പേരൂര്ക്കട: പൊട്ടിവീണ വൈദ്യുത കമ്പിയില് നിന്ന് ഷോക്കേറ്റ് വയോധികന് തല്ക്ഷണം മരിച്ചു. നാലാഞ്ചിറ കുരിശ്ശടി ജംഗ്ഷനു സമീപം ശ്യാമളാലയത്തില് ജോര്ജ്കുട്ടി ജോണ് (74) ആണ് മരിച്ചത്. ഇന്നു രാവിലെ 6.30നായിരുന്നു അത്യാഹിതം. പുലര്ച്ചെ പാല് വാങ്ങുന്നതിന് വീട്ടില് നിന്ന് ഇറങ്ങിയതായിരുന്നു ജോര്ജ്കുട്ടി. നാലാഞ്ചിറയില് പ്രധാന റോഡില് വൈദ്യുതി കമ്പി പൊട്ടിക്കിടന്നതാണ് അത്യാഹിതത്തിനു കാരണം. രാവിലെ ശക്തമായ മഴകൂടിയായതാണ് പ്രശ്നം ഗുരുതരമാക്കിയത്. ജോര്ജ്കുട്ടി സംഭവസ്ഥലത്തുതന്നെ മരിക്കുകയായിരുന്നു. നാലാഞ്ചിറ ജംഗ്ഷനടുത്ത് ടെയ്ലറിംഗ് ഷോപ്പ് നടത്തിവരികയായിരുന്നു. നാലാഞ്ചിറ ചെഞ്ചേരിയില് ഇദ്ദേഹത്തിന്റെ പുതിയ വീടിന്റെ നിര്മ്മാണം നടന്നുവരുന്നുണ്ട്. മൃതദേഹം തിരുവനന്തപുരം മെഡിക്കല്കോളജ് ആശുപത്രി മോര്ച്ചറിയില് സൂക്ഷിച്ചിട്ടുണ്ട്. ഭാര്യ: മേരിക്കുട്ടി. മക്കള്: റെജി, കുഞ്ഞുമോന്, സിനു.
Read MoreCategory: TVM
നാലടിയും കൂടി ഉയർന്നാൽ റെഡ് അലർട്ട്; സുരക്ഷ ശക്തമാക്കി സർക്കാർ; അവധിയിൽ പോയ ഉദ്യോഗസ്ഥരെ തിരികെ വിളിച്ചു
ഇടുക്കി/തിരുവനന്തപുരം: ഇടുക്കി അണക്കെട്ടിലെ ജലനിരപ്പ് ഉയരുന്നതിനിടെ സുരക്ഷയും മുൻകരുതലും ശക്തമാക്കി സർക്കാർ. ഇതിന്റെ ഭാഗമായി മൂന്ന് ജില്ലകളിൽ അവധിയിൽ പോയ റവന്യൂ ഉദ്യോഗസ്ഥരെ തിരികെ വിളിച്ചു. ഇടുക്കി, എറണാകുളം, കോട്ടയം ജില്ലകളിലെ റവന്യൂ ഉദ്യോഗസ്ഥരെയാണ് തിരികെ വിളിച്ചത്. ഇതു സംബന്ധിച്ച് റവന്യൂ മന്ത്രി ഇ. ചന്ദ്രശഖരൻ അധികൃതർക്ക് നിർദേശം നൽകി.നേരത്തെ, ജലനിരപ്പ് 2395 അടിയിലെത്തിയ ഉടനെ കെഎസ്ഇബി അതിജാഗ്രതാ നിർദേശം (ഓറഞ്ച് അലർട്ട്) പുറപ്പെടുവിച്ചിരുന്നു. ജലനിരപ്പ് ഉയർന്നാൽ റെഡ് അലർട്ട് നൽകുമെന്നാണ് വിവരം.2399 അടിയായി ജലനിരപ്പ് ഉയരുമ്പോഴാണ് റെഡ് അലർട്ട് നൽകുക. ഇതിനു ശേഷം 15 മിനിറ്റിനു കഴിഞ്ഞായിരിക്കും ഷട്ടറുകൾ തുറക്കുന്നത്. അതിനുമുമ്പേ സുരക്ഷാക്രമീകരണങ്ങൾ പൂർത്തിയാക്കുമെന്നാണ് സർക്കാർ വ്യക്തമാക്കിയിട്ടുള്ളത്.
Read Moreഓണം ആഘോഷിക്കാൻ ‘ദേ മാവേലിബസ്’; അയൽ സംസ്ഥാനങ്ങളിലെ മലയാളികൾക്കു നാട്ടിലെത്തി ഓണം ആഘോഷിക്കാൻ കെഎസ്ആർടിസിയുടെ മാവേലി ബസുകൾ
തിരുവനന്തപുരം: ഓണക്കാലത്ത് അയൽ സംസ്ഥാനങ്ങളിൽ നിന്നു മലയാളികൾക്കു കേരളത്തിലെത്തി ഓണം ആഘോഷിക്കാനായി കെഎസ്ആർടിസിയുടെ മാവേലി ബസുകൾ പ്രത്യേക സർവീസ് നടത്തും. ഓണാവധിക്കാലത്തോടനുബന്ധിച്ച് ബംഗളൂരു, മൈസൂർ, കോയന്പത്തൂർ, ചെന്നൈ എന്നിവിടങ്ങളിൽനിന്നും കേരളത്തിലേക്ക് സ്വകാര്യ ബസുകൾ ഇരട്ടിയിലധികം ചാർജ് ഈടാക്കുന്ന പശ്ചാത്തലത്തിലാണ് കെഎസ്ആർടിസിയുടെ പുതിയ നീക്കം. കെഎസ്ആർടിസിയുടെ നിലവിൽ ഓടുന്ന അന്തർ സംസ്ഥാന സർവീസുകൾക്കൊപ്പം 100 ബസുകൾ അധികമായി സർവീസ് നടത്തും. ഓഗസ്റ്റ് 17 മുതൽ സെപ്റ്റംബർ ഒന്നു വരെയാണ് കേരളത്തിലെ പ്രധാനപ്പെട്ട വിവിധ പട്ടണങ്ങളിൽ നിന്നും ജില്ലാ കേന്ദ്രങ്ങളിൽ നിന്നും ബംഗളൂരുവിലേക്കും മൈസൂരിലേക്കും കോയന്പത്തൂരിലേക്കും മാവേലി ബസുകൾ സർവീസ് നടത്തുന്നത്. പെർമിറ്റ് ലഭ്യമാകുന്ന പക്ഷം ചെന്നൈയിലേക്കും തിരിച്ചുമുളള സർവീസുകളും കെഎസ്ആർടിസി നടത്തും.
Read Moreലാവലിൻ കരാറിൽ പിണറായി അറിയാതെ മാറ്റം വരില്ല; സിബിഐയുടെ സത്യവാങ്മൂലം പിണറായിക്ക് തിരിച്ചടിയെന്ന് ഹസൻ
തിരുവനന്തപുരം: ലാവലിൻ അഴിമതിക്കേസിൽ സിബിഐ സുപ്രീംകോടിയിൽ സമർപ്പിച്ച സത്യവാങ്മൂലം മുഖ്യമന്ത്രി പിണറായി വിജയന് തിരിച്ചടിയാണെന്ന് കെപിസിസി അധ്യക്ഷൻ എം.എം. ഹസൻ. കോൺഗ്രസും യുഡിഎഫും സ്വീകരിച്ച നിലപാടിനെ സാധൂകരിക്കുന്നതാണ് സിബിഐയുടെ കണ്ടെത്തലെന്നും അദ്ദേഹം പറഞ്ഞു. ലാവലിൻ കേസിൽ പിണറായി വിജയൻ വിചാരണ നേരിടണമെന്ന് ചൂണ്ടിക്കാട്ടി സിബിഐ സുപ്രീം കോടതിയിൽ സത്യവാങ്മൂലം സമർപ്പിച്ചത്.വസ്തുതകൾ പരിശോധിക്കാതെയാണ് പിണറായി ഉൾപ്പടെയുള്ളവരെ കുറ്റവിമുക്തരാക്കിയതെന്നും സത്യവാങ്മൂലത്തിൽ പറയുന്നു. പിണറായിയുടെ കാനഡ സന്ദർശനത്തിനിടെയാണ് കരാറിൽ ഒപ്പിട്ടത്. കരാറിലൂടെ കെഎസ്ഇബിക്ക് വൻ നഷ്ടമുണ്ടായി. ലാവലിൻ കന്പനി ലാഭം ഉണ്ടാക്കുകയും ചെയ്തു. കരാറിൽ പിണറായി അറിയാതെ മാറ്റം വരില്ലെന്നും സത്യവാങ്മൂലത്തിൽ സിബിഐ വ്യക്തമാക്കിയിരുന്നു.
Read Moreഉരുള്പൊട്ടല് സാധ്യത; മലയോരമേഖലയിലുള്ളവർ ജാഗ്രത പാലിക്കണമെന്ന് നിർദേശം; ബുധനാഴ്ച്ച വരെ ശക്തമായ
തിരുവനന്തപുരം: ഉരുള്പൊട്ടല് സാധ്യത ഉള്ളതിനാല് മലയോരമേഖലകളില് ജനങ്ങള് ജാഗ്രത പാലിക്കണമെന്ന് ദുരന്തനിവാരണ അഥോറിറ്റി. രാത്രി സമയത്ത് മലയോരമേഖലയിലേക്കുള്ള യാത്ര കഴിവതും ഒഴിവാക്കണമെന്നും രാത്രി ഏഴു മുതല് രാവിലെ ഏഴു വരെ യാത്ര പരിമിതപ്പെടുത്തണമെന്നും സംസ്ഥാന ദുരന്ത നിവാരണ അഥോറിറ്റി മുന്നറിയിപ്പ് നല്കി. തുടര്ച്ചയായി മഴ ലഭിച്ചതിനാല്, ശക്തമായ മഴ പെട്ടന്നുള്ള വെള്ളപ്പൊക്കം, ഉരുള്പൊട്ടല്, മണ്ണിടിച്ചില് എന്നിവയ്ക്ക് കാരണമാകാമെന്നും ബുധനാഴ്ച്ച വരെ ശക്തമായ മഴയ്ക്ക് സാധ്യതയുള്ളതിനാല് ജനങ്ങള് കൂടുതല് ജാഗ്രത കാണിക്കണമെന്നും അധികൃതർ അറിയിച്ചു.
Read Moreജീവിത പ്രതിസന്ധികളോടു പടവെട്ടി തളരാതെ മുന്നേറുന്ന പെണ്കുട്ടി! ഹനാന് വീടു വയ്ക്കാന് ഭൂമി നല്കാമെന്നു പ്രവാസി മലയാളി
തിരുവനന്തപുരം: ജീവിതപ്രതിസന്ധികളോടു പടവെട്ടി തളരാതെ മുന്നേറുന്ന ഹനാന് വീടിനായി അഞ്ച് സെന്റ് സ്ഥലം നൽകാൻ പ്രവാസി മലയാളി സന്നദ്ധത അറിയിച്ചതായി പ്രതിപക്ഷ നേതാവ് രമേശ് ചെന്നിത്തല പ്രസ്താവനയിൽ അറിയിച്ചു. കുവൈറ്റിലെ മലയാളി സാമൂഹിക- സാംസ്കാരിക പ്രവർത്തകനായ ജോയി മുണ്ടക്കാടനാണ് ഹനാന് സ്ഥലം നൽകാമെന്ന് അറിയിച്ചത്. ഹനാൻ പഠിക്കുന്ന തൊടുപുഴ അൽ അസർ കോളജിൽ പോയി വരാനുളള സൗകര്യം പരിഗണിച്ച് പാല രാമപുരത്ത് അന്ത്യാളത്ത് അഞ്ച് സെന്റ് ഭൂമി നൽകാനാണ് ജോയി മുണ്ടക്കാടൻ സന്നദ്ധമായിരിക്കുന്നത്. ഹനാനു വീട് വയ്ക്കാനുള്ള സഹായം നൽകാൻ സുമനസുകൾ തയാറാകണമെന്ന് പ്രതിപക്ഷ നേതാവ് അഭ്യർഥിച്ചിരുന്നു.
Read Moreലഹരി നിറയും കാടുകൾ..! ഓണം കൊഴുപ്പിക്കാൻ വാറ്റ് ലോബി സജീവമായി; വാറ്റുവിൽപനയ്ക്ക് യുവാക്കളും ആദിവാസികളും
കാട്ടാക്കട: ഓണം കൊഴുപ്പിക്കാൻ വാറ്റ് ലോബി വീണ്ടും സജീവമായതായി സൂചനകൾ. മുന്തിയ ഇനമെന്നു പറഞ്ഞു വാറ്റുചാരായം വിപണിയിലെത്തിക്കാനാണു ശ്രമം നടന്നുകൊണ്ടിരിക്കുന്നത്. ജിഎസ്ടി, ബേസ്ബുക്ക്, ഇൻസ്റ്റാഗ്രാം, ദേ മാവേലി കൊമ്പത്ത് തുടങ്ങി വിവിധ പേരുകളിൽ ചാരായം നിർമിക്കുന്ന സംഘമാണ് ഇതിനു പിന്നിലെന്നാണ് ലഭി ക്കുന്ന വിവരങ്ങൾ. വനവും നാടും അതിരിടുന്ന സ്ഥലങ്ങളാണു വാറ്റുചാരായം നിർമിക്കുന്ന വ രുടെ കേന്ദ്രങ്ങൾ. വനത്തിലെ കേന്ദ്രങ്ങളിൽ ഉറയിടുന്ന വാറ്റ് അവിടെനിന്നു പുറത്തെത്തിച്ചാണു ചാരായമാക്കി വാറ്റുന്നത്. ഇതിൽ ഏലക്ക, ഓറഞ്ച്, പൈനാപ്പിൾ എന്നിവയുടെ കൃത്രിമ എസൻസും കടത്തികൊണ്ടുവരുന്ന സ്പിരിറ്റും ചേർത്താണു വി ൽക്കുക. ഇക്കുറി എസ്എംഎസ് തന്ത്രമാണു വിൽപനയ്ക്കായി ഉപയോഗിക്കുന്നതെന്നും അറിയുന്നു. എക്സൈസിന്റെ പിടിയിലാകാതിരിക്കാനാണ് ഈ തന്ത്രം. നെട്ടുകാൽത്തേരി തുറന്നജയിലിനു സമീപത്തുനിന്നും എക്സൈസ് രണ്ടു തവണ കണ്ടെത്തിയത് 5,000 ലിറ്റർ സ്പിരിറ്റാണ്. റബർ ഭൂമിയിൽ കുഴിച്ചിട്ട നിലയിലാണ് ഇവ കണ്ടത്. രഹസ്യ വിവരം ലഭിച്ചതിനെ…
Read Moreഒരു രക്ഷയുമില്ല..! റോഡ് നിർമാണത്തിന് ഉപയോഗിക്കുന്ന പ്ലാസ്റ്റിക് തരിയിൽ പോലും മായം കലർത്തുന്നെന്നു മന്ത്രി സുധാകരൻ
തിരുവനന്തപുരം: റോഡു നിർമാണത്തിന് ബിറ്റുമിനൊപ്പം ഇപ്പോൾ ഉപയോഗിക്കുന്ന പ്ലാസ്റ്റിക് തരികളിൽപോലും മായം കലർത്തുന്നതിനുള്ള ശ്രമമാണു നടന്നു വരുന്നതെന്നു മന്ത്രി ജി. സുധാകരൻ. പൊതുമരാമത്ത് വകുപ്പിന്റെ മൂന്നാമത് എൻജിനിയേഴ്സ് കോണ്ഗ്രസിന്റെ ഭാഗമായുള്ള എക്സിബിഷൻ ഉദ്ഘാടന ചടങ്ങിൽ അധ്യക്ഷത വഹിക്കുകയായിരുന്നു മന്ത്രി. എൻജിനിയറിംഗ് രംഗത്തെ മൂല്യങ്ങൾ നിലനിർത്തുകയാണ് സർക്കാരിന്റെ മുഖ്യലക്ഷ്യം.പാരന്പര്യത്തെയും ഭാവി സാധ്യതകളെയും കണ്ടുകൊണ്ടുള്ള നിർമാണമാണ് വേണ്ടത്. ഒപ്പം തദ്ദേശീയ സാങ്കേതികവിദ്യ ഉപയോഗിക്കുകയും വേണം. 100 വഷങ്ങൾക്ക് മുൻപു നിർമിച്ച 11 പാലങ്ങൾ സംസ്ഥാനത്തുണ്ട്. ഇതിൽ രണ്ടെണ്ണത്തിന് മാത്രമാണ് ചെറിയ തകരാർ കണ്ടെത്തിയത്. അതേസമയം 18 വർഷം മാത്രം പഴക്കമുള്ള ഏനാത്ത് പാലമാണ് തകർന്നത്.ജനാധിപത്യത്തിന്റെ അർഥം മനസിലാവാത്തതാണ് രാഷ്ട്രീയസാമൂഹിക രംഗങ്ങളിലെ പാകപ്പിഴകൾക്ക് കാരണമെന്ന് പ്രദർശനം ഉദ്ഘാടനം ചെയ്ത കവിയും ചലച്ചിത്ര സംവിധായകനുമായ ശ്രീകുമാരൻ തന്പി പറഞ്ഞു. പതിറ്റാണ്ടുകളായി പൊതുമരാമത്ത് വകുപ്പിന് പതിച്ചുകിട്ടിയ ദുഷ്പേരു മാറ്റാൻ കഴിഞ്ഞുവെന്നതാണ് മന്ത്രി സുധാകരന്റെ വലിയ…
Read Moreകെപിസിസി കസേരകളി അവസാനം ഭൂരിപക്ഷ-ന്യൂനപക്ഷം തമ്മിൽ..! പ്രതിപക്ഷനേതാവ് ഭൂരിപക്ഷ സമുദായത്തിൽ നിന്നെങ്കിൽ ന്യൂനപക്ഷ വിഭാഗത്തിൽ നിന്നായിരിക്കണം കെപിസിസി പ്രസിഡന്റ്; അവസാന പട്ടിക ഇങ്ങനെ…
എം.ജെ ശ്രീജിത്ത് തിരുവനന്തപുരം: കെപി.സി.സി പ്രസിഡന്റ് ഉടനെന്ന് സൂചന. ഹൈക്കമാന്റ് ഡി.സി.സി. പ്രസിഡന്റുമാരുടേയും മുതിർന്ന നേതാക്കളുടേയും അഭിപ്രായം തേടി. പുതിയ പ്രസിഡന്റ് ഉടൻ വേണമെന്ന ആവശ്യം സംസ്ഥാനത്തു നിന്ന് വീണ്ടും ശക്തമായ ഘട്ടത്തിലാണ് 14 ജില്ലയിലേയും പ്രസിഡന്റുമാരോടും മുതിർന്ന നേതാക്കളോടും പുതിയ കെപിസിസി പ്രസിഡന്റ് ആരാകണമെന്ന അഭിപ്രായം തേടിയത്. പുതിയ പ്രസിഡന്റിനെ പ്രഖ്യാപിക്കുന്നത് വൈകുന്നത് ലോക്സഭാ തെരഞ്ഞടുപ്പു ഒരുക്കങ്ങളെ ബാധിക്കുമെന്ന ആശങ്ക ശക്തമായി തന്നെ ഹൈക്കമാന്റിനു മുന്നിലെത്തിയ സാഹചര്യത്തിൽ രാഹുൽ ഗാന്ധി കേരളത്തിന്റെ ചുമതലയുള്ള എ.ഐ.സി.സി ജന.സെക്രട്ടറി മുകുൾ വാസ്നിക്കിനോട് പുതിയ പ്രസിഡന്റിനെ സംബന്ധിച്ച ചുരുക്കപ്പട്ടിക നൽകാൻ ആവശ്യപ്പെട്ടു. ബെന്നിബഹന്നാൻ, വി.ഡി സതീശൻ,കൊടിക്കുന്നിൽ സുരേഷ്, കെ സുധാകരൻ എന്നിവരുടെ പേരാണ് അവസാന പട്ടികയിൽ ഉള്ളത്. ബെന്നി ബഹന്നാനോ മുല്ലപ്പള്ളി രാമചന്ദ്രനോ പ്രസിഡന്റാകാനാണ് കൂടുതൽ സാധ്യത. ജാതി സമവാക്യവും ബെന്നിയ്ക്കാണ് മുൻതൂക്കം നൽകുന്നത്. ഭൂരിപക്ഷ സമുദായത്തിൽ നിന്ന് രമേശ്…
Read More92ന് ശേഷം വീണ്ടും ഇടുക്കി ഡാം തുറന്നുവിട്ടേക്കും; മാറ്റിപ്പാർപ്പിക്കേണ്ടവരുടെ പട്ടിക തയാറാക്കാൻ നിർദേശം
തിരുവനന്തപുരം: അതിവർഷം മുലം ഇടുക്കി അണക്കെട്ടിൽ ജലനിരപ്പു ക്രമാതീതമായി ഉയരുന്ന സാഹചര്യത്തിൽ വെള്ളം തുറന്നുവിടുകയാണെങ്കിൽ മാറ്റിപ്പാർപ്പിക്കേണ്ടവരുടെ മുഴുവൻ വിവരങ്ങളും യുദ്ധകാലാടിസ്ഥാനത്തിൽ തയാറാക്കാൻ നിർദേശം. മുഖ്യമന്ത്രി പിണറായി വിജയന്റെ അധ്യക്ഷതയിൽ ചേർന്ന ഉന്നതതലയോഗത്തിലാണ് നിർദേശം ഉണ്ടായത്. സംഭരണിയിലെ ജലനിരപ്പ് ഉയർന്നുകൊണ്ടിരിക്കുന്ന സാഹചര്യത്തിൽ വെള്ളം കുറച്ചു വീതം തുറന്നു വിടുന്നതിനെക്കുറിച്ചാണു സർക്കാർ ആലോചിക്കുന്നത്. വെള്ളം തുറന്നു വിടുമ്പോൾ എത്ര താമസക്കാരെ ബാധിക്കുമെന്നും ഒഴുകിപ്പോകുന്ന ചാലുകളിലെ തടസങ്ങൾ എന്തൊക്കെയാണെന്നും മനസിലാക്കുന്നതിനാണു സർവേ നടത്തേണ്ടത്. റവന്യൂ- ജലവിഭവ വകുപ്പുകളും കെഎസ്ഇബിയും ചേർന്നാണ് സർവേ നടത്തുക. ആവശ്യമായ തയാറെടുപ്പുകൾ നടത്താൻ ഇടുക്കി, എ റണാകുളം ജില്ലാ കളക്ടർമാരോട് മുഖ്യമന്ത്രി പിണറായി വിജയൻ നിർദേശിച്ചു. അണക്കെട്ടു തുറന്നു വിട്ടാൽ വെള്ളം ഒഴുകിപ്പോകുന്ന പുഴയുടെ ഇരു വശങ്ങളിലും 100 മീറ്ററിനുളളിലുളള കെട്ടിടങ്ങളെ സംബന്ധിച്ച വിവരം ദുരന്തനിവാരണ അഥോറിറ്റി അതിസൂക്ഷ്മ ഉപഗ്രഹചിത്രങ്ങളിൽ നിന്ന് തയാറാക്കിയിട്ടുണ്ട്. അതിന്റെ അടിസ്ഥാനത്തിൽ പ്രാദേശികമായി…
Read More