തിരുവനന്തപുരം: മന്ത്രി കെ.ടി. ജലീലിനെതിരായ മാർക്ക് ദാന വിവാദം സംബന്ധിച്ച അടിയന്തരപ്രമേയത്തിന് അവതരണാനുമതി നിഷേധിച്ചതിൽ പ്രതിഷേധിച്ചു പ്രതിപക്ഷം നിയമസഭയിൽനിന്ന് ഇറങ്ങിപ്പോയി. പ്രതിപക്ഷത്തുനിന്ന് വി.ഡി. സതീശനാണ് അടിയന്തരപ്രമേയത്തിന് അവതരണാനുമതി തേടിയത്. ജലീലിനെ മന്ത്രിസഭയിൽനിന്ന് പുറത്താക്കണമെന്നും മന്ത്രിക്ക് സർവകലാശാല നടപടികളിൽ ഇടപെടാൻ അധികാരമില്ലെന്നും സതീശൻ പറഞ്ഞു. സർവകലാശാലകളിൽ ചാൻസലറുടെ അഭാവത്തിൽ മാത്രമാണ് പ്രോ ചാൻസലർക്ക് അധികാരമുള്ളത്. ധർമ്മ സംസ്ഥാപനത്തിനായി മന്ത്രി അവതരിക്കണോയെന്നും സതീശൻ പരിഹസിച്ചു. അതേസമയം, മറുപടിയിൽ നേരത്തത്തെ നിലപാട് ആവർത്തിച്ച് മന്ത്രി കെ.ടി. ജലീൽ രംഗത്തെത്തി. മോഡറേഷൻ തീരുമാനം സിൻഡിക്കേറ്റിന്റേതാണ്. തന്റെ പ്രൈവറ്റ് സെക്രട്ടറി അദാലത്തിൽ പങ്കെടുത്തിട്ടില്ല. മലപോലെ വന്നത് എലിപോലെ പോയെന്നും മന്ത്രി പറഞ്ഞു. കട്ട മുതൽ തിരിച്ച് കൊടുത്തത് കൊണ്ട് കളവ് കളവല്ലാതാകുന്നില്ലെന്ന് വിഷയത്തിൽ സംസാരിച്ച പ്രതിപക്ഷ നേതാവ് രമേശ് ചെന്നിത്തലയും പറഞ്ഞു. മാർക്ക് കുംഭകോണമാണ് ഇവിടെ നടന്നിരിക്കുന്നതെന്നും ഇത് കള്ളക്കണിയാണെന്നും അദ്ദേഹം ആരോപിച്ചു. പ്രതിപക്ഷത്തിന്റെ…
Read MoreCategory: TVM
സൗമിനിയോട് സൗമ്യതയില്ലാതെ ബെന്നി ബഹനാൻ; നാട്ടുകാരെ വെള്ളത്തിൽ മുക്കിയ മേയറെ മാറ്റണമെന്ന് എം പി
തിരുവനന്തപുരം: കൊച്ചി കോര്പറേഷന് മേയറെ മാറ്റണമെന്ന് ബെന്നി ബഹനാൻ. കെപിസിസി രാഷ്ട്രീയ കാര്യസമിതിയിലാണ് ബെന്നി ബഹനാൻ ഇക്കാര്യം ഉന്നയിച്ചത്. പാർട്ടിയുടെ പ്രതിച്ഛായ നന്നാക്കാനുള്ള തീരുമാനം വേണമെന്ന് യോഗത്തിൽ വി.ഡി.സതീശനും ആവശ്യപ്പെട്ടു. തിരുവനന്തപുരത്ത് കെപിസിസി പ്രസിഡന്റ് മുല്ലപ്പള്ളി രാമചന്ദ്രന്റെ അധ്യക്ഷതയില് ചേർന്ന യോഗത്തിലാണ് നേതാക്കൾ ആവശ്യം ഉന്നയിച്ചത്. സൗമിനി ജെയിനും എറണാകുളം ജില്ലയിലെ കോൺഗ്രസ് നേതൃത്വവുമായുള്ള അഭിപ്രായ ഭിന്നത രൂക്ഷമായതിനെ തുടർന്നാണ് നേതാക്കൾ മേയർക്കെതിരെ രംഗത്തെത്തിയത്. രാത്രി ഏറെ വൈകിയാണു യോഗം അവസാനിച്ചത്. യോഗത്തില് മേയര് മാറ്റം സംബന്ധിച്ച തീരുമാനമെടുത്തതായാണു സൂചന. യോഗത്തിനു മുന്നോടിയായി നടന്ന കൂടിക്കാഴ്ചയില് മേയര് സൗമിനി ജെയിനോടു രാജിവയ്ക്കേണ്ടി വരുമെന്ന സൂചന കെപിസിസി പ്രസിഡന്റ് നല്കിയതായി അറിയുന്നു. ഇന്നു നടക്കുന്ന കൗണ്സില് യോഗത്തില് മേയർ മാറ്റം പ്രതിപക്ഷം ആയുധമാക്കാന് സാധ്യതയുള്ളതിനാലാണു പ്രഖ്യാപനം യോഗത്തിനുശേഷം നടത്താന് തീരുമാനിച്ചതെന്നാണു കരുതുന്നത്.
Read Moreതെറ്റിധരിപ്പിക്കുന്നവർക്ക് വേണ്ടിയല്ല…. തെറ്റിധരിച്ചവർക്ക് വേണ്ടി മാത്രം… കാള പെറ്റെന്ന് ഘോഷിക്കുന്നവർ, കയറുമായി ഇങ്ങോട്ടു വരണ്ട: ടയർ വിവാദത്തിൽ മന്ത്രി മണി
തിരുവനന്തപുരം: ഔദ്യോഗിക വാഹനത്തിന്റെ ടയർ മാറ്റിയതുമായി ബന്ധപ്പെട്ട് ഉയർന്ന വിവാദത്തിൽ പ്രതികരണവുമായി വൈദ്യുത മന്ത്രി എം.എം. മണി രംഗത്ത്. വിവരാവകാശ കണക്കിൽ ടയറിന്റെ എണ്ണം മാത്രമാണ് പറയുന്നത്. എത്ര ദൂരം വണ്ടി ഓടിയെന്ന് പറയുന്നില്ലെന്നും അദ്ദേഹം ഫേസ്ബുക്കിൽ കുറിച്ചു. കഴിഞ്ഞ രണ്ടു വർഷത്തിനിടെ പത്തുതവണയായി 34 ടയറാണ് മന്ത്രിയുടെ ഔദ്യോഗിക വാഹനത്തിന്റെ മാറ്റിയതെന്ന രേഖ പുറത്തുവന്നതോടെയാണ് മന്ത്രിക്കെതിരേ വിമർശനം ഉയർന്നത്. കാള പെറ്റെന്ന് ഘോഷിക്കുന്നവർ, കൈയിലെ കയറുമായി ഇങ്ങോട്ടു വരണ്ടെന്ന് പറഞ്ഞാണ് മണിയുടെ ഫേസ്ബുക്ക് പോസ്റ്റ് അവസാനിക്കുന്നത്.
Read Moreന്യൂനമർദം തീവ്രമായി: മഴ കനക്കും; ആറ് ജില്ലകളിൽ ഓറഞ്ച് അലർട്ട്; ശക്തമായ കാറ്റിന് സാധ്യതയുള്ളതിനാൽ മത്സ്യത്തൊഴിലാളികൾ ജാഗ്രത പാലിക്കണം
തിരുവനന്തപുരം: സംസ്ഥാനത്ത് ഇന്ന് ഒറ്റപ്പെട്ട കനത്തമഴയ്ക്ക് സാധ്യതയെന്ന് കാലാവസ്ഥ വിഭാഗത്തിന്റെ മുന്നറിയിപ്പ്. ആറ് ജില്ലകളിൽ ഓറഞ്ച് അലർട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, എറണാകുളം, ഇടുക്കി, മലപ്പുറം ജില്ലകളിലാണ് ഓറഞ്ച് അലർട്ട്. തൃശൂർ, പാലക്കാട് ജില്ലകളിൽ യെല്ലോ അലർട്ടും പ്രഖ്യാപിച്ചു. ലക്ഷദ്വീപ് തീരത്തെ ന്യൂനമർദം തീവ്രന്യൂനമർദമായി മാറിയതായാണ് റിപ്പോർട്ട്. ശക്തമായ കാറ്റിന് സാധ്യതയുള്ളതിനാൽ മത്സ്യത്തൊഴിലാളികൾ ജാഗ്രത പാലിക്കണമെന്നും അധികൃതർ മുന്നറിയിപ്പ് നൽകി.
Read Moreമറക്കല്ലേ, ട്രിച്ചി സംഭവം; സംസ്ഥാനത്ത് തുറന്നു കിടക്കുന്ന കുഴല്ക്കിണറുകള് മൂടണമെന്ന് മുഖ്യമന്ത്രി
തിരുവനന്തപുരം: സംസ്ഥാനത്ത് തുറന്നു കിടക്കുന്ന കുഴല്ക്കിണറുകള് മൂടണമെന്ന മുഖ്യമന്ത്രി പിണറായി വിജയന്. തമിഴ്നാട്ടിലെ ട്രിച്ചി മണപ്പാറയിൽ കുഴല്ക്കിണറില് വീണു രണ്ടു വയസുകാരന് മരിച്ച സംഭവത്തെ തുടര്ന്നാണ് സംസ്ഥാനത്ത് ഉപയോഗ ശൂന്യമായി കിടക്കുന്ന കുഴല്ക്കിണറുകള് മൂടണമെന്ന് മുഖ്യമന്ത്രി വ്യക്തമാക്കിയത്. സംസ്ഥാനത്ത് തുറന്നുകിടക്കുന്ന കുഴല്ക്കിണറുകള് ഇല്ലെന്നാണ് ദുരന്ത നിവാരണ അഥോറിറ്റിയുടെ റിപ്പോര്ട്ട്. എങ്കിലും വിവിധ വകുപ്പുകളോടായി പരിശോധന നടത്തി ഉപയോഗ ശൂന്യമായ കുഴല്ക്കിണറുകള് ശ്രദ്ധയില്പ്പെടുന്ന സാഹചര്യത്തില് അവ മൂടണമെന്നാണ് മുഖ്യമന്ത്രിയുടെ നിർദേശം. ജില്ലാ അടിസ്ഥാനത്തില് പരിശോധന നടത്തി തുറന്നുകിടക്കുന്ന കുഴല്ക്കിണറുകള് ഉണ്ടോ എന്ന് പരിശോധിക്കണമെന്നും മുഖ്യമന്ത്രി വിവിധ വകുപ്പുകളോട് നിർദേശിച്ചു.
Read Moreമാവോയിസ്റ്റ് വേട്ട നിയമസഭയിൽ: വിമർശനവുമായി പ്രതിപക്ഷം; ന്യായീകരിച്ച് മുഖ്യമന്ത്രി
തിരുവനന്തപുരം: അട്ടപ്പാടി വനമേഖലയിൽ മാവോയിസ്റ്റുകളെ വെടിവച്ചുകൊന്ന നടപടിക്കെതിരേ വിമർശനവുമായി പ്രതിപക്ഷം നിയമസഭയിൽ. അട്ടപ്പാടിയിലേത് വ്യാജ ഏറ്റുമുട്ടലാണോയെന്ന് സംശയിക്കേണ്ടിയിരിക്കുന്നു. കാണുന്ന മാത്രയിൽ വെടിവച്ചു കൊല്ലുന്നതാണോ ഇടതുപക്ഷ സർക്കാരിന്റെ നയമെന്നും അടിയന്തര പ്രമേയ നോട്ടീസിൽ എൻ. ഷംസുദ്ദീൻ പറഞ്ഞു. തീവ്രസ്വഭാവമുള്ള സംഘടനകളെ പ്രതിപക്ഷം ഒരിക്കലും പിന്തുണക്കുന്നില്ല. എന്നാൽ ഏറ്റുമുട്ടലിൽ ഒരു വശത്തുമാത്രമേ പരിക്കുള്ളു എന്നതാണ് സംശയം ജനിപ്പിക്കുന്നത്. ഇക്കാര്യത്തിൽ ജൂഡീഷൽ ആന്വേഷണം നടത്തണമെന്നും ഷംസുദ്ദീൻ പറഞ്ഞു. അതേസമയം, മാവോയിസ്റ്റുകളാണ് ആദ്യം തണ്ടർബോൾട്ടിനു നേരെ വെടിയുതിർത്തതെന്ന് മുഖ്യമന്ത്രി പിണറായി വിജയൻ മറുപടിയിൽ വ്യക്തമാക്കി. സ്വയരക്ഷയ്ക്കായാണ് തണ്ടർബോൾട്ട് സംഘം തിരിച്ചു വെടിവച്ചത്. കൊല്ലപ്പെട്ട മാവോയിസ്റ്റുകളിൽനിന്നും ആയുധങ്ങൾ കണ്ടെടുത്തിട്ടുണ്ട്. വിദേശനിർമിത എകെ 47 തോക്കടക്കം മാവോയിസ്റ്റുകളുടെ പക്കലുണ്ടെന്നും മുഖ്യമന്ത്രി പറഞ്ഞു. മനുഷ്യജീവൻ നഷ്ടപ്പെടുന്നത് ദുഖകരമാണ്. എന്നാൽ മാവോയിസ്റ്റുകളുടെ പ്രവർത്തനം തടയേണ്ടത് സർക്കാരിന്റെ ചുമതലയാണ്. ജനാധിപത്യ രാഷ്ട്രീയ പ്രവർത്തനത്തെ മാവോയിസ്റ്റുകൾ ദുർബലപ്പെടുത്തുന്നു. പോലീസ് നടപടിയിൽ വീഴ്ചയുണ്ടോയെന്ന്…
Read Moreമാവോയിസ്റ്റ് ഏറ്റുമുട്ടൽ വ്യാജം; പ്രതിപക്ഷ നേതാവിന്റെ അഭിപ്രായം വ്യക്തിപരമെന്ന് ഡിജിപി
തിരുവനന്തപുരം: പാലക്കാട് അട്ടപ്പാടി വനമേഖലയിലുണ്ടായത് വ്യാജ ഏറ്റുമുട്ടലാണെന്ന പ്രതിപക്ഷ നേതാവ് രമേശ് ചെന്നിത്തലയുടെ ആരോപണം വ്യക്തിപരമെന്ന് ഡിജിപി ലോക്നാഥ് ബെഹ്റ. ഏറ്റുമുട്ടലിനെക്കുറിച്ച് റിപ്പോർട്ട് ലഭിച്ചശേഷം കൂടുതൽ പ്രതികരിക്കാമെന്നും ഡിജിപി പറഞ്ഞു. വാളയാറിൽ കേസിലെ പ്രതികളെ വിട്ടയച്ചതിനെതിരേ പോലീസ് അപ്പീൽ നൽകുമെന്നും ഡിജിപി വ്യക്തമാക്കി. വിധിപ്പകർപ്പ് കിട്ടിയശേഷമായിരിക്കും തുടർ നടപടി. ഉദ്യോഗസ്ഥർക്ക് വീഴ്ചപറ്റിയിട്ടുണ്ടെങ്കിൽ കർശന നടപടി ഉണ്ടാകുമെന്നും ഡിജിപി മാധ്യമങ്ങളോട് പറഞ്ഞു.
Read Moreകരമന ഭൂമി തട്ടിപ്പ്: കാര്യസ്ഥന്റെയും ഭാര്യയുടെയും ബാങ്ക് അക്കൗണ്ടുകൾ മരവിപ്പിച്ചു
തിരുവനന്തപുരം: കരമനയിലെ ഭൂമി തട്ടിപ്പുകേസിൽ ആരോപണ വിധേയനായ കാര്യസ്ഥന്റെ ബാങ്ക് അക്കൗണ്ടുകൾ മരവിപ്പിച്ചു. കാര്യസ്ഥൻ രവീന്ദ്രൻ നായരുടെയും ഭാര്യയുടെയും ജില്ലാ സഹകരണ ബാങ്കിലുള്ള അക്കൗണ്ടുകളാണ് പോലീസ് നിർദേശത്തെ തുടർന്ന് മരവിപ്പിച്ചത്. കരമന കൂടത്തിൽ കുടുംബത്തിലെ ഭൂമി ഉൾപ്പെടെയുള്ള വസ്തുവകകൾ തട്ടിയെടുത്തെന്ന പരാതിയിലും ദുരൂഹമരണത്തിലും കരമന പോലീസ്, കാര്യസ്ഥൻ ഉൾപ്പെടെയുള്ളവർക്കെതിരെ കഴിഞ്ഞ ദിവസം കേസെടുത്തിരുന്നു. മരിച്ച ജയമാധവന്റെ ബന്ധു പ്രസന്നകുമാരിയുടെ പരാതിയുടെ അടിസ്ഥാനത്തിലാണ് പോലീസ് കേസെടുത്തത്. കൂടത്തിൽ കുടുംബത്തിലെ ജയമാധവന്റെ കാര്യസ്ഥൻ രവീന്ദ്രൻ, മുൻ വയനാട് കളക്ടർ മോഹൻദാസ്, ജയമാധവന്റെ സഹായികളായിരുന്ന സഹദേവൻ, വീട്ടു ജോലിക്കാരി ലീല എന്നിവർ ഉൾപ്പെടെ 12 പേർക്കെതിരേയാണ് പോലീസ് കേസെടുത്തത്. രവീന്ദ്രൻ നായർ ഒന്നാം പ്രതിയും മുൻ കളക്ടർ മോഹൻദാസ് പത്താം പ്രതിയുമാണ്.
Read Moreസ്കൂൾ വിദ്യാർഥിയെ നിലത്തിട്ട് ചവിട്ടി, ലാത്തിക്കടിച്ച് പോലീസിന്റെ നരനായാട്ട്
തിരുവനന്തപുരം: വർക്കലയിൽ ഹയർ സെക്കൻഡറി സ്കൂൾ വിദ്യാർഥിക്ക് പോലീസിന്റെ അതിക്രൂര മർദനം. വർക്കല ഗവ.മോഡൽ ഹയർ സെക്കൻഡറി സ്കൂളിലെ പ്ലസ്ടു വിദ്യാർഥി സുധീഷിനാണ് പോലീസിന്റെ മർദനം ഏറ്റത്. ദീപാവലി ആഘോഷങ്ങളുടെ ഭാഗമായി സ്കൂൾ വളപ്പിനു പുറത്ത് സുധീഷ് ഉൾപ്പെടെയുള്ള വിദ്യാർഥികൾ പടക്കം പൊട്ടിച്ചിരുന്നു. അധ്യാപകർ പറഞ്ഞിട്ടും അവർ പടക്കം പൊട്ടിക്കുന്നത് നിർത്തിയില്ല എന്നുകാട്ടി സ്കൂൾ പ്രിൻസിപ്പൽ ആണ് പോലീസിൽ പരാതിപ്പെട്ടത്. ഇതിന്റെ അടിസ്ഥാനത്തിലെത്തിയ പോലീസ് സ്കൂൾ ക്യാംപസിൽ വച്ച് വിദ്യാർഥികൾക്കു നേരെ ലാത്തി വീശുകയും പിന്നീട് സുധീഷിനെ നിലത്തിട്ട് ചവിട്ടുകയും ചെയ്തു. ഇതിന്റെ ദൃശ്യങ്ങൾ പുറത്ത് വന്നിട്ടുണ്ട്. വർക്കല എസ്ഐയുടെ നേതൃത്വത്തിലായിരുന്നു പോലീസ് സംഘം വിദ്യാർഥികളെ ക്രൂര മർദനത്തിനിരയാക്കിയത്. പോലീസ് മർദനത്തിൽ പരിക്കേറ്റ വിദ്യാർഥിയെ ആശുപത്രിയിൽ പ്രവേശിപ്പിച്ചെങ്കിലും പിന്നീട് പോലീസ് ഇവിടെനിന്ന് സ്റ്റേഷനിലേക്ക് കൊണ്ടുപോവുകയായിരുന്നു. രണ്ടു പോലീസുകാർ ചേർന്ന് താങ്ങിയെടുത്താണ് സുധീഷിനെ ആശുപത്രിയിൽ നിന്ന് പോലീസ് ജീപ്പിലേക്ക്…
Read Moreഒറ്റപ്പെട്ട ശക്തമായ മഴയ്ക്ക് സാധ്യത; ചൊവ്വാഴ്ച തിരുവനന്തപുര, കൊല്ലം ജില്ലകളിൽ ഓറഞ്ച് അലർട്ട്
തിരുവനന്തപുരം: ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതിനാൽ ചൊവ്വാഴ്ച തിരുവനന്തപുരം, കൊല്ലം ജില്ലകളിൽ ഓറഞ്ച് അലർട്ട്.ശക്തമായ കാറ്റിനും കടല്ക്ഷോഭത്തിനും സാധ്യതയുള്ളതിനാല് കടലില് പോകരുതെന്ന് മത്സ്യത്തൊഴിലാളികള്ക്ക് മുന്നറിയിപ്പ് നല്കി. കേരളത്തിനും ലക്ഷദ്വീപിനുമിടയിലും കന്യാകുമാരി, മാലിദ്വീപ് തീരങ്ങളിലും കടൽ പ്രക്ഷുബ്ധമാകാൻ സാധ്യതയെന്നാണ് മുന്നറിയിപ്പ്.
Read More