ങളിൽ ബിനാമി ഇടപാടിൽ ഹോട്ടലുകളും പ്രവർത്തിച്ചിരുന്നു. തൃശൂർ ഗവ. മെഡിക്കൽ കോളജ് ആശുപത്രിക്കടുത്തും അരവിന്ദാക്ഷന് ഒരു…
Read Moreകരുവന്നൂർ ബാങ്ക് തട്ടിപ്പ്; ഇടിവെട്ട് നടപടികളുമായി ഇഡി;‘ഷോക്കേറ്റ്’സിപിഎം; നേതാക്കളെ സംരക്ഷിക്കാൻ സിപിഎം കച്ചമുറുക്കുന്നു
തൃശൂർ: കരുവന്നൂർ ബാങ്ക് തട്ടിപ്പു കേസിൽ സിപിഎം നേതാവ് പി. ആർ. അരവിന്ദാക്ഷനെ എൻഫോഴ്സ്മെന്റ് ഡയറക്ടറേറ്റ് (ഇഡി) സർജിക്കൽ സ്ട്രൈക്ക് വഴി കൊണ്ടുപോയതോടെ ഇനിയെന്ത്, ആരിലേക്ക് എന്ന ആശങ്കയിലാണ് സിപിഎം ജില്ലാ-സംസ്ഥാന നേതൃത്വങ്ങൾ. അരവിന്ദാക്ഷന്റെ അറസ്റ്റ് മുൻകൂട്ടി കാണാനോ മുൻകൂർ ജാമ്യത്തിനുള്ള നടപടികൾ സ്വീകരിക്കാനോ പാർട്ടി നേതൃത്വത്തിന് സാധിച്ചിരുന്നില്ല. ഇന്നലെ നട്ടുച്ചയ്ക്ക് സഖാക്കളുടെ നിരീക്ഷണ വലയം ഭേദിച്ച് അരവിന്ദാക്ഷനെ ഇഡി കൊത്തിയെടുത്തു കൊണ്ടുപോകുകയായിരുന്നു. കൊച്ചിയിൽനിന്ന് ഇഡി സംഘം വടക്കാഞ്ചേരിയിലെ പാർളിക്കാടുള്ള വീട്ടിലെത്തി അരവിന്ദാക്ഷനെ കസ്റ്റഡിയിലെടുത്തത് അറിയാൻ വൈകിയത് വലിയ പാളിച്ചയായാണ് പാർട്ടി നേതൃത്വം കണക്കാക്കുന്നത്. ഇഡിയുടെ അടുത്ത ലക്ഷ്യം എ.സി. മൊയ്തീൻ എംഎൽഎയും സിപിഎം സംസ്ഥാന സമിതി അംഗവും തൃശൂർ സഹകരണ ബാങ്ക് പ്രസിഡന്റുമായ എം.കെ. കണ്ണനുമാണെന്നു സിപിഎം തിരിച്ചറിയുന്നു. അരവിന്ദാക്ഷന്റെ കാര്യത്തിലുണ്ടായ വീഴ്ച ഈ നേതാക്കളുടെ കാര്യത്തിൽ ഉണ്ടാകരുതെന്ന് സംസ്ഥാന നേതൃത്വം കർശന നിലപാടെടുത്തു കഴിഞ്ഞു.…
Read Moreപത്തനംതിട്ട ഓമല്ലൂരിൽ ഫ്ലാറ്റിൽ തീപിടുത്തം; മദ്യലഹരിയിലെത്തിയ മകൻ തീയിട്ടതെന്ന് അമ്മ
പത്തനംതിട്ട ഓമല്ലൂരിൽ ഫ്ലാറ്റിനു തീപിടിച്ചു. ഇന്ന് രാവിലെ 8 മണിയോടെയായിരുന്നു സംഭവം. മദ്യലഹരിയിൽ എത്തിയ മകൻ വീടിന് തീയിട്ടതാണെന്ന് അമ്മ പറഞ്ഞു. ഫയർഫോഴ്സ് എത്തി തീ അണച്ചു. ഫയർഫോഴ്സിന്റെ കൃത്യമായ ഇടപെടൽ മൂലം വൻ ദുരന്തം ഒഴിവായി. മാതാവിനു പൊള്ളലേറ്റു. സംഭവത്തിൽ ഓമല്ലൂർ സ്വദേശി ജുബിനെ പൊലീസ് കസ്റ്റഡിയിലെടുത്തു. ജുബിൻ എറണാകുളത്ത് ജോലി ചെയ്യുകയാണെന്ന് നാട്ടുകാർ പറയുന്നു.
Read Moreനായപരിശീലനകേന്ദ്രത്തിലെ കഞ്ചാവുവേട്ട; പ്രതി പോലീസിന്റെ വലയിൽ?
കോട്ടയം: കഞ്ചാവ് ശേഖരം പിടികൂടാനെത്തിയ പോലീസ് സംഘത്തിനുനേരെ വളര്ത്തുനായ്ക്കളെ അഴിച്ചുവിട്ട ശേഷം ഓടിരക്ഷപ്പെട്ട കൊശമറ്റം കോളനി തെക്കേത്തുണ്ടത്തില് റോബിന് ജോര്ജ് (35) വലയിലായതായി സൂചന. ഇയാളുടെ ഉടമസ്ഥതയിൽ കുമാരനല്ലൂരിൽ പ്രവർത്തിക്കുന്ന ഡെൽറ്റ 9 എന്ന നായ പരിശീലനകേന്ദ്രത്തിൽ വൻ തോതിലു ള്ള ലഹരി ഇടപാടുകൾ നടക്കുന്നുണ്ടെ ന്ന രഹസ്യവിവരത്തെത്തുടർന്നായിരുന്നു പോലീസ് പരിശോധനയ്ക്കെത്തിയത്. ഇയാൾ ഒളിച്ചുതാമസിക്കുന്ന സ്ഥലം പോലീസ് നിരീക്ഷണത്തിലായെന്നാണ് സൂചന. ജില്ലാ പോലീസ് ചീഫ് കെ. കാര്ത്തികിന്റെ മേല്നോട്ടത്തില് കോട്ടയം ഡിവൈഎസ്പിയുടെ നേതൃത്വത്തില് പ്രത്യേക സംഘമാണ് അന്വേഷിക്കുന്നത്. റോബിന്റെ കൂട്ടാളികളായ രണ്ടു പേരെ ഇന്നലെ പോലീസ് അറസ്റ്റ് ചെയ്തിരുന്നു. നായ പരിശീലനകേന്ദ്രത്തില് നായ്ക്കള്ക്കൊപ്പം വില കൂടിയ മീനുകളെയും വളര്ത്തിയിരുന്നു. മീനുകളെ കൊണ്ടുപോകുന്നതിനായി രാത്രിയില് എത്തിയതായിരുന്നു മൂന്നംഗ സംഘം. ഇതില് ഒരാള് രക്ഷപ്പെട്ടു. മറ്റു രണ്ടു പേരെയാണു പിടികൂടിയിരിക്കുന്നത്. ആര്പ്പൂക്കര സ്വദേശികളായ ടുട്ടു എന്നു വിളിക്കുന്ന റെണാള്ഡോ (22)…
Read Moreലോക്സഭാ തെരഞ്ഞെടുപ്പ്; കോട്ടയത്ത് മാണി-ജോസഫ് വിഭാഗങ്ങളുടെ നേരിട്ടുള്ള പോരാട്ടത്തിന് സാധ്യത
കോട്ടയം: ലോക്സഭാ തെരഞ്ഞെടുപ്പും കോട്ടയം സീറ്റും മുന്നില് കണ്ട് കേരള കോണ്ഗ്രസ് ജോസഫ് വിഭാഗം അണിയറനീക്കങ്ങൾ ആരംഭിച്ചു. പഠനക്യാമ്പ്, മണ്ഡലം കണ്വന്ഷനുകള്, കര്ഷക കണ്വന്ഷന്, പദയാത്ര തുടങ്ങിയ പരിപാടികള്ക്കാണു തീരുമാനം. 27നു മുന്മന്ത്രി സി.എഫ്. തോമസിന്റെ ചരമവാര്ഷികത്തില് ചങ്ങനാശേരിയിലെ കബറിടത്തില് പുഷ്പാര്ച്ചന, ഒക്ടോബര് ഏഴിന് സി.എഫ് അനുസ്മരണം, ഒന്പതിനു കോട്ടയത്ത് പാര്ട്ടി ജന്മദിനസമ്മേളനം തുടങ്ങിയ ചടങ്ങുകളുണ്ടാകും. ഡിസംബറോടെ അംഗത്വ കാമ്പയിന്, ബൂത്ത് കണ്വന്ഷനുകള് എന്നിവ പൂര്ത്താക്കും. നിലവില് യുഡിഎഫില് ജോസഫ് വിഭാഗത്തിനു ലഭിക്കാവുന്ന സീറ്റ് കോട്ടയമാണെന്ന സാധ്യതയിലാണു മുന്കൂര് പ്രവര്ത്തനങ്ങള്. യുഡിഎഫില് സിറ്റിംഗ് എംപിമാരെല്ലാം വീണ്ടും മത്സരിക്കുന്ന സാഹചര്യമുണ്ടായാല് കോട്ടയം സീറ്റില് ജോസഫ് വിഭാഗത്തിന്റെ സ്ഥാനാര്ഥി നിര്ണയം വൈകാതെ നടത്താനാണ് ആലോചനകള്. പി.ജെ. ജോസഫോ മോന്സ് ജോസഫോ ലോക്സഭാ സ്ഥാനാര്ഥിയാകണമെന്ന് ഒരു വിഭാഗം അഭിപ്രായപ്പെടുന്നു. ഇവര് ഒഴിവായാല് പി.ജെ. ജോസഫിന്റെ മകന് അബു ജോണ് ജോസഫ്, മുന്…
Read Moreശസ്ത്രക്രിയയ്ക്ക് 20,000 രൂപ; കോട്ടയം മെഡിക്കൽ കോളജിൽ കൈക്കൂലി ചോദിച്ച ഡോക്ടറുടെ ചീഫ് സ്ഥാനം തെറിച്ചു
ഗാന്ധിനഗര്: ഹെര്ണിയ ശസ്ത്രക്രിയയ്ക്കു കൈക്കൂലി ആവശ്യപ്പെട്ടെന്ന രോഗിയുടെ പരാതിയിൽ ഡോക്ടറെ യൂണിറ്റ് ചീഫ് സ്ഥാനത്തുനിന്നു മാറ്റി. അന്വേഷണത്തിന് പ്രിന്സിപ്പല് ഉത്തരവിടുകയും ചെയ്തു. കോട്ടയം മെഡിക്കല് കോളജ് ജനറല് സര്ജറി യൂണിറ്റ് രണ്ടിന്റെ ചീഫായിരുന്ന അസിസ്റ്റന്റ് ഡോക്ടർ ശസ്ത്രക്രിയയ്ക്കായി 20,000 രൂപ ആവശ്യപ്പെട്ടെന്നാണു പരാതി. പരാതിയെത്തുടര്ന്ന് രോഗിയെ അടിയന്തരമായി സൗജന്യമായി ശസ്ത്രക്രിയ നടത്തി. ഇന്നലെ ഡോക്ടറെ യൂണിറ്റ് ചീഫ് സ്ഥാനത്തുനിന്ന് നാലാം യൂണിറ്റിലേക്ക് മാറ്റുകയും അന്വേഷണത്തിനായി മൂന്നംഗസമിതിയെ ചുമതലപ്പെടുത്തുകയും ചെയ്തു. ഒരു മാസം മുമ്പാണ് തിരുവനന്തപുരം മെഡിക്കല് കോളജില്നിന്ന് കോട്ടയം മെഡിക്കല് കോളജില് ഡോക്ടര് ചുമതലയേറ്റത്. ഇദ്ദേഹം വന്ന് അധികം താമസിയാതെ കൈക്കൂലി വാങ്ങുവാന് തുടങ്ങിയെന്നാണ് ചില രോഗികളുടെ ബന്ധുക്കള് പറയുന്നത്. ഇദ്ദേഹത്തിന് സ്വകാര്യ പ്രാക്ടീസും ഉണ്ടെന്ന് രോഗികള് പറയുന്നു. കോട്ടയം മെഡിക്കല് കോളജില് ഹൃദയ ശസ്ത്രക്രിയ, ഹൃദ്രോഗവിഭാഗം, ന്യൂറോ സര്ജറി, നെഫ്രോളജി, അസ്ഥിരോഗം, ജനറല് സര്ജറി തുടങ്ങിയ…
Read Moreഷാബാ ഷെരീഫ് കൊലക്കേസ്; ഷൈബിന് അഷ്റഫിന്റെ ജാമ്യാപേക്ഷ ഹൈക്കോടതി തള്ളി
കൊച്ചി: ഷാബാ ഷെരീഫ് കൊലക്കേസില് ഒന്നാം പ്രതി ഷൈബിന് അഷ്റഫിന്റെ ജാമ്യാപേക്ഷ ഹൈക്കോടതി തള്ളി. പ്രതിക്ക് ജാമ്യം നല്കിയാല് അത് കേസിലെ ബാധിക്കുമെന്ന് പ്രോസിക്യൂഷന് കോടതിയെ അറിയിച്ചിരുന്നു. നേരത്തെ അറസ്റ്റിലായ പ്രതികള്ക്കെതിരേയും ഡിജിറ്റല് തെളിവുകള് അടക്കമുണ്ടെന്നാണ് പ്രോസിക്യൂഷന് അറിയിച്ചത്. 2020 ഒക്ടോബറില് ചികിത്സാ രഹസ്യം ചോര്ത്തിയെടുക്കാനുള്ള മര്ദനത്തിനിടെയാണ് പാരമ്പര്യ വൈദ്യന് മൈസൂരു സ്വദേശി ഷാബാ ഷെരീഫ് കൊല്ലപ്പെട്ടത്. മുഖ്യപ്രതി നിലമ്പൂര് മുക്കട്ട സ്വദേശി ഷൈബിന് അഷറഫിന്റെ നിര്ദേശപ്രകാരം ഷാബാ ഷെരീഫിനെ മൈസൂരുവില്നിന്ന് തട്ടിക്കൊണ്ടുവന്നു കൂട്ടാളികള് കൊലപ്പെടുത്തി. തുടര്ന്ന് ഷൈബിനും കൂട്ടാളികളും മൃതദേഹം പല കഷ്ണങ്ങളാക്കി എടവണ്ണ സീതിഹാജി പാലത്തില്നിന്ന് ചാലിയാറിലേക്ക് എറിഞ്ഞു. പിന്നീട് പ്രതികള്ക്കിടയിലുണ്ടായ സംഘര്ഷ, മോഷണകേസ് അന്വേഷണത്തിലാണ് ക്രൂരമായ കൊലപാതകത്തിന്റെ ചുരുളഴിഞ്ഞതും ഷൈബിന് അഷറഫ് കൊലക്കേസില് പ്രതിയായതും. മൂലക്കുരു ചികിത്സക്കുള്ള ഒറ്റമൂലി മനസിലാക്കി വിപണനം ചെയ്യുകയായിരുന്നു മുഖ്യപ്രതിയുടെ ലക്ഷ്യം. ഒന്നേകാല് വര്ഷത്തോളം തടവിലിട്ട് പീഡിപ്പിച്ചു. 2020…
Read Moreവിദേശനിര്മിത വിദേശമദ്യത്തിന്റെ വില 12 ശതമാനം വരെ ഉയരും; ഒക്ടോബര് മൂന്നിന് പുതിയ വില പ്രാബല്യത്തില് വരും
തിരുവനന്തപുരം: ബവ്കോ ലാഭവിഹിതം ഉയര്ത്തിയതു മൂലം വിദേശ നിര്മിത വിദേശ മദ്യത്തിന്റെ വില 12 ശതമാനം വരെ ഉയരും. ഒക്ടോബര് മൂന്നിന് പുതിയ വില പ്രാബല്യത്തില് വരും. ഇനി 2500ൽ താഴെ വിലയുള്ള ബ്രാൻഡ് ഉണ്ടാകില്ല. നിലവിൽ 1800 രൂപ മുതലാണ് കേരളത്തിൽ വിദേശ നിര്മിത വിദേശ മദ്യത്തിന്റെ വില. മദ്യകമ്പനികള് നല്കേണ്ട വെയര്ഹൗസ് മാര്ജിന് 5 ശതമാനത്തില്നിന്നു 14 ശതമാനമായും ഷോപ്പ് മാര്ജിന് 20 ശതമാനമായും ഉയര്ത്താനാണ് ബവ്കോയുടെ ശിപാര്ശ പ്രകാരം സര്ക്കാര് അനുമതി നല്കിയിരിക്കുന്നത്. എന്നാല് വെയര്ഹൗസ് മാര്ജിന് 14 ശതമാനമാക്കിയെങ്കിലും ഷോപ്പ് മാര്ജിന് 6 ശതമാനം മതിയെന്നാണ് ബവ്കോ ഭരണസമിതി യോഗം തീരുമാനിച്ചത്. കുപ്പിക്ക് 11-12 ശതമാനം വരെ വില വർധിക്കും. ഇന്ത്യന് നിര്മിത വിദേശമദ്യം വില്ക്കുമ്പോള് വെയര്ഹൗസ് മാര്ജിനായി 9 ശതമാനവും ഷോപ്പ് മാര്ജിനായി 20 ശതമാനവും ബവ്കോയ്ക്ക് ലഭിക്കുന്നുണ്ട്. ഈ…
Read Moreകെഎസ്ആർടിസി യൂണിഫോം കാക്കിയിലേക്ക്; രണ്ടു ജോഡി സൗജന്യമായി നൽകും; യൂണിഫോം വാങ്ങാൻ മൂന്ന് കോടിയോളം ചെലവ്
തിരുവനന്തപുരം: കെഎസ്ആർടിസി ബസിലെ ഡ്രൈവർമാരുടെയും കണ്ടക്ടർമാരുടെയും യൂണിഫോം നീലയിൽനിന്നു കാക്കിയിലേക്ക് മാറുന്നതിന്റെ ഭാഗമായി ജീവനക്കാർക്ക് രണ്ട് ജോഡി യൂണിഫോം കെഎസ്ആർടിസി അധികൃതർ സൗജന്യമായി നൽകും. രണ്ട് മാസത്തിനുള്ളിൽ യൂണിഫോം വിതരണം ചെയ്യാൻ നടപടികൾ ആരംഭിച്ചു. കെഎസ്ആർടിസിയിലെ വിവിധ യൂണിയനുകളും കാക്കി യൂണിഫോം മടക്കി കൊണ്ട ് വരുന്നതിനെ അനുകൂലിച്ചതോടെയാണ് നടപടികൾ വേഗത്തിലാക്കിയത്. നിലവിൽ നീല പാന്റ്സും ഷർട്ടുമാണ് ജീവനക്കാരുടെ യൂണിഫോം. മൂന്ന് മാസത്തിനകം കെഎസ്ആർടിസിയിലെ മുഴുവൻ ജീവനക്കാരെയും കാക്കി അണിയിക്കാനാണ് മാനേജ്മെന്റിന്റെ തീരുമാനം. യൂണിഫോമിനുള്ള തുണി വാങ്ങാനായി മൂന്ന് കോടി രൂപയാണ് ചെലവ് കണക്കാക്കുന്നത്. തുണി വാങ്ങാനുള്ള ടെണ്ട ർ നടപടികൾ ആരംഭിച്ചിട്ടുണ്ട്. അതേ സമയം കെഎസ്ആർടിസിയിലെ മെക്കാനിക്കൽ വിഭാഗത്തിലെ ജീവനക്കാരുടെ യൂണിഫോമിൽ മാറ്റമുണ്ടാകില്ല. സ്വിഫ്റ്റ് ജീവനക്കാരുടെ യൂണിഫോം കാക്കി ആകില്ല.
Read More