തിരുവനന്തപുരം: റേഡിയോ ജോക്കി രാജേഷിന്റെ കൊലപാതക കേസിലെ മുഖ്യപ്രതിയും ആസൂത്രകനുമായ സത്താറിനെ നാട്ടിലെത്തിക്കാനുള്ള നടപടികൾ പോലീസ് ഉൗർജിതമാക്കി. ഖത്തറിൽ കഴിയുന്ന സത്താറിന്റെ യാത്രാവിലക്ക് മാറ്റാനും വിസ റദ്ദാക്കി നാട്ടിലെത്തിക്കാനും വേണ്ടിയുള്ള നടപടികളാണ് സ്വീകരിച്ചിരിക്കുന്നത്. സത്താറിനെ നാട്ടിലെത്തിക്കാൻ സംസ്ഥാന പോലീസ് മേധാവി ലോക്നാഥ് ബെഹ്റ കേന്ദ്ര ആഭ്യന്തര മന്ത്രാലയത്തിന്റെ സഹായം തേടിയിട്ടുണ്ട്. ഡിജിപിയുടെ അഭ്യർഥനയെ തുടർന്ന് വിദേശകാര്യവകുപ്പ് സത്താറിനെ നാട്ടിലെത്തിക്കാനുള്ള നടപടികൾ സ്വീകരിച്ച് തുടങ്ങിയെന്ന് ഉന്നത പോലീസ് ഉദ്യോഗസ്ഥർ വ്യക്തമാക്കി. സത്താറിനെ ഒന്നാം പ്രതിയാക്കി പോലീസ് തയാറാക്കിയ എഫ്ഐആറിന്റെ പകർപ്പ് ഉൾപ്പെടെയുള്ള രേഖകൾ കേരളാ പോലീസ് കേന്ദ്ര ആഭ്യന്തരവകുപ്പ് മുഖേന ഖത്തർ അധികൃതർക്ക് സമർപ്പിച്ചിട്ടുണ്ട്. ഇതിന്റെ അടിസ്ഥാനത്തിൽ സത്താറിനെതിരെയുള്ള യാത്രാവിലക്ക് റദ്ദാക്കാനുള്ള നടപടികൾ ഖത്തറിൽ പുരോഗമിക്കുകയാണെന്നാണ് പോലീസ് വൃത്തങ്ങൾ വ്യക്തമാക്കുന്നത്. രാജേഷിന്റെ കൊലപാതകത്തിൽ നേരിട്ട് പങ്കെടുത്ത മൂന്ന് പ്രതികളെയും ഇവർക്ക് സഹായം ചെയ്ത് കൊടുത്ത മുഴുവൻ പേരും അറസ്റ്റിലായിട്ടുണ്ട്.
Read MoreCategory: TVM
ആഭ്യന്തര വകുപ്പ് കൈകാര്യം ചെയ്യുന്ന പിണറായി വിജയന് പൂർണ്ണ പരാജയമാണെന്ന് ചെന്നിത്തല
തിരുവനന്തപുരം: ആഭ്യന്തര വകുപ്പ് കൈകാര്യം ചെയ്യുന്ന മുഖ്യമന്ത്രി പിണറായി വിജയൻ പൂർണ പരാജയമെന്ന് പ്രതിപക്ഷ നേതാവ് രമേശ് ചെന്നിത്തല. പിണറായി വിജയൻ ആഭ്യന്തരവകുപ്പ് ഒഴിയണമെന്ന് അദ്ദേഹം ആവശ്യപ്പെട്ടു. ശ്രീജിത്തിന്റെ കസ്റ്റഡി മരണത്തിൽ പോസ്റ്റ്മോർട്ടത്തിനുശേഷം മെഡിക്കൽ ബോർഡ് രൂപീകരിക്കുന്നത് ഉന്നത ഉദ്യോഗസ്ഥരെ സഹായിക്കാനാണെന്നും ചെന്നിത്തല കുറ്റപ്പെടുത്തി. സംസ്ഥാനത്തെ പോലീസിന്റെ അന്വേഷണത്തിൽ വിശ്വാസമില്ലെന്നും റൂറൽ എസ്പിക്കെതിരെ കേസെടുക്കണമെന്നും അദ്ദേഹം ആവശ്യപ്പെട്ടു. ആർടിഎഫ് ഉദ്യോഗസ്ഥരുടെ അറസ്റ്റിനു പിന്നിൽ ബാഹ്യശക്തികളുടെ ഇടപെടൽ ഉണ്ടായെന്ന് വ്യക്തമാണെന്നും ചെന്നിത്തല പറഞ്ഞു.
Read Moreഅപ്രഖ്യാപിത ഹര്ത്താൽ വര്ഗീയ വികാരം ഇളക്കി വിടാന് ലക്ഷ്യമിട്ട്: ഡിജിപി ബെഹ്റ
തിരുവനന്തപുരം: അപ്രഖ്യാപിത ഹര്ത്താൽ വര്ഗീയ വികാരം ഇളക്കി വിടാന് ലക്ഷ്യമിട്ടെന്ന് സംസ്ഥാന പോലീസ് മേധാവി ലോക്നാഥ് ബെഹ്റ. വർഗീയ ചേരിതിരിവിലൂടെ സൗഹാര്ദാന്തരീക്ഷം തകര്ക്കാനുള്ള നീക്കം ഒരുതരത്തിൽ അനുവദിക്കുകയില്ല. ഇത്തരം സംഭവങ്ങൾ നിർഭാഗ്യകരമാണ്. സംഭവത്തിൽ അന്വേഷണം സംസ്ഥാനം മൊത്തം കേന്ദ്രീകരിച്ചായിരിക്കുമെന്നും അറസ്റ്റിലായവരുടെ പശ്ചാത്തലം പരിശോധിക്കുമെന്നും ഡിജിപി ബെഹ്റ അറിയിച്ചു.വരാപ്പുഴയിൽ ശ്രീജിത്തിന്റെ കസ്റ്റഡി മരണത്തിൽ തങ്ങളെ ബലിയാടുകളാക്കുകയാണെന്ന ആർടിഎഫുകാരുടെ ആരോപണം അന്വേഷിക്കുമെന്നും ഡിജിപി പറഞ്ഞു. ശ്രീജിത്തിന്റെ കുടുംബം ഉന്നയിച്ച പരാതി മുഴുവൻ പരിഗണിക്കും. ആര് കുറ്റം ചെയ്താലും നടപടി ഉണ്ടാകുമെന്നും ബെഹ്റ കൂട്ടിച്ചേർത്തു. ശ്രീജിത്തിനെ മര്ദ്ദിച്ചിട്ടില്ലെന്നും കസ്റ്റഡിയിലെടുത്ത് പോലീസ് ജീപ്പില് കയറ്റി വിടുകയായിരുന്നുവെന്നും ആർടിഎഫ് ഉദ്യോഗസ്ഥർ പറഞ്ഞിരുന്നു.
Read Moreകേരളത്തിന് പകരുന്ന ആശ്വാസം ചെറുതല്ല! തകർത്തു പെയ്ത് വേനൽമഴ; മഴക്കുറവ് മൂന്നു ജില്ലകളിൽ
തിരുവനന്തപുരം: ഒരിടവേളയ്ക്കു ശേഷം ശക്തിപ്രാപിച്ച വേനൽമഴയിൽ കേരളത്തിനു മഴക്കൊയ്ത്ത്. കാലവസ്ഥാ നിരീക്ഷണ കേന്ദ്രത്തിന്റെ കണക്കുകൾ പ്രകാരം തിരുവനന്തപുരം, ആലപ്പുഴ, തൃശൂർ ഒഴികെയുള്ള എല്ലാ ജില്ലകളിലും ഇന്നലെ വരെ കിട്ടേണ്ട മഴയുടെ ഇരട്ടിയോളം ലഭിച്ചു കഴിഞ്ഞു. ശൈത്യകാല മഴയിൽ (ജനുവരി ഒന്നു മുതൽ ഫെബ്രുവരി 28 വരെ) 30 ശതമാനത്തിന്റെ കുറവുമായി വലയുന്ന കേരളത്തിന് വേനൽ മഴ പകരുന്ന ആശ്വാസം ചെറുതല്ല. മാർച്ച് ഒന്നു മുതൽ മെയ് 31 വരെ നീളുന്ന വേനൽ കാലത്ത് സംസ്ഥാനത്ത് ഇന്നലെ വരെ കിട്ടിയത് 88.9 മില്ലിമീറ്റർ മഴയാണ്. കിട്ടേണ്ടിയിരുന്നത് 115.9 മില്ലിമീറ്ററും. കാസർഗോഡ് ജില്ലയിലാണ് ഇന്നലെ വരെ ഏറ്റവും കൂടുതൽ മഴ പെയ്തത്, 92.8 മില്ലിമീറ്റർ. ആലപ്പുഴ ജില്ലയിലാണ് ഏറ്റവും കുറവ് മഴ രേഖപ്പെടുത്തിയത്.
Read Moreറേഡിയോ ജോക്കി വധം; മുഖ്യപ്രതികളിൽ ഒരാളായ അപ്പുണി ഉപയോഗിച്ച ആയുധം കണ്ടെത്തി
കൊല്ലം: മുന് റേഡിയോ ജോക്കി മടവൂര് സ്വദേശി രാജേഷിനെ വെട്ടിക്കൊലപ്പെടുത്തിയ കേസില് മുഖ്യപ്രതികളിൽ ഒരാളായ അപ്പുണി ഉപയോഗിച്ച ആയുധം കണ്ടെത്തി. കൂട്ടുപ്രതിയായ സനുവിന്റെ കൊല്ലം വള്ളക്കീഴിലെ പുരയിടത്തിൽ നിന്നാണ് വാൾ കണ്ടെത്തിയത്. അപ്പുണ്ണിയുമായി അന്വേഷണ സംഘം തെളിവെടുപ്പ് നടത്തുകയാണ്. കൊലപാതകത്തില് നേരിട്ടു പങ്കെടുത്ത അപ്പുണ്ണി ചൊവ്വാഴ്ചയാണ് അറസ്റ്റിലായത്. കായംകുളത്തെ ബന്ധുവിന്റെ വീട്ടിൽ ഒളിവിൽ കഴിയുകയായിരുന്ന അപ്പുണ്ണിയെ കഴിഞ്ഞ ദിവസം രാത്രിയിലാണ് പ്രത്യേക അന്വേഷണ സംഘം കസ്റ്റഡിയിലെടുത്തത്. രാജേഷ് വധത്തിന്റെ ആസൂത്രണം മുതലുളള എല്ലാകാര്യങ്ങളിലും പ്രധാനപങ്ക് വഹിച്ചയാളാണ് അപ്പുണ്ണിയെന്ന് പോലീസ് പറയുന്നത്. മാര്ച്ച് 27 ന് പുലര്ച്ചെ രണ്ട് മണിക്ക് മുഹമ്മദ് സ്വാലിഹ്, അപ്പുണ്ണി, തന്സീര് എന്നിവരാണു മടവൂരിലെത്തി രാജേഷിനെ കൊലപ്പെടുത്തിയത്. കേസിലെ ഒന്നാംപ്രതി കൊലപാതകത്തിന് ക്വട്ടേഷന് നല്കിയ ഖത്തർ വ്യവസായി സത്താറാണ്. ഇയാളെ നാട്ടിലെത്തിക്കാന് പോലീസ് ശ്രമം തുടരുകയാണ്.
Read Moreസർക്കാർ അനുമതിയില്ലാതെ പുസ്തകം എഴുതി; ജേക്കബ് തോമസിന് സസ്പെൻഷനു മേൽ സസ്പെൻഷൻ
തിരുവനന്തപുരം: ഡിജിപി ജേക്കബ് തോമസിന് വീണ്ടും സസ്പെൻഷൻ. സർക്കാർ അനുമതിയില്ലാതെ പുസ്തകം എഴുതിയതിനാണ് നടപടി. മുഖ്യമന്ത്രിയുടെ നിർദേശപ്രകാരം ചീഫ് സെക്രട്ടറിയാണ് സസ്പെൻഷൻ ഉത്തരവിറക്കിയത്. സസ്പെൻഷനു മേൽ സസ്പെൻഷൻ ഒരു ഉദ്യോഗസ്ഥൻ നേരിടുന്നത് സംസ്ഥാനത്ത് അപൂർവമാണ്. ‘സ്രാവുകൾക്കൊപ്പം നീന്തുമ്പോൾ’ എന്ന പുസ്തകത്തിലെ വെളിപ്പെടുത്തലുകളുടെ പേരിൽ അഖിലേന്ത്യാ സർവീസ് ചട്ട ലംഘനം ചൂണ്ടിക്കാണിച്ചാണ് നടപടി എടുത്തത്. വിജിലൻസ് ഡയറക്ടറായിരിക്കെ നടന്ന ചില കാര്യങ്ങളും വെളിപ്പെടുത്തലുകളും വിമർശനങ്ങളും പുസ്തകത്തിലുണ്ടായിരുന്നു. പരാമർശം സംബന്ധിച്ച നോട്ടീസിന് അദ്ദേഹം നൽകിയ മറുപടി തൃപ്തികരമല്ലാത്തതിനാൽ കൂടുതൽ അന്വേഷണത്തിന് കമ്മീഷനെയും നിയമിച്ചിരുന്നു. പുസ്തകത്തിലെ പാറ്റൂർ, ബാർ കോഴ, ബന്ധുനിയമന കേസുകളെ സംബന്ധിച്ചുള്ള പരാമർശങ്ങൾ ചട്ടലംഘനമാണെന്ന് ആഭ്യന്തര അഡീഷനൽ ചീഫ് സെക്രട്ടറിയുടെ നേതൃത്വത്തിലെ അന്വേഷണസമിതി നേരത്തേ കണ്ടെത്തിയിരുന്നു. എന്നാൽ അന്വേഷണ സമിതിക്ക് മുന്നിൽ ഹാജരായി വിശദീകരണം നൽകാൻ ജേക്കബ് തോമസ് തയാറായിരുന്നില്ല. ഇതേത്തുടർന്നാണ് സർക്കാർ സസ്പെൻഷൻ ഉത്തരവിറക്കിയത്. ഡിസംബർ 20-ന്…
Read Moreതിരുവനന്തപുരത്തെ ആശുപത്രിയിൽ പരിശോധനയ്ക്കെത്തിയ ഗർഭിണിയെ കാണാതായതായി പരാതി
തിരുവനന്തപുരം: തിരുവനന്തപുരം എസ്എടി ആശുപത്രിയിൽ ഗർഭിണിയെ കാണാതായി. കിളിമാനൂർ സ്വദേശി ഷംനയെയാണു കാണാതായത്. ചൊവ്വാഴ്ച രാവിലെ പതിനൊന്നോടെ ആശുപത്രിയിൽ പരിശോധനയ്ക്കായി പ്രവേശിച്ചതാണ് ഷംന. തുടർന്ന് ഇവരെ കാണാതാവുകയായിരുന്നു. യുവതിയെ കാണാതായതിനെ തുടർന്ന് ബന്ധുക്കൾ പ്രതിഷേധവുമായി രംഗത്തെത്തി. സംഭവത്തിൽ പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
Read Moreകേരളത്തിൽ വിദേശ നിർമിത വിദേശമദ്യം വിൽക്കാൻ ഒൻപതു കമ്പനികൾ റെഡി
തിരുവനന്തപുരം: സംസ്ഥാനത്തു ബിവറേജസ് ഒൗട്ട് ലെറ്റുകൾ വഴി വിദേശ നിർമിത വിദേശ മദ്യം വിപണനം നടത്താൻ തയാറായി ഒൻപതു കന്പനികൾ രംഗത്തെത്തി. എൽഡിഎഫ് സർക്കാരിന്റെ പുതിയ മദ്യനയത്തിന്റെ ഭാഗമായി വിദേശ നിർമിത വിദേശമദ്യവും ബിവറേജസ് കോർപറേഷൻ ഔട്ട്ലെറ്റുകൾ വഴി വിൽപന നടത്താൻ തീരുമാനിച്ചിരുന്നു. ഇതിന്റെ ഭാഗമായിട്ടുള്ള ഇ- ടെൻഡറിലാണ് ഒൻപതു കന്പനികൾ പങ്കെടുത്തത്. ഇതുവരെ ഇന്ത്യൻ നിർമിത വിദേശമദ്യം മാത്രമായിരുന്നു ബിവറേജസ് ഒൗട്ട്ലെറ്റുകൾ വഴി വിൽപന നടത്തിയിരുന്നത്. നിലവിൽ വിമാനത്താവളങ്ങളിലെ ഡ്യൂട്ടി പെയ്ഡ് ഷോപ്പ് വഴി മാത്രമായിരുന്നു വിദേശ നിർമിത വിദേശമദ്യം കേരളത്തിൽ വിൽപന നടത്തിയിരുന്നത്. ഇതോടൊപ്പം വിദേശ നിർമിത വൈൻ വിതരണം നടത്താൻ എട്ടു വിദേശ കന്പനികളും രംഗത്തുണ്ട്. കഴിഞ്ഞ 16നാണ് ടെൻഡർ പരിശോധന നടത്തിയത്. ഇനി ഇതുമായി ബന്ധപ്പെട്ട സൂക്ഷ്മപരിശോധന നടക്കും. കേരളത്തിൽ കോടികളുടെ മദ്യ വിൽപന നടക്കുന്ന സാഹചര്യത്തിലാണു കൂടുതൽ കന്പനികൾ സംസ്ഥാനത്ത്…
Read Moreസിപിഎമ്മിലെ ഭിന്നത വീണ്ടും മറനീക്കി; വി.എസിനെ തള്ളി കോടിയേരി; കോൺഗ്രസിനെ വേണ്ടേ വേണ്ട…
തിരുവനന്തപുരം: സിപിഎം പാർട്ടി കോൺഗ്രസ് ബുധനാഴ്ച ഹൈദരാബാദിൽ തുടങ്ങാനിരിക്കവെ സിപിഎമ്മിലെ ഭിന്നത വീണ്ടും മറനീക്കിപുറത്തു വന്നു. മതേതര കക്ഷികളുമായി സഖ്യം വേണമെന്ന മുതിർന്ന സിപിഎം നേതാവും ഭരണപരിഷ്കാര കമ്മീഷൻ ചെയർമാനുമായ വി.എസ്.അച്യുതാനന്ദന്റെ നിലപാട് തള്ളി പാർട്ടി സംസ്ഥാന സെക്രട്ടറി കോടിയേരി ബാലകൃഷ്ണൻ രംഗത്തെത്തി. ബിജെപിയെ തോൽപിക്കാൻ കോൺഗ്രസ് സഖ്യം ആവശ്യമില്ലെന്ന് കോടിയരി തുറന്നടിച്ചു. ഈ വിഷയത്തിലെ നിലപാട് പാർട്ടി നേരത്തെ വ്യക്തമാക്കിയിട്ടുള്ളതാണെന്നും അദ്ദേഹം കൂട്ടിച്ചേർത്തു.
Read Moreറേഡിയോ ജോക്കി രാജേഷ് വധം; അപ്പുണ്ണി പിടിയിൽ; കായംകുളത്തുള്ള ഒളിസങ്കേതത്തിൽ നിന്നാണ് പ്രതിയെ പിടികൂടിയത്
തിരുവനന്തപുരം: മുൻ റേഡിയോ ജോക്കി രാജേഷ് വധക്കേസിലെ മുഖ്യപ്രതികളിലൊരാളായ അപ്പുണ്ണിയെ പിടിയിൽ. കായംകുളത്തുള്ള ഒളിസങ്കേതത്തിൽ നിന്നാണ് ഇയാളെ പ്രത്യേക അന്വേഷണ സംഘം കസ്റ്റഡിയിലെടുത്തത്. ചിക്കൻപോക്സ് ബാധിച്ചതിനെത്തുടർന്ന് ഇയാൾ ഒളിസങ്കേതത്തിൽ ചികിത്സയിലായിരുന്നു. നേരത്തെ തമിഴ്നാട് കേന്ദ്രീകരിച്ച് അപ്പുണ്ണിക്കുവേണ്ടി പോലീസ് സംഘം അന്വേഷണം നടത്തിയിരുന്നു. ഇന്നലെ രാത്രിയാലാണ് അപ്പുണ്ണിയെ പോലീസ് പിടികൂടിയത്. ഇയാളെ തിരുവനന്തപുരത്ത് പോലീസ് കേന്ദ്രത്തിൽവച്ച് ചോദ്യം ചെയ്യുകയാണ്.അറസ്റ്റ് ഇന്ന് രാത്രിയോടെ രേഖപ്പെടുത്തും.
Read More