തിരുവനന്തപുരം: ലോക്സഭാ തിരഞ്ഞെടുപ്പിലെ സ്ഥാനാര്ഥികളെ തീരുമാനിക്കാന് നാലുദിവസം നീളുന്ന സി.പി.എം നേതൃയോഗങ്ങള്ക്ക് ഇന്നു തുടക്കം. ഇന്നും നാളെയും സെക്രട്ടേറിയറ്റും തുടര്ന്നുള്ള രണ്ടുദിവസം സംസ്ഥാനസമിതിയുമാണ് ചേരുക. ആറ്റിങ്ങല്, പാലക്കാട്, ഇടുക്കി, കണ്ണൂര് മണ്ഡലങ്ങളിലെ സിറ്റിങ് എം.പിമാര്ക്ക് വീണ്ടും അവസരം നല്കുമെന്നാണ് സൂചന. ലോക്സഭ തെരഞ്ഞെടുപ്പിൽ സിപിഐയുടെ സ്ഥാനാർത്ഥികളെ ഇന്നലെ തീരുമാനിച്ചു. തിരുവനന്തപുരത്ത് സി.ദിവാകരൻ, തൃശൂരിൽ രാജാജി മാത്യു തോമസ്, മാവേലിക്കരയിൽ ചിറ്റയം ഗോപകുമാർ, വയനാട്ടിൽ പി.പി.സുനീർ എന്നിവർ സ്ഥാനാർത്ഥികളാകും. ഇന്നലെ ചേർന്ന സിപിഐ സംസ്ഥാന സമിതി യോഗമാണ് സ്ഥാനാർത്ഥി പട്ടിക അംഗീകരിച്ചത്.
Read MoreCategory: TVM
ഗവർണർ സ്ഥാനത്ത് കുമ്മനം തുടരുന്നത് കൂട്ടിലടച്ച കിളിയെപ്പോലെയെന്ന് ഒ. രാജഗോപാൽ
തിരുവനന്തപുരം: മിസോറാം ഗവർണർ സ്ഥാനത്ത് കുമ്മനം രാജശേഖരൻ തുടരുന്നത് കൂട്ടിലടച്ച കിളിയേപ്പോലെയാണെന്ന് ബിജെപി നേതാവ് ഒ.രാജഗോപാൽ എംഎൽഎ. ഗവർണർ സ്ഥാനത്ത് തുടരാൻ കുമ്മനത്തിന് താത്പര്യമില്ല. കുമ്മനം വരുന്ന ലോക്സഭാ തെരഞ്ഞെടുപ്പിൽ മത്സരിക്കണമെന്നാണ് തന്റെയും പാർട്ടിയിലെ ഒരു വലിയ വിഭാഗത്തിന്റെയും ആഗ്രഹം. അദ്ദേഹത്തെ മടക്കിക്കൊണ്ടു വരണമെന്ന് പാർട്ടി കേന്ദ്ര നേതൃത്വത്തോട് ആവശ്യപ്പെടുമെന്നും രാജഗോപാൽ പറഞ്ഞു. കുമ്മനം തെരഞ്ഞെടുപ്പിൽ മത്സരിക്കണമെന്ന് നേരത്തെ തന്നെ പാർട്ടിയിൽ ആവശ്യമുയർന്നിരുന്നു. ഇതിനു പിന്നാലെയാണ് പരസ്യപ്രതികരണവുമായി രാജഗോപാൽ രംഗത്തെത്തിയത്.
Read Moreഇന്ത്യയെ വിൽക്കുകയാണ് ബിജെപിയുടെ ലക്ഷ്യമെന്ന് വി.എസ്. അച്യുതാനന്ദൻ
തിരുവനന്തപുരം: ഇന്ത്യയെ വിൽക്കുക എന്നതാണ് ബിജെപിയുടെ ലക്ഷ്യമെന്ന് ഭരണപരിഷ്കാര കമ്മീഷൻ ചെയർമാൻ വി.എസ്. അച്യുതാനന്ദൻ. വിറ്റു കിട്ടുന്ന തുക കൊണ്ട് തെരഞ്ഞെടുപ്പിനെ നേരിടുകയാണ് ബിജെപിയുടെ ലക്ഷ്യമെന്നും വി.എസ് പറഞ്ഞു. തിരുവനന്തപുരം വിമാനത്താവളത്തിന്റെ നടത്തിപ്പാവകാശം അദാനിക്ക് ലഭിക്കാൻ വേണ്ടി മോദി സർക്കാർ വഴിവിട്ട നീക്കങ്ങൾ നടത്തിയെന്നും വി.എസ് കൂട്ടിച്ചേർത്തു. ശത്രുക്കളെ തിരിച്ചടിക്കുന്നത് രാഷ്ട്രീയ നേട്ടം ലക്ഷ്യംവച്ചാകരുതെന്നും അദ്ദേഹം പറഞ്ഞു.
Read Moreലോക്സഭ തെരഞ്ഞെടുപ്പിനുള്ള സിപിഐ സ്ഥാനാർഥി പട്ടികയായി; തിരുവനന്തപുരത്ത് സി.ദിവാകരൻ, തൃശൂരിൽ രാജാജി മാത്യു തോമസ്, മാവേലിക്കരയിലെയും വയനാട്ടിലെയും പേരുകൾ ഇങ്ങനെ…
തിരുവനന്തപുരം: ലോക്സഭ തെരഞ്ഞെടുപ്പിൽ സിപിഐ സ്ഥാനാർഥികളുടെ അന്തിമ പട്ടികയായി. തിരുവനന്തപുരത്ത് സി.ദിവാകരൻ, തൃശൂരിൽ രാജാജി മാത്യു തോമസ്, മാവേലിക്കരയിൽ ചിറ്റയം ഗോപകുമാർ, വയനാട്ടിൽ പി.പി.സുനീർ എന്നിവർ സ്ഥാനാർഥികളാകും. സിപിഐ സംസ്ഥാന സമിതി യോഗമാണ് സ്ഥാനാർഥി പട്ടിക അംഗീകരിച്ചത്. ലോക്സഭാ തെരഞ്ഞെടുപ്പിന് ആദ്യം സ്ഥാനാർഥി പട്ടിക പുറത്തിറക്കിയ പാർട്ടിയായി ഇതോടെ സിപിഐ മാറി. ജില്ലാ നേതൃത്വങ്ങൾ നൽകിയ പട്ടിക പരിശോധിച്ച് സംസ്ഥാന എക്സിക്യൂട്ടീവും കൗണ്സിലുമാണ് അന്തിമ സ്ഥാനാർഥി പട്ടിക നിശ്ചയിച്ചത്. ഇനി കേന്ദ്ര നേതൃത്വം കൂടി പട്ടിക അംഗീകരിക്കേണ്ടതുണ്ട്. സംസ്ഥാന നേതൃത്വം നൽകുന്ന പട്ടിക കേന്ദ്രം തിരുത്തുന്ന സാഹചര്യം കുറവായതിനാൽ സ്ഥാനാർഥി പട്ടിക മാറാൻ സാധ്യത കുറവാണ്. നാല് സ്ഥാനാർഥികളിൽ രണ്ടു പേർ സിറ്റിംഗ് എംഎൽഎമാരാണെന്ന പ്രത്യേകത കൂടിയുണ്ട്. നെടുമങ്ങാട് നിന്നുള്ള എംഎൽഎയാണ് തിരുവനന്തപുരത്തെ സ്ഥാനാർഥി സി.ദിവാകരൻ. അടൂരിനെ പ്രതിനിധീകരിക്കുന്ന ചിറ്റയം ഗോപകുമാറിനെയാണ് മാവേലിക്കര തിരിച്ചുപിടിക്കാൻ സിപിഐ നിയോഗിച്ചിരിക്കുന്നത്.…
Read Moreചിതറ കൊലപാതകം; ഷാജഹാനെ കോൺഗ്രസുകാരനാക്കിയതിന് പിന്നിൽ രാഷ്ട്രീയ ലക്ഷ്യം; ബഷിറിനെ കൊലപ്പെടുത്തിയ പ്രതി സിപിഎമ്മുകാരനെന്ന് സഹോദരൻ
തിരുവനന്തപുരം: കൊല്ലം ചിതറ വളവുപച്ചയിൽ സിപിഎം ബ്രാഞ്ച് കമ്മിറ്റി അംഗം ബഷീറിനെ കൊലപ്പെടുത്തിയ കേസിൽ അറസ്റ്റിലായ ഷാജഹാൻ സിപിഎമ്മുകാരനെന്ന് സഹോദരന്റെ വെളിപ്പെടുത്തൽ. ഷാജഹാനെ കോൺഗ്രസുകാരനാക്കുന്നതിനു പിന്നിൽ രാഷ്ട്രീയ ലക്ഷ്യങ്ങളാണെന്നും സഹോദരൻ സുലൈമാൻ ആരോപിച്ചു. വാർത്താ ചാനലിനോടാണ് സുലൈമാൻ ഇക്കാര്യം വെളിപ്പെടുത്തിയത്. ഷാജഹാൻ കോൺഗ്രസ് പ്രവർത്തകനാണെന്ന് സിപിഎം ആരോപിച്ചിരുന്നു. എന്നാൽ സിപിഎം ആരോപണം കോൺഗ്രസ് നിഷേധിക്കുകയും ചെയ്തു. കൊലപാതകത്തിനു പിന്നിൽ രാഷ്ട്രീയമാണെന്ന സിപിഎമ്മിന്റെ ആരോപണം കൊല്ലപ്പെട്ട ബഷീറിന്റെ സഹോദരിയും നിഷേധിച്ചിരുന്നു. ഇതിന് പിന്നാലെയാണ് പ്രതിയുടെ സഹോദരൻ തന്നെ പ്രതി സിപിഎമ്മുകാരനാണെന്ന വെളിപ്പെടുത്തൽ നടത്തിയിരിക്കുന്നത്. ചിതറ കൊലപാതകം പെരിയ കൊലപാതകങ്ങള്ക്കുള്ള പ്രതികാരമാണെന്ന ആരോപണവുമായി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് തന്നെ രംഗത്തുവന്നിരുന്നു. അതേസമയം ബഷീറിനെ കൊന്നത് പകരം വീട്ടാനെന്ന് പ്രതി ഷാജഹാന്റെ മൊഴി. തെളിവെടുപ്പിനിടെയാണ് ഷാജഹാൻ ഇങ്ങനെ മൊഴി നൽകിയത്. കൊല്ലാൻ വേണ്ടിത്തന്നെയാണ് ബഷീറിനെ കുത്തിയതെന്നും ഷാജഹാൻ സമ്മതിച്ചു.…
Read Moreബാങ്കുകളുടെ ജപ്തിനോട്ടീസ് ഭീഷണി; കർഷക ആത്മഹത്യകൾ മന്ത്രിസഭായോഗം പ്രത്യേകം ചർച്ച ചെയ്യും
തിരുവനന്തപുരം: സംസ്ഥാനത്ത് അടുത്തിടെയുണ്ടായ കർഷക ആത്മഹത്യകൾ ചൊവ്വാഴ്ച ചേരുന്ന മന്ത്രിസഭായോഗം പ്രത്യേകം ചർച്ച ചെയ്യും. പ്രളയം കർഷകർക്ക് ഇരുട്ടടി സമ്മാനിച്ച പശ്ചാത്തലത്തിൽ കാർഷിക വായ്പകൾക്ക് സർക്കാർ മൊറട്ടോറിയം പ്രഖ്യാപിച്ചിരുന്നു. എന്നാൽ സർക്കാർ നിർദ്ദേശങ്ങൾ പാലിക്കാൻ തയാറാകാതെ ബാങ്കുകൾ ജപ്തി നടപടികളുമായി മുന്നോട്ടുപോകുന്നതാണ് കർഷകരെ സമ്മർദ്ദത്തിലാക്കാൻ കാരണമെന്നാണ് സർക്കാരിന്റെ വിലയിരുത്തൽ. നിലവിലെ സാഹചര്യത്തിൽ എന്ത് നടപടി സ്വീകരിക്കാൻ കഴിയുമെന്നാകും ചൊവ്വാഴ്ചത്തെ മന്ത്രിസഭായോഗം പരിഗണിക്കുക. മുഖ്യമന്ത്രി ബാങ്കുകളുടെ യോഗം വിളിച്ചു ചേർക്കുന്ന കാര്യവും മന്ത്രിസഭായോഗം ചർച്ച ചെയ്യും. അതേസമയം സംസ്ഥാനതല ബാങ്കേഴ്സ് സമിതിയുടെ യോഗവും ചൊവ്വാഴ്ച ചേരുന്നുണ്ട്. കാർഷിക വായ്പ സംബന്ധിച്ച വിഷയം ഈ യോഗത്തിലും ചർച്ചയാകും. സർക്കാർ ഗ്യാരണ്ടി നൽകാതെ കാർഷിക വായ്പകളിേ·ൽ നടപടി നിർത്തിവയ്ക്കില്ലെന്നാണ് ബാങ്കുകളുടെ നിലപാട്.
Read Moreചുട്ടുപൊള്ളുന്നു; കേരളത്തിൽ രണ്ടു ദിവസം ഉഷ്ണതരംഗത്തിന് സാധ്യത; പൊതുജനം ശ്രദ്ധിക്കേണ്ട കാര്യങ്ങളെക്കുറിച്ച് കാലാവസ്ഥാ കേന്ദ്രം
തിരുവനന്തപുരം: സംസ്ഥാനത്ത് ഇന്നും നാളെയും ഉഷ്ണതംരഗത്തിന് സാധ്യതയുണ്ടെന്ന് മുന്നറിയിപ്പ്. കോഴിക്കോട് ജില്ലയ്ക്ക് തിരുവനന്തപുരം കാലാവസ്ഥാ കേന്ദ്രം മുന്നറിയിപ്പ് നൽകി. തൃശൂർ മുതൽ കണ്ണൂർ വരെയുള്ള മേഖലയിലുള്ള ജനങ്ങൾ ജാഗ്രത പാലിക്കണം. തൊഴിൽ ദാതാക്കളും മുന്നറിയിപ്പുകൾ കൃത്യമായി പാലിക്കമെന്നും നിർദേശം. പൊതുജനങ്ങൾ പാലിക്കേണ്ടുന്ന സുരക്ഷാക്രമങ്ങളും കാലാവസ്ഥാ കേന്ദ്രം പുറപ്പെടുവിച്ചു. നിർദേശങ്ങൾ *പൊതുജനങ്ങള് രാവിലെ 11 മുതല് വൈകുന്നേരം മൂന്നുവരെ വരെ എങ്കിലും നേരിട്ട് സൂര്യപ്രകാശം ഏല്ക്കുന്നതിന് ഒഴിവാക്കണം. *നിര്ജലീകരണം തടയാന് കുടിവെള്ളം എപ്പോഴും ചെറിയ കുപ്പിയില് കൈയിൽ കരുതുക. *രോഗങ്ങള് ഉള്ളവര് 11 മുതല് വൈകുന്നേരം മൂന്നുവരെ എങ്കിലും സൂര്യപ്രകാശം ഏല്ക്കുന്നത് ഒഴിവാക്കുക. *പരമാവധി ശുദ്ധജലം കുടിക്കുക *അയഞ്ഞ, ലൈറ്റ് കളര് പരുത്തി വസ്ത്രങ്ങള് ധരിക്കുക *വിദ്യാര്ഥികളുടെ പരീക്ഷാക്കാലമായതിനാല് സ്കൂള് അധികൃതരും രക്ഷിതാക്കളും പ്രത്യേകശ്രദ്ധ പുലര്ത്തേണ്ടതാണ്. *ദുരന്തനിവാരണ അതോറിറ്റിയും ആരോഗ്യവകുപ്പും തൊഴില് വകുപ്പും നല്കുന്ന നിര്ദേശങ്ങള് എല്ലാവരും പാലിക്കണം.…
Read Moreനഗരത്തിലെ റോഡുകളുടെ പരിപാലനത്തിൽ ഗുരുതര വീഴ്ച; ടിആർഡിസിഎല്ലിനെ ഒഴിവാക്കാൻ സർക്കാർ നിയമോപദേശം തേടി
കെ. ഇന്ദ്രജിത്ത് തിരുവനന്തപുരം: നഗര പരിധിയിലെ റോഡുകളുടെ പരിപാലനത്തിൽ ഗുരുതര വീഴ്ച വരുത്തിയ തിരുവനന്തപുരം റോഡ് ഡെവലപ്പ്മെന്റ് കന്പനി ലിമിറ്റഡ് (ടിആർഡിസിഎൽ) നെ ഒഴിവാക്കാൻ സർക്കാർ നിയമോപദേശം തേടി. ഇതിന്റെ ഭാഗമായി തിരുവനന്തപുരം നഗര പരിധിയിലെ റോഡുകളുടെയും ട്രാഫിക് ഐലൻഡുകളുടെയും പരിപാലന ചുമതലയിൽ നിന്ന് ടിആർഡിസിഎല്ലിനെ ഒഴിവാക്കാൻ കേരള റോഡ് ഫണ്ട് ബോർഡ് നിയമോപദേശം തേടി. കേരള റോഡ് ഫണ്ട് ബോർഡിലെ നിയമോപദേഷ്ടാവിനോടും നിയമ സെക്രട്ടറിയോടുമാണു നിയമോപദേശം തേടിയിട്ടുള്ളത്. 2005 മുതൽ വിവിധ ഘട്ടങ്ങളിലായി തിരുവനന്തപുരം നഗര റോഡുകളുടെ പരിപാലനത്തിനായി ടിആർഡിസിഎല്ലുമായി റോഡ് ഫണ്ട് ബോർഡ് കരാറിൽ ഏർപ്പെട്ടിരുന്നു. 2022 മുതൽ 2030 വരെയാണു വിവിധ കരാറുകളിലായി ടിആർഡിസിഎല്ലിന് പരിപാലന ചുമതലയുള്ളത്. പരിപാലന ചുമതലയിൽ നിന്ന് ഇവരെ ഒഴിവാക്കിയാൽ നഷ്ടപരിഹാരം നൽകേണ്ടി വരുമോ എന്നത് അടക്കമുള്ള വിഷയങ്ങളിൽ നിയമോപദേശം തേടിയിട്ടുണ്ട്. ആവശ്യമെങ്കിൽ പൊതുമരാമത്ത് വകുപ്പ് അഡ്വക്കേറ്റ് ജനറലിന്റെ…
Read Moreകേരളത്തെ കാത്തിരിക്കുന്നത് കൊടുംചൂടിന്റെ നാളുകൾ; മുന്നറിയിപ്പ്, മുൻകരുതലുകൾ
തിരുവനന്തപുരം: വരുംനാളുകളിൽ കേരളത്തെ കാത്തിരിക്കുന്നത് കൊടുംചൂടെന്ന് സംസ്ഥാന ദുരന്തനിവാരണ സേനയുടെ മുന്നറിയിപ്പ്. ഈ നാളുകളിൽ കേരളത്തിൽ നാലു ഡിഗ്രി വരെ ചൂട് കൂടിയേക്കാമെന്നും വടക്കൻ ജില്ലകളിൽ എട്ടു ഡിഗ്രിയിൽ അധികം ചൂട് വർധിക്കുവാൻ സാധ്യതയുണ്ടെന്നും മുന്നറിയിപ്പിൽ പറയുന്നു. മുന്നറിയിപ്പ് ഇങ്ങനെ: കേരളത്തിൽ വിവിധ പ്രദേശങ്ങളിൽ വരും ദിവസങ്ങളിൽ ചൂട് ശരാശരിയിൽനിന്നും കൂടുവാനുള്ള സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ മോഡൽ അവലോകനങ്ങളിൽ കാണുന്നു. നിലവിലെ അനുമാനപ്രകാരം കേരളത്തിൽ പൊതുവിൽ രണ്ടു മുതൽ നാലു ഡിഗ്രി വരെ ചൂട് കൂടിയേക്കാം. പാലക്കാട്, തൃശൂർ, മലപ്പുറം, കോഴിക്കോട് മേഖലയിൽ ഈ മാസം അഞ്ചിന് ശരാശരിയിൽനിന്ന് എട്ടു ഡിഗ്രിയിൽ അധികം ചൂട് വർധിക്കുവാൻ സാധ്യതയുണ്ടെന്നാണു നിലവിലെ അനുമാനം. മോഡൽ അനുമാനങ്ങൾ സൂര്യാഘാതം ഒഴിവാക്കുവാനായി പൊതുജനങ്ങൾക്കായി ചുവടെ ചേർക്കുന്ന നടപടികൾ നിർദേശിക്കുന്നു. * പൊതുജനങ്ങൾ രാവിലെ 11 മുതൽ ഉച്ചകഴിഞ്ഞ് മൂന്നു വരെ എങ്കിലും…
Read Moreയുവാവിനെ മർദിച്ച് കൊലപ്പെടുത്തിയ കേസ്; സുഹൃത്തിന്റെ മൊബൈലിലെ മെസേജ് വീട്ടുകാർക്ക് പറഞ്ഞ് കൊടുത്തതിലുള്ള വൈരാഗ്യം; ചീറയിൻകീഴ് കൊലപാതകത്തിന്റെ പിന്നിലെ കഥയിങ്ങനെ…
ചിറയിൻകീഴ്: പെരുങ്ങുഴിയിൽ യുവാവിനെ മർദ്ദിച്ച് കൊലപ്പെടുത്തിയ സംഭവത്തിൽ മൂന്ന് പേരെ ചിറയിൻകീഴ് പോലീസ് അറസ്റ്റ് ചെയ്തു. കഴക്കൂട്ടം എഫ്സിഐ ഗോഡൗണിന് സമീപം പുത്തൻവീട്ടിൽ വിഷ്ണു (21) വിന്റെ കൊലപാതകവുമായി ബന്ധപ്പെട്ടാണ് സുഹൃത്ത് ഉൾപ്പെട്ട മൂന്ന് പേരെ പോലീസ് അറസ്റ്റ് ചെയ്തത്. പെരുങ്ങുഴി ഇടഞ്ഞുംമൂല സ്വദേശികളും സഹോദരൻമാരുമായ രാജ് സൂര്യൻ, രാജ് സംക്രാന്ത്. ഇവരുടെ സുഹൃത്തുക്കളായ മുഹമ്മദ് ആഷിക്ക്, സുനൂസ് എന്നിവരാണ് അറസ്റ്റിലായത്. ഇന്നലെ അർധരാത്രിയോടെ പ്രതികളുടെ അറസ്റ്റ് പോലീസ് രേഖപ്പെടുത്തി. കൃത്യത്തിൽ കൂടുതൽ പ്രതികളുണ്ടെന്ന് ചോദ്യം ചെയ്തപ്പോൾ പോലീസിനോട് വെളിപ്പെടുത്തി. മറ്റു പ്രതികൾക്കായി അന്വേഷണം ഉൗർജിതമാക്കി. വിഷ്ണുവിന്റെ സുഹൃത്തും പ്രതികളിൽ ഒരാളുമായ രാജ് സൂര്യൻ എന്ന യുവാവിന്റെ ഫോണ് ഹാക്ക് ചെയ്തെന്ന സംശയമാണ് മർദ്ദനത്തിലും കൊലപാതകത്തിലും കലാശിച്ചതെന്ന് അറസ്റ്റിലായ യുവാക്കൾ പോലീസിനോട് പറഞ്ഞു. മൈസൂരുവിലെ ഒരു സ്വകാര്യ സ്ഥാപനത്തിൽ ജോലി നോക്കിവരികയായിരുന്നു വിഷ്ണുവും പെരുങ്ങുഴി സ്വദേശിയായ രാജ്…
Read More