തിരുവനന്തപുരം: ആറ്റിങ്ങൽ ലോക്സഭാ മണ്ഡലത്തിൽപ്പെട്ട പള്ളിക്കലിൽ ബിജെപി സ്ഥാനാർത്ഥി ശോഭാസുരേന്ദ്രന്റെ പര്യടന വാഹനം തടഞ്ഞെന്ന പരാതിയിൽ സിപിഎം പ്രവർത്തകർക്കെതിരെ പോലീസ് കേസെടുത്തു. പള്ളിയ്ക്കൽ പോലീസാണ് കേസെടുത്തത്. കഴിഞ്ഞ ദിവസം പള്ളിയ്ക്കലിൽ വച്ച് ശോഭാ സുരേന്ദ്രന്റെ പര്യടന വാഹനം സിപിഎം പ്രവർത്തകർ തടഞ്ഞ് നിർത്തി ശോഭാ സുരേന്ദ്രനെ അസഭ്യം വിളിച്ചെന്ന് കാട്ടി ബിജെപി നേതാക്കൾ പോലീസിൽ പരാതി നൽകിയിരുന്നു. പരാതിയിൽ പോലീസ് കേസെടുക്കാത്തതിൽ പ്രതിഷേധിച്ച് ഇന്നലെ ശോഭാസുരേന്ദ്രനും ബിജെപി നേതാക്കളും ആറ്റിങ്ങൽ ഡിവൈഎസ്പി ഓഫീസിന് മുന്നിൽ ധർണ നടത്തിയിരുന്നു. പ്രതികൾക്കെതിരെ കേസെടുക്കുമെന്ന് ഡിവൈഎസ്പി ഉറപ്പ് നൽകിയതിന്റെ അടിസ്ഥാനത്തിലാണ് സമരം പിൻവലിച്ചത്.
Read MoreCategory: TVM
ഗാനമേളയ്ക്കിടെ കൂട്ടത്തല്ല് ; നിയന്ത്രിക്കാൻ ശ്രമിച്ച പോലീസുകാരെ ആക്രമിച്ചു; എട്ടുപേർ അറസ്റ്റിൽ
വിഴിഞ്ഞം: ഗാനമേളക്കിടെ നടന്ന കൂട്ടത്തല്ല് നിയന്ത്രിക്കാൻ ശ്രമിച്ച പോലീസുകാരെ സംഘം ചേർന്ന് ആക്രമിച്ചു. എട്ട് പോലീസുകാർക്ക് പരിക്കേറ്റു. ജീപ്പ് അടിച്ച് തകർത്തു. അൻപതോളം പേർക്കെതിരെ കേസെടുത്ത വിഴിഞ്ഞം പോലീസ് എട്ട് പേരെ അറസ്റ്റ് ചെയ്തു. വിഴിഞ്ഞം സ്റ്റേഷനിലെ എ എസ് ഐ രാജൻ, സിപിഒമാരായ കൃഷ്ണകുമാർ ,മനോജ്, അജികുമാർ, സന്തോഷ്, സുധീർ, രതീഷ്, ഹോം ഗാർഡ് മിൽക്കിസ ബേക്ക് എന്നിവർക്കാണ് പരിക്കേറ്റത്. ഇന്നലെ രാത്രി പന്ത്രണ്ടോടെ വിഴിഞ്ഞം മുല്ലൂർ ഭദ്രകാളി ദേവി ക്ഷേത്രത്തിലെ ഗാനമേളക്കിടെയാണ് സംഘർഷം. ഗാനമേള നടക്കുന്നതിനിടയിൽ ഒരു സംഘം യുവാക്കൾ സ്ത്രീകൾ ഇരിക്കുന്ന സ്ഥലത്ത് കയറി ഡാൻസ് കളിക്കാൻ ശ്രമിച്ചതാണ് പ്രശ്നങ്ങൾക്ക് വഴിതെളിച്ചത്. ഇത് തടയാനെത്തിയ ഡ്യൂട്ടിയിലുണ്ടായിരുന്ന പോലീസുകാരെ സംഘം കൈയേറ്റം ചെയ്തത് പ്രശ്നം രൂക്ഷമാക്കി.ഇതിനിടയിൽ വിവരമറിഞ്ഞ് വിഴിഞ്ഞം സ്റ്റേഷനിൽ നിന്ന് കൂടുതൽ പോലീസെത്തി പ്രശ്നക്കാരനായ ഒരാളെ പിടികൂടി ജീപ്പിൽ കയറ്റാൻ ശ്രമം നടത്തി.…
Read Moreപ്രധാനമന്ത്രി നരേന്ദ്രമോദി ഇന്ന് തിരുവനന്തപുരത്ത്; നാല് ജില്ലകളിലെ ഇലക്ഷൻ സമ്മേളനങ്ങൾ പങ്കെടുക്കും
തിരുവനന്തപുരം: ലോക്സഭാ തെരഞ്ഞെടുപ്പ് പ്രചാരണത്തിനായി പ്രധാനമന്ത്രി നരേന്ദ്രമോദി ഇന്ന് തലസ്ഥാനത്തെത്തും. ഇന്നു രാത്രി 7.40ന് ആന്ധ്രപ്രദേശിൽനിന്ന് പ്രത്യേക വിമാനത്തിൽ എയർഫോഴ്സ് ടെക്നിക്കൽ ഏരിയയിൽ ഇറങ്ങുന്ന പ്രധാനമന്ത്രി രാത്രി 8ന്സെൻട്രൽ സ്റ്റേഡിയത്തിലെ പൊതുസമ്മേളനത്തിൽ സംസാരിക്കും. തിരുവനന്തപുരം, ആറ്റിങ്ങൽ, കൊല്ലം, പത്തനംതിട്ട, ആലപ്പുഴ പാർലമെന്റ് മണ്ഡലങ്ങളിലെ എൻഡിഎ സ്ഥാനാർത്ഥികള് യോഗത്തിൽ പങ്കെടുക്കും. രാത്രി 9.20ന് പ്രധാനമന്ത്രി തിരികെ ഡൽഹിക്ക് മടങ്ങും. തെരഞ്ഞെടുപ്പ് പ്രചാരണത്തിന്റെ ഭാഗമായി ഇത് രണ്ടാം തവണയാണ് നരേന്ദ്രമോദി കേരളത്തിലെത്തുന്നത്. കോഴിക്കോടായിരുന്നു ആദ്യത്തെ പ്രചാരണ പരിപാടി.
Read Moreനവജാത ശിശുവിനെതിരേ വർഗീയ പരാമർശം; പോലീസ് കേസെടുത്തു; ബിനിലിന്റെ ഫോസ്ബുക്ക് പോസ്റ്റ് ഇങ്ങനെ…
തിരുവനന്തപുരം: ഹൃദയ ശസ്ത്രക്രിയ ആവശ്യമുള്ള കാസർഗോട്ടെ ദന്പതികളുടെ പതിനഞ്ച് ദിവസം മാത്രം പ്രായമായ നവജാത ശിശുവിനെതിരേ വർഗീയ പരാമർശം നടത്തിയ ഹിന്ദു രാഷ്ട്ര സേവകനെതിരേ പോലീസ് കേസെടുത്തു. അഭിഭാഷകനായ ശ്രീജിത്ത് പെരുമന ഡിജിപിക്ക് നൽകിയ പരാതിയുടെ അടിസ്ഥാനത്തിലാണ് കേസെടുത്തിരിക്കുന്നത്. ഇയാൾക്കെതിരേ കേസെടുക്കാൻ ഡിജിപിക്ക് മുഖ്യമന്ത്രിയുടെ ഓഫീസിൽ നിന്നും നിർദ്ദേശം ലഭിക്കുകയും ചെയ്തു. ഹിന്ദു രാഷ്ട്ര സേവകനായ ബിനിൽ സോമസുന്ദരം എന്നയാളാണ് നവജാത ശിശുവിനെതിരേ വർഗീയ വിഷം ചീറ്റുന്ന വാക്കുകൾ ഫേസ്ബുക്കിൽ കുറിച്ചത്. ഹൃദയശസ്ത്രക്രിയയ്ക്കായി കൊച്ചിയിലെ അമൃത ആശുപത്രിയിൽ എത്തിച്ച കുട്ടിയെ ജിഹാദിയുടെ വിത്ത് എന്നാണ് ഇയാൾ വിശേഷിപ്പിച്ചത്. പോസ്റ്റിനെതിരേ വ്യാപക പ്രതിഷേധമാണ് നവമാധ്യമങ്ങളിൽ ഉയർന്നത്. പ്രതിഷേധം ഉയർന്നതോടെ കാര്യങ്ങൾ കൈവിട്ടുവെന്ന് മനസിലാക്കിയ ബിനിൽ പോസ്റ്റ് പിൻവലിച്ചു. തന്റെ ഫേസ്ബുക്ക് അക്കൗണ്ട് ആരോ ഹാക്ക് ചെയ്തെന്നാണ് ഇയാളുടെ പുതിയ വിശദീകരണം.
Read Moreമസാല ബോണ്ട്: മുഖ്യമന്ത്രി വിവരങ്ങൾ പരസ്യപ്പെടുത്തണമെന്ന് ചെന്നിത്തല
തിരുവനന്തപുരം: മസാല ബോണ്ടുമായി ബന്ധപ്പെട്ട വിവരങ്ങളെല്ലാം പരസ്യപ്പെടുത്താൻ മുഖ്യമന്ത്രി തയാറാകണമെന്ന് പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു. ഇക്കാര്യം ആവശ്യപ്പെട്ട് അദ്ദേഹം മുഖ്യമന്ത്രിക്ക് കത്ത് നൽകി. മസാല ബോണ്ടുമായി ബന്ധപ്പെട്ട വിവരങ്ങൾ രഹസ്യമായി സൂക്ഷിക്കാൻ സർക്കാർ എന്തിനാണ് ശ്രമിക്കുന്നത്. ഇതുമായി ബന്ധപ്പെട്ട ഫയലുകൾ പ്രതിപക്ഷ എംഎൽഎമാരുടെ സംഘത്തെ കാണിച്ച് ബോധ്യപ്പെടുത്താൻ തയാറാകണമെന്നും കത്തിൽ പ്രതിപക്ഷ നേതാവ് ആവശ്യപ്പെട്ടിട്ടുണ്ട്.
Read Moreവിദേശ പണമിടപാട് സ്ഥാപനങ്ങളിലെ മോഷണം: വിദേശ ദമ്പതികൾ അറസ്റ്റിൽ
ആറ്റിങ്ങൽ: വിദേശ പണമിടപാട് സ്ഥാപങ്ങളിൽ വിദേശ കറൻസി മാറാനെന്ന വ്യാജേന എത്തി സ്ഥാപത്തിലെ ജീവനക്കാരുടെ ശ്രദ്ധ തിരിച്ച് വിദേശ കറൻസികളും ഇന്ത്യൻ രൂപയും മോഷ്ടിച്ച ഇറാനിയൻ സ്വദേശികളായ ദമ്പതികൾ അറസ്റ്റിൽ. സെറാജുദീൻ ഹൈദർ (57) ,ഇയാളുടെ ഭാര്യ ഹെൻഡാരി ഹൊസ്ന (53) എന്നിവരാണ് അറസ്റ്റിലായത്. ആറ്റിങ്ങൽ ചിറയിൻകീഴ് റോഡിൽ സുനിൽകുമാറിന്റെ ഉടമസ്ഥതയിൽ ഉള്ള വി.എസ്.അസോസിയേറ്റ്സ് എന്ന സ്ഥാപനത്തിൽ നിന്നും 2018 സെപ്തംബർ മാസം 17 ന് 1 55 000 ഇന്ത്യൻ രൂപക്ക് തുല്യമായ സൗദി റിയാലും കുവൈറ്റ് ദിനാറും മോഷണം ചെയ്തതുമായി ബന്ധപ്പെട്ട് ആറ്റിങ്ങൽ പോലീസ് നടത്തിയ അന്വേഷണത്തിലാണ് പ്രതികൾ അറസ്റ്റിൽ ആകുന്നത്. സ്ഥാപനത്തിലെ സിസിടിവി ദൃശ്യങ്ങളിൽ നിന്നും പോലീസിന് വിദേശികളുടെ ചിത്രങ്ങൾ ലഭിച്ചിരുന്നു. ഇവ സംസ്ഥാനത്തിനകത്തും പുറത്തും ഉള്ള എയർപോർട്ടിന് സമീപത്തും റെയിൽവേ സ്റ്റേഷനുകളിലും ഹോട്ടലുകളിലും വിനോദ സഞ്ചാര കേന്ദ്രങ്ങളിലും പതിക്കുകയും സാമൂഹ്യ മാധ്യമങ്ങളിലൂടെ…
Read Moreപത്തനംതിട്ടയിലെ പി.ജെ കുര്യന്റെ പരിഭാഷ; എന്താണ് പറ്റിയതെന്ന് രാഹുൽ; എഐസിസിക്ക് അതൃപ്തി
എം.ജെ ശ്രീജിത്ത് തിരുവനന്തപുരം: പത്തനംതിട്ടയിൽ നടന്ന തെരഞ്ഞെടുപ്പ് റാലിയിൽ പ്രസംഗം പരിഭാഷപ്പെടുത്തിയതിൽ ഉണ്ടായ അപാകതയിൽ രാഹുൽ ഗാന്ധിക്ക് കടുത്ത നീരസം. പത്തനംതിട്ടയിൽ രാഹുൽ ഗാന്ധിയുടെ പ്രസംഗം പരിഭാഷപ്പെടുത്തിയത് മുൻ രാജ്യസഭാ ഉപാദ്ധ്യക്ഷനും മുതിർന്ന കോൺഗ്രസ് നേതാവുമായ പി.ജെ കുര്യനാണ്. രാഹുലിന്റെ പ്രസംഗം പരിഭാഷപ്പെടുത്തിയതിൽ തെറ്റുകൾ കടന്നു കൂടുകയും പ്രസംഗം പലപ്പോഴും തുടരാൻ പറ്റാത്ത തരത്തിൽ ഇടയ്ക്ക് നിർത്തേണ്ട അവസ്ഥ ഉണ്ടാവുകയും ചെയ്തു. പലപ്പോഴും പ്രസംഗിച്ചത് എന്താണെന്ന് പിജെ കുര്യൻ രാഹുലിനോട് ആവർത്തിച്ച് ചോദിക്കുന്നുണ്ടായിരുന്നു. വേദിയിൽ വച്ചു തന്നെ ഇത് എന്താണെന്ന് മറ്റുള്ളവരോട് രാഹുൽ ചോദിക്കുകയും ചെയ്തിരുന്നു. ഇതിന്റെ വീഡിയോ സോഷ്യൽ മീഡിയയിലൂടെ ലോകമെങ്ങും വൈറലായി. സംഭവം കോൺഗ്രസിന് വലിയ നാണക്കേടാണ് ഉണ്ടാക്കിയിരിക്കുന്നത്. പത്തനംതിട്ടയിൽ കൂടാതെ പത്താനപുരത്തും ആലപ്പുഴയിലും തിരുവനന്തപുരത്തുമാണ് രാഹുൽ പ്രസംഗിച്ചത്. ആലപ്പുഴയിൽ ഡി.സി.സി പ്രസിഡന്റ് എം ലിജുവും പത്തനാപുരത്തും തിരുവനന്തപുരത്തും കോൺഗ്രസ് നേതാവ് ഡി വിജയകുമാറിന്റെ…
Read Moreത്രാസ് പൊട്ടിയ സംഭവം വിഷുദിനത്തിലെ അത്ഭുതം: ശശി തരൂർ
തിരുവനന്തപുരം: തുലാഭാരത്തിനിടെ ത്രാസ് പൊട്ടി തലയിൽ വീണിട്ടും ഒപ്ടിക് ഞരമ്പുകള്ക്കും തലച്ചോറിനും അപകടമുണ്ടാകാത്തത് വിഷു ദിനത്തിലെ യഥാര്ത്ഥ അത്ഭുതമെന്നും ഗാന്ധാരിയമ്മൻ ദേവിക്ക് നന്ദി പറയുന്നുവെന്നും യുഡിഎഫ് സ്ഥാനാര്ത്ഥി ശശി തരൂര്. ട്വിറ്ററിലാണ് ശശി തരൂർ ഇങ്ങനെ അഭിപ്രായപ്പെട്ടത്. ഇന്നലെയാണ് ഗാന്ധാരിയമ്മൻ കോവിലിൽ തുലാഭാരത്തിനിടെ ത്രാസ് പൊട്ടിവീണ് ശശി തരൂരിന് പരിക്കേറ്റത്. അതേസമയം ശശി തരൂരിന്റെ ആരോഗ്യനില തൃപ്തികരമാണെന്ന് മെഡിക്കൽ കോളേജ് ആശുപത്രി അധികൃതർ അറിയിച്ചു. തലവേദനയുള്ളതിനാലും രക്തം കട്ടപിടിക്കാതിരിക്കാനുള്ള മരുന്ന് പതിവായി കഴിക്കുന്നതിനാലും അദ്ദേഹം ന്യൂറോ സർജറി ഐസിയുവിൽ നിരീക്ഷണത്തിലാണ്. തലയിലെ മുറിവിൽ ആറ് തയ്യൽ ഉണ്ട്. എന്നാൽ ആരോഗ്യനില തൃപതികരമാണ്. ചൊവ്വാഴ്ച വിശദമായ പരിശോധന നടത്തിയ ശേഷം ചികിത്സ തുടരുന്നതു സംബന്ധിച്ച് തീരുമാനമെടുക്കുമെന്ന് മെഡിക്കൽ കോളേജ് ആശുപത്രി സൂപ്രണ്ട് ഡോ എം എസ് ഷർമ്മദ് അറിയിച്ചു. ആരോഗ്യനിലയിൽ പുരോഗതി ഉണ്ടായാൽ വൈകുന്നേരം മുതൽ ശശി തരൂർ…
Read Moreഅയ്യന്റെ പേര് പറയും, കഴിയുമെങ്കിൽ നടപടിയെടുക്കൂ; മീണയെ വെല്ലുവിളിച്ച് ശോഭ
തിരുവനന്തപുരം: മുഖ്യ തെരഞ്ഞെടുപ്പ് ഓഫീസർ ടിക്കാറാം മീണയെ വെല്ലുവിളിച്ച് ആറ്റിങ്ങൽ മണ്ഡലത്തിലെ എൻഡിഎ സ്ഥാനാർഥി ശോഭ സുരേന്ദ്രൻ. അയ്യന്റെ പേര് പറഞ്ഞാൽ നടപടി എടുക്കുമെങ്കിൽ തനിക്കെതിരെ നടപടി എടുക്കട്ടെ എന്ന് ശോഭാ സുരേന്ദ്രൻ വെല്ലുവിളിച്ചു. ടിക്കാറാം മീണ മുഖ്യമന്ത്രി പിണറായി വിജയന്റെ ഓഫീസിന്റെയും എകെജി സെന്ററിന്േറയും ജോലിയാണ് എടുക്കുന്നത്. എൻഡിഎ അത് അനുവദിക്കില്ല. എല്ലാ തെരഞ്ഞെടുപ്പ് പ്രചാരണ പരിപാടികളിലും അയ്യന്റെ പേര് പറയും. അയ്യന്റെ പേര് പറഞ്ഞാൽ നടപടി എടുക്കുമെങ്കിൽ തനിക്കെതിരെ നടപടി എടുക്കട്ടെ- ശോഭ സുരേന്ദ്രൻ വെല്ലുവിളിച്ചു. ശബരിമല തെരഞ്ഞെടുപ്പ് പ്രചരണ വിഷയമാക്കരുതെന്ന് ആവർത്തിച്ച് ടിക്കാറാം മീണ രംഗത്തെത്തിയിരുന്നു. ദൈവത്തിന്റെ പേരു പറഞ്ഞു വോട്ടു പിടിക്കരുതെന്നാണു പെരുമാറ്റച്ചട്ടമെന്നും അക്കാര്യം വീണ്ടും ആവർത്തിക്കേണ്ട കാര്യമില്ലെന്നും അദ്ദേഹം പറഞ്ഞു.
Read Moreബാബുപോളിന്റെ മരണത്തിലൂടെ നഷ്ടമായത് സമൂഹത്തിൽ ജാഗ്രതയോടെ ഇടപെട്ട സാംസ്കാരിക പ്രവർത്തകനെയെന്ന് മുഖ്യമന്ത്രി
തിരുവനന്തപുരം: സമൂഹത്തിലെ ചലനങ്ങൾ ജാഗ്രതയോടെ നിരീക്ഷിക്കുകയും ഇടപെടുകയും ചെയ്ത സാംസ്കാരിക പ്രവർത്തകനെയാണ് ബാബു പോളിന്റെ നിര്യാണത്തിലൂടെ നഷ്ടമായതെന്ന് മുഖ്യമന്ത്രി പിണറായി വിജയൻ പറഞ്ഞു. സാംസ്കാരിക മുഖമുള്ള ഉദ്യോഗസ്ഥനായിരുന്നു അദ്ദേഹം. സാമൂഹ്യ പ്രതിബദ്ധതയോടെ സർവീസിൽ പ്രധാന വകുപ്പുകളുടെ ചുമതലകൾ നിർവഹിക്കാൻ അദ്ദേഹത്തിനായി. എഴുത്തുകാരൻ, പ്രഭാഷകൻ എന്നീ നിലകളിലും ശ്രദ്ധേയനായിരുന്ന ബാബുപോളിന്റെ നിര്യാണം കേരളത്തിന്റെ സാമൂഹ്യ സാംസ്കാരിക മേഖലക്ക് കനത്ത നഷ്ടമാണെന്ന് മുഖ്യമന്ത്രി പറഞ്ഞു. ഏറ്റെടുക്കുന്ന ഓരോ രംഗത്തും തന്റേതായ വ്യക്തിമുദ്ര പതിപ്പിച്ചയാളെന്ന് രമേശ് ചെന്നിത്തല തിരുവനന്തപുരം: ഡോ.ഡി ബാബു പോളിന്റെ നിര്യാണത്തിൽ പ്രതിപക്ഷ നേതാവ് രമേശ് ചെന്നിത്തല അനുശോചിച്ചു. ഒരേ സമയം ഔദ്യോഗിക തലത്തിലും സാഹിത്യ സാംസ്കാരിക രംഗങ്ങളിലും വ്യക്തിമുദ്ര പതിപ്പിക്കാൻ കഴിഞ്ഞ അപൂർവം ചിലരിൽ ഒരാളാണ് ഡോ. ഡി ബാബു പോൾ. ഇടുക്കി പോലുള്ള വൻ ജലസേചന പദ്ധതി യാഥാർഥ്യം ആയതിനു പിന്നിൽ ഡോ. ബാബു പോളിന്റെ…
Read More