തിരുവനന്തപുരം: നവംബർ ഒന്നിനു ഗ്രീൻഫീൽഡ് സ്റ്റേഡിയത്തിൽ നടക്കുന്ന ഇന്ത്യാ – വെസ്റ്റ് ഇന്ഡീസ് ഏകദിന ക്രിക്കറ്റ് മാച്ചിനോടനുബന്ധിച്ചു വൻ സുരക്ഷാ ക്രമീകരണങ്ങളാണ് സിറ്റി പോലീസ് ഏർപ്പെടുത്തിയിട്ടുള്ളത്. തിരുവനന്തപുരം റേഞ്ച് ഐജി മനോജ് ഏബ്രഹാമിന്റെ നേതൃത്വത്തിൽ സിറ്റി പോലീസ് കമ്മീഷണർ പി. പ്രകാശ് , ഡിസിപി ആര്. ആദിത്യ എന്നിവർ കൂടാതെ എട്ട് എസ്പിമാർ 18 ഡിവൈഎസ്പിമാർ 60 സിഐമാർ, 140 എസ്ഐമാർ ഉൾപ്പടെ 1500 പോലീസുകാരെയും സുരക്ഷക്കായി നിയോഗിച്ചിട്ടുണ്ട്. തിരുവനന്തപുരം റേഞ്ചിനു കീഴിലുള്ള, കൊല്ലം സിറ്റി, കൊല്ലം റൂറൽ, തിരുവനന്തപുരം റൂറൽ എന്നീ സ്ഥലങ്ങളിൽ നിന്നും പോലീസ് ഉദ്യോഗസ്ഥരെ ഡ്യൂട്ടിക്കായി നിയോഗിച്ചിട്ടുണ്ട്. ഇവരെ കൂടാതെ സ്വകാര്യ സെക്യൂരിറ്റി ജീവനക്കാരെയും വിവിധ സ്ഥലങ്ങളിൽ ഡ്യൂട്ടിക്കായി നിയോഗിച്ചിട്ടുള്ളതായി സിറ്റി പോലിസ് കമ്മിഷണര് പി. പ്രകാശ് അറിയിച്ചു. ഇന്നലെ ഗ്രീന് ഫീല്ഡ് സ്റ്റേഡിയത്തിൽ ഐ ജി മനോജ് ഏബ്രഹാമിന്റെ നേതൃത്വത്തില് നടന്ന…
Read MoreCategory: TVM
രാഹുൽ ഈശ്വറല്ല രാഹുൽ ഗാന്ധിയാണ് കോണ്ഗ്രസ് നേതാവ്; കെപിസിസി നേതൃത്വത്തിന്റെ നിലപാടിനെ ട്രോളി വി.ടി.ബൽറാം
തിരുവനന്തപുരം: ശബരിമല വിഷയത്തിൽ കെപിസിസി നേതൃത്വത്തിന്റെ നിലപാടിനെ ട്രോളി വി.ടി.ബൽറാം എംഎൽഎ രംഗത്ത്. ശബരിമലയിലെ സ്ത്രീപ്രവേശനവുമായി ബന്ധപ്പെട്ട സുപ്രീംകോടതി വിധി സ്വാഗതാർഹമാണെന്നാണ് തന്റെ നിലപാടെന്ന് അദ്ദേഹം ഫേസ്ബുക്കിൽ കുറിച്ചു. എന്നാൽ ഇക്കാര്യത്തിൽ വലിയൊരു വിഭാഗം അയ്യപ്പഭക്തരുടെ വികാരങ്ങൾ കൂടി ഉൾക്കൊണ്ട് നിലപാടെടുക്കേണ്ടി വരുന്ന കോണ്ഗ്രസ് നേതൃത്വത്തിന്റെ ഉത്തരവാദിത്വം താൻ മനസിലാക്കുന്നു. പ്രകോപനങ്ങൾ കൊണ്ട് മതേതര കേരളത്തെ വർഗീയമായി പിളർത്താനുള്ള സംഘപരിവാറിന്റെയും സർക്കാരിന്റെയും ശ്രമങ്ങളെ തുറന്നുകാട്ടേണ്ടതുണ്ടെന്നും അദ്ദേഹം പറഞ്ഞു. ശബരിമല വിഷയത്തിൽ ചാനൽ ചർച്ചയ്ക്ക് പോകുന്ന നേതാക്കളെ കോണ്ഗ്രസിന്റെ പാരന്പര്യം ഓർമപ്പെടുത്തണമെന്നും ഇക്കാര്യം കെപിസിസി അധ്യക്ഷനെ താൻ അറിയിച്ചിട്ടുണ്ടെന്നും പറഞ്ഞ ബൽറാം രാഹുൽ ഗാന്ധിയാണ് കോണ്ഗ്രസ് നേതാവെന്നും രാഹുൽ ഈശ്വറല്ലെന്നും പറഞ്ഞാണ് കുറിപ്പ് അവസാനിപ്പിച്ചിരിക്കുന്നത്.
Read Moreആർഭാടമില്ലാതെ സ്കൂൾ കായികമേള; ആദ്യ സ്വർണം തിരുവനന്തപുരം സായിയുടെ സൽമാൻ ഫാരിസിന്
എം.ജി. ലിജോ തിരുവനന്തപുരം: പ്രളയാനന്തര സംസ്ഥാന സ്കൂൾ കായികമേളയ്ക്ക് യൂണിവേഴ്സിറ്റി സ്റ്റേഡിയത്തിൽ നിറംമങ്ങിയ തുടക്കം. ആർഭാടങ്ങൾ എല്ലാം ഒഴിവാക്കിയപ്പോൾ ആവേശമാപിനിയും താഴുന്ന കാഴ്ച്ചയാണ് തുടക്കത്തിലേ കണ്ടത്. രാവിലെ നടന്ന 3000 മീറ്ററിൽ മലബാറിൽ നിന്നുള്ള സ്കൂളുകളുടെ ആധിപത്യമായിരുന്നു. ജൂണിയർ ആണ്കുട്ടികളുടെ 3000 മീറ്ററിൽ തിരുവനന്തപുരം സായിയുടെ സൽമാൻ ഫാരിസ് ആണ് ആദ്യ മെഡൽ ജേതാവ്. 8:56.16 മിനിറ്റിൽ ഫിനിഷ് ചെയ്താണ് സൽമാൻ മീറ്റിലെ ആദ്യ മെഡൽ ജേതാവായത്. തുണ്ടത്തിൽ എംവിഎച്ച്എസ്എസിലെ വിദ്യാർഥിയാണ്. ജൂണിയർ പെണ്കുട്ടികളിൽ കോഴിക്കോട് ഹോളിഫാമിലി എച്ച്എസ്എസ് കട്ടിപ്പാറയിലെ കെ.പി. സനിക സ്വർണം നേടി. 10:19.48 മിനിറ്റിൽ ഓടിയെത്തിയ സനികയ്ക്ക് പിന്നിൽ പാലക്കാട് കുമരംപുത്തൂർ എച്ച്എസ്എസിലെ സി. ചാന്ദിനി വെള്ളി നേടി. മാർ ബേസിലിന്റെ ബിലിന ബാബുവിനാണ് വെങ്കലം. സീനിയർ ആണ്കുട്ടികളിൽ മാർ ബേസിലിന്റെ ആദർശ് ഗോപിക്ക് സ്വർണം ലഭിച്ചപ്പോൾ എം. അജിത്ത് (സിഎഫ്ഡിവിഎച്ച്എസ്എസ്), പി.…
Read Moreശബരിമല അക്രമ സംഭവങ്ങളിൽ അറസ്റ്റ് 2,000 കടന്നു; അറസ്റ്റിലായവരിൽ സ്ത്രീകളും
തിരുവനന്തപുരം: ശബരിമല അക്രമ സംഭവങ്ങളുമായി ബന്ധപ്പെട്ടു സംസ്ഥാനത്തു വ്യാപക റെയ്ഡും അറസ്റ്റും. ശബരിമല സന്നിധാനം, പമ്പ, നിലയ്ക്കൽ, കാനനപാത എന്നിവിടങ്ങളിൽ അക്രമം നടത്തുകയും സുപ്രീംകോടതി വിധി അട്ടിമറിച്ചു യുവതികളെ തടയാൻ ശ്രമിക്കുകയും ചെയ്ത 2,061 പേരെ വിവിധ ജില്ലകളിൽനിന്നായി ഇതുവരെ പോലീസ് അറസ്റ്റ് ചെയ്തു. വ്യാഴാഴ്ച രാത്രി മാത്രം 700 പേരെയാണ് അറസ്റ്റു ചെയ്തത്. അറസ്റ്റിലായവരിൽ സ്ത്രീകളുമുണ്ട്. 452 കേസുകളാണ് ഇതുവരെ രജിസ്റ്റർ ചെയ്തിരിക്കുന്നു. 1,500 പേരെ ജാമ്യത്തിൽ വിട്ടു. നിരവധി വാഹനങ്ങളും മൊബൈൽ ഫോണുകളും പോലീസ് ഇവരിൽനിന്നു പിടിച്ചെടുത്തിട്ടുണ്ട്. കഴിഞ്ഞ ദിവസം ഡിജിപിയെ വിളിച്ചു വരുത്തി മുഖ്യമന്ത്രി പിണറായി വിജയൻ നൽകിയ നിർദേശത്തെത്തുടർന്നാണ് ഈ നടപടി. സംഘർഷത്തിൽ ഉൾപ്പെട്ടുവെന്നു സംശയിക്കുന്നവരുടെ ചിത്രങ്ങൾ ബുധനാഴ്ച രാത്രി പോലീസ് പുറത്തുവിട്ടതിനു പിന്നാലെയാണു വ്യാപകമായി അറസ്റ്റുണ്ടായത്. അഞ്ഞൂറിലേറെ കേസുകളിലായി 2,100 പേരെ തെരയുന്നുണ്ടെന്നാണ് സൂചന.
Read Moreഭരണഘടനയ്ക്കു മുകളിലാണ് താനെന്ന തന്ത്രിയുടെ വാദം അംഗീകരിക്കില്ല: തോമസ് ഐസക്
തിരുവനന്തപുരം: ഭരണഘടനയ്ക്കും സുപ്രിംകോടതിക്കും മുകളിലാണ് തന്റെ സ്ഥാനമെന്ന ശബരിമല തന്ത്രിയുടെ വാദം അംഗീകരിക്കാൻ കഴിയില്ലെന്ന് മന്ത്രി തോമസ് ഐസക്. കോടതിവിധി നടപ്പിലായാൽ ക്ഷേത്രം അടച്ചിടുമെന്ന വെല്ലുവിളി മുഴക്കിയ പശ്ചാത്തലത്തിലാണ് ശബരിമല തന്ത്രി വിമർശിക്കപ്പെടുന്നതെന്നും എല്ലാ വാദങ്ങളും പരാജയപ്പെട്ടപ്പോൾ എല്ലാ വാദങ്ങളും പരാജയപ്പെട്ടപ്പോൾ സുപ്രിംകോടതിയുടെ പഴയൊരു വിധിയും പൊക്കിപ്പിടിച്ച് ആശയക്കുഴപ്പമുണ്ടാക്കാനാവുമോ എന്നു പരീക്ഷിക്കുകയാണു പ്രതിപക്ഷ നേതാവ് രമേശ് ചെന്നിത്തലയെന്നും ഐസക് പരിഹസിച്ചു. ഫേസ്ബുക്ക് കുറിപ്പിലായിരുന്നു ഐസക്കിന്റെ മറുപടി. ഫേസ്ബുക്ക് കുറിപ്പിന്റെ പൂർണരൂപം… എല്ലാ വാദങ്ങളും പരാജയപ്പെട്ടപ്പോൾ സുപ്രിംകോടതിയുടെ പഴയൊരു വിധിയും പൊക്കിപ്പിടിച്ച് ആശയക്കുഴപ്പമുണ്ടാക്കാനാവുമോ എന്ന് പരീക്ഷിക്കുകയാണ് പ്രതിപക്ഷ നേതാവ് രമേശ് ചെന്നിത്തല. പൊതുമധ്യത്തിൽ പരിഹാസകഥാപാത്രമാകാനുള്ള അദ്ദേഹത്തിന്റെ അവകാശങ്ങളെ ചോദ്യം ചെയ്യാൻ ഞാനില്ല. എന്നാൽ വിവേകമുള്ള ഒരു ജനത ഇതൊക്കെ കാണുന്നുണ്ട് എന്ന ബോധം പരിണിതപ്രജ്ഞനായ ഒരു പൊതുപ്രവർത്തകനിൽ ഇല്ലാതെ പോയതു നിരാശാജനകം തന്നെയാണ്. ശബരിമല ക്ഷേത്രത്തിലെ ആചാരങ്ങളുടെ അവസാനവാക്ക്…
Read Moreമുഖ്യമന്ത്രിയുടെ വിദേശയാത്രയുടെ മെച്ചം സിപിഎമ്മിനെന്ന് കെ.മുരളീധരൻ
തിരുവനന്തപുരം: പ്രളയ ദുരിതാശ്വാസത്തിന് സഹായം തേടി മുഖ്യമന്ത്രി നടത്തിയ യുഎഇ സന്ദർശനത്തിനെതിരേ കെ.മുരളീധരൻ എംഎൽഎ രംഗത്ത്. മുഖ്യമന്ത്രിയുടെ യുഎഇ സന്ദർശനത്തിന്റെ ഗുണം കേരളത്തിനല്ലെന്നും അദ്ദേഹത്തിന്റെ പാർട്ടിക്കാണെന്നും മുരളീധരൻ കുറ്റപ്പെടുത്തി. പെരുമാറ്റചട്ടം ലംഘിച്ചായിരുന്നു മുഖ്യമന്ത്രിയുടെ യാത്ര. കേരളത്തിന് കിട്ടിയ സാന്പത്തിക സഹായത്തിന്റെ കണക്ക് വ്യക്തമാക്കാൻ സർക്കാർ തയാറാകണമെന്നും കെ.മുരളീധരൻ ആവശ്യപ്പെട്ടു.
Read Moreഎബിവിപി സംസ്ഥാന കമ്മിറ്റി ഓഫീസിന് നേരെ ആക്രമണം; വാഹനങ്ങൾ അടിച്ച് തകർത്തു; ആക്രമണത്തിന് പിന്നിൽ സിപിഎം-എസ്എഫ്ഐ പ്രവർത്തകരെന്ന് എബിവിപി
തിരുവനന്തപുരം: എബിവിപി സംസ്ഥാന കമ്മിറ്റി ഓഫീസിന് നേരെ ആക്രമണം. ഓഫീസിനകത്ത് പാർക്ക് ചെയ്തിരുന്ന വാഹനങ്ങൾ തകർത്തു. വഞ്ചിയൂർ ധർമ്മദേശം ലൈനിൽ പ്രവർത്തിക്കുന്ന എബിവിപി സംസ്ഥാന കമ്മിറ്റി ഓഫീസിന് നേരെയാണ് ഇന്നലെ അർധരാത്രി പന്ത്രണ്ടരയോടെ ആക്രമണം നടന്നത്. ബൈക്കിലെത്തിയ സംഘമാണ് ആക്രമണം നടത്തിയതെന്ന് എബിവിപി ആരോപിച്ചു. ആക്രമണത്തിന് പിന്നിൽ സിപിഎം-എസ്എഫ്ഐ പ്രവർത്തകരാണെന്ന് എബിവിപി നേതൃത്വം ആരോപിച്ചു. ആക്രമണത്തിൽ ഓഫീസിന്റെ ജനൽഗ്ലാസുകൾ തകർന്നിട്ടുണ്ട്. ഇന്നലെ ആറ്റിങ്ങലിൽ എബിവിപി യൂണിറ്റ് ഭാരവാഹി ശ്യാം മോഹന്റെ വീട് ആക്രമിച്ച് ശ്യാം മോഹനെയും മാതാവിനെയും ഒരു സംഘം ആക്രമിച്ചിരുന്നു. ഇതിന് പിന്നാലെ പുലർച്ചെയോടെ എസ്എഫ്ഐ സംസ്ഥാന പ്രസിഡന്റ് വിനീഷിന്റെ വീടിന് നേരെയും ആക്രമണം നടന്നിരുന്നു. ആറ്റിങ്ങൽ മേഖലയിൽ എസ്എഫ്ഐ-എബിവിപി സംഘർഷം നിലനിൽക്കുന്നുണ്ട്. അതിന്റെ തുടർച്ചയാകാം എബിവിപി ഓഫീസിന് നേരെ നടന്ന ആക്രമണമെന്നാണ് പോലീസിന്റെ അനുമാനം. വഞ്ചിയൂർ പോലീസ് സ്ഥലത്തെത്തി വിവരങ്ങൾ ശേഖരിച്ചു. സംഘർഷാവസ്ഥ കണക്കിലെടുത്ത്…
Read Moreവിഴിഞ്ഞത്ത് സ്കൂൾ ബസ് കനാലിലേക്ക് മറിഞ്ഞ് 13 കുട്ടികൾക്കും ഡ്രൈവർക്കും പരിക്ക്; റോഡ് അരികിലെ മണ്ണ് ഇടിഞ്ഞതാണ് അപകടമുണ്ടാകാൻ കാരണമെന്ന് നാട്ടുകാർ
വിഴിഞ്ഞം: സ്കൂൾ ബസ് കനാലിലേക്ക് മറിഞ്ഞ് 13 കുട്ടികൾക്കും ഡ്രൈവർക്കും ആയയ്ക്കും പരിക്ക്. ഇന്ന് രാവിലെ എട്ടരയോടെ ചൊവ്വര തെക്കേകോണം ക്ഷേത്രത്തിന് സമീപമായിരുന്നു അപകടം. മരുതൂർകോണം പട്ടം താണുപിള്ള മെമ്മോറിയൽ സ്കൂളിന്റെ ബസാണ് അപകടത്തിൽപ്പെട്ടത്. വീടി കുറഞ്ഞ റോഡിലാണ് അപകടം നടന്നത്. കുട്ടികളുമായി ബണ്ട് റോഡിലൂടെ പോകുകയായിരുന്ന സ്കൂൾ ബസ് റോഡിലെ മണ്ണിടിഞ്ഞതിനെ തുടർന്ന് കനാലിലേക്ക് പതിയ്ക്കുകയായിരുന്നുവെന്ന് ദൃക്സാക്ഷികൾ പറഞ്ഞു. ക്ഷേത്രത്തിൽ അഷ്ടബന്ധകലശം നടക്കുന്നതിനാൽ ധാരാളം ഭക്തജനങ്ങൾ ക്ഷേത്ര പരിസരത്തുണ്ടായിരുന്നു. ബസ് അപകടത്തിൽപ്പെട്ട വിവരം അറിഞ്ഞ് ക്ഷേത്രത്തിലുണ്ടായിരുന്ന ഭക്തജനങ്ങളാണ് രക്ഷാപ്രവർത്തനം നടത്തി കുട്ടികളെയും ഡ്രൈവറെയും രക്ഷപ്പെടുത്തിയത്. അപകടത്തിൽ ബസ് തലകീഴായി മറിഞ്ഞു. പരിക്കേറ്റ കുട്ടികളെ വിഴിഞ്ഞത്തെ സ്വകാര്യാശുപത്രിയിലേക്കും മെഡിക്കൽ കോളജാശുപത്രിയിലേക്കും മാറ്റി. ആരുടേയും പരുക്ക് ഗുരുതരമല്ല.
Read Moreരക്തം വീഴ്ത്തി നട അടയ്ക്കാം; രാഹുൽ ഈശ്വറിന്റെ വെളിപ്പെടുത്തലുകൾ ഞെട്ടിക്കുന്നത്; ശബരിമലയിൽ നടന്നത് രാജ്യദ്രോഹക്കുറ്റമെന്ന് ദേവസ്വം മന്ത്രി
തിരുവനന്തപുരം: ശബരിമലയിൽ നടന്നത് രാജ്യദ്രോഹക്കുറ്റമെന്ന് ദേവസ്വംമന്ത്രി കടകംപള്ളി സുരേന്ദ്രൻ. ശബരിമലയിൽ രക്തം ഒഴുക്കി അക്രമം നടത്താനായിരുന്നു ശ്രമം. ഇത് ഭക്തരോടുള്ള ദ്രോഹമാണെന്നും അദ്ദേഹം പറഞ്ഞു. ശബരിമല വിഷയത്തിൽ ഗൂഢാലോചന നടന്നതായി രാഹുൽ ഈശ്വർ തന്നെ വെളിപ്പെടുത്തി. ഇതിന്റെ കൂടുതൽ വിവരങ്ങൾ പുറത്തുവരാനുണ്ട്. യുദ്ധത്തിന് സമാനമായ തന്ത്രങ്ങളാണ് ആവിഷ്കരിച്ചതെന്നും ശബരിമലയെ രക്ഷിച്ചത് പോലീസിന്റെ സംയമനമാണെമെന്നും കടകംപള്ളി പറഞ്ഞു.
Read Moreആചാരങ്ങളെ വെല്ലുവിളിക്കാന് മുഖ്യമന്ത്രിക്ക് അധികാരമില്ല; ശബരിമല വിഷയത്തില് മുഖ്യമന്ത്രി വര്ഗീയ ധ്രുവീകരണം നടത്തുന്നുവെന്ന് രമേശ് ചെന്നിത്തല
തിരുവനന്തപുരം: ശബരിമല വിഷയത്തില് മുഖ്യമന്ത്രി പിണറായി വിജയന് വര്ഗീയ ധ്രുവീകരണം നടത്തുകയാണെന്ന് പ്രതിപക്ഷ നേതാവ് രമേശ് ചെന്നിത്തല. ശബരിമലയിലെ ആചാരങ്ങളെ വെല്ലുവിളിക്കാന് മുഖ്യമന്ത്രിക്ക് അധികാരമില്ലെന്നും രമേശ് ചെന്നിത്തല വാര്ത്താസമ്മേളനത്തില് പറഞ്ഞു. ശബരിമല പ്രതിഷ്ഠയുടെ പിതൃസ്ഥാനീയനാണ് തന്ത്രി. ക്ഷേത്രകാര്യത്തിലും ഭരണകാര്യത്തിലും ക്ഷേത്രത്തിന്റെ ആചാരങ്ങളും മര്യാദകളും പാലിക്കുന്ന കാര്യത്തിലും തന്ത്രിക്കാണ് പരമാധികാരമെന്ന് സുപ്രിം കോടതി വരെ വിധിച്ചിട്ടുള്ളതാണ്. കോന്തലയില് താക്കോല്കൂട്ടം കെട്ടി നടക്കുന്ന ആളാണ് തന്ത്രി എന്ന് മുഖ്യമന്ത്രി ധരിക്കരുത്. ഇനി മുതല് പിണറായി വിജയന് പറയുമ്പോഴെ മകരസംക്രമ പൂജകള് നടക്കുകയുള്ളൂ എന്ന നിലയിലേക്കാണ് കാര്യങ്ങള് വരുന്നത്. തിരുവാഭരണം വന്നാലേ മകരസംക്രമ പൂജ നടക്കൂ എന്ന വിശ്വാസം പിണറായി വിജയന് വിചാരിച്ചാലൊന്നും തിരുത്താന് കഴിയില്ല. മുഖ്യമന്ത്രി സ്ഥാനത്ത് ഇരിക്കുന്നുവെന്ന് കരുതി എന്തും പറയാമെന്ന് ധരിക്കരുതെന്നും ചെന്നിത്തല പറഞ്ഞു.
Read More