തിരുവനന്തപുരം: ഉപതെരഞ്ഞെടുപ്പു പ്രഖ്യാപിച്ച ശേഷം വോട്ടർമാരുടെ പേരുകൾ വെട്ടിമാറ്റുന്നത് അടക്കം പക്ഷപാതപരമായി പ്രവർത്തിക്കുന്ന ഉദ്യോഗസ്ഥർക്കെതിരേ തെരഞ്ഞെടുപ്പ് കമ്മീഷൻ ശക്തമായ നടപടി സ്വീകരിക്കുമെന്നു മുഖ്യ തെരഞ്ഞെടുപ്പ് ഓഫിസർ ടിക്കാറാം മീണ. വട്ടിയൂർക്കാവിൽ അടക്കം ഇത്തരം ക്രമക്കേട് നടന്നുവെന്ന പരാതി ലഭിച്ചിട്ടുണ്ടെന്നും ഇക്കാര്യങ്ങൾ അന്വേഷിക്കാൻ ബന്ധപ്പെട്ട ജില്ലാ കളക്ടർമാരോടു നിർദേശിച്ചിട്ടുണ്ടെന്നും മാധ്യമ പ്രവർത്തകരുടെ ചോദ്യങ്ങൾക്കു മറുപടിയായി അദ്ദേഹം അറിയിച്ചു. സർക്കാർ ഉദ്യോഗസ്ഥർക്കു രാഷ്ട്രീയം കാണും. എന്നാൽ, തെരഞ്ഞെടുപ്പു സമയത്ത് ഉദ്യോഗസ്ഥർക്കു രാഷ്ട്രീയം പാടില്ല. വട്ടിയൂർക്കാവ് മണ്ഡലത്തിൽ ബിജെപിയുടെയും മറ്റിടങ്ങളിൽ മറ്റു രാഷ്ട്രീയ പാർട്ടി പ്രതിനിധികളുടെയും പരാതി ലഭിച്ചിട്ടുണ്ടെന്നും ടിക്കാറാം മീണ അറിയിച്ചു. ഒരു ബൂത്തിൽ നിന്ന് 25 മുതൽ 40 വരെ വോട്ടർമാരെ ഒഴിവാക്കിയതായി ചൂണ്ടിക്കാട്ടി ബിജെപി വട്ടിയൂർക്കാവ് നിയോജക മണ്ഡലം പ്രസിഡന്റ് എസ്. ജയചന്ദ്രന്റെ നേതൃത്വത്തിലാണു പരാതി നൽകിയത്.
Read MoreCategory: TVM
കുടുംബ വഴക്ക് ! ഭാര്യാപിതാവിനെയും സഹോദരനെയും വെട്ടിപ്പരിക്കേൽപ്പിച്ചു; സംഭവം നേമത്ത്
നേമം: വെള്ളായണി കല്ലിയൂരിൽ കുടുംബ വഴക്കിനെ തുടർന്ന് മരുമകൻ ഭാര്യ പിതാവിനെയും സഹോദരനെയും വെട്ടി പരിക്കേൽപ്പിച്ചു.കല്ലിയൂർ ശാസ്താ ക്ഷേത്രത്തിന് സമീപം പറമ്പിൽ വീട്ടിൽ വിശ്വംഭരൻ (58) വിഷ്ണു (30) എന്നീ വർക്കാണ് വെട്ടേറ്റത്. പുലർച്ചെ 3.30 മണിയോടെ വിശ്വംഭരന്റെ മരുമകൻ അനീഷ് (32) ഒരു സംഘവുമായി ബൈക്കിലെത്തിയാണ് അക്രമിച്ചതെന്ന് പോലീസ് പറഞ്ഞു. വീടിന്റെ വരാന്തയിൽ ഉറങ്ങികിടക്കുകയായിരുന്ന വിശ്വംഭരനെ ക്രൂരമായി മർദ്ദിക്കുകയും വെട്ടുകയുമായിരുന്നു. വീടിന്റെ കതക് ചവിട്ടി തുറന്ന് കട്ടിലിൽ ഉറങ്ങി കിടക്കുക യായിരുന്ന വിഷ്ണുവിനെയും വെട്ടി. വെട്ടേറ്റ വിഷ്ണു വീടിന് പുറത്തേക്കിറങ്ങി ഓടി രക്ഷപെടുകയുമായിരുന്നു. മലയം സ്വദേശിയായ അനീഷ് വീട്ടിലെത്തി പ്രശ്നങ്ങൾ ഉണ്ടാക്കുക പതിവാണെന്ന് പറയുന്നു. വീട്ടിൽ വിഷ്ണുവിന്റെ ഭാര്യ അഞ്ജലിയും മക്കളായ ബിന്ദുജയും ഒരു വയസായ മകളുമാണ് ഉണ്ടായിരുന്നത്. പരിക്കേറ്റ ഇരുവരും മെഡിക്കൽ കോളേജിൽ ചികിത്സയിലാണ്. സംഭവത്തെ തുടർന്ന് നേമം പോലിസ് സ്ഥലത്ത് എത്തി മേൽ…
Read Moreസഫാരി പാർക്കിന് ഉണർവേകി ‘നാഗരാജനെത്തി’; ഇണയായി ആറര വയസുകാരി രാധയും
കാട്ടാക്കട: നെയ്യാർ സിംഹ സഫാരി പാർക്കിൽ ഗുജറാത്തിൽനിന്നുള്ള നാഗരാജനെത്തി. പത്ത് വയസുള്ള ആൺ സിംഹമാണ് ഇന്നലെ സഫാരി പാർക്കിലെത്തിയത്. സഫാരി പാർക്ക് അടച്ചു പൂട്ടലിന്റെ വക്കോളം എത്തിയപ്പോഴാണ് ഗുജറാത്തിലെ സക്കർബാഗ് മൃഗശാലയിൽ നിന്നും നാഗരാജനേയും ഇണയായി ആറര വയസുകാരി രാധയെയും കൊണ്ടുവന്നത്. യാത്രയുടെ പ്രശ്നങ്ങൾ തീർക്കാനും ജീവനക്കാരുമായി ഇണങ്ങാനുമായി തിരുവനന്തപുരം മൃഗശാലയിൽ പാർപ്പിച്ചിരുന്ന സിംഹങ്ങളിൽ രാധ രണ്ടുദിവസം മുമ്പ് ചത്തു. തുടർന്ന് ആൺ സിംഹത്തെ നെയ്യാർ പാർക്കിലേക്ക് കൊണ്ടുപോകാൻ തീരുമാനിക്കുകയായിരുന്നു. പാർക്കിൽ ഇപ്പോൾ ബിന്ദു എന്ന 18 വയസുള്ള പെൺസിംഹമാണുള്ളത്. പുതിയ ഇടം ആയതിനാൽ ഇവിടം പരിചിതമാകുന്നത് വരെ ഇപ്പോൾ നാഗരാജനെ പ്രത്യേക കൂട്ടിലാണ് പാർപ്പിക്കുന്നത്. കുറച്ചുദിവസത്തെ നിരീക്ഷണത്തിന് ശേഷമേ തുറന്നുവിടൂ. സാധാരണയായി പരിചയമില്ലാത്ത പെൺസിംഹത്തെ ആൺസിംഹങ്ങൾ ആക്രമിക്കാറുണ്ടെന്ന് അസിസ്റ്റന്റ് വൈൽഡ് ലൈഫ് വാർഡൻ സുരേഷ് കുമാർ പറഞ്ഞു. ഇപ്പോൾ പാർക്ക് അറ്റകുറ്റപ്പണികൾക്കായി അടച്ചിട്ടിരിക്കുകയാണ്. കൂടുകളുടെ ജോലികൾ…
Read Moreരാത്രിയെന്നൊ പകലെന്നോ വ്യത്യാസമില്ല! ഇരുനൂറോളം മോഷണക്കേസുകളിലെ കുപ്രസിദ്ധ മോഷ്ടാവ് പോലീസ് പിടിയിൽ
തിരുവനന്തപുരം: കേരളത്തിലുടനീളം ഇരുന്നുറോളം അന്പലം, വീട് മോഷണക്കേസുകളുള്ള കുപ്രസിദ്ധ മോഷ്ടാവ് മലയിൻകീഴ് മലയം സ്വദേശി സുനിൽ ഗുപ്ത (39) തിരുവനന്തപുരം സിറ്റി ഷാഡോ പോലിസിന്റെ പിടിയിലായി. തന്പാനൂർ പോലീസ് ഇയാളുടെ അറസ്റ്റ് രേഖപ്പെടുത്തി. തന്പാനുർ വലിയശാല കാവിൽ ഭഗവതി ക്ഷേത്രത്തിലെ കാണിയ്ക്കവഞ്ചി തകർത്ത് പണം മോഷ്ടിച്ച കേസ്, പാപ്പനംകോട് മലമേൽ കുന്ന് സിഎസ്ഐ പള്ളിയ്ക്ക് സമീപത്തുള്ള വീടിന്റെ മുൻവാതിൽ തകർത്ത് അഞ്ച് പവനോളം സ്വർണം കവർന്ന കേസ്, നിറമണ്കര ശ്രീഭദ്രകാളി ക്ഷേത്രത്തിലെ കാണിക്കവഞ്ചി മോഷ്ടിച്ച കേസ്, കോഴിക്കോട് വെസ്റ്റ്ഹിൽ ദേശാഭിമാനി പത്രത്തിലെ ആർട്ടിസ്റ്റിന്റെ വീട്ടിൽ കയറി സ്വർണം മോഷ്ടിച്ച കേസ്, കോഴിക്കോട് എരണിക്കരയിലെ വീടിന്റെ പൂട്ട് തകർത്ത് എട്ട് പവനോളം സ്വർണം കവർന്ന കേസ് , കർണാടകയിലെ മജസ്റ്റിക്കിന് സമീപം രണ്ട് വീടുകളിൽ മോഷണം നടത്തിയതുൾപ്പെടെ നിരവധി മോഷണ കേസുകൾ നടത്തിയതായി ഇയാൾ പോലീസിനോട് സമ്മതിച്ചിട്ടുണ്ട്. കഴിഞ്ഞ ഇരുപതിലധികം…
Read Moreവട്ടിയൂർക്കാവിൽ വികെ പ്രശാന്ത് എൽഡിഎഫ് സ്ഥാനാർഥിയായേക്കും; പാർട്ടി ഏൽപ്പിക്കുന്ന ഏത് ഉത്തരവാദിത്വവും സ്വീകരിക്കുമെന്ന് വി.കെ പ്രശാന്ത്
എം.ജെ ശ്രീജിത്ത് തിരുവനന്തപുരം: വട്ടിയൂർക്കാവ് നിയോജക മണ്ഡലത്തിൽ തിരുവനന്തപുരം കോർപറേഷൻ മേയർ വികെ പ്രശാന്ത് എൽഡിഎഫ് സ്ഥാനാർഥിയായേക്കും. ഇന്നു ചേർന്ന സിപിഎം ജില്ലാ സെക്രട്ടറിയേറ്റ് യോഗം തിരുവനന്തപുരം കോർപറേഷൻ മേയർ വികെ പ്രശാന്തിനെ ഒന്നാമതായും തിരുവനന്തപുരം ജില്ലാ പഞ്ചായത്ത് പ്രസിഡന്റ് വികെ മധുവിനെ രണ്ടാമതായും ഉൾപ്പെടുത്തികൊണ്ടുള്ള സ്ഥാനാർഥി പട്ടിക അംഗീകരിച്ചു. മേയറായി പ്രശാന്തും ജില്ലാ പഞ്ചായത്ത് പ്രസിഡന്റായി വികെ മധുവും മികച്ച പ്രകടനമാണ് കാഴ്ചവച്ചതെന്ന വിലയിരുത്തലാണ് ജില്ലാ സെക്രട്ടറിയേറ്റിലുണ്ടായത്. ഇക്കഴിഞ്ഞ പ്രളയകാലത്ത് ഇരുവരുടേയും നേതൃത്വത്തിൽ മികച്ച പ്രവർത്തനമാണ് തലസ്ഥാനം കേന്ദ്രീകരിച്ചു നടന്നത്. പ്രശാന്തിനാണ് വട്ടിയൂർക്കാവിൽ നിന്നുള്ള ഉപതെരഞ്ഞെടുപ്പ് പട്ടികയിൽ പ്രഥമ പരിഗണന. മേയർ എന്ന നിലയിൽ പ്രതിപക്ഷത്തുള്ളവരുടെ അടക്കം നല്ല ബന്ധമാണ് പ്രശാന്തിനുള്ളത്. ഇതെല്ലാം ജില്ലാ സെക്രട്ടറിയേറ്റ് പരിഗണിച്ചു. ജില്ലാ കമ്മറ്റിയുടെ ശിപാർശ പട്ടിക സംസ്ഥാന കമ്മറ്റിയ്ക്ക് കൈമാറും. സംസ്ഥാന കമ്മറ്റിയാണ് സ്ഥാനാർഥി പട്ടിക അംഗീകരിക്കേണ്ടത്. ഇതിനു…
Read Moreബൈക്ക് അപകടത്തിൽ പരിക്കേറ്റ യുവാവിനെ ആശുപത്രിയിലേക്ക് കൊണ്ടുപോകവെ ആംബുലൻസ് അപകടത്തിൽപ്പെട്ടു; യുവാവിന ദാരുണാന്ത്യം
ആറ്റിങ്ങല്: ബൈക്ക് തെന്നിവീണ് പരിക്കേറ്റ യുവാവിനെ കൊണ്ടുപോകുന്നതിനിടെ ആംബുലന്സ് അപകടത്തില്പ്പെട്ട് യുവാ വ് മരിച്ചു. കല്ലമ്പലം ചാവര്കോട് ആശാരിമുക്ക് ഷാന്നിവാസില് ഷാജഹാന്-സോമിനി ദമ്പതിമാരുടെ മകന് ഷൈന് (27) ആണ് മരിച്ചത്. ഇന്നലെ വൈകുന്നേരം അഞ്ചോടെ വര്ക്കല അയിരൂരില് ബൈക്ക് തെന്നിവീണ് ഷൈന് ഗുരുതരമായി പരിക്കേറ്റു. പാരിപ്പള്ളി മെഡിക്കല്കോളജ് ആശുപത്രിയില് പ്രവേശിപ്പിച്ചിരുന്ന ഇയാളെ രാത്രി 11ന് വിദഗ്ധ ചികിത്സയ്ക്കായി തിരുവനന്തപുരത്തെ സ്വകാര്യ ആശുപത്രിയിലേയ്ക്ക് കൊണ്ടുപോകുന്നതിനിടെയാണ് ആംബുലന്സ് അപകടത്തില്പ്പെട്ടത്. പൂവമ്പാറ പാലത്തിന് നടുക്കുവച്ച് ആംബുലന്സ് എതിര്ദിശയില് വന്ന ലോറിയുമായി കൂട്ടിയിടിക്കുകയായിരുന്നു. ആംബുലന്സിനുളളിലുണ്ടായിരുന്ന ഷൈന്റെ തല ക്യാബിനിലിടിച്ച് ഗുരുതരമായി പരിക്കേറ്റു. ഇയാള്ക്കൊപ്പമുണ്ടായിരുന്ന ചാവര്കോട് സ്വദേശി വിപിന് (22)-നും പരിക്കേറ്റു. ആംബുലന്സ് ഡ്രൈവര്ക്ക് നിസാരപരിക്കുമാത്രമേയുള്ളൂ. ഷൈനിനെയും വിപിനെയും ഉടന്തന്നെ മറ്റൊരുവാഹനത്തില് വലിയകുന്ന് താലൂക്കാശുപത്രിയിലെത്തിച്ചെങ്കിലും ഷൈന് അതിനോടകം മരണപ്പെട്ടു. മൃതദേഹം ചിറയിന്കീഴ് താലൂക്കാശുപത്രി മോര്ച്ചറിയില്. വിദേശത്തായിരുന്ന ഷൈന് അടുത്തിടെയാണ് നാട്ടിലെത്തിയത്. പുതിയ ജോലിക്കായി ശ്രമം…
Read Moreഅറബിക്കടലിൽ ന്യൂനമർദം ശക്തിപ്രാപിക്കുന്നു; ചൊവ്വാഴ്ച നാല് ജില്ലകളില് യെല്ലോ അലര്ട്ട്
തിരുവനന്തപുരം: സംസ്ഥാനത്ത് വീണ്ടും മഴയ്ക്ക് സാധ്യത. ചൊവ്വാഴ്ച മുതല് സംസ്ഥാനത്ത് ഒറ്റപ്പെട്ട കനത്ത മഴക്ക് സാധ്യതയെന്നു കാലാവസ്ഥ നിരീക്ഷണ കേന്ദ്രം അറിയിച്ചു. ചൊവ്വാഴ്ച നാല് ജില്ലകളിൽ കാലാവസ്ഥ നിരീക്ഷണ കേന്ദ്രം യെല്ലോ അലർട്ട് പ്രഖ്യാപിച്ചു. പത്തനംതിട്ട, ആലപ്പുഴ, ഇടുക്കി, മലപ്പുറം ജില്ലകളിലാണ് ചൊവ്വാഴ്ച യെല്ലോ അലര്ട്ട് പ്രഖ്യാപിച്ചത്. ബുധനാഴ്ച എട്ടു ജില്ലകളിലും വ്യാഴാഴ്ച ഒമ്പത് ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്. അറബിക്കടലിൽ, ഗുജറാത്ത് തീരത്തിന് മുകളിലായി ഒരു തീവ്ര ന്യൂനമർദം രൂപം കൊണ്ടിട്ടുണ്ടെന്നും കാലാവസ്ഥ നിരീക്ഷണ കേന്ദ്രം അറിയിച്ചു.
Read Moreവട്ടിയൂർക്കാവ് ഒരുങ്ങി; നെഞ്ചിടിപ്പോടെ മുന്നണികൾ; രണ്ടു മുന്നണികൾക്കൊപ്പം നിൽക്കാവുന്ന രാഷ്ട്രീയ സ്വാധീനം ഈ മണ്ഡലത്തിൽ ഇപ്പോൾ ബിജെപിയ്ക്കുമുണ്ട്
എം.പ്രേംകുമാർ തിരുവനന്തപുരം : വട്ടിയൂർക്കാവ് നിയമസഭാ മണ്ഡലത്തിലെ ഉപതെരഞ്ഞെടുപ്പ് തിയതി പ്രഖ്യാപിച്ചതോടെ നെഞ്ചിടിപ്പോടെ മുന്നണികൾ. എംഎൽഎയായിരുന്ന കെ.മുരളീധരൻ ലോക്സഭാ തെരഞ്ഞെടുപ്പിൽ വടകര മണ്ഡലത്തിന്റെ എംപിയായതോടെയാണു വട്ടിയൂർക്കാവ് മണ്ഡലം ഉപതെരഞ്ഞെടുപ്പിനു വേദിയായത്. പഴയ നോർത്ത് മണ്ഡലം വട്ടിയൂർക്കാവ് മണ്ഡലമായി രൂപാന്തരപ്പെട്ടതിനു ശേഷമുള്ള രണ്ടു നിയമസഭാ തെരഞ്ഞെടുപ്പിലും ഇവിടെ ജയിച്ചതു യുഡിഎഫാണ്. രാഷ്ട്രീയമായി സിപിഎമ്മിന് ഏറെ സ്വാധീനമുള്ള മണ്ഡലത്തിൽ കെ. മുരളീധരനിലൂടെയാണു യുഡിഎഫ് മണ്ഡലം തിരിച്ചുപിടിക്കുന്നത്. സിപിഎം നേതാവ് എം.വിജയകുമാർ 20 വർഷം പ്രതിനിധീകരിച്ച മണ്ഡലമെന്ന ഖ്യാതിയും ഇപ്പോഴത്തെ വട്ടിയൂർക്കാവിനുണ്ട്. രണ്ടു മുന്നണികൾക്കൊപ്പം നിൽക്കാവുന്ന രാഷ്ട്രീയ സ്വാധീനം ഈ മണ്ഡലത്തിൽ ഇപ്പോൾ ബിജെപിയ്ക്കുള്ളതാണു തെരഞ്ഞെടുപ്പിനെ ത്രികോണ മത്സരത്തിനു കൂടി വേദിയാക്കുന്നത്. പൊതുവായുള്ള രാഷ്ട്രീയ വിഷയങ്ങൾക്കൊപ്പം വർഷങ്ങളായി ഫയലിൽ ഉറങ്ങിക്കിടക്കുന്ന വട്ടിയൂർക്കാവ് റോഡ് വികസനവും കൂടി തെരഞ്ഞെടുപ്പിൽ ചർച്ചയാകുന്പോൾ പ്രചരണം കൊഴുക്കുമെന്നുറപ്പ്. കഴിഞ്ഞ രണ്ടു നിയമസഭാ തെരഞ്ഞെടുപ്പിലും ശക്തമായ ത്രികോണ മത്സരമാണു…
Read Moreമുത്തൂറ്റ് ഫിനാൻസിനെ സർക്കാർ ബഹിഷ്കരിക്കണം; മുത്തൂറ്റ് പൂട്ടിയാലും മറ്റ് സ്ഥാപനങ്ങൾ കേരളം വിടില്ലെന്ന് വി.എസ്
തിരുവനന്തപുരം: രാജ്യത്തെ നിയമങ്ങൾ പാലിക്കാത്ത മുത്തൂറ്റ് ഫിനാൻസിനെ സർക്കാർ ബഹിഷ്കരിക്കണമെന്ന് ഭരണപരിഷ്കാര കമ്മീഷൻ ചെയർമാൻ വി.എസ്. അച്യുതാനന്ദൻ. മുത്തൂറ്റിലെ തൊഴിലാളി വിരുദ്ധതയെ സർക്കാർ ശക്തമായി നേരിടണമെന്നും അദ്ദേഹം ആവശ്യപ്പെട്ടു. മുത്തൂറ്റ് സ്ഥാപനങ്ങൾ പൂട്ടിയാലും മറ്റ് സ്ഥാപനങ്ങൾ കേരളം വിടില്ല. മുത്തൂറ്റ് ഗ്രൂപ്പിന്റെ മുഴുവൻ പ്രവർത്തനങ്ങളും പ്രത്യേക സംഘം അന്വേഷിക്കണമെന്നും വി.എസ് ആവശ്യപ്പെട്ടു.
Read Moreബാഗും, മൊബൈലും സൂക്ഷിക്കാൻ ക്ലോക്ക് റൂം, സംശയം തോന്നുന്നവരെ പരിശോധിക്കാൻ പുരുഷ-വനിതാ ജീവനക്കാർ, ഗേറ്റ് പൂട്ടി രക്ഷിതാക്കളെ പുറത്താക്കണം; പരീക്ഷാ നടത്തിപ്പിൽ സമഗ്ര അഴിച്ചുപണിക്കൊരുങ്ങി പിഎസ്സി
തിരുവനന്തപുരം: പരീക്ഷാ നടത്തിപ്പിൽ സമഗ്ര അഴിച്ചുപണിക്കൊരുങ്ങി പിഎസ്സി. പരീക്ഷാഹാളിൽ ബാഗ്, മൊബൈൽ ഫോണ്, വാച്ച്, പേഴ്സ് ഉൾപ്പെടെയുള്ള ഒന്നും ഇനിമുതൽ പ്രവേശിപ്പിക്കില്ല. തിരിച്ചറിയൽ രേഖ, അഡ്മിഷൻ ടിക്കറ്റ് നീലയോ കറുപ്പോ മഷിയിലുള്ള പേന എന്നിവ മാത്രമേ പരീക്ഷാ ഹാളിൽ അനുവദിക്കൂ. ഇൻവിജിലേറ്റർമാരും പരീക്ഷാ ഹാളിൽ ഫോണ് ഉപയോഗിക്കാൻ പാടില്ല. ചീഫ് സൂപ്രണ്ട്, അഡീഷണൽ ചീഫ് സൂപ്രണ്ട് എന്നിവർക്ക് ഔദ്യോഗിക ആവശ്യത്തിനു മാത്രം ഫോണ് ഉപയോഗിക്കാം. ഇതു സംബന്ധിച്ച വിശദമായ മാർഗനിർദേശം പിഎസ്സി പരീക്ഷാ കണ്ട്രോളർ തയാറാക്കി. നിർദേശങ്ങൾ തിങ്കളാഴ്ച ചേരുന്ന പിഎസ്സി യോഗം ചർച്ച ചെയ്യും. അംഗങ്ങളുടെ നിർദേശങ്ങളും അഭിപ്രായങ്ങളും കൂട്ടിച്ചേർത്ത ശേഷമാകും അന്തിമ നിർദേശം തയാറാക്കി കമ്മീഷൻ അംഗീകരിക്കുക. ഉദ്യോഗാർഥികളുടെ പക്കലുള്ള ബാഗ്, പേഴ്സ്, മൊബൈൽ ഫോണ്, വാച്ച്, മറ്റു വസ്തുക്കൾ എന്നിവ വയ്ക്കുന്നതിനായി ഓരോ പരീക്ഷാ കേന്ദ്രത്തിലും ക്ലോക്ക് റൂം ഏർപ്പെടുത്തണമെന്നും പരീക്ഷാ കണ്ട്രോളർ…
Read More