തിരുവനന്തപുരം: സംസ്ഥാനത്ത് ഇന്ധനവില വീണ്ടും കത്തിക്കയറുന്നു. പെട്രോൾ ലിറ്ററിന് 31 പൈസയും ഡീസലിന് 20 പൈസയുമാണ് വർധിച്ചത്. 81.62 രൂപയാണ് തിരുവനന്തപുരത്തെ പെട്രോൾ വില. ഡീസൽ വില 74.36 രൂപയുമായി. കർണാടക നിയമസഭാ തെരഞ്ഞെടുപ്പു കഴിഞ്ഞശേഷം തുടർച്ചയായ 11-ാം ദിവസമാണു വിലവർധന ഉണ്ടാകുന്നത്. അന്താരാഷ്ട്ര വിപണിയിൽ ക്രൂഡ് ഓയിൽ വില ഉയരുന്നതാണ് വിലവർധനയ്ക്ക് കാരണമെന്നാണ് എണ്ണക്കന്പനികൾ നൽകുന്ന വിശദീകരണം.
Read MoreCategory: TVM
പതിനേഴു വയസുകാരിയെ പീഡിപ്പിക്കാൻ ശ്രമം: ഒളിവിൽപ്പോയ പോലീസ് ഉദ്യോഗസ്ഥൻ പിടിയിൽ
വെള്ളറട: പതിനേഴു വയസുകാരിയെ പീഡിപ്പിക്കാന് ശ്രമിച്ച കേസിൽ പോലീസ് ഉദ്യോഗസ്ഥൻ അറസ്റ്റിൽ. പള്ളിച്ചല് ഇട്ടിപ്പിച്ചല്വിള വീട്ടിൽ ഓമനകുട്ടന് എന്ന് വിളിക്കുന്ന ബിനു(46) ആണ് പിടിയിലായത്. ഒളിവില് പോയ ബിനുവിനെ സിഐ അജിത്കുമാറും എസ്ഐ സതീഷ്കുമാറും ചേര്ന്ന് ഇന്നലെ വൈകുന്നേരം നെയ്യാറ്റിന്കരയിൽ നിന്നും പിടികൂടുകയായിരുന്നു. കോടതിയില് ഹാജരാക്കിയ പ്രതിയെ റിമാൻഡ് ചെയ്തു.
Read Moreകർഷകരെ കബളിപ്പിച്ച് വളക്കമ്പനികൾ; ഗുണനിലവാരമില്ലാത്ത വളത്തിലേറയും കല്ലും മണ്ണുംമെന്ന് കർഷകരുടെ പരാതി
അമരവിള: പെരുങ്കടവിളയിലെ വാഴകർഷകർക്ക് ലഭിക്കുന്ന വളം ഗുണനിലവാരമില്ലാത്തതെന്ന് പരാതി. ചടയമംഗലത്ത് പ്രവർത്തിക്കുന്ന കേരളാ സ്റ്റേറ്റ് റബർ മാർക്കറ്റിംഗ് ഫെഡറേഷൻ വഴി വിതരണം ചെയ്യുന്ന വളത്തിനാണ് ഗുണനിലവാരമില്ലെന്ന് കർഷകരുടെ പരാതി. കന്പനിയുടെ 8- 8- 16 വിഭാഗത്തിലെ മിക്സർ വളത്തിലാണ് ഗുരുതരമായ ക്രമക്കേടുണ്ടെന്നാണ് കർഷകർ ആരോപിക്കുന്നത്. വളത്തിന്റെ പാക്കറ്റിന്റെ പുറത്ത് റബർ മിക്സെന്നാണ് രേഖപ്പെടുത്തിയിട്ടുള്ളതെങ്കിലും വാഴകർഷകരാണ് ഇത്തരം വളം കൂടുതലായി ഉപയോഗിക്കുന്നതെന്ന് കർഷകർ പറഞ്ഞു. എന്നാൽ വളത്തിന്റെ ദൗർലഭ്യം മനസിലാക്കി റബറിന് വേണ്ടി തയാറാക്കുന്ന വളം വാഴകർഷകരുടെ മേൽ അടിച്ചേൽപ്പിക്കുയാണെന്നും അരോപണമുണ്ട്. ഒരു വർഷം മുന്പ് ഇതേ കന്പനി വിതരണം ചെയ്തിരുന്ന 18- 18 വിഭാഗത്തിൽ പെട്ട വളമാണ് കർഷകർക്ക് ലഭിച്ചിരുന്നത്. എന്നാൽ ഈ വളത്തിന് കമ്മീഷൻ കുറവായതിനാലാണ് ഗുണനിലവാരമില്ലാത്ത വളം കർഷകരുടെ മേൽ അടിച്ചേൽപ്പിക്കുന്നതെന്ന് കർഷകർ ആരോപിച്ചു. 100 കിലോ 8- 8- 16 വിഭാഗത്തിലെ വളത്തിന്…
Read Moreസി.കെ. ഹരീന്ദ്രൻ എംഎൽഎയുടെ വാട്സ്ആപ്പ് ഗ്രൂപ്പിൽ അശ്ലീല വീഡിയോ; ഗ്രൂപ്പ് നീക്കം ചെയ്തു; പ്രതിഷേധം വ്യാപകം
പാറശാല : പാറശാല എംഎൽഎ സി.കെ. ഹരീന്ദ്രന്റെ വാട്സ് ആപ്പ് ഗ്രൂപ്പിൽ അശ്ലീല വീഡിയോ പ്രചരിച്ചതിനെ തുടർന്ന് ഗ്രൂപ്പ് നീക്കം ചെയ്തു. വീഡിയോ വന്നതോടെ പ്രതിഷേധം വ്യാപകമായി. പാറശാല എംഎൽഎ ആൻഡ് പീപ്പിൾ എന്നപേരിൽ മൂന്ന് മാസങ്ങൾക്കുമുന്പാണു വാട്സ്ആപ്പ് ഗ്രൂപ്പ് ആരംഭിച്ചത്. സിപിഎമ്മിന്റെ ജില്ലാ സെക്രട്ടറി ഉൾപ്പെടെയുള്ള ഉന്നത രാഷ്ട്രീയക്കാരും, പോലീസ് ഉദ്യോഗസ്ഥർ ,മാധ്യമപ്രവർത്തകർ തുടങ്ങിയവരും പൊതുജനങ്ങളും അടങ്ങിയതാണ് ഗ്രൂപ്പ് . നിരവധി സ്ത്രീകൾ ഉൾപ്പെട്ട ഗ്രൂപ്പിൽ ഇന്നലെ ഉച്ചക്ക് ശേഷമാണ് അശ്ലീല വീഡിയോ പ്രത്യക്ഷപ്പെട്ടത്. ഉടൻതന്നെ ഗ്രൂപ്പ് അംഗങ്ങൾ ശക്തമായി പ്രതിഷേധിച്ചതിനെ തുടർന്നു വീഡിയോ ഡിലീറ്റ് ചെയ്യുവാൻ അഡ്മിൻ പാനൽ, പോസ്റ്റുചെയ്ത വ്യക്തിയോട് ഫോണിലൂടെ ആവശ്യപ്പെട്ടുവെങ്കിലും അദ്ദേഹത്തിന് അതിനു സാധിച്ചില്ല. ഇത് വിശദീകരിച്ചുകൊണ്ട് അദ്ദേഹം വോയിസ് സന്ദേശം അയച്ചതിനെ തുടർന്ന് അഡ്മിൻ പാനൽ ഗ്രൂപ്പ് സസ്പെൻഡ് ചെയ്യുകയായിരുന്നു. മണ്ഡലത്തിലെ പൊതുകാര്യങ്ങൾ ചർച്ച ചെയ്യുവാൻ വേണ്ടിയാണ് ഗ്രൂപ്പ്…
Read Moreസംസ്ഥാനത്ത് ഇന്ധന വില ഇന്നും ഉയർന്നു; തിരുവനന്തപുരത്ത് പെട്രോൾ ലിറ്ററിന് 31 പൈസ വർധിപ്പിച്ചു
തിരുവനന്തപുരം: സംസ്ഥാനത്ത് ഇന്ധന വില ഇന്നും ഉയർന്നു. തിരുവനന്തപുരത്ത് പെട്രോൾ ലിറ്ററിന് 31 പൈസ വർധിപ്പിച്ചു. 81.31 രൂപയാണ് തിരുവനന്തപുരത്തെ വില. ഡീസൽ വില 28 പൈസ കൂടി 74.16 രൂപയായി. കർണാടക തെരഞ്ഞെടുപ്പു കഴിഞ്ഞശേഷം തുടർച്ചയായ പത്താം ദിവസമാണു വിലവർധന. ഇന്ധനവില വർധന പിടിച്ചുനിർത്താൻ പെട്രോളിയം മന്ത്രി ധർമ്മേന്ദ്ര പ്രധാൻ എണ്ണക്കന്പനി മേധാവികളുമായി കൂടിക്കാഴ്ച നടത്തുമെന്നാണ് റിപ്പോർട്ട്.
Read Moreനിപ്പാ വൈറസ്: പരിഭ്രാന്തിക്ക് അടിസ്ഥാനമില്ല; പരിഭ്രാന്തി പരത്തുന്ന തരത്തിൽ സമൂഹമാധ്യമങ്ങളിലൂടെ നടത്തുന്ന പ്രചാരണം അവസാനിപ്പിക്കണമെന്ന് മുഖ്യമന്ത്രി
തിരുവനന്തപുരം: നിപ്പാ വൈറസുമായി ബന്ധപ്പെട്ട് പരിഭ്രാന്തിക്ക് അടിസ്ഥാനമില്ലെന്നു മുഖ്യമന്ത്രി പിണറായി വിജയൻ. പരിഭ്രാന്തി പരത്തുന്ന തരത്തിൽ സമൂഹമാധ്യമങ്ങളിലൂടെ നടത്തുന്ന പ്രചാരണം അവസാനിപ്പിക്കണമെന്നും മുഖ്യമന്ത്രി ആവശ്യപ്പെട്ടു. നിപാ വൈറസ് ബാധ നിയന്ത്രിക്കുന്നതിന് എല്ലാ നടപടികളും സംസ്ഥാന സർക്കാർ സ്വീകരിച്ചിട്ടുണ്ട്. മുൻകരുതൽ എടുക്കുകയും ജാഗ്രത പുലർത്തുകയും വേണമെങ്കിലും പരിഭ്രാന്തിക്ക് ഒരടിസ്ഥാനവുമില്ല. പരിഭ്രാന്തി പരത്തുന്ന പ്രചാരണം സമൂഹമാധ്യമങ്ങളിൽ നടക്കുന്നത് ശ്രദ്ധയിൽ പെട്ടിട്ടുണ്ട്. ഇത്തരം പ്രചാരണങ്ങളിൽ നിന്ന് എല്ലാവരും മാറിനിൽക്കണം- മുഖ്യമന്ത്രി അഭ്യർഥിച്ചു. കേരളത്തിന് പുറത്തുനിന്ന് അടിസ്ഥാനമില്ലാത്ത ഒരുപാട് പോസ്റ്റുകൾ സമൂഹമാധ്യമങ്ങളിൽ വരുന്നുണ്ടെന്നും ഇത്തരം പ്രചാരണങ്ങളിൽ കുടുങ്ങിപ്പോകരുതെന്നും മുഖ്യമന്ത്രി പറഞ്ഞു.
Read Moreമോഹൻലാലിന്റെ ജന്മദിനം: തരിശുഭൂമിയിൽ കൃഷിയിറക്കി ഫാൻസ്; ഓണക്കാലത്ത് വിളവെടുത്ത് നെല്ല് പാവപ്പെട്ടവർക്ക് സൗജന്യമായി നൽകും
ആറ്റിങ്ങൽ: തരിശുഭൂമിയിൽ കൃഷിയിറക്കി മോഹൻലാൽ ഫാൻസിന്റെ വേറിട്ട ജന്മദിനാഘോഷം. ആറ്റിങ്ങൽ നഗരസഭയിലെ പതിനാറാം വാർഡിലെ പെരുമാൾ മഠം ഏലയിലാണ് മോഹൻലാൽ ഫാൻസ് അസോസിയേഷൻ ആറ്റിങ്ങൽ ഏരിയാ കമ്മിറ്റി പ്രവർത്തകർ തരിശുനിലത്ത് കൃഷി ഇറക്കിയത്. ഞാറുനടീലിന്റെ ഉദ്ഘാടനം ബി.സത്യൻ എംഎൽഎ നിർവഹിച്ചു. ഓണക്കാലത്ത് വിളവെടുത്ത് നെല്ല് പാവപ്പെട്ടവർക്ക് സൗജന്യമായി നൽകാനാണ് ഫാൻസിന്റെ ലക്ഷ്യം.ചടങ്ങിൽ കൗൺസിലർ പ്രിൻസ് രാജ്, ഭാരവാഹികളായ അനൂപ് ചക്കു, ഉണ്ണി, ഹരി തുടങ്ങിയവർ പങ്കെടുത്തു.
Read Moreഒട്ടുമിക്ക ക്രിമിനൽ കേസുകളിലും വില്ലൻ മദ്യം; സർക്കാരിന്റെ മദ്യനയം വൻ ദുരന്തങ്ങളിലേക്ക് നയിക്കും: വി.എം. സുധീരൻ
അമരവിള : സർക്കാരിന്റെ മദ്യ നയം സംസ്ഥാനത്തെ വൻ ദുരന്തങ്ങളിലേക്ക് നയിക്കുമെന്ന് വി. എം. സുധീരൻ. പുതിയ മദ്യശാലകൾക്ക് സംസ്ഥാനത്ത് നിയമങ്ങൾ പാലിക്കാതെ അനുമതി നൽകിയത് വഴി വിദ്യാർഥികൾക്കും യുവാക്കളും യഥേഷ്ടം മദ്യം ലഭിക്കുന്ന സാഹചര്യമുണ്ട്. ഇടക്കാലങ്ങളിൽ നടന്നിട്ടുളള ഒട്ടുമിക്ക ക്രിമിനൽ കേസുകളിലും മദ്യമാണ് വില്ലനെന്നും സുധീരൻ പറഞ്ഞു. ഹയർ സെക്കൻഡറി സ്കൂൾ ടീച്ചേഴ്സ് അസോസിയേഷൻ സംസ്ഥാന നേതൃപഠന ക്യാന്പ് നെയ്യാറ്റിൻകരയിൽ ഉദ്ഘാടനം ചെയ്തു പ്രസംഗിക്കുകയായിരുന്നു സുധീരൻ. എച്ച്എസ്എസ്ടിഎ സംസ്ഥാന പ്രസിഡന്റ് എം. രാധാകൃഷ്ണൻ അധ്യക്ഷത വഹിച്ചു. ഡോ.സാബു ജി. വർഗീസ്, ടി. എസ്. ഡാനിഷ് , ഡോ.രാധാമണി നായർ, എൻ. രവികുമാർ, ബി.മോഹൻ കുമാർ, പി.വിൻസെന്റ് , എ.കെ. അജീബ് തുടങ്ങിയവർ പ്രസംഗിച്ചു.
Read Moreപ്രവർത്തനരഹിതമായ എൽഇഡി ബൾബുകൾ ഇനി ഉപേക്ഷിക്കേണ്ട; വിദ്യാർഥികൾ പ്രകാശിപ്പിക്കും
കാട്ടാക്കട : കേടായ എൽഇഡി ബൾബുകൾ ഇനി ഉപേക്ഷിക്കേകണ്ട വിഎച്ച്എസ്സി എൻഎസ്എസ് വോളന്റിയർമാർ പ്രകാശിപ്പിക്കും. വിവിധ സ്കൂളുകളിൽ രണ്ടു ദിവസമായി നടത്തുന്ന ക്യാമ്പിന്റെ ഭാഗമായി പൂവച്ചൽ വൊക്കേഷണൽ ഹയർ സെക്കൻഡറി സ്കൂളിൽ നടന്ന ക്യാമ്പിൽ നാൽപതോളം വിദ്യാർഥികൾ പങ്കെടുത്തു. നാഷണൽ സർവിസ് സ്കീം ദ്വിദിന സമ്മർ ക്യാമ്പിന്റെ ഭാഗമായിട്ടാണ് കേടുവന്ന എൽഇഡി ബൾബുകൾ ഉപയോഗയോഗ്യമാക്കാൻ വോളന്റിയർമാർക്ക് പരിശീലനം നൽകിയത്.വിഎച്ച്എസ്സി ഇലക്ട്രിക്കൽ ആൻഡ് ഇലക്ട്രോണിക് അധ്യാപകനായ ജിമ്മി എസ്. കുമാർ ആണ് പരിശീലനം നൽകിയത്. വിഎച്ച്എസ്സി അധ്യാപകനായ ഉദയ കുമാറിന്റെ നേതൃത്വത്തിലാണ് ക്യാമ്പ്. വീടുകളിൽ നിന്നും സ്ഥാപനങ്ങളിൽ നിന്നും കേടായ എൽഇഡി ബൾബുകൾ ശേഖരിച്ചു കേടുപാട് തീർത്തു ഇവ നൽകിയവർക്ക് തന്നെ തിരികെ നൽകി. ഇവ ദീർഘകാലം ഉപയോഗിക്കുകയും കൂടാതെ കേടു വരുമ്പോൾ ഇവ വലിച്ചെറിഞ്ഞു ഉണ്ടാകുന്ന പരിസര മലിനികരണം ഒഴിവാക്കുകയും ചെയ്യാം. ഇതിനായി തുടർ പ്രവർത്തനങ്ങളും നടത്തുമെന്ന്…
Read Moreചെങ്ങന്നൂരിൽ മാണി യുഡിഎഫിന് പിന്തുണ പ്രഖ്യാപിച്ചാലും ചെങ്ങന്നൂരിൽ എൽഡിഎഫ് ജയിക്കും; വൈക്കം വിശ്വൻ
എം.ജെ ശ്രീജിത്ത് തിരുവനന്തപുരം: കെ.എം മാണി യു.ഡി.എഫിലേയ്ക്ക് മടങ്ങിപ്പോകുമെന്ന് കരുതുന്നില്ലെന്ന് എൽ.ഡി.എഫ് കണ്വീനർ വൈക്കം വിശ്വൻ. അഥവാ മാണി പോയാൽ എൽ.ഡി.എഫിന്റെ തുടർ സമീപനവും അതിനു ശേഷം വ്യക്തമാക്കും. യു.ഡി.എഫിൽ നിൽക്കാൻ പറ്റാത്ത സാഹചര്യത്തിലാണല്ലോ അദ്ദേഹവും കേരള കോണ്ഗ്രസ് എം യു.ഡി.എഫ് വിട്ടു പുറത്തു വന്നത്. ആ സാഹചര്യം മാറിയെന്ന് കരുതുന്നില്ലെന്നും വൈക്കം വിശ്വൻ രാഷ്ട്രദീപികയോട് പറഞ്ഞു. ചെങ്ങന്നൂരിൽ മാണി യു.ഡി.എഫിന് പിന്തുണ പ്രഖ്യാപിച്ചാലും അത് എൽ.ഡി.എഫിന് ക്ഷീണം ചെയ്യില്ല. അവിടെ എൽ.ഡിഎഫ് സ്ഥാനാർഥി സജി ചെറിയാൻ വിജയിക്കാനുള്ള എല്ലാ സാഹചര്യവും നിലവിലുണ്ട്. അതു കൊണ്ട് ഏതെങ്കിലും പാർട്ടിയുടെ നിലപാടായിരിക്കില്ല തെരഞ്ഞെടുപ്പിനെ സ്വാധീനിക്കുക. ആർ.എസ്.എസ് ഒഴിച്ച് ആരുടേയും വോട്ട് എൽ.ഡി.എഫ് സ്വീകരിക്കും. ആ നിലപാടിൽ മാത്രം മാറ്റമില്ല. കേരള കോണ്ഗ്രസ് പരസ്യ പിന്തുണ പ്രഖ്യാപിച്ചില്ലെങ്കിലും അതിന്റെ പ്രവർത്തകരിൽ പലരും ഇപ്പോഴും ഞങ്ങളോട് സഹകരിക്കുന്നുണ്ട്. ഏതെങ്കിലും നിലപാട് മാറ്റം…
Read More