തിരുവനന്തപുരം: വരുന്ന ലോക്സഭാ തെരഞ്ഞെടുപ്പിനുള്ള സിപിഐയുടെ സ്ഥാനാർഥി സാധ്യതാ പട്ടികയായി. അതത് ജില്ലാ നേതൃത്വങ്ങളുടെ പട്ടികയാണ് പുറത്ത് വന്നിരിക്കുന്നത്. തിരുവനന്തപുരത്ത് സംസ്ഥാന സെക്രട്ടറി കാനം രാജേന്ദ്രൻ, മുൻ മന്ത്രി സി.ദിവാകരൻ, ജി.ആർ. അനിൽ എന്നിവരുടെ പേരുകളാണുള്ളത്. തൃശൂര് മണ്ഡലത്തിലേക്കും മൂന്നംഗ സാധ്യതാ പട്ടികയാണ്. സിറ്റിംഗ് എംപി സി.എൻ.ജയദേവൻ, മുന് മന്ത്രി കെ.പി. രാജേന്ദ്രൻ, ജനയുഗം എഡിറ്റര് രാജാജി മാത്യു തോമസ് എന്നിവരുടെ പേരുകളാണ് ജില്ലാ കൗണ്സിൽ നിർദേശിച്ചത്. മത്സരിക്കണമെന്ന ആവശ്യം മന്ത്രി വി.എസ്. സുനിൽകുമാർ തള്ളിയിരുന്നു. മാവേലിക്കര ലോക്സഭാ മണ്ഡലത്തിലേക്കുള്ള സാധ്യത പട്ടികയിൽ ചിറ്റയം ഗോപകുമാർ, ആർ.എസ്.അനിൽ, ദിനേശ് ബാബു എന്നിവരുടെ പേരുകളുണ്ട്. വയനാട് സീറ്റിലേക്ക് സത്യൻ മൊകേരിയെയാണ് സിപിഐ നേതൃത്വം പരിഗണിക്കുന്നത്.
Read MoreCategory: TVM
അവശനിലയിൽ ആശുപത്രിയിൽ സുഹൃത്തുക്കൾ കൂട്ടിക്കൊണ്ടുവന്ന യുവാവ് മരിച്ച സംഭവം; മരണകാരണം മർദനമേറ്റതിനെ തുടർന്നെന്ന് അശുപത്രി അധികൃതർ; മൂന്ന് യുവാക്കൾ പോലീസ് കസ്റ്റഡിയിൽ
ചിറയിൻകീഴ്: ആശുപത്രിയിലെത്തിച്ച യുവാവ് മരിച്ചത് മർദനത്തെ തുടർന്നെന്ന് സംശയം. സംഭവത്തിൽ മൂന്ന് യുവാക്കൾ പോലീസ് കസ്റ്റഡിയിൽ. കഴക്കൂട്ടം എഫ്സിഐ ഗോഡൗണിന് സമീപം പുത്തൻവീട്ടിൽ വിഷ്ണു (21) മരിച്ച സംഭവത്തിലാണ് മൂന്ന് യുവാക്കളെ ചിറയിൻകീഴ് പോലീസ് കസ്റ്റഡിയിലെടുത്തത്. വിഷ്ണുവിന്റെ സുഹൃത്തും ഇപ്പോൾ പോലീസ് കസ്റ്റഡിയിലുള്ളതുമായ യുവാവിന്റെ ഫോണ് ഹാക്ക് ചെയ്തെന്ന സംശയമാണ് മർദനത്തിലും കൊലപാതകത്തിലും കലാശിച്ചതെന്ന് കസ്റ്റഡിയിലായ യുവാക്കൾ പോലീസിനോട് പറഞ്ഞു. പെരുങ്ങുഴി ഇടഞ്ഞുംമൂല സ്വദേശികളായ മൂന്ന് യുവാക്കളാണ് പോലീസിന്റെ കസ്റ്റഡിയിലുള്ളത്. ഇന്നലെ ഉച്ചയ്ക്ക് രണ്ട് മണിയോടെയാണ് വിഷ്ണുവിനെ പെരുങ്ങുഴി നാല്മുക്ക് സ്വദേശികളായ യുവാക്കൾ ചിറയിൻകീഴ് താലൂക്കാശുപത്രിയിൽ എത്തിച്ചത്. ആശുപത്രിയിൽ വച്ച് വിഷ്ണു മരണമടഞ്ഞു. ഇതേ തുടർന്ന് ഒപ്പമുണ്ടായിരുന്നവർ രക്ഷപ്പെട്ടു. ആശുപത്രി അധികൃതർ വിവരം ചിറയിൻകീഴ് പോലീസിൽ അറിയിച്ചതിനെ തുടർന്ന് പോലീസെത്തി നടത്തിയ അന്വേഷണത്തിലാണ് മരണമടഞ്ഞത് കഴക്കൂട്ടം സ്വദേശിയായ വിഷ്ണു ആണെന്ന് തിരിച്ചറിഞ്ഞത്. യുവാക്കൾ എത്തിയ ഓട്ടോറിക്ഷ ഡ്രൈവറെ…
Read Moreപിന്തിരിപ്പിക്കാന് പലതവണ ശ്രമിച്ചിട്ടും നടന്നില്ല; യുവാവ് ആത്മഹത്യ ചെയ്ത സംഭവത്തില് ഭാര്യയും കാമുകനും അറസ്റ്റില്
പാലോട്: യുവാവ് ആത്മഹത്യ ചെയ്ത സംഭവത്തിൽ ഭാര്യയും കാമുകനും അറസ്റ്റിൽ. ആറു വയസുകാരി മകളെയും തന്നെയും ഉപേക്ഷിച്ച് ഭാര്യ കാമുകനൊപ്പം പോയതിനെ പിന്നാലെ കഴിഞ്ഞ മാസം ഏഴിന് രാവിലെയാണ് തെന്നൂർ വേലംകോണം സ്വദേശി മുഹമ്മദ് സജീറിനെ (32, ദീപു ) വീടിനു സമീപത്തെ റബർ പുരയിടത്തിൽ ജീവനൊടുക്കിയ നിലയിൽ കണ്ടെത്തിയത്. ഭാര്യ വാമനപുരം ആനച്ചൽ ലക്ഷം വീട് കോളനിയിൽ ഷിബിന (29), കാമുകൻ അരുവിക്കര ചെറിയ കൊണ്ണി ഗോകുൽ വിലാസം കട്ടറകുഴി വീട്ടിൽ ഗോകുൽ (28) എന്നിവരാണ് മരണത്തിന് ഉത്തരവാദിയെന്ന് കുറിപ്പ് എഴുതി വച്ച ശേഷമായിരുന്നു ദീപുവിന്റെ ആത്മഹത്യ. സംഭവത്തിൽ കേസ് രജിസ്റ്റർ ചെയ്ത പാലോട് പോലീസ് ഇരുവരെയും അറസ്റ്റ് ചെയ്തു. ക്രിസ്തുമത വിശ്വാസിയായിരുന്ന ദീപു ഏഴ് വർഷം മുമ്പാണ് ഇസ്ലാം മതം സ്വീകരിച്ച് ഷിബിനയെ വിവാഹം ചെയ്തതെന്ന് പോലീസ് പറഞ്ഞു. ഗോകുലുമായുള്ള ഷിബിനയുടെ ബന്ധം മനസിലാക്കിയ…
Read Moreമന്ത്രിസഭായോഗം തീരുമാനിച്ചു നിയമന ഉത്തരവിറങ്ങി; അനിൽകാന്ത് വിജിലൻസ് ഡയറക്ടർ
തിരുവനന്തപുരം: അനിൽകാന്തിനെ വിജിലൻസ് ഡയറക്ടറായി നിയമിച്ചുകൊണ്ടുള്ള ഉത്തരവിറങ്ങി. വിജിലൻസ് മേധാവിയായിരുന്ന ബി.എസ്. മുഹമ്മദ് യാസിൻ ഇന്ന് വിരമിക്കുന്ന ഒഴിവിലാണ് അനിൽകാന്തിന്റെ നിയമനം. ആറുമാസത്തേക്കാണ് അനിൽകാന്തിന് പുതിയ ചുമതല നൽകിയിരിക്കുന്നത്. അദ്ദേഹം വെള്ളിയാഴ്ച ചുമതലയേൽക്കും. ക്രമസമാധാന ചുമതലയുള്ള എഡിജിപി തസ്തിക സൃഷ്ടിച്ച് പോലീസ് തലപ്പത്തെ ഘടനയിൽ സർക്കാർ മാറ്റം വരുത്തിയിരുന്നു. ഇതോടെ ദക്ഷിണമേഖല എഡിജിപിയായിരുന്ന അനിൽകാന്തിനെ വിജിലൻസ് ഡയറക്ടറായി നിയമിക്കാൻ മന്ത്രിസഭായോഗം തീരുമാനിക്കുകയായിരുന്നു. നാലു റേഞ്ച് ഡിഐജിമാർ, രണ്ട് മേഖലാ ഐജിമാർ എന്നിവരെയും ക്രമസമാധാന ചുമതലയിൽ നിയമിക്കാൻ തീരുമാനിച്ചിട്ടുണ്ട്. എട്ടുമാസം വിജിലൻസ് ഡയറക്ടറായിരുന്ന മുഹമ്മദ് യാസിൻ ഇന്ന് വിരമിക്കും. ആന്ധ്ര സ്വദേശിയായ യാസിൻ 33 വർഷത്തെ സർവീസിന് ശേഷമാണ് വിരമിക്കുന്നത്. 1986 ബാച്ച് ഐപിഎസ് ഉദ്യോഗസ്ഥനാണ് അദ്ദേഹം.
Read Moreസ്ഥലം മാറ്റത്തിൽ നിന്നും പോലീസ് ഓഫീസേഴ്സ് അസോസിയേഷൻ ഭാരവാഹിയെ ഒഴിവാക്കിയതിൽ സേനയിൽ അമർഷം
തിരുവനന്തപുരം: ലോക്സഭ തെരഞ്ഞെടുപ്പിന് മുന്നോടിയായുള്ള സ്ഥലം മാറ്റത്തിൽ നിന്നും പോലീസ് ഓഫീസേഴ്സ് അസോസിയേഷൻ ഭാരവാഹിയെ ഒഴിവാക്കിയതിൽ സേനയിൽ അമർഷം പുകയുന്നു. കേരള പോലീസ് ഓഫീസേഴ്സ് അസോസിയേഷൻ ജില്ലാ ഭാരവാഹിയും സർക്കിൾ ഇൻസ്പെക്ടറുമായ ഉദ്യോഗസ്ഥനെ ജില്ലയ്ക്ക് പുറത്തേക്ക് സ്ഥലം മാറ്റാതെ തിരുവനന്തപുരം ജില്ലയിൽ തന്നെ നിലനിർത്തിയതിനെതിരെയാണ് സേനയിൽ അമർഷം പുകയുന്നത്. പോത്തൻകോട് സർക്കിൾ ഇൻസ്പെക്ടർ ഷാജിയുടെ പുതിയ നിയമനമാണ് പോലീസ് സേനയിൽ ഇപ്പോൾ ഏറെ ചർച്ചയായിരിക്കുന്നത്. പോത്തൻകോട് നിന്നും ആറ്റിങ്ങലിലേക്കാണ് ഷാജിക്ക് നിയമനം നൽകി ഉത്തരവായത്. തിരുവനന്തപുരം നെയ്യാറ്റിൻകരയിലാണ് ഷാജി താമസിക്കുന്നത്. വിവിധ ആരോഗ്യപ്രശ്നങ്ങൾ അലട്ടുന്ന പല എസ്ഐമാരെയും സിഐ മാരെയും വിദൂര ജില്ലകളിലേക്കാണ് സ്ഥലം മാറ്റിയിരിക്കുന്നത്. പോലീസ് ഓഫീസേഴ്സ് അസോസിയേഷനിലെ പല അംഗങ്ങളും ഇത്തരത്തിൽ വിദൂര ജില്ലകളിൽ സ്ഥലം മാറ്റം ലഭിച്ച് പോകാനുള്ള തയാറെടുപ്പിലുമാണ്. എന്നാൽ ഭരണകക്ഷിയുമായി ഏറെ അടുപ്പം പുലർത്തുന്ന ഉദ്യോഗസ്ഥൻ എന്ന നിലയിൽ പോത്തൻകോട്…
Read Moreകാസർഗോഡ്നിന്ന് ഏ.കെ ആന്റണി കൈമാറിയ പതാകയുമായി 140 മണ്ഡലങ്ങളിലൂടെ സഞ്ചരിച്ച മുല്ലപ്പള്ളിയുടെ ജനമഹായാത്രയ്ക്ക് ഇന്ന് തിരുവനന്തപുരത്ത് സമാപനം
തിരുവനന്തപുരം: കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രൻ നയിക്കുന്ന ജനമഹായാത്രയ്ക്ക് ഇന്ന് സമാപനം. ജാഥയുടെ തിരുവനന്തപുരം ജില്ലയിലെ പര്യടനം ഇന്നലെ ആരംഭിച്ചു. ഇന്ന് നെയ്യാറ്റിൻകര മണ്ഡലത്തിലെ വിവിധ സ്വീകരണങ്ങൾക്ക് ശേഷം വൈകുന്നേരം ആറിന് തിരുവനന്തപുരം പട്ടണത്തിൽ പ്രവേശിക്കും. തന്പാനൂർ ആർ.എം.എസിന് മുന്നിൽ ജാഥയ്ക്ക് ജില്ലാ കോണ്ഗ്രസ് കമ്മിറ്റി സ്വീകരിച്ച് ഗാന്ധി പാർക്കിലേക്ക് സമാപനസമ്മേളനം ഗാന്ധിപാർക്കിൽ മുൻമുഖ്യമന്ത്രി ഉമ്മൻചാണ്ടി ഉദ്ഘാടനം ചെയ്യും. ഈ മാസം മൂന്നിന് കാസർഗോഡു നിന്നും കോണ്ഗ്രസ് പ്രവർത്തക സമിതി അംഗം എ.കെ.ആന്റണി കൈമാറിയ പതാകയുമായിട്ടാണ് മുല്ലപ്പള്ളി രാമചന്ദ്രൻ ജനമഹായാത്ര ആരംഭിച്ചത്. 140 നിയോജക മണ്ഡലങ്ങളിലും പര്യടനം പൂർത്തിയാക്കിയാണ് ജനമഹായാത്ര തിരുവനന്തപുരത്ത് സമാപിക്കുന്നത്. ഇന്ന് രാവിലെ കാഞ്ഞിരംകുളത്ത് നിന്നും യാത്ര ആരംഭിക്കും. വൈകുന്നേരം നടക്കുന്ന സമാപന സമ്മേളനത്തിൽ ഡി.സി.സി. പ്രസിഡന്റ് നെയ്യാറ്റിൻകര സനൽ അധ്യക്ഷത വഹിക്കും. പ്രതിപക്ഷ നേതാവ് രമേശ് ചെന്നിത്തല, യു.ഡി.എഫ്. കണ്വീനർ ബെന്നി ബഹനാൻ,…
Read Moreപെണ്കുട്ടിയെ ഇമാം പീഡിപ്പിച്ച സംഭവം; പ്രത്യേക അന്വേഷണ സംഘം രൂപീകരിച്ചതായി ഡിജിപി
തിരുവനന്തപുരം: പ്രായപൂർത്തിയാകാത്ത പെണ്കുട്ടിയെ ഇമാം പീഡിപ്പിച്ചെന്ന പരാതി അന്വേഷിക്കുന്നതിനും പ്രതിയെ എത്രയും വേഗം കണ്ടെത്തുന്നതിനും പ്രത്യേക അന്വേഷണ സംഘത്തിന് രൂപം നൽകി സംസ്ഥാന പോലീസ് മേധാവി ലോക്നാഥ് ബെഹറ ഉത്തരവിട്ടു. സംഘത്തിൽ 14 പേരാണുള്ളത്. തിരുവനന്തപുരം റേഞ്ച് ഐജിയുടെ നേരിട്ടുള്ള നിയന്ത്രണത്തിലായിരിക്കും സംഘം പ്രവർത്തിക്കുന്നത്. നെടുമങ്ങാട് ഡിവൈഎസ്പിയുടെ ചുമതല വഹിക്കുന്ന തിരുവനന്തപുരം റൂറൽ ജില്ലാ ക്രൈംബ്രാഞ്ച് ഡിവൈഎസ്പി ഡി.അശോകൻ, പാലോട് ഇൻസ്പെക്ടർ കെ.ബി. മനോജ്കുമാർ, വിതുര എസ്എച്ച്ഒ വി. നിജാം എന്നിവരും മൂന്ന് സബ് ഇൻസ്പെക്ടർമാരും മൂന്ന് അസിസ്റ്റന്റ് സബ് ഇൻസ്പെക്ർമാരും രണ്ട് സീനിയർ സിവിൽ പോലീസ് ഓഫീസർമാരും മൂന്ന് സിവിൽ പോലീസ് ഓഫീസർമാരും അടങ്ങുന്നതാണ് പ്രത്യേക അന്വേഷണ സംഘം. കേസിലെ പ്രതികളെ പിടികൂടുന്നതിന് സംസ്ഥാനത്തും പുറത്തുമായി അഞ്ച് സംഘങ്ങൾ അന്വേഷണം നടത്തിവരികയാണ്. സൈബർ സെല്ലിന്റെയും സ്പെഷൽ ബ്രാഞ്ചിന്റെയും സഹകരണത്തോടെ കേരള പോലീസിന്റെ വിവിധ വിഭാഗങ്ങൾ അന്വേഷണം…
Read Moreവിജിലൻസ് ഡയറക്ടർ മുഹമ്മദ് യാസിൻ സർവീസിൽ നിന്നും വിരമിക്കുന്നു
തിരുവനന്തപുരം: വിജിലൻസ് ഡയറക്ടർ മുഹമ്മദ് യാസീൻ നാളെ സർവീസിൽ നിന്നും വിരമിക്കും. 1986 ബാച്ചിലെ കേരള കേഡർ ഉദ്യോഗസ്ഥനാണ് മുഹമ്മദ് യാസീൻ. മുഹമ്മദ് യാസീൻ വിരമിക്കുന്നതോടെ 1987 ബാച്ചിലെ ഐപിഎസ് ഉദ്യോഗസ്ഥയായ ആർ.ശ്രീലേഖയ്ക്ക് ഡിജിപി പദവി ലഭിക്കും. നിലവിൽ സംസ്ഥാന സർക്കാർ ശ്രീലേഖയ്ക്ക് ഡിജിപി പദവി നൽകിയിട്ടുണ്ട്. ജയിൽ മേധാവിയായാണ് ശ്രീലേഖ സേവനമനുഷ്ഠിക്കുന്നത്. 1987 ബാച്ചിലെ ഐപിഎസ് ഉദ്യോഗസ്ഥരായ അരുണ്കുമാർ സിൻഹ, ടോമിൻ തച്ചങ്കരി, സുധേഷ്കുമാർ എന്നിവരെ ഡിജിപി പാനലിൽ ഉൾപ്പെടുത്താനുള്ള നടപടികൾ പുരോഗമിക്കുന്നുണ്ട്.
Read Moreജനമഹായാത്ര തിരുവനന്തപുരം ജില്ലയിൽ; സമാപനം നാളെ വൈകുന്നേരം ഗാന്ധിപാർക്കിൽ
തിരുവനന്തപുരം: കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ നയിക്കുന്ന ജനമഹായാത്ര തിരുവനന്തപുരം ജില്ലയിൽ പ്രവേശിച്ചു. നാളെ വൈകുന്നേരം ഗാന്ധിപാർക്കിൽ സമാപിക്കും. കൊല്ലം ജില്ലയിലെ പര്യടനം പൂർത്തിയാക്കിയ ജനമഹായാത്രയ്ക്ക് സ്വീകരണം നൽകിയ ശേഷം കൊല്ലം ഡിസിസി പ്രസിഡന്റ് ബിന്ദുകൃഷ്ണ, കോണ്ഗ്രസ് നേതാക്കളായ ശൂരനാട് രാജശേഖരൻ, പ്രതാപ വർമ്മ തന്പാൻ എന്നിവർ തിരുവനന്തപുരം ജില്ലയിലെ അതിർത്തി വരെ അനുഗമിച്ചു തിരുവനന്തപുരം ഡിസിസിയ്ക്ക് നിയന്ത്രണം കൈമാറി. ഇന്ന് രാവിലെ പത്ത് മണിയ്ക്ക് പാരിപ്പള്ളി മുന്നുമുക്ക് ജംഗ്ഷനിൽ വരവേൽപ്പ് നൽകി. തിരുവനന്തപുരം ജില്ലാ കോണ്ഗ്രസ് കമ്മിറ്റി ജനമഹായാത്രയെ സ്വീകരിച്ചു. തിരുവനന്തപുരം ഡിസിസി പ്രസിഡന്റ് നെയ്യാറ്റിൻകര സനൽ, കോണ്ഗ്രസ് നേതാക്കളായ വിഎസ്.ശിവകുമാർ എംഎൽഎ, കെ.എസ്.ശബരീനാഥൻ, കരകുളം കൃഷ്ണപിള്ള, ടി.ശരത്ചന്ദ്രപ്രസാദ്, എസ്.കൃഷ്ണകുമാർ, വർക്കല കഹാർ എന്നിവർ ചേർന്ന് സ്വീകരിച്ച് തിരുവനന്തപുരം ജില്ലയിലേക്ക് ആനയിക്കുകയായിരുന്നു. വർക്കല മൈതാനം, ചിറയിൻകീഴ് ശാർക്കര മൈതാനി, ആറ്റിങ്ങൽ മാമം ഗ്രൗണ്ട്, വെഞ്ഞാറമൂട്, നെടുമങ്ങാട്,…
Read Moreതിരുവനന്തപുരത്ത് പിരിച്ചുവിട്ട എംപാനൽ ജീവനക്കാരുടെ ആത്മഹത്യ ഭീഷണി
തിരുവനന്തപുരം: ആത്മഹത്യ ഭീഷണി മുഴക്കി പിരിച്ചുവിട്ട എംപാനൽ ജീവനക്കാർ. തിരുവനന്തപുരം സെൻട്രൽ സ്റ്റേഡിയത്തിന് സമീപത്തെ മരത്തിൽ കയറിയാണ് എംപാനൽ ജീവനക്കാരായിരുന്ന കണ്ടക്ടർമാർ ആത്മഹത്യ ഭീഷണി മുഴക്കിയത്. അധികൃതർ രണ്ട് പേരെ താഴെയിറക്കി. മറ്റ് രണ്ട് പേർ ഇപ്പോഴും മരത്തിന് മുകളിലിരുന്ന് പ്രതിഷേധിക്കുകയാണ്.
Read More