തിരുവനന്തപുരം: ചലച്ചിത്രതാരം മധു അന്തരിച്ചെന്ന തരത്തില് വ്യാജവാര്ത്തകള് പ്രചരിപ്പിച്ചവര്ക്കെതിരെ അടിയന്തരമായി നടപടിയെടുക്കാന് മുഖ്യമന്ത്രി നിർദേശം നൽകി. മധുവിന്റെ വ്യാജമരണവാര്ത്ത സമൂഹമാധ്യമങ്ങളില് പ്രചരിക്കുന്നത് ചൂണ്ടിക്കാട്ടി മകള് ഉമ നായര് മുഖ്യമന്ത്രിക്ക് പരാതി നല്കിയിരുന്നു. ഇതേത്തുടർന്നാണ് നടപടി. പരാതി അടിയന്തര പ്രാധാന്യത്തോടെ അന്വേഷിക്കാനാണ് മുഖ്യമന്ത്രിയുടെ ഓഫീസ് പോലീസിനോട് ആവശ്യപ്പെട്ടിരിക്കുന്നത്.
Read MoreCategory: TVM
സന്ദീപാനന്ദഗിരിയുടെ ആശ്രമം കത്തിച്ച സംഭവം: അന്വേഷണം ക്രൈംബ്രാഞ്ച് ഏറ്റടുത്തു; സത്യം തെളിയുമെന്ന് തച്ചങ്കരി
തിരുവനന്തപുരം: കുണ്ടമണ്കടവിലുള്ള സ്വാമി സന്ദീപാനന്ദഗിരിയുടെ ആശ്രമം കത്തിച്ച സംഭവത്തിൽ സത്യം വൈകാതെ തെളിയുമെന്ന് ക്രൈംബ്രാഞ്ച് മേധാവി ടോമിൻ തച്ചങ്കരി. അന്വേഷണം ക്രൈംബ്രാഞ്ച് ഏറ്റടുത്തതിന് പിന്നാലെ ആശ്രമം സന്ദർശിച്ചപ്പോഴാണ് തച്ചങ്കരി ഇക്കാര്യം പറഞ്ഞത്. പ്രാഥമിക അന്വേഷണം എന്ന നിലയിൽ ക്രൈംബ്രാഞ്ച് സംഘം സന്ദീപാനന്ദഗിരിയുടെ മൊഴി രേഖപ്പെടുത്തുകയും ചെയ്തിട്ടുണ്ട്. ക്രൈംബ്രാഞ്ച് തിരുവനന്തപുരം യൂണിറ്റിലെ എസ്പിയുടെ നേതൃത്വത്തിലാണ് അന്വേഷണം. സംഭവം നടന്ന് ഒരു വർഷം കഴിഞ്ഞിട്ടും പ്രതികളെ കണ്ടെത്തിയില്ലെന്ന സന്ദീപാനന്ദഗിരിയുടെ പരാതിയെ തുടർന്ന് മുഖ്യമന്ത്രിയാണ് കേസ് ക്രൈംബ്രാഞ്ചിന് കൈമാറിയത്. സംഭവത്തിന് പിന്നിൽ ആരാണെന്ന സൂചന പോലും നൽകാൻ പോലീസിനായിട്ടില്ല. അതിനിടെ സ്ഥലത്തു നിന്നും ഒരാൾ ഓടിപ്പോകുന്നത് കണ്ടു എന്ന പ്രദേശവാസികളുടെ മൊഴിയുടെ അടിസ്ഥാനത്തിൽ രേഖചിത്രം തയാറാക്കിയെങ്കിലും അന്വേഷണം മുന്നോട്ടുപോയില്ല. ഇതിനിടെ സ്വാമിയുമായി ബന്ധപ്പെട്ട കേന്ദ്രങ്ങൾ തന്നെയാണ് ആശ്രമം കത്തിച്ചതെന്ന ആരോപണങ്ങളും ഉയർന്നു. ഇതോടെയാണ് സ്വാമി സന്ദീപാനന്ദഗിരി തന്നെ ക്രൈംബ്രാഞ്ച് അന്വേഷണം ആവശ്യപ്പെട്ട്…
Read Moreകോമണ്സെൻസുള്ള കോടതി ഇങ്ങനൊരു കേസ് അഡ്മിറ്റ് ചെയ്യുമോ? പരിഹസിച്ച് അടൂർ
തിരുവനന്തപുരം: ആൾക്കൂട്ട കൊലപാതകങ്ങൾ തടയണമെന്നാവശ്യപ്പെട്ടു പ്രധാനമന്ത്രി നരേന്ദ്ര മോദിക്കു കത്തെഴുതിയ സംഭവത്തിൽ, എഫ്ഐആർ രജിസ്റ്റർ ചെയ്യാൻ ആവശ്യപ്പെട്ട കോടതി ഉത്തരവിൽ പ്രതികരണവുമായി സംവിധായകൻ അടൂർ ഗോപാലകൃഷ്ണൻ. ഗാന്ധിയുടെ രൂപത്തിലേക്കു വെടിവച്ചവർ ഇപ്പോൾ എംപിമാരാണെന്നും ഒരു കോടതിയും അവരെ ചോദ്യം ചെയ്തിട്ടില്ലെന്നും അടൂർ ചൂണ്ടിക്കാട്ടി. ഒരു അനീതി നടക്കുന്നു എന്നു കണ്ടിട്ടാണു കത്തെഴുതിയത്. കത്തെഴുതിയ 49 പേരിൽ ആരും രാഷ്ട്രീയക്കാരല്ല. രാജ്യത്തു ജനാധിപത്യം നിലനിൽക്കുന്നു എന്ന വിശ്വാസത്തിലാണു കത്തെഴുതിയത്. ഈ ഹർജി കോടതി സ്വീകരിച്ചതിലാണു തനിക്ക് ആശങ്ക. ഒരു പീറക്കോടതി പോലും ഇങ്ങനെയൊരു കേസ് അഡ്മിറ്റ് ചെയ്യുമോ?. ഒരു കോമണ്സെൻസുള്ള കോടതി ഇങ്ങനെയൊരു കേസ് അഡ്മിറ്റ് ചെയ്യുമോ?. കേസ് സ്വീകരിച്ചതു തന്നെ നീതിന്യായ വ്യവസ്ഥയിൽ സംശയമുണ്ടാക്കുന്ന നടപടിയാണെന്നും അടൂർ കുറ്റപ്പെടുത്തി. ഗാന്ധിജിയുടെ 150-ാം ജന്മവാർഷികത്തിൽ ഗാന്ധിയുടെ രൂപത്തിലേക്കു ഒരു സ്ത്രീയും അനുചരൻമാരും ചേർന്നു വെടിവയ്ക്കുന്നു. ഗാന്ധിയുടെ ഓരോ ജന്മദിനത്തിലും…
Read Moreവകതിരിവ് വട്ടപൂജ്യം..! ഉച്ചത്തിൽ സംസാരിച്ചു; പിഎസ്സി പരീക്ഷാ ക്രമക്കേടിലെ പ്രതികൾക്ക് കോടതിയുടെ ശാസന; 17 വരെ റിമാന്റ് കാലാവധി നീട്ടി കോടതി
തിരുവനന്തപുരം: കോടതിക്കു പുറത്ത് ഉച്ചത്തിൽ സംസാരിച്ചതിന് പിഎസ്സി പരീക്ഷാ ക്രമക്കേട് കേസിലെ പ്രതികളായ മുൻ എസ്എഫ്ഐ നേതാക്കൾക്ക് കോടതിയുടെ ശാസന. തിരുവനന്തപുരം ചീഫ് ജുഡീഷൽ മജിസ്ട്രേറ്റ് കോടതിയാണ് പ്രതികളെ ശാസിച്ചത്. റിമാൻഡ് കാലാവധി നീട്ടാനായി പ്രതികളെ കോടതിയിൽ എത്തിച്ചപ്പോഴാണ് സംഭവം. തങ്ങളെ കാണാനെത്തിയ സുഹൃത്തുക്കളുമായി പ്രതികൾ ഉച്ചത്തിൽ സംസാരിച്ചത് കോടതി വളപ്പിൽ ബഹളത്തിന് കാരണമായി. ബഹളം ശ്രദ്ധയിൽപ്പെട്ട കോടതി ഇത് ആവർത്തിക്കരുതെന്ന് മുന്നറിയിപ്പ് നൽകി. പ്രതികളെ ഉടൻതന്നെ കോടതി വരാന്തയിൽനിന്നും പോലീസ് മാറ്റി. കേസിലെ പ്രതികളുടെ റിമാൻഡ് കാലാവധി ഈ മാസം 17 വരെ കോടതി നീട്ടുകയും ചെയ്തു.
Read Moreകുരുക്കുകൾ മുറുക്കി വിജിലൻസ്; ഇബ്രാഹിംകുഞ്ഞിനെതിരേ വിജിലൻസിന്റെ പ്രത്യേക അന്വേഷണം; നിർണായകനീക്കങ്ങൾ ഇങ്ങനെയൊക്കെ…
തിരുവനന്തപുരം: പാലാരിവട്ടം മേൽപ്പാലം അഴിമതിക്കേസിൽ നിർണായക നീക്കവുമായി വിജിലൻസ്. കേസിൽ മുൻ പൊതുമരാമത്ത് മന്ത്രി ഇബ്രാഹിംകുഞ്ഞിന്റെ പങ്ക് പ്രത്യേകമായി അന്വേഷിക്കാൻ വിജിലൻസ് സർക്കാരിന്റെ അനുമതി തേടി. പൊതുപ്രവർത്തകർക്കെതിരെ അന്വേഷണത്തിന് മുൻകൂർ അനുമതി വാങ്ങിയിരിക്കണമെന്ന വ്യവസ്ഥ പ്രകാരമാണു നടപടി. മന്ത്രിയെന്ന നിലയിലും റോഡ്സ് ആൻഡ് ബ്രിജസ് കോർപറേഷൻ ചെയർമാനെന്ന നിലയിലും മേൽപ്പാലം നിർമാണത്തിൽ ഇബ്രാഹിം കുഞ്ഞ് നടത്തിയ ഇടപെടലുകളാണ് അന്വേഷണ വിധേയമാക്കുന്നത്. കരാറുകാരനു ചട്ടം ലംഘിച്ച് വായ്പ അനുവദിക്കാൻ ആവശ്യപ്പെട്ടതിനു പിന്നിൽ ഇബ്രാഹിംകുഞ്ഞിനു ഗൂഡലക്ഷ്യമുണ്ടായിരുന്നുവെന്നു വിജിലൻസ് നേരത്തെ കോടതിയിൽ സത്യവാങ്മൂലം നൽകിയിരുന്നു. ചട്ടം ലഘിച്ചു കരാറുകാരനു വായ്പ അനുവദിച്ച് ഉത്തരവിട്ടതിനാണു പൊതുമരാമത്ത് വകുപ്പ് മുൻ സെക്രട്ടറി ടി.ഒ. സൂരജിനെ അറസ്റ്റ് ചെയ്തത്. വായ്പ നൽകാൻ നിർദ്ദേശിച്ചത് അന്നു മന്ത്രിയായിരുന്ന ഇബ്രാഹിം കുഞ്ഞാണ്. പൊതുമേഖലാ ബാങ്കുകൾ 11 മുതൽ 14 ശതമാനം വരെ പലിശ ഈടാക്കിയിരുന്ന സമയത്താണു വെറും ഏഴ്…
Read Moreഎന്നെങ്കിലും തീരുമോ, ഈ പ്രശ്നങ്ങൾ? ഡ്രൈവർമാരില്ല, സർവീസുകൾ മുടങ്ങി; കെഎസ്ആര്ടിസി പ്രതിസന്ധിക്ക് അയവില്ല
തിരുവനന്തപുരം: കെഎസ്ആര്ടിസിയിൽ പ്രതിസന്ധി തുടരുന്നു. ഡ്രൈവർമാരുടെ കുറവിനെത്തുടർന്നു സംസ്ഥാനത്തു വെള്ളിയാഴ്ചയും നിരവധി സർവീസുകൾ മുടങ്ങി. ഇതിന്റെ കൃത്യമായ കണക്കുകൾ ലഭ്യമായിവരുന്നതേ ഉള്ളൂ. പ്രതിസന്ധി ചർച്ച ചെയ്യാൻ ഗതാഗതമന്ത്രി യോഗം വിളിച്ചിട്ടുണ്ട്. കെഎസ്ആര്ടിസി എംഡിയും ഗതാഗത സെക്രട്ടറിയും യോഗത്തിൽ പങ്കെടുക്കും. 1140 ഷെഡ്യൂളുകളാണു വ്യാഴാഴ്ച റദ്ദാക്കിയത്. നിരവധി ഓർഡിനറി സർവീസുകൾ റദ്ദാക്കിയതോടെ ഗ്രാമങ്ങളിൽ ഉൾപ്പെടെ യാത്രാക്ലേശം രൂക്ഷമായി. എക്സ്പ്രസ്, സൂപ്പർ ഫാസ്റ്റ്, ഫാസ്റ്റ് പാസഞ്ചർ എന്നിവ ഓപ്പറേറ്റ് ചെയ്തതിനുശേഷമാണ് ഓർഡിനറി സർവീസുകൾ നടത്തിയത്. ഇതുമൂലം മലയോരമേഖലകളിൽ വിദ്യാർഥികൾ ഉൾപ്പെടെയുള്ളവർ വലഞ്ഞു. 1176 ഷെഡ്യൂളുകളാണ് ബുധനാഴ്ച റദ്ദാക്കിയത്. ഇതോടെ കളക്ഷനിലും വലിയ കുറവുണ്ടായി. കഴിഞ്ഞ ബുധനാഴ്ച 6.71 കോടി രൂപ കളക്ഷൻ ലഭിച്ച സ്ഥാനത്ത് ഈ ബുധനാഴ്ച ലഭിച്ചത് 5.24 കോടി രൂപ മാത്രമാണ്. ഹൈക്കോടതി നിർദേശത്തെത്തുടർന്നാണ് കഴിഞ്ഞ ദിവസം 2530 താത്കാലിക ഡ്രൈവർമാരെ കെഎസ്ആര്ടിസി പിരിച്ചുവിട്ടത്. ഇതോടെ ഡ്രൈവർമാരുടെ…
Read Moreകേരള പോലീസിന്റെ “തൊണ്ടി’യും ഇനി ന്യൂജൻ; തിരിച്ചറിയാൻ ക്യൂആർ കോഡ്; ആദ്യപരീക്ഷണം പത്തനംതിട്ട ജില്ലയിൽ
തിരുവനന്തപുരം: തൊണ്ടിമുതലും ഹൈടെക്ക് ആക്കി കേരള പോലീസ്. കോടതി വ്യവഹാരങ്ങളിൽപ്പെട്ട തൊണ്ടി സാധനങ്ങളിൽ ക്യൂആർ കോഡ് പതിപ്പിച്ചാണു പോലീസിന്റെ പുതിയ പരീക്ഷണം. ഇത്തരത്തിൽ തൊണ്ടി മുറികൾ സ്മാർട്ട് ആക്കിയ ആദ്യ ജില്ലയായി പത്തനംതിട്ട മാറി. ജില്ലാ പോലീസ് മേധാവി ജി. ജയ്ദേവാണ് ഈ ആശയം മുന്നോട്ടുവച്ചത്. ജില്ലാ സൈബർ സെല്ലിലെ പോലീസ് ഉദ്യോഗസ്ഥരുടെ സഹകരണത്തോടെ പദ്ധതി വേഗത്തിൽ നടപ്പാക്കാനുമായി. ഈ സംവിധാനം സംസ്ഥാനത്തെ എല്ലാ പോലീസ് സ്റ്റേഷനുകളിലും നടപ്പിലാക്കാൻ സംസ്ഥാന പോലീസ് മേധാവി ഡിജിപി ലോകനാഥ് ബെഹ്റ നിർദേശിച്ചിട്ടുണ്ട്. തൊണ്ടികൾ സ്മാർട് ആക്കുന്നതിന്, ആദ്യം തൊണ്ടിമുതലുകളുടെ വിവരങ്ങൾ ശേഖരിച്ചു കന്പ്യൂട്ടറിൽ രേഖപ്പെടുത്തും. തുടർന്ന് കേരള പോലീസിന്റെ ഓണ്ലൈൻ സംവിധാനമായ ക്രൈം ഡ്രൈവുമായി ബന്ധിപ്പിക്കും. ഇതിനുശേഷം ഈ കേസിന്റെ അനുബന്ധവിവരങ്ങൾ ഉൾക്കൊള്ളിച്ചു സൃഷ്ടിച്ചെടുത്ത ക്യൂആർ കോഡ് എല്ലാ തൊണ്ടി മുതലുകളിലും പതിപ്പിക്കുകയുമാണു ചെയ്യുന്നത്. പത്തനംതിട്ട തൊണ്ടിമുറിയിലുള്ള എല്ലാ വസ്തുകളിലും…
Read Moreമുളക്കുളത്തെ രണ്ടായി മുറിച്ച്..! തിരുവനന്തപുരം-കാസർഗോഡ് സെമി ഹൈ സ്പീഡ് റെയിൽവേ; മാർക്കിംഗ് തുടരുന്നു, ജനം ആശങ്കയിൽ
കടുത്തുരുത്തി: തിരുവനന്തപുരം-കാസർഗോഡ് സെമി ഹൈ സ്പീഡ് റെയിൽവേ യാഥാർത്ഥ്യമായാൽ മുളക്കുളം പഞ്ചായത്ത് പ്രദേശം രണ്ടായി മുറിയും. പാത വരുന്നതോടെ മുളക്കുളം പഞ്ചായത്തിലെ നൂറ് കണക്കിന് കുടുംബങ്ങളും സ്ഥാപനങ്ങളും ഒഴിയേണ്ടി വരും. കോട്ടയം ജില്ലയിൽ മുളക്കുളത്ത് നിന്നുആരംഭിച്ച് അറുനൂറ്റിമംഗലത്ത് ഇന്ദിര ജംഗ്ഷൻ വഴിയാണ് പാത കടന്നു പോകുന്നത്. മുളക്കുളം അന്പലപ്പടിയിൽ നിന്ന് ഇരുനൂറ്റിയന്പത് മീറ്റർ എച്ച്എൻഎൽ റോഡിലാണ് ആദ്യത്തെ മാർക്കിംഗ്. ഇവിടെ നിന്നും കുന്നപ്പിള്ളി പാന നടയിലാണ് അടുത്ത മാർക്കിംഗ്.പിന്നീട് ഞീഴൂർ പഞ്ചായത്തിലെ മഠത്തിപ്പറന്പിലാണ് മാർക്കിംഗ് നടത്തിയിരിക്കുന്നത്. മുളക്കുളത്തുനിന്നും പഞ്ചായത്ത് ഓഫീസിനും വില്ലേജ് ഓഫീസിനും മധ്യത്തിലൂടെയായിരിക്കും പാത കടന്നു പോകുന്നതെന്ന് സർവേക്കെത്തിയവർ പറഞ്ഞിരുന്നു. മൂവാറ്റുപുഴയാറിന്റെ തീരത്ത് മത്സ്യക്കോളനി വഴി വരുന്ന പാത മുളക്കുളം പഞ്ചായത്ത് ഓഫീസിന്റെ പുറകുവശത്തെ ഓലിപ്പടവ് കോളനി, പൈക്കര ക്ഷേത്രം വഴി പാനനടയിലും അവിടെനിന്നും മടത്താട്ട് കോളനി, ഇന്ദിര ജംഗ്ഷൻ വഴി മഠത്തിപ്പറന്പിലേക്കുമായിരിക്കാം പാതകടന്നു പോകുന്നതെന്നും…
Read Moreസ്വാമി അഗ്നിവേശിനെ തടഞ്ഞ് കയ്യേറ്റം ചെയ്യാൻ ശ്രമം; ബിജെപി-ആർഎസ്എസ് പ്രവർത്തകർക്കെതിരേ കേസ്
തിരുവനന്തപുരം: സ്വാമി അഗ്നിവേശിനെ തടഞ്ഞ് കയ്യേറ്റം ചെയ്യാൻ ശ്രമിച്ച സംഭവത്തിൽ നാൽപതിൽപരം ബിജെപി-ആർഎസ്എസ് പ്രവർത്തകർക്കെതിരെ പൂജപ്പുര പോലീസ് കേസെടുത്തു. സ്വാമി അഗ്നിവേശിന്റെ മൊഴിയുടെ അടിസ്ഥാനത്തിലാണ് കേസ്. കണ്ടാലറിയാവുന്ന നാൽപതിൽപരം പേർക്കെതിരെ ജാമ്യമില്ലാ വകുപ്പ് പ്രകാരമാണ് കേസ്. ഇന്നലെ പൂജപ്പുര സരസ്വതി മണ്ഡപത്തിൽ നടന്ന വൈദ്യ മഹാസഭയുടെ സൗജന്യ നാട്ടു വൈദ്യ ക്യാന്പിന്റെ ഉദ്ഘാടന പരിപാടിയിൽ പങ്കെടുത്ത് സംസാരിക്കാൻ എത്തിയപ്പോഴാണ് വേദിയിൽ വച്ച് അദ്ദേഹത്തിനെതിരെ ബിജെപി പ്രവർത്തകർ പ്രതിഷേധവുമായി രംഗത്തെത്തിയത്.
Read Moreആർച്ച്ബിഷപ് ഡോ. എം. സൂസപാക്യം ആശുപത്രിയിൽ
തിരുവനന്തപുരം: തിരുവനന്തപുരം ലത്തീൻ അതിരൂപത ആർച്ച് ബിഷപ് ഡോ. എം. സൂസപാക്യത്തെ ആരോഗ്യനില മോശമായതിനെ തുടർന്ന് തിരുവനന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചു. തീവ്രപരിചരണ വിഭാഗത്തിൽ വിദഗ്ധ ഡോക്ടർമാരുടെ സംഘത്തിന്റെ നിരീക്ഷണത്തിലാണ് ആർച്ച്ബിഷപ്. കഴിഞ്ഞ മാസം റോമിൽ ഫ്രാൻസീസ് മാർപാപ്പയെ സന്ദർശിക്കാനായി മറ്റു ബിഷപ്പുമാരോടൊപ്പം പോയ ആർച്ച്ബിഷപ്പിന് പനിബാധയുണ്ടായതിനെ തുടർന്ന് തിരുവനന്തപുരത്ത് മടങ്ങിയെത്തിയ ഉടൻ ആശുപത്രിയിൽ പ്രവേശിപ്പിക്കുകയായിരുന്നു. പനിക്കൊപ്പം അണുബാധയുമുണ്ട്. നാൽപത്തിയെട്ടു മണിക്കൂർ നിരീക്ഷണത്തിലാണ് അദ്ദേഹമെന്ന് ആശുപത്രി അധികൃതർ അറിയിച്ചു.
Read More