തിരുവനന്തപുരം: പിഎസ്സി പരീക്ഷാതട്ടിപ്പുകേസിൽ പ്രതിയായ പോലീസുകാരൻ ഗോകുൽ ഉപയോഗിച്ചിരുന്ന ഫോണും സിം കാർഡും കണ്ടെടുത്തു. ഗോകുലിന്റെ വീട്ടിൽനിന്നാണു ഫോണ് കണ്ടെത്തിയത്. തട്ടിപ്പു വെളിപ്പെടുത്തുന്ന മറ്റു കുറിപ്പുകളും വീട്ടിൽനിന്നു കണ്ടെത്തി. ഈ സിം ഉപയോഗിച്ചാണോ പരീക്ഷയിൽ പങ്കെടുത്തവർക്ക് എസ്എപി ക്യാന്പിലെ പോലീസുകാരനായ ഗോകുൽ ഉത്തരങ്ങൾ അയച്ചുനൽകിയതെന്ന് അന്വേഷണ സംഘം ശാസ്ത്രീയമായി പരിശോധിക്കും. യൂണിവേഴ്സിറ്റി കോളജിന് സമീപത്തുനിന്നാണ് ഉത്തരങ്ങൾ അയച്ചു നൽകിയതെന്ന് അന്വേഷണസംഘത്തോടു ഗോകുൽ വെളിപ്പെടുത്തി. ഉത്തരങ്ങൾ പരീക്ഷാ ഹാളിൽ ലഭിച്ചത് സ്മാർട്ട് വാച്ചുകൾ മുഖേനയാണെന്നു പ്രതികളായ ശിവരഞ്ജിത്തും നസീമും മൊഴി നൽകിയിട്ടുണ്ട്. പിഎസ്സി നടത്തിയ പോലീസ് കോണ്സ്റ്റബിൾ പരീക്ഷയിൽ ക്രമക്കേടും തട്ടിപ്പും നടത്താനുള്ള ആസൂത്രണത്തിൽ, മുൻ എസ്എഫ്ഐ നേതാവും മൂന്നാം പ്രതിയായ പ്രണവ്, എസ്എപി ക്യാന്പിലെ പോലീസുകാരായ ഗോകുൽ, സഫീർ എന്നിവർക്കും പങ്കുണ്ടെന്നു പ്രതികൾ ചോദ്യം ചെയ്യലിൽ വെളിപ്പെടുത്തിയിരുന്നു. പരീക്ഷാ തട്ടിപ്പുകേസിൽ അറസ്റ്റിലായവർക്കു പുറമേ മറ്റാർക്കെങ്കിലും ഉത്തരങ്ങൾ എസ്എംഎസ്…
Read MoreCategory: TVM
കോളജിലെ ഓണാഘോഷം റോഡിലും; ജീപ്പിടിച്ച് വഴിയാത്രക്കാരായ അമ്മയ്ക്കും മകനും പരിക്ക്
പാലോട്: കോളജ് ഓണാഘോഷത്തിന്റെ ഭാഗമായി ഗതാഗതം തടസപ്പെടുത്തി നടത്തിയ ഘോഷയാത്രയ്ക്കിടെ ജീപ്പ് തട്ടി വഴിയാത്രക്കാരായ അമ്മയ്ക്കും മകനും പരിക്ക്. തിരുവനന്തപുരം പെരിങ്ങമ്മല ഇക്ബാൽ കോളജിലെ വിദ്യാർഥികൾ ചൊവ്വാഴ്ച നടത്തിയ ഓണാഘോഷ പരിപാടിയിലാണ് സംഭവം. നൂറോളം വാഹനങ്ങളിൽ ഘോഷയാത്ര നടത്തുന്നതിനിടെയാണ് അപകടമുണ്ടായത്. ഘോഷയാത്ര നടത്തുകയും ആഘോഷത്തിന്റെ മറവിൽ ബൈക്ക് റേസിംഗും പൊതുജനങ്ങൾക്ക് ശല്യമുണ്ടാക്കുന്ന രീതിയിൽ അഭ്യാസപ്രകടനങ്ങൾ നടത്തുകയും ചെയ്ത സംഭവത്തിൽ കണ്ടാലറിയാവുന്ന നൂറോളം പേർക്കെതിരെ പോലീസ് കേസെടുത്തു. പല ആവർത്തി ഇവരെ പറഞ്ഞ് വിലക്കിയെങ്കിലും തുടർന്നും ഗതാഗതം തടസപ്പെടുത്തുകയായിരുന്നുവെന്നും പോലീസ് പറഞ്ഞു.
Read Moreസ്വകാര്യ സ്കൂളിന് നേർക്ക് ആക്രമണം; പിന്നിൽ മൂന്നംഗ സംഘം; സിസിടിവി ദൃശ്യം ലഭിച്ചു
വിഴിഞ്ഞം: സ്വകാര്യ ഇംഗ്ലീഷ് മീഡിയം സ്കൂളിന് നേരെ സാമൂഹ്യ വിരുദ്ധ ആക്രമണം നടത്തിയ മൂന്നംഗ സംഘത്തിന്റെ ദൃശ്യങ്ങൾ സിസിടിവി യിൽ. ഇവരെ തിരിച്ചറിയാനുള്ള ശ്രമം പോലീസ് ഊർജിതമാക്കി. ഇതിനായി ഷാഡോ പോലീസിന്റെ യോഗം ഇന്ന് രാവിലെ കാഞ്ഞിരംകുളം സ്റ്റേഷനിൽ നടന്നു. കാഞ്ഞിരംകുളം മൗണ്ട് കാർമ്മൽ റസിഡൻഷ്യൽ സ്കൂളിൽ കഴിഞ്ഞ ദിവസം രാത്രിയിലാണ് അക്രമികൾ ഒരു സ്കൂൾ ബസ് കത്തിക്കുകയും എട്ട് ബസുകളുടെ ഗ്ലാസുകൾ അടിച്ച് തകർക്കുകയും ചെയ്തത്. 32 ലക്ഷത്തോളം രൂപ മുടക്കി ആറ് മാസം മുൻപ് വാങ്ങിയ ഏ.സി ബസ് പൂർണ്ണമായി കത്തി നശിച്ചു.പൊക്കത്തിലുള്ള മതിൽ കെട്ടിന്റെ പുറകുവശത്തുകൂടി ചാടിക്കടന്നെത്തിയ മൂന്നംഗ സംഘമാണ് സംഭവത്തിന് പിന്നിലെന്ന് സമീപത്ത് സ്ഥാപിച്ചിരുന്ന സി.സി.ടി.വിയിൽ നിന്ന് വ്യക്തമായതായി പോലീസ് അറിയിച്ചു. എന്നാൽ അവസാനത്തെ ബസിന്റെ ചില്ല് തകർത്ത് മടങ്ങുന്ന അക്രമിസംഘത്തിന്റെ ദൂരെക്കാഴ്ചയുള്ള ടിവി ദൃശ്യങ്ങളായതിനാൽ ഇവരെ പൂർണ്ണമായിതിരിച്ചറിയാനായിട്ടില്ല. പുലർച്ചെ മൂന്നോടെ…
Read Moreശ്രീജിവിന്റേത് കസ്റ്റഡി മരണമല്ലെന്ന് സിബിഐ; ശ്രീജിത്ത് സുപ്രീംകോടതിയിലേക്ക്
തിരുവനന്തപുരം: നെയ്യാറ്റിൻകര സ്വദേശി ശ്രീജിവിന്റേത് കസ്റ്റഡിമരണമല്ലെന്ന് സിബിഐ. ശ്രീജിവ് ജീവനൊടുക്കിയതാണെന്നും തിരുവനന്തപുരം സിബിഐ കോടതിയിൽ സിബിഐ സമർപ്പിച്ച റിപ്പോർട്ടിൽ പറയുന്നു. ശ്രീജിവിന്റെ ആത്മഹത്യാകുറിപ്പും ശാസ്ത്രീയ തെളിവുകളും ചൂണ്ടിക്കാട്ടിയാണ് സിബിഐ റിപ്പോര്ട്ട് സമർപ്പിച്ചത്. ശ്രീജിവിനെ കസ്റ്റഡിയിലെടുത്ത പോലീസുകാർക്കെതിരെ വകുപ്പ്തല നടപടിക്കും സിബിഐ ശിപാർശ ചെയ്തു. പ്രതിയെ ദേഹപരിശോധന നടത്താത്തതിനാണ് പോലീസുകാര്ക്കെതിരെ വകുപ്പ്തല നടപടിക്കു ശിപാര്ശ ചെയ്തിരിക്കുന്നത്. അതേസമയം സിബിഐ അന്വേഷണം ഒത്തുകളിയാണെന്നാണ് ശ്രീജിവിന്റെ സഹോദരന് ശ്രീജിത്ത് ആരോപിച്ചു. ശ്രീജിവിന്റേത് കൊലപാതകമാണ്. കേസിൽ സുപ്രീംകോടതിയെ സമീപിക്കുമെന്നും ശ്രീജിത്ത് പറഞ്ഞു. സഹോദരന്റെ മരണവുമായി ബന്ധപ്പെട്ട് സെക്രട്ടറിയേറ്റിനു മുന്നിൽ വളരെ കാലമായി ശ്രീജിത്ത് സമയം നടത്തിവരിയാണ്. 2014 മേയ് 21നായിരുന്നു ശ്രീജിവിന്റെ മരണം. മോഷണക്കുറ്റം ആരോപിച്ച് മേയ് 19നാണ് ശ്രീജിവിനെ പോലീസ് കസ്റ്റഡിയിൽ എടുത്തത്.
Read Moreപിഎസ്സി പരീക്ഷാ തട്ടിപ്പ്; ഉത്തരങ്ങൾ അയച്ചത് എസ്എംഎസ് വഴി; സിവിൽ പോലീസ് ഓഫീസർ ഗോകുലിന്റെ കുറ്റസമ്മതം
തിരുവനന്തപുരം: പിഎസ്സി പരീക്ഷയിൽ തട്ടിപ്പ് നടത്താൻ മുൻ എസ്എഫ്ഐ നേതാക്കൾക്ക് സഹായം ചെയ്തു നൽകിയതായി സിവിൽ പോലീസ് ഓഫീസർ ഗോകുൽ. സിവില് പോലീസ് ഓഫീസര് റാങ്ക് പട്ടികയില് ഇടംപിടിച്ച ശിവരഞ്ജിത്ത്, പ്രണവ്, നസീം എന്നീ മൂന്ന് പേര്ക്കും ഉത്തരങ്ങള് എസ്എംഎസായി അയച്ച് നല്കിയെന്നാണ് ഗോകുൽ ചോദ്യം ചെയ്യലിൽ സമ്മതിച്ചത്. തന്റെ അടുത്ത ബന്ധു കോച്ചിംഗ് സെന്ററിലെ ജീവനക്കാരനാണ്. ഈ പരിചയം വഴി സെന്റര് കേന്ദ്രീകരിച്ചാണ് തട്ടിപ്പ് ആസൂത്രണം ചെയ്തതെന്നും പട്ടികയിലെ രണ്ടാം റാങ്കുകാരനും മുന് എസ്എഫ്ഐ നേതാവുമായ പി.പി. പ്രണവാണ് മൂഖ്യ ആസൂത്രകനെന്നും ഗോകുൽ പോലീസിനോട് വെളിപ്പെടുത്തി. ഗോകുലിനെ ക്രൈംബ്രാഞ്ച് ഐ.ജി എസ്. ശ്രീജിത്തിന്റെയും ഡിവൈഎസ്പി കെ.ഹരികൃഷ്ണന്റെയും നേതൃത്വത്തിലാണ് ചോദ്യം ചെയ്തത്. അതേസമയം ചോദ്യങ്ങള് എങ്ങിനെ ചോര്ന്ന് കിട്ടിയെന്നത് സംബന്ധിച്ച് ഗോകുല് വെളിപ്പെടുത്തിയിട്ടില്ല. ചോദ്യം ചെയ്യല് തുടരുകയാണ്.
Read Moreരണ്ടുവർഷത്തിന് ശേഷം കണ്ടെത്തി, തെളിവുകൾ കെട്ടിച്ചമച്ചത്; യുവാവിനെ മോഷണക്കേസിൽ കുടുക്കിയ രണ്ടു പോലീസുകാർക്കു സസ്പെൻഷൻ
തിരുവനന്തപുരം: നിരപരാധിയായ യുവാവിനെ മോഷണക്കേസിൽ കുടുക്കിയ പോലീസുകാർക്കു സസ്പെൻഷൻ. തിരുവനന്തപുരം വെള്ളറട സ്റ്റേഷനിലെ മുൻ സിഐയും നിലവിൽ തിരുവനന്തപുരം വിജിലൻസ് യൂണിറ്റിൽ അംഗവുമായ ജി. അജിത് കുമാർ, വെള്ളറട സ്റ്റേഷനിലെ മുൻ എസ്ഐയും ഇന്നു കൊല്ലം പുത്തൂരിൽ സിഐയുമായ വിജയകുമാർ എന്നിവർക്ക് എതിരേയാണു നടപടി. തിരുവനന്തപുരം സ്വദേശി റെജിനെ മോഷണക്കേസിൽ കുടുക്കിയ സംഭവത്തിലാണ് ആഭ്യന്തര വകുപ്പ് നടപടി സ്വീകരിച്ചത്. 2017 ഒക്ടോബറിൽ വെള്ളറടയിലെ രണ്ടു കടകളിൽ നടന്ന മോഷണത്തിലാണു റെജിൻ അറസ്റ്റിലായത്. കേസിൽ 21 ദിവസം റെജിൻ ജയിലിൽ കിടന്നു. നാലു ദിവസത്തോളം പോലീസ് കസ്റ്റഡിയിൽ വച്ചു മർദിച്ചതായും റെജിൻ പരാതിപ്പെട്ടു. പരാതി വാർത്തയായതിനെ തുടർന്ന് സ്പെഷൽ ബ്രാഞ്ചും ക്രൈംബ്രാഞ്ചും അന്വേഷണം നടത്തി. റെജിനെതിരായ തെളിവുകൾ കെട്ടിച്ചമച്ചതാണെന്ന് അന്വേഷണത്തിൽ വ്യക്തമായി. ഇതോടെയാണു പോലീസുകാർക്കെതിരേ ആഭ്യന്തര വകുപ്പ് നടപടി സ്വീകരിച്ചത്. കേസിൽ വിചാരണ റദ്ദാക്കാനും ഉത്തരവിട്ടു.
Read Moreഎട്ട് ജില്ലകളിൽ ഇന്ന് യെല്ലോ അലർട്ട്; വെള്ളിയാഴ്ച വരെ കനത്ത മഴയ്ക്കു സാധ്യത
തിരുവനന്തപുരം: ബംഗാൾ ഉൾക്കടലിൽ ഒഡീഷാ തീരത്ത് രൂപംകൊണ്ട ന്യൂനമർദത്തിന്റെ ശക്തി വർധിച്ചതിനാൽ വെള്ളിയാഴ്ച വരെ കേരളത്തിൽ കനത്ത മഴയ്ക്കു സാധ്യത. എറണാകുളം, ഇടുക്കി, തൃശൂർ, പാലക്കാട്, മലപ്പുറം, കോഴിക്കോട്, കണ്ണൂർ, കാസർഗോഡ് ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചു. കേരളത്തിൽ ഒറ്റപ്പെട്ട സ്ഥലങ്ങളിൽ കനത്ത മഴയ്ക്കു സാധ്യതയുള്ളതായി കാലാവസ്ഥാ നിരീക്ഷണകേന്ദ്രം അറിയിച്ചു. വെള്ളിയാഴ്ചവരെ കേരളത്തിൽ വ്യാപകമായി മഴ പെയ്യും.തെക്കൻ തമിഴ്നാട് തീരത്തും മാന്നാർ കടലിടുക്കിലും തെക്കൻ കാറ്റിന്റെ വേഗം മണിക്കൂറിൽ 45 മുതൽ 55 കിലോമീറ്റർവരെയാകാൻ സാധ്യതയുള്ളതിനാൽ മത്സ്യത്തൊഴിലാളികൾ ആ ഭാഗത്തേക്കു പോകരുത്.
Read Moreകേരള ഗവര്ണറായി ആരിഫ് മുഹമ്മദ് ഖാന് വെള്ളിയാഴ്ച സത്യപ്രതിജ്ഞ ചെയ്യും
തിരുവനന്തപുരം: കേരള ഗവര്ണറായി ആരിഫ് മുഹമ്മദ് ഖാന് വെള്ളിയാഴ്ച സത്യപ്രതിജ്ഞ ചെയ്യും. ഇക്കഴിഞ്ഞ ഞായറാഴ്ചയാണ് മുന് കേന്ദ്രമന്ത്രി ആരിഫ് മുഹമ്മദ് ഖാനെ കേരള ഗവര്ണറായി നിയമിച്ച് രാഷ്ട്രപതി വിജ്ഞാപനമിറക്കിയത്. ഇപ്പോഴത്തെ ഗവര്ണര് ജസ്റ്റിസ് പി. സദാശിവത്തിന്റെ കാലാവധി വ്യാഴാഴ്ചയാണ് അവസാനിക്കുന്നത്.
Read Moreയൂണിവേഴ്സിറ്റി കോളജിൽ മാത്രമല്ല ഇടിമുറി; സ്വതന്ത്ര ജുഡീഷൽ കമ്മീഷന്റെ കണ്ടെത്തൽ
തിരുവനന്തപുരം: ഇടിമുറികൾ യൂണിവേഴ്സിറ്റി കോളജിൽ മാത്രമല്ല മറ്റ് കോളജുകളിലും ഉണ്ടെന്ന് സ്വതന്ത്ര ജുഡീഷൽ കമ്മീഷൻ. തിരുവനന്തപുരം ആർട്സ് കോളജ്, കോഴിക്കോട് മടപ്പള്ളി കോളജ് എന്നിവിടങ്ങളിൽ യൂണിറ്റ് കമ്മിറ്റി ഓഫീസുകൾ ഇടിമുറിയാക്കി മാറ്റിയിട്ടുണ്ടെന്ന് വിദ്യാർഥികൾ പരാതിപ്പെട്ടിട്ടുണ്ടെന്ന് ജുഡീഷൽ കമ്മീഷൻ ജസ്റ്റിസ് ഷംസുദ്ദീൻ മാധ്യമപ്രവർത്തകരോട് വ്യക്തമാക്കി. കമ്മീഷന്റെ കണ്ടെത്തലുകളും ശുപാർശകളുമടങ്ങുന്ന റിപ്പോർട്ട് ഇന്ന് ഗവർണർക്ക് കൈമാറും. സേവ് യൂണിവേഴ്സിറ്റി കോളജ് കാ ന്പയിൻ കമ്മിറ്റിയാണ് സ്വതന്ത്ര ജൂഡീഷൽ കമ്മീഷനെ നിയമിച്ചത്. കാന്പസ് രാഷ്ട്രീയം അതിരുകടക്കുന്നതായും കോളജിനുള്ളിൽ മനുഷ്യാവകാശ ലംഘനങ്ങൾ നടക്കുന്നുണ്ടെന്നും കമ്മീഷന്റെ റിപ്പോർട്ടിലുണ്ട്. അക്രമസംഭവങ്ങൾ ചെറുക്കുന്നതിന് മാറി മാറി വരുന്ന സർക്കാരുകൾ നടപടിയെടുക്കുന്നില്ല. കോളജുകളിൽ ആന്റി റാഗിംഗ് സമിതികൾ പ്രവർത്തിക്കുന്നില്ല. അധ്യാപകരും പ്രിൻസിപ്പൾമാരും രാഷ്ട്രീയപാർട്ടികളുടെ ചട്ടുകമായി പ്രവർത്തിക്കുകയാണ്. ജൂഡീഷൽ നിയമപരിപാലനസമിതി രൂപീകരിക്കണമെന്ന ശുപാർശയും കമ്മീഷന്റെ റിപ്പോർട്ടിലുണ്ട്. യൂണിവേഴ്സിറ്റി കോളജ് വിദ്യാർഥി അഖിലിനെ കുത്തിക്കൊലപ്പെടുത്താൻ ശ്രമിച്ച സംഭവത്തിന് പിന്നാലെയാണ് സ്വതന്ത്ര ജുഡീഷൽ…
Read Moreപിഎസ്സി പരീക്ഷാ തട്ടിപ്പ്; അഞ്ചാം പ്രതി പോലീസുകാരൻ ഗോകുൽ കീഴടങ്ങി
തിരുവനന്തപുരം: പിഎസ്സി പരീക്ഷാ തട്ടിപ്പു കേസില പ്രതിയായ പോലീസുകാരൻ ഗോകുൽ കീഴടങ്ങി. തിരുവനന്തപുരം സിജെഎം കോടതിയിലാണ് ഗോകുൽ കീഴടങ്ങിയത്. കഴിഞ്ഞ ദിവസം ഇയാളുടെ മുൻ ജാമ്യാപേക്ഷ ഹൈക്കോടതി തള്ളിയിരുന്നു. കേസിൽ എഫ്ഐആറിലെ അഞ്ചാം പ്രതിയാണ് ഗോകുൽ. ഇയാളെ ഈ മാസം 16 വരെ റിമാൻഡ് ചെയ്തു. ഗോകുലിനെ ഇന്ന് തന്നെ കസ്റ്റഡിയിൽ വിട്ടുകിട്ടണമെന്നാവശ്യപ്പെട്ട് ക്രൈംബ്രാഞ്ച് ഹർജിന നൽകും. പേരൂര്ക്കട എസ്എപി ക്യാമ്പിലെ പോലീസുകാരനായ ഗോകുല് കല്ലറ സ്വദേശിയാണ്. കേസിലെ പ്രതികളിലൊരാളായ പ്രണവിന് സന്ദേശങ്ങള് അയച്ചെന്നാണ് കണ്ടെത്തിയിരിക്കുന്നത്. പരീക്ഷ നടക്കുന്നതിനിടെ തുടര്ച്ചയായി സന്ദേശം അയച്ചു. പ്രണവിന്റെ സുഹൃത്തായ ഗോകുല് 2017ലാണ് ജോലിയില് പ്രവേശിച്ചത്.
Read More