തിരുവനന്തപുരം: ശബരിമല യുവതീ പ്രവേശനം സംബന്ധിച്ച സുപ്രീംകോടതി വിധി മറികടക്കുന്നതിന് നിയമ നിർമാണം നടത്തുമെന്ന് ബിജെപി എവിടെയും പറഞ്ഞിട്ടില്ലെന്ന് പാർട്ടി സംസ്ഥാന അധ്യക്ഷൻ പി.എസ്.ശ്രീധരൻപിള്ള. ഇതുമായി ബന്ധപ്പെട്ട് ഉണ്ടായ വാർത്തകളും പ്രചരണങ്ങളുമെല്ലാം മാധ്യമ സൃഷ്ടിയാണെന്നും അദ്ദേഹം കുറ്റപ്പെടുത്തി. അതിനിടെ, സംസ്ഥാന സർക്കാരിനെതിരായ എൻഎസ്എസിന്റെ വിമർശനങ്ങൾ സംബന്ധിച്ചും പിള്ള പാർട്ടി നിലപാട് വ്യക്തമാക്കി.എൻഎസ്എസ് ഒരു രാഷ്ട്രീയ പാർട്ടി അല്ലെന്നും അതിനാൽ തന്നെ ഈ വിഷയത്തിൽ വിശകലനത്തിന് ബിജെപി തയാറല്ലെന്നും ശ്രീധരൻപിള്ള കൂട്ടിച്ചേർത്തു. ചൊവ്വാഴ്ച ചങ്ങനാശേരിയിൽ വിജയദശമി നായർ മഹാസമ്മേളനത്തിൽ സംസാരിക്കവെയാണ് സുകുമാൻ നായർ സർക്കാരിനെ അതിരൂരക്ഷമായി കടന്നാക്രമിച്ചത്. എൽഡിഎഫ് സർക്കാർ കേരളത്തിൽ വർഗീയ കലാപത്തിന് വഴിയൊരുക്കുകയാണെന്ന് അദ്ദേഹം പറഞ്ഞിരുന്നു. രാഷ്ട്രീയ നേട്ടത്തിനായി സർക്കാർ ജനങ്ങളിൽ സവർണ- അവർണ ചേരിതിരിവ് സൃഷ്ടിക്കുകയാണെന്നു പറഞ്ഞ സുകുമാരൻ നായർ ഒന്നു തുമ്മിയാൽ സമുദായ നേതാക്കളുടെ വീട്ടിൽ ചെന്ന്, അവർ ചോദിക്കുന്നതെല്ലാം കൊടുത്ത്, അവരുടെ…
Read MoreCategory: TVM
സംസ്ഥാന സർക്കാരിനെതിരേ രൂക്ഷ വിമർശനവുമായി എൻഎസ്എസ്; ശരിയായ നിലപാടെന്ന് ചെന്നിത്തല
തിരുവനന്തപുരം: സംസ്ഥാന സർക്കാരിനെതിരായ എൻഎസ്എസിന്റെ അതിരൂക്ഷ വിമർശനങ്ങളെ പിന്തുണച്ച് പ്രതിപക്ഷ നേതാവ് രമേശ് ചെന്നിത്തല. അഞ്ചു മണ്ഡലങ്ങളിലെ ഉപതെരഞ്ഞെടുപ്പുകളിൽ സമദൂരം വിട്ട് ശരിദൂരം സ്വീകരിക്കുമെന്ന എൻഎസ്എസ് നിലപാട് സ്വാഗതാർഹമാണെന്ന് അദ്ദേഹം പറഞ്ഞു. ശബരിമല ഉൾപ്പെടെയുള്ള വിഷയങ്ങളിൽ എൻഎസ്എസിന്റെ നിലപാട് ശരിയാണെന്നും യുഡിഎഫ് അതിനെ പൂർണമായും പിന്തുണക്കുന്നുവെന്നും അദ്ദേഹം കൂട്ടിച്ചേർത്തു. കേന്ദ്ര, സംസ്ഥാന സർക്കാരുകളുടെ നിലപാടുകൾ വിശ്വാസികൾക്ക് എതിരാണെന്നു പറഞ്ഞ ചെന്നിത്തല. എൻഎസ്എസിന്റേത് വസ്തുതകൾ മനസിലാക്കികൊണ്ടുള്ള പ്രതികരണമാണെന്നും ആവർത്തിച്ചു. നേരത്തെ, എസ്എസ്എസ് നിലപാട് പുനഃപരിശോധിക്കണമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ ആവശ്യപ്പെട്ടപ്പോൾ എൻഎസ്എസ് നിലപാട് സ്വാഗതാർഹമെന്നായിരുന്നു കെപിസിസി പ്രസിഡന്റ് മുല്ലപ്പള്ളി രാമചന്ദ്രൻന്റെ നിലപാട്.
Read Moreജോളിക്ക് വഴിവിട്ട സഹായം; റവന്യൂ ഉദ്യോഗസ്ഥർക്കതിരേ അന്വേഷണം നടത്താൻ മന്ത്രിയുടെ നിർദേശം
എം.ജെ ശ്രീജിത്ത് തിരുവനന്തപുരം: കൂടത്തായിലെ കൊലപാതക കേസിലെ പ്രതി ജോളിക്ക് വ്യാജ ഒസ്യത്ത് പ്രകാരം ഭൂമി സ്വന്തമാക്കാൻ സഹായിച്ച റവന്യൂ ഉദ്യോഗസ്ഥർക്കതിരേ വകുപ്പു തല അന്വേഷണം നടത്താൻ റവന്യൂ മന്ത്രി ഇ ചന്ദ്രശേഖരന്റെ നിർദ്ദേശം. ജോളിക്ക് സ്വത്ത് തട്ടിയെടുക്കാൻ കൂട്ടു നിന്ന റവന്യൂ വകുപ്പിലെ മുഴുവൻ ഉദ്യോഗസ്ഥർക്കെതിരേയും നടപടിയെടുക്കാനും അന്വേഷണം നടത്താനുമാണ് നിർദ്ദേശം. റവന്യൂ ഉദ്യോഗസ്ഥർക്കെതിരേ ആരോപണം ഉയർന്ന ഘട്ടത്തിൽ തന്നെ പ്രാഥമിക അന്വേഷണം നടത്താൻ കോഴിക്കോട് ജില്ലാ കളക്ടർക്ക് മന്ത്രി നിർദ്ദേശം നൽകിയിരുന്നു. കളക്ടറുടെ പ്രാഥമിക അന്വേഷണത്തിൽ നേരത്തെ ഡെപ്യൂട്ടി തഹസിൽദാറും നിലവിൽ തഹസിൽദാറുമായ വനിതാ ഉദ്യോഗസ്ഥ അടക്കമുള്ളവർക്ക് ജോളിയുമായി അടുത്ത ബന്ധമുണ്ടെന്ന് കണ്ടെത്തിയിട്ടുണ്ട്. ഇതിന്റെ അടിസ്ഥാനത്തിൽ വനിത ഉദ്യോഗസ്ഥയ്ക്കെതിരേയും താമരശേരി തഹസിൽദാർ ഓഫീസിലേയും കൂടത്തായി വില്ലേജ് ഓഫീസിലേയും ജീവനക്കാർക്കെതിരേയും അന്വേഷണം ഉണ്ടാകും. ഇതു സംബന്ധിച്ച് റവന്യൂ സെക്രട്ടറിക്കാണ് മന്ത്രി നിർദ്ദേശം നൽകിയത്. വിശദമായ അന്വേഷണം…
Read Moreഓരോ തെരഞ്ഞെടുപ്പ് കഴിയുന്തോറും സിപിഎം തകർന്നു തരിപ്പണമാവുകയാണെന്ന് പി.എസ്.ശ്രീധരൻപിള്ള
തിരുവനന്തപുരം: ഉപതെരഞ്ഞെടുപ്പിൽ എൽഡിഎഫും യുഡിഎഫും പരസ്പര ധാരണയിലാണു മത്സരിക്കുന്നതെന്നു ബിജെപി സംസ്ഥാന അധ്യക്ഷൻ അഡ്വ. പി.എസ് ശ്രീധരൻപിള്ള. ഇരു മുന്നണികളും കുപ്രചാരണങ്ങളിലൂടെ ബിജെപിയുടെമേൽ കുറ്റം ആരോപിക്കുകയാണ്. സിപിഎമ്മിന് ഇപ്പോഴത്തെ വോട്ടുകൾ തന്നെ നിലനിർത്താൻ സാധിക്കാത്തതുകൊണ്ടാണിത്. എൻഡിഎയുടെ സ്ഥാനാർഥികൾ ദുർബലർ എന്നുപറയുന്നതു ദുരുദ്ദേശത്തോടെയാണെന്നും ഓരോ തെരഞ്ഞെടുപ്പ് കഴിയുന്തോറും സിപിഎം തകർന്നു തരിപ്പണമാവുകയാണെന്നും അദ്ദേഹം പറഞ്ഞു. തിരുവനന്തപുരം പ്രസ്ക്ലബ് സംഘടിപ്പിച്ച മീറ്റ് ദ പ്രസ് പരിപാടിയിൽ പങ്കെടുത്തു സംസാരിക്കുകയായിരുന്നു പി.എസ്.ശ്രീധരൻ പിള്ള. ഓരോ തെരഞ്ഞെടുപ്പു കഴിയുന്തോറും ബിജെപിയുടെ വോട്ട് വർധിക്കുകയാണ്. ഉപതെരഞ്ഞെടുപ്പ് നടക്കുന്ന അഞ്ച് മണ്ഡലങ്ങളിലും കരുത്തരായ സ്ഥാനാർഥിയെയാണ് എൻഡിഎ രംഗത്തിറക്കിയിരിക്കുന്നത്. ഭൂരിപക്ഷ സീറ്റിലും വിജയിക്കും. അതിനുള്ള സംഘടനാ പ്രവർത്തനങ്ങളാണ് നടക്കുന്നത്. വട്ടിയൂർക്കാവിൽ യുഡിഎഫിന് അനുകൂല സാഹചര്യമുണ്ടാക്കാനാണ് എൽഡിഎഫ് ശ്രമിക്കുന്നത്. ബിഡിജെഎസ് ഇപ്പോഴും എൻഡിഎയുടെ ഘടകമാണെന്നും ഉപതെരഞ്ഞെടുപ്പിന് അവർ പ്രവർത്തനത്തിറങ്ങുന്നുണ്ടെന്നും പി.എസ് ശ്രീധരൻപിള്ള പറഞ്ഞു.
Read Moreസമയം രാവിലെ 10.30, പാലാക്കാരുടെ പുതു മാണിസാർ ദൈവനാമത്തിൽ ഇംഗ്ലീഷിൽ മാണി സി. കാപ്പൻ സത്യപ്രതിജ്ഞ ചെയ്തു
തിരുവനന്തപുരം: പാല നിയമസഭാ മണ്ഡലത്തിലെ എംഎൽഎയായി മാണി സി കാപ്പൻ സത്യപ്രതിജ്ഞ ചെയ്തു അധികാരമേറ്റു. ഇന്ന് രാവിലെ പത്തരയോടെ നിയമസഭ ബാങ്ക്വറ്റ് ഹാളിൽ നടന്ന ചടങ്ങിൽ വച്ച് നിയമസഭാ സ്പീക്കർ പി.ശ്രീരാമകൃഷ്ണൻ സത്യവാചകം ചൊല്ലി കൊടുത്തു. മാണി സി കാപ്പൻ ദൈവനാമത്തിൽ ഇംഗ്ലീഷിലാണ് സത്യപ്രതിജ്ഞ ചെയ്തത്. മുഖ്യമന്ത്രി പിണറായി വിജയൻ, ഡെപ്യൂട്ടി സ്പീക്കർ വി.ശശി. മന്ത്രി എ.കെ. ബാലൻ എന്നിവർ സംബന്ധിച്ചു. കെ.എം. മാണിയുടെ നിര്യാണത്തെ തുടർന്നാണ് പാല മണ്ഡലത്തിൽ ഉപതെരഞ്ഞെടുപ്പ് നടക്കാൻ ഇടയായത്. കേരള കോണ്ഗ്രസ് എമ്മിലെ ടോം ജോസിനെ പരാജയപ്പെടുത്തിയാണ് എൻസിപി സ്ഥാനാർത്ഥിയായ മാണി സി കാപ്പൻ വിജയിച്ചത്.
Read Moreലാവ്ലിൻ കേസിൽ സിപിഎമ്മും ബിജെപിയും ഒത്തുകളിക്കുന്നുവെന്ന് ചെന്നിത്തല; ഇത്രയ്ക്ക് തരംതാഴരുതെന്ന് ശ്രീധരൻപിള്ള
തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തലയ്ക്കെതിരേ രൂക്ഷ വിമർശനവുമായി ബിജെപി സംസ്ഥാന അധ്യക്ഷൻ പി.എസ്.ശ്രീധരൻപിള്ള. ലാവ്ലിൻ കേസിൽ സിപിഎമ്മും ബിജെപിയും ഒത്തുകളിക്കുകയാണെന്ന ചെന്നിത്തലയുടെ പ്രസ്താവന പ്രതിപക്ഷ നേതാവിന്റെ പദവിക്ക് ചേർന്നതല്ല. പ്രതിപക്ഷ നേതാവ് സ്ഥാനം വഹിക്കുന്നയാൾ ഇത്രയ്ക്ക് തരംതാഴരുതെന്നും അദ്ദേഹം കുറ്റപ്പെടുത്തി. തെരഞ്ഞെടുപ്പ് കാലത്തെല്ലാം എൽഡിഎഫും യുഡിഎഫും യോജിച്ചാണ് പ്രവർത്തിക്കുന്നത്. എല്ലാ മണ്ഡലങ്ങളിലും ഇരുകൂട്ടരും പരസ്പരം സഹായിക്കാറുണ്ട്. വട്ടിയൂർക്കാവിലെ എൻഡിഎ സ്ഥാനാർഥി എസ്.സുരേഷിനെ ദുർബല സ്ഥാനാർഥിയായി ചിത്രീകരിക്കുന്നത് ദുരുദ്ദേശപരമായിട്ടാണെന്നും ശ്രീധരൻപിള്ള ആരോപിച്ചു.
Read Moreകൂടത്തായി കൊലപാതകങ്ങളിലെ തെളിവ് കണ്ടെത്തുക വെല്ലുവിളി: അന്വേഷണം വിപുലീകരിക്കുമെന്ന് ഡിജിപി
തിരുവനന്തപുരം: കൂടത്തായി കൊലപാതകങ്ങളിൽ ക്രൈംബ്രാഞ്ച് അന്വേഷണ സംഘം വിപുലീകരിക്കുമെന്ന് ഡിജിപി ലോക്നാഥ് ബെഹ്റ.മൃതദേഹങ്ങളിലെ സയനൈഡ് ഉപയോഗത്തിന്റെ തെളിവ് കണ്ടെത്തുക വെല്ലുവിളിയാണ്. ഇത് കണ്ടെത്തുന്നതിനുള്ള നീക്കങ്ങളാണ് നടത്തുന്നത്. സയനൈഡ് എങ്ങനെ കിട്ടി എന്നതും പ്രധാനമാണെന്നും ഡിജിപി പറഞ്ഞു. അന്വേഷണം ബുദ്ധിമുട്ടേറിയതിനാൽ ഓരോ കേസിലും പ്രത്യേകം എഫ്ഐആർ ഇടുകയാണ് ഉത്തമം. എല്ലാ വെല്ലുവിളികളും അതിജീവിക്കാൻ കഴിയുമെന്നാണ് പ്രതീക്ഷ. ആദ്യ അന്വേഷണത്തിലെ പാളിച്ചയെക്കുറിച്ച് ഇപ്പോൾ ചിന്തിക്കുന്നില്ല. തെളിവുകൾ ശേഖരിക്കുന്നതിനാണ് ഇപ്പോൾ പ്രാധാന്യം നൽകുന്നതെന്നും ഡിജിപി മാധ്യമങ്ങളോട് പറഞ്ഞു.
Read Moreപ്രധാനമന്ത്രി മൗനം വെടിയണം; സാംസ്കാരിക നായകർക്കെതിരെ കേസെടുത്ത സംഭവത്തിൽ പ്രധാനമന്ത്രിക്ക് തരൂരിന്റെ കത്ത്
തിരുവനന്തപുരം: സാംസ്കാരിക നായകർക്കെതിരായി രാജ്യദ്രോഹക്കുറ്റത്തിനു കേസെടുത്ത സംഭവം പ്രതിഷേധാർഹമെന്ന് ശശി തരൂർ എംപി. നടപടി പിൻവലിക്കണമെന്ന് ആവശ്യപ്പെട്ട് പ്രധാനമന്ത്രിക്ക് തരൂർ കത്തയക്കുകയും ചെയ്തു. സാംസ്കാരിക നായകർക്കെതിരേ കേസെടുത്ത നടപടി തെറ്റാണെന്നും മൗലികാവകാശത്തിന്റെ ലംഘനമാണിതെന്നും തരൂർ പറഞ്ഞു. ഈ വിഷയത്തിൽ പ്രധാനമന്ത്രി മൗനം വെടിയണമെന്നും തരൂർ ആവശ്യപ്പെട്ടു. രാജ്യത്ത് നടക്കുന്ന ആൾക്കൂട്ട ആക്രമണങ്ങളിലും കൊലപാതകങ്ങളിലും ആശങ്കയറിച്ച് പ്രധാനമന്ത്രിക്ക് കത്തെഴുതിയ അടൂർ ഗോപാലകൃഷ്ണൻ അടക്കമുള്ള അൻപതോളം പ്രമുഖർക്കെതിരെയാണ് എഫ്ഐആർ രജിസ്റ്റർ ചെയ്തിരുന്നത്.
Read Moreബിജെപിയുമായുള്ള കൂട്ടുകെട്ട് ധൃതരാഷ്ട്ര ആലിംഗനമാണെന്ന് ബിഡിജെഎസിന് മനസിലാകുമെന്ന് കോടിയേരി
തിരുവനന്തപുരം: നിയമസഭാ ഉപതെരഞ്ഞെടുപ്പിൽ എസ്എൻഡിപിയുടെ സമീപനം എൽഡിഎഫിന് അനുകൂലമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. ബിജെപിയുമായുള്ള കൂട്ടുകെട്ട് ധൃതരാഷ്ട്ര ആലിംഗനമാണെന്ന് ബിഡിജെഎസിന് മനസിലാകും. എൻഡിഎയിൽ തുടരണോയെന്ന് അവർ തന്നെ ആലോചിക്കട്ടെയെന്നും കോടിയേരി പറഞ്ഞു.പൊതുവിൽ കേരളത്തിൽ എൽഡിഎഫിന് അനൂകൂല സാഹചര്യമാണുള്ളതെന്നും അദ്ദേഹം കൂട്ടിച്ചേർത്തു.
Read Moreവട്ടിയൂർകാവിൽ ബിജെപിക്ക് സിപിഎം വോട്ടുമറിക്കുമെന്ന്! നവ മാധ്യമങ്ങളിലൂടെ വ്യാജ പ്രചാരണം: നടൻ അലൻസിയർ ഡിജിപിക്ക് പരാതി നൽകി
തിരുവനന്തപുരം: നവ മാധ്യമങ്ങളിലൂടെ വ്യാജ പ്രചാരണം നടത്തിയതിന് നടൻ അലൻസിയർ ഡിജിപിക്ക് പരാതി നൽകി. വട്ടിയൂർകാവിൽ ബിജെപിക്ക് സിപിഎം വോട്ടുമറിക്കുമെന്ന് തന്റെ പേരിൽ വാട്സ് ആപ്പിലൂടെയും ഫേസ് ബുക്കിലൂടെയും പ്രചരിപ്പിക്കുന്നതിനെതിരേയാണ് പരാതി നൽകിയത്. തന്നെ വ്യക്തിപരമായി ആക്ഷേപിക്കാനും തൊഴിലിനെ തകർക്കാനും നടക്കുന്ന വ്യാജ പ്രചാരകരെ കണ്ടെത്തണമെന്നാവശ്യപ്പെട്ട് ഡിജിപിക്ക് പരാതി നൽകിയതായി നടൻ അലൻസിയർ പത്രസമ്മേളനത്തിൽ അറിയിച്ചു.
Read More