ടെനെടുമങ്ങാട്: സർക്കാർ ടെക്നിക്കൽ ഹൈസ്കൂളിലേയ്ക്ക് പ്രവേശന നടപടികൾ 13 മുതൽ ആരംഭിച്ചു. http://www.polyadmission.org എന്ന വെബ്സൈറ്റിലെ ടിഎച്ച്എസ് അഡ്മിഷൻ പോർട്ടൽ എന്ന ലിങ്ക് ക്ലിക്ക് ചെയ്ത ശേഷം ഓൺലൈൻ സബ്മിഷൻ എന്ന ഓപ്ഷൻ തെരഞ്ഞെടുത്ത ശേഷം അപേക്ഷ സമർപ്പിക്കാം. കുട്ടിയുടെ പേര്, രക്ഷിതാവിന്റെ പേര്, ജനനതീയതി, മേൽവിലാസം, മൊബൈൽ നമ്പർ എന്നിവ നൽകണം. ആധാർ നമ്പർ, ഇമെയിൽ വിലാസം, സംവരണ വിവരങ്ങൾ എന്നിവ നിർബന്ധം അല്ല. രണ്ടാം അർദ്ധ വാർഷിക പരീക്ഷയുടെ മാർക്കാണ് പരിഗണിക്കുന്നത്. ഈ വിവരങ്ങൾ നൽകിയ ശേഷം അപേക്ഷയിൽ സൂചിപ്പിച്ചിട്ടുള്ള മൊബൈൽ നമ്പറിലേയ്ക്ക് അഞ്ചഅക്ക ഒടിപി ലഭിക്കുന്നതാണ്. ഈ ഒടിപി നൽകി അപ്രൂവൽ നൽകുന്നതോടെ ഓൺലൈൻ അപേക്ഷ പൂർത്തിയാകുന്നത്. ആറ് അക്ക നമ്പർ അപേക്ഷ നമ്പർ ആയി സ്ക്രീനിൽ ലഭിക്കുന്നതാണ്. ഓൺലൈനായി അപേക്ഷ സമർപ്പിക്കുന്നതിന് എന്തെങ്കിലും ബുദ്ധിമുട്ട് നേരിടുന്നവർക്കും അല്ലാത്തവർക്കും സ്കൂളിൽ നേരിട്ട് എത്തിയോ…
Read MoreCategory: TVM
പ്രവാസികൾക്ക് കരുതലൊരുക്കി കെ.എസ്. ശബരീനാഥൻ എംഎൽഎ
വിതുര : കൊറോണക്കാലത്ത് പ്രവാസികൾക്ക് കരുതലൊരുക്കി കെ.എസ്.ശബരീനാഥൻ എംഎൽഎ. സാമ്പത്തികമായി ബുദ്ധിമുട്ട് അനുഭവിക്കുന്ന അരുവിക്കര നിയോജകമണ്ഡലത്തിലെ പ്രവാസികൾക്കാണ് മടക്ക യാത്രയ്ക്ക് എംഎൽഎയുടെ സഹായ ഹസ്തമെത്തുന്നത്. അരുവിക്കരയിലെ പത്തോളം പേർക്ക് ടിക്കറ്റ് എടുത്തു നൽകുകയാണ് എംഎൽഎയുടെ പദ്ധതി. ഇതിന്റെ ഭാഗമായി തൊളിക്കോട് സ്വദേശിയായ സജാദിനായിരുന്നു എംഎൽഎ ആദ്യ ടിക്കറ്റിനുള്ള സഹായമെത്തിച്ചത്. ദോഹയിൽ നിന്നും തിരുവനന്തപുരത്ത് എത്തിയ വിമാനത്തിൽ സജാദ് നാട്ടിലെത്തി. ഖത്തറിലായിരുന്ന സജാദ് വിദേശത്ത് എത്തി ഒന്നരം മാസം കഴിഞ്ഞപ്പോൾ ഉണ്ടായ വാഹനാപകടത്തിൽ ഇരു കാലുകൾക്കും ഒടിവ് സംഭവിച്ചിരുന്നു. ഈ സാഹചര്യത്തിലാണ് മടക്ക യാത്രയ്ക്കുള്ള ആദ്യ ടിക്കറ്റ് സജാദിന് നൽകാൻ തീരുമാനിച്ചതെന്ന് എംഎൽഎ അറിയിച്ചു. പരസഹായം ഇല്ലാതെ നടക്കാൻ പോലും കഴിയാതെ ബുദ്ധിമുട്ടിയ സജാദിന് അടൂർ പ്രകാശ് എംപിയുടെ ഇടപെടലിൽ ഖത്തർ ഇൻകാസിന്റെ നേതൃത്വത്തിൽ മരുന്നും മറ്റുമടക്കമുള്ള സഹായവും വിദേശത്തു ലഭിച്ചിരുന്നു. തിരുവനന്തപുരം വിമാനത്താവളത്തിൽ എത്തിയ സജാദ് ഇപ്പോൾ…
Read Moreആദ്യ സ്പെഷൽ ട്രെയിൻ തിരുവനന്തപുരത്തെത്തി; യാത്രക്കാരിൽ ഏഴുപേർക്ക് രോഗലക്ഷണങ്ങൾ
തിരുവനന്തപുരം: രാജ്യത്ത് ലോക്ക് ഡൗൺ ഏർപ്പെടുത്തിയതിനുശേഷമുള്ള ആദ്യ സ്പെഷൽ ട്രെയിൻ ഡൽഹിയിൽ നിന്ന് തിരുവനന്തപുരത്തെത്തി. ഇന്നു പുലർച്ചെ 5.15നാണ് ട്രെയിൻ (02432) രാജധാനി സൂപ്പർഫാസ്റ്റ് തന്പാനൂർ റെയിൽവേസ്റ്റേഷനിലെത്തിയത്. തിരുവനന്തപുരത്തേക്ക് നാനൂറോളം യാത്രക്കാരുണ്ടായിരുന്നു. നേരത്തെ 603 പേർ തിരുവനന്തപുരത്ത് എത്തുമെന്നാണ് അറിയിപ്പുണ്ടായിരുന്നത്. കേരളത്തിലെത്തിയ യാത്രക്കാരിൽ ഏഴു പേർക്ക് കോവിഡ് രോഗലക്ഷണം കണ്ടെത്തി. തിരുവനന്തപുരത്തെത്തിയ ഒരു യാത്രക്കാരനും കോഴിക്കോട്ടെത്തിയ ആറു പേർക്കുമാണ് രോഗലക്ഷണം കണ്ടെത്തിയത്. തിരുവനന്തപുരത്തെത്തിയ പത്തനംതിട്ട സ്വദേശിക്കാണ് കോവിഡ് ലക്ഷണങ്ങൾ കണ്ടത്. ഇയാളെ തിരുവനന്തപുരം ജനറൽ ആശുപത്രിയിലേക്ക് മാറ്റിയത്. രോഗലക്ഷണമുള്ളവരോടൊപ്പം യാത്ര ചെയ്തവരെ നിരീക്ഷണത്തിലാക്കി. കേരളത്തിലെ ആദ്യ സ്റ്റോപ്പായ കോഴിക്കോട്ട് ഇന്നലെ രാത്രി 10നാണ് ട്രെയിൻ എത്തിയത്. 198 യാത്രക്കാരാണ് ഇവിടെ ഇറങ്ങിയത്. കോഴിക്കോട്ടെത്തിയ യാത്രക്കാരിൽ ആറു പേർക്ക് രോഗലക്ഷണങ്ങൾ കണ്ടെത്തിയതിനാൽ അവരെ ആശുപത്രിയിലേക്ക് മാറ്റിയിരുന്നു. കോഴിക്കോട്, എറണാകുളം, തിരുവനന്തപുരം എന്നിങ്ങനെ മൂന്ന് സ്റ്റോപ്പുകളാണ് ഉണ്ടായിരുന്നത്. രാവിലെ 1.40നാണ്…
Read Moreബസ് ചാർജ് വർധിപ്പിക്കാതെ വഴിയില്ല: കേന്ദ്രത്തിനോട് അനുമതി ആവശ്യപ്പെട്ടിട്ടുണ്ടെന്ന് ഗതാഗത മന്ത്രി
തിരുവനന്തപുരം: പഴയ നിരക്കിൽ സർവീസ് നടത്താൻ കെഎസ്ആർടിസിക്കോ സ്വകാര്യ ബസുകൾക്കോ സാധിക്കില്ലെന്നും ലോക്ക് ഡൗണിനെ തുടർന്നുണ്ടായ സാന്പത്തിക നഷ്ടം പരിഹരിക്കാൻ ടിക്കറ്റ് നിരക്ക് വർധിപ്പിക്കേണ്ടി വരുമെന്നും ഗതാഗത മന്ത്രി എ.കെ ശശീന്ദ്രൻ. കേന്ദ്രസർക്കാർ നിർദേശ പ്രകാരം പൊതുഗതാതം പുനഃസ്ഥാപിക്കുമെന്നും മന്ത്രി പറഞ്ഞു. 18നുശേഷം ജില്ലകൾക്കകത്ത് ബസ് സർവീസും ഒരാൾക്കു മാത്രം സഞ്ചരിക്കാൻ ഓട്ടോ സർവീസും അനുവദിക്കാൻ അനുമതി നൽകണമെന്ന് മുഖ്യമന്ത്രി പ്രധാനമന്ത്രിയോടാവശ്യപ്പെട്ടിട്ടുണ്ടെന്നും മന്ത്രി പറഞ്ഞു.
Read Moreതുറക്കുമ്പോൾ എല്ലാം ഒന്നിച്ച് ; സംസ്ഥാനത്തെ എല്ലാ മദ്യവിൽപ്പന കേന്ദ്രങ്ങളും തുറക്കുന്നു; തീയതി പിന്നീടെന്ന് മന്ത്രി
തിരുവനന്തപുരം: സംസ്ഥാനത്തെ എല്ലാ മദ്യവിൽപ്പന കേന്ദ്രങ്ങളും തുറക്കാൻ സർക്കാർ തീരുമാനിച്ചതായി എക്സൈസ് മന്ത്രി ടി.പി രാമകൃഷ്ണൻ. എന്നാൽ മദ്യവിൽപ്പനശാലകൾ തുറക്കുന്ന തീയതി തീരുമാനിച്ചിട്ടില്ലെന്നും മന്ത്രി അറിയിച്ചു. സംസ്ഥാനത്തെ 301 ഔട്ട്ലെറ്റുകളും ഒന്നിച്ചാണ് തുറക്കുക. ബെവ്കോയുടെ വിലയനുസരിച്ച് തന്നെയായിരിക്കും ബാറുകളിലെ കൗണ്ടറുകളിലും മദ്യവിൽപ്പന. മദ്യവിൽപ്പന കേന്ദ്രങ്ങളുടെ സമയക്രമത്തിൽ മാറ്റമുണ്ടാകും. ബാറുകളിലെ കൗണ്ടറുകളിൽ നിന്ന് മദ്യം പാഴ്സലായി വാങ്ങിക്കാം. അതേസമയം ക്ലബുകൾ തുറന്നു പ്രവർത്തിക്കാൻ അനുവദിക്കില്ല. മദ്യ വിൽപ്പന വെർച്വൽ ക്യൂ വഴിയായിരിക്കും. ഓൺലൈൻ വഴി മദ്യം ബുക്ക് ചെയ്യുന്പോൾ ലഭിക്കുന്ന സമയത്ത് മദ്യം വാങ്ങാനെത്തണം. ഇതിനുവേണ്ടി പ്രത്യേക ആപ്പ് തയ്യാറാക്കും. ആപ്പ് തയ്യാറായിക്കഴിഞ്ഞാൽ മദ്യവിൽപ്പന എന്നാരംഭിക്കണമെന്ന കാര്യത്തിൽ തീരുമാനമാകും. കർശന നിയന്ത്രണങ്ങളോടെയാകും മദ്യവിൽപ്പന കേന്ദ്രങ്ങൾ തുറക്കുക. മദ്യവിൽപ്പന കേന്ദ്രങ്ങളിൽ ഒരേ സമയം വരിയിൽ അഞ്ചു പേരിൽ കൂടുതൽ നിൽക്കാൻ പാടില്ല.
Read Moreലോക്ക് ഡൗൺ പ്രഖ്യാപിച്ചതിനുശേഷമുള്ള ആദ്യ ട്രെയിൻ നാളെ തിരുവനന്തപുരത്ത്; ഡൽഹിയിൽ നിന്ന് പുറപ്പെടുന്ന ട്രെയിന് കോഴിക്കോടും- കൊച്ചിയിലും മാത്രം സ്റ്റോപ്പ്
തിരുവനന്തപുരം: ലോക്ക് ഡൗൺ പ്രഖ്യാപിച്ചതിനുശേഷമുള്ള ആദ്യ ട്രെയിൻ നാളെ ഡൽഹിയിൽ നിന്ന് തിരുവനന്തപുരത്തെത്തും. വിദേശങ്ങളിൽ കുടുങ്ങിയ ഇന്ത്യാക്കാരെ നാട്ടിലെത്തിക്കാൻ പ്രത്യേക വിമാന സർവീസ് തുടങ്ങിയതിനു പിന്നാലെയാണ് പ്രത്യേക ട്രെയിൻ സംസ്ഥാനത്തേക്ക് വരുന്നത്. നാളെ പുലർച്ചെ അഞ്ചരയ്ക്ക് ട്രെയിൻ തന്പാനൂർ സ്റ്റേഷനിലെത്തും. എഴുനൂറോളം യാത്രക്കാർ തിരുവനന്തപുരത്തെത്തുമെന്നാണ് കണക്കാക്കുന്നത്. തിരുവനന്തപുരം കൂടാതെ കോഴിക്കോടും എറണാകുളത്തുമാണ് ട്രെയിനിന് സ്റ്റോപ്പുള്ളത്. തന്പാനൂർ സ്റ്റേഷനിൽ യാത്രക്കാരെ പരിശോധിക്കാനായി 15 ടേബിളുകൾ ഒരുക്കിയിട്ടുണ്ട്. രോഗ ലക്ഷണങ്ങളുള്ള യാത്രക്കാരെ പ്രത്യേക വഴിയിലൂടെ ആശുപത്രിയിലേക്ക് കൊണ്ടു പോകും. തന്പാനൂർ സ്റ്റേഷനിൽ എത്തുന്നവരെ വിവിധ സ്ഥലങ്ങളിലേക്ക് കൊണ്ടുപോകാൻ കെഎസ്ആർടിസി ബസുകൾ തയ്യാറാക്കിയിട്ടുണ്ട്. വീടുകളിലേക്ക് പോകുന്നവർ 14 ദിവസം നിരീക്ഷണത്തിൽ കഴിയണം. യാത്രക്കാരെ സ്വീകരിക്കാൻ തിരുവനന്തപുരം, കോഴിക്കോട്, എറണാകുളം സ്റ്റേഷനിൽ ഒരുക്കങ്ങൾ ഇന്നലെ ത്തനെന പൂർത്തിയായി. സാമൂഹിക അകലം പാലിക്കാൻ പ്ലാറ്റ് ഫോമുകളിൽ മാർക്ക് ചെയ്യുന്ന ജോലികളും പൂർത്തിയായി. എറണാകുളത്തേക്ക് 250…
Read Moreനാടിന്റെ നന്മയ്ക്കായി ജനമൈത്രി പോലീസ്; വീടുകളിൽ ക്വാറന്റൈനിൽ കഴിയുന്നവർ ഇന്നു മുതൽ പോലീസ് നിരീക്ഷണത്തിൽ
തിരുവനന്തപുരം: വീടുകളിൽ നിരീക്ഷണത്തിൽ കഴിയുന്നവർ നിർദ്ദേശങ്ങൾ ലംഘിച്ച് പുറത്തിറങ്ങുന്നുണ്ടോയെന്ന് നിരീക്ഷിക്കാൻ ജനമൈത്രി പോലീസിനെ ചുമതലപ്പെടുത്തി. കേരളത്തിലെത്തിയവർ ക്വാറന്റൈനിൽ കഴിയുന്ന വീടുകൾ ഇന്നുമുതൽ പോലീസ് നിരീക്ഷണത്തിലായിരിക്കുമെന്ന് സംസ്ഥാന പോലീസ് മേധാവി ലോക്നാഥ് ബെഹ്റ അറിയിച്ചു. ക്വാറന്റൈനിൽ കഴിയാൻ നിർദേശിക്കപ്പെട്ടവർ വിമാനത്താവളം, റെയിൽവേ സ്റ്റേഷൻ, ചെക്ക്പോസ്റ്റ് എന്നിവിടങ്ങളിൽ നിന്ന് മറ്റെങ്ങും പോകാതെ നേരെ ക്വാറന്റൈൻ കേന്ദ്രത്തിൽ അല്ലെങ്കിൽ വീട്ടിൽ എത്തുന്നുണ്ടെന്ന് പോലീസ് ഉറപ്പാക്കും. അവർ വഴിയിൽ പ്രത്യേകം തയാറാക്കിയ ടോയ്ലറ്റുകൾ മാത്രമേ ഉപയോഗിക്കാവൂ. ഇക്കാര്യം ഉറപ്പാക്കുന്നതിന് ഹൈവേ പോലീസിന്റെ സേവനം ഉറപ്പാക്കും. നിർദേശം ലംഘിക്കുന്നവർക്കെതിരെ കർശനമായ നിയമ നടപടികൾ സ്വീകരിക്കും. ക്വാറന്റൈൻ ലംഘിച്ച് പുറത്തിറങ്ങിയതിന് വയനാട് ജില്ലയിൽ രണ്ട് കേസും കാസർഗോഡ് ജില്ലയിലും കോഴിക്കോട് ജില്ലയിലും ഒരു കേസ് വീതവും രജിസ്റ്റർ ചെയ്തതായും സംസ്ഥാന പോലീസ് മേധാവി അറിയിച്ചു.
Read More81 യാത്രക്കാരുമായി ദോഹ-തിരുവനന്തപുരം വിമാനം എത്തി; രണ്ടുപേരെ ആശുപത്രിയിൽ പ്രവേശിപ്പിച്ചു
തിരുവനന്തപുരം: 181 യാത്രക്കാരുമായി ദോഹ-തിരുവനന്തപുരം വിമാനം തിരുവനന്തപുരം അന്താരാഷ്ട്ര വിമാനത്താവളത്തിലെത്തി. ഇന്ന് പുലർച്ചെ ഒരു മണിക്കാണ് വിമാനം ലാൻഡ് ചെയ്തത്. വിമാനത്താവളത്തിൽ യാത്രക്കാർക്ക് വിശദമായ ആരോഗ്യ പരിശോധന നടത്തി. ആർക്കും രോഗലക്ഷണങ്ങളുണ്ടായിരുന്നില്ല. രോഗം ബാധിച്ചയാളുമായി വിദേശത്തു വച്ച് സമ്പർക്കമുണ്ടായ ഒരു യാത്രക്കാരനെയും പൂർണ ഗർഭിണിയായ ഒരു സ്ത്രീയേയും ആശുപത്രിയിൽ പ്രവേശിപ്പിച്ചു. വിവിധ ജില്ലകളിലേക്ക് യാത്രക്കാരെ എത്തിക്കുന്നതിന് കെഎസ്ആർടിസി ബസുകൾ ഏർപ്പെടുത്തിയിരുന്നു. തിരുവനന്തപുരം ജില്ലാ ഭരണകൂടത്തിന്റെ നേതൃത്വത്തിലാണ് യാത്രക്കാരെ വിവിധ ജില്ലകളിലേക്ക് കെഎസ്ആർടിസി ബസുകളിൽ നിരീക്ഷണ കേന്ദ്രങ്ങളിലേക്ക് മാറ്റിയത്.
Read Moreസംസ്ഥാനത്ത് ഹയർസെക്കന്ററി ഉത്തരക്കടലാസുകളുടെ മൂല്യനിർണയം ആരംഭിച്ചു ; പ്രതിഷേധം അറിയിച്ച് ചില സംഘടനകൾ
തിരുവനന്തപുരം: സംസ്ഥാനത്ത് ഹയർസെക്കന്ററി ഉത്തരക്കടലാസുകളുടെ മൂല്യനിർണയം ആരംഭിച്ചു.ലോക്ക്ഡൗൺ മൂലം മൂല്യനിർണ്ണയം നടത്താനാകാത്ത സ്ഥിതിയായിരുന്നു. ഇത് വിദ്യാർത്ഥികളുടെ തുടർവിദ്യഭ്യാസത്തെ ബാധിക്കുമെന്ന സാഹചര്യത്തിലാണ് മൂല്യനിർണയം ആരംഭിക്കാൻ വിദ്യഭ്യാസ വകുപ്പ് തീരുമാനിച്ചത്. 92 ഓളം മൂല്യനിർണയ ക്യാമ്പുകളിലായി 20000 ൽ പരം അധ്യാപകരാണ് മൂല്യനിർണയത്തിൽ പങ്കെടുക്കുക. കോവിഡ് പശ്ചാത്തലത്തിൽ കർശനമായ സുരക്ഷാ മാനദണ്ഡ ങ്ങളോടെയാവും മൂല്യനിർണയ ക്യാമ്പുകൾ പ്രവർത്തിക്കുക. അതേസമയം ലോക് ഡൗൺ കാലത്തെ മൂല്യനിർണയത്തിനെതിരെ പ്രതിഷേധവുമായി ചില സംഘടനകൾ മുന്നോട്ട് വന്നിട്ടുണ്ട്.
Read Moreകോവിഡ് വ്യാപനം; മാറ്റിവച്ച എസ് എസ് എൽസി ഹയർ സെക്കന്ററി പരീക്ഷാ തീയതികൾ പ്രഖ്യാപിച്ചു
തിരുവനന്തപുരം: കോവിഡ് വ്യാപനത്തെ തുടർന്നു മാറ്റിവച്ച എസ് എസ് എൽസി ഹയർ സെക്കന്ററി പരീക്ഷകൾക്കുള്ള തീയതികൾ പ്രഖ്യാപിച്ചു. മെയ് 26ന് കണക്ക്, 27 ന് ഫിസിക്സ്, 28ന് കെമിസ്ട്രി എന്നിങ്ങനെയാണ് എസ്എസ്എൽസി പരീക്ഷകളുടെ ക്രമം. ഉച്ചകഴിഞ്ഞാണ് പരീക്ഷകൾ ഹയർ സെക്കൻഡറി പരീക്ഷകൾ 26മുതൽ 30 വരെ രാവിലെ നടത്തും. കേരള സർവകലാശാലയുടെ അവസാന സെമസ്റ്റർ ബിരുദ പരീക്ഷകൾ ഈ മാസം 21ന് ആരംഭിക്കും വിദൂര വിദ്യാഭ്യാസം വഴിയുള്ള ബിരുദ കോഴ്സുകളുടെ അഞ്ച് ആറ് സെമസ്റ്റർ പരീക്ഷ മേയ് 28ന് തുടങ്ങുമെന്നും സർവകലാശാല വാർത്താകുറിപ്പിൽ അറിയിച്ചു. എൽഎൽബി പഞ്ചവത്സര കോഴ്സുകളുടെ പരീക്ഷ ജൂൺ 8നും ത്രീവത്സര കോഴ്സിന്റേത് 9നു തുടങ്ങും. പതിവ് സെന്ററുകൾക്കു പുറമെ സബ് സെന്ററുകളും പരിക്ഷാ കേന്ദ്രങ്ങളായി ഉണ്ടാകും. വിദ്യാർഥികളുടെ സൗകര്യമനുസരിച്ച് സബ്സെന്ററുകൾ തെരഞ്ഞെടുക്കാം. പൊതുയാത്രാ സൗകര്യങ്ങളില്ലാത്തതിനാലാണ് ഈ ക്രമീകരണം.
Read More