ഒറ്റപ്പാലം: മന്ത്രി എം.എം.മണിയെപ്പോലുള്ളവർ സ്ത്രീപക്ഷത്തെ ഉന്മൂലനം ചെയ്യാൻ ശ്രമിക്കുകയാണെന്നു മഹിളാ കോണ്ഗ്രസ് സംസ്ഥാന പ്രസിഡന്റ് അഡ്വ. ബിന്ദുകൃഷ്ണ പറഞ്ഞു. പ്രഥമ കെപിസിസി സമ്മേളനത്തിന്റെ 96-ാം വാർഷികത്തിന്റെ ഭാഗമായി പി. ബാലൻ നഗറിൽ നടന്ന വനിതാ സമ്മേളനം ഉദ്ഘാടനം ചെയ്യുകയായിരുന്നു അവർ. എം.എം. മണിയെപ്പോലുള്ളവർക്കു വെള്ളവും വളവും കൊടുക്കുന്നതുകൊണ്ടാണ് സ്ത്രീവിരുദ്ധ പ്രസ്താവനകളും പ്രവൃത്തികളും ഇവർ ആവർത്തിക്കുന്നത്. ഇതുകൊണ്ടാണ് സ്ഥാനമാനങ്ങൾവരെ നഷ്ടപ്പെടേണ്ട അവസ്ഥ പാർട്ടിയിലുള്ളവർക്ക് ഉണ്ടായത്. കാമറക്കണ്ണിൽ ഒപ്പിയെടുത്ത സമരത്തെക്കുറിച്ച് അവിടെ നടന്നതു വേറെ പണിയാണ് തുടങ്ങി സഭ്യമല്ലാത്ത പ്രയോഗങ്ങൾ കേരളത്തിലെ സ് ത്രീകളോടു പ്രയോഗിക്കാൻ സ് ത്രീസമൂഹം അനുവദിക്കില്ല. മഹിജയ്ക്കുനേരെ മണി നടത്തിയ പദപ്രയോഗങ്ങളും കേരളത്തിലെ മുഴുവൻ അമ്മമാരെയും വേദനിപ്പിച്ച വാക്കുകളാണ്. മണിയുടെ വാക്കുകളെ നാട്ടുശൈലിയാണെന്നു പറഞ്ഞ് ന്യായീകരിക്കുവാൻ ശ്രമിക്കുകയാണ് കേരളത്തിന്റെ മുഖ്യമന്ത്രി. മണിയെ തിരുത്താനും ഉപദേശിക്കാനും തയാറാവാതെ അദ്ദേഹത്തെ ന്യായീകരിക്കുന്ന മുഖ്യമന്ത്രി കേരളത്തിലെ സ്ത്രീകൾക്ക് അപമാനമുണ്ടാക്കാൻ ശ്രമിക്കുകയാണ്.…
Read Moreമണിയെ ന്യായീകരിക്കുന്ന മുഖ്യമന്ത്രി സ്ത്രീകൾക്ക് അപമാനം; വനിതകൾ കടന്നുവരുന്ന കാലഘട്ടത്തിനു വേണ്ടിയാണ് മഹിളാ കോണ്ഗ്രസ് പോരാടുന്നതെന്ന് ബിന്ദുകൃഷ്ണ
