പേരൂർക്കട: ടെലിവിഷൻ അവതാരകയും ഗായികയുമായ ജാഗി ജോണിനെ വീട്ടിൽ മരിച്ച നിലയിൽ കണ്ടെത്തിയ സംഭവത്തിൽ പ്രാഥമിക അന്വേഷണത്തിൽ ദുരൂഹത കാണുന്നില്ലെന്ന് പേരൂർക്കട പോലീസ് അറിയിച്ചു. അബദ്ധത്തിൽ ഉണ്ടായ വീഴ്ചയിൽ ആകാം മരണം സംഭവിച്ചതെന്ന നിഗമനത്തിലാണ് പോലീസ്. അതേസമയം പോസ്റ്റുമോർട്ടം റിപ്പോർട്ട് ലഭിച്ചാൽ മാത്രമേ മരണത്തിൽ കൂടുതൽ വ്യക്തത കൈവരികയുള്ളൂ എന്നും പോലീസ് വ്യക്തമാക്കി. അവതാരകയും ബ്യൂട്ടി അഡ്വൈസറുമായ കുറവൻകോണം വിക്രമപുരം ഹിൽ 199ൽ ജാഗി ജോണിനെ (48) ആണ് വീട്ടിലെ അടുക്കളയിൽ കഴിഞ്ഞ ദിവസം മരിച്ച നിലയിൽ കണ്ടത്. ജാഗിയും അമ്മ ഗ്രേസ് ജോണും മാത്രമാണ് വീട്ടിൽ താമസം. അടുക്കളയിലാണ് കമിഴ്ന്നു കിടക്കുന്ന നിലയിൽ മൃതദേഹം കണ്ടെത്തിയത്. മൃതദേഹത്തിന്റെ തലയിൽ മുറിവുണ്ടെങ്കിലും തലടിയിച്ചു വീണപ്പോൾ സംഭവിച്ചതാകാമെന്നു പോലീസ് കരുതുന്നു. അന്വേഷണത്തിൽ ഇതുവരെ പോലീസിന് അസ്വാഭാവികതയൊന്നും കണ്ടെത്താനായിട്ടില്ല. ഇന്നു രാവിലെ മൃതദേഹം മെഡിക്കൽ കോളജ് ആശുപത്രിയിലേക്കു മാറ്റി. മോർച്ചറിയിൽ…
Read MoreCategory: TVM
മാധ്യമപ്രവര്ത്തകന് ബഷീറിന്റെ മരണം; ശ്രീറാം വെങ്കിട്ടരാമന് ഓടിച്ചിരുന്ന കാര് മണിക്കൂറില് 120 കിലോമീറ്റര് വേഗത്തിലായിരുന്നുവെന്ന് ഫോറന്സിക് റിപ്പോർട്ട്
തിരുവനന്തപുരം: മാധ്യമപ്രവര്ത്തകന് കെ.എം. ബഷീര് കാറിടിച്ച് മരിച്ച സംഭവത്തില് ശ്രീറാം വെങ്കിട്ടരാമന് ഓടിച്ചിരുന്ന കാര് മണിക്കൂറില് 120 കിലോമീറ്റര് വേഗത്തിലായിരുന്നുവെന്ന് ഫോറന്സിക് സയന്സ് ലാബിന്റെ പ്രാഥമിക പരിശോധനയില് വ്യക്തമായി. കേസുമായി ബന്ധപ്പെട്ട് ഫിസിക്സ് ഡിവിഷന്റേത് ഒഴികെയുള്ള റിപ്പോര്ട്ടുകള് ലാബ് അധികൃതര് അന്വേഷണ സംഘത്തിന് കൈമാറി. വാഹനത്തിന്റെ വേഗം കണ്ടുപിടിക്കാനായി അന്വേഷണ സംഘം വെള്ളയമ്പലത്തെ കെഎഫ്സിക്ക് മുന്നില് നിന്നുള്ള ദൃശ്യം ഫോറന്സിക് ലാബില് നല്കിയിരുന്നു. ഈ ദൃശ്യം പരിശോധിച്ചതിനാലാണ് വാഹനം അതിവേഗത്തിലായിരുന്നുവെന്ന് കണ്ടെത്തിയത്. വാഹനത്തിന്റെ വേഗം സംബന്ധിച്ച എന്എബിഎല് അക്രഡിറ്റേഷന്റെ പുതിയ മാനദണ്ഡപ്രകാരം തയ്യാറാക്കേണ്ട അന്തിമ റിപ്പോര്ട്ട് മാത്രമാണ് ഇനി നല്കാനുള്ളത്. ഫോറന്സിക് ലാബില് നിന്നുള്ള ഫലം വൈകുന്നതുകൊണ്ടാണ് കേസില് കുറ്റപത്രം നല്കാന് വൈകുന്നതെന്ന് ക്രൈംബ്രാഞ്ച് പ്രത്യേക സംഘം വ്യക്തമാക്കിയിരുന്നു.
Read Moreകാട്ടാക്കടയിൽ ദുരൂഹ സാഹചര്യത്തിൽ വീട്ടമ്മ മരിച്ച സംഭവം; പോലീസ് തെളിവെടുപ്പ് നടത്തി
കാട്ടാക്കട : തനിച്ച് താമസിക്കുന്ന വീട്ടമ്മ വീടിനുള്ളിൽ ദുരൂഹ സാഹചര്യത്തിൽ മരിച്ച സംഭവത്തിൽ പോലീസും വിരലടയാള വിദഗ്ധരും പരിശോധന നടത്തി. വിളപ്പിൽശാല ചെക്കിട്ടപാറ തെക്കേപണ്ടാരവിള വീട്ടിൽ രമണിയെ (54) ആണ് ശനിയാഴ്ച വൈകുന്നേരം 4.30ന് വീടിനുള്ളിൽ മരിച്ച നിലയിൽ കണ്ടെത്തിയത്. പ്ലൈവുഡ് കൊണ്ടുള്ള വീടിന്റെ പിൻവാതിലിന്റെ അടിഭാഗം തകർത്ത് തല പുറത്തേക്കും ശരീരം വീടിനുള്ളിലും ആയിട്ടാണ് മൃതദേഹം കിടന്നത്. പിൻവാതിൽ അകത്തുനിന്ന് കുറ്റിയിട്ടിരുന്നു. മുൻവാതിൽ പുറത്തു നിന്ന് പൂട്ടിയ നിലയിലാണ്. വീടിനു സമീപത്തു കൂടെ പോയ രമണിയുടെ അമ്മ സുമതിയാണ് മൃതദേഹം ആദ്യം കണ്ടത്. ഇന്നലെ രാവിലെ ഡോഗ് സ്ക്വാഡ് സ്ഥലത്തെത്തിയെങ്കിലും അസ്വാഭാവികമായ വസ്തുക്കളൊന്നും വീടിനുള്ളിൽ കണ്ടെത്താൻ കഴിയാത്തതിനാൽ പോലീസ് ഡോഗിന് മണം പിടിക്കാനായില്ല. നോഡൽ എസ്പി ഓഫീസിലെ പോലീസ് സയന്റഫിക് ഓഫീസർ ആർ.ആർ. രഞ്ജുവിന്റെ നേതൃത്വത്തിൽ വിരലടയാള വിദഗ്ധർ തെളിവെടുപ്പ് നടത്തി. നെടുമങ്ങാട് ഡിവൈഎസ്പി സ്റ്റുവർട്ട്…
Read Moreതാൻ പറയുന്നതാണ് പാർട്ടി നിലപാട്: പൗരത്വ ഭേദഗതി നിയമത്തിനെതിരേ സംയുക്ത സമരത്തിനില്ല; തന്റെ നിലപാട് മാറ്റണമെങ്കിൽ പാർട്ടി യോഗം ചേർന്ന് തീരനമാനിക്കട്ടെയെന്ന് കടുപ്പിച്ച് മുല്ലപ്പള്ളി
തിരുവനന്തപുരം: പൗരത്വ ഭേദഗതി നിയമത്തിനെതിരെ സംയുക്ത സമരത്തിനില്ലെന്ന് ആവർത്തിച്ച് കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ. സിപിഎമ്മുമായി സഹകരിച്ച് സമരമില്ലെന്ന് മുല്ലപ്പള്ളി വാർത്താ സമ്മേളനത്തിൽ പറഞ്ഞു. സംയുക്തസമരത്തിൽ പങ്കെടുക്കാതിരുന്ന നിലപാടിനെതിരെ വിമർശനമുയർന്ന സാഹചര്യത്തിലാണ് മുല്ലപ്പള്ളിയുടെ വിശദീകരണം. താൻ പറയുന്നതാണ് പാർട്ടി നിലപാട്. തന്റെ നിലപാട് മാറ്റണമെങ്കിൽ പാർട്ടി യോഗം ചേർന്ന് തീരുമാനിക്കണം. രമേശ് ചെന്നിത്തലയുടെ ഉദ്ദേശശുദ്ധി ചോദ്യം ചെയ്യുന്നില്ലെന്നും കെപിസിസി അധ്യക്ഷൻ വാർത്താ സമ്മേളനത്തിൽ പറഞ്ഞു. ആശയ വ്യക്തതയുള്ള നേതാക്കളെയാണ് നാടിന് ആവശ്യം. നിലപാടുകളിൽ താൻ ഒരിക്കലും വിട്ടുവീഴ്ച ചെയ്തിട്ടില്ലെന്നും അദ്ദേഹം പറഞ്ഞു. മുഖ്യമന്ത്രി പിണറായി വിജയനു മൃദു ഹിന്ദുത്വ സമീപനമെന്നും മുല്ലപ്പള്ളി ആരോപിച്ചു. ബിജെപിയെ സന്തോഷിപ്പിക്കാനാണ് പിണറായിയുടെ ശ്രമം. ഫാസിസ്റ്റ് വിരുദ്ധ സമരത്തിൽ സിപിഎമ്മിന് ആത്മാർഥയില്ല. കൂത്തുപറമ്പിൽ ജയിക്കാനായി കെ.ജി.മാരാരെ പിണറായി സഹായിച്ചിട്ടുണ്ട്. ഉദുമയിൽ കെ.ജി.മാരാരെ പിന്തുണയ്ക്കാൻ പിണറായി പ്രവർത്തകരെ അയച്ചെന്നും അദ്ദേഹം ആരോപിച്ചു. കേരളത്തിൽ ഭരണകൂട…
Read Moreഭരണഘടനയെ സംരക്ഷിക്കാൻ ഗവർണർക്ക് ഉത്തരവാദിത്വമുണ്ട്; ഗവർണർക്കെതിരേ രൂക്ഷവിമർശനവുമായി ഇ.ടി. മുഹമ്മദ് ബഷീർ
തിരുവനന്തപുരം: കേരള ഗവർണർ ആരിഫ് മുഹമ്മദ് ഖാനെതിരെ രൂക്ഷ വിമർശനവുമായി മുസ്ലിം ലീഗ് എം.പി. ഇ.ടി. മുഹമ്മദ് ബഷീർ. ഭരണഘടനയെ സംരക്ഷിക്കാൻ ഗവർണർക്ക് ഉത്തരവാദിത്വമുണ്ടെന്നും എന്നാൽ ആ ഉത്തരവാദിത്വം ഗവർണർ നിറവേറ്റുന്നില്ലെന്നും ഇ.ടി.മുഹമ്മദ് ബഷീർ കുറ്റപ്പെടുത്തി. പൗരത്വ ഭേദഗതി ബില്ലിനെതിരെ എൽഡിഎഫുമായി ചേർന്ന് സംയുക്ത സമരമാകാമെന്നും അദ്ദേഹം വ്യക്തമാക്കി. ലീഗിന്റെ നിലപാടും ഇത് തന്നെയാണ്. പൗരത്വ ബില്ലിനെതിരെ എൽഡിഎഫിന്റെ മനുഷ്യചങ്ങലയിൽ പങ്കെടുക്കുന്ന കാര്യത്തെക്കുറിച്ച് തീരുമാനിച്ചിട്ടില്ലെന്നും അദ്ദേഹം വ്യക്തമാക്കി. യൂത്ത് ലീഗ് തിരുവനന്തപുരം ജനറൽ പോസ്റ്റ് ഓഫീസിന് മുന്നിൽ നടത്തിയ ധർണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പോസ്റ്റ് ഓഫീസിനുള്ളിലേക്ക് തള്ളിക്കയറാൻ ശ്രമിച്ച യൂത്ത് ലീഗ് പ്രവർത്തകരെ പോലീസ് അറസ്റ്റ് ചെയ്ത് നീക്കി. ഇന്ന് രാവിലെ മുതലാണ് ധർണ ആരംഭിച്ചത്.
Read Moreപണത്തിനുവേണ്ടി വളർത്തുമകനും സുഹൃത്തുക്കളും ചേർന്ന് വയോധികയെ കൊന്നകേസിൽ രണ്ടു പേർ കൂടി അറസ്റ്റിൽ
നേമം: പള്ളിച്ചൽ സ്വദേശിനിയായ കൗസല്യയെ (80) കൊലപ്പെടുത്തിയ സംഭവത്തിൽ രണ്ടുപേരെ ക്കൂടി നരുവാമൂട് പോലീസ് അറസ്റ്റ് ചെയ്തു. അയണിമൂട് മണ്ണാറമുട്ടം കോളനിയിൽ ദേവകൻ (പിക്കി, 28), അയണിമൂട് മണ്ണാറമുട്ടം കോളനിയിൽ സുരേഷ് ബാബു (തവക്കള ബാബു ,41) എന്നിവരെയാണ് പോലീസ് അറസ്റ്റുചെയ്തത്. കൗസല്യയുടെ വളർത്തുമകനായ അയണിമൂട് റോഡരികത്ത് വീട്ടിൽ അയ്യപ്പൻ (26) നെ പോലീസ് നേരത്തെ അറസ്റ്റുചെയ്തിരുന്നു. കഴിഞ്ഞ ഒക്ടോബർ 29 നാണ് കേസിനാസ്പദമായ സംഭവം നടന്നത്. വീട്ടിനുള്ളിൽ ബോധരഹിതയായി കാണപ്പെട്ടതിനെ തുടർന്ന് മെഡിക്കൽകോളജ് ആശുപത്രിയിൽ ചികിത്സയിലായിരുന്ന കൗസല്യ പീന്നിട് വീട്ടിൽ വച്ച് മരിക്കുകയായിരുന്നു. ആദ്യം അസ്വഭാവിക മരണത്തിനാണ് പോലീസ് കേസെടുത്തത്. പിന്നീട് നടത്തിയ അന്വേഷണത്തിലാണ് വളർത്തുമകനായ അയ്യപ്പനും സുഹൃത്തുക്കളും ചേർന്ന് പണം ആവശ്യപ്പെട്ട് വയോധികയെ ദേഹോപദ്രവം ചെയ്തതായി കണ്ടെത്തിയത്. പോലീസ് അന്വേഷിക്കുന്നതായി മനസിലാക്കിയ പ്രതികൾ ഒളിവിൽ കഴിയവെയാണ് നരുവാമൂട് ഇൻസ്പെക്ടർ കെ.ധനപാലന്റെ നേതൃത്വത്തിൽ എ എസ്ഐമാരായ…
Read Moreജനസംഖ്യ രജിസ്റ്റർ പുതുക്കുന്ന നടപടികൾ കേരളത്തിൽ നിർത്തിവയ്ക്കും; ഉത്തരവിറങ്ങി
തിരുവനന്തപുരം: ദേശീയ ജനസംഖ്യ രജിസ്റ്റർ പുതുക്കുന്ന നടപടികൾ കേരളത്തിൽ നിർത്തിവയ്ക്കും. ദേശീയ ജനസംഖ്യ രജിസ്റ്ററിലെ വിവരങ്ങൾ ദേശീയ പൗരത്വ രജിസ്റ്ററിനായി ഉപയോഗപ്പെടുത്തുമെന്ന ആശങ്കകൾ ഉള്ളതിനാൽ നടപടി നിർത്തിവയ്ക്കാൻ സംസ്ഥാന സർക്കാർ ഉത്തരവിട്ടു. പൊതുഭരണ പ്രിൻസിപ്പൽ സെക്രട്ടറി കെ.ആർ. ജ്യോതിലാലാണ് ഇതുസംബന്ധിച്ച ഉത്തരവിറക്കിയത്. സെൻസസ് ഓപ്പറേഷൻസ് ഡയറക്ടറെ സർക്കാർ നിലപാട് അറിയിച്ചു. രാജ്യത്തെ ജനസംഖ്യാ കണക്കെടുപ്പ് അനിവാര്യമായ ഒരു സ്ഥിതിവിവരക്കണക്കായതിനാൽ നിലവിലുള്ള രീതിയിൽ സെൻസസിനോടുള്ള സഹകരണം തുടരാൻ സംസ്ഥാന സർക്കാർ പ്രതിജ്ഞാബദ്ധമാണ്. എന്നാൽ ഉയർന്നുവന്നിട്ടുള്ള ആശങ്കകൾ കൂടി കണക്കിലെടുത്ത് നടപടികൾ നിർത്തിവയ്ക്കുകയാണ്. ദേശീയ പൗരത്വ രജിസ്റ്റർ തയാറാക്കുന്നതിന് സഹായകമായവിധം ദേശീയ ജനസംഖ്യാ രജിസ്റ്റർ പുതുക്കുന്നതിനുള്ള നടപടികളുമായി യാതൊരു കാരണവശാലും സംസ്ഥാന സർക്കാർ സഹകരിക്കില്ലെന്നും മുഖ്യമന്ത്രിയുടെ ഓഫീസ് അറിയിച്ചു. പൗരത്വ ഭേദഗതി ബില്ലിനെ എതിർക്കുന്ന സർക്കാർ ജനസംഖ്യ രജിസ്റ്റർ പുതുക്കുന്ന നടപടിയുമായി മുന്നോട്ടു പോകുന്നത് വിവാദമായിരുന്നു. ജനസംഖ്യാ രജിസ്റ്റർ പുതുക്കലുമായി…
Read Moreപ്രതിഷേധിക്കുന്നവരെ അടിച്ചൊതുക്കാനാണ് കേന്ദ്ര സർക്കാരിന്റെ ശ്രമം; പൗരത്വ ബില്ലിനെതിരായ സംയുക്ത സമരത്തെ സ്വാഗതം ചെയ്ത് ഉമ്മൻ ചാണ്ടി
തിരുവനന്തപുരം: പൗരത്വ ഭേദഗതി ബില്ലിനെതിരേ ഭരണ-പ്രതിപക്ഷ കക്ഷികൾ സംയുക്തമായ നടത്തിയ സമരത്തെ സ്വാഗതം ചെയ്ത് മുൻ മുഖ്യമന്ത്രി ഉമ്മൻ ചാണ്ടി. തിരുവനന്തപുരത്ത് വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം. രാഷ്ട്രീയ സാഹചര്യത്തിനനുസരിച്ച് ബിജെപി ഇതര കക്ഷികൾ ഒന്നിക്കണം. സംയുക്ത സമരത്തിൽ പ്രതിപക്ഷ നേതാവ് രമേശ് ചെന്നിത്തല പങ്കെടുത്തതിനെയും ഉമ്മൻ ചാണ്ടി സ്വാഗം ചെയ്തു. പൗരത്വ നിയമത്തിനെതിരേ പ്രതിഷേധിക്കുന്നവരെ അടിച്ചൊതുക്കാനാണ് കേന്ദ്ര സർക്കാർ ശ്രമിക്കുന്നത്. ഇത് കണ്ടില്ലെന്ന് വയ്ക്കാൻ കഴിയില്ല. മാധ്യമങ്ങളെ പോലും തടയുന്ന പ്രവണത ഒരുകാലത്തുമുണ്ടായിട്ടില്ലെന്നും അദ്ദേഹം കൂട്ടിച്ചേർത്തു. നേരത്തെ സംയുക്ത സമരത്തിൽ പ്രതിപക്ഷ നേതാവ് അടക്കമുള്ള യുഡിഎഫ് നേതാക്കൾ പങ്കെടുത്തതിനെ കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ എതിർത്തിരുന്നു. ഇത്തരം സമരങ്ങൾ ഇനിയുണ്ടാവില്ലെന്നും ന്യൂനപക്ഷങ്ങളുടെ വോട്ട് തേടാനുള്ള സിപിഎം ശ്രമമാണ് സംയുക്ത സമരമെന്നുമായിരുന്നു മുല്ലപ്പള്ളിയുടെ വിമർശനം.
Read Moreദേശസാത്കൃത ബാങ്കുകളിൽ മുക്കുപണ്ടം പണയം വച്ച് തട്ടിപ്പ്: മുഖ്യപ്രതി അറസ്റ്റിൽ
കാട്ടാക്കട: ദേശസാത്കൃത ബാങ്കുകളിൽ മുക്കുപണ്ടം പണയം വച്ചു ലക്ഷങ്ങൾ തട്ടിയ കേസിലെ മുഖ്യ പ്രതി പോലീസ് പിടിയിൽ. തമിഴ്നാട് ഡിണ്ടിഗൽ അമ്പലത്തുറ സ്വദേശി രാമചന്ദ്രൻ (രാമു,40) ആണ് പിടിയിലായത്. സമാന കേസിൽ പിടിക്കപ്പെട്ടു തേനി ജയിലിൽ കഴിയുകയായിരുന്ന രാമചന്ദ്രനെ കാട്ടാക്കട കോടതിയിൽ ഹാജരാക്കിയ ശേഷം പോലീസ് അഞ്ച് ദിവസത്തെ കസ്റ്റഡിയിൽ വാങ്ങുകയായിരുന്നു. കേസിലെ മറ്റൊരു പ്രതിയായ ഡിണ്ടിഗൽ സ്വദേശി ഉമയും രാമചന്ദ്രനും ചേർന്നാണ് വ്യാജ ആഭരണങ്ങൾ കേരളത്തിൽ എത്തിച്ച് ഇടനിലക്കാർ വഴി പണയപ്പെടുത്തി പണം തട്ടാൻ പദ്ധതിയിട്ടത്. ഉമ ഒളിവിലാണ്. കേസുമായി ബന്ധപ്പെട്ട വിളപ്പിൽശാല കാരോട് വാടകയ്ക്കു താമസിക്കുന്ന ഭരത് കുമാർ (30), വിളപ്പിൽശാല കൊല്ലംകോണം ഷീബാ ഭവനിൽ ഷാജി ജേക്കബ് (48), പുളിയറക്കോണം ചന്തവിള വീട്ടിൽ രമേശ് കുമാർ (46), തമിഴ്നാട് ഡിണ്ടിഗൽ സ്വദേശികളായ പാണ്ടി സെൽവൻ (30), പ്രേംകുമാർ (29) എന്നിവരെ മലയിൻകീഴ് പോലീസ്…
Read Moreഒരുവര്ഷമായി പീഡനം! പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച രണ്ടുപേര് അറസ്റ്റില്; ബൈക്കും കസ്റ്റഡിയില്
പാറശാല: പ്രായപൂർത്തിയാകാത്ത വിദ്യാർഥിനിയെ പീഡിപ്പിച്ച കേസിൽ രണ്ടുപേരെ പാറശാല പോലീസ്അറസ്റ്റ് ചെയ്തു.തൃക്കണ്ണാപുരം മെഴിയറത്തല വീട്ടിൽ അരവിന്ദ് (23) അമരവിള കണ്ണങ്കുഴി കുഴിവിള വീട്ടിൽ പ്രദീഷ് (19) എന്നിവരാണ് പിടിയിലായത്. ഒരുവർഷമായി പീഡനം തുടർന്ന് വരുകയായിരുന്നുവെന്ന് പോലീസ് പറഞ്ഞു.പെൺകുട്ടിയെ വിവിധ ഭാഗങ്ങളിൽ കൊണ്ടുപോയ ബൈക്കുകളും പോലീസ് കസ്റ്റഡിയിലെടുത്തു.അരവിന്ദിന്റെ പേരിൽ സ്റ്റേഷനിൽ രണ്ട് കേസുകളുണ്ട്. പാറശാല എസ്എച്ച്ഒ റിയാസ്ഖാൻ, എസ് ഐശ്രീലാൽ ചന്ദ്രശേഖരൻ എന്നിവരുടെ നേതൃത്വത്തിലാണ് പ്രതികളെ അറസ്റ്റ്ചെയ്തത്.
Read More