തിരുവനന്തപുരം: അറുപതു പേർ കവിതകൾ ആലപിച്ച ചതുർഭാഷാ കവിയരങ്ങിൽ പുസ്തക പ്രകാശനം. മലയാളം, തമിഴ്, ഇംഗ്ളീഷ്, ഹിന്ദി ഭാഷകളിലാണു അറുപതു കവികൾ കവിത അവതരിപ്പിച്ചത്. ഒരേ വേദിയിൽ നാലു ഭാഷകളിൽ കവിയരങ്ങ് അത്യപൂർവമാണ്. ചടങ്ങിൽ എഴുത്തുകാരിയും ഏജീസ് ഓഫീസിലെ സീനിയർ അക്കൗണ്ടന്റുമായ ജസീന്ത മോറിസ് രചിച്ച പന്ത്രണ്ടാമത്തെ പുസ്തകം ’വാടാതെ, തളരാതെ’ പ്രകാശിതമായി. പ്രതിസന്ധികളെ അതിജീവിച്ചവരുടെ അനുഭവങ്ങൾ മറ്റുള്ളവർക്കു മാർഗദർശനങ്ങളാണെന്നും ’വാടാതെ, തളരാതെ’ എന്ന ഗ്രന്ഥം ഈ ഗണത്തിലുള്ളതാണെന്നും പുസ്തക പ്രകാശനം നിർവഹിച്ച കവി പ്രഭാവർമ അഭിപ്രായപ്പെട്ടു. വായനയും രചനയും മനുഷ്യനെ ന·യിലേക്കു നയിക്കുമെന്ന് ആദ്യ കോപ്പി ഏറ്റുവാങ്ങിയ കവി ഏഴാച്ചേരി രാമചന്ദ്രൻ പറഞ്ഞു. ജോയിന്റ് കൗണ്സിൽ അടിയോടി ഹാളിൽ നടന്ന സമ്മേളനത്തിൽ പ്രഫ. ജി.എൻ. പണിക്കർ അധ്യക്ഷത വഹിച്ചു. ദീപിക തൃശൂർ ബ്യൂറോ ചീഫ് ഫ്രാങ്കോ ലൂയിസ്, വിനോദ് വൈശാഖി, അഡ്വ. സി.എ. നന്ദകുമാർ, പി.സി.…
Read MoreCategory: TVM
വട്ടിയൂർക്കാവിൽ ജാതി പറഞ്ഞുള്ള വോട്ട് പിടുത്തം; എൻഎസ്എസിനെതിരേ പരാതി നൽകുമെന്ന് കോടിയേരി
തിരുവനന്തപുരം: എൻഎസ്എസിനെതിരെ മുഖ്യ തെരഞ്ഞെടുപ്പ് ഓഫീസർക്ക്് പരാതി നൽകുമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. വട്ടിയൂർക്കാവിൽ എൻഎസ്എസ് വ്യാപകമായി ജാതി പറഞ്ഞ് വോട്ട് പിടിക്കുകയാണെന്നും കോടിയേരി ആരോപിച്ചു. ഇക്കാര്യത്തിൽ തെരഞ്ഞെടുപ്പ് ഓഫീസറുടെ നിരീക്ഷണം ശരിയാണെന്നും കോടിയേരി പറഞ്ഞു. മാധ്യമപ്രവർത്തകരുടെ ചോദ്യങ്ങൾക്ക് മറുപടിയായാണ് അദ്ദേഹം ഇക്കാര്യങ്ങൾ വ്യക്തമാക്കിയത്. തെരഞ്ഞെടുപ്പിൽ സാമുദായിക സംഘടനകൾ പരസ്യമായി വോട്ട് ചോദിക്കുന്നത് ചട്ടലംഘനമാണെന്നും പരാതി കിട്ടിയാൽ നടപടി സ്വീകരിക്കുമെന്നും മുഖ്യ തെരഞ്ഞെടുപ്പ് ഓഫീസർ ടിക്കാറാം മീണ കഴിഞ്ഞ ദിവസം പറഞ്ഞിരുന്നു.
Read Moreകാലവർഷം മടങ്ങി, പിന്നാലെയെത്തി തുലാമഴയും… ഇടിയോട് കൂടിയ ശക്തമായ മഴയ്ക്കും കാറ്റിനും സാധ്യത; മഞ്ഞ അലർട്ട് പ്രഖ്യാപിച്ച് കാലാവസ്ഥാ കേന്ദ്രം
തിരുവനന്തപുരം: കാലവർഷം പിന്മാറിയതോടെ തുലാവർഷം എത്തിയതായി കാലാവസ്ഥാ നിരീക്ഷണ കേന്ദ്രം. കേരളത്തിൽ തുലാവർഷമെന്നു വിളിക്കുന്ന വടക്കുകിഴക്കൻ മണ്സൂണ് എത്തിയതോടെ തമിഴ്നാട്, ആന്ധ്ര, കർണാടക സംസ്ഥാനങ്ങളിലും മഴ തുടങ്ങിയിട്ടുണ്ട്. വടക്കു കിഴക്കൻ കാലവർഷം ഡിസംബർ 31 വരെയാണ് ലഭിക്കേണ്ടത്. തുലാവർഷം മികച്ച രീതിയിൽ പെയ്യുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ കണക്കുകൂട്ടൽ. ഇത്തവണ ഇടവപ്പാതിക്ക് 13 ശതമാനം അധികമഴ ലഭിച്ചതായാണ് കണക്ക്. വെള്ളിയാഴ്ച വരെ സംസ്ഥാനത്ത് വ്യാപകമായി മഴ പെയ്യും. കേരള തീരത്ത് കാറ്റിന്റെ വേഗത മണിക്കൂറിൽ 60 കിലോമീറ്റർ വരെയാകാൻ സാധ്യതയുള്ളതിനാൽ മത്സ്യതൊഴിലാളികൾ കടലിൽ പോകരുതെന്നും കാലാവസ്ഥാ നിരീക്ഷണ കേന്ദ്രം അറിയിച്ചു. വ്യാഴാഴ്ച തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, മലപ്പുറം, കോഴിക്കോട്, വയനാട് എന്നീ ജില്ലകളിലും വെള്ളിയാഴ്ച കൊല്ലം, പത്തനംതിട്ട, കോട്ടയം, എറണാകുളം, ഇടുക്കി എന്നീ ജില്ലകളിലും ശനിയാഴ്ച കൊല്ലം, പത്തനംതിട്ട, കോട്ടയം, എറണാകുളം, ഇടുക്കി,…
Read Moreപ്രസവ കാര്യത്തിൽ ഇനി വേർതിരിവില്ല; ആറു മാസത്തെ ശമ്പളത്തോടെയുള്ള അവധി സ്വകാര്യ വിദ്യാഭ്യാസ സ്ഥാപനങ്ങളിലെ ജീവനക്കാർക്കും; നിയമഭേദഗതി പ്രാബല്യത്തിൽ വരുന്ന ആദ്യ സംസ്ഥാനമായി കേരളം
തിരുവനന്തപുരം: സംസ്ഥാനത്തെ അൺ എയ്ഡഡ് മേഖലയയിലടക്കമുള്ള സ്വകാര്യ വിദ്യാഭ്യാസ സ്ഥാപനങ്ങളിലെ അധ്യാപകർ ഉൾപ്പെടെയുള്ള ജീവനക്കാരെ മെറ്റേണിറ്റി ബെനഫിറ്റ് നിയമത്തിന്റെ പരിധിയിൽ ഉൾപ്പെടുത്താനുള്ള തീരുമാനത്തിന് കേന്ദ്ര സർക്കാർ അംഗീകാരം. ഓഗസ്റ്റ് 29 ന് ചേർന്ന സംസ്ഥാന മന്ത്രിസഭായോഗമാണ് ഇത് സംബന്ധിച്ച വിജ്ഞാപനം പുറപ്പെടുവിക്കുന്നതിന് കേന്ദ്ര സർക്കാരിന്റെ അംഗീകാരം തേടാൻ തീരുമാനിച്ചത്. രാജ്യത്ത് ആദ്യമാണ് മറ്റേണിറ്റി ബെനഫിറ്റ് നിയമത്തിന്റെ പരിധിയിൽ അൺ എയ്ഡഡ് സ്കൂൾ അധ്യാപകരെ ഉൾപ്പെടുത്തുന്നത്. നിയമ ഭേദഗതി പ്രാബല്യത്തിൽ വരുന്നതോടെ സ്വകാര്യ വിദ്യാഭ്യാസ മേഖലയെ മെറ്റേണിറ്റി ബെനഫിറ്റിന്റെ പരിധിയിൽ കൊണ്ടുവരുന്ന ഇന്ത്യയിലെ ആദ്യ സംസ്ഥാനമായി കേരളം മാറും. ഈ പരിരക്ഷ ലഭിക്കുന്ന ജീവനക്കാർക്ക് 26 ആഴ്ച (ആറു മാസം) ശമ്പളത്തോടെയുള്ള അവധിയാണ് അനുവദിക്കുന്നത്. കൂടാതെ ചികിത്സാ ആവശ്യങ്ങൾക്കായി തൊഴിലുടമ 1000 രൂപ അനുവദിക്കുകയും ചെയ്യും. നിയമത്തിൽ പരിധിയിൽ ഉൾപ്പെടുന്നതോടെ ഈ ആനുകൂല്യങ്ങളെല്ലാം സ്വകാര്യ വിദ്യാഭ്യാസ മേഖലയിലും ലഭ്യമാകും.
Read Moreഅവരുടെ ഇഷ്ടങ്ങളെ എന്തിന് നിയന്ത്രിക്കണം; തെരഞ്ഞെടുപ്പിൽ പരസ്യ നിലപാടെടുക്കുന്ന സമുദായ സംഘടനകളെ നിയന്ത്രിക്കുന്നത് ശരിയല്ലെന്ന് കെ. മുരളീധരൻ
തിരുവനന്തപുരം: തെരഞ്ഞെടുപ്പിൽ പരസ്യ നിലപാട് സ്വീകരിക്കുന്നത് സമുദായ സംഘടനകളുടെ ഇഷ്ടമാണെന്ന് കോൺഗ്രസ് നേതാവ് കെ. മുരളീധരൻ എം.പി. സമുദായ സംഘടനകൾക്ക് നിയന്ത്രണം ഏർപ്പെടുത്തുന്നത് ശരിയല്ല. എല്ലാ സമുദായ സംഘടനകളെയും നിരോധിക്കാൻ തെരഞ്ഞെടുപ്പ് കമ്മീഷന് സാധിക്കില്ലെന്നും കെ. മുരളീധരൻ പറഞ്ഞു. തെരഞ്ഞെടുപ്പ് കമ്മീഷന്റെ നോട്ടീസിന് സംഘടനകൾ മറുപടി പറയും. എൻഎസ്എസിന്റെ നിലപാട് മുന്നണിക്ക് കരുത്തു പകരുമെന്നും കെ. മുരളീധരൻ വ്യക്തമാക്കി.യുഡിഎഫിന് അനുകൂലമല്ലാത്ത നിലപാടാണ് എസ്എൻഡിപിയുടേത്. എന്നാൽ, ഇക്കാര്യം എസ്എൻഡിപി നേതൃത്വം ഔദ്യോഗികമായി പ്രഖ്യാപിച്ചിട്ടില്ല. മുന്നണിക്കെതിരെ നിലപാട് സ്വീകരിക്കുന്നവരെ കാര്യങ്ങൾ പറഞ്ഞ് മനസിലാക്കുകയാണ് യുഡിഎഫ് ചെയ്യുന്നതെന്നും മുരളീധരൻ മാധ്യമങ്ങളോട് പറഞ്ഞു.
Read Moreമോഡറേഷൻ നൽകുന്നത് കേരള ചരിത്രത്തിൽ ആദ്യമായല്ല; ആക്ഷേപങ്ങൾക്ക് പിന്നിൽ ഉന്നതവിദ്യാഭ്യാസരംഗ പരിഷ്കാരങ്ങളിൽ വിറളി പിടിച്ചവരെന്ന് കെ.ടി ജലീൽ
തിരുവനന്തപുരം: മോഡറേഷന് നല്കുകയെന്നത് കേരളത്തിന്റെ ചരിത്രത്തില് ആദ്യമായി സംഭവിക്കുന്നതല്ലെന്ന് ഉന്നതവിദ്യാഭ്യാസ വകുപ്പ് മന്ത്രി കെ.ടി ജലീൽ. സര്വകലാശാലാ സിന്ഡിക്കേറ്റുകള് കാലാകാലങ്ങളായി അത്തരത്തിലുള്ള തീരുമാനങ്ങള് എടുക്കാറുണ്ട്. ഉന്നതവിദ്യാഭ്യാസരംഗ പരിഷ്കാരങ്ങളിൽ വിറളി പിടിച്ചവരാണ് ആക്ഷേപങ്ങൾ ഉന്നയിക്കുന്നതെന്നും മന്ത്രി പറഞ്ഞു. 2012ൽ കാലിക്കറ്റ് സര്വകലാശാലയില് 20 മാർക്ക് വരെ മോഡറേഷൻ നല്കാന് അന്നുണ്ടായിരുന്ന യുഡിഎഫ് സിൻഡിക്കേറ്റ് തീരുമാനമെടുത്തിരുന്നു. ഇത്തരത്തിൽ സമാനമായ സംഭവമാണ് എംജി സര്വകലാശാലയിലും നടന്നത്. പ്രതിപക്ഷ നേതാവ് അടിസ്ഥാനരഹിതമായ ആരോപണമാക്കി ഉന്നയിക്കുകയാണെന്നും മന്ത്രി പറഞ്ഞു. മന്ത്രിയും മന്ത്രിയുടെ ഓഫീസും ഇടപെട്ടതിന് തെളിവ് ഹാജരാക്കിയിട്ടില്ല. പ്രൈവറ്റ് സെക്രട്ടറി പങ്കെടുത്തത് അദാലത്തിന്റെ ഉദ്ഘാടന ചടങ്ങിലാണ്. മിനിറ്റ്സ് എഴുതിയ ആൾക്ക് തെറ്റു പറ്റിയിട്ടുണ്ടാകുമെന്നും മന്ത്രി. യോഗത്തിൽ ഉണ്ടായിരുന്നെങ്കിലും സെക്രട്ടറിമാർ നിർദേശം നൽകിയിട്ടില്ലെന്നും മന്ത്രി പറഞ്ഞു. മോഡറേഷൻ എപ്പോൾ നൽകണമെന്ന് സർവകലാശാല നിയമങ്ങളിലില്ല. അടിയന്തര ഘട്ടങ്ങളിൽ വിസിക്ക് അധികാരം ഉപയോഗിക്കാം. സിൻഡിക്കേറ്റ് തീരുമാനം തെറ്റെങ്കിൽ ചാൻസലർ…
Read Moreയൂണിവേഴ്സിറ്റി കോളജിൽ വീണ്ടും എസ്എഫ്ഐ പ്രവർത്തകർ ഏറ്റുമുട്ടിയ സംഭവം; നാല് എസ്എഫ്ഐ പ്രവർത്തകർക്കെതിരെ കേസ്
തിരുവനന്തപുരം: യൂണിവേഴ്സിറ്റി കോളജിൽ വീണ്ടും എസ്എഫ്ഐ പ്രവർത്തകർ തമ്മിൽ ഏറ്റുമുട്ടിയ സംഭവത്തിൽ നാല് എസ്എഫ്ഐ പ്രവർത്തകർക്കെതിരെ കന്േറാണ്മെന്റ് പോലീസ് കേസെടുത്തു. ബോട്ടണി വിഭാഗത്തിലെ രണ്ടാം വർഷ വിദ്യാർത്ഥി അഖിലിനെ മർദ്ദിച്ച സംഭവത്തിലാണ് എസ്എഫ്ഐ പ്രവർത്തകരായ അനന്തു ഷാജി, നിഥുൻ അതുൽ, സിദ്ധാർത്ഥ് എന്നിവർക്കെതിരെയാണ് കേസെടുത്തിരിക്കുന്നത്. ബോട്ടണി വിഭാഗത്തിലെ മൂന്നാംവർഷ വിദ്യാർഥികളായ ഇവർ അഖിലിനെ കുറുവടികൾ ഉൾപ്പെടെ ഉപയോഗിച്ച് മർദ്ദിച്ചുവെന്ന് അഖിൽ പോലീസിൽ മൊഴി നൽകി. മൊഴിയുടെ അടിസ്ഥാനത്തിൽ കൂട്ടായ മർദ്ദനം, റാഗിംഗ് ഉൾപ്പെടെയുള്ള വകുപ്പുകൾ ചുമത്തിയാണ് കേസെടുത്തിരിക്കുന്നത്. ബോട്ടണി വിഭാഗത്തിലെ എസ്എഫ്ഐ യുടെ കമ്മിറ്റിയിലുണ്ടായ വാക്ക് തർക്കമാണ് എസ്എഫ്ഐ പ്രവർത്തകനായ അഖിലിനെ എസ്എഫ്ഐ പ്രവർത്തകർ തന്നെ മർദ്ദിക്കാൻ ഇടയായത്. ഇന്നലെ ഉച്ചയ്ക്ക് ശേഷമായിരുന്നു കോളജിൽ നീണ്ട ഇടവേളയ്ക്ക് ശേഷം വീണ്ടും ആക്രമണം നടന്നത്. ഏഴ് മാസം മുൻപ് കോളജിലെ അഖിൽ എന്ന് പേരുള്ള എസ്എഫ്ഐ പ്രവർത്തകനെ എസ്എഫ്ഐ…
Read Moreവൃത്തികെട്ട രീതിയിൽ സ്ത്രീകളെ അഭിസംബോധന ചെയ്യാൻ പാടില്ല; ഫിറോസ് കുന്നംപറമ്പിലിനെതിരെ സ്വമേധയാ കേസെടുത്തു വനിതാ കമ്മീഷൻ
തിരുവനന്തപുരം: സമൂഹമാധ്യമങ്ങളിലൂടെ സ്ത്രീകളെ അധിക്ഷേപിച്ച് പരാമർശം നടത്തിയ ഫിറോസ് കുന്നംപറമ്പിലിനെതിരെ കേരള വനിതാ കമ്മീഷൻ സ്വമേധയാ കേസെടുത്തു. ഫിറോസിനെതിരെ പോലീസ് കേസെടുക്കണമെന്ന് വനിതാ കമ്മീഷൻ അധ്യക്ഷ എം. സി. ജോസഫെയ്ൻ ആവശ്യപ്പെട്ടു. കേരളത്തിലെ മുഴുവൻ സ്ത്രീകളെയുമാണ് ഫിറോസ് അപമാനിച്ചിരിക്കുന്നതെന്നും ഇത് അനുവദിക്കാനാവില്ലെന്നും ജോസഫെയ്ൻ വാർത്താ കുറിപ്പിൽ പറഞ്ഞു. ഫിറോസ് ചാരിറ്റി പ്രവർത്തനങ്ങൾ നടത്തുന്നയാളാണെന്ന് പറയുന്നു. പക്ഷേ ചാരിറ്റി പ്രവർത്തനങ്ങൾ നടത്തുന്ന ഒരാൾ ഇത്രയും വൃത്തികെട്ട രീതിയിൽ സ്ത്രീകളെ അഭിസംബോധന ചെയ്യാൻ പാടില്ല. ഇങ്ങനെയുളളവരെ സമൂഹം ഒറ്റപ്പെടുത്തണമെന്നും ജോസഫെയ്ൻ അഭിപ്രായപ്പെട്ടു.
Read Moreതെരഞ്ഞെടുപ്പ് പ്രചാരണം അതിരുവിടുന്നു; നിയമലംഘനം ശ്രദ്ധയിൽപ്പെട്ടതായി ടിക്കാറാം മീണ
തിരുവനന്തപുരം: ഉപതെരഞ്ഞെടുപ്പ് നടക്കുന്ന അഞ്ച് മണ്ഡലങ്ങളിലെ സ്ഥാനാർഥികൾക്ക് മുന്നറിയിപ്പുമായി മുഖ്യതെരഞ്ഞെടുപ്പ് ഓഫീസർ ടിക്കാറാം മീണ. തെരഞ്ഞെടുപ്പ് പ്രചാരണം അതിരുവിടുന്നു. ഗതാഗതകുരുക്ക് അടക്കം ജനജീവിതം തടസപ്പെടുത്തുന്നുവെന്നും അദ്ദേഹം പറഞ്ഞു. നിയമലംഘനം നടത്തുന്നത് ശ്രദ്ധയിൽപ്പെട്ടതായും തെരഞ്ഞെടുപ്പ് ഓഫീസർ പറഞ്ഞു. ഇക്കാര്യത്തിൽ കേന്ദ്രം നടപടി എടുക്കണമെന്നും അദ്ദേഹം ആവശ്യപ്പെട്ടു. നടപടി ആവശ്യപ്പെട്ട് ടിക്കാറാം മീണ ഡിജിപി ലോക്നാഥ് ബെഹ്റയ്ക്ക് കത്തയച്ചു.
Read Moreഎംജി മാർക്ക് ദാനം: സർവകലാശാലാ ചരിത്രത്തിലെ ഏറ്റവും വലിയ അഴിമതിയെന്ന് ചെന്നിത്തല
തിരുവനന്തപുരം: എംജി സർവകലാശാലയിലെ മാർക്ക് ദാന വിവാദത്തിൽ ഉന്നത വിദ്യാഭ്യാസ വകുപ്പ് മന്ത്രി കെ.ടി.ജലീലിനെതിരേ വീണ്ടും ആരോപണവുമായി പ്രതിപക്ഷ നേതാവ് രമേശ് ചെന്നിത്തല രംഗത്ത്. സംഭവത്തിന്റെ ഉത്തരവാദിത്വം ഏറ്റെടുത്ത് മന്ത്രി രാജിവയ്ക്കണമെന്നും സർവകലാശാലകളുടെ ചരിത്രത്തിലെ ഏറ്റവും വലിയ അഴിമതിയാണ് നടക്കുന്നതെന്നും അദ്ദേഹം പറഞ്ഞു. 140 കുട്ടികൾക്ക് സർവകലാശാല മാർക്ക് കൂട്ടി നൽകിയിട്ടുണ്ട്. 60 അപേക്ഷകൾ പരിഗണിക്കാനിരിക്കുന്നു. മന്ത്രിയുടെ അറിവോടെയാണ് ഈ മാർക്ക് തട്ടിപ്പ് നടക്കുന്നത്. കഷ്ടപ്പെട്ട് പഠിച്ച് മാർക്കു വാങ്ങുന്നവരെ അപമാനിക്കുന്നതിന് തുല്യമാണ് നടപടിയെന്നും അദ്ദേഹം കൂട്ടിച്ചേർത്തു. അനധികൃതമായി മാർക്ക് കൂട്ടി നൽകാനുള്ള സിൻഡിക്കേറ്റിന്റെ നടപടി സർവകലാശാല മാന്വലിന് വിരുദ്ധമാണ്. ഏത് ചട്ടം അനുസരിച്ചാണ് മാർക്ക് കൂട്ടി നൽകിയതെന്ന് വ്യക്തമാക്കാൻ മന്ത്രിയും വിസിയും തയാറാകണമെന്നും ഇക്കാര്യത്തിൽ ഇരുവരും പറയുന്നത് കള്ളമാണെന്നും രമേശ് ചെന്നിത്തല ആരോപിച്ചു.
Read More