എം.ജെ ശ്രീജിത്ത് തിരുവനന്തപുരം: അടുത്ത എൽഡിഎഫ് യോഗം ഈ മാസം പകുതിയോടെ. യോഗത്തിന്റെ പ്രധാന അജണ്ടയായി നിശ്ചയിച്ചിരിക്കുന്നത് മുന്നണി വിപുലീകരണമാണെന്ന് എൽഡി എഫ് കണ്വീനർ എ വിജയരാഘവൻ. മുന്നണി പ്രവേശനം കാത്ത് ധാരാളം കക്ഷികൾ മുന്നണിക്ക് പുറത്തു നിൽപ്പുണ്ട്. ആരെയൊക്കെ ഉൾപ്പെടുത്തണമെന്ന കാര്യത്തിൽ കാര്യമായ ചർച്ച നടക്കും. എൽഡിഎഫിന്റെ ആശങ്ങളുമായി യോജിച്ചു പോകാൻ പറ്റുന്ന കക്ഷികളൊയൊക്കെ മുന്നണിയിൽ ഉൾപ്പെടുത്തണമെന്നതാണ് നയം. യുഡിഎഫിൽ നിന്നടക്കം പല കക്ഷികളും എൽഡിഎഫിലേക്ക് വരാൻ ആഗ്രഹം പ്രകടിപ്പിച്ചിട്ടുണ്ട്. ആർഎസ്പിക്ക് എൽഡിഎഫിലേക്ക് വരാൻ നിലവിലെ സാഹചര്യത്തിൽ യാതൊരു തടസവുമില്ല. തീരുമാനമെടുക്കേണ്ടത് അവരാണ്. അവർ തീരുമാനം അറിയിച്ചാൽ എൽഡിഎഫ് ഇക്കാര്യം ചർച്ച ചെയ്യും. മുന്നണി പ്രവേശന കാര്യത്തിൽ നിലവിലെ മുന്നണിയിലെ കക്ഷികളുമായി കൂട്ടായ ചർച്ച നടത്തി ഉചിതമായ തീരുമാനമെടുക്കും. സിപിഎം കേന്ദ്രകമ്മറ്റിയും പോളിറ്റ് ബ്യൂറോയും കഴിഞ്ഞ ശേഷമായിരിക്കും എൽഡിഎഫ് യോഗത്തിന്റെ തീയതി നിശ്ചയിക്കുകയെന്നും അദ്ദേഹം രാഷ്ട്രദീപികയോട്…
Read MoreCategory: TVM
സുധീരൻ ഓരോരോ സ്ഥാനങ്ങൾ ഇ-മെയിൽ വഴി ഒഴിയേവേ! യുഡിഎഫ് ഉന്നതാധികാരസമിതിയിൽനിന്നു സുധീരൻ രാജിവച്ചു
തിരുവനന്തപുരം: മുതിർന്ന കോണ്ഗ്രസ് നേതാവും മുൻ കെപിസിസി അധ്യക്ഷനുമായ വി.എം. സുധീരൻ യുഡിഎഫ് ഉന്നതാധികാരസമിതിയിൽനിന്നു രാജിവച്ചു. സുധീരൻ ഇ-മെയിലിലാണ് രാജിക്കത്ത് കെപിസിസിക്ക് സമർപ്പിച്ചത്. കേരള കോണ്ഗ്രസ്-എമ്മിനെ യുഡിഎഫ് മുന്നണിയിൽ എടുത്തപ്പോൾ മുതൽ സുധീരൻ എതിർപ്പുമായി രംഗത്തെത്തിയിരുന്നു. കോണ്ഗ്രസിന് അവകാശപ്പെട്ട രാജ്യസഭ സീറ്റ് കെ.എം. മാണിക്ക് നൽകി മുന്നണിയിലെടുത്തതിനെ സുധീരൻ രൂക്ഷമായി വിമർശിച്ചു. യുഡിഎഫ് യോഗങ്ങളിൽനിന്നും സുധീധരൻ വിട്ടുനിന്നിരുന്നു.
Read Moreഷിജു ശാസ്ത്രിയുടെ പണി പാളി; ചെന്നിത്തലയുടെ പേരിൽ തട്ടിപ്പു നടത്തിയ ആംഡ് പോലീസ് ഇൻസ്പെക്ടർക്ക് സസ്പെൻഷൻ
തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തലയുടെ പേഴ്സണൽ സ്റ്റാഫെന്ന് പരിചയപ്പെടുത്തി ലക്ഷങ്ങൾ തട്ടിയ കേസിൽ ആംഡ് പോലീസ് ഇൻസ്പെക്ടർക്ക് സസ്പെൻഷൻ. ആംഡ് പോലീസ് ഇൻസ്പെക്ടർ ഷിജു ശാസ്ത്രിയെയാണ് സസ്പെൻഡു ചെയ്തത്. സംഭവം അന്വേഷിക്കാൻ ഡിഐജി ഷെഫിൻ അഹമ്മദിനെ നിയോഗിച്ചിരുന്നു. അദ്ദേഹത്തിന്റെ അന്വേഷണ റിപ്പോർട്ടിൻമേലാണ് നടപടി.
Read Moreഡോ.ബിജു സംസ്ഥാന ചലച്ചിത്ര പുരസ്കാരദാന ചടങ്ങ് ബഹിഷ്ക്കരിക്കും; മുഖ്യാതിഥിയ്ക്കുള്ള താര സ്വീകരണമായി ചടങ്ങ് മാറ്റിയതിൽ പ്രതിഷേധിച്ചാണ് ബഹിഷ്കരണം
തിരുവനന്തപുരം: നടൻ മോഹൻലാലിനെ മുഖ്യാതിഥിയായി ക്ഷണിച്ചതിൽ പ്രതിഷേധിച്ച് സംവിധായകൻ ഡോ.ബിജു സംസ്ഥാന ചലച്ചിത്ര പുരസ്കാരദാന ചടങ്ങ് ബഹിഷ്ക്കരിക്കാൻ തീരുമാനിച്ചു. ഇക്കാര്യം അറിയിച്ച് അദ്ദേഹം ചലച്ചിത്ര അക്കാദമിക്ക് കത്തയച്ചു. പുരസ്കാര ജേതാക്കളെ അപ്രസക്തരാക്കി മുഖ്യാതിഥിയ്ക്കുള്ള താര സ്വീകരണമായി ചടങ്ങ് മാറ്റിയതിൽ പ്രതിഷേധിച്ചാണ് ബഹിഷ്ക്കരിക്കുന്നതെന്ന് ബിജു കത്തിൽ പറഞ്ഞു. പുരസ്കാര ദാന ചടങ്ങിൽ മുഖ്യാതിഥിയായി മോഹൻലാലിനെ പങ്കെടുപ്പിക്കുന്നതിനെതിരെ സാഹിത്യ സാംസ്കാരിക മേഖലകളിലെ 107ഓളം പ്രമുഖർ ഒപ്പിട്ട് സംയുക്ത നിവേദനം മുഖ്യമന്ത്രിക്ക് സമർപ്പിച്ചിരുന്നു. എന്നാൽ ഇതുകണക്കിലെടുക്കാതെ സർക്കാർ മോഹൻലാലിനെ മുഖ്യാതിഥിയായി ക്ഷണിക്കുകയായിരുന്നു. ചടങ്ങിൽ പങ്കെടുക്കുമെന്ന് മോഹൻലാലും വ്യക്തമാക്കിയിരുന്നു. ഇതിൽ പ്രതിഷേധിച്ച് പ്രശസ്ത എഴുത്തുകാരനും സിനിമ നിരൂപകനുമായ സി.എസ്.വെങ്കിടേശ്വരൻ അക്കാദമി ജനറൽ കൗൺസിൽ അംഗത്വം രാജിവച്ചിരുന്നു. ഓഗസ്റ്റ് എട്ടിനാണ് സംസ്ഥാന ചലച്ചിത്ര പുരസ്കാരദാന ചടങ്ങ്.
Read Moreഅംഗപരിമിതരായ ദമ്പതികൾ മണിക്കൂറുകളുടെ വ്യത്യാസത്തിൽ ജീവനൊടുക്കിയ നിലയിൽ; നാട്ടുകാര് പറയുന്നത് ഇങ്ങനെ…
കൊട്ടാരക്കര: അംഗപരിമിതരായ ദമ്പതികളെ ഒരു മണിക്കൂർ വ്യത്യാസത്തിൽ ജീവനൊടുക്കിയ നിലയിൽ കണ്ടെത്തി. കൊട്ടാരക്കര കുളക്കട ലക്ഷം വീടു കോളനിക്കു സമീപം എ ബി സദനത്തിൽ സജി എബ്രഹാം (55) പൊന്നമ്മ (48) എന്നിവ രാ ണ് മരിച്ചത്. സജി എബ്രഹാം കാഴ്ചവൈകല്യമുള്ളയാളും പൊന്നമ്മ കാലിനു സ്വാധീനക്കുറവുള്ളയാളുമാണ്. ഇന്നലെ സന്ധ്യക്ക് സാമ്പത്തിക ഇടപാടുകളെ ചൊല്ലി ഇരുവരും വഴക്കിട്ടിരുന്നുവെന്ന് നാട്ടുകാർ പറയുന്നു. ഇതിനു ശേഷം സജി എബ്രഹാം സുഹൃത്തായ യുവാവിനൊപ്പം ഓട്ടോറിക്ഷയിൽ കയറി പുറത്തേക്കു പോയി. ഈ സമയം പൊന്നമ്മ ശരീരത്തിൽ മണ്ണെണ്ണ ഒഴിച്ച് തീകൊളുത്തുകയായിരുന്നു. തീ പടർന്ന് പുറത്തേക്കോടിയ ഇവരെ നാട്ടുകാർ രക്ഷപ്പെടുത്താൻ ശ്രമിച്ചെങ്കിലും മരണപ്പെടുകയായിരുന്നു. രാത്രി 9.30 ഓടെയാണ് ഈ മരണം നടന്നത്.നാട്ടുകാർ വിവരമറിയിച്ചതിനെ തുടർന്ന് മടങ്ങിയെത്തിയ സജി എബ്രഹാം വീടിനുള്ളിൽ കയറി കതകടച്ചു. വിവരം പുത്തൂർ പോലീസിലറിയിച്ചെങ്കിലും എത്തിച്ചേരാൻ വൈകി. പോലീസെത്തി കതക് തള്ളി തുറന്നു…
Read Moreചകിരിച്ചോറില്നിന്നു ജൈവവളം; കയര് റിസര്ച്ച് ഇന്സ്റ്റിറ്റ്യൂട്ട് നിര്ണായകമായ നേട്ടത്തിലേക്ക്
പേരൂര്ക്കട: വളരെക്കുറഞ്ഞ ദിവസംകൊണ്ട് ചകിരിച്ചോര് ജൈവവളമാക്കി മാറ്റി കൃഷിക്ക് ഉപയുക്തമാക്കാനുള്ള സാങ്കേതികവിദ്യയുടെ അന്തിമഘട്ടത്തിലെത്തി നില്ക്കുകയാണ് കുടപ്പനക്കുന്നിലെ കയര് റിസര്ച്ച് ഇന്സ്റ്റിറ്റ്യൂട്ട്. ഇതുമായി ബന്ധപ്പെട്ടുള്ള വിശദമായ ചര്ച്ചയ്ക്കു വഴിതുറക്കുകയാണ് നാളെ കുടപ്പനക്കുന്നില് നടക്കാനിരിക്കുന്ന സെമിനാര്. മന്ത്രിമാരായ തോമസ് ഐസക്ക്, സുനില്കുമാര് എന്നിവര് പങ്കെടുക്കുന്നതാണ് സെമിനാര്. കേരളത്തിലെ 14 ജില്ലകളിലും തെങ്ങുല്പ്പാദനമുള്ളതിനാല് തൊണ്ട് സംഭരിക്കുക പ്രയാസമല്ല. കര്ഷകരില്നിന്നു ശേഖരിക്കപ്പെടുന്ന തൊണ്ടില് നിന്ന് ചകിരിച്ചോര് വേര്തിരിച്ചെടുത്തശേഷം 25 ദിവസത്തിനുള്ളില് അതിനെ ജൈവവളമാക്കി മാറ്റാനുള്ള സാങ്കേതിക വിദ്യയാണ് ഇന്സ്റ്റിറ്റ്യൂട്ട് ഇപ്പോള് വികസിപ്പിച്ചെടുത്തിട്ടുള്ളത്. തൊണ്ടുതല്ലല് യന്ത്രങ്ങള്, നെയ്ത്തു യന്ത്രങ്ങള്, തറികള് എന്നിവ വികസിപ്പിച്ചെടുക്കാന് സാധിച്ചതു കൂടാതെ ഇന്സ്റ്റിറ്റ്യൂട്ടിന്റേതായ പുതിയ ചില യന്ത്രങ്ങള് അവതരിപ്പിക്കാനും സ്ഥാപനത്തിനു സാധിച്ചിട്ടുണ്ട്. യുവ ശാസ്ത്രജ്ഞര് പങ്കെടുക്കുന്ന പരിശീലനക്ലാസുകള് സംഘടിപ്പിച്ചുവരുന്ന ഇന്സ്റ്റിറ്റ്യൂട്ടില് നിരന്തര ഗവേഷണങ്ങളും നടന്നുവരുന്നുണ്ട്. സങ്കരയിനം കയറുകളും കയറുല്പ്പന്നങ്ങളും ഉല്പ്പാദിപ്പിച്ചെടുക്കുന്നതില് ഇന്സ്റ്റിറ്റ്യൂട്ട് പ്രത്യേകം ശ്രദ്ധ പതിപ്പിക്കുന്നുണ്ട്. കയറിന് ശബ്ദം വലിച്ചെടുക്കാനുള്ള…
Read Moreഎങ്കിൽ ഞാൻ പോകുവാ; മോഹൻലാലിനെ മുഖ്യാതിഥിയാക്കിയതിൽ എതിർപ്പ്; സി.എസ്.വെങ്കിടേശ്വരൻ രാജിവച്ചു
തിരുവനന്തപുരം: പ്രശസ്ത എഴുത്തുകാരനും നിരൂപകനുമായ സി.എസ്.വെങ്കിടേശ്വരൻ ചലച്ചിത്ര അക്കാദമി ജനറൽ കൗണ്സിൽ അംഗത്വം രാജിവച്ചു. സംസ്ഥാന ചലച്ചിത്ര പുരസ്കാര വിതരണ ചടങ്ങിലേക്ക് നടൻ മോഹൻലാലിനെ മുഖ്യാതിഥിയായി ക്ഷണിച്ചതിൽ പ്രതിഷേധിച്ചാണ് രാജിയെന്നാണു സൂചന. രാജിക്കത്ത് അദ്ദേഹം അക്കാദമി ചെയർമാനു കൈമാറി. നേരത്തെ പുരസ്കാര വിതരണ ചടങ്ങിൽ മോഹൻലാലിനെ പങ്കെടുപ്പിക്കരുതെന്ന് ആവശ്യപ്പെട്ട് 107 സാംസ്കാരിക പ്രവർത്തകർ ഒപ്പിട്ട കത്തു നൽകിയത് വിവാദമായിരുന്നു ഇതേതുടർന്നു മോഹൻലാലിനെ പിന്തുണച്ചു കൊണ്ടു വിവിധ ചലച്ചിത്ര സംഘടനകളും മുഖ്യമന്ത്രിക്കു കത്തുനൽകി. വിവാദങ്ങൾ കത്തിനിൽക്കവെ മോഹൻലാലിനെതന്നെ ചടങ്ങിൽ മുഖ്യാതിഥിയാക്കുമെന്ന് മന്ത്രി എ.കെ.ബാലൻ പ്രഖ്യാപിച്ചു. സർക്കാരിന്റെ ക്ഷണം സ്വീകരിച്ച് ചടങ്ങിൽ പങ്കെടുക്കുമെന്ന് മോഹൻലാലും വ്യക്തമാക്കിയിട്ടുണ്ട്. ഓഗസ്റ്റ് എട്ടിനു തിരുവനന്തപുരം നിശാഗന്ധി ഓഡിറ്റോറിയത്തിലാണ് അവാർഡ് വിതരണം നടക്കുന്നത്.
Read Moreമന്ത്രിമാർ രണ്ട് തട്ടിലെന്ന വാർത്തകൾ തെറ്റ്; ജലനിരപ്പ് ഉയർന്നാൽ ഇടുക്കി അണക്കെട്ട് തുറക്കുക തന്നെ ചെയ്യുമെന്ന് മന്ത്രി മണി
തിരുവനന്തപുരം: ജലനിരപ്പ് ഉയർന്നാൽ ഇടുക്കി അണക്കെട്ടിന്റെ ഭാഗമായ ചെറുതോണി അണക്കെട്ട് തുറക്കുക തന്നെ ചെയ്യുമെന്ന് മന്ത്രി എം.എം. മണി. അണക്കെട്ട് തുറക്കുന്ന കാര്യത്തിൽ ആശയക്കുഴപ്പമില്ലെന്നും അദ്ദേഹം പറഞ്ഞു. മന്ത്രിമാർ രണ്ട് തട്ടിലെന്ന വാർത്തകൾ തെറ്റാണ്. വൈദ്യുത ബോർഡിന് വേറിട്ട നിലപാടില്ലെന്നും മന്ത്രി പറഞ്ഞു. ചെറുതോണി അണക്കെട്ടിന്റെ ഷട്ടറുകൾ ഉയർത്തുക ഘട്ടം ഘട്ടമായിട്ടായിരിക്കും. ഇതിനായുള്ള മുന്നൊരുക്കങ്ങൾ നടത്തിയിട്ടുണ്ടെന്നും അദ്ദേഹം പറഞ്ഞു. അഞ്ച് ഷട്ടറുകൾ ഒരുമിച്ച് തുറക്കില്ല. മുൻപ് തുറന്ന 2,401 അടി എത്തുന്നതിന് മുൻപ് തന്നെ ഇത്തവണ അണക്കെട്ട് തുറക്കുമെന്നും മന്ത്രി പറഞ്ഞു. അതേസമയം അണക്കെട്ടിലെ ജലനിരപ്പ് 2395.84 അടിയിലെത്തി. അണക്കെട്ടിന്റെ വൃഷ്ടിപ്രദേശത്ത് മഴ കുറഞ്ഞെങ്കിലും നീരോഴുക്ക് കൂടുന്നുണ്ട്. ഇന്നത്തെ മഴയും നീരോഴുക്കും നിരീക്ഷിച്ചശേഷമായിരിക്കും തുടർനടപടികളെന്ന് അധികൃതർ അറിയിച്ചു. ചെറുതോണി, പെരിയാർ നദീതീരമേഖലകളിലുള്ളവർ ജാഗ്രത പാലിക്കണമെന്ന നിർദേശവും അധികൃതർ നൽകി. ഇടുക്കി ജലസംഭരണിയിലെ ജലനിരപ്പ് 2397 അടിക്കു മുകളിലെത്തിയാൽ…
Read Moreകനത്ത മഴ തുടരുന്നു; നെയ്യാർ ഡാമിന്റെ നാലു ഷട്ടറുകൾ തുറന്നു ; നെയ്യാറിന്റെ ഇരുകരകളിലുമുള്ളവർ ജാഗ്രത പാലിക്കണമെന്ന് അധികൃതർ; ആദിവാസി മേഖലകൾ ഒറ്റപ്പെട്ടു
കാട്ടാക്കട : കനത്ത മഴയെതുടർന്ന് നെയ്യാർഡാമിന്റെ ഷട്ടറുകൾ മൂന്നടി ഉയർത്തി. ഇന്ന് രാവിലെ നാലു ഷട്ടറുകളാണ് രണ്ട് അടിയിൽ നിന്നും മൂന്നായി ഉയർത്തിയത്. ഇവിടെ നല്ല മഴ പെയ്തുകൊണ്ടിരിക്കുകയാണ്. വനത്തിലും കനത്ത മഴയാണ്. അതിനാൽ ഷട്ടറുകൾ അധികമായി ഉയർത്തേണ്ടി വരുമെന്ന് അധികൃതർ അറിയിച്ചു. ഒരു മണിക്കൂറിൽ 20 സെ.മീറ്റർ വീതം വെള്ളം പൊങ്ങിക്കൊണ്ടിരിക്കുകയാണ്്. വെള്ളം ആറ്റിലൂടെയും കനാലുകൾ വഴിയും തുറന്നതോടെ പ്രദേശവാസികൾ ഭീതിയിലാണ്. പലേടത്തും കൃഷി ഭൂമികളിൽ വെള്ളം നിറഞ്ഞു. അഞ്ചുചങ്ങല പ്രദേശത്ത് താമസിക്കുന്നവരുടെ വീടുകളിലും വെള്ളംകയറി. മിക്കവരും അടുത്ത ബന്ധുക്കളുടെ വീടുകളിലേക്ക് മാറിയിട്ടുണ്ട്. 84. 600മീറ്റർ ജലമാണ് ഇപ്പോഴുള്ളത്. പരമാവധി നിരപ്പ് 84.750 മീറ്റർ ആണ്. ഡാമിലേയ്ക്ക് നീരൊഴുക്കുന്ന നെയ്യാർ, കല്ലാർ, മുല്ലയാർ തുടങ്ങിയ വലിയ നദികളും മണിയങ്കത്തോട്, കാരക്കുടി, അഞ്ചുനാഴിത്തോട്, കാരയാർ തുടങ്ങിയ 20 ളം ചെറു നദികളിലും കനത്ത ജലപ്രവാഹമാണുള്ളത്. ആറിന്റെ ഇരു…
Read Moreഒരു ദിവസം കൂടി കനത്ത മഴ തുടരും; നദീതീരങ്ങളിൽ വസിക്കുന്നവർക്കും മത്സ്യത്തൊഴിലാളികൾക്കും മുന്നറിയിപ്പ് നൽകി
തിരുവനന്തപുരം: സംസ്ഥാനത്ത് പെരുമഴ തുടരുന്നു. 24 മണിക്കൂർ കൂടി കനത്ത മഴ തുടരുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഇന്നലെ വൈകുന്നേരം മുതൽ തിരുവനന്തപുരം ജില്ലയിൽ മഴ തുടരുകയാണ്. തിരുവനന്തപുരം ജില്ലയിലെ പ്രഫഷണൽ കോളജുകൾ ഒഴികെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ഇന്ന് ജില്ലാ കലക്ടർ ഡോ. കെ. വാസുകി അവധി പ്രഖ്യാപിച്ചു. നദീതീരങ്ങളിലുള്ളവർ ജാഗ്രത പുലർത്തണമെന്നും ജില്ലാ കലക്ടർ അറിയിച്ചു. കണ്ണൂരിലെ ചില മേഖലകളിലെ സ്കൂളുകൾക്കും അവധി പ്രഖ്യാപിച്ചിട്ടുണ്ട്. കൊട്ടിയൂര്, കേളകം, കണിച്ചാര്, തില്ലങ്കേരി, മുഴക്കുന്ന്, കോളയാട്, ചിറ്റാരിപ്പറന്പ് എന്നിവിടങ്ങളിലെ സ്കൂളുകള്ക്കാണ് അവധി പ്രഖ്യാപിച്ചത്. പത്തനംതിട്ട, ഇടുക്കി, ആലപ്പുഴ, കണ്ണൂർ, കോഴിക്കോട് എന്നീ ജില്ലകളിൽ മഴ തുടരുകയാണ്. മലയോരമേഖലകളിൽ വ്യാപകമായി കൃഷിനാശമുണ്ടായിട്ടുണ്ട്. നദീതീരങ്ങളിൽ വസിക്കുന്നവർ ജാഗ്രത പാലിക്കണമെന്ന് നിർദേശിച്ചിട്ടുണ്ട്. മത്സ്യത്തൊഴിലാളികൾ കടലിൽ പോകരുതെന്നും നിർദേശമുണ്ട്.
Read More