പാറശാല: ക്ഷേത്രോത്സവവുമായി ബന്ധപ്പെട്ട് ആനപ്പുറത്തെഴുന്നള്ളിപ്പിനിടെ പാപ്പാനെ ആന കുത്തിക്കൊന്നു. വെള്ളറടയ്ക്കു സമീപം വെള്ളച്ചിപ്പാറ ഭദ്രകാളിക്കുന്ന് ഭദ്രകാളി ക്ഷേത്രത്തിലെ ഉത്സവവുമായി ബന്ധപ്പെട്ട് നടത്തിയ എഴുന്നള്ളത്തിനിടെ ഇന്നലെ രാത്രി പത്തോടെയായിരുന്നു സംഭവം. തൃശൂർ ചിറമണക്കാട് കൈതക്കൽകോന്പിൽ കബീറിന്റെ മകൻ ഷഹീർ (25) ആണ് മരിച്ചത്. ക്ഷേത്രത്തിൽ നിന്നും മൂന്ന് ആനകളുടെ അകന്പടിയോടെ ഇന്നലെ രാവിലെ 9.30 ഓടെ എഴുന്നള്ളത്ത് പുറപ്പെടുകയായിരുന്നു. വിവിധ സ്ഥലങ്ങളിൽ നൽകിയ പൂജകൾ സ്വീകരിച്ചശേഷം മടങ്ങി രാത്രി പത്തോടെ വെള്ളച്ചിപ്പാറ ജംഗ്ഷനിലെത്തുകയും സമീപത്തെ ഇടറോഡിലൂടെ പൂജ സ്വീകരിക്കുവാനായി പോവുകയുമായിരുന്നു. ഇതിനിടെ പെട്ടെന്ന് ആന പാപ്പാനെ കുത്തിക്കൊന്നത്. ആന ആക്രമണം നടത്തുന്പോൾ തിടന്പേറ്റി രണ്ടുപേർ ആനപ്പുറത്തുണ്ടായിരുന്നു. പാപ്പാനെ കൊന്നശേഷം ആന പ്രകോപനമൊന്നും കൂടാതെ ഇടവഴിയിൽ നിന്നും പ്രധാന റോഡിൽ കടന്ന് നിന്നു. തുടർന്ന് ആനയുടെ ഉടമസ്ഥർ സ്ഥലത്തെത്തി ആനയെ അനുസരിപ്പിക്കുകയായിരുന്നു. തുടർന്ന് ആനപ്പുറത്തുണ്ടായിരുന്ന രണ്ടുപേരെയും സുരക്ഷിതമായി താഴെയിറക്കി. ഷജീറിന്റെ…
Read MoreCategory: TVM
എഴുപതു കഴിഞ്ഞവരുടെ പട്ടികയിൽ;കുഞ്ഞനന്തന്റെ ജയിൽ മോചനത്തിനുള്ള തുടർനടപടികളുമായി സർക്കാർ മുന്നോട്ട് തന്നെ
തിരുവനന്തപുരം: ടി.പി.ചന്ദ്രശേഖരൻ വധക്കേസിലെ പ്രതി പി.കെ. കുഞ്ഞനന്തനെ ജയിൽ മോചിതനാക്കാൻ സർക്കാർതലത്തിൽ ശ്രമങ്ങൾ തുടരുന്നു. പോലീസിനു പിന്നാലെ സാമൂഹ്യനീതി വകുപ്പും ഇതു സംബന്ധിച്ച് റിപ്പോർട്ട് തയാറാക്കുകയാണ്. കുഞ്ഞനന്തനെ മോചിപ്പിക്കുന്നതിൽ നിലപാട് ആരാഞ്ഞു സാമൂഹ്യനീതി വകുപ്പ് പ്രൊബേഷനറി ഓഫീസർ, ടി.പി.ചന്ദ്രശേഖരന്റെ വിധവ കെ.കെ.രമയെ സമീപിച്ചു. എന്നാൽ കേസ് ഹൈക്കോടതിയിൽ ആയതിനാൽ പ്രതിയെ വെറുതെ വിടരുതെന്നും കുഞ്ഞനന്തൻ പുറത്തിറങ്ങിയാൽ ഭീഷണിയുണ്ടാകുമെന്നും താൻ മറുപടി നൽകിയതായി കെ.കെ.രമ അറിയിച്ചു. 70 വയസ് കഴിഞ്ഞവരുടെ പട്ടികയിൽ ഉൾപ്പെടുത്തിയാണ് കുഞ്ഞനന്തനെ മോചിപ്പിക്കാൻ സർക്കാർ ശ്രമിക്കുന്നത്. ടി.പി കേസിൽ ഗൂഢാലോചന കുറ്റം തെളിയിക്കപ്പെട്ടതിനെ തുടർന്ന് കോടതി കുഞ്ഞനന്തനെ ജീവപര്യന്തം തടവിനു ശിക്ഷിക്കുകയായിരുന്നു. നേരത്തെ, ജയിലിലെ അന്തേവാസികൾക്ക് അവധിയും അടിയന്തര അവധിയും നൽകുന്നത് സാധാരണമെന്ന് കുഞ്ഞനന്തനെ മോചിപ്പിക്കാനുള്ള നീക്കത്തെ സാധൂകരിച്ച് മുഖ്യമന്ത്രി പിണറായി വിജയൻ നിയമസഭയിൽ പറഞ്ഞിരുന്നു.
Read Moreപ്രാഥമിക റിപ്പോർട്ട് ശരിയായില്ല; ഭൂമി കൈമാറ്റത്തിൽ ദിവ്യ എസ്.അയ്യർക്കെതിരേ വീണ്ടും അന്വേഷണത്തിന് ഉത്തരവ്
തിരുവനന്തപുരം: തിരുവനന്തപുരം സബ്കളക്ടർ ദിവ്യ എസ്.അയ്യർക്കെതിരേ വീണ്ടും അന്വേഷണത്തിനു റവന്യൂമന്ത്രിയുടെ നിർദേശം. കോട്ടൂരിൽ ഭൂമി പതിച്ചു നൽകിയതിൽ ആരോപണങ്ങൾ ഉയർന്നതിനെ തുടർന്നാണ് മന്ത്രി അന്വേഷണത്തിന് ഉത്തരവിട്ടത്. ലാൻഡ് റവന്യൂ കമ്മീഷണർക്കാണ് അന്വേഷണ ചുമതല. കോട്ടൂരിൽ ഭൂമി പതിച്ചുനൽകിയ സബ് കളക്ടർ ദിവ്യ എസ്.അയ്യരുടെ തീരുമാനത്തിനെതിരേ കുറ്റിച്ചൽ പഞ്ചായത്ത് ഭരണസമിതിയാണ് റവന്യൂമന്ത്രിക്ക് പരാതി നൽകിയത്. കോട്ടൂർ അഫ്സൽ മൻസിലിൽ നസീറിനാണ് ന്യായവില ഈടാക്കി ഭൂമി പതിച്ചുനൽകിയത്. ഈയാവശ്യം ഉന്നയിച്ച് നസീർ 1993ൽ തന്നെ അപേക്ഷ നൽകിയിരുന്നു. അന്നത്തെ പഞ്ചായത്ത് ഭരണസമിതി വില ഈടാക്കി ഈ ഭൂമി പതിച്ചുനൽകാൻ തീരുമാനിക്കുകയും ചെയ്തിരുന്നു. എന്നാൽ റവന്യൂ വകുപ്പ് ആദ്യം ഇതിനെ എതിർത്തു.2013ൽ ലാൻഡ് റവന്യൂ കമ്മിഷണർ അപേക്ഷ പരിശോധിച്ച് തെളിവെടുപ്പ് നടത്തി തീരുമാനമെടുക്കാൻ സബ് കളക്ടർക്ക് നിർദേശം നൽകി. എങ്കിലും റവന്യൂ വകുപ്പിൽനിന്നുള്ള റിപ്പോർട്ട് അനുകൂലമല്ലാത്തതിനാൽ തീരുമാനം ഉണ്ടായില്ല. ഈ സ്ഥലം…
Read Moreകീഴാറ്റൂരിൽ സമരം നടത്തുന്ന വയൽക്കിളികൾ വയൽകഴുകന്മാർ മാത്രമല്ല, എരണ്ടകൾ കൂടിയാണെന്ന് മന്ത്രി സുധാകരൻ
തിരുവനന്തപുരം: കീഴാറ്റൂരിൽ ബൈപ്പാസിനെതിരേ സമരം നടത്തുന്ന വയൽക്കിളി പ്രവർത്തകരെ ആക്ഷേപിച്ച് വീണ്ടും മന്ത്രി ജി. സുധാകരൻ. കീഴാറ്റൂരിൽ സമരം നടത്തുന്നവർ വയൽകഴുകന്മാർ മാത്രമല്ല, എരണ്ടകൾ കൂടിയാണെന്ന് സുധാകരൻ നിയമസഭയിൽ പറഞ്ഞു. എരണ്ടകൾ വന്ന് കർഷകരെ ഇല്ലാതാക്കുകയാണ്. എരണ്ടകൾ വയലിൽ ഇറങ്ങിയാൽ നെല്ല് മുഴുവൻ കൊത്തികൊണ്ടു പോകും. കർഷകർ ആത്മഹത്യ ചെയ്യേണ്ട സ്ഥിതിയാവുമെന്നും മന്ത്രി പറഞ്ഞു. ബൈപ്പാസിന്റെ അലൈൻമെന്റിൽ ഒരു മാറ്റവും വരുത്തില്ല. ശരിയായ നഷ്ടപരിഹാരം നൽകിയിട്ടുണ്ട്. കേന്ദ്ര സർക്കാരാണ് ദേശീയപാതയുടെ അലൈൻമെന്റ് തീരുമാനിച്ചത്. മാറ്റം വേണമെങ്കിൽ കേന്ദ്ര സർക്കാരിനോട് പോയി വാങ്ങിച്ചെടുക്കണമെന്നും സുധാകരൻ കൂട്ടിച്ചേർത്തു.
Read Moreനോട്ടു നിരോധനം: രണ്ടുലക്ഷം ചെറുകിട വ്യവസായങ്ങൾ അടച്ചുപൂട്ടി; പത്ത് ലക്ഷത്തോളം പേർക്ക് തൊഴിൽ നഷ്ടപ്പെട്ടുവെന്ന് ധനമന്ത്രി
കേന്ദ്ര സർക്കാരിന്റെ നോട്ടു നിരോധത്തിലൂടെ സംസ്ഥാനത്ത് രണ്ടു ലക്ഷത്തോളം ചെറുകിട വ്യവസായങ്ങൾ അടച്ചുപൂട്ടേണ്ടിവന്നതായി മന്ത്രി തോമസ് ഐസക്. പത്ത് ലക്ഷത്തോളം പേർക്ക് തൊഴിൽ നഷ്ടപ്പെട്ടു. നിർമാണ മേഖലയേയും അസംഘടിത മേഖലയേയും നിരോധനം സാരമായി ബാധിച്ചു. എന്നാൽ നോട്ടുനിരോധനത്തിലൂടെ കേന്ദ്ര സർക്കാർ മുന്നോട്ടുവെച്ച ഡിജിറ്റൽ ഇടപാട് എന്ന ആശയം പരാജയപ്പെട്ടു. മാത്രമല്ല നേരത്തെ ഉണ്ടായിരുന്നതിനെക്കാൾ നോട്ടുകൾ ഇപ്പോൾ പ്രചാരത്തിലുണ്ട്. ഡിജിറ്റൽ ഇടപാടിൽ നേരത്തെ വർധന രേഖപ്പെടുത്തിയിരുന്നുവെങ്കിലും ഇപ്പോൾ അതും കുറഞ്ഞു- ധനമന്ത്രി പറഞ്ഞു. ജിഎസ്ടി വരുമാനത്തിൽ പ്രതീക്ഷിച്ച വളർച്ച കൈവരിക്കാൻ കഴിഞ്ഞിട്ടില്ല. നികുതി അടക്കാത്തവർക്കെതിരെ സംസ്ഥാന ജിഎസ്ടി വകുപ്പ് നോട്ടീസ് അയക്കുകയാണെന്നും മന്ത്രി തോമസ് ഐസക് വ്യക്തമാക്കി.
Read Moreമുഖ്യമന്ത്രി സ്വീകരിക്കുന്ന മൗനം കുഞ്ഞനന്തൻ ഉടൻ പുറത്തുവരുമെന്ന സൂചനയെന്ന് ചെന്നിത്തല
തിരുവനന്തപുരം: ടി.പി. കേസിലെ പ്രതി പി.കെ. കുഞ്ഞനന്തൻ ഉടൻ പുറത്തുവരുമെന്ന് ചെന്നിത്തല. പ്രതിപക്ഷത്തിന്റെ ആരോപണത്തിനു നേരെ മുഖ്യമന്ത്രി സ്വീകരിക്കുന്ന മൗനം സൂചിപ്പിക്കുന്നത് ഇതാണെന്നും ചെന്നിത്തല വാർത്തസമ്മേളനത്തിൽ പറഞ്ഞു. കുഞ്ഞനന്തനെ മോചിപ്പിക്കാനുള്ള നീക്കം സത്യപ്രതിജ്ഞാ ലംഘനമാണെന്നും അദ്ദേഹം പറഞ്ഞു. ഈ നീക്കത്തെ പ്രതിപക്ഷം നിയമപരമായി നേരിടും. നിയമവിരുദ്ധമായ കാര്യങ്ങളാണ് സർക്കാർ ചെയ്യുന്നതെന്നും ടി.പി. കേസിലെ പ്രതികളെ രക്ഷിക്കാനുള്ള നീക്കം പ്രതിഷേധാർഹമാണെന്നും ചെന്നിത്തല പറഞ്ഞു. കുഞ്ഞനന്തനെ മോചിപ്പിക്കാനുള്ള സര്ക്കാര് നീക്കത്തില് പ്രതിഷേധിച്ച് പ്രതിപക്ഷം നിയമസഭയില്നിന്ന് ഇറങ്ങിപ്പോയി.
Read Moreവർക്കല ഭൂമി ഇടപാട്: സബ് കളക്ടറെ സംരക്ഷിച്ച് ലാൻഡ് റവന്യൂ കമ്മീഷണറുടെ കുറിപ്പ്; റവന്യൂ മന്ത്രി കടുത്ത അതൃപ്തിയിൽ; വിജിലൻസ് അന്വേഷണം ആവശ്യപ്പെടുമെന്ന് സിപിഎം
എംജെ ശ്രീജിത്ത് തിരുവനന്തപുരം: വർക്കലയിലെ സർക്കാർ ഭൂമി സ്വകാര്യ വ്യക്തിയ്ക്ക് പതിച്ചു നൽകിയ സംഭവത്തിൽ സബ് കളക്ടർ ദിവ്യ എസ് അയ്യരെ സംരക്ഷിച്ചു കൊണ്ട് ലാൻഡ് റവന്യൂ കമ്മീഷണർ കെ മോഹൻദാസിന്റെ കുറിപ്പ്. സബ്കളക്ടറുടെ നടപടി തെറ്റാണോ ശരിയാണോ എന്ന് വ്യക്തമായി പറയാതെയാണ് ലാൻഡ് റവന്യൂ കമ്മീഷണർ റിപ്പോർട്ടിനു പകരം കുറിപ്പ് നൽകിയിരിക്കുന്നത്. തുടർ നടപടിയെക്കുറിച്ച് പറയാതെ കളക്ടർ ഇതു സംബന്ധിച്ച് വീണ്ടും ഹിയറിംഗ് നടത്തണമെന്നാണ് ആവശ്യപ്പെട്ടിരിക്കുന്നത്. സബ് കളക്ടർ ഭൂമി പതിച്ചു നൽകിയ ഉത്തരവ് റവന്യൂ വകുപ്പ് റദ്ദാക്കിയിരുന്നു.ഇതേക്കുറിച്ച് വിശദമായ അന്വേഷണം നടത്തി റിപ്പോർട്ട് നൽകാനുമാണ് റവന്യൂ വകുപ്പ് മന്ത്രി ഇ ചന്ദ്രശേഖരൻ ഉത്തരവിട്ടത്. എന്നാൽ വിശദമായ റിപ്പോർട്ടിന് പകരം അന്വേഷണത്തിൽ സബ് കളക്ടറുടെ ഭാഗത്ത് നിന്ന് വിഴ്ച ഉണ്ടായോ തുടർ നടപടി എന്ത് സ്വീകരിക്കണമെന്ന് പറയാതെയുള്ള ഒരു കുറിപ്പാണ് ഇന്നലെ വൈകുന്നേരം റവന്യൂ വകുപ്പ്…
Read Moreപിണറായി സർക്കാർ നുണയുടെ കൂടാരം; സർക്കാരിനെതിരെ പരിഹാസവുമായി പ്രതിപക്ഷ നേതാവ് ചെന്നിത്തല
തിരുവനന്തപുരം: സംസ്ഥാന സർക്കാരിനെതിരെ പരിഹാസവുമായി പ്രതിപക്ഷ നേതാവ് രമേശ് ചെന്നിത്തല. നുണകളുടെ കൂടാരമാണ് പിണറായി വിജയൻ സർക്കാരെന്ന് ചെന്നിത്തല ഫേസ്ബുക്കിൽ കുറിച്ചു. ഇന്ന് നിയമസഭയിൽ നടത്തിയ പ്രസംഗത്തിന്റെ വീഡിയോ ദൃശ്യം പങ്കുവച്ചുകൊണ്ടുള്ളതാണ് പിണറായിക്കും സർക്കാരിനുമെതിരെയുള്ള ചെന്നിത്തലയുടെ പോസ്റ്റ്. ഗീബൽസിനേക്കാൾ വലിയ നുണയന്മാരാണ് ഈ സർക്കാരിലുള്ളതെന്നും ചെന്നിത്തല കുറ്റപ്പെടുത്തി. സർക്കാരിന്റെ മദ്യ നയത്തേക്കുറിച്ചായിരുന്നു പ്രതിപക്ഷ നേതാവിന്റെ വിമർശനമേറെയും.
Read Moreമാധ്യമപ്രവർത്തകയെ പീഡിപ്പിക്കാൻ ശ്രമിച്ചെന്ന പരാതി; മുഖ്യമന്ത്രിയുടെ ടോക്ക് ഷോയുടെ മുൻ പ്രൊഡ്യൂസറായിരുന്നു സിഡിറ്റ് ജീവനക്കാരനെ പുറത്താക്കി
തിരുവനന്തപുരം: മാധ്യമപ്രവർത്തകയെ പീഡിപ്പിക്കാൻ ശ്രമിച്ചെന്ന പരാതിയെത്തുടർന്ന് സിഡിറ്റ് ജീവനക്കാരനെ പുറത്താക്കി. കണ്ണൂർ സ്വദേശിയായ സപ്നേഷിനെയാണ് പുറത്താക്കിയത്. മുഖ്യമന്ത്രിയുടെ ടോക്ക് ഷോ ” നാം മുന്നോട്ടി”ന്റെ മുൻ പ്രൊഡ്യൂസറായിരുന്നു സപ്നേഷ്. മറ്റൊരാൾ വഴികെണിയൊരുക്കി തന്നെ പീഡിപ്പിക്കാൻ സപ്നേഷ് രണ്ടുവട്ടം ശ്രമിച്ചെന്നായിരുന്നു സഹപ്രവർത്തകയായ യുവതി പരാതി നൽകിയത്. 2017 സെപ്തംബറിലും 2018 ജനുവരിയിലുമാണ് തനിക്കെതിരായ പീഡന ശ്രമങ്ങൾ നടന്നതെന്നായിരുന്നു യുവതി പരാതിയിൽ പറഞ്ഞിരുന്നത്.
Read Moreകെഎസ്ആർടിസി ബസുകൾ യാത്രക്കാർ ആവശ്യപ്പെടുന്ന സ്ഥലത്ത് നിർത്തിക്കൊടുക്കണം; രാത്രി 9 മുതൽ രാവിലെ ആറുവരെയുള്ള സമയത്താണ് നിർത്തിക്കൊടുക്കേണ്ടത്
തിരുവനന്തപുരം: സംസ്ഥാനത്തെ കെഎസ്ആർടിസി ബസുകൾ രാത്രിയിൽ യാത്രക്കാർ ആവശ്യപ്പെടുന്ന സ്ഥലത്ത് നിർത്തിക്കൊടുക്കണമെന്ന് ഉത്തരവ്. സംസ്ഥാന ഗതാഗത വകുപ്പാണ് ഇത് സംബന്ധിച്ച ഉത്തരവ് പുറപ്പെടുവിച്ചത്. മിന്നൽ സർവീസ് ഒഴികെയുള്ള എല്ലാ ബസുകൾക്കും ഇത് ബാധകമാണെന്നും ഉത്തരവിൽ വ്യക്തമാക്കിയിട്ടുണ്ട്. രാത്രി ഒൻപതു മുതൽ രാവിലെ ആറുവരെയുള്ള സമയത്താണ് യാത്രക്കാർ ആവശ്യപ്പെടുന്ന സ്ഥലത്ത് കെഎസ്ആർടിസി ബസുകൾ നിർത്തിക്കൊടുക്കണ്ടത്.
Read More