തിരുവനന്തപുരം: മെഡിക്കൽ കോളജ് ആശുപത്രി പേ വാർഡിൽ ചികിത്സയിലായിരുന്ന രോഗി കെട്ടിടത്തിനു മുകളിൽ നിന്ന് ചാടി മരിച്ചു. ശ്രീകാര്യം കല്ലമ്പള്ളി ശ്രുതി ഭവനിൽ എം. ജോർജ് (52) ആണ് മരിച്ചത്. ശനിയാഴ്ച രാവിലെ ആറോടെയായിരുന്നു സംഭവം. ജോർജ് കുറച്ചുദിവസമായി അസുഖബാധിതനായി പേവാർഡിൽ ചികിത്സയിലായിരുന്നു. കൂട്ടിരിപ്പുകാരൻ പുറത്തു പോയ സമയത്താണ് ആൾ പേവാർഡ് കെട്ടിടത്തിന് മുകളിൽനിന്ന് ജോർജ് താഴേക്ക് ചാടിയത്. സംഭവസ്ഥലത്തുതന്നെ മരിച്ചു. സുജയാണ് ഭാര്യ. മക്കൾ: ശ്രുതി, ജെറിൻ.
Read MoreCategory: TVM
കോടിയേരി ബാലകൃഷ്ണൻ തുടരും; പകരം ആർക്കും ചുമതലയില്ലെന്ന് സിപിഎം
തിരുവനന്തപുരം: സിപിഎം സംസ്ഥാന സെക്രട്ടറിയായി കോടിയേരി ബാലകൃഷ്ണൻ തുടരും. പകരം ആർക്കും സെക്രട്ടറിയുടെ ചുമതല നൽകില്ല. നിലവിലെ സംവിധാനം മാറ്റേണ്ടെന്നും സിപിഎം സംസ്ഥാന സെക്രട്ടേറിയറ്റിൽ തീരുമാനിച്ചു. കോടിയേരിയും സെക്രട്ടേറിയറ്റ് യോഗത്തിൽ പങ്കെടുത്തു. കോടിയേരിക്കു പകരം പുതിയ സെക്രട്ടറിയെത്തുന്നുവെന്ന വാര്ത്തകള് സിപിഎം നേരത്തെ തന്നെ നിഷേധിച്ചിരുന്നു. ആർക്കും പ്രത്യേക ചുമതല നൽകില്ല. പാർട്ടി സെന്റർ ഒരുമിച്ച് പ്രവർത്തിക്കും. പാർട്ടി നിലവിലുള്ളത് പോലെ പ്രവർത്തിക്കുമെന്നും പാർട്ടി കേന്ദ്രകമ്മറ്റി അംഗം എം.വി.ഗോവിന്ദൻ യോഗത്തിനു മുൻപു പറഞ്ഞിരുന്നു. അമേരിക്കയിൽ ചികിത്സ നടത്തിയ കോടിയേരിക്കു തുടർചികിത്സയ്ക്കായി വീണ്ടും അവിടേക്കു പോകേണ്ടി വരും. എന്നാൽ, എത്രനാൾ അവധി വേണമെന്ന കാര്യം കോടിയേരി വ്യക്തമാക്കിയിട്ടില്ല. കോടിയേരിയെ സെക്രട്ടറിസ്ഥാനത്തു നിലനിർത്തിക്കൊണ്ട് പാർട്ടിയുടെ ദൈനംദിന കാര്യങ്ങളുടെ ചുമതല പാർട്ടി സെന്ററിൽ ലഭ്യമായ നേതാക്കൾ വഹിക്കുമെന്നാണ് കരുതുന്നത്.
Read Moreമാധ്യമപ്രവർത്തകയ്ക്കു നേരെ അതിക്രമം; പ്രസ്ക്ലബ് സെക്രട്ടറി അറസ്റ്റിൽ
തിരുവനന്തപുരം: വനിതാ മാധ്യമപ്രവര്ത്തകയുടെ വീട്ടില് അതിക്രമിച്ച് കയറി ആക്രമിച്ചെന്ന കേസില് തിരുവനന്തപുരം പ്രസ്ക്ലബ്ബ് സെക്രട്ടറി എം. രാധാകൃഷ്ണനെ പോലീസ് അറസ്റ്റ് ചെയ്തു. വ്യാഴാഴ്ച വൈകുന്നേരം പ്രസ്ക്ലബിൽ നിന്നാണ് പേട്ട പോലീസ് രാധാകൃഷ്ണനെ അറസ്റ്റ് ചെയ്തത്. സഹപ്രവര്ത്തക നല്കിയ പരാതിയില് രാധാകൃഷ്ണനെതിരെ ജാമ്യമില്ലാവകുപ്പ് ചുമത്തി പോലീസ് കേസെടുത്തിരുന്നു. ഇതിനിടെ, രാധാകൃഷ്ണന് സെക്രട്ടറി സ്ഥാനം രാജിവയ്ക്കണമെന്ന് ആവശ്യപ്പെട്ട് പ്രസ് ക്ലബിനു മുന്നിൽ വനിതാ മാധ്യമപ്രവർത്തകർ പ്രതിഷേധ സമരവും നടത്തി.
Read Moreകോടിയേരി ചികിത്സയ്ക്ക് പോകുമ്പോൾ ആർക്കും പ്രത്യേക ചുമതലയില്ലെന്ന് എം.വി.ഗോവിന്ദൻ
തിരുവനന്തപുരം: സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ തുടർ ചികിത്സയ്ക്ക് പോകുമ്പോൾ ആർക്കും പ്രത്യേക ചുമതലയില്ലെന്ന് പാർട്ടി കേന്ദ്രകമ്മറ്റി അംഗം എം.വി.ഗോവിന്ദൻ. പാർട്ടി സെന്റർ ഒരുമിച്ച് പ്രവർത്തിക്കും. പാർട്ടി നിലവിലുള്ളത് പോലെ പ്രവർത്തിക്കുമെന്നും അദ്ദേഹം പറഞ്ഞു. അമേരിക്കയിൽ തുടർ ചികിത്സയ്ക്ക് പോകുമ്പോൾ കോടിയേരി അവധിയെടുത്ത് മാറിനിൽക്കേണ്ടതില്ലെന്ന് നേതൃതലത്തിൽ ധാരണയിൽ എത്തിയിരുന്നു. കോടിയേരിയെ സെക്രട്ടറിസ്ഥാനത്തു നിലനിർത്തിക്കൊണ്ട് ദൈനംദിന കാര്യങ്ങളിൽ തീരുമാനമെടുക്കാൻ സെക്രട്ടേറിയറ്റ് അംഗങ്ങളിൽ ആർക്കെങ്കിലും ഏകോപനച്ചുമതല നൽകിയേക്കും എന്ന് റിപ്പോർട്ടുണ്ടായിരുന്നു. പാർട്ടി സെന്റർ കേന്ദ്രീകരിച്ച് പ്രവർത്തിക്കുന്ന എം.വി.ഗോവിന്ദനു ഈ ചുമതല നൽകുമെന്നായിരുന്നു റിപ്പോർട്ട്. ഇക്കാര്യത്തിൽ ഇന്നു ചേരുന്ന സിപിഎം സംസ്ഥാന സെക്രട്ടേറിയറ്റിൽ തീരുമാനമുണ്ടായേക്കും.
Read Moreതെരഞ്ഞെടുപ്പ് തർക്കം; യുവാവിന്റെ കൈകാലുകൾ തല്ലിയൊടിച്ച കേസിൽ നാലു പേർ അറസ്റ്റിൽ
നെടുമങ്ങാട്: ചുള്ളിമാനൂർ ജുമാ മസ്ജിദിലെ ഭാരവാഹി തെരഞ്ഞെടുപ്പുമായി ബന്ധപ്പെട്ടുണ്ടായ സംഘർഷത്തെ തുടർന്ന് അണ്ടൂർ ക്കോണം സ്വദേശി ഷഫീക്കിനെ ആക്രമിച്ച് കൈകാലുകൾ തല്ലിയൊടിച്ചകേസിൽ നാലു പേരെ നെടുമങ്ങാട് പോലീസ് അറസ്റ്റ് ചെയ്തു. പനവൂർ മൊട്ടക്കാവ് ചരുവിള പുത്തൻ വീട്ടിൽ മുഹമ്മദ് തൻസീർ (24), കുറുപുഴ ഇളവട്ടം എംകെപി ഹൗസിൽ ഷിമ്മിഷ് ഖാൻ( 25) , ആനാട് മൊട്ടക്കാവ് സുബിൻഷാ മൻസിലിൽ സുബിൻഷ( 25) ആനാട് ചുള്ളിമാനൂർ ടോൾ ജംഗ്ഷൻ ആയിഷ മൻസിലിൽ നഹാസ് ( 25) എന്നിവരാണ് അറസ്റ്റിലായത്. കഴിഞ്ഞ വെള്ളിയാഴ്ച പള്ളിയിൽ ജുമാ നമസ്കാരത്തിന് ശേഷം നടന്ന കമ്മിറ്റി ഭാരവാഹി തെരഞ്ഞെടുപ്പുമായി ബന്ധപ്പെട്ട് സംഘർഷമുണ്ടായത്. ചുള്ളിമാനൂർ ജുമാ മസ്ജിദിൽ അംഗമായ ഷെഫീഖ് പള്ളികമ്മിറ്റി തെരഞ്ഞെടുപ്പ് കഴിഞ്ഞ് വീട്ടിലേക്ക് പോകുകയായിരുന്നു. ഷെഫീക്കിനെ പിന്തുടർന്ന പ്രതികൾ പ്ലാവറ ജംഗ്ഷനിൽ തടഞ്ഞുനിർത്തി ആക്രമിക്കുകയായിരുന്നു. നെടുമങ്ങാട് പോലീസ് ഇൻസ്പക്ടർ വി. രാജേഷ് കുമാറിന്റെ…
Read Moreഅറബിക്കടലിൽ ‘പവൻ’ ചുഴലിക്കാറ്റ് രൂപം കൊണ്ടു; കേരളത്തെ ബാധിച്ചേക്കില്ല
തിരുവനന്തപുരം: തെക്കുപടിഞ്ഞാറൻ അറബിക്കടലിൽ രൂപംകൊണ്ട ന്യൂനമർദം ചുഴലിക്കാറ്റായി ശക്തി പ്രാപിച്ചു. യമൻ തീരത്തു നിന്ന് 470 കിലോമീറ്റർ അകലെയാണ് ‘പവൻ’ ചുഴലിക്കാറ്റ്. സൊമാലിയൻ തീരത്തേക്കു ചുഴലിക്കാറ്റ് നീങ്ങുമെന്നാണു നിഗമനം. കാറ്റുകളുടെ പട്ടികയിലേക്കു ശ്രീലങ്കയാണ് പവൻ എന്ന പേര് നിർദേശിച്ചത്. ഈ സീസണിൽ അറബിക്കടലിൽ രൂപമെടുക്കുന്ന നാലാമത്തെ ചുഴലിക്കാറ്റാണ് ‘പവൻ’. സമുദ്രോപരിതല താപനില വർധിച്ചതു മൂലമാണിതെന്ന് കാലാവസ്ഥാ നിരീക്ഷകർ പറയുന്നു. അതേസമയം, ലക്ഷദ്വീപിന് സമീപം മറ്റൊരു ന്യൂനമർദം രൂപപ്പെട്ടിരുന്നു. മുംബൈയിൽ നിന്ന് 690 കിലോമീറ്റർ അകലെയാണിത്. രണ്ടു ചുഴലികളും കേരളത്തെ കാര്യമായി ബാധിക്കില്ലെന്നാണ് വിലയിരുത്തുന്നത്.
Read Moreകോടിയേരി അവധിക്ക് അപേക്ഷിച്ചിട്ടില്ല; വാർത്തകൾ അടിസ്ഥാന രഹിതമെന്ന് സിപിഎം
തിരുവനന്തപുരം: സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ അവധിക്ക് അപേക്ഷിച്ചെന്ന വാർത്തകളെ തള്ളി പാർട്ടി സംസ്ഥാന സെക്രട്ടേറിയറ്റ്. കോടിയേരി അവധി അപേക്ഷിച്ചിട്ടില്ല. പുതിയ താൽക്കാലിക സെക്രട്ടറിയെ നിശ്ചയിക്കുമെന്ന മാധ്യമവാർത്തകൾ അടിസ്ഥാന രഹിതമാണെന്നും സെക്രട്ടറിയേറ്റ് വാർത്താക്കുറിപ്പിൽ അറിയിച്ചു. കോടിയേരി അവധിക്ക് അപേക്ഷിച്ചെന്ന വാർത്തകൾ ഊഹാപോഹം മാത്രമാണ്. ഇതുസംബന്ധിച്ച് പാർട്ടിയിൽ ഇതുവരെ ചർച്ചകൾ നടന്നിട്ടില്ല. വരുന്ന കമ്മിറ്റികളിൽ കോടിയേരി ബാലകൃഷ്ണൻ പങ്കെടുക്കുമെന്നും പോളിറ്റ് ബ്യൂറോ അംഗം എസ്.രാമചന്ദ്രന് പിള്ള സ്വകാര്യ ചാനലിനോട് പറഞ്ഞു. കോടിയേരി ചികിത്സാർഥം ആറു മാസത്തേക്ക് അവധിയിൽ പ്രവേശിക്കുന്നു എന്നായിരുന്നു മുമ്പ് പുറത്തുവന്ന റിപ്പോർട്ട്. താത്കാലിക സെക്രട്ടറി സ്ഥാനത്തേക്കു ഇ.പി. ജയരാജൻ, എം.എ. ബേബി, എം.വി. ഗോവിന്ദൻ ഉൾപ്പെടെയുള്ളവരെ പരിഗണിക്കുന്നുണ്ടെന്നും റിപ്പോർട്ടുകളിൽ പറഞ്ഞിരുന്നു.
Read Moreഐഎഫ്എഫ്കെയ്ക്ക് നാളെ തിരി തെളിയും; അനന്തപുരിയില് ഇനിയുള്ള എട്ടു നാളുകള് ദൃശ്യവിസ്മയഭരിതം
തിരുവനന്തപുരം :കേരള രാജ്യാന്തര ചലച്ചിത്രമേളയുടെ 24 -ാമത് എഡിഷന് നാളെ തിരശീലയുയരും. എട്ടു ദിവസത്തെ ചലച്ചിത്രോത്സവത്തില് 73 രാജ്യങ്ങളിൽ നിന്നുള്ള 186 സിനിമകള് പ്രദര്ശിപ്പിക്കും. പ്രധാന വേദിയായ ടാഗോർ തിയേറ്ററടക്കം14 പ്രദര്ശനശാലകളും മേളയ്ക്കായി ഒരുങ്ങിക്കഴിഞ്ഞു. പന്ത്രണ്ടായിരത്തിലധികം ഡെലിഗേറ്റുകളും സിനിമാപ്രവർത്തകരും ചലച്ചിത്രപ്രേമികളും മേളയുടെ ഭാഗമാകും. നിശാഗന്ധിയിൽ നാളെ വൈകുന്നേരം ആറിന് നടക്കുന്ന ചടങ്ങിൽ മുഖ്യമന്ത്രി പിണറായി വിജയൻ ചലച്ചിത്രോത്സവത്തിന്റെ ഉദ്ഘാടനം നിര്വഹിക്കും. മന്ത്രി എ. കെ ബാലൻ അധ്യക്ഷനാകുന്ന യോഗത്തില് മന്ത്രി കടകംപള്ളി സുരേന്ദ്രൻ മുഖ്യാതിഥി ആകും. മലയാളത്തിന്റെ പ്രിയനായിക ശാരദയെ ചടങ്ങില് ആദരിക്കും. ഫെസ്റ്റിവൽ ഹാൻഡ് ബുക്ക് ഡോ. ശശി തരൂർ എംപി മേയർ കെ. ശ്രീകുമാറിന് നൽകി പ്രകാശനം ചെയ്യും. ഫെസ്റ്റിവൽ ബുള്ളറ്റിൻ വി.കെ. പ്രശാന്ത് എംഎൽഎ ജില്ലാ പഞ്ചായത്ത് പ്രസിഡന്റ് വി.കെ. മധുവിനു നൽകി പ്രകാശിപ്പിക്കും. കെ.എസ്.എഫ്.ഡി.സി ചെയർമാൻ ഷാജി എൻ. കരുൺ, കെ.ടി.ഡി.സി…
Read Moreബിഗ് സല്യൂട്ട്! മറക്കാനാകാത്ത നിമിഷങ്ങൾ സമ്മാനിച്ച് മടങ്ങിയ അഖിലിന്റെ വിയോഗത്തിൽ തേങ്ങി ആനാകോട്
കാട്ടാക്കട : മറക്കാനാകാത്ത നിമിഷങ്ങൾ സമ്മാനിച്ച് മടങ്ങിയ അഖിലിന്റെ വിയോഗത്തിന്റെ ഞെട്ടലിൽ നിന്നും ഇനിയും വിട്ടുണരാത്ത ഗീതുവിനോടും ബന്ധുക്കളോടും ഒപ്പം തേങ്ങലിലാണ് ആനാകോട് ഗ്രാമം. പൂവച്ചൽ കുഴയ്ക്കാട് കല്ലണമുഖം ശിവശൈലത്തിൽ സുദർശനൻ – സതി കുമാരി ദമ്പതികളുടെ മകൻ നായിക് എസ്.എസ്.അഖിൽ (നഴ്സിംഗ് അസിസ്റ്റന്റ് ) കാഷ്മീരിലെ സിയാച്ചിൻ മേഖലയിലാണ് മരണപ്പെട്ടത്. ചൊവ്വാഴ്ച രാത്രിയിലാണ് മരണവിവരം ബന്ധുക്കൾ അറിയുന്നത്. അതിർത്തിയിൽ ജോലി നോക്കുന്നതിനിടെ ഇരുനൂറു മീറ്റർ വേഗതയിൽ കാറ്റ് വീശി അടിച്ചതിനെ തുടർന്ന് മഞ്ഞുമല ഇടിഞ്ഞു വീണാണ് അപകടം സംഭവിച്ചത്. പതിനൊന്നു വർഷമായി ജോലിയിൽ പ്രവേശിച്ചിട്ട്. അവധിക്കു നാട്ടിൽ വന്ന അഖിൽ മകൻ ദേവരഥിന്റെ ഒന്നാം പിറന്നാൾ ആഘോഷത്തിനു ശേഷം കഴിഞ്ഞ ഒക്ടോബറിലാണ് ജോലിയിൽ പ്രവേശിപ്പിച്ചത്. കാർഷിക കുടുംബത്തിൽപ്പെട്ട അഖിൽ നാട്ടുകാർക്ക് പ്രിയപ്പെട്ടവനാണ്. സാമുഹ്യരംഗത്തും സംസ്ക്കാരിക രംഗത്തും നിറ സാന്നിധ്യമായിരുന്നു അഖിൽ.ഇന്ന് മ്യതദേഹം നാട്ടിലെത്തും.
Read Moreതന്നി “ഇഷ്ടം’പോലെ മാർക്ക്; വിദ്യാഭ്യാസ മന്ത്രി രാജിവയ്ക്കണമെന്ന് ചെന്നിത്തല
തിരുവനന്തപുരം: മാർക്ക് ദാന വിഷയത്തിൽ ഉന്നത വിദ്യാഭ്യാസ മന്ത്രി കെ.ടി ജലീൽ രാജിവയ്ക്കണമെന്ന് പ്രതിപക്ഷ നേതാവ് രമേശ് ചെന്നിത്തല. വിദ്യാഭ്യാസ മേഖലയെ ഇടതുസർക്കാർ അടിമുടി തകർക്കുകയാണെന്നും ചെന്നിത്തല ആരോപിച്ചു. സ്ഥിതി ഗൗരവമായതിനാലാണ് ഗവർണർ പരസ്യവിമർശനം നടത്തിയത്. ഇതിനു മുമ്പ് ഇത്തരം നടപടി ഉണ്ടായിട്ടില്ലെന്നും ചെന്നിത്തല പറഞ്ഞു. ഗവർണറുടെ പ്രസ്താവന അങ്ങേയറ്റം ഗൗരവതരമാണ്. മന്ത്രിയെ വിമർശിച്ചാണ് ഗവർണറുടെ സെക്രട്ടറിയുടെ കുറിപ്പ്. പുനർമൂല്യനിർണയത്തിൽ ഉത്തരം പറയാൻ മന്ത്രിക്ക് ബാധ്യതയുണ്ട്. ഒരു വിദ്യാർഥിക്ക് മൂന്ന് പുനർമൂല്യനിർണയം ചട്ടലംഘനമാണെന്നും ചെന്നിത്തല ചൂണ്ടിക്കാട്ടി. മന്ത്രിക്കു വേണ്ടിയാണ് പ്രൈവറ്റ് സെക്രട്ടറി അദാലത്തിൽ എത്തിയത്. എംജി വിഷയത്തിൽ ഗവർണറെ തെറ്റിദ്ധരിപ്പിക്കാൻ ശ്രമം നടന്നു. ഒടുവിൽ പ്രതിപക്ഷത്തിന്റെ ആരോപണം ഗവർണറും ശരിവച്ചിരിക്കുകയാണെന്നും അദ്ദേഹം പറഞ്ഞു.
Read More