തിരുവനന്തപുരം: കരമന കൂടത്തിൽ കുടുംബത്തിലെ ഭൂമി ഉൾപ്പെടെയുള്ള വസ്തുവകകൾ തട്ടിയെടുത്തെന്ന പരാതിയിൽ കരമന പോലീസ് കാര്യസ്ഥൻ ഉൾപ്പെടെയുള്ളവർക്കെതിരെ കേസെടുത്തു. കൂടത്തിൽ കുടുംബത്തിലെ ജയമാധവന്റെ കാര്യസ്ഥൻ രവീന്ദ്രൻ, മുൻ കളക്ടർ മോഹൻദാസ്, ജയമാധവന്റെ സഹായികളായിരുന്ന സഹദേവൻ, വീട്ടു ജോലിക്കാരി ലീല എന്നിവർ ഉൾപ്പെടെ 12 പേർക്കെതിരെയാണ് പോലീസ് കേസെടുത്തത്. രവീന്ദ്രൻ നായർ ഒന്നാം പ്രതിയും മുൻ കളക്ടർ മോഹൻദാസ് പത്താം പ്രതിയുമാണ്. മരണപ്പെട്ട ജയമാധവന്റെ ബന്ധു പ്രസന്നകുമാരിയുടെ പരാതിയുടെ അടിസ്ഥാനത്തിലാണ് പോലീസ് കേസെടുത്തത്. വ്യാജരേഖ ചമയ്ക്കൽ, ഗൂഢാലോചന, ഭീഷണിപ്പെടുത്തൽ എന്നീ വകുപ്പുകളാണ് ഇവർക്കെതിരെ ചുമത്തിയിരിക്കുന്നത്. തനിക്ക് അവകാശപ്പെട്ട ഭൂമി ജയമാധവൻ ജീവിച്ചിരിക്കെ രവീന്ദ്രൻ നായർ ഉൾപ്പെടെയുള്ള സഹായികളും ബന്ധുക്കളും തട്ടിയെടുത്തെന്നാണ് പ്രസന്നകുമാരിയുടെ പരാതി. മുൻ കളക്ടർ മോഹൻദാസിന്റെ ഭാര്യ കൂടത്തിൽ കുടുംബാംഗമാണ്. മോഹൻദാസിന്റെ ഒൗദ്യോഗിക സഹായം പ്രതികൾക്ക് ലഭിച്ചിട്ടുണ്ടെന്നാണ് പ്രസന്നകുമാരിയുടെ പരാതിയിൽ പറയുന്നത്. 2017 ലാണ് ജയമാധവൻ മരണമടഞ്ഞത്.…
Read MoreCategory: TVM
വാളയാർ കേസ് അട്ടിമറിച്ചതിനു പിന്നിൽ മന്ത്രി ബാലൻ; ആരോപണവുമായി കെ. സുരേന്ദ്രൻ
തിരുവനന്തപുരം: വാളയാർ പീഡനക്കേസ് അട്ടിമറിച്ചതിനു പിന്നിൽ മന്ത്രി എ.കെ. ബാലനും പങ്കുണ്ടെന്ന് ബിജെപി നേതാവ് കെ. സുരേന്ദ്രൻ. മന്ത്രിയുടെ അനുയായികളാണ് കേസ് അട്ടിമറിക്കാൻ കൂട്ടുനിന്നത്. സിപിഎം പ്രാദേശിക നേതൃത്വവും ഇതിന് സഹായം നൽകിയെന്നും സുരേന്ദ്രൻ ആരോപിച്ചു. കേസിൽ പ്രോസിക്യൂഷൻ മൗനിബാബയെപ്പോലെയാണ് പ്രവർത്തിച്ചത്. കേസ് അട്ടിമറിച്ചതിനു പിന്നിൽ മന്ത്രി ബാലനാണ് ഉത്തരവാദിത്വം. മുഖ്യമന്ത്രിയും എ.കെ. ബാലനും വടക്കോട്ട് നോക്കി മെഴുകുതിരി കത്തിക്കുകയല്ല വേണ്ടത്. കേസ് പുനരന്വേഷിക്കണമെന്നും സുരേന്ദ്രൻ ആവശ്യപ്പെട്ടു.
Read Moreസർക്കാർ ഇരയ്ക്കൊപ്പം; വാളയാർ കേസിൽ സർക്കാർ അപ്പീൽ നൽകുമെന്ന് മുഖ്യമന്ത്രി
തിരുവനന്തപുരം: വാളയാർ പീഡനക്കേസിൽ സർക്കാർ കോടതിയിൽ അപ്പീൽ നൽകുമെന്ന് മുഖ്യമന്ത്രി പിണറായി വിജയൻ നിയമസഭയെ അറിയിച്ചു. കേസിൽ പ്രഗത്ഭരായ അഭിഭാഷകരെ നിയോഗിക്കുമെന്നും വീഴ്ച ആരുടേതാണ് എന്ന് പരിശോധിക്കുമന്നും മുഖ്യമന്ത്രി പറഞ്ഞു. പട്ടിക വിഭാഗത്തിലെ കുട്ടികളായതിനാൽ അതനുസരിച്ചാണ് അന്വേഷണം നടത്തുന്നതെന്നും സർക്കാർ ഇരയ്ക്കൊപ്പമാണെന്നും അദ്ദേഹം വ്യക്തമാക്കി. കേസിൽ സിബഹിഐ അന്വേഷണം വേണോ പുനഃരന്വേഷണം വേണോ എന്ന് പന്നീട് ആലോചിക്കുമെന്നും അദ്ദേഹം പറഞ്ഞു.
Read Moreകാതടപ്പിക്കുന്ന ശബ്ദത്തില് അമിത വേഗത്തില് തലങ്ങും വിലങ്ങും പാഞ്ഞു! ബൈക്ക് റേസിംഗ് നടത്തിയ 22 അംഗ സംഘം അറസ്റ്റിൽ; ആഡംബര ബൈക്കുകളും പൊക്കി
വിഴിഞ്ഞം : കോവളം ബൈപാസിൽ കല്ലുവെട്ടാൻകുഴി മുക്കോല ഭാഗത്ത് ബൈക്ക് റേസിംഗ് നടത്തിയ22 അംഗ സംഘത്തെ വിഴിഞ്ഞം പോലീസ് പിടികൂടി. മത്സരയോട്ടത്തിന് ഉപയോഗിച്ച ആഡംബര ബൈക്കുകളും പോലീസ്കസ്റ്റഡിയിലെടുത്തു. ഇന്നലെ ഉച്ചയോടെ ഇവിടെ എത്തിയസംഘം മത്സരയോട്ടം നടത്തുന്നതിനിടെയാണ് പോലീസ് എത്തി പിടികൂടിയത്. കാതടപ്പിക്കുന്ന ശബ്ദത്തിൽ അമിത വേഗത്തിൽ തലങ്ങും വിലങ്ങും സംഘം പാഞ്ഞതോടെ ഭീതിയിലായ നാട്ടുകാർ വിഴിഞ്ഞം പോലീസിനെ വിവരംഅറിയിക്കുകയായിരുന്നു. തുടർന്ന് മഫ്തിയിലെത്തിയ പോലീസ് സംഘം ഇവരെ തടഞ്ഞുവയ്ക്കുകയും കൂടുതൽ പോലീസെത്തി പിടികൂടി സ്റ്റേഷനിലെത്തിക്കുകയുമായിരുന്നു. ബൈപാസിലൂടെ സ്ഥിരമായി ബൈക്ക് റേസിംഗ് നടത്തുന്നത് യാത്രക്കാരെ വലച്ചിരുന്നു. ഇത് തടയാൻ പോലീസ് നടപടി സ്വീകരിക്കുന്നില്ലെന്ന പരാതി ഉയർന്നതിനെ തുടർന്ന് നിരീക്ഷണം ശക്തമാക്കിയ പോലീസ് ഒരാഴ്ച മുമ്പും മത്സരയോട്ടം നടത്താനെത്തിയ12 അംഗ സംഘത്തെ പിടികൂടിയിരുന്നു. ഇതിന് പിന്നാലെയാണ് വീണ്ടും മത്സരയോട്ടത്തിനെത്തിയവർ പിടിയിലായത്. മത്സരയോട്ടം നടത്തിയതിനും ജനങ്ങളിൽ ഭീതിയുണ്ടാക്കുന്ന തരത്തിൽ വാഹനമോടിച്ചതിനുമാണ് കേസെടുത്ത്.…
Read Moreശ്രീധരൻപിള്ളയ്ക്ക് കിട്ടിയത് പണിയല്ല, അംഗീകാരം; അധ്യക്ഷ സ്ഥാനത്തിനായി ചരടുവലിക്കില്ലെന്ന് കുമ്മനം
തിരുവനന്തപുരം: മിസോറാം ഗവര്ണറായി ശ്രീധരന്പിള്ളയെ നിയമിച്ചതോടെ ഒഴിവുവന്ന ബിജെപി സംസ്ഥാന അധ്യക്ഷ സ്ഥാനത്തിനായി ചരടുവലിക്കില്ലെന്ന് കുമ്മനം രാജശേഖരന്. ശ്രീധരന്പിള്ളക്ക് കിട്ടിയത് പണിയല്ല, അംഗീകാരമാണെന്നും കുമ്മനം മാധ്യമങ്ങളോട് പറഞ്ഞു. എൻഡിഎ ശക്തമായി തിരിച്ചുവരും. എൻഡിഎയുടെ വളർച്ചക്ക് താനും ഒപ്പമുണ്ടാകും. പാർട്ടി എന്തു പറഞ്ഞാലും അത് അംഗീകരിക്കാൻ തയാറാണ്. വട്ടിയൂർക്കാവിൽ ബിജെപിക്ക് കോട്ടങ്ങൾ ഉണ്ടായിട്ടുണ്ട്. തോൽവി പാർട്ടി പരിശോധിക്കുമെന്നും കുമ്മനം വ്യക്തമാക്കി.
Read Moreഹോ ഭയങ്കരം തന്നെ..! ഉപതെരഞ്ഞെടുപ്പിൽ വെള്ളാപ്പള്ളിയും മുഖ്യമന്ത്രിയും തമ്മിൽ കരാറുണ്ടാക്കിയെന്ന് മുല്ലപ്പള്ളി
തിരുവനന്തപുരം: മുഖ്യമന്ത്രി പിണറായി വിജയനെയും എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശനെയും അതിരൂക്ഷമായി വിമർശിച്ച് കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ. ഉപതെരഞ്ഞെടുപ്പിൽ മുഖ്യമന്ത്രിയും ആലപ്പുഴയിലെ മുതലാളിയുമായി രഹസ്യധാരണ ഉണ്ടാക്കിയിരുന്നുവെന്ന് മുല്ലപ്പള്ളി കുറ്റപ്പെടുത്തി. തെരഞ്ഞെടുപ്പിൽ വോട്ടുറപ്പിക്കാനുള്ള ശ്രമം മുഖ്യമന്ത്രിയുടെ ഭാഗത്തുനിന്ന് ഉണ്ടായെന്നും അത്തരം ചർച്ചകൾ ഇരുവരും തമ്മിൽ നടന്നിരുന്നുവെന്നും മുല്ലപ്പള്ളി ആരോപിച്ചു. ശബരിമലയിലെ വികസനത്തിന് 100 കോടി രൂപ പോലും നൽകാതിരുന്ന മുഖ്യമന്ത്രി വെള്ളാപ്പള്ളിയുടെ കുടുംബ ക്ഷേത്രത്തിന് പണം നൽകിയെന്നും അദ്ദേഹം പറഞ്ഞു. ഉപതെരഞ്ഞെടുപ്പിൽ അഞ്ചിടത്തും ഇടതുപക്ഷം സ്ഥാനാർഥികളെ നിർത്തിയത് സമുദായം നോക്കിയാണെന്നും മുല്ലപ്പള്ളി ആരോപിച്ചു.
Read Moreകേരളത്തിന് പുറത്തേക്ക് പോകാമോയെന്ന് പ്രധാനമന്ത്രി ചോദിച്ചിരുന്നു; ഗവർണർ നിയമനം സന്തോഷത്തോടെ ഏറ്റെടുക്കുന്നുവെന്ന് ശ്രീധരൻപിള്ള
തിരുവനന്തപുരം: മിസോറാം ഗവർണറായി തന്നെ നിയമിച്ചതിൽ സന്തോഷമുണ്ടെന്ന് ബിജെപി സംസ്ഥാന പ്രസിഡന്റ് പി.എസ്.ശ്രീധരൻപിള്ള. പാർട്ടി തീരുമാനം സന്തോഷത്തോടെ ഏറ്റെടുക്കുന്നുവെന്നും അദ്ദേഹം പറഞ്ഞു. പാർട്ടിയെടുക്കുന്ന തീരുമാനം എന്തു തന്നെ ആയാലും സന്തോഷത്തോടെ ഉൾക്കൊള്ളുമെന്നും കേരളത്തിന് പുറത്തേക്ക് പോകാമോ എന്ന് പ്രധാന മന്ത്രി നേരത്തെ ചോദിച്ചിരുന്നുവെന്നും അദ്ദേഹം പറഞ്ഞു.
Read Moreവട്ടിയൂർക്കാവിൽ ആർഎസ്എസ് എൽഡിഎഫിനു വോട്ടുമറിച്ചു; സിപിഎമ്മിന്റെ ജാതി പറഞ്ഞുള്ള വോട്ട് പിടുത്തതിന് തെളുവുണ്ടെന്ന ആരോപണവുമായി മുരളിധരൻ
കോഴിക്കോട്: വട്ടിയൂർക്കാവിൽ ആർഎസ്എസ് എൽഡിഎഫിനു വോട്ടുമറിച്ചെന്നു കോണ്ഗ്രസ് നേതാവ് കെ. മുരളീധരൻ. വട്ടിയൂർക്കാവിൽ സിപിഎം ജാതി പറഞ്ഞ് വോട്ടു പിടിച്ചെന്നും എൻഎസ്എസിനെ എതിർക്കാൻ സിപിഎം ആർഎസ്എസിനെ കൂട്ടുപിടിച്ചെന്നും വട്ടിയൂർക്കാവ് തോൽവിക്കു പിന്നാലെ മാധ്യമങ്ങളോടു സംസാരിക്കവെ മുരളി കുറ്റപ്പെടുത്തി. മുരളീധരൻ എംപിയായ ഒഴിവിലാണു വട്ടിയൂർക്കാവിൽ തെരഞ്ഞെടുപ്പ് നടന്നത്. വട്ടിയൂർക്കാവിൽ സിപിഎം ജാതി പറഞ്ഞ് വോട്ടു പിടിച്ചതിന് തന്റെ പക്കൽ തെളിവുകളുണ്ട്. ഇപ്പോൾ അതു പുറത്തുവിടുന്നില്ല. മന്ത്രി കടകംപള്ളി സുരേന്ദ്രൻ നേരിട്ടാണ് അതു ചെയ്തത്. എൻഎസ്എസിനെ എതിർക്കാൻ ആർഎസ്എസിനെ കൂട്ടുപിടിക്കുകയാണ് സിപിഎം ചെയ്തത്. ആർഎസ്എസ് വോട്ടുകൾ എൽഡിഎഫിലേക്കു മറിച്ചിട്ടുണ്ടെന്നും മുരളീധരൻ ആരോപിച്ചു. പ്രളയകാലത്ത് റസിഡൻസ് അസോസിയേഷനുകൾ ശേഖരിച്ചു നൽകിയ സാധനങ്ങൾ കൊടി വീശി കയറ്റിയയക്കുകയല്ലാതെ പ്രശാന്ത് ഒന്നും ചെയ്തില്ല. ഉപതെരഞ്ഞെടുപ്പ് മുന്നിൽക്കണ്ട് പ്രശാന്തിനെ മേയർ ബ്രോ ആയി അവതരിപ്പിക്കുകയായിരുന്നു. എംഎൽഎമാരെ രാജിവയ്പിച്ച് എംപിമാരാക്കിയത് ജനങ്ങൾക്ക് ഇഷ്ടമായിട്ടില്ലെന്നും മുരളീധരൻ കുറ്റപ്പെടുത്തി. കണ്ണിലെ…
Read Moreതോറ്റാലും തോൽക്കില്ല; തെരഞ്ഞടുപ്പിൽ ബിജെപിക്ക് വോട്ട് കൂടിയത് നേട്ടമെന്ന് ശ്രീധരൻപിള്ള
തിരുവനന്തപുരം: ഉപതെരഞ്ഞെടുപ്പിൽ ബിജെപിക്ക് തിരിച്ചടി നേരിട്ടില്ലെന്ന് സംസ്ഥാന അധ്യക്ഷൻ പി.എസ് ശ്രീധരൻപിള്ള. ബിജെപിക്ക് വോട്ട് വർധിക്കുകയാണ് ചെയ്തത്. എന്നാൽ ഇടത്, വലത് മുന്നണികൾക്ക് വോട്ടുകുറയുകയും ചെയ്തു. ഇതെങ്ങനെ നേട്ടമാകും, ബിജെപി തോറ്റമ്പിയെന്ന് എങ്ങനെ പറയനാകുമെന്നും ശ്രീധരൻപിള്ള ചോദിച്ചു. കോൺഗ്രസിന് വോട്ട് കുറഞ്ഞത് ചെന്നിത്തലയും സിപിഎമ്മിന് വോട്ട് കുറഞ്ഞത് കോടിയേരിയും വിശദീകരിക്കണം. മഞ്ചേശ്വരത്ത് ബിജെപിയുടെ ചരിത്രത്തിൽ ആദ്യമായാണ് ഇത്രയും അധികം വോട്ട് ലഭിക്കുന്നത്. നേട്ടം ഉണ്ടാക്കിയെന്ന ഇടത്, വലത് മുന്നണികളുടെ അവകാശവാദം ജനവഞ്ചനയാണ്. മൂന്നു മണ്ഡലങ്ങളിൽ വീതം ഇടതുപക്ഷത്തിനും യുഡിഎഫിനും വോട്ട് കുറഞ്ഞു. ഇത് മറച്ചുവച്ച് ബിജെപിക്ക് വോട്ട് കുറഞ്ഞെന്ന് പറയുന്നതിൽ അർഥമില്ലെന്നും അദ്ദേഹം കൂട്ടിച്ചേർത്തു.
Read Moreകോണ്ഗ്രസ് ഒരാളെ എവിടെ വച്ച് ഒതുക്കുമെന്നു തനിക്കു നന്നായി അറിയാം; നേതൃത്വത്തിനെതിരേ പീതാംബരക്കുറുപ്പ്
തിരുവനന്തപുരം: വട്ടിയൂർക്കാവ് ഉപതെരഞ്ഞെടുപ്പിലെ തോൽവിക്കു പിന്നാലെ നേതൃത്വത്തിനെതിരേ വിമർശനവുമായി കോണ്ഗ്രസ് നേതാവ് എൻ. പീതാംബരക്കുറുപ്പ്. താനാണു രാജാവ് എന്ന തരത്തിലാണു പലരും തെരഞ്ഞെടുപ്പിനെ സമീപിച്ചതെന്നും മണ്ഡലം മാർക്സിസ്റ്റ് പാർട്ടിക്ക് കോണ്ഗ്രസ് അടിയറവുവച്ചെന്നും കുറുപ്പ് കുറ്റപ്പെടുത്തി. തനിക്ക് സീറ്റ് തരാത്തതിൽ ദുഃഖമില്ല. പക്ഷേ, വട്ടിയൂർക്കാവ് മണ്ഡലം കോണ്ഗ്രസ് മാർക്സിസ്റ്റ് പാർട്ടിക്ക് അടിയറവ് വച്ചു. എൻഎസ്എസിനെ പഴിചാരി തോൽവിയിൽനിന്ന് ഒഴിഞ്ഞുമാറാൻ കോണ്ഗ്രസിനാകില്ല. താനാണു രാജാവ് എന്ന തരത്തിലാണു പലരും തെരഞ്ഞെടുപ്പിനെ സമീപിച്ചത്. കോണ്ഗ്രസ് പ്രവർത്തകരുടെ ആത്മവീര്യം നഷ്ടപ്പെടുത്തിയെന്നും പീതാംബരക്കുറുപ്പ് പറഞ്ഞു. കോണ്ഗ്രസ് ഒരാളെ എവിടെ വച്ച് ഒതുക്കുമെന്നു തനിക്കു നന്നായി അറിയാമെന്നും പാർട്ടിക്കുള്ളിൽ ചികിത്സ നടത്തേണ്ട സമയം അതിക്രമിച്ചെന്നും പീതാംബരക്കുറുപ്പ് തുറന്നടിച്ചു. വട്ടിയൂർക്കാവിൽ സ്ഥാനാർഥിയായി ആദ്യം പരിഗണിച്ചിരുന്നത് പീതാംബരക്കുറുപ്പിനെയായിരുന്നു. എന്നാൽ പിന്നീട് മോഹൻകുമാറിനെ കോണ്ഗ്രസ് സ്ഥാനാർഥിയായി നിശ്ചയിക്കുകയായിരുന്നു. എൽഡിഎഫിന്റെ വി.കെ. പ്രശാന്തിനോട് 14,465 വോട്ടുകൾക്കാണു വട്ടിയൂർക്കാവിൽ മോഹൻകുമാർ പരാജയപ്പെട്ടത്.
Read More