വെഞ്ഞാറമൂട്: കെഎസ്ഇബി ട്രാൻസ്ഫോമറിന്റെ കമ്പിവേലിയിൽ കുടുങ്ങിയ കാട്ടുപന്നിയ ഫയർഫോഴ്സ് അധികൃതർ രക്ഷപ്പെടുത്തി. പ്ലാക്കീഴ് കള്ളിക്കാടിന് സമീപത്തുള്ള ട്രാൻസ് ഫോറിന്റെ കമ്പിവേലിയിലാണ് ഇന്നലെ പുലർച്ചെ കട്ടുപന്നി കുടുങ്ങി കിടക്കുന്നതായി നാട്ടുകാർ കണ്ടത്. പന്നിയുടെ തല ഭാഗം കമ്പിയിൽ കുടുങ്ങിയ നിലയിലായിരുന്നു. രക്ഷപ്പെടുത്താനുള്ള നാട്ടുകാരുടെ ശ്രമം വിഫലമായതോടെ വെഞ്ഞാറമൂട് ഫയർഫോഴ്സിനെ വിവരം അറിയിക്കുകയായിരുന്നു. ഉച്ചയ്ക്ക് 12 ഓടെ അസി. സ്റ്റേഷൻ ഓഫീസർ രാജേന്ദ്രൻ നായരുടെ നേതൃത്വത്തിൽ സ്ഥലത്ത് എത്തിയ ഫയർഫോഴ് സംഘം കമ്പിവേലി മുറിച്ചുമാറ്റി പന്നിയെ രക്ഷപ്പെടുത്തുകയായിരുന്നു. ഫയർ ഓഫീസർമാരായ അരുൺ മോഹൻ, സനിൽകുമാർ, അരവിന്ദ്, അരുൺ, സുരേഷ് കുമാർ എന്നിവരടങ്ങുന്ന സംഘമാണ് രക്ഷാപ്രവർത്തനത്തിൽ പങ്കെടുത്തത്.
Read MoreCategory: TVM
ഒരു കൂട്ടർക്ക് സ്ഥാനമാനങ്ങൾ; മറ്റുള്ളവർ വിറകു വെട്ടാനും വെള്ളം കോരാനുമെന്ന് കെ.മുരളീധരൻ
തിരുവനന്തപുരം: ജനപ്രതിനിധിയായും പാർട്ടി ഭാരവാഹിയായും ഒരേസമയം പ്രവർത്തിക്കാൻ കരുക്കൾ നീക്കുന്ന നേതാക്കൾക്കെതിരേ രൂക്ഷ വിമർശനവുമായി കെ.മുരളീധരൻ എംപി. എംഎൽഎയാകാനും എംപിയാവാനും കെപിസിസി ഭാരവാഹിയാകാനും ഒരു കൂട്ടരും ബാക്കിയുള്ളവർ വിറക് വെട്ടാനും വെള്ളം കോരാനും. അതിനോട് തനിക്ക് യോജിപ്പില്ലെന്ന് അദ്ദേഹം പറഞ്ഞു. താനുൾപ്പെടെയുള്ള എംപിമാർക്കും എംഎൽഎമാർക്കും ധാരാളം ജോലികളുണ്ട്. അതിനിടയിൽ പാർട്ടി ഭാരവാഹിത്വം കൂടി വഹിക്കുന്നത് എളുപ്പമുള്ള കാര്യമല്ല. കെപിസിസി വർക്കിംഗ് പ്രസിഡന്റ് സ്ഥാനം ഒഴിയാനുള്ള തന്റെ താൽപര്യം കോണ്ഗ്രസ് അധ്യക്ഷനെ അറിയിച്ചിട്ടുണ്ടെന്നും മുരളീധരൻ വ്യക്തമാക്കി. കെപിസിസി പുനസംഘടനയിൽ ജംബോ പട്ടിക വരുന്നതിനേയും മുരളീധരൻ എതിർത്തു. സംഘടന ശക്തിപ്പെടുത്താൻ ഭാരവാഹികളുടെ എണ്ണം കൂട്ടുന്നതിൽ യാതൊരു കാര്യവുമില്ല. എണ്ണം കുറയുന്നതാണ് സംഘനയ്ക്ക് എപ്പോഴും നല്ലതെന്നും മുരളീധരൻ പറഞ്ഞു.
Read Moreപള്സ് പോളിയോ തുള്ളിമരുന്ന് വിതരണം നാളെ; സംസ്ഥാനത്ത് 24ലക്ഷത്തോളം കുട്ടികൾക്ക് തുള്ളമരുന്ന് നൽകും
തിരുവനന്തപുരം: പള്സ് പോളിയോ ഇമ്യൂണൈസേഷന് പരിപാടിയുടെ സംസ്ഥാനതല ഉദ്ഘാടനം തിരുവനന്തപുരം വിളപ്പില് സാമൂഹ്യ ആരോഗ്യ കേന്ദ്രത്തില് നാളെ എട്ടിന് ആരോഗ്യ മന്ത്രി കെ.കെ. ശൈലജ നിര്വഹിക്കും. ഐ.ബി. സതീഷ് എംഎല്എ. അധ്യക്ഷത വഹിക്കും. ഞായറാഴ്ച ബൂത്ത്തല ഇമ്യൂണൈസേഷനും തിങ്കളും ചൊവ്വയും പോളിയോ തുള്ളി മരുന്ന് എടുക്കാന് വിട്ടുപോയ കുട്ടികള്ക്ക് വീട് വീടാന്തരം കയറി തുള്ളിമരുന്ന് നല്കുകയും ചെയ്യുകയാണ് പരിപാടിയെന്ന് മന്ത്രി പറഞ്ഞു. സംസ്ഥാനത്ത് 24,50,477 അഞ്ചു വയസില് താഴെയുളള കുട്ടികള്ക്കാണ് പോളിയോ തുളളി മരുന്നു നല്കാന് ലക്ഷ്യമിടുന്നത്. ഇതിനായി 24,247 വാക്സിനേഷന് ബൂത്തുകളും (ഒരു ബൂത്തിന് രണ്ടു പരിശീലനം ലഭിച്ച വാക്സിനേറ്റര്) കൂടാതെ ട്രാന്സിറ്റ് ബൂത്തുകളും മൊബൈല് ബൂത്തുകളും സജ്ജീകരിച്ചിട്ടുണ്ട്. ഭവന സന്ദര്ശനത്തിനായി 24,247 ടീമുകളെയും പരിശീലനം നല്കി തെരഞ്ഞെടുത്തിട്ടുണ്ട്.
Read Moreഗൂഢാലോചന നടന്നിട്ടുണ്ട്; മാധ്യമപ്രവർത്തകനെതിരേ സെൻകുമാർ പരാതി നൽകി
തിരുവനന്തപുരം: എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശനെതിരേ തിരുവനന്തപുരം പ്രസ്ക്ലബിൽ നടന്ന പത്രസമ്മേളനവുമായി ബന്ധപ്പെട്ടു തനിക്കെതിരേ ഗൂഢാലോചന നടന്നതായി ചൂണ്ടിക്കാട്ടി മുൻ ഡിജിപി ടി.പി. സെൻകുമാർ, തിരുവനന്തപുരം സിറ്റി പോലീസ് കമ്മീഷണർക്കു പരാതി നൽകി. പത്രസമ്മേളനത്തിൽ മാധ്യമ പ്രവർത്തകനായ റഷീദ് കടവിലുമായി തർക്കമുണ്ടായിരുന്നു. എന്നാൽ, അവസാനം കൈകൊടുത്താണു പിരിഞ്ഞത്. ഇതിനു ശേഷം നടന്ന സംഭവങ്ങളിൽ ഗൂഢാലോചന നടന്നിട്ടുണ്ടെന്നാണു പരാതിയിൽ പറയുന്നത്. റഷീദിനെ കൂടാതെ ടിവി ചാനലിലെ മുതിർന്ന മാധ്യമ പ്രവർത്തകന്റെ പേരും പരാതിയിൽ പറയുന്നുണ്ട്. സെൻകുമാറിനും ഒപ്പമുണ്ടായിരുന്നവർക്കുമെതിരേ റഷീദ് കടവിലും കഴിഞ്ഞ ദിവസം പരാതി നൽകിയിരുന്നു.
Read Moreസുപ്രീം കോടതിയെ സമീപിച്ചത് ചട്ടങ്ങൾ പാലിച്ച്: ഗവർണർക്ക് മറുപടിയുമായി സർക്കാർ
തിരുവനന്തപുരം: പൗരത്വ നിയമ ഭേദഗതിക്കെതിരെ സംസ്ഥാന സര്ക്കാര് സുപ്രീം കോടതിയെ സമീപിച്ചത് ചട്ടങ്ങൾ പാലിച്ചല്ലെന്നുള്ള ഗവർണറുടെ വിമർശനത്തിന് മറുപടിയുമായി സർക്കാർ. റൂൾസ് ഓഫ് ബിസിനസ് അനുസരിച്ചാണ് സർക്കാർ പ്രവർത്തിച്ചത്. കേസ് കൊടുക്കുന്നതിന് ഗവർണറുടെ അനുമതി വേണ്ട. ഗവർണറെ അറിയിക്കണമെന്ന് മാത്രമാണ് ചട്ടത്തിലുള്ളതെന്നും മന്ത്രി എ.കെ. ബാലൻ വ്യക്തമാക്കി. ഇക്കാര്യത്തിൽ നിയമ വിദഗ്ധരുമായി ആലോചിച്ച് ഗവർണർക്ക് മറുപടി നൽകും. ഗവർണറുടെ അധികാരത്തെ സർക്കാർ ചോദ്യം ചെയ്തിട്ടില്ലെന്നും മന്ത്രി പറഞ്ഞു. വാർഡ് വിഭജന ഓർഡിനൻസിൽ ഗവർണർ ഉന്നയിച്ച ആശങ്കകൾ പരിഹരിക്കാൻ നടപടിയെടുക്കും. കേന്ദ്ര സർക്കാരിനോ ഗവർണർക്കോ എതിരായല്ല സംസ്ഥാന സർക്കാർ പ്രവർത്തിക്കുന്നതെന്നും മന്ത്രി ബാലൻ മാധ്യമങ്ങളോട് പറഞ്ഞു.
Read Moreആ പണി ഇവിടെ വേണ്ട; എൻപിആർ സ്റ്റേയിൽ മാറ്റമില്ല; ആശയക്കുഴപ്പമുണ്ടാക്കിയാൽ ഉദ്യോഗസ്ഥർക്കെതിരേ നടപടി
തിരുവനന്തപുരം: ദേശീയ ജനസംഖ്യാ രജിസ്റ്ററുമായി(എൻപിആർ) ബന്ധപ്പെട്ട് ജനങ്ങൾക്കിടയിൽ ആശയക്കുഴപ്പമുണ്ടാക്കുന്ന ഉദ്യോഗസ്ഥർക്കെതിരേ അച്ചടക്ക നടപടി സ്വീകരിക്കാൻ സർക്കാർ നിർദേശം. ഇന്നലെ ജില്ലാ കളക്ടർമാർക്ക് അയച്ച അടിയന്തര സന്ദേശത്തിൽ പൊതുഭരണവകുപ്പ് പ്രിൻസിപ്പൽ സെക്രട്ടറി കെ.ആർ. ജ്യോതിലാലാണ് ഇതുസംബന്ധിച്ച് നിർദേശം നൽകിയത്. സംസ്ഥാനത്തു ചിലയിടങ്ങളിൽ എൻപിആറുമായി ബന്ധപ്പെട്ട വിവരശേഖരണത്തിന് തഹസിൽദാർമാർ നോട്ടീസ് ഇറക്കിയ പശ്ചാത്തലത്തിലാണ് ഇക്കാര്യത്തിൽ സർക്കാർ നിയന്ത്രണമേർപ്പെടുത്തി നിർദേശം നൽകിയത്. ദേശീയ ജനസംഖ്യാ രജിസ്റ്റർ സംബന്ധിച്ച (എൻപിആർ) എല്ലാ നടപടികളും സ്റ്റേ ചെയ്ത സർക്കാർ നടപടിയിൽ ഒരു മാറ്റവും വന്നിട്ടില്ലെന്നും കളക്ടർമാർക്ക് അയച്ച സന്ദേശത്തിൽ പ്രിൻസിപ്പൽ സെക്രട്ടറി വ്യക്തമാക്കിയിട്ടുണ്ട്. അതേസമയം എൻപിആറുമായി ബന്ധപ്പെട്ട് സെൻസസ് കമ്മിഷണർ വിളിച്ച ചീഫ് സെക്രട്ടറിമാരുടെ യോഗം ഇന്ന് ഡൽഹിയിൽ നടക്കും. കേരളത്തിൽ നിന്ന് ചീഫ് സെക്രട്ടറി യോഗത്തിൽ പങ്കെടുക്കില്ല. പകരം പൊതുഭരണ വകുപ്പ് സെക്രട്ടറിയാണ് യോഗത്തിൽ പങ്കെടുക്കുന്നത്. പൗരത്വ രജിസ്റ്ററുമായി ബന്ധപ്പെട്ട എല്ലാ നടപടികളും…
Read Moreകളിയിക്കാവിള എഎസ്ഐ വധം; മുഖ്യപ്രതികൾക്കെതിരെ യുഎപിഎ ചുമത്തി
തിരുവനന്തപുരം: കളിയിക്കാവിള എഎസ്ഐ വധക്കേസിലെ മുഖ്യപ്രതികൾക്കെതിരെ യുഎപിഎ ചുമത്തി. മുഖ്യപ്രതികളായ അബ്ദുൾ ഷെമീം, തൗഫിക്ക് എന്നിവർക്കെതിരെയാണ് യുഎപിഎ ചുമത്തിയിരിക്കുന്നത്. തീവ്രവാദ ബന്ധം സംശയിക്കുന്ന സാഹചര്യത്തിലാണ് യുഎപിഎ ചുമത്തുന്നത്. രാജ്യത്തിന്റെ വിവിധ ഭാഗങ്ങളിൽ സ്ഫോടനവും അക്രമവും നടത്താൻ പദ്ധതിയിട്ടിരുന്നുവെന്ന് ചോദ്യം ചെയ്യലിൽ തമിഴ്നാട് പോലീസിലെ ക്യു ബ്രാഞ്ച്സം ഘത്തോട് പ്രതികൾ വെളിപ്പെടുത്തിയിരുന്നു. ഇവരുടെ സംഘത്തിൽ ഇരുപതോളം തീവ്രവാദി പ്രവർത്തകർ ഉണ്ടെന്നാണ് വെളിപ്പെടുത്തിയിരിക്കുന്നത്. റിപ്പബ്ലിക് ദിനത്തിൽ ഡൽഹിയിലും തമിഴ്നാട്ടിലും കർണാടകത്തിലും സ്ഫോടനങ്ങൾ നടത്താൻ ഇവർ പദ്ധതി തയാറാക്കിയിരുന്നുവെന്നാണ് പോലീസ് പറയുന്നത്. സം ഘത്തിലെ മൂന്ന് പേർ ചാവേർ ആകാൻ പ്രത്യേക പരിശീലനം നേടിയിരുന്നുവെന്നാണ് ചോദ്യംചെയ്യൽ വേളയിൽ വ്യക്തമായി. കഴിഞ്ഞ ദിവസം കർണാടകത്തിലെ ഉഡുപ്പിയിൽനിന്നു തമിഴ്നാട് ക്യു ബ്രാഞ്ച് സംഘം കസ്റ്റഡിയിലെടുത്ത പ്രതികളെ ഇന്നലെ മുതൽ കർണാടക പോലീസും തമിഴ്നാട് പോലീസും ചോദ്യം ചെയ്തുവരികയാണ്. നടപടി ക്രമങ്ങൾ പൂർത്തിയാക്കി കർണാടക പോലീസ്…
Read Moreഅതിക്രമങ്ങൾ കുട്ടികളോട് വേണ്ട; കുട്ടികൾക്കെതിരേയുളള ലൈംഗികാതിക്രമം തടയാൻ കേരള പോലീസിന്റെ “മാലാഖ’
തിരുവനന്തപുരം: കുട്ടികൾക്കെതിരെ ഉണ്ടാകുന്ന ലൈംഗിക അതിക്രമങ്ങൾ തടയുന്നതിന് “മാലാഖ’എന്ന പേരിൽ ബോധവത്കരണ പരിപാടികൾക്ക് കേരള പോലീസ് രൂപം നൽകി. രണ്ടര മാസം നീളുന്ന ഈ പദ്ധതിയിലൂടെ കുട്ടികളുടെ സുരക്ഷയുമായി അടുത്ത ബന്ധം പുലർത്തുന്ന രക്ഷകർത്താക്കൾ, അധ്യാപകർ, ബന്ധുക്കൾ, പോലീസുദ്യോഗസ്ഥർ, ഡോക്ടർമാർ, ആരോഗ്യ മേഖലയിലെ ജീവനക്കാർ, മാധ്യമപ്രവർത്തകർ എന്നിവർക്ക് ബോധവത്കരണം നൽകാനാണ് ഉദ്ദേശിക്കുന്നതെന്ന് സംസ്ഥാന പോലീസ് മേധാവി ലോക്നാഥ് ബെഹ്റ പറഞ്ഞു. 15 മുതൽ മാർച്ച് 31 വരെ നീളുന്ന തരത്തിലാണ് വിവിധ തരത്തിലുളള പരിപാടികൾ സംഘടിപ്പിച്ചിരിക്കുന്നത്. അതത് ജില്ലകളിലെ പോലീസ് മേധാവിമാർക്കാണ് പരിപാടികളുടെ മേൽനോട്ട ചുമതല. കുട്ടികൾക്കുനേരേയുണ്ടാകുന്ന അതിക്രമങ്ങൾക്കെതിരെ സന്ദേശങ്ങൾ പതിപ്പിച്ച “വാവ എക്സ്പ്രസ്’ എന്ന പേരിലുള്ള പ്രചാരണ വാഹനം സംസ്ഥാനമൊട്ടാകെ യാത്ര ചെയ്ത് ബോധവത്കരണം നടത്തും. ഇതിനുപുറമെ സംസ്ഥാനത്തൊട്ടാകെ ഒപ്പുശേഖരണം, ഘോഷയാത്രകൾ, സാംസ്കാരിക പരിപാടികൾ, നാടകങ്ങൾ, തെരുവു നാടകങ്ങൾ, മണൽ ചിത്രരചന, ചലച്ചിത്ര /ടെലിവിഷൻ താരങ്ങളെ…
Read Moreഇത് കേരളത്തിന് അപമാനം; നൈറ്റ് ലൈഫ് കേന്ദ്രങ്ങൾ തുടങ്ങാനുള്ള നീക്കം അപമാനകരമെന്ന് വി.എം. സുധീരൻ
തിരുവനന്തപുരം: പബ്ബുകളും നൈറ്റ് ലൈഫ് കേന്ദ്രങ്ങളും തുടങ്ങാനുള്ള നീക്കം കേരളത്തിന് അപമാനമാണെന്ന് വി.എം. സുധീരൻ. നാടിനെ നശിപ്പിച്ചേ അടങ്ങൂ എന്ന പിടിവാശി ഒരു ജനാധിപത്യ ഭരണാധികാരിക്ക് തെല്ലും ഭൂഷണമല്ലെന്നു മുഖ്യമന്ത്രി പിണറായി വിജയന് അയച്ച കത്തിൽ സുധീരൻ ഓർമിപ്പിച്ചു. സംസ്ഥാനത്ത് പബ്ബുകൾക്ക് പിന്നാലെ നൈറ്റ് ലൈഫ് കേന്ദ്രങ്ങളും തുടങ്ങുമെന്നും അതിനു പറ്റിയ സുരക്ഷിതമായ സ്ഥലങ്ങൾ കണ്ടെത്താൻ കളക്ടർമാർ ശ്രമം തുടങ്ങിയെന്നും പ്രതിവാര ടെലിവിഷൻ പരിപാടിയിലാണ് മുഖ്യമന്ത്രി അറിയിച്ചത്. നിയന്ത്രണമില്ലാത്ത മദ്യ വ്യാപനത്തിന്റെയും മയക്കുമരുന്ന് വിപണനത്തിന്റെ യും ഫലമായി സാമൂഹ്യ ദുരന്തത്തിന്റെ പാതയിലൂടെ മുന്നോട്ടു പോകുന്ന കേരളം ഇവ വരുന്നതോടെ സർവനാശത്തിലേക്കെത്തുമെന്ന് അദ്ദേഹം കത്തിൽ പറഞ്ഞു.
Read Moreഗുണമേന്മയിൽ തെല്ലും കുറവു വരുത്താതെ കൃഷിവകുപ്പിന്റെ ജ്യൂസും ചമ്മന്തിപ്പൊടിയും ചിപ്സും
തിരുവനന്തപുരം: കൃഷിവകുപ്പിനു കീഴിലുള്ള സ്ഥാപനങ്ങൾ നിർമിക്കുന്ന ജ്യൂസും ചമ്മന്തിപ്പൊടിയും ചിപ്സും വെളിച്ചെണ്ണയുമൊക്കെ മുഖം മിനുക്കുന്നു. വിപണി പിടിച്ചടക്കാനായി ഗുണമേന്മയിൽ തെല്ലും കുറവു വരുത്താതെ ഇവയെല്ലാം രാജ്യാന്തര നിലവാരത്തിലുള്ള ആകർഷകമായ പാക്കറ്റുകളിലേക്കു മാറ്റുകയാണ്. ഇതിനുള്ള പ്രാഥമിക നടപടികൾക്ക് ഇന്നു തുടക്കമാകും. സംസ്ഥാന കാർഷിക വികസന, കർഷകക്ഷേമ വകുപ്പിന്റെ കീഴിലുള്ള വിവിധ പൊതുമേഖലാ സ്ഥാപനങ്ങൾ ഭക്ഷ്യ ഉത്പന്നങ്ങൾ പുറത്തിറക്കുന്നുണ്ടെങ്കിലും വിപണി പിടിച്ചടക്കാൻ ഇവയ്ക്കു സാധിക്കുന്നില്ല. ഗുണമേന്മയിൽ ഏറെ മുന്നിലുള്ള സർക്കാർ സ്ഥാപനങ്ങളുടെ ഉത്പന്നങ്ങളെ കടത്തി വെട്ടി ഗുണമേന്മ തൊട്ടുതീണ്ടാത്ത സ്വകാര്യ സ്ഥാപനങ്ങളുടെ ഇത്തരം ഉത്പന്നങ്ങൾ വിപണി കൈയടക്കുകയാണ്. വിപണി പിടിച്ചടക്കുന്നതിനായി കൃഷിവകുപ്പിനു കീഴിലെ പൊതുമേഖലാ സ്ഥാപനങ്ങളുടെയും കാർഷിക സർവകലാശാലയുടെയും ഉത്പന്നങ്ങൾ ആകർഷകമായ പാക്കറ്റുകളിലേക്കു മാറ്റും. ഇത്തരം ഉത്പന്നങ്ങളുടെ പാക്കറ്റുകൾ രാജ്യാന്തര നിലവാരത്തിൽ രൂപകല്പന ചെയ്യുന്നതിനായി മുംബൈ ഇന്ത്യൻ ഇൻസ്റ്റിറ്റ്യൂട്ട് ഓഫ് പാക്കേജിംഗ് ഡയറക്ടർ ഡോ. തൻവീർ ആലം ഇന്നു കൃഷിമന്ത്രി…
Read More