തിരുവനന്തപുരം: പൗരത്വം ബില്ലിലും ഡൽഹിയിൽ പ്രതിഷേധിച്ച ഇടത് നേതാക്കളെ പോലീസ് കസ്റ്റഡിയിൽ എടുത്തതിലും പ്രതിഷേധിച്ച് രാജ്ഭവനിലേക്ക് ഡിവൈഎഫ്ഐ പ്രവർത്തകർ നടത്തിയ മാർച്ചിൽ സംഘർഷം. പ്രതിഷേധക്കാർക്ക് നേരെ പോലീസ് ജലപീരങ്കി പ്രയോഗിച്ചു. പ്രവർത്തകർ പോലീസ് ബാരിക്കേഡ് മറികടന്ന് രാജ്ഭവൻ വളപ്പിൽ കടക്കാൻ ശ്രമിച്ചു. രാജ്ഭവന് മുന്നിൽ പോലീസ് ബാരിക്കേഡ് ഉപയോഗിച്ച് മാർച്ച് തടഞ്ഞതിന് പിന്നാലെയാണ് സംഘർഷം തുടങ്ങിയത്. ബാരിക്കേഡ് തള്ളിമാറ്റാൻ പ്രതിഷേധക്കാർ ശ്രമിച്ചതോടെ പോലീസ് ജലപീരങ്കി ഉപയോഗിക്കുകയായിരുന്നു. ഇതിനിടെ പോലീസിന് നേരെ കല്ലേറുണ്ടായി. സംസ്ഥാന സെക്രട്ടറി എ.എ.റഹീമിന്റെ നേതൃത്വത്തിലായിരുന്നു മാർച്ച്. നേതാക്കൾ ഇടപെട്ടാണ് കനത്ത പ്രതിഷേധം ഉയർത്തിയ പ്രവർത്തകരെ ശാന്തരാക്കിയത്. മാർച്ചിൽ സംഘർഷമുണ്ടാകുമെന്ന മുന്നറിയിപ്പ് ലഭിച്ചതിനാൽ കനത്ത സുരക്ഷയാണ് പോലീസ് രാജ്ഭവന് മുന്നിൽ ഒരുക്കിയിരുന്നത്. ഈ രീതിയിലാണ് പ്രതിഷേധങ്ങളെ കേന്ദ്ര സർക്കാർ സമീപിക്കുന്നതെങ്കിൽ ഗവർണറെ വരും ദിവസങ്ങളിൽ വഴിയിൽ തടയുമെന്ന് എ.എ.റഹീം പറഞ്ഞു. ഇതുവരെ ജനാധിപത്യപരമായാണ് പ്രതിഷേധിച്ചത്. എന്നാൽ…
Read MoreCategory: TVM
നേതാക്കളെ തടവിലാക്കി പ്രതിഷേധം ഇല്ലാതാക്കാമെന്ന് കരുതേണ്ട: മുഖ്യമന്ത്രി
തിരുവനന്തപുരം: കേന്ദ്ര സർക്കാരിനെ വിമർശിച്ച് മുഖ്യമന്ത്രി പിണറായി വിജയൻ രംഗത്ത്. നേതാക്കളെ തടവിലാക്കി പ്രതിഷേധം ഇല്ലാതാക്കാമെന്ന് കരുതേണ്ടെന്ന് മുഖ്യമന്ത്രി പിണറായി വിജയൻ പറഞ്ഞു. പൗരത്വ ബില്ലിനെതിരെ ഡൽഹിയിൽ പ്രതിഷേധിച്ച ഇടത് നേതാക്കളെ അറസ്റ്റു ചെയ്ത നടപടിക്കെതിരെയായിരുന്നു മുഖ്യമന്ത്രിയുടെ വിമർശനം. പ്രതിഷേധ മാർച്ചിന് ഡൽഹിയിൽ അനുമതി നിഷേധിച്ചത് പൗരസ്വാതന്ത്ര്യത്തിന്മേലുള്ള കടന്നുകയറ്റമാണ്. ഭയപ്പെടുത്തി ജനരോഷം ഇല്ലാതാക്കാം എന്ന് കരുതുന്നതെണ്ടെന്നും മുഖ്യമന്ത്രി കൂട്ടിച്ചേർത്തു. പൗരത്വ ബില്ലിനെതിരെ ഡൽഹി മണ്ഡി ഹൗസിൽ പ്രതിഷേധിച്ച ഇടതു നേതാക്കളായ സീതാറാം യെച്ചൂരിയെയും ഡി. രാജയെയും ഉൾപ്പെടെ പോലീസ് ഇന്ന് അറസ്റ്റു ചെയ്തിരുന്നു.
Read Moreപൗരത്വ ബിൽ; കക്ഷി രാഷ്ട്രീയത്തിന് അപ്പുറമുള്ള പ്രശ്നമെന്ന് കാനം രാജേന്ദ്രന്
തിരുവനന്തപുരം: പൗരത്വ നിയമ ഭേദഗതി നിയമത്തിനെതിരായ പ്രതിഷേധങ്ങളില് എല്ലാവരും ഒറ്റക്കെട്ടായി മുന്നോട്ട് പോകണമെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്. കക്ഷി രാഷ്ട്രീയത്തിന് അപ്പുറമുള്ള പ്രശ്നമാണിത്. തുടര് സമരങ്ങളുമായി യുഡിഎഫ് സഹകരിക്കണമെന്നും കാനം അഭിപ്രായപ്പെട്ടു. ഇടതുപക്ഷവുമായി ചേര്ന്ന് ഒരു സമരത്തിനും കോണ്ഗ്രസ് തയാറല്ലെന്ന് കെപിസിസി അധ്യക്ഷൻ മുല്ലപ്പള്ളി കഴിഞ്ഞ ദിവസം വ്യക്തമാക്കിയിരുന്നു. ഇതിനു പിന്നാലെയാണ് സംയുക്ത പ്രതിഷേധം എന്ന ആശയവുമായി കാനം രംഗത്തെത്തിയത്.
Read Moreതിരുവനന്തപുരത്ത് ഫോർമാലിൻ ചേർത്ത അഞ്ച് ലക്ഷംരൂപയുടെ 2,500 കിലോ മത്സ്യം പിടികൂടി
തിരുവനന്തപുരം: ഫോർമാലിൻ ചേർത്ത മത്സ്യം തിരുവനന്തപുരത്ത് പിടികൂടി. മംഗലാപുരത്തുനിന്ന് തിരുവനന്തപുരത്തേക്ക് കൊണ്ടുവന്ന 2,500 കിലോ മത്സ്യമാണ് പിടികൂടിയത്.തിരുവനന്തപുരം ഈഗിൾ ഐ സ്ക്വാഡിന്റെ നേതൃത്വത്തിലാണ് മത്സ്യം പിടിച്ചെടുത്തത്. അഞ്ച് ലക്ഷം രൂപയുടെ മത്സ്യമാണ് പിടിച്ചെടുത്തത്. വരും ദിവസങ്ങളിലും പരിശോധന കർശനമാക്കുമെന്നും അധികൃതർ അറിയിച്ചു.
Read Moreസുഹ്യത്തുമായി ഭാര്യക്ക് അവിഹിത ബന്ധമുണ്ടെന്ന സംശയം; യുവതിയെ കൊലപ്പെടുത്തിയ കേസിൽ ഭർത്താവ് അറസ്റ്റിൽ
നെടുമങ്ങാട്: ഭാര്യയെ കഴുത്തു ഞെരിച്ചു കൊലപ്പെടുത്തിയ കേസിൽ ഭർത്താവിനെ നെടുമങ്ങാട് പോലീസ് അറസ്റ്റ് ചെയ്തു. ചെല്ലാംകോട് താരാ ഭവനിൽ രഞ്ജിത(25)യെ കൊലപ്പെടുത്തിയ കേസിൽ കാട്ടിൽ വീട്ടിൽ അജീഷ് (30) ആണ് അറസ്റ്റിലായത്.അജീഷ് എട്ട് വർഷം മുമ്പാണ് രഞ്ജിതയെ വിവാഹം കഴിച്ചത്. ഇവർക്ക് ഒരു മകനുണ്ട്. സ്ഥിരം മദ്യപാനിയായ അജീഷ് കൂട്ടുകാരുമായി വീട്ടിലിരുന്ന് മദ്യപിക്കുക പതിവായിരുന്നു. സുഹ്യത്തുമായി ഭാര്യക്ക് അവിഹിത ബന്ധമുണ്ടെന്നു സംശയിച്ച് പിണങ്ങി മാറി അജീഷ് താമസിച്ചുവരുകയായിരുന്നു. അജീഷ് ഭാര്യയെ ഷോൾ കഴുത്തിൽ മുറുക്കി കൊലപ്പെടുത്തിയശേഷം ഒളിവിൽ പോകുകയായിരുന്നു. നെടുമങ്ങാട് ഡിവൈഎസ്പി സ്റ്റുവർട്ട് കീലറുടെ നിർദേശനുസരണം നെടുമങ്ങാട് പോലീസ് ഇൻസ്പെക്ടർ രാജേഷ് കുമാറിന്റെ നേതൃത്വത്തിൽ സബ് ഇൻസ്പെക്ടർ സുനിൽ ഗോപി, സിപിഒമാരായ സനൽ രാജ് ജയകുമാർ എന്നിവർ ചേർന്നാണ് പ്രതിയെ അറസ്റ്റ് ചെയ്തത്.
Read Moreമോഷണകുറ്റം ആരോപിച്ച് പാപ്പാൻചാണിയിലെ ആൾക്കൂട്ട കൊലപാതകം; പാച്ചല്ലൂർ സ്വദേശിക്കായി അന്വേഷണം ഊർജിതമാക്കി പോലീസ്
തിരുവനന്തപുരം: തിരുവല്ലം പാപ്പാൻചാണിയിൽ ആൾക്കൂട്ട ആക്രമണത്തെ തുടർന്ന് യുവാവ് കൊല്ലപ്പെട്ട സംഭവത്തിൽ ഇനി പിടിയിലാകാനുള്ള പ്രതിയെ ഉടൻ പിടികൂടുമെന്ന് പോലീസ് വ്യക്തമാക്കി. ഒളിവിൽ കഴിയുന്ന പ്രതിയ്ക്കായി പോലീസ് അന്വേഷണം ഉൗർജിതമാക്കി. തിരുവല്ലം സ്വദേശി അജേഷിനെയാണ് പ്രദേശവാസികളും ഓട്ടോറിക്ഷ ഡ്രൈവർമാരും ഉൾപ്പെട്ട സംഘം മർദ്ദിച്ച് കൊലപ്പെടുത്തിയത്. കേസുമായി ബന്ധപ്പെട്ട് ഏഴ് പേരെ നേരത്തെ തിരുവല്ലം പോലീസ് അറസ്റ്റ് ചെയ്തിരുന്നു. ഈ സംഘത്തിൽ ഉൾപ്പെട്ട പ്രധാന പ്രതിയായ പാച്ചല്ലൂർ സ്വദേശിയായ യുവാവ് ഒളിവിലാണ്. ഇയാളെ ഉടൻ പിടികൂടാൻ സാധിക്കുമെന്നാണ് പോലീസ് വ്യക്തമാക്കുന്നത്. മൊബൈൽ ഫോണും പണവും മോഷ്ടിച്ചെന്നാരോപിച്ചാണ് അജേഷിനെ സജീമോന് എന്നയാളു ടെ നേതൃത്വത്തിലുള്ള സംഘം ക്രൂരമായി മർദ്ദിച്ച് കൊലപ്പെടുത്തിയതെന്ന് പോലീസ് പറഞ്ഞു. സജിമോന്റെ മൊബൈൽ ഫോണുകളും പണവും നഷ്ടപ്പെട്ടതിനെ തുടർന്ന് മോഷ്ടാവ് അജേഷാണെന്ന് ആരോപിച്ച് സജിമോൻ പ്രദേശവാസികളായ യുവാക്കളുടെയും ഓട്ടോറിക്ഷ ഡ്രൈവർമാരുടെയും സഹായം തേടിയെന്നും ഇയാൾ ഇവർക്ക് പണം…
Read Moreഅതെല്ലാം മറന്നേക്ക് ! പൗരത്വ ബില്ലിനെതിരേ ഇനി ഇടതുമുന്നണിയുമായി യോജിച്ചു സമരത്തിനില്ലെന്നു ബെന്നി ബെഹന്നാൻ
തിരുവനന്തപുരം: പൗരത്വ നിയമ ഭേദഗതി ബില്ലിനെതിരേയുള്ള പ്രതിഷേധ സമരത്തിൽ ഇടതുമുന്നണിയുമായി യുഡിഎഫ് യോജിച്ചു സമരത്തിനില്ലെന്നു യുഡിഎഫ് കണ്വീനർ ബെന്നി ബെഹന്നാൻ.കഴിഞ്ഞ ദിവസം സംസ്ഥാന സർക്കാരിന്റെ നേതൃത്വത്തിൽ പാളയം രക്തസാക്ഷിമണ്ഡപത്തിനു മുന്നിൽ നടന്ന പ്രതിഷേധ കൂട്ടായ്മയിൽ നിയമസഭയിലെ കക്ഷി നേതാക്കൾ എന്ന നിലയിലാണു യുഡിഎഫ് നേതാക്കൾ പങ്കെടുത്തതെന്ന് അദ്ദേഹം പറഞ്ഞു.
Read Moreമാധ്യമ പ്രവർത്തകൻ കാറിടിച്ചു മരിച്ച സംഭവം; ശ്രീറാം വെങ്കിട്ടരാമനിൽനിന്നു വകുപ്പുതല അന്വേഷണ സമിതി തെളിവെടുത്തു
തിരുവനന്തപുരം: മാധ്യമ പ്രവർത്തകൻ കെ.എം. ബഷീർ കാറിടിച്ചു മരിച്ച സംഭവവുമായി ബന്ധപ്പെട്ടു സസ്പെൻഷനിലുള്ള ഐഎഎസ് ഉദ്യോഗസ്ഥൻ ശ്രീറാം വെങ്കിട്ടരാമൻ വകുപ്പുതല അന്വേഷണ സമിതിക്കു തെളിവു നൽകി. പട്ടികജാതി- വർഗ വികസന പ്രിൻസിപ്പൽ സെക്രട്ടറി സഞ്ജയ് ഗാർഗ് അധ്യക്ഷനും ഊർജ സെക്രട്ടറി ബി. അശോക് അംഗവുമായുള്ള വകുപ്പ്തല അന്വേഷണ സമിതി മുൻപാകെയാണ് ഇന്നലെ ശ്രീറാം വെങ്കിട്ടരാമൻ മൊഴി നൽകിയത്. സമിതിയുടെ നേതൃത്വത്തിൽ നടന്ന സാക്ഷികളുടെ തെളിവെടുപ്പിനിടെയാണ് ശ്രീറാം വെങ്കിട്ടരാമൻ മൊഴി നൽകിയത്. അപകട സമയം കാർ ഓടിച്ചിരുന്നതു താനല്ലെന്ന മൊഴിയാണു ശ്രീറാം നൽകിയതെന്നാണു വിവരം. സിറാജ് പത്രത്തിന്റെ ഡയറക്ടർ സൈഫുദീൻ ഹാജി, അപകടം നടക്കുന്പോൾ മ്യൂസിയം ക്രൈം എസ്ഐയായിരുന്ന ജയപ്രകാശ് എന്നിവരിൽനിന്നും സമിതി ഇന്നലെ തെളിവെടുപ്പ് നടത്തി.
Read Moreസമരക്കാരെയൊക്കെ നേരിടേണ്ടതല്ലേ! പോലീസ് സേനാ അംഗങ്ങൾക്കുള്ള ആരോഗ്യ സംരക്ഷണ പദ്ധതിക്ക് തുടക്കം
വെഞ്ഞാറമൂട്: വെഞ്ഞാറമൂട് സ്റ്റേഷനിലെ പോലീസ് സേനാ അംഗങ്ങൾക്ക് ആരോഗ്യ സംരക്ഷണം നൽകുന്നതിനുള്ള പദ്ധതിക്ക് തുടക്കമായി.ജനമൈത്രി പോലീസിന്റെ സഹകരണത്തോടെയാണ് പദ്ധതി നടപ്പിലാക്കുന്നത്. സേനാ അംഗങ്ങൾക്ക് പോഷകാഹാരം വിതരണം ചെയ്തു കൊണ്ട് ജില്ലാ പോലീസ് മേധാവി അശോകൻ പദ്ധതി ഉദ്ഘാടനം ചെയ്തു. ഇൻസ്പക്ടർ ബി.ജയൻ, സബ് ഇൻസ്പക്ടർ കെ.വി. ബിനീഷ് ലാൽ ജനമൈത്രി പോലീസ് കോ-ഓർഡിനേറ്റർ ഷെരീർ വെഞ്ഞാറമൂട് എന്നിവർ പങ്കെടുത്തു. സേനാ അംഗങ്ങളുടെ ആരോഗ്യ സംരക്ഷണം ഉറപ്പുവരുത്തുക എന്ന ലക്ഷ്യത്തോടെ നടപ്പിലാക്കിയ പദ്ധതിയുടെ ഭാഗമായി അംഗങ്ങൾക്ക് പ്രതിമാസം ആയൂർവേദം,ഹോമിയോ, അലോപ്പതി മെഡിക്കൽ പരിശോധനയും ചികിത്സയും ലഭ്യമാക്കും. സ്ഥലത്തെ വിവിധ പ്രാഥമികാരോഗ്യ കേന്ദ്രങ്ങളുടെ സഹകരണത്തോടെയാണ് പദ്ധതി നടപ്പിലാക്കുന്നത്. കൂടാതെ സ്റ്റേഷൻ പരിസരത്ത് നട്ടുവളർത്തിയ വിഷ രഹിത പച്ചക്കറികൾ വിളവിനനുസരിച്ച് സേനാ അംഗങ്ങൾക്ക് പാചകം ചെയ്തു കഴിക്കുന്നതിനും അവസരം ഒരുക്കും. തരിശുഭൂമികൾ ഏറ്റെടുത്ത് ജനമൈത്രി പോലീസിന്റെ നേതൃത്വത്തിൽ കൃഷിയിറക്കാനും പദ്ധതിയുണ്ട്
Read Moreനൂലിയോട് മലമുകളിലെ മുളംതണ്ടിലെ മണിമാളിക കൗതുകം ഉണർത്തുന്നു
കാട്ടാക്കട: ലാറി ബേക്കറുടെ കർമ്മഭൂമിയിൽ മുളംതണ്ടിൽ നിർമിച്ച മണിമാളികയുടെ ഉദ്ഘാടനം നടത്തി. കഴിഞ്ഞ ദിവസം മന്ത്രി ഡോ. തോമസ് ഐസക്ക് മണിമാളിക തുറന്നുകൊടുത്തതോടെ ലാറി ബേക്കറിന് തന്നെ അതൊരു ആദരവായി മാറുകയും ചെയ്തു. നേരിയ അളവിൽ മാത്രം സിമന്റ് ചേർത്ത് ഒരു തുണ്ട് കമ്പിപോലും ഉപയോഗിക്കാതെ മുളംതണ്ടുകൊണ്ടാണ് മണിമാളിക നിർമിച്ചത്. ബേക്കറിന്റെ ഓർമ്മകൾ നിലനിർത്താൻ ശിഷ്യർ നൂലിയോട് മലമുകളിൽ ഒരുക്കിയ അത്ഭുത മന്ദിരം കൗതുകം പകരുന്ന കാഴ്ചയാണ്. പൂർണ്ണമായും മുളയും മണ്ണും ഉപയോഗിച്ചാണ് നിർമാണം. 1995 ൽ ഒരു കനേഡിയൻ പൗരനുവേണ്ടിയാണ് ലാറി ബേക്കർ നൂലിയോട് മലയിൽ അഞ്ച് ഏക്കറിൽ ഒന്പത് മാളികകൾ നിർമിച്ചത്. ബേക്കറിന്റെ ഓർമ്മകൾ നിലനിൽക്കുന്നതിനായി സ്മാരകം വേണമെന്ന് സുഹൃത്തുക്കളും ആരാധകരും സർക്കാരിനോട് ആവശ്യപ്പെട്ടിരുന്നു.2009 ൽ സംസ്ഥാന സർക്കാർ ഒരു കോടി രൂപ ബേക്കർ സെന്ററിന് അനുവദിച്ചു. ഒരുപാട് നാളുകൾ ബേക്കറിന്റെ കർമ്മഭൂമിയായി നിലകൊണ്ട…
Read More