തിരുവനന്തപുരം: ഓണത്തിന് മാനം തെളിയുമെന്ന് കാലാവസ്ഥാ നിരീക്ഷണകേന്ദ്രം. അടുത്ത ഏതാനും ദിവസങ്ങളില് കേരളത്തില് ശക്തമായ മഴയ്ക്കു സാധ്യതയില്ലെന്ന് കാലാവസ്ഥാ വിഭാഗം അറിയിച്ചു. ശനിയാഴ്ച രാവിലെ കാലാവസ്ഥാ കേന്ദ്രം നല്കിയ അറിയിപ്പു പ്രകാരം തിങ്കളാഴ്ച മുതല് സംസ്ഥാനത്ത് ഒരു ജില്ലയിലും ജാഗ്രതാ നിര്ദേശമില്ല. ഓണ ദിനങ്ങളില് മഴ മാറിനില്ക്കുമെന്നാണ് പ്രതീക്ഷിക്കുന്നത്. ഈ ദിവസങ്ങളില് കേരള തീരത്ത് മത്സ്യത്തൊഴിലാളികള്ക്കും ജാഗ്രതാ നിര്ദേശമില്ല.ശനിയാഴ്ച രണ്ടു ജില്ലകളിലും ഞായറാഴ്ച മൂന്നു ജില്ലകളിലും മാത്രമാണ് മഴ ജാഗ്രതാ നിര്ദേശമുള്ളത്. കോഴിക്കോട്, കണ്ണൂര് ജില്ലകളില് മാത്രമാണ് യെല്ലോ അലര്ട്ട് പ്രഖ്യാപിച്ചിട്ടുള്ളത്. ഞായറാഴ്ച കോഴിക്കോട്, കണ്ണൂര്, കാസർഗോഡ് ജില്ലകളില് യെല്ലോ അലര്ട്ടുണ്ട്. മറ്റു ജില്ലകളിലെ മഴ മുന്നറിയിപ്പുകളെല്ലാം പിന്വലിച്ചു.
Read MoreCategory: TVM
ശബരിമല തിരുവിതാംകൂർ ദേവസ്വം ബോർഡിന്റെ കീഴിൽ തന്നെ; ശബരിമലയ്ക്കായി നിയമം നിർമിക്കുമെന്ന വാര്ത്ത നിഷേധിച്ച് ദേവസ്വം മന്ത്രി
തിരുവനന്തപുരം: ശബരിമലയ്ക്കായി നിയമം നിർമിക്കുമെന്ന വാര്ത്ത നിഷേധിച്ച് ദേവസ്വം മന്ത്രി കടകംപള്ളി സുരേന്ദ്രന്. ശബരിമലയിലെ നിലവിലെ സ്ഥിതിയില് മാറ്റം വരുത്താന് ആലോചിച്ചിട്ടില്ലെന്ന് മന്ത്രി പറഞ്ഞു. ഭരണത്തിനായി അതോറിറ്റി രൂപീകരിക്കാന് സര്ക്കാര് തീരുമാനിച്ചിട്ടില്ല. കോടതിയില് ഇത്തരം സത്യവാങ്മൂലം നല്കിയിട്ടില്ലെന്നും വാര്ത്തയ്ക്ക് ആധാരമായ വിവരമെന്തെന്ന് പരിശോധിക്കുമെന്നും മന്ത്രി പറഞ്ഞു. ശബരിമലയ്ക്കായി നിയമം നിർമിക്കുമെന്ന് സംസ്ഥാന സർക്കാർ സുപ്രീം കോടതിയിൽ അറിയിച്ചതായാണ് വാർത്തവന്നത്. ഭരണകാര്യങ്ങൾക്കായാണ് നിയമനിർമാണമെന്നും പറയുന്നു. നിലവിൽ തിരുവിതാംകൂർ ദേവസ്വംബോർഡിനു കീഴിലാണ് ശബരിമല ക്ഷേത്രം.
Read Moreശാസ്ത്രജ്ഞരുടെ അർപ്പണബോധം എല്ലാവർക്കും പ്രചോദനം; ഇസ്റോ ശാസ്ത്രജ്ഞരെ അഭിനന്ദിച്ച് മുഖ്യമന്ത്രി
തിരുവനന്തപുരം: ചന്ദ്രയാൻ 2 ദൗത്യത്തിനു പിന്നിൽ പ്രവർത്തിച്ച എല്ലാ ശാസ്ത്രജ്ഞരേയും അഭിനന്ദിക്കുന്നതായി മുഖ്യമന്ത്രി പിണറായി വിജയൻ. ശാസ്ത്രജ്ഞരുടെ അർപ്പണബോധം എല്ലാവർക്കും പ്രചോദനമാണ്. എല്ലാ ശാസ്ത്രജ്ഞരെയും അഭിനന്ദിക്കുന്നതായി മുഖ്യമന്ത്രി പറഞ്ഞു.
Read Moreക്വാറികൾ തുടങ്ങാൻ സർക്കാർ ഒത്താശ; സർക്കാർ നീക്കത്തിന് പിന്നിൽ വൻ അഴിമതിയും തീവെട്ടിക്കൊള്ളയെന്ന് ചെന്നിത്തല
തിരുവനന്തപുരം: പുതിയ ക്വാറികൾ തുടങ്ങാൻ സംസ്ഥാന സർക്കാർ ഒത്താശ ചെയ്യുന്നുവെന്ന് പ്രതിപക്ഷ നേതാവ് രമേശ് ചെന്നിത്തല. ക്വാറികൾക്കായി 1964ലെ ഭൂമി പതിവ് ചട്ടത്തിൽ സർക്കാർ ഭേദഗതി വരുത്തി. പട്ടയ ഭൂമിയിൽ ക്വാറികൾക്ക് അനുമതി നൽകാനാണ് ഭേദഗതി വരുത്തിയതെന്നും വാർത്താസമ്മേളനത്തിൽ ചെന്നിത്തല ആരോപിച്ചു. സർക്കാർ നീക്കത്തിന് പിന്നിൽ വൻ അഴിമതിയും തീവെട്ടിക്കൊള്ളയുമാണ്. 2019 മാര്ച്ച് അഞ്ചിന് മന്ത്രിസഭായോഗത്തിൽ വ്യവസായ മന്ത്രിയാണ് വിഷയം അവതരിപ്പിച്ചത്. റവന്യൂ മന്ത്രിയെ ഇരുട്ടിൽ നിർത്തിയാണ് മന്ത്രിസഭ യോഗത്തിൽ വ്യവസായ മന്ത്രി ഇക്കാര്യം കൊണ്ടുവന്നത്. 48 മണിക്കൂറിനകം ഉത്തരവ് ഇറങ്ങിയതും സംശയാസ്പദമാണെന്നും ചെന്നിത്തല പറഞ്ഞു. കേരളത്തിലെ ഏറ്റവും വലിയ കൊള്ളയ്ക്ക് സർക്കാർ നേതൃത്വം നൽകിയത്. ഇക്കാര്യത്തിൽ സിപിഐയും റവന്യൂമന്ത്രിയും നിലപാട് വ്യക്തമാക്കണം. മഹാപ്രളയത്തിന് ശേഷം 119 ക്വാറികൾക്ക് സർക്കാർ അനുമതി. ഇക്കാര്യത്തിൽ സമഗ്ര അന്വേഷണം വേണം. ഫയൽ പുറത്തുവിടാൻ സർക്കാർ തയാറാകണമെന്നും പ്രതിപക്ഷ നേതാവ് ആവശ്യപ്പെട്ടു.
Read Moreപിഎസ്സി പരീക്ഷാ തട്ടിപ്പ്; ഗോകുലിന് ചോദ്യപേപ്പർ പുറത്തു നൽകിയതു വിദ്യാർഥിയെന്നു സംശയം; പോലീസിന്റെ കണ്ടെത്തൽ ഇങ്ങനെ…
തിരുവനന്തപുരം:പിഎസ്സി പോലീസ് കോണ്സ്റ്റബിൾ പരീക്ഷയിലെ ചോദ്യപേപ്പർ പരീക്ഷാ സമയത്തു ഹാളിലുണ്ടായിരുന്ന വിദ്യാർഥിയാണു പുറത്തുനൽകിയതെന്നു പോലീസിനു വിവരം ലഭിച്ചതായി സൂചന. ഈ വിദ്യാർഥി തന്നെയാണ് കേസിൽ പ്രതിയായ പോലീസുകാരൻ ഗോകുലിനു ചോദ്യപേപ്പർ എത്തിച്ചുകൊടുത്തതെന്നാണു പോലീസ് സംശയിക്കുന്നത്. ഇതുമായി ബന്ധപ്പെട്ടുള്ള കൂടുതൽ അന്വേഷണം നടക്കുകയാണ്. പരീക്ഷ തുടങ്ങിയതിനു തൊട്ടുപിന്നാലെ യൂണിവേഴ്സിറ്റി കോളജിൽ നിന്ന് ഏകദേശം 24 വയസ് പ്രായം തോന്നിക്കുന്ന ഒരു ചെറുപ്പക്കാരൻ ഗോകുലിന്റെയും സഫീറിന്റെയും കൈയിൽ ചോദ്യപേപ്പർ എത്തിച്ചു നൽകിയെന്നുമുള്ള വിവരമാണ് ഇപ്പോൾ പുറത്തുവരുന്നത്. പരീക്ഷാ ചോദ്യങ്ങൾക്കുള്ള ഉത്തരം ഇന്റർനെറ്റിൽനിന്നും മറ്റും കണ്ടെത്തി എസ്എംഎസായി മൂന്നു പേർക്കും അയച്ചു നൽകിയെന്നാണ് കഴിഞ്ഞ ചോദ്യം ചെയ്യലിൽ ഗോകുൽ പോലീസിനോടു പറഞ്ഞത്. എന്നാൽ, ആരാണു തനിക്ക് ചോദ്യപേപ്പർ എത്തിച്ചുനൽകിയതെന്നു ഗോകുലിന് അറിയില്ല, മുഖം കണ്ടാൽ അറിയാമെന്നാണു ഗോകുൽ പോലീസിനോട് പറഞ്ഞിരിക്കുന്നത്. കേസിലെ മറ്റൊരു പ്രതിയായ പ്രണവിന്റെ നിർദേശപ്രകാരമാണ് ചെറുപ്പക്കാരൻ ചോദ്യപേപ്പർ എത്തിച്ചു…
Read Moreകനത്ത ജലപ്രവാഹം; പീച്ചി ഡാമിന്റെ ഷട്ടറുകൾ കൂടുതൽ ഉയർത്തി; അരുവിക്കര, നെയ്യാർ ഡാമിന്റെയും ഷർട്ടറുകൾ ഉയർത്തി
അരുവിക്കര ഡാമിന്റെ ഷട്ടറുകൾ ഉയർത്തി തിരുവനന്തപുരം: അരുവിക്കര ഡാമിന്റെ ഷട്ടറുകള് 50 സെന്റിമീറ്റര് കൂടി ഉയർത്തി. നേരത്തെ ഓരോ ഷട്ടറുകളും 50 സെന്റിമീറ്റര് വീതം ഉയർത്തിയിരുന്നു. ഷട്ടർ ഉയർത്തിയതിനാൽ കരമനയാറിന്റെ തീരത്തുള്ളവർ ജാഗ്രത പാലിക്കണമെന്നും ഇനിയൊരറിയിപ്പുണ്ടാകുന്നതുവരെ ജനങ്ങൾ നദിയിലിറങ്ങരുതെന്നും ജില്ലാ ഭരണകൂടം മുന്നറിയിപ്പ് നൽകി. 110.5 അടിയാണ് അണക്കെട്ടിന്റെ പരമാവധി സംഭരണ ശേഷി. പീച്ചി ഡാമിന്റെ ഷട്ടറുകൾ കൂടുതൽ ഉയർത്തി തൃശൂർ: കനത്ത മഴയെത്തുടർന്നു അണക്കെട്ടിലെ ജലനിരപ്പ് ഉയർന്നതിനാൽ പീച്ചി ഡാമിന്റെ തുറന്നിരിക്കുന്ന ഷട്ടറുകൾ കൂടുതൽ ഉയർത്തി. ഡാമിന്റെ നാലു ഷട്ടറുകൾ 20 സെന്റീമീറ്റർ വീതമാണ് ഉയർത്തിയത്. പീച്ചിയുടെ പരമാവധി സംഭരണ ശേഷി 79.25 മീറ്ററാണ്. വൃഷ്ടി പ്രദേശങ്ങളിൽ കനത്ത മഴ തുടരുന്നതിനാൽ അണക്കെട്ടിലേക്ക് നീരൊഴുക്ക് ശക്തമാണ്. പീച്ചിക്കൊപ്പം വാഴാനി ഡാമിൽ തുറന്നിരിക്കുന്ന ഷട്ടറുകൾ കൂടുതൽ ഉയർത്തുന്നുണ്ട്. വരന്തരപ്പിള്ളി പഞ്ചായത്തിലെ ചിമ്മിനി അണക്കെട്ടിന്റെ രണ്ടു ഷട്ടറുകൾ ഇന്ന്…
Read Moreപ്രളയദുരിതാശ്വാസ ക്യാമ്പുകളില് താമസിക്കുന്നവർക്ക് ഓണക്കോടിയുമായി കേരള സർക്കാർ
തിരുവനന്തപുരം: പ്രളയദുരിതാശ്വാസ ക്യാമ്പുകളില് നിലവില് താമസിക്കുന്നവര്ക്ക് ഓണക്കോടി. മന്ത്രിസഭാ യോഗത്തിന്റേതാണ് തീരുമാനം. ഓണക്കോടിക്കുള്ള തുക മുഖ്യമന്ത്രിയുടെ ദുരിതാശ്വാസനിധിയില് നിന്ന് അനുവദിക്കും.60 വയസിനു മുകളില് പ്രായമുള്ള പട്ടികവര്ഗ വിഭാഗക്കാര്ക്കും സൗജന്യമായി ഓണക്കോടി വിതരണം ചെയ്യും.
Read Moreകേരളത്തിൽ കനത്ത മഴയ്ക്ക് സാധ്യത; 6 മുതൽ 9 വരെ സംസ്ഥാനത്തെ വിവിധ ജില്ലകളിൽ യെല്ലോ അലർട്ട്
തിരുവനന്തപുരം: സംസ്ഥാനത്ത് ചില ജില്ലകളിൽ കനത്ത മഴയ്ക്ക് സാധ്യതയുണ്ടെന്ന് മുന്നറിയിപ്പ്. ഇതേത്തുടർന്നു വിവിധ ജില്ലകളില് കേന്ദ്ര കാലാവസ്ഥ നിരീക്ഷണ കേന്ദ്രം യെല്ലോ അലര്ട്ട് പ്രഖ്യാപിച്ചു. ഒറ്റതിരിഞ്ഞു ശക്തമായ മഴയ്ക്ക് സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണം. ജില്ലയിലെ കൺട്രോൾ റൂം താലൂക്ക് അടിസ്ഥാനത്തിൽ മഴയുടെ സാഹചര്യം നിരന്തരമായി വിലയിരുത്തേണ്ടതുമാണെന്നും നിർദേശം നൽകിയിട്ടുണ്ട്. യെല്ലോ അലര്ട്ട് പ്രഖ്യാപിച്ചിട്ടുള്ള ജില്ലകൾ സെപ്റ്റംബർ ആറ്- ആലപ്പുഴ, എറണാകുളം, ഇടുക്കി, തൃശൂർ, പാലക്കാട്, മലപ്പുറം, കോഴിക്കോട്, കണ്ണൂർ, കാസർഗോഡ്. സെപ്റ്റംബർ ഏഴ്- മലപ്പുറം, കോഴിക്കോട്, കണ്ണൂർ, കാസർഗോഡ് സെപ്റ്റംബർ എട്ട്- മലപ്പുറം, കോഴിക്കോട്, കണ്ണൂർ, കാസർഗോഡ്. സെപ്റ്റംബർ ഒമ്പത്- കോഴിക്കോട്, കണ്ണൂർ, കാസർഗോഡ്.
Read Moreനിയുക്ത ഗവർണർ ആരിഫ് മുഹമ്മദ് ഖാന് ഊഷ്മളമായ വരവേൽപ്പ്; കേരളത്തിന്റെ 22-മത്തെ ഗവർണറായി നാളെ സത്യപ്രതിജ്ഞ
തിരുവനന്തപുരം: തിരുവനന്തപുരത്തെത്തിയ നിയുക്ത ഗവർണർ ആരിഫ് മുഹമ്മദ് ഖാന് ഉൗഷ്മളമായ വരവേൽപ്പ്. ഇന്ന് രാവിലെ 8.45 -ഓടെ തിരുവനന്തപുരം വിമാനത്താവളത്തിൽ എയർഫോഴ്സിന്റെ ടെക്നിക്കൽ ഏരിയയിൽ എത്തിയ അദ്ദേഹത്തിന് പോലീസ് സേനാംഗങ്ങൾ ഉൾപ്പെടെ ഒൗദ്യോഗിക സ്വീകരണം നൽകി. മന്ത്രിമാരായ കടകംപള്ളി സുരേന്ദ്രൻ, കടന്നപ്പള്ളി രാമചന്ദ്രൻ, എ.കെ.ബാലൻ, കെ.ടി ജലീൽ , സംസ്ഥാന പോലീസ് മേധാവി ലോക്നാഥ് ബെഹ്റ, ചീഫ് സെക്രട്ടറി ടോം ജോസ് ഉൾപ്പെടെയുള്ളവർ അദ്ദേഹത്തെ സ്വീകരിക്കാൻ വിമാനത്താവളത്തിലെത്തിയിരുന്നു. നാളെ രാവിലെ പതിനൊന്നരയ്ക്ക് കേരളത്തിന്റെ 22-മത്തെ ഗവർണറായി അദ്ദേഹം സത്യപ്രതിജ്ഞ ചെയ്ത് അധികാരമേൽക്കും. ഹൈക്കോടതി ചീഫ് ജസ്റ്റിസ് സത്യവാചകം ചൊല്ലി കൊടുക്കും. ഉത്തർ പ്രദേശ് സ്വദേശിയായ ആരിഫ് മുഹമ്മദ് ഖാൻ മുൻ കേന്ദ്രമന്ത്രി കൂടിയായിരുന്നു. ജസ്റ്റിസ് പി.സദാശിവം കേരള ഗവർണർ സ്ഥാനത്ത് നിന്നും വിരമിച്ചതിനെ തുടർന്നാണ് കേന്ദ്രസർക്കാർ ആരിഫ് മുഹമ്മദ് ഖാനെ പുതിയ ഗവർണറായി നിയമിച്ചത്.
Read Moreപാലാ തെരഞ്ഞെടുപ്പിനെ യുഡിഎഫ് ഒറ്റക്കെട്ടായി നേരിടും; തർക്കങ്ങൾ ഇന്ന് പരിഹരിക്കുമെന്ന് എംഎം ഹസ്സൻ
തിരുവനന്തപുരം: പാലാ ഉപതെരഞ്ഞെടുപ്പ് ചിഹ്നത്തെക്കുറിച്ചുള്ള തർക്കങ്ങൾ ഇന്ന് പരിഹരിക്കുമെന്ന് മുൻ കെപിസിസി പ്രസിഡന്റ് എം.എം.ഹസ്സൻ. പ്രതിപക്ഷ നേതാവ് രമേശ് ചെന്നിത്തല കേരളാ കോണ്ഗ്രസ് എമ്മിലെ ഇരുവിഭാഗം നേതാക്കളുമായി ചർച്ച ചെയ്ത് ധാരണയിലെത്തുമെന്നും അദ്ദേഹം വ്യക്തമാക്കി. തെരഞ്ഞെടുപ്പിനെ യുഡിഎഫ് ഒറ്റക്കെട്ടായി നേരിടും. യുഡിഎഫ് സ്ഥാനാർഥിയെ പിന്തുണയ്ക്കുമെന്ന് പി.ജെ.ജോസഫും വ്യക്തമാക്കിയിട്ടുണ്ട്. തർക്കങ്ങൾ ഉടൻ തന്നെ പരിഹരിക്കുമെന്നും ഹസ്സൻ രാഷ്ട്രദീപികയോട് പറഞ്ഞു.
Read More