വെഞ്ഞാറമൂട്: വെള്ളം കോരുന്നതിനിടെ കാൽ വഴുതി കിണറ്റിൽ വീണ വീട്ടമ്മയ്ക്കും രക്ഷിക്കാനിറങ്ങി കിണറ്റിൽ കുടുങ്ങിയ അയൽവാസിക്കും വെഞ്ഞാറമൂട് അഗ്നി രക്ഷാസേന രക്ഷകരായി. പരമേശ്വരം ശ്രീ മുരുക ഭവനിൽ കവിത (45) യാണ് വീടിന് സമീപത്തെ കിണറ്റിൽ വീണത്. ഇവരെ രക്ഷിക്കാനിറങ്ങിയ അയൽവാസിയായ ഗോപി ദേഹാസ്വാസ്ഥ്യത്തെ തുടർന്ന് കിണറ്റിൽ കുടുങ്ങുകയായിരുന്നു. ഇന്നലെ രാത്രി 7.30 നായിരുന്നു സംഭവം. നാൽപത് അടിയോളം താഴ്ചയുളള കിണറ്റിലാണ് ഇരുവരും കുടുങ്ങിയത്. വിവരമറിഞ്ഞ് വെഞ്ഞാറമൂട് അഗ്നി രക്ഷാ സേന സ്ഥലത്ത് എത്തി. ഫയർ ആൻഡ് റസ്ക്യു ഓഫീസർ രഞ്ജിത്ത് കയർ വലയുമായി കിണറ്റിലിറങ്ങി ഇവരെ കരയ്ക്കു കയറ്റുകയായിരുന്നു. പിന്നീട് സേന തന്നെ ആബുലൻസിൽ ഇവരെ സമീപത്തെ സ്വകാര്യ ആശുപത്രിയിൽ എത്തിച്ചു. സീനിയർ ഫയർ ആൻഡ് റസ്ക്യൂ ഓഫീസർ അശോകന്റെ നേതൃത്വത്തിൽ ബിനു, രഞ്ജിത്ത്, അരുൺ മോഹൻ, കിരൺ എന്നിവരാണ് രക്ഷാപ്രവർത്തനത്തിൽ പങ്കെടുത്തത്.
Read MoreCategory: TVM
തലപോയാലും ഒപ്പിടില്ല, ഇഡി സമ്മർദ്ദം ചെലുത്തി; പരിശോധനയെക്കുറിച്ച് ബിനീഷിന്റെ ഭാര്യാമാതാവിന്റെ വെളിപ്പെടുത്തൽ
തിരുവനന്തപുരം: എന്ഫോഴ്സ്മെന്റ് ഡയറക്ടറേറ്റ് സംഘം ചില രേഖകളില് ഒപ്പിടാന് സമ്മര്ദ്ദം ചെലുത്തിയെന്ന് ബിനീഷ് കോടിയേരിയുടെ കുടുംബം. വീട്ടിൽ നിന്നും കണ്ടെടുത്ത രേഖകൾ കാണിച്ചില്ലെന്നും തലപോയാലും ഒരു രേഖയിലും ഒപ്പിടില്ലെന്നും കുഞ്ഞ് പേടിച്ചിരിക്കുകയാണെന്നും ഭാര്യമാതാവ് പറഞ്ഞു. ഒപ്പിടരുതെന്ന് ബന്ധുക്കളും ഇവരോട് ആവശ്യപ്പെട്ടു. ബാലാവകാശകമ്മീഷന്റെ ഇടപെടീലിനെ തുടര്ന്ന് വീടിന് പുറത്തിറങ്ങിയ കുടുംബം ഗേറ്റിന് പുറത്ത് നില്ക്കുകയായിരുന്ന ബാലാവകാശ കമ്മീഷന് ചെയര്മാന് ബന്ധുക്കള് മാധ്യമപ്രവര്ത്തകര് എന്നിവരോട് സംസാരിച്ചിരുന്നു. കുട്ടിയുടെ അവകാശങ്ങള് ലംഘിക്കപ്പെട്ടതായി കണ്ടെത്തിയെന്നും അവകാശം സംരക്ഷിക്കുന്നതുമായി ബന്ധപ്പെട്ട ഉത്തരവുകള് ഉടന് പുറപ്പെടുവിക്കുമെന്നും കമ്മീഷന് വ്യക്തമാക്കി.
Read Moreബിനീഷിന്റെ വീട്ടിൽ നിന്നും അന്വേഷണ സംഘം മടങ്ങി; തടഞ്ഞ് കേരള പോലീസ്
തിരുവനന്തപുരം: മണിക്കൂറുകള് നീണ്ട പരിശോധനയ്ക്ക് ശേഷം ബിനീഷ് കോടിയേരിയുടെ മരുതുംകുഴിയിലെ വീട്ടില് നിന്നും എന്ഫോഴ്സ്മെന്റ് ഡയറക്ടറേറ്റ് ഉദ്യോഗസ്ഥര് മടങ്ങി. എന്നാല് ഇവരെ വീടിനു മുന്പില് വച്ച് കേരള പോലീസ് തടഞ്ഞു. ഇഡി, സിആർപിഎഫ്, കർണാടക പോലീസ് എന്നിവർക്കെതിരെ ബിനീഷിന്റെ ബന്ധുക്കള് പൂജപ്പുര പോലീസില് പരാതി നല്കിയിരുന്നു. ഇതിന്റെ അടിസ്ഥാനത്തിലാണ് പോലീസ് ഇഡിയെയും സംഘത്തെയും തടഞ്ഞത്. അന്വേഷണ സംഘത്തിലുള്ളവരെക്കുറിച്ചുള്ള വിശദാശംങ്ങള് പോലീസ് ആവശ്യപ്പെട്ടുവെങ്കിലും പിന്നീട് നല്കാമെന്ന മറുപടിയാണ് ഇവര്ക്ക് ലഭിച്ചത്. പിന്നീട് പോലീസ് ഇവരെ മടങ്ങാന് അനുവദിച്ചു. 26 മണിക്കൂർ നീണ്ട പരിശോധനയ്ക്ക് ശേഷമാണ് ഇഡി ഉദ്യോഗസ്ഥർ ഇവിടെ നിന്നും മടങ്ങിയത്.
Read More“കേരള ക്രിക്കറ്റ് അസോസിയേഷൻ വെള്ളാന’; ആരോപണവുമായി കെ. സുരേന്ദ്രൻ
തിരുവനന്തപുരം: കേരള ക്രിക്കറ്റ് അസോസിയേഷൻ വെള്ളാനയാണെന്നും ശതകോടികളുടെ അഴിമതിയാണ് കെസിഎയില് നടന്നതെന്നും ബിജെപി സംസ്ഥാന അധ്യക്ഷൻ കെ. സുരേന്ദ്രന്. ബിനീഷ് കോടിയേരിയുടെ സുഹൃത്തും കണ്ണൂർ ക്രിക്കറ്റ് അസോസിയേഷൻ ജില്ലാ സെക്രട്ടറിയുമായ മുഹമ്മദ് അനസിന്റെ തലശേരിയിലെ വീട്ടില് ഇഡി റെയ്ഡിന് എത്തിയത് പിന്നാലെയാണ് സുരേന്ദ്രന്റെ ആരോപണം. അനസുമായി 2012 വരെ ബിനീഷിന് ബിസിനസ് പങ്കാളിത്തമുണ്ടായിരുന്നു. ബിനീഷിനെതിരായ ഇഡി അന്വേഷണം സിപിഎമ്മിന്റെ അപചയത്തിന് തെളിവാണ്. സിപിഎം കേന്ദ്ര നേതൃത്വവും കേരളത്തിലെ അഴിമതിയുടെ പങ്ക് പറ്റിയിട്ടുണ്ട്. അതുകൊണ്ടാണ് കേന്ദ്രം കോടിയേരിയെയും പിണറായിയെയും സംരക്ഷിക്കുന്നത്. ധാർമികത ഉണ്ടെങ്കിൽ പിണറായിയേയും കോടിയേരിയേയും സ്ഥാനങ്ങളിൽ നിന്ന് നീക്കം ചെയ്യണമെന്നും സുരേന്ദ്രന് വ്യക്തമാക്കി.
Read Moreബാർ കോഴ; ചെന്നിത്തലയുൾപ്പടെയുള്ളവർക്കെതിരെ അന്വേഷണത്തിന് അനുമതിതേടി വിജിലൻസ്
തിരുവനന്തപുരം: രമേശ് ചെന്നിത്തല, വി.എസ്. ശിവകുമാര്, കെ. ബാബു എന്നിവര്ക്കെതിരെയുള്ള ബിജു രമേശിന്റെ പരാതിയിന്മേല് പ്രാഥമിക അന്വേഷണം നടത്താന് അനുമതി തേടി വിജിലന്സ്. അന്വേഷണം ആവശ്യപ്പെട്ടുള്ള പരാതിയില് രഹസ്യപരിശോധന നടത്തി അന്വേഷണ സംഘം വിജിലന്സ് ഡയറക്ടര്ക്ക് റിപ്പോര്ട്ട് കൈമാറി. ബാര് ലൈസന്സ് ഫീസ് കുറയ്ക്കാന് രമേശ് ചെന്നിത്തല, കെ. ബാബു, വി.എസ്. ശിവകുമാര് എന്നിവര്ക്ക് ഒരു കോടി രൂപ കോഴ നല്കിയെന്നായിരുന്നു ബിജു രമേശ് വെളിപ്പെടുത്തിയത്.
Read Moreഒടുവിൽ കടുവ അകത്ത്, ആ കഥ ഇങ്ങനെ… കടുവ രക്ഷപ്പെട്ട സംഭവത്തിൽ അന്വേഷണം തുടങ്ങി; വീണ്ടും ചാടാതിരിക്കാൻ കടുവയെ നിരീക്ഷിച്ച് വനപാലക സംഘം;
കാട്ടാക്കട: നെയ്യാർ സഫാരി പാർക്കിലെ കൂട്ടിൽനിന്നും ചാടിപ്പോയ കടുവയെ പിടികൂടാൻ രാത്രി മുഴുവൻ പകലാക്കിയ തദ്ദേശവാസികൾക്ക് പറയാൻ ഭീതികളുടെ വാക്കുകളേയുള്ളൂ. 1984ൽ നെയ്യാർ ഡാമിലെ മരകുന്നം എന്ന തുരുത്തിൽ ആരംഭിച്ച സിംഹ സഫാരി പാർക്കിന്റെ നിലവിലെ ശോച്യാവസ്ഥയാണ് നാട്ടുകാരിൽ ഭീതി ജനിപ്പിക്കുന്നത്. അറ്റകുറ്റപ്പണികൾ നടക്കുന്നത് പേരിന് മാത്രം.നെയ്യാർ സഫാരി പാർക്കിൽ ഇപ്പോൾ രണ്ടു സിംഹങ്ങൾ മാത്രം. അതിനാൽ തന്നെ നവീകരണത്തിന് വലിയ ഫണ്ടും കിട്ടാറില്ല. സിംഹങ്ങളെ പാർപ്പിക്കാൻ വേണ്ടി തയ്യാറാക്കിയ കൂടുകളാണ് ഇപ്പോൾ സംസ്ഥാനത്ത് എവിടെനിന്നും പിടികൂടുന്ന കടുവ, പുലി എന്നിവർക്ക് സംരക്ഷണ കവചമൊരുക്കുന്നത്. കൂടുകളുടെ ശോച്യാവസ്ഥ പരിതാപകരമാണ്. ഈ സ്ഥിതിയാണ് കടുവ കൂടുപൊളിച്ച് പുറത്തുചാടാൻ കാരണമായത്. വയനാട് ജില്ലയിലെ കുറിച്യാട് കേന്ദ്രത്തിൽ പുറം നാട്ടിലിറങ്ങുന്ന കടുവകളെ പാർപ്പിക്കാൻ പ്രത്യേക കേന്ദം ഒരുങ്ങുന്നുണ്ട്. ഇന്നലെ മയക്കുവെടിവെച്ച് കൂട്ടിലാക്കിയ കടുവയെ ഇവിടെ എത്തിക്കാനാണ് നീക്കം . ഒരു പക്ഷേ…
Read Moreമുല്ലപ്പള്ളിക്കെതിരെ വനിതാ കമ്മീഷന് പരാതി നൽകി സോളാർ പീഡനക്കേസിലെ പരാതിക്കാരി
തിരുവനന്തപുരം: കെപിസിസി അധ്യക്ഷന് മുല്ലപ്പള്ളി രാമചന്ദ്രനെതിരെ വനിതാ കമ്മീഷന് പരാതി നല്കി സോളാര് പീഡനക്കേസിലെ പരാതിക്കാരി. പീഡനത്തിനിരയായ സ്ത്രീകള് ആത്മഹത്യ ചെയ്യുമെന്ന വിവാദ പരാമര്ശത്തിലാണ് പരാതിക്കാരി വനിതാ കമ്മീഷനെ സമീപിച്ചത്. കെപിസിസി അധ്യക്ഷന് നടത്തിയത് തീര്ത്തും മ്ലേച്ഛമായ പരാമര്ശങ്ങളാണെന്നും മോശമായ വാക്കുകള് ഉപയോഗിച്ച് മുല്ലപ്പള്ളി തന്നെ അപമാനിച്ചുവെന്നും പരാതി നല്കിയ ശേഷം യുവതി പറഞ്ഞു. സ്ത്രീകള് ഇന്ന ഇന്ന ഗണത്തില്പ്പെട്ടവരാണെന്ന് പറയാന് മുല്ലപ്പള്ളിക്ക് എന്ത് അധികാരമാണുള്ളത്. മോശം പരാമര്ശം നടത്തിയ ശേഷം ഖേദം പ്രകടിപ്പിച്ചത് കൊണ്ട് എന്ത് കാര്യമാണുള്ളത്. താന് മരിക്കണമെന്നതാണ് അവരുടെ ആവശ്യം. എന്തായാലും താന് ആത്മഹത്യ ചെയ്യില്ല. മുല്ലപ്പള്ളി കെപിസിസി അധ്യക്ഷസ്ഥാനം രാജിവയ്ക്കുന്നതാണ് നല്ലത്. സോളാര് കേസില് കോണ്ഗ്രസുകാര്ക്കെതിരെ താന് പരാതി നല്കുമ്പോൾ മുല്ലപ്പള്ളി രാമചന്ദ്രന് കേന്ദ്ര ആഭ്യന്തര സഹമന്ത്രിയാണ്. താന് പരാതി ഉന്നയിച്ച നേതാക്കള്ക്കെതിരെ മുല്ലപ്പള്ളി ഒരു അച്ചടക്ക നടപടി പോലും…
Read Moreഈന്തപ്പഴ വിതരണം; കെ.ടി. ജലീലിനെതിരെ അന്വേഷണം ആവശ്യപ്പെട്ടുള്ള ഹർജി ഇന്ന് പരിഗണിക്കും
തിരുവനന്തപുരം: ഈന്തപ്പഴ വിതരണവുമായി ബന്ധപ്പെട്ട് മന്ത്രി കെ.ടി. ജലീലിനെതിരെ അന്വേഷണം ആവശ്യപ്പെട്ടുള്ള ഹര്ജി തിരുവനന്തപുരം വിജിലന്സ് കോടതി ഇന്ന് പരിഗണിക്കും. കൊല്ലം സ്വദശിയായ ഹൃദേശ് ആണ് ഹര്ജി നല്കിയത്. യുഎഇ കോണ്സുലേറ്റ് മുഖേന ഇറക്കുമതി ചെയ്ത ഈന്തപ്പഴം, മന്ത്രി സ്വന്തം മണ്ഡലത്തില് വിതരണം ചെയ്തുവെന്ന് ഹര്ജിക്കാരന് ആരോപിക്കുന്നു. കണ്സ്യൂമര് ഫെഡിന്റെ സഹായത്തോടെ ഭക്ഷ്യവസ്തുക്കള് വിതരണം ചെയ്തതിനാല് കണ്സ്യൂമര് ഫെഡ് ജീവനക്കാര്ക്കെതിരെയും നടപടി സ്വീകരിക്കണമെന്ന് ഹര്ജിയില് ആവശ്യപ്പെട്ടിട്ടുണ്ട്.
Read Moreഅറസ്റ്റ് ‘മുൾമുന’യിൽ ഇന്ന് കേന്ദ്ര കമ്മിറ്റി; ബിനീഷ് കോടിയേരിയുടെ പ്രശ്നം അജണ്ടയിലില്ല; ആരെങ്കിലും ഉന്നയിച്ചാൽ മാത്രം ചർച്ചയെന്ന് സൂചന
തിരുവനന്തപുരം: മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം.ശിവശങ്കറും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകൻ ബിനീഷ് കോടിയേരിയുടെ അറസ്റ്റും സിപിഎമ്മിനെ പ്രതിരോധത്തിലാക്കിയിരിക്കെ ഇന്ന് സിപിഎം കേന്ദ്ര കമ്മിറ്റി ഡൽഹിയിൽ കൂടുന്നു. വീഡിയോ കോൺഫറൻസ് വഴിയാണ് യോഗം കൂടുന്നത്.ബിനീഷ് കോടിയേരി പ്രശ്നം യോഗത്തിന്റെ അജണ്ടയിലില്ലെന്നാണ് കേന്ദ്ര നേതാക്കൾ വ്യക്തമാക്കുന്നത്. വിഷയം ആരെങ്കിലും യോഗത്തിൽ ഉന്നയിച്ചാൽ മാത്രം ചർച്ച ചെയ്തേക്കും എന്നാണ് നേതാക്കൾ സൂചിപ്പിക്കുന്നതെങ്കിലും ബിനീഷ് കോടിയേരിയുടെ അറസ്റ്റ് വിഷയം യോഗത്തിൽ ഉയരാൻ തന്നെയാണ് സാധ്യത. ഇന്നും നാളെയുമായാണ് യോഗം ചേരുക. സ്വർണക്കടത്ത് വിഷയത്തിൽ പാർട്ടി നിലപാട് മുന്പേ തന്നെ വ്യക്തമാക്കിയിട്ടുള്ളതാണ്. സിപിഎം ജനറൽ സെക്രട്ടറി സീതാറാം യെച്ചൂരി മുഖ്യമന്ത്രി പിണറായി വിജയന് പിന്തുണയുമായി കഴിഞ്ഞ ദിവസം രംഗത്തെത്തിയിരുന്നു . മുഖ്യമന്ത്രി രാജി വയ്ക്കേണ്ട ആവശ്യമില്ലെന്ന നിലപാaടാണ് സിപിഎം കേന്ദ്ര കമ്മിറ്റി അംഗം എം.വി ഗോവിന്ദൻ മാസ്റ്ററും സ്വീകരിച്ചത്.…
Read Moreമുന്നോക്ക സംവരണം; ലീഗിനെ തള്ളാനും കൊള്ളാനും വയ്യാതെ കോൺഗ്രസ്; കോൺഗ്രസ് രാഷ്ട്രീയ കാര്യസമിതി ചേരുന്നു
തിരുവനന്തപുരം: മുന്നോക്ക സംവരണത്തിനെതിരെയുള്ള മുസ്ലിം ലീഗിന്റെ എതിർപ്പ് കോൺഗ്രസിൽ ചിന്താക്കുഴപ്പം സൃഷ്ടിച്ചിരിക്കുന്നതിനിടെ ഈ വിഷയത്തിൽ നിലപാട് തീരുമാനിക്കാൻ കോൺഗ്രസ് രാഷ്ട്രീയ കാര്യസമിതി ചേരുന്നു. ദേശീയ തലത്തിൽ കോൺഗ്രസ് സംവരണത്തെ അനുകൂലിക്കുന്പോൾ സംസ്ഥാനത്ത് മുസ്ലിം ലീഗിന്റെ നിലപാട് കോൺഗ്രസിനെ വെട്ടിലാക്കിയിരിക്കുകയാണ്. പിന്നോക്ക സംഘടനകളെ കൂടെക്കൂട്ടി പ്രതിഷേധിക്കാനുള്ള തയ്യാറെടുപ്പിലാണ് മുസ്ലിം ലീഗ്. ദേശീയ നിലപാടിനെ തള്ളാൻ കോൺഗ്രസ് സംസ്ഥാന നേതൃത്വത്തിനാവില്ല. അതേസമയം മുസ്ലിം ലീഗിന്റെ നിലപാട് കണ്ടില്ലെന്ന് നടിക്കാനുമാവില്ല. മുന്നാക്കക്കാരിൽ സാമ്പത്തികമായി പിന്നാക്കം നിൽക്കുന്നവർക്ക് സംവരണം വേണമെന്നും എന്നാലത് പിന്നാക്കവിഭാഗങ്ങളുടെ സംവരണം കുറച്ചുകൊണ്ടാകരുതെന്നുമാണ് കോൺഗ്രസിന്റെ മുന്പേയുള്ള നിലപാട്. നിലവിലുള്ള സംവരണത്തെ ഒരുതരത്തിലും ബാധിക്കാത്തവിധമായിരിക്കും സാമ്പത്തിക സംവരണം നടപ്പാക്കുകയെന്ന് മുഖ്യമന്ത്രി വ്യക്തമാക്കിയിട്ടുണ്ട്. ആകെ സീറ്റിന്റെ പത്തുശതമാനം വരെ സാമ്പത്തിക സംവരണത്തിനായി നീക്കിവയ്ക്കാമെന്നാണ് കേന്ദ്ര നിയമം. മുന്നോക്ക സംവരണ വിഷയത്തിൽ യുഡിഎഫിനെതിരെ ആർച്ച് ബിഷപ്പ് ജോസഫ് പെരുന്തോട്ടം കടുത്ത വിമർശനവുമായി രംഗത്തെത്തിയിരുന്നു. കേരളത്തിൽ…
Read More