തിരുവനന്തപുരം: വൃശ്ചിക മാസത്തിലെ തൃക്കാർത്തികനാളിൽ മലയാളിക്കു ഇഷ്ടം പോലെ കഴിക്കുവാൻ പണ്ട് പറന്പ് നിറയെ കാച്ചിൽ കാണും. പഴയപോലെ കൃഷിചെയ്യുവാൻ വിശാലമായ പറന്പില്ലാത്തവർക്കു മാതൃകയാക്കുവാനായി ജൈവകർഷകൻ ഉള്ളൂർ ആർ. രവീന്ദ്രൻ മട്ടുപ്പാവിൽ ഗ്രോബാഗിൽ കഴിഞ്ഞ കുംഭമാസത്തിലെ ഭരണി നാളിൽ വയലറ്റ് കാച്ചിൽ നട്ടു. കാർത്തികയ്ക്കു ഇഷ്ട വിഭവങ്ങളൊരുക്കുവാനായി ഇന്നലെ വയലറ്റ് കാച്ചിലിന്റെ വിളവെടുത്തു. കേരളത്തിന്റെ കാർഷിക മേഖലയ്ക്കു തന്നെ മാർഗദീപ മാവുകയാണ് ഗ്രോബാഗിൽ നിന്നും ലഭിച്ച ഈ കൃഷി സമൃദ്ധി. നാടൻ കാച്ചിൽ വർഗത്തിൽപ്പെടുന്ന കാച്ചിലായ വയലറ്റ് കാച്ചിൽ പണ്ടുകാലം മുതലെ കേരളത്തിൽ കൃഷി ചെയ്യപ്പെടുന്ന കിഴങ്ങുവിളയാണ്.കാച്ചിലിന്റെ വയലറ്റ് വർണംകൊണ്ട് തന്നെയാണ് ഇവ വയലറ്റ് കാച്ചിൽ എന്ന പേരിൽ അറിയപ്പെടുന്നത്. ഡയോസ്കോറിയ അലാറ്റ എന്നതാണ് ശാസ്ത്രനാമം. ഗ്രേറ്റർ യാം എന്നു സാധാരണ അറിയപ്പെടുന്നു. ഏറെ പോഷകസന്പന്നമായ കാച്ചിൽതന്നെയാണ് വയലറ്റ് കാച്ചിലും. കാർബോ ഹൈഡ്രേറ്റുകൾ നാരുകൾ, ജീവകങ്ങൾ തുടങ്ങിയവ…
Read MoreCategory: TVM
19.6 ലക്ഷം രൂപയുടെ നികുതി വെട്ടിപ്പ്; സുരേഷ് ഗോപി എംപിക്കെതിരെ ക്രൈം ബ്രാഞ്ച് കുറ്റപത്രം
തിരുവനന്തപുരം: നടനും ബിജെപി നേതാവും രാജ്യസഭാംഗവുമായ സുരേഷ് ഗോപിക്കെതിരെ ക്രൈം ബ്രാഞ്ച് കുറ്റപത്രം. മോട്ടോർവാഹന നിയമത്തിലെ വഞ്ചന, വ്യാജരേഖ ചമക്കൽ തുടങ്ങിയ വകുപ്പുകൾ ചുമത്തിയാണ് കുറ്റപത്രം. രണ്ട് ആഡംബര കാറുകളുടെ നികുതി വെട്ടിക്കാൻ പുതുച്ചേരിയിലെ വ്യാജ വിലാസമുണ്ടാക്കി വാഹനം രജിസ്റ്റർ ചെയ്തുവെന്നാണ് കേസ്. ഇതിലൂടെ 19.6 ലക്ഷം രൂപയുടെ നികുതി സുരേഷ് ഗോപി എംപി വെട്ടിച്ചുവെന്നാണ് ക്രൈം ബ്രാഞ്ച് സംഘത്തിന്റെ കണ്ടെത്തൽ. കേസിൽ എംപിക്കെതിരായ കുറ്റപത്രത്തിന് ക്രൈംബ്രാഞ്ച് എഡിജിപി അനുമതി നൽകി. സമാനമായ കേസുകളിൽ നടി അമല പോളിനും ഫഹദ് ഫാസിലിനും എതിരായ കേസുകൾ ക്രൈം ബ്രാഞ്ച് നേരത്തെ അവസാനിപ്പിച്ചിരുന്നു.
Read Moreഅദാനി ഗ്രൂപ്പിന്റെ വാഗ്ദാനം വെറുതേയായി; വിഴിഞ്ഞത്ത് കപ്പൽ അടുക്കാൻ ഇനിയും കാത്തിരിക്കണം; ആദ്യഘട്ടം പാതിവഴിയിൽ
വിഴിഞ്ഞം: അന്താരാഷ്ട്ര തുറമുഖത്തിന്റെ ഒന്നാം ഘട്ടം പൂർത്തിയാക്കി വിഴിഞ്ഞത്ത് കപ്പലടുപ്പിക്കുമെന്ന അദാനി ഗ്രൂപ്പിന്റെ വാഗ്ദാനം ഇന്നവസാനിക്കും. ഉറപ്പ് പാലിക്കണമെങ്കിൽ 2020 ഡിസംബർ വരെ കാത്തിരിക്കണമെന്നാണ് അദാനിയുടെ നിലപാട്. സർക്കാരിന്റെ മെല്ലപ്പോക്കും കരിങ്കല്ലിന്റെ ലഭ്യതക്കുറവും കാലാവസ്ഥ മാറ്റങ്ങളും നാലു വർഷങ്ങൾക്ക് മുന്പ് തുടങ്ങിയ കേരളത്തിന്റെ വികസന സ്വപ്നത്തിന് തിരിച്ചടിയായത്. ഒന്നാം ഘട്ട പൂർത്തികരണത്തിന് മുന്പ് ആയിരം ദിവസത്തിനുള്ളിൽ കപ്പലടുപ്പിക്കുമെന്ന് 2015 നവംബർ അഞ്ചിലെ ഉദ്ഘാടന വേദിയിൽ അദാനി തന്നെ പ്രഖ്യാപനം നടത്തിയിരുന്നു . ഇതിന് തിരിച്ചടിയായത് പുലിമുട്ട് നിർമാണത്തിനുള്ള കരിങ്കല്ല് കിട്ടാതെ വന്നതാണ്. പ്രാദേശികമായി ലഭിച്ച മൂന്ന് ലക്ഷം ടൺ കല്ലിനു പുറമെ പുലിമുട്ടിനും മറ്റനുബന്ധ നിർമാണത്തിനുമായി ഇനിയും ഒരു ലക്ഷം ടൺ കല്ലുകൾ വേണ്ടിവരുമെന്നാണ് അധികൃതരുടെ വാദം. ഇതിനായി തിരുവനന്തപുരം, കൊല്ലം, പത്തനംതിട്ട ജില്ലകളിലായി ഇരുപതോളം ക്വാറികൾ അനുവദിച്ച് തരണമെന്ന് നിർമാതാക്കൾ സർക്കാരിനോട് ആവശ്യപ്പെട്ടെങ്കിലും അംഗീകാരം ലഭിച്ചത്…
Read Moreപട്ടിണി സഹിക്കാതെ കുഞ്ഞുങ്ങള് മണ്ണു തിന്ന സംഭവം; അച്ഛനെതിരേ കേസെടുക്കാന് ശിശുക്ഷേമ സമിതി ഡിജിപിയോടു ശിപാര്ശ ചെയ്യും
തിരുവനന്തപുരം: പട്ടിണിയെ തുടർന്ന് മക്കളെ ശിശുക്ഷേമ സമിതിയിൽ ഏൽപ്പിച്ച അമ്മയ്ക്ക് കോർപറേഷൻ ഇന്ന് താൽക്കാലിക ജോലി നൽകും. രണ്ട് കൈക്കുഞ്ഞുങ്ങൾ പാൽകുടി മാറാത്ത പ്രായത്തിലാണ്. കുട്ടികളെ ദേഹോപദ്രവമേൽപ്പിച്ചതിന് കുട്ടികളുടെ അച്ഛനെതിരെ കേസെടുക്കാന് ശിശുക്ഷേമ സമിതി ഡിജിപിയോടു ശിപാര്ശ ചെയ്യും. അതിനുള്ള നിയമ നടപടികളെക്കുറിച്ച് ആലോചന നടക്കുകയാണ്. ബാലാവകാശ കമ്മീഷനും ഈ വിഷയത്തെക്കുറിച്ച് വിലയിരുത്തൽ നടത്തിയിട്ടുണ്ട്. ബാലാവകാശ കമ്മീഷനും നിയമനടപടികൾ സ്വീകരിക്കാനുള്ള ആലോചനയിലാണ്. മാതാവിന് വിദ്യാഭ്യാസ യോഗ്യതയ്ക്കനുസരിച്ചുള്ള ജോലി നൽകുമെന്ന് കോർപറേഷൻ അധികൃതർ വ്യക്തമാക്കി. വഞ്ചിയൂർ കൈതമുക്കിലെ റെയിൽവെ പുറന്പോക്കിൽ താമസിച്ചിരുന്ന വീട്ടമ്മ ഇന്നലെയാണ് തന്റെ നാല് കുട്ടികളെ വളർത്താൻ സാധിക്കാതെ ശിശുക്ഷേമ സമിതിക്ക് കൈമാറിയത്. ആറ് കുട്ടികളിൽ രണ്ട് പേർ മുലകുടി മാറാത്ത പ്രായക്കാരാണ്. പട്ടിണി കാരണം കുഞ്ഞുങ്ങൾ മണ്ണുവാരിത്തിന്നത് വാർത്തയായതോടെയാണ് വിഷയം സമൂഹ മനഃസാക്ഷിയുടെ മുന്നിൽപ്പെട്ടത്. ഇതോടെ ഇന്നലെ അമ്മയെയും രണ്ട് കൈക്കുഞ്ഞുങ്ങളെയും കോർപറേഷൻ അധികൃതർ…
Read Moreസെൽഫി എടുത്ത് അയയ്ക്കു, നിങ്ങൾക്കുമാകാം ബോധവൽക്കരണത്തിന്റെ ഭാഗം; ഇരുചക്ര വാഹനങ്ങളിലെ പിൻസീ റ്റുകാർക്കും ഹെൽമറ്റ് നിർബന്ധമാക്കിയ സാഹചര്യത്തിൽ വ്യത്യസ്ത ചലഞ്ചുമായി കേരള പോലീസ്
തിരുവനന്തപുരം: ഇരുചക്ര വാഹനങ്ങളിൽ പിൻസീറ്റിൽ സഞ്ചരിക്കുന്ന യാത്രക്കാർക്കും ഹെൽമറ്റ് നിർബന്ധമാക്കിയ പശ്ചാത്തലത്തിൽ വ്യത്യസ്ത ചലഞ്ചുമായി കേരള പോലീസ്. ഇരു ചക്രവാഹനങ്ങളിൽ പ്രിയപ്പെട്ടവരുമായി ഹെൽമറ്റ് ധരിച്ചു നിൽക്കുന്ന ഫോട്ടോ അയച്ചാൽ മികച്ചവ കേരള പോലീസിന്റെ ഫേസ്ബുക്ക് പേജിൽ പങ്കുവയ്ക്കാമെന്നാണ് കേരള പോലീസിന്റെ വാഗ്ദാനം. വിവരങ്ങൾ സഹിതം [email protected] എന്ന ഇ- മെയിൽ വിലാസത്തിൽ അയക്കണമെന്നും വാഹനം നിർത്തിയ ശേഷം മാത്രം ഫോട്ടോ എടുക്കണമെന്നും പോലീസ് നിർദേശിക്കുന്നു. അതേസമയം ഇരുചക്ര വാഹനങ്ങളിൽ പിൻസീറ്റിൽ സഞ്ചരിക്കുന്ന യാത്രക്കാർക്കും ഹെൽമറ്റ് നിർബന്ധമാക്കിയ സാഹചര്യത്തിൽ സംസ്ഥാനത്ത് മോട്ടോർ വാഹന വകുപ്പ് പരിശോധന കർശനമാക്കി. ഹെൽമറ്റില്ലാതെ പിൻസീറ്റിൽ യാത്ര ചെയ്യുന്നവർക്കുള്ള പിഴ തുക വാഹനം ഓടിക്കുന്നവരിൽ നിന്നുമാണ് ഈടാക്കുന്നത്. പരിശോധനയിൽ ഹെൽമറ്റ് ധരിച്ച് യാത്ര ചെയ്തവരെ ഉദ്യോഗസ്ഥർ അഭിനന്ദിക്കുകയും ചെയ്യുന്നുണ്ട്. നാലു വയസിനു മുകളിൽ പ്രായമുള്ള കുട്ടികൾക്കും പിൻസീറ്റിൽ ഹെൽമറ്റ് നിർബന്ധമാണ്. വരുംദിവസങ്ങളിലും സംസ്ഥാനത്ത് പരിശോധന…
Read Moreവിശപ്പുമാറ്റാൻ മണ്ണ് വാരി തിന്നേണ്ടി വരിക; ഒരു കുട്ടിക്കും ഈ സാഹചര്യമുണ്ടാകരുത്; ആ കുടുംബത്തെ സംരക്ഷിക്കുമെന്ന് ആരോഗ്യമന്ത്രി
തിരുവനന്തപുരം: തൈക്കാട് നാല് മക്കളെ ശിശുക്ഷേമ സമിതിക്കു കൈമാറിയ കുടുംബത്തിന്റെ സംരക്ഷണം സാമൂഹ്യനീതി വകുപ്പ് ഏറ്റെടുക്കുമെന്ന് മന്ത്രി കെ.കെ. ശൈലജ അറിയിച്ചു. കുടുംബത്തിന് ആവശ്യമുള്ള സാധനങ്ങൾ എത്തിച്ചിട്ടുണ്ട്. തുടർന്നും നൽകുമെന്നും മന്ത്രി പറഞ്ഞു. ഇത്തരം സാഹചര്യം കേരളത്തിലെ കുട്ടികൾ ഇനി അനുഭവിക്കരുത്. കുട്ടികൾക്ക് കുടുംബവുമൊത്ത് താമസിക്കാൻ സാഹചര്യമൊരുക്കുമെന്നും മന്ത്രി വ്യക്തമാക്കി. ഇതിനിടെ കുടുംബത്തെ പ്രതിപക്ഷ നേതാവ് രമേശ് ചെന്നിത്തല, വി.എം. സുധീരൻ എന്നിവർ സന്ദർശിച്ചു.
Read Moreയുട്യൂബ് വീഡിയോക്കാർ ജാഗ്രതൈ! വീട്ടിലെ വൈൻ നിർമാണം ജാമ്യമില്ലാകുറ്റം; വിലക്കേർപ്പെടുത്തി എക്സൈസ് വകുപ്പ്
തിരുവനന്തപുരം: വീട്ടിലെ വൈൻ നിർമാണത്തിനു കർശന വിലക്കേർപ്പെടുത്തി എക്സൈസ് വകുപ്പ്. അബ്കാരി നിയമം പ്രകാരം ജാമ്യംകിട്ടാത്ത കുറ്റമാണതെന്ന് ഓർമിപ്പിച്ച് എക്സൈസ് സർക്കുലർ പുറത്തിറക്കി. ക്രിസ്മസ്, പുതുവത്സര ആഘോഷങ്ങൾക്കു മുന്നോടിയായാണ് എക്സൈസിന്റെ നീക്കം. ഹോംമെയ്ഡ് വൈൻ വിൽപനയ്ക്കുണ്ടെന്നു സമൂഹമാധ്യമങ്ങളിൽ പരസ്യം ചെയ്യുന്നത് എക്സൈസ് നിരീക്ഷിക്കുന്നുണ്ട്. കൂടാതെ വൈൻ ഉണ്ടാക്കുന്ന വീഡിയോകൾ യുട്യൂബ് വഴി പ്രചരിപ്പിക്കുന്നവരെയും എക്സൈസ് നോട്ടമിടുന്നതായാണു വിവരം. മദ്യക്കടത്തും വ്യാജവാറ്റും തടയാൻ പ്രത്യേക സംഘങ്ങൾക്ക് രൂപം നൽകി നടപടികൾ കർശനമാക്കിയിട്ടുണ്ട്. ജില്ലാതലം മുതൽ കണ്ട്രോൾ റൂമുകൾ തുറന്ന് 24 മണിക്കൂർ ജാഗ്രത പുലർത്താൻ എക്സൈസ് ഡെപ്യൂട്ടി കമ്മിഷണർമാർക്ക് നിർദേശം നൽകി. റെയ്ഡ് അടക്കം അടിയന്തര നടപടികൾക്കായി ഓരോ ജില്ലയിലും സ്ട്രൈക്കിംഗ് ഫോഴ്സ് എന്ന പേരിൽ മൂന്നോ നാലോ സംഘങ്ങളെ നിയോഗിക്കാനും തീരുമാനിച്ചിട്ടുണ്ട്.
Read Moreതിരുവനന്തപുരം യൂണിവേഴ്സിറ്റി കോളജിലെ കുത്ത് കേസ്; അവസാന പ്രതിയും കീഴടങ്ങി
തിരുവനന്തപുരം: യൂണിവേഴ്സിറ്റി കോളജിൽ എസ്എഫ്ഐ പ്രവർത്തകനെ എസ്എഫ്ഐ നേതാക്കൾ കുത്തിക്കൊലപ്പെടുത്താൻ ശ്രമിച്ച കേസിൽ ഒളിവിലായിരുന്ന അവസാന പ്രതിയും കീഴടങ്ങി. നെയ്യാറ്റിൻകര ആറാലുംമൂട് സ്വദേശി ഹൈദറാണ് (21) ഇന്നലെ കന്റോണ്മെന്റ് പോലീസ് മുൻപാകെ കീഴടങ്ങിയത്. സംഭവത്തിൽ മുഴുവൻ പ്രതികളെയും പിടികൂടാൻ കഴിയാത്തതിനാൽ കോടതിയിൽ കുറ്റപത്രം സമർപ്പിക്കാൻ പോലീസിനു കഴിഞ്ഞിരുന്നില്ല. ഇതിനിടയിലാണ് ഹൈദറിന്റെ കീഴടങ്ങൽ. പിഎസ്സി പരീക്ഷ തട്ടിപ്പ് കേസിലടക്കം പ്രതികളായ യൂണിവേഴ്സിറ്റി കോളജിലെ എസ്എഫ്ഐ നേതാക്കളായിരുന്ന ശിവരഞ്ജിത്തും നസീമുമായിരുന്നു സഹപാഠിയെ കുത്തിക്കൊല്ലാൻ ശ്രമിച്ച കേസിലെ പ്രധാന പ്രതികൾ. കേസിൽ അറസ്റ്റിലായ ശിവരഞ്ജിത്തും നസീമും ഉൾപ്പെടെയുള്ളവർ നിലവിൽ ജാമ്യത്തിലാണ്. കേസിൽ ആകെ 19 പ്രതികളാണുണ്ടായിരുന്നത്. കേസിലെ അവസാന പ്രതിയും പിടിയിലായതോടെ കേസിൽ കുറ്റപത്രം സമർപ്പിക്കാനുള്ള നടപടികൾ പോലീസ് ആരംഭിച്ചു. ഇക്കഴിഞ്ഞ ജൂലൈ 12ന് ഉച്ചയ്ക്ക് എസ്എഫ്ഐ പ്രവർത്തകനായ രണ്ടാം വർഷ ബിരുദ വിദ്യാർഥി അഖിലിനെ എസ്എഫ്ഐ ഭാരവാഹികളായിരുന്നവർ കുത്തി പരിക്കേൽപ്പിക്കുകയായിരുന്നു.…
Read Moreപ്രായപൂർത്തിയാകാത്ത പെണ്കുട്ടികളെ രണ്ടര വർഷമായി പീഡിപ്പിച്ച വൃദ്ധൻ പോലീസ് പിടിയിൽ
തിരുവനന്തപുരം: പ്രായപൂർത്തിയാകാത്ത പെണ്കുട്ടികളെ പീഡിപ്പിച്ച കേസിൽ ഒരാൾ അറസ്റ്റിൽ. ചാന്നാങ്കര, ജൻമ്മി മുക്ക് സ്വദേശി സലാഹുദ്ദിൻ (60) നെയാണ് കഠിനംകുളം പോലീസ് അറസ്റ്റ് ചെയ്തത്. ഒൻപതും പതിനാലും വയസുള്ള പെണ്കുട്ടികളെ പീഡിപ്പിച്ച കേസിലാണ് ഇയാളെ പോലീസ് അറസ്റ്റ് ചെയ്തത്. കുട്ടികൾ പീഡനവിവരം മാതാപിതാക്കളോടും സ്കൂൾ അധികൃതരോടും വെളിപ്പെടുത്തിയതിനെ തുടർന്നാണ് പോലീസിൽ വിവരം ലഭിച്ചത്. പോലീസ് കേസ് രജിസ്റ്റർ ചെയ്ത് നടത്തിയ അന്വേഷണത്തിൽ പ്രതിയെ പോക്സോ വകുപ്പ് പ്രകാരം അറസ്റ്റ് ചെയ്യുകയായിരുന്നു. കഴിഞ്ഞ രണ്ട് വർഷക്കാലമായി ഇയാൾ കുട്ടികളെ ലൈംഗികമായി പീഡിപ്പിച്ച് വരികയായിരുന്നുവെന്ന് പോലീസ് പറഞ്ഞു. കഠിനംകുളം സിഐ. വിനോദ് കുമാർ, എസ്ഐമാരായ അഭിലാഷ്, കൃഷ്ണപ്രസാദ്, എഎസ്ഐ. സവാദ് ഖാൻ, സിപിഒ സജിൻകുമാർ എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്.
Read Moreതാൻ കാമുകനൊപ്പം പോവുകയാണ്, തന്നോട് ക്ഷമിക്കണം; കല്യാണരാത്രി പുലർന്നപ്പോൾ ഭർത്താവിന് വോയ്സ് മെസേജ് അയച്ച് ഭാര്യ മുങ്ങി; മനോവിഷമം താങ്ങാനാവാതെ യുവാവ്
പേരൂർക്കട: കല്യാണത്തിനു പിറ്റേന്ന് ഭർത്താവിനെ ഉപേക്ഷിച്ച് കാമുകനൊപ്പം നവവധു പോയി. സ്വമനസ്സാലെ അല്ല വിവാഹിതയായതെന്നും മറ്റു ഗത്യന്തരമില്ലാത്തതിനാലാണ് കാമുകനൊപ്പം സ്ഥലം വിടുന്നതെന്നും പിന്നീട് യുവതി ഭർത്താവിന് വോയിസ് മെസ്സേജ് അയച്ചു. തലേന്ന് താൻ താലികെട്ടിയ പെണ്ണ് നിമിഷനേരങ്ങൾക്കുള്ളിൽ തന്നിൽനിന്ന് അകന്ന മനോവിഷമത്തിലാണ് ഭർത്താവ് . കഴിഞ്ഞ ദിവസമാണ് തിരുവനന്തപുരം ജില്ലക്കാരായ യുവതിയുടേയും യുവാവിന്റേയും വിവാഹം നടന്നത്. തനിക്ക് മറ്റൊരു പുരുഷനുമായി അടുപ്പം ഉണ്ടായിരുന്നുവെന്നും എന്നാൽ വിവാഹത്തിന് മുമ്പ് ഇക്കാര്യം തുറന്നുപറയാൻ സാധിച്ചില്ലെന്നും താൻ കാമുകനൊപ്പം പോവുകയാണെന്നും തന്നോട് ക്ഷമിക്കണം എന്നുമായിരുന്നു വോയിസ് മെസ്സേജിൽ ഉണ്ടായിരുന്നത്. ഇന്നു പുലർച്ചെ ഒരു മണിയോടടുത്താണ് ആവശ്യമായ സാധനങ്ങളും എടുത്തു കൊണ്ട് കാമുകനൊപ്പം യുവതി സ്ഥലംവിട്ടത്. വട്ടിയൂർക്കാവ് പോലീസ് അന്വേഷണം ആരംഭിച്ചു.
Read More