ഈരാറ്റുപേട്ട: നഗരത്തിലെ ഒമ്പത് ഹോട്ടലുകളില് ആരാഗ്യ വിഭാഗം നടത്തിയ പരിശോധനയില് പഴകിയ ഭക്ഷണ പദാര്ത്ഥങ്ങള് പിടികൂടി. നിരോധിത പ്ലാസ്റ്റിക്, ഡിസ്പോസിബിള് ഗ്ലാസ് എന്നിവയും പരിശോധനയില് കണ്ടെത്തി. ഇനിയുള്ള ദിവസങ്ങളില് കര്ശന പരിശോധന ഉണ്ടാകും. പഴകിയ ഭക്ഷണം പിടികൂടിയ ഹോട്ടല് ഉടമകള്ക്ക് നോട്ടീസ് നല്കിയിട്ടുണ്ടെന്ന്പരിശോധനയ്ക്ക് നേതൃത്വം നല്കിയ ഹെല്ത്ത് സൂപ്പര്വൈസറും ക്ലീന് സിറ്റി മാനേജരുമായ ടി. രാജന് അറിയിച്ചു. ആഹാര സാധനങ്ങളുടെ വിലവിവര പട്ടികയും ലൈസന്സും പ്രദര്ശിപ്പിക്കാത്ത സ്ഥാപനങ്ങള്ക്കെതിരെ കര്ശന നടപടി സ്വീകരിക്കും. മത്സ്യ, മാംസ വില്പന സ്റ്റാളുകളില് നിന്നും മലിന ജലം പുറത്തേക്കൊഴുക്കിയാല് ലൈസന്സ് റദ്ദാക്കുകയും പിഴ ചുമത്തുകയുമുള്പ്പടെയുള്ള നടപടികള് സ്വീകരിക്കും. പരിശോധനയില് പബ്ലിക് ഹെല്ത്ത് ഇന്സ്പെക്ടര്മാരായ പി.എം. നൗഷാദ്, ജെറാള്ഡ് മൈക്കിള്, വി.എച്ച്. അനീസ എന്നിവര് പങ്കെടുത്തു.
Read MoreCategory: Edition News
കടമക്കുടി കൂട്ടആത്മഹത്യ: രണ്ടു മൊബൈല് ഫോണുകളും ഫോറന്സിക് ലാബിനു കൈമാറും
കൊച്ചി: കടമക്കുടിയില് മക്കളെ കൊലപ്പെടുത്തിയ ശേഷം ദമ്പതികള് ആത്മഹത്യ ചെയ്ത സംഭവത്തില് മരിച്ച ശില്പ(29) യുടെയും നിജോ(39)യുടെയും മൊബൈല് ഫോണുകള് ഇന്ന് വിദഗ്ധ പരിശോധനയ്ക്കായി ഇന്നു കാക്കനാട് റീജിണല് ഫോറന്സിക് ലാബിന് കൈമാറും. ഏതെല്ലാം ലോണ് ആപ്പുകളാണ് ഇവര് ഉപയോഗിച്ചിരുന്നത് എന്നതിനെക്കുറിച്ച് പരിശോധനയ്ക്കുശേഷമേ വ്യക്തത വരുകയുള്ളൂ. രണ്ടുപേരുടെയും ഫോണുകള് പാറ്റേണ് ലോക്കായതിനാല് പോലീസിന് ഇതുവരെ അത് പരിശോധിക്കാന് കഴിഞ്ഞിട്ടില്ല. അതേസമയം ഫോണുലേക്ക് വന്നിട്ടുള്ള വാട്സ്ആപ്പ് സന്ദേശങ്ങളും കോളുകളും ഹിന്ദി, ഇംഗ്ലീഷ് ഭാഷകളിലുള്ളതാണ്. ഇവ വീണ്ടെടുക്കുന്നതിനായി വാട്സ്ആപ്പിന് അപേക്ഷ നല്കുമെന്ന് മുനമ്പം ഡിവൈഎസ്പി കെ.ജി. അനീഷ് പറഞ്ഞു. കുടുംബത്തിന്റെ ബാങ്ക് അക്കൗണ്ടുകളെക്കുറിച്ച് പോലീസ് വിശദമായ അന്വേഷണം ആരംഭിച്ചിട്ടുണ്ട്. ഇവര്ക്ക് വന് സാമ്പത്തിക ബാധ്യതയുണ്ടായിരുന്നതായാണ് പോലീസിന്റെ നിഗമനം. ശില്പയുടെ മോര്ഫ് ചെയ്ത നഗ്നചിത്രം അടുത്ത ദിവസങ്ങളിലും ബന്ധുക്കള്ക്ക് ലഭിച്ചിരുന്നു. ഇതിനെക്കുറിച്ചും പോലീസ് വിശദമായ അന്വേഷണം നടത്തിവരികയാണ്. കഴിഞ്ഞ 12ന് രാവിലെയാണ്…
Read Moreമുംബൈയിൽ പഠനത്തിനു പോയ യുവാവിനെ കാണാതായ സംഭവം; ഫാസിലിന്റെ തിരോധാനത്തിനു പിന്നിലും മൊബൈൽ ലോൺ ആപ്
ആലുവ: മുംബൈയിൽ മാനേജ്മെന്റ് പഠനത്തിനായി പോയ മലയാളി വിദ്യാർഥിയെ രണ്ടു മാസമായി കാണാനില്ലെന്ന് മാതാപിതാക്കളുടെ പരാതി. ആലുവ എടയപ്പുറം പെരുമ്പിള്ളി അഷറഫ് മൊയ്തീന്റെ മകൻ പി.എ.ഫാസിലിനെയാണ് (22) കഴിഞ്ഞ മാസം 26 മുതൽ കാണാതായത്. മുംബൈ എച്ച് ആർ കോളജ് ഓഫ് കൊമേഴ്സ് ആൻഡ് ഇക്കണോമിക്സിൽ രണ്ടാം വർഷ ബാച്ചിലർ ഓഫ് മാനേജ്മെന്റ് സ്റ്റഡീസ് വിദ്യാർഥിയാണ്. 26ന് വൈകുന്നേരം വീട്ടുകാരുമായി സൗഹാർദമായി സംസാരിച്ചശേഷം ഫാസിലിന്റെ മൊബൈൽ ഫോൺ സ്വിച്ച് ഓഫ് ആയി. തുടർന്ന് പിതാവും അദ്ദേഹത്തിന്റെ സഹോദരനും 27 ന് മുംബൈയിൽ പോയി. എന്നാൽ താമസിക്കുന്ന കോളജ് ഗസ്റ്റ് ഹൗസിലോ കോളജിലോ ഫാസിലിനെ കണ്ടെത്താനായില്ല. ആരോടും പറയാതെയാണ് കോളജ് വിട്ടതെന്നാണ് അറിയുന്നത്. ബാങ്ക് അക്കൗണ്ട്, ഫേസ് ബുക്ക് അക്കൗണ്ട്, വാട്സ് ആപ് തുടങ്ങിയ ഒന്നും തന്നെ 26നുശേഷം പ്രവർത്തനക്ഷമമല്ല. പിതാവ് മുംബൈ കൊളാബ സ്റ്റേഷനിൽ നൽകിയ പരാതിയെതുടർന്ന്…
Read Moreപരീക്ഷണം വിജയം; കെഎസ്ആർടിസിയിൽ ഷെഡ്യൂൾ പരിഷ്കരണം ഒന്നു മുതൽ
പ്രദീപ്ചാത്തന്നൂർചാത്തന്നൂർ: കെഎസ്ആർടിസിയിൽ പുതിയ ഷെഡ്യൂൾ പരിഷ്കരണം ഒന്നുമുതൽ നടപ്പാക്കും. നിലവിൽ നെയ്യാറ്റിൻകര, നെടുമങ്ങാട് യൂണിറ്റുകളിൽ നടപ്പാക്കിയ മാതൃകയിലാണ് സംസ്ഥാനമാകെ ഷെഡ്യൂൾ പരിഷ്കരിക്കുന്നത്. നിലവിലെ അധിക സമയ സിംഗിൾ ഡ്യൂട്ടി ഉൾപ്പെടെയുള്ള വിഷയങ്ങളിൽ ജീവനക്കാർ അസംതൃപ്തരാണ്. പല ഘട്ടങ്ങളിലും ഓപ്പറേറ്റിംഗ് വിഭാഗം ജീവനക്കാർ ഇതിനെ തിരെ പ്രതികരിച്ചിട്ടുമുണ്ട്. അധിക സമയ സിംഗിൾ ഡ്യൂട്ടി കൊണ്ട് ജീവനക്കാരെ ദ്രോഹിക്കാം എന്നതിനപ്പുറം വരുമാന വർധനവ് നേടാൻ കഴിയുന്നില്ല എന്നാണ് ജീവനക്കാരുടെ ആക്ഷേപം. കഴിഞ്ഞ 17 – ന് നടത്തിയ അംഗീകൃത തൊഴിലാളി സംഘടനകളുടെ യോഗത്തിൽ ഈ വിഷയം ഗൗരവമായ ചർച്ചയ്ക്ക് വഴിയൊരുക്കി.തൊഴിലാളിസംഘടനകൾ ഷെഡ്യൂൾ തയാറാക്കി സർവീസ് നടത്തി വരുമാന വർധനവ് നേടാം എന്നായിരുന്നു സംഘടനകളുടെ നിർദ്ദേശം. ഇതിനോട് മാനേജ്മെന്റ് യോജിക്കുകയും പരീക്ഷണാടിസ്ഥാനത്തിൽ രണ്ട് യൂണിറ്റുകളിൽ നടപ്പാക്കാനും അത് വിലയിരുത്തിയ ശേഷം മറ്റ് യൂണിറ്റുകളിൽ നടപ്പാക്കുന്നതിനെക്കുറിച്ച് ആലോചിക്കാം എന്നുമായിരുന്നു തീരുമാനം. ഇതിന്റെെ അടിസ്ഥാനത്തിൽ…
Read Moreമന്ത്രിസ്ഥാനം ചോദിക്കാന് എല്ജെഡി; പ്രതീക്ഷയില് പ്രവര്ത്തകര്
സ്വന്തം ലേഖകന്കോഴിക്കോട്: സംസ്ഥാന മന്ത്രിസഭാ പുനഃസംഘടിപ്പിക്കുമ്പോള് ഒരു മന്ത്രി സ്ഥാനം ആവശ്യപ്പെടാന് എല്ജെഡി. കഴിഞ്ഞ ദിവസം ചേര്ന്ന പാര്ട്ടിയുടെ സംസ്ഥാന കമ്മിറ്റി യോഗം മന്ത്രി സ്ഥാനം വേണമെന്ന് ഇടതുമുന്നണിയില് ആവശ്യപ്പെടാന് തീരുമാനിച്ചിട്ടുണ്ട്. എല്ഡിഎഫ് യോഗത്തില് സംസ്ഥാന പ്രസിഡന്റ് എം.വി. ശ്രേയാംസ്കുമാറും അഖിലേന്ത്യാ ജനറല് സെക്രട്ടറി വര്ഗീസ് ജോര്ജും സംബന്ധിക്കും. പാര്ട്ടിയുടെ വികാരം ശക്തമായി ഉന്നയിക്കാന് നേതാക്കളെ യോഗം ചുമതലപ്പെടുത്തിയിട്ടുണ്ട് ഒരു എംഎല്എമാരുള്ള ഘടകകക്ഷികള്ക്കു ഇടതുമുന്നണി മന്ത്രിസ്ഥാനം നല്കിയിട്ടുണ്ട്. സര്ക്കാര് രൂപീകരിക്കുന്ന വേളയില് ഐഎന്എലിന്റെ അഹമ്മദ് ദേവവർ കോവിലിനും ജനാധിപത്യ കേരള കോണ്ഗ്രസിന്റെ ആന്റണി രാജുവിനും മന്ത്രിസ്ഥാനം നല്കിയിരുന്നു. രണ്ടര വര്ഷത്തേക്കാണ് ഇതു നല്കിയിരുന്നത്. കാലാവധി നവംബര് മാസത്തില് അവസാനിക്കും.ഇവര്ക്കു പകരമായി കോണ്ഗ്രസ് -എസിലെ രാമചന്ദ്രന് കടന്നപ്പള്ളിയെയും കേരളാ കോണ്ഗ്രസ് ബിയുടെ കെ.ബി.ഗണേജ്കുമാറിനെയും മന്ത്രിമാരാക്കാനാണ് അന്നത്തെ ധാരണ. ഇതു നടപ്പാക്കാനാണ് സിപിഎം താത്പര്യപ്പെടുന്നത്. എന്നാല് മുന്നണിയിലെ മാറ്റു പാര്ട്ടികളെ…
Read Moreകണ്ണൂർ വിമാനത്താവളത്തിൽ വൻ സ്വർണവേട്ട;60 ലക്ഷത്തിന്റെ സ്വർണവുമായി യുവാവ് പിടിയിൽ
മട്ടന്നൂർ: കണ്ണൂർ രാജ്യാന്തര വിമാനത്താവളത്തിൽ വൻ സ്വർണവേട്ട. 60 ലക്ഷത്തോളം വരുന്ന 995 ഗ്രാം സ്വർണവുമായി കണ്ണൂർ സ്വദേശി കസ്റ്റംസ് പിടിയിൽ. ഇന്നലെ രാത്രി എയർ ഇന്ത്യ എക്സ്പ്രസ് വിമാനത്തിൽ റിയാദിൽ നിന്നെത്തിയ കണ്ണൂർ സ്വദേശി റഷീദിൽനിന്നാണ് സ്വർണം പിടികൂടിയത്. കസ്റ്റംസിന്റെ ചെക്കിംഗ് ഇൻ പരിശോധനയിൽ സംശയം തോന്നിയതിനെത്തുടർന്നു യാത്രക്കാരനെ കസ്റ്റഡിയിലെടുത്തു പരിശോധിച്ചപ്പോഴാണ് സ്വർണം കണ്ടെത്തിയത്. പേസ്റ്റ് രൂപത്തിലുളള സ്വർണം നാല് ഗുളികകളാക്കി മല ദ്വാരത്തിൽ ഒളിപ്പിച്ച നിലയിൽ കണ്ടെത്തുകയായിരുന്നു.കസ്റ്റംസ് അസി. കമ്മീഷണർ വി.ബി.സുബ്രഹ്മണ്യൻ, സൂപ്രണ്ടുമാരായ ബാബു, ദീപക് മീണ, ഇൻസ്പെക്ടർമാരായ രാധാകൃഷ്ണൻ, ഷെമ്മി ജോസ്, രാജശേഖർ റെഡ്ഡി, ഗൗരവ് സിക്കർവാർ, നിതേഷ്, വത്സല എന്നിവരുടെ നേതൃത്വത്തിലാണു പരിശോധന നടത്തിയത്.
Read Moreനിപ ; കോട്ടയം ജില്ലയിലെ മുന്നൊരുക്കങ്ങള് വിലയിരുത്താന് ജില്ലാ കളക്ടറുടെ അധ്യക്ഷതയില് യോഗം ചേർന്നു
കോട്ടയം: സംസ്ഥാനത്ത് നിപ വൈറസ് സ്ഥിതീകരിച്ചതിനെ തുടര്ന്ന് കോട്ടയം ജില്ലയിലെ മുന്നൊരുക്കങ്ങള് വിലയിരുത്തുന്നതിന് ജില്ലാ കളക്ടര് വി.വിഘ്നേശ്വരിയുടെ അധ്യക്ഷതയില് യോഗം കൂടി. യോഗത്തില് ജില്ലാ മെഡിക്കല് ഓഫീസര് ഡോ. എന്. പ്രിയ, കോട്ടയം മെഡിക്കല് കോളേജ് പ്രിന്സിപ്പല് ഡോ.എസ് ശങ്കര്, സൂപ്രണ്ട് ഡോ.ടി. കെ ജയകുമാര്, ആരോഗ്യ കേരളം ജില്ല പ്രോഗ്രാം മാനേജര് ഡോ. അജയ് മോഹന്, ഡെപ്യൂട്ടി സൂപ്രണ്ട് ഡോ. ആര്. രതീഷ്കുമാര്, ഇന്സ്റ്റിറ്റിയൂട്ട് ഓഫ് ചൈല്ഡ് ഹെല്ത്ത് സൂപ്രണ്ട് ഡോ. കെ.പി. ജയപ്രകാശ്, സാംക്രമിക രോഗ വിഭാഗം, കമ്മ്യൂണിറ്റി മെഡിസിന്, ജനറല് മെഡിസിന്, പള്മിനറി മെഡിസിന്, ഗൈനക്കോളജി, ക്രിട്ടിക്കല് കെയര്, മൈക്രോബയോളജി വിഭാഗം മേധാവിമാര് എന്നിവര് പങ്കെടുത്തു. പ്രാഥമിക സമ്പര്ക്ക പട്ടികയില് ഉള്പ്പെടുന്നവരെ നിരീക്ഷിക്കുന്നതിനു വേണ്ടി 17 കിടക്കകളുള്ള ഐസൊലേഷന് വാര്ഡ് കോട്ടയം മെഡിക്കല് കോളജില് ഒരുക്കിയിട്ടുണ്ട്. രോഗ ലക്ഷണങ്ങള് ഉള്ളവര്ക്ക് ചികിത്സ നല്കുന്നതിനായി…
Read Moreപൊളിച്ചു മാറ്റാന് ധൃതി കൂട്ടി റെയില്വെ; വെട്ടിലായി ബസ് യാത്രക്കാര്
കോട്ടയം: റെയില്വേസ്റ്റേഷന് റോഡിലുള്ള ബസ് കാത്തിരിപ്പ് കേന്ദ്രത്തിന്റ തറ റെയില്വെ പൊളിച്ചു മാറ്റി. വെയിലും മഴയുമേറ്റ് യാത്രക്കാര് ദുരിതത്തില്. യാത്രക്കാര്ക്ക് ബസ് കാത്തു നില്ക്കുന്നതിനുള്ള ഏക ആശ്രയമാണ് പൊളിച്ചു നീക്കിയത്. സംരക്ഷണ ഭിത്തി നിര്മിക്കുന്നതിന് കുഴി എടുക്കുന്നതിന്റെ ഭാഗമായാണ് കോണ്ക്രീറ്റ് തറ പൊളിച്ചു നീക്കിയത്. പൊതുമരാമത്തിന്റെ അനുമതി വാങ്ങാതെയാണ് റെയില്വെ ബസ് കാത്തിരിപ്പ് കേന്ദ്രത്തിന്റ തറ പൊളിച്ചത്. സമീപത്തെ വ്യാപാരികളും യാത്രക്കാരും പൊതുമരാമത്ത് വകുപ്പിനോട് വിവരം അറിയിച്ചതിനെ തുടര്ന്ന് അധികൃതര് സംഭവ സ്ഥലത്തെത്തുകയും പണികള് നിര്ത്തി വെക്കുകയും ചെയ്തു. എന്നാല് ഇവിടെ താല്കാലിക ബസ്സ്റ്റോപ്പിനു മാത്രമാണ് അനുമതി ഉണ്ടായിരുന്നതെന്നും ഇത് റെയില്വെയുടെ സ്ഥലമാണെന്നും സ്ഥലം പൂര്ണമായി പ്രയോജനപ്പെടുത്തി നിര്മാണം നടത്തുകയായിരുന്നു എന്നാണ് റെയില്വെയുടെ ഭാഗത്തെ വിശദീകരണം.
Read Moreമുഴപ്പിലങ്ങാട് ബീച്ച് നവീകരണത്തിനായി കൊണ്ടുവന്ന കമ്പികൾ മോഷ്ടിച്ചു: ലോറി ഡ്രൈവറും ക്ലീനറും പിടിയിൽ
എടക്കാട്: മുഴപ്പിലങ്ങാട് ബീച്ച് നവീകരണത്തിനായി ബംഗളൂരുവിൽനിന്ന് കൊണ്ടുവന്ന കന്പി മോഷ്ടിച്ച് വിൽപന നടത്തിയ ലോറി ഡ്രൈവറും ക്ലീനറും പോലീസ് പിടിയിൽ. ഷിമോഗ സ്വദേശിയായ ലോറി ഡ്രൈവർ മുഹമ്മദ് പീർ(36), ക്ലീനർ ബംഗളൂരു സ്വദേശി ആർ. ഉത്തം(43) എന്നിവരെയാണ് കാഞ്ഞങ്ങാട് വച്ച് എടക്കാട് പോലീസ് പിടികൂടിയത്. മുഴപ്പിലങ്ങാട് ബീച്ച് നവീകരണത്തിനായി ബംഗളൂരുവിൽ നിന്ന് നാലു ലോറികളിലായാണ് കന്പികൾ കൊണ്ടുവന്നത്. അതിൽ ഒരു ലോറിയിലെ 40 ടൺ കന്പികളാണ് പ്രതികൾ മോഷ്ടിച്ച് വിൽപന നടത്തിയത്. ഊരാളുങ്കൽ സൊസൈറ്റിക്കാണ് നിർമാണ ചുമതല. കന്പികൾ ഇറക്കി പ്രതികൾ പോയ ശേഷം സൈറ്റ് എൻജിനീയർ രാഹുലിന്റെ നേതൃത്വത്തിൽ പരിശോധിച്ചപ്പോഴാണ് കന്പികളിൽ കുറവ് കണ്ടത്. തുടർന്ന് എടക്കാട് പോലീസിൽ പരാതി നൽകുകയായിരുന്നു. ഏകദേശം 2,19000 രൂപ വില വരുന്ന കന്പികളാണ് മോഷണം പോയതെന്ന് പരാതിയിൽ പറയുന്നു. ഇരുവരെയും ചോദ്യം ചെയ്തുവരികയാണ്.
Read Moreമൂന്നാറില് വീണ്ടും പടയപ്പ; റേഷന് കട തകര്ത്തു; തൊഴിലാളി ലയങ്ങൾക്ക് സമീപം നിലയുറപ്പിച്ചത് മണിക്കൂറുകളോളം
ഇടുക്കി: മൂന്നാറിലെ ജനവാസ കേന്ദ്രത്തില് വീണ്ടും പടയപ്പയിറങ്ങി. ഇന്നു പുലര്ച്ചെയോടെ മൂന്നാര് ലോക്കാര്ട് എസ്റ്റേറ്റിലാണ് പടയപ്പയെത്തിയത്. മണിക്കൂറുകളോളം തൊഴിലാളി ലയങ്ങള്ക്കു സമീപം നിലയുറപ്പിച്ച പടയപ്പ എസ്റ്റേറ്റിലെ റേഷന് കട തകര്ത്ത് അരിയും മറ്റും വാരി പുറത്തിട്ടു. ആളുകള് ബഹളം വച്ചിട്ടും തിരികെ പോകാതെ നിലയുറപ്പിച്ച ആന രാവിലെ ഒന്പതോടെയാണ് തിരികെ മടങ്ങിയത്. ഏതാനും മാസം മുമ്പ് ചട്ടമൂന്നാറിലും റേഷന് കട പടയപ്പ തകര്ത്തിരുന്നു. ഇവിടെ ഏതാനും ദിവസം തമ്പടിച്ചതിനു ശേഷമാണ് പിന്നീട് രണ്ടാഴ്ച മുമ്പ് മൂന്നാറിലേക്കു തിരികെ മടങ്ങിയെത്തിയത്. പലപ്പോഴും ദേശീയ പാതയില് പ്രത്യക്ഷപ്പെട്ടിരുന്ന പടയപ്പ വാഹന ഗതാഗതവും തടസപ്പെടുത്തിയിരുന്നു. അരിക്കൊമ്പനു ശേഷം പടയപ്പയും എസ്റ്റേറ്റ് മേഖലയിലെ റേഷന് കടകള്ക്കു നേരേ ആക്രമണം പതിവാക്കിയിരിക്കുകയാണ്. ലയങ്ങള്ക്കടുത്ത് പടയപ്പ എത്തിയത് തൊഴിലാളികള്ക്കിടയില് ആശങ്ക ഉയര്ത്തിയിട്ടുണ്ട്.
Read More