തിരുവനന്തപുരം: പ്രളയത്തിന്റെ പശ്ചാത്തലത്തിൽ ബജറ്റിൽ പുനർനിർമാണത്തിനായിരിക്കും ഊന്നൽ നൽകുകയെന്ന് ധനമന്ത്രി തോമസ് ഐസക്ക്. അധിക നികുതിഭാരം ജനത്തിനുമേൽ അടിച്ചേൽപ്പിക്കില്ലെന്നും മന്ത്രി പറഞ്ഞു.ചിലവു ചുരുക്കാൻ എല്ലാവരും സഹകരിക്കണമെന്നും മന്ത്രി ആവശ്യപ്പെട്ടു. സാന്പത്തിക പ്രതിസന്ധി അതാത് വകുപ്പുകൾ മനസിലാക്കണം. വരുമാനം 10 ശതമാനം കൂടുന്പോൾ ചിലവ് 16 ശതമാനമായി ഉയർന്നെന്നും മന്ത്രി കൂട്ടിച്ചേർത്തു.
Read MoreCategory: TVM
നവോത്ഥാന പാരമ്പര്യം കോൺഗ്രസിന് മാത്രം അവകാശപ്പെട്ടത്; മുഖ്യമന്ത്രി വർഗീയതയെ വർഗീയതകൊണ്ട് നേരിടാനാണ് ശ്രമിക്കുന്നതെന്ന് ചെന്നിത്തല
തിരുവനന്തപുരം: സംസ്ഥാനത്തിന്റെ നവോത്ഥാനത്തിൽ കോൺഗ്രസിനുള്ളത്ര പങ്ക് മറ്റാർക്കുമില്ലെന്ന് പ്രതിപക്ഷ നേതാവ് രമേശ് ചെന്നിത്തല. പാർട്ടിയുടെ നവോത്ഥാന പാരമ്പര്യം മറ്റാർക്കും അവകാശപ്പെടാനാകില്ലെന്നും അദ്ദേഹം പറഞ്ഞു. സർക്കാരും സിപിഎമ്മും നവോത്ഥാനത്തെ വളച്ചൊടിക്കാനാണ് ശ്രമിക്കുന്നതെന്നു പറഞ്ഞ ചെന്നിത്തല മുഖ്യമന്ത്രി വർഗീയതയെ വർഗീയതകൊണ്ട് നേരിടാനാണ് ശ്രമിക്കുന്നതെന്നും കൂട്ടിച്ചേർത്തു.
Read Moreനെടുമങ്ങാട് പോലീസ് സ്റ്റേഷനിലേക്ക് ബോംബേറ്; ആർഎസ്എസ് പ്രവർത്തകനായി ലുക്ക്ഔട്ട് നോട്ടീസ്
തിരുവനന്തപുരം: നെടുമങ്ങാട് പോലീസ് സ്റ്റേഷനിലേക്ക് ബോംബെറിഞ്ഞ കേസിൽ മുഖ്യപ്രതിയായ ആർഎസ്എസ് പ്രവർത്തകൻ ആലപ്പുഴ നൂറനാട് സ്വദേശി പ്രവീണിനെതിരെ പോലീസ് ലുക്ക്ഔട്ട് നോട്ടീസ് പുറപ്പെടിവിച്ചു. കേസുമായി ബന്ധപ്പെട്ട് നാല്പതോളം പേരെയാണ് പോലീസ് ഇതുവരെ അറസ്റ്റ് ചെയ്തത്. എന്നാൽ മുഖ്യപ്രതിയായ പ്രവീണിനെകുറിച്ചു ഒരു വിവരവും ലഭിക്കാത്ത സാഹചര്യത്തിലാണ് പോലീസ് ലുക്ക്ഔട്ട് നോട്ടീസ് പുറപ്പെടുവിച്ചത്. ബോംബ് എറിയുന്നതിന്റെ സിസിടിവി ദൃശ്യങ്ങൾ പുറത്തുവന്നതിന് പിന്നാലെ പ്രതി മുങ്ങുകയായിരുന്നു
Read Moreവെറും ദുഷ്പ്രചരണം മാത്രം; പത്മകുമാര് ദേവസ്വം ബോര്ഡ് പ്രസിഡന്റ് സ്ഥാനം രാജിവച്ചെന്ന വാര്ത്ത വ്യാജമെന്ന് കടകംപള്ളി
തിരുവനന്തപുരം: തിരുവിതാകൂര് ദേവസ്വം ബോര്ഡ് പ്രസിഡന്റ് എ. പത്മകുമാര് രാജിവച്ചെന്ന വാര്ത്തകള് നിഷേധിച്ച് ദേവസ്വം മന്ത്രി കടകംപള്ളി സുരേന്ദ്രന്. പത്മകുമാര് രാജിവച്ചെന്നുള്ളത് ദുഷ്പ്രചാരണം മാത്രമാണെന്ന് അദ്ദേഹം പറഞ്ഞു. പത്മകുമാറില് നിന്ന് രാജിക്കത്ത് എഴുതിവാങ്ങി എന്നായിരുന്നു വാര്ത്ത. ബോര്ഡ് അംഗം കെ.പി.ശങ്കരദാസിന് പകരം ചുമതല നല്കുമെന്നും പ്രചാരണമുണ്ടായിരുന്നു. മകരവിളക്ക് തീര്ത്ഥാടനത്തിന് ശേഷം രാജിക്കാര്യം ഔദ്യോഗികമായി പ്രഖ്യാപിക്കുമെന്നും വാര്ത്തയില് പറഞ്ഞിരുന്നു. പത്മകുമാറിന്റെ നിലപാടുകളെ വിമര്ശിച്ച് മുഖ്യമന്ത്രിയുള്പ്പെടെ രംഗത്ത് വന്നിരുന്നു. നേരത്തെ പത്മകുമാര് രാജിസന്നദ്ധത അറിയിച്ചിരുന്നതായും അപ്പോള് പിന്തിരിപ്പിച്ച സര്ക്കാരും സിപിഎമ്മും ഇപ്പോള് നിലപാട് മാറ്റിയിരിക്കുകയാണ് എന്നുമായിരുന്നു വാര്ത്ത.
Read Moreമുഖാമുഖം അരമണിക്കൂർ; ശബരിമല യുവതി പ്രവേശനവുമായി ബന്ധപ്പെട്ട അക്രമത്തിൽ മുഖം നോക്കാതെ നടപടിയെന്നു ഗവർണറോട് മുഖ്യമന്ത്രി
തിരുവനന്തപുരം: ശബരിമലയിൽ യുവതീപ്രവേശനത്തെ തുടർന്നുണ്ടായ പ്രതിഷേധങ്ങളിൽ അക്രമം ഉണ്ടാക്കിയവർക്കെതിരെ മുഖംനോക്കാതെ നടപടിയെടുക്കുമെന്ന് ഗവർണർ പി.സദാശിവത്തിനു മുഖ്യമന്ത്രി പിണറായി വിജയൻ ഉറപ്പുനൽകി. ഇന്നലെ രാത്രി ഏഴരയ്ക്ക് രാജ്ഭവനിലെത്തി ഗവർണറെ കണ്ടാണ് മുഖ്യമന്ത്രി ഈ ഉറപ്പു നൽകിയത്. ഗവർണറുമായുള്ള കൂടിക്കാഴ്ച അരമണിക്കൂർ നീണ്ടു. സംസ്ഥാനത്തെ ക്രമസമാധാന നിലയെക്കുറിച്ചും അക്രമം അമർച്ച ചെയ്യാൻ സ്വീകരിച്ച നടപടികളെക്കുറിച്ചും മുഖ്യമന്ത്രി വിശദീകരിച്ചു. കഴിഞ്ഞ മൂന്നിനു മുഖ്യമന്ത്രിയിൽ നിന്ന് ഗവർണർ റിപ്പോർട്ട് ആവശ്യപ്പെട്ടിരുന്നു. നാലിനു സംസ്ഥാനത്തെ ക്രമസമാധാന നിലയെക്കുറിച്ച് കേന്ദ്ര ആഭ്യന്തരമന്ത്രി രാജ്നാഥ് സിംഗിന് ഗവർണർ പ്രാഥമിക വിശദീകരണം നൽകിയിരുന്നു. മുഖ്യമന്ത്രിയുടെ റിപ്പോർട്ടിന്റെ അടിസ്ഥാനത്തിൽ ഗവർണർ കേന്ദ്രത്തിന് വിശദമായ റിപ്പോർട്ട് നൽകും. പ്രളയ പുനരധിവാസ നടപടികളിലെ പുരോഗതിയെക്കുറിച്ചും സംസ്ഥാനത്തെ മറ്റ് പ്രധാന സംഭവങ്ങളെക്കുറിച്ചും ഇരുവരും ചർച്ച നടത്തിയതായി രാജ്ഭവൻ അറിയിച്ചു. അക്രമങ്ങളുടെ ദൃശ്യങ്ങളും പ്രതികളുടെ ചിത്രങ്ങളും അവരുടെ രാഷ്ട്രീയബന്ധവും സഹിതമുള്ള വിശദമായ റിപ്പോർട്ട് മുഖ്യമന്ത്രി ഒപ്പിട്ട്…
Read Moreപ്രണയ ദിനത്തിന്റെ നാലാം നാൾ…! കൊഴിഞ്ഞുപോയ ആയിരം ദിനങ്ങളെ ആഘോഷിക്കാനൊരുങ്ങി എൽഡിഎഫ് സർക്കാർ
തിരുവനന്തപുരം: എൽഡിഎഫ് സർക്കാരിന്റെ മൂന്നാം വാർഷികത്തിനു പകരമായി 1000 ദിവസം പൂർത്തിയാക്കുന്നതിന്റെ ആഘോഷം സംസ്ഥാന വ്യാപകമായി നടത്താൻ മന്ത്രിസഭാ തീരുമാനം. മേയ് മാസത്തിൽ സർക്കാരിന്റെ മൂന്നാം വാർഷികാഘോഷങ്ങൾ ലോക്സഭാ തെരഞ്ഞെടുപ്പു പെരുമാറ്റച്ചട്ടത്തിൽ കുടുങ്ങുമെന്നതിനാൽ മന്ത്രിസഭയുടെ 1000 ദിവസം ഫെബ്രുവരി യിൽ ആഘോഷിക്കാനാണു തീരുമാനം. ഇതിനായി എ.കെ. ബാലൻ കണ്വീനറായ മന്ത്രിസഭാ ഉപസമിതിയെയും ഇന്നലെ ചേർന്ന മന്ത്രിസഭാ യോഗം ചുമതലപ്പെടുത്തി. ഫെബ്രുവരി 15 മുതൽ എല്ലാ ജില്ലകളിലും ആഘോഷം സംഘടിപ്പിക്കും. വിശദാംശങ്ങൾ മന്ത്രിസഭാ ഉപസമിതി തയാറാക്കും.പുതിയ വികസന പദ്ധതികൾക്കു തുടക്കം കുറിക്കുക, പൂർത്തിയായ പദ്ധതികളുടെ ഉദ്ഘാടനം നടത്തുക എന്നിവയും ആഘോഷത്തിന്റെ ഭാഗമായി നടക്കും. മറ്റു പരിപാടികളും ഉണ്ടാകും. ഫെബ്രുവരി 18നാണ് 1000 ദിവസം പൂർത്തിയാക്കുന്നത്. മന്ത്രിസഭാ ഉപസമിതിയിൽ ഏ.കെ. ബാലനെ കൂടാതെ ഘടകകക്ഷി മന്ത്രിമാരായ ഇ. ചന്ദ്രശേഖരൻ, എ.കെ.ശശീന്ദ്രൻ, രാമചന്ദ്രൻ കടന്നപ്പള്ളി, കെ. കൃഷ്ണൻകുട്ടി എന്നിവരാണ് അംഗങ്ങൾ.
Read Moreസാമൂഹ്യ സുരക്ഷ പെൻഷൻ വിതരണം; ഇൻസെന്റീവായി 9.5 കോടി ധനകാര്യവകുപ്പ് കൈമാറി; പെൻഷൻ വീടുകളിലെത്തിച്ച പ്രാഥമിക സഹകരണ സംഘങ്ങൾക്ക് തുക ലഭിക്കും
ഏ.ജെ.വിൻസൻ തൃപ്രയാർ (തൃശൂർ): സാമൂഹ്യ സുരക്ഷാ പെൻഷൻ ഒരു തവണ വീടുകളിലെത്തിച്ചതിനു പ്രാഥമിക സഹകരണസംഘങ്ങൾക്ക് ഇൻസെന്റീവ് ഇനത്തിൽ നല്കാൻ 9,30,21,900 രൂപ സംസ്ഥാനത്തെ 14 ജില്ലകളിലേയും സഹകരണ വകുപ്പ് ജോയിന്റ് രജിസ്ട്രാർമാരുടെയും പെൻഷൻ ട്രഷറി അക്കൗണ്ടിലേക്കു കൈമാറാൻ ധനകാര്യ വകുപ്പ് നിർദേശം നൽകി. 2018 ഏപ്രിൽ മുതൽ ജൂലൈ വരെ സാമൂഹ്യ സുരക്ഷാ പെൻഷൻ പ്രാഥമിക കാർഷിക വായ്പാ സംഘങ്ങൾ, മറ്റ് വായ്പാ സംഘങ്ങൾ എന്നിവ മുഖാന്തിരം ഗുണഭോക്താവിന്റെ വീട്ടിൽ എത്തിച്ചതിനാണ് ഈ തുക കൈമാറുന്നത്. ഒരു ഗുണഭോക്താവിനു വീട്ടിൽ ചെന്നു പെൻഷൻ വിതരണം ചെയ്യുന്നതിന് 50 രൂപയാണ് ഇൻസെന്റീവായി സഹകരണ സംഘങ്ങൾക്കു നല്കുന്നത്. 18,60,438 വീടുകളിലാണ് സഹകരണ സംഘങ്ങൾ മുഖേന പെൻഷനെത്തിച്ചത്. മലപ്പുറം ജില്ലയിലാണ് ഏറ്റവും കൂടുതൽ വീടുകളിൽ പെൻഷൻ എത്തിച്ചത്.ഈ ജില്ലയിൽ 2,42,153 ഗുണഭോക്തക്കൾക്കാണ് സഹകരണ സംഘങ്ങൾ മുഖാന്തിരം നേരിട്ടു പെൻഷനെത്തിച്ചത്. ജില്ലയും കൈമാറിയ…
Read Moreമതേതരത്വം തകർക്കുന്ന ഇടതുസർക്കാരിനെതിരേ സെക്രട്ടറിയേറ്റ് പടിക്കൽ വെള്ളിയാഴ്ച ഉപവാസവുമായി അനൂപ് ജേക്കബും ജോണി നെല്ലൂരും
തിരുവനന്തപുരം: മതേതരത്വം തകർക്കുന്ന ഇടതുസർക്കാർ നിലപാടിൽ പ്രതിഷേധിച്ചും പ്രളയ ദുരിതാശ്വാസം ഉൗർജിതമാക്കണമെന്നും ആവശ്യപ്പെട്ട് കേരളാ കോണ്ഗ്രസ് – ജേക്കബ് ലീഡർ അനൂപ് ജേക്കബ് എംഎൽഎയും ചെയർമാൻ ജോണി നെല്ലൂരും നാളെ സെക്രട്ടേറിയറ്റ് നടയിൽ ഉപവസിക്കുമെന്ന് പാർട്ടി സംസ്ഥാന ജനറൽ സെക്രട്ടറി വി.എസ്. മനോജ്കുമാർ അറിയിച്ചു. രാവിലെ പത്തിന് പ്രതിപക്ഷ നേതാവ് രമേശ് ചെന്നിത്തല ഉപവാസം ഉദ്ഘാടനം ചെയ്യും. വൈകുന്നേരം നാലിന് നടക്കുന്ന സമാപനയോഗത്തിൽ യുഡിഎഫ് കണ്വീനർ ബെന്നി ബഹനാൻ പങ്കെടുക്കും.
Read Moreകൊക്കിലൊതുങ്ങുന്ന കാര്യമേ പറയാവൂ; കൊല്ലം ബൈപാസ് ഉദ്ഘാടനവുമായി ബന്ധപ്പെട്ട എംപിയുടെ പരാമർശങ്ങൾ അബദ്ധമെന്നു മന്ത്രി സുധാകരൻ
തിരുവനന്തപുരം: കൊല്ലം ബൈപാസ് ഉദ്ഘാടനവുമായി ബന്ധപ്പെട്ട് എൻ.കെ. പ്രേമചന്ദ്രൻ എംപി നടത്തിയ പരാമർശങ്ങൾ അബദ്ധം മാത്രമാണെന്നും തന്റെ കൊക്കിലൊതുങ്ങുന്ന കാര്യങ്ങൾ മാത്രമേ അദ്ദേഹം പറയാവൂവെന്നും മന്ത്രി ജി. സുധാകരൻ. കൊല്ലം ബൈപാസ് പൂർത്തിയാക്കിയതിൽ എംപിയായ എൻ.കെ. പ്രേമചന്ദ്രന് ഒരു കാര്യവുമില്ലെന്ന് അദ്ദേഹം പറഞ്ഞു. ഉമ്മൻചാണ്ടി സർക്കാരിന്റെ മൂന്നു വർഷക്കാലത്ത് 30 ശതമാനം നിർമാണ ജോലികൾ മാത്രമാണ് തീർത്തത്. പിണറായി സർക്കാർ രണ്ടര വർഷം കൊണ്ടാണ് ബാക്കി 70 ശതമാനം ജോലികൾ തീർത്തത്. ബൈപാസ് ഉദ്ഘാടനത്തിന് മുഖ്യമന്ത്രിയെയാണ് നിശ്ചയിച്ചിരുന്നത്. എന്നാൽ പ്രധാനമന്ത്രി ആഗ്രഹം പ്രകടിപ്പിച്ചപ്പോൾ മുഖ്യമന്ത്രി അദ്ദേഹത്തെ സ്വാഗതം ചെയ്യുകയായിരുന്നു. ജനുവരി ഒന്നിന് പൊതുമരാമത്ത് ചീഫ് എൻജിനിയർക്ക് കിട്ടിയ ഇ-മെയിൽ സന്ദേശത്തിൽ പ്രധാനമന്ത്രി വരാൻ സാധ്യതയുണ്ടെന്നു മാത്രം അറിയിച്ചിരുന്നു. പ്രധാനമന്ത്രിയുടെ ഓഫീസിൽ നിന്ന് ഇന്നലെ ലഭിച്ച സ്ഥിരീകരിക്കപ്പെട്ട പരിപാടിയിൽ പ്രധാനമന്ത്രി 15 ന് വൈകുന്നേരം 5.20 മുതൽ 5.50…
Read Moreദേശീയ പണിമുടക്കിൽ എസ്ബിഐ ഓഫീസ് ആക്രമണം: എൻജിഒ യൂണിയൻ നേതാക്കൾ പിടിയിൽ
തിരുവനന്തപുരം: ദേശീയ പണിമുടക്കിന്റെ മറവിൽ തിരുവനന്തപുരത്ത് എസ്ബിഐ ട്രഷറി ഓഫീസ് അടിച്ചു തകർത്ത സംഭവത്തിൽ രണ്ട് എൻജിഒ യൂണിയൻ നേതാക്കൾ പിടിയിൽ. അശോകൻ, ഹരിലാൽ എന്നിവരാണ് പിടിയിലായത്. ഹരിലാൽ എൻജിഒ യൂണിയൻ ജില്ലാ സെക്രട്ടറിയേറ്റ് അംഗവും അശോകൻ എൻജിഒ യൂണിയൻ തൈക്കാട് ഏരിയ സെക്രട്ടറിയുമാണ്. ബുധനാഴ്ച രാവിലെയാണ് പണിമുടക്ക് അനുകൂലികൾ സെക്രട്ടേറിയറ്റിനു സമീപത്തെ എസ്ബിഐയുടെ ട്രഷറി മെയിൻ ബ്രാഞ്ച് അടിച്ചു തകർത്തത്. ട്രഷറി ബ്രാഞ്ചിൽ കടന്ന ഹർത്താൽ അനുകൂലികൾ മാനേജരുടെ കാബിനിൽ കയറി മേശയിലെ ഗ്ലാസ്, കംപ്യൂട്ടർ മോണിറ്റർ, മേശപ്പുറത്തിരുന്ന ഫോണ് എന്നിവ അടിച്ചു തകർക്കുകയായിരുന്നു. പന്ത്രണ്ടോളം പേരടങ്ങിയ ഒരു സംഘമാണ് ട്രഷറിയിലേക്കു തള്ളിക്കയറി ആക്രമണം നടത്തിയത്.
Read More