തിരുവനന്തപുരം: ഹൈക്കോടതി വിധിക്കു ശേഷം അഗസ്ത്യാർകൂടത്തിൽ പ്രവേശിക്കുന്ന ആദ്യ വനിതയായി ധന്യ സനൽ. കേന്ദ്ര പ്രതിരോധമന്ത്രാലയത്തിലെ പബ്ലിക് റിലേഷൻസ് ഓഫീസറായ ധന്യ ഇതോടെ അഗസ്ത്യാർകൂടത്തിൽ പതിഞ്ഞ ആദ്യ പെൺപാദത്തിനു ഉടമയായി. അഗസ്ത്യാർകൂടത്തിലേക്കുള്ള ട്രക്കിംഗ് സംഘത്തിലെ ഏക വനിതയായിരുന്നു ധന്യ. ബോണക്കാടിലെ ബേസ് ക്യാമ്പിൽ നിന്ന് ആരംഭിച്ച യാത്ര ചൊവാഴ്ച ബേസ് ക്യാമ്പിൽ എത്തി. മലപ്പുറം മഞ്ചേരി സ്വദേശിനിയും നഴ്സിംഗ് ബിരുദധാരിയുമാണ് ധന്യ സനൽ. കാടിനെയും കാടിന്റെ അനുഭവങ്ങളെയും അടുത്തറിയുകയാണ് യാത്രയുടെ ലക്ഷ്യമെന്ന് ധന്യ പിടിഐയോട് പറഞ്ഞു. തിങ്കളാഴ്ച ബോണക്കാടിൽ സ്ത്രീകളും പുരുഷന്മാരും അടങ്ങുന്ന 200ഓളം കാണി വിഭാഗക്കാർ ധന്യാ സനൽ അടങ്ങുന്ന സംഘത്തിന്റെ മലകയറ്റത്തെ എതിർത്ത് പ്രതിഷേധം നടത്തിയിരുന്നു. നെയ്യാർ വന്യജീവി സങ്കേതത്തിന് സമീപം 1,868 മീറ്റർ ഉയരത്തിൽ സ്ഥിതി ചെയ്യുന്ന അഗസ്ത്യ മലയിൽ എത്തണമെങ്കിൽ 22 കിലോമീറ്ററോളം ട്രക്കിംഗ് നടത്തണം.വനം വകുപ്പ് സംഘടിപ്പിക്കുന്ന ട്രക്കിംഗിൽ 100…
Read MoreCategory: TVM
മുന്നോക്ക വോട്ടുകൾ ലക്ഷ്യമിട്ട് ബിജെപി; ലോക്സഭാ തെരഞ്ഞെടുപ്പിൽ ഒരു സീറ്റെന്ന ബിജെപിയുടെ സ്വപ്നം സാക്ഷാത്കരിക്കുമോ? കേരളം ചർച്ച ചെയ്യുന്നതിങ്ങനെ…
എം.പ്രേംകുമാർ തിരുവനന്തപുരം : ഏതു വിധേനയും വരുന്ന ലോക്സഭാ തെരഞ്ഞെടുപ്പിൽ കേരളത്തിൽ ഒരു സീറ്റെങ്കിലും നേടണമെന്ന ബിജെപിയുടെ സ്വപ്നം സാക്ഷാത്കരിക്കപ്പെടുമോയെന്ന ചോദ്യമാണ് തെരഞ്ഞെടുപ്പിനു മൂന്നു മാസം മാത്രം അവശേഷിക്കേ രാഷ്ട്രീയ കേരളം ഇപ്പോൾ പ്രധാനമായും ചർച്ച ചെയ്യുന്നത്. ഒരു ബൈപാസ് ഉദ്ഘാടനം ചെയ്യാൻ വേണ്ടി മാത്രം ഇന്ത്യയുടെ പ്രധാനമന്ത്രി നരേന്ദ്രമോദി ധൃതിപിടിച്ച് ഇന്നു കേരളത്തിൽ എത്തുന്നതിനു പിന്നിൽ മറ്റു ചില രാഷ്ട്രീയ ലക്ഷ്യങ്ങളും ഉണ്ടെന്നുള്ളതു വ്യക്തമാണ്. ശബരിമലയിലെ യുവതീപ്രവേശന വിഷയത്തിലും സംവരണത്തിന്റെ കാര്യത്തിലും തങ്ങളുമായി ഏറെ സൗഹൃദത്തിലുള്ള എൻഎസ്എസിനെ രാഷ്ട്രീയമായി കൂടെ നിർത്താനുള്ള ദൗത്യമാണു കേരളത്തിൽ മോദിക്ക് ആദ്യം നിർവഹിക്കാനുള്ളത്. അതുവഴി തെരഞ്ഞെടുപ്പിൽ മുന്നോക്ക സമുദായങ്ങളുടെ വോട്ടുകൾ സമാഹരിക്കുകയെന്നതാണു ആത്യന്തികമായ ലക്ഷ്യം. ലോക്സഭാ തെരഞ്ഞെടുപ്പിൽ കേരളത്തിലെ പാർട്ടിയുടെ പ്രമുഖ നേതാക്കളെല്ലാം മത്സരിക്കണമെന്ന കാഴ്ചപ്പാടാണു ബിജെപി ദേശീയ അധ്യക്ഷൻ അമിത് ഷായ്ക്കുള്ളത്. എന്നാൽ നേതാക്കളുടെ ഇഷ്ടമനുസരിച്ചു മണ്ഡലങ്ങൾ തെരഞ്ഞെടുക്കുന്ന…
Read Moreലെനിൻ രാജേന്ദ്രന്റെ മൃതദേഹം ഇന്ന് തിരുവനന്തപുരത്തെത്തിക്കും ; സംസ്കാരം നാളെ തൈക്കാട് ശാന്തികവാടത്തിൽ
തിരുവനന്തപുരം: ചലച്ചിത്ര സംവിധായകൻ ലെനിൻ രാജേന്ദ്രന്റെ മൃതദേഹം ചെന്നൈയിൽ നിന്നും ഇന്ന് തിരുവനന്തപുരത്തെത്തിക്കും. വൈകുന്നേരത്തോടെ വിമാനമാർഗം തിരുവനന്തപുരത്തെത്തിക്കുന്ന മൃതദേഹം പണ്ഡിറ്റ് കോളനിയിലെ വീട്ടിൽ പൊതുദർശനത്തിന് വയ്ക്കും. പിന്നീട് ചലച്ചിത്ര അക്കാദമി ആസ്ഥാനമായ കലാഭവനിലും പൊതുദർശനത്തിന് വയ്ക്കും. നിലവിൽ കേരള ചലച്ചിത്ര വികസന കോർപറേഷൻ ചെയർമാനാണ്. നാളെ ഉച്ചയ്ക്ക് തൈക്കാട് ശാന്തികവാടത്തിലാണ് സംസ്കാര ചടങ്ങുകൾ നടക്കുന്നത്. ഇന്നലെ രാത്രി എട്ടരയോടെയാണ് ലെനിൻ രാജേന്ദ്രൻ ചെന്നൈയിലെ അപ്പോളോ ആശുപത്രിയിൽ വച്ച് മരണമടഞ്ഞത്. കരൾ രോഗബാധയെ തുടർന്ന് ഏറെ നാളായി ചികിത്സയിലായിരുന്നു അദ്ദേഹം. പ്രശസ്ത ചലച്ചിത്ര സംവിധായകനായിരുന്ന പി.എ.ബക്കറിന്റെ അസിസ്റ്റന്റായി ചലച്ചിത്ര രംഗത്തെത്തിയ ലെനിൻ രാജേന്ദ്രൻ നിരവധി സിനിമകൾ സംവിധാനം ചെയ്തിട്ടുണ്ട്. 1981 ൽ പുറത്തിറങ്ങിയ വേനലിലൂടെയാണ് അദ്ദേഹം ആദ്യമായി സംവിധാന രംഗത്തെത്തിയത്. മഴ, ദൈവത്തിന്റെ വികൃതികൾ, സ്വാതി തിരുന്നാൾ, രാത്രിമഴ, മകരമഞ്ഞ്, ഇടവപ്പാതി ഉൾപ്പെടെ നിരവധി ചലച്ചിത്രങ്ങൾ സംവിധാനം ചെയ്തിട്ടുണ്ട്.…
Read Moreകൊല്ലം ബൈപ്പാസിലെ രാഷ്ട്രീയപ്പോരിൽ ഇടത് എംഎൽഎമാർ ഔട്ട്, ബിജെപി നേതാക്കൾ ഇൻ
തിരുവനന്തപുരം: കൊല്ലം ബൈപ്പാസിന്റെ ഉദ്ഘാടനവുമായി ബന്ധപ്പെട്ട് വിവാദങ്ങൾ തുടരുന്നു. പ്രധാനമന്ത്രി നരേന്ദ്രമോദി ഇന്നു വൈകുന്നേരം ഉദ്ഘാടനം ചെയ്യുന്ന കൊല്ലം ബൈപ്പാസിന്റെ ഉദ്ഘാടന ചടങ്ങിൽ നിന്നും സ്ഥലം എംഎൽഎമാരെ ഒഴിവാക്കിയതാണ് പുതിയ വിവാദത്തിന് തിരികൊളുത്തിയിരിക്കുന്നത്. ബൈപ്പാസ് കടന്നുപോകുന്ന പ്രദേശത്തെ ഇരവിപുരം എംഎൽഎ എം. നൗഷാദ്, ചവറ എംഎൽഎ വിജയൻപിള്ള എന്നിവരെയാണ് ഉദ്ഘാടന ചടങ്ങിൽ നിന്നും ഒഴിവാക്കിയത്. കൊല്ലം നഗരസഭാ മേയറെയും ഒഴിവാക്കി. എന്നാൽ സ്ഥലം എംഎൽഎ അല്ലാത്ത ഒ. രാജഗോപാൽ, രാജ്യസഭാംഗങ്ങളായ വി.മുരളീധരൻ, സുരേഷ് ഗോപി എന്നിവർക്കും വേദിയില് ഇരിപ്പിടവും നൽകി. അതേസമയം, ഇക്കാര്യത്തിൽ ബിജെപിക്കെതിരേ മന്ത്രി മേഴ്സിക്കുട്ടിയമ്മ രംഗത്തെത്തി. കൊല്ലം ബൈപ്പാസ് ഉദ്ഘാടനത്തിൽ ബിജെപി സങ്കുചിത രാഷ്ട്രീയം കളിക്കുകയാണ്. എംഎൽഎമാരെ ഒഴിവാക്കിയ നടപടി അംഗീകരിക്കാനാകില്ലെന്നും മേഴ്സിക്കുട്ടിയമ്മ പറഞ്ഞു. ഉദ്ഘാടന ചടങ്ങിൽ നിന്ന് ജനപ്രതിനിധികളെ ഒഴിവാക്കിയ നടപടി കൊല്ലത്തെ ജനങ്ങളെ അപമാനിക്കുന്നതിന് തുല്യമാണെന്ന് എം. നൗഷാദ് എംഎൽഎയും പറഞ്ഞു.…
Read Moreലെനിൻ രാജേന്ദ്രൻ ചരിത്രത്തെ ഡോക്യുമെന്റ് ചെയ്ത കലാകാരനെന്ന് മുഖ്യമന്ത്രി
തിരുവനന്തപുരം: ചരിത്രത്തെ ഡോക്യുമെന്റ് ചെയ്യാനുള്ള അപാരമായ സാധ്യതകൾ സിനിമയിൽ പ്രയോജനപ്പെടുത്തിയ കലാകാരനായിരുന്നു ലെനിൻ രാജേന്ദ്രനെന്ന് മുഖ്യമന്ത്രി പിണറായി വിജയൻ. സിനിമ വെറും വിനോദോപാധി മാത്രമല്ലെന്നും അതിൽ ഡോക്യുമെന്ററി സാധ്യതയുണ്ടെന്നും അദ്ദേഹം കണ്ടറിഞ്ഞു. കയ്യൂർ സമരം ചിത്രീകരിക്കുന്ന മീനമാസത്തിലെ സൂര്യൻ, കേരള ചരിത്രത്തിലെ മറ്റൊരു കാലഘട്ടം അവതരിപ്പിക്കുന്ന സ്വാതിതിരുനാൾ എന്നിവ ഇതിന് ഏറ്റവും നല്ല ഉദാഹരണങ്ങളാണ്. കലാമൂല്യമുള്ള സിനിമകളിലേക്കു ജനങ്ങളെ സാർവത്രികമായി ആകർഷിച്ച കലാകാരനായിരുന്നു അദ്ദേഹമെന്നും മുഖ്യമന്ത്രി പറഞ്ഞു.പുതിയ ചലച്ചിത്ര സംസ്കാരത്തെ പോഷിപ്പിച്ചതിൽ പ്രമുഖനായിരുന്നു ലെനിൻ രാജേന്ദ്രൻ എന്നും മുഖ്യമന്ത്രി അനുശോചന സന്ദേശത്തിൽ പറഞ്ഞു.
Read Moreലോക്സഭ തെരഞ്ഞെടുപ്പ്; നേതാക്കളെ ഹൈക്കമാൻഡ് വിളിപ്പിച്ചു; ബുധനാഴ്ച കൂടിക്കാഴ്ച
തിരുവനന്തപുരം: ലോക്സഭാ തെരഞ്ഞെടുപ്പിന് മുന്നോടിയായി പ്രതിപക്ഷ നേതാവ് രമേശ് ചെന്നിത്തല, കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ, ബെന്നി ബഹനാൻ, കെ. മുരളീധരൻ തുടങ്ങിയവരെ കോണ്ഗ്രസ് നേതൃത്വം ഡൽഹിക്കു വിളിപ്പിച്ചു. ബുധനാഴ്ച നേതാക്കൾ ഹൈക്കമാൻഡുമായി കേരളത്തിലെ സാഹചര്യങ്ങൾ ചർച്ച ചെയ്യും.
Read Moreശബരിമല: എല്ലാ വെല്ലുവിളികളെയും സർക്കാർ മറികടന്നെന്ന് ദേവസ്വംമന്ത്രി
ഈ വർഷത്തേത് വെല്ലുവിളികൾ നിറഞ്ഞ ശബരിമല തീർഥാടന കാലമായിരുന്നുവെന്ന് മന്ത്രി കടകംപള്ളി സുരേന്ദ്രൻ. എന്നാൽ ഈ വെല്ലുവിളികളെ മറികടക്കാൻ സർക്കാരിന് സാധിച്ചു. ശബരിമലയെ കലാപഭൂമിയാക്കാനായിരുന്നു ചിലരുടെ ലക്ഷ്യമെന്നും കടകംപള്ളി മാധ്യമങ്ങളോട് പറഞ്ഞു. രാജ്യം ഭരിക്കുന്ന പാർട്ടി ശബരിമലയിൽ രാഷ്ട്രീയം കളിച്ചു. എന്നാൽ ഇക്കാര്യങ്ങൾ കേവലം രാഷ്ട്രീയ താത്പര്യമാണെന്ന് കേരളത്തിലെ ജനങ്ങൾക്ക് മനസിലായിട്ടുണ്ട്. കുറച്ചു ദിവസം വർഗീയ ഭ്രാന്തന്മാർക്ക് ജനങ്ങളെ കബളിപ്പിക്കാൻ സാധിച്ചെന്നും കടകംപള്ളി കൂട്ടിച്ചേർത്തു. നടവരവ് കുറഞ്ഞാൽ അത് വരും വർഷങ്ങളിൽ ഭക്തർ തന്നെ നികത്തും. ശബരിമലയിലെ എല്ലാ കാര്യങ്ങൾക്കും മുഖ്യമന്ത്രി സഹായം വാഗ്ദാനം ചെയ്തിട്ടുണ്ടെന്നും മന്ത്രി പറഞ്ഞു.
Read Moreപിടിച്ചകൊടി പുതച്ചേ മരിക്കൂ…; കോൺഗ്രസിലേക്ക് ക്ഷണിച്ച മുരളീധരന് ദേവസ്വം പ്രസിഡന്റ് പത്മകുമാർ കൊടുത്ത മറുപടിയിലെ പരിഹാസം ഇങ്ങനെയൊക്കെ…
തിരുവനന്തപുരം: ദേവസ്വം ബോർഡ് പ്രസിഡന്റ് സ്ഥാനത്തു നിന്ന് രാജിവച്ചെന്ന വാർത്തകൾ നിഷേധിച്ച് എ.പത്മകുമാർ. അടിസ്ഥനരഹിതമായ വാർത്തകളാണ് പുറത്ത് വന്നതെന്നും അദ്ദേഹം പറഞ്ഞു. കോൺഗ്രസിലേക്ക് തന്നെ ക്ഷണിച്ച കെ.മുരളീധരൻ എംഎൽഎയെ പത്മകുമാർ കണക്കിന് പരിഹസിക്കുകയും ചെയ്തു. പിടിച്ചകൊടി പുതച്ച് മരിക്കണം എന്നാഗ്രഹിക്കുന്നവരാണ് തങ്ങളെന്നു പറഞ്ഞ പത്മകുമാർ തന്നെ ക്ഷണിച്ചവർ കോൺഗ്രസിൽ അവരുടെ സ്ഥാനം സുരക്ഷിതമാണോയെന്ന് ആദ്യം പരിശോധിക്കണമെന്നും ഓർമിപ്പിച്ചു. മുന്നണിയും പാർട്ടിയും മാറുന്നതിനേക്കുറിച്ച് നിരന്തരം ആലോചിക്കുന്നവരാണ് തന്നെ പാർട്ടിയിലേക്ക് ക്ഷണിച്ചതെന്നും അദ്ദേഹം പരിഹസിച്ചു. രാമൻ നായരെ പോലും സംരക്ഷിക്കാൻ കോൺഗ്രസിനായില്ലല്ലോയെന്നും പത്മകുമാർ കൂട്ടിച്ചേർത്തു.
Read Moreപന്തളം കൊട്ടാരം പ്രതിനിധി കള്ളൻ; തിരുവാഭരണം തിരിച്ചു കിട്ടുമോയെന്ന് സംശയിച്ചത് അതുകൊണ്ടെന്ന് മന്ത്രി സുധാകരൻ
തിരുവനന്തപുരം: പന്തളം കൊട്ടാരം പ്രതിനിധി ശശികുമാര വർമയ്ക്കെതിരെ രൂക്ഷ വിമർശനവുമായി മന്ത്രി ജി.സുധാകരൻ. ശശികുമാര വർമ കള്ളനാണെന്നും അദ്ദേഹത്തിന് മോഷണ സ്വഭാവമുള്ളതുകൊണ്ടാണ് തിരുവാഭരണം തിരിച്ചു കിട്ടുമോയെന്ന് സംശയിച്ചതെന്നും സുധാകരൻ ആരോപിച്ചു. തന്ത്രിക്കെതിരെയും മന്ത്രി കടുത്ത ഭാഷയിലാണ് പ്രതികരിച്ചത്. ഭക്തി കൊണ്ടല്ല സാമ്പത്തിക താത്പര്യം കൊണ്ടാണ് തന്ത്രി കടിച്ചുതൂങ്ങി കഴിയുന്നതെന്നും അദ്ദേഹം വിമർശിച്ചു. ശബരിമലയില് പോകുന്ന സ്ത്രീകളുടെ ഭൂതവും വര്ത്തമാനവുമൊന്നും പരിശോധിക്കണ്ട കാര്യമില്ലെന്നും സ്ത്രീകള് ശബരിമലയിലെത്തിയാല് അയ്യപ്പന് ഒരു പ്രശ്നവുമില്ലെന്നും മന്ത്രി പറഞ്ഞു.
Read Moreഗ്രൂപ്പിന്റെ ബലത്തിൽ സ്ഥാനാർഥിയാകാമെന്ന് ആരും മനക്കോട്ട കെട്ടേണ്ടതില്ലെന്ന് ഏ.കെ ആന്റണി
തിരുവനന്തപുരം: ലോക്സഭാ തെരഞ്ഞെടുപ്പിൽ ഗ്രൂപ്പ് നോക്കി സ്ഥാനാർഥികളെ നിർണയിക്കില്ലെന്ന് കോണ്ഗ്രസ് പ്രവർത്തക സമിതി അംഗം എ.കെ. ആന്റണി. ഗ്രൂപ്പിന്റെ ബലത്തിൽ സ്ഥാനാർഥിയാകാമെന്ന് ആരും മനക്കോട്ട കെട്ടേണ്ടതില്ലെന്നും അദ്ദേഹം പറഞ്ഞു. കീഴ്ഘടകങ്ങളുടെ അഭിപ്രായം തേടി ജയസാധ്യതയുള്ള സ്ഥാനാർഥികളെ കണ്ടെത്താനുള്ള നടപടി ഉടൻ തുടങ്ങാൻ സംസ്ഥാന ഘടകങ്ങൾക്കു ഹൈക്കമാൻഡ് നിർദേശം നൽകിയിട്ടുണ്ടെന്നും അദ്ദേഹം പറഞ്ഞു. കോൺഗ്രസിനു നഷ്ടപ്പെട്ട ബഹുജന പിന്തുണ വീണ്ടെടുക്കണം. മത്സരിക്കേണ്ട സ്ഥാനാർഥികളെ അവസാനഘട്ടത്തിൽ മുകളിലുള്ള ഏതാനും പേർ കൂടിയിരുന്നു തീരുമാനിക്കുന്ന രീതി ഇത്തവണ ഉണ്ടാകില്ല. സ്ഥാനാർഥികളെ ഉടൻ പ്രഖ്യാപിക്കുമെന്നും ആന്റണി കൂട്ടിച്ചേർത്തു
Read More