തിരുവനന്തപുരം: സംസ്ഥാനത്തെ പോലീസ് ഉദ്യോഗസ്ഥർക്ക് ഉപദേശവുമായി മുഖ്യമന്ത്രി പിണറായിവിജയൻ. പോലീസുകാർക്ക് കാർക്കശ്യം മാത്രം പോരെന്നും വിനയവും വേണമെന്നും പിണറായി പറഞ്ഞു. പെരുമാറ്റത്തിൽ വിനയം അത്യാവശ്യമാണ് ജോലിയിൽ കാർക്കശ്യവും. ആരുടേയും അന്തസിനെ ഹനിക്കാനോ ആത്മാഭിമാനത്തെ ചോദ്യം ചെയ്യാനോ പാടില്ല- പിണറായി പറഞ്ഞു. പോലീസിന് മാനുഷിക മുഖം നല്കാനുള്ള നടപികള് സ്വീകരിച്ചു വരികയാണെന്നും സേനയുടെ അംഗബലം വര്ധിപ്പിക്കുമെന്നും അദ്ദേഹം കൂട്ടിച്ചേർത്തു. കഴിഞ്ഞ ദിവസം കൊച്ചിയിൽ സിപിഎം സംസ്ഥാന സെക്രട്ടറിയേറ്റ് യോഗത്തിനെത്തിയപ്പോൾ പോലീസ് ഉദ്യോഗസ്ഥനോട് തട്ടിക്കയറിയ മുഖ്യമന്ത്രിയുടെ നടപടി വാർത്തയായതിനു പിന്നാലെയാണ് അദ്ദേഹം പോലീസ് ഉദ്യോഗസ്ഥർക്ക് നിർദേശങ്ങലുമായി രംഗത്തെത്തിയത്.
Read MoreCategory: TVM
സിപിഐയിൽ പാളയത്തിൽ പട; ഇസ്മയിലിന് സംഘടനാ രീതികൾ അറിയില്ലെന്ന് പ്രകാശ് ബാബു
തിരുവനന്തപുരം: തോമസ് ചാണ്ടിയുടെ രാജിയെ ചൊല്ലി സിപിഐയിൽ പോര് മുറുകുന്നു. മന്ത്രിമാർ മന്ത്രിസഭായോഗം ബഹിഷ്കരിച്ച നടപടിയെ വിമർശിച്ച പാർട്ടി ദേശീയ എക്സിക്യൂട്ടീവ് അംഗം കെ.ഇ.ഇസ്മയിലിന്റെ നടപടിയെ പാടെതള്ളി സിപിഐ സംസ്ഥാന നേതൃത്വം രംഗത്തെത്തി. ഇസ്മയിലിന് സംഘടനാ രീതികളിലുള്ള അറിവില്ലായ്മയാണ് ഇത്തരത്തിലുള്ള പ്രതികരണത്തിന് കാരണമെന്ന് അസിസ്റ്റന്റ് സെക്രട്ടറി പ്രകാശ് ബാബു രംഗത്തെത്തി. ചാണ്ടിയുടെ രാജി വൈകിയിട്ടില്ലെന്നതടക്കമുള്ള വാക്കുകൾ ജാഗ്രതക്കുറവ് മൂലമുണ്ടായതാണെന്നും അദ്ദേഹം പറഞ്ഞു. വെള്ളിയാഴ്ചയാണ് സിപിഐ സംസ്ഥന നേതൃത്വത്തിന്റെ നിലപാടുകളെ തള്ളി കെ.ഇ. ഇസ്മയിൽ രംഗത്തെത്തിയത്. സിപിഐയിലെ എല്ലാവരും അറിഞ്ഞല്ല മന്ത്രിമാർ കാബിനറ്റ് യോഗം ബഹിഷ്കരിച്ചതെന്നും തോമസ് ചാണ്ടിയുടെ റിസോർട്ടിലേക്കുള്ള റോഡിന് താൻ എംപിയായിരുന്നപ്പോൾ ഫണ്ട് അനുവദിച്ചത് പാർട്ടി നേതൃത്വം അറിഞ്ഞു തന്നെയാണെന്നും അദ്ദേഹം പറഞ്ഞിരുന്നു. തോമസ് ചാണ്ടിയുടെ ഉടമസ്ഥതയിലുള്ള ലേക്ക് പാലസ് റിസോർട്ടിൽ താൻ ഇതുവരെ പോയിട്ടില്ലെന്നും ചാണ്ടിയുടെ ആതിഥ്യം സ്വീകരിച്ചിട്ടുമില്ലെന്നും കെ.ഇ.ഇസ്മയിൽ വിശദീകരിച്ചിരുന്നു.
Read Moreഇസ്മയിലിനെ തള്ളി സിപിഐ; മന്ത്രിസഭാ യോഗം ബഹിഷ്കരിച്ചത് പാർട്ടി തീരുമാനം തന്നെ
തിരുവനന്തപുരം: തോമസ് ചാണ്ടി വിഷയത്തിൽ സിപിഎം-സിപിഐ പോര് മുറുകുന്നതിനിടെ സിപിഐയ്ക്കു ള്ളിലും അഭിപ്രായ ഭിന്നത. തോമസ് ചാണ്ടിയുടെ റിസോർട്ടിലേക്കുള്ള ഫണ്ട് അനുവദിച്ചത് പാർട്ടി അറിഞ്ഞു കൊണ്ടാണെന്നതടക്കമുള്ള പാർട്ടി ദേശീയ എക്സിക്യൂട്ടീവ് അംഗം കെ.ഇ.ഇസ്മയിലിന്റെ വാക്കുകളെ തള്ളി സിപിഐ. പാർട്ടി നേതൃത്വം അറിഞ്ഞുകൊണ്ടാണ് ഫണ്ട് അനുവദിച്ചത് എന്ന് വിശ്വസിക്കാനാവില്ലെന്നും അതേക്കുറിച്ച് വ്യക്തത വരുത്താൻ അന്നത്തെ പാർട്ടി സെക്രട്ടറി ജീവിച്ചിരിപ്പില്ലല്ലോയെന്നും സിപിഐ അസിസ്റ്റന്റ് സെക്രട്ടറി പ്രകാശ് ബാബു ദീപിക ഡോട്ട്കോമിനോട് പറഞ്ഞു. പാർട്ടി മന്ത്രിമാർ മന്ത്രിസഭാ യോഗം ബഹിഷ്കരിച്ചത് പാർട്ടി സംസ്ഥാന നേതൃത്വത്തിന്റെ തീരുമാനത്തിന്റെ അടിസ്ഥാനത്തിലാണ്. സംസ്ഥാനത്ത് നടക്കുന്ന വിഷയങ്ങളിൽ അടിയന്തര നടപടികൾ കൈക്കൊള്ളേണ്ടി വരുമ്പോൾ അതെല്ലാം ദേശീയ നേതൃത്വവുമായോ ദേശീയ എക്സിക്യൂട്ടീവുമായോ ആലോചിക്കാനാവില്ലെന്നും പ്രകാശ് ബാബു ദീപികയോട് പറഞ്ഞു. തോമസ് ചാണ്ടിയുടെ രാജി വൈകിയിട്ടില്ല എന്ന് ഇസ്മയിൽ പറയാനിടയില്ലെന്നും അദ്ദേഹം വ്യക്തമാക്കി.
Read Moreശരിക്കും ഞെട്ടിപ്പോയ്..! പൂവാലൻമാരെ തപ്പിയിറങ്ങിയ പോലീസുകാർക്ക് കിട്ടിയത് ഇരുനൂറോളം പേരെ; സ്കൂൾ,കോളജ് ബസ് സ്റ്റാന്റ് എന്നിവടങ്ങിൽ നിന്നാണ് ഇവർ അറസ്റ്റിലായത്
തിരുവനന്തപുരം: സ്ത്രീകളേയും പെണ്കുട്ടികളേയും ശല്യം ചെയ്യുന്ന പൂവാലൻമാരെ കുടുക്കാൻ ഓപ്പറേഷൻ റോമിയോ എന്ന പേരിൽ തിരുവനന്തപുരം സിറ്റി പോലീസ് നടത്തിയ പരിശോധനയിൽ ഇരുനൂറോളം പൂവാലന്മാർ പിടിയിൽ. സ്കൂൾ, കോളജ്, ബസ് സ്റ്റാൻഡുകൾ, ആശുപത്രി പരിസരങ്ങൾ എന്നിവിടങ്ങളിൽ വിദ്യാർഥിനികളെയും സ്ത്രീകളെയും ശല്യപ്പെടുത്തിയവരെയാണു പിടികൂടിയത്. നഗരത്തിൽ പലയിടത്തും പുരുഷ, വനിതാ പോലീസുകാരെ മഫ്തിയിൽ വിന്യസിച്ചാണ് പൂവാലന്മാരെ കുടുക്കിയത്. ഇവരിൽ 80 പേർക്കെതിരേ കേസ് രജിസ്റ്റർ ചെയ്തതായി പോലീസ് അറിയിച്ചു. 120 പേർക്കെതിരേ പെറ്റിക്കേസെടുത്തു വിട്ടയച്ചു. ഇത്തരം മിന്നൽ പരിശോധനകൾ തുടരുമെന്ന് കമ്മീഷണർ അറിയിച്ചു.
Read Moreപ്രേമം നടിച്ചു വിവാഹവാഗ്ദാനം നൽകി പ്രായപൂർത്തിയാകാത്ത പെണ്കുട്ടിയെ പീഡിപ്പിച്ച യുവാവ് അറസ്റ്റിൽ; കുട്ടിയുടെ വീട്ടുകാരുടെ പരാതിയിലാണ് അറസ്റ്റ്
വർക്കല : പ്രായപൂർത്തിയാകാത്ത പെണ്കുട്ടിയെ പീഡിപ്പിച്ച കേസിലെ പ്രതി അറസ്റ്റിൽ. വർക്കല ശ്രീനിവാസപുരം എംജി കോളനി നന്ദന ഭവനിൽ നന്ദു (21) ആണ് പോലീസ് പിടിയിലായത്. പെണ്കുട്ടിയെ പ്രേമം നടിച്ചു വിവാഹവാഗ്ദാനം നൽകി പീഡിപ്പിക്കുകയായിരുന്നു. പെണ്കുട്ടിയുടെ മാതാപിതാക്കൾ പോലീസിൽ പരാതിപ്പെട്ടതിന്റെ അടിസ്ഥാനത്തിൽ പോലീസ് കേസ് രജിസ്റ്റർ ചെയ്ത് അന്വേഷണം നടത്തി വരവേ പ്രതിയുടെ വീടിനു സമീപത്തു നിന്നും അറസ്റ്റ് ചെയ്യുകയായിരുന്നു. ആറ്റിങ്ങൽ എഎസ്പി ആദിത്യന്റെ നിർദേശാനുസരണം വർക്കല എസ്ഐ പി.വി. രമേഷ്കുമാറിന്റെ നേതൃത്വത്തിൽ വർക്കല എസ്ഐ ജി. പ്രൈജു, എസ്ഐ ശശിധരൻ, എഎസ്ഐ സുനിൽകുമാർ, സിപിഒമാരായ ഫാറൂഖ്, ഹരീഷ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ കോടതി റിമാൻഡ് ചെയ്തു.
Read Moreമുഖ്യമന്ത്രിക്ക് ചുട്ട മറുപടിയുമായി സിപിഐ മുഖപത്രം; അസാധാരണ സാഹചര്യമാണ് സിപിഐയെ അസാധാരണ നടപടിക്ക് നിർബന്ധിതമാക്കിയതെന്നായിരുന്നു മുഖ പ്രസംഗം
തിരുവനന്തപുരം: തോമസ് ചാണ്ടി വിഷയത്തിൽ സിപിഐ സ്വീകരിച്ച കടുത്ത നിലപാടിനെ അസാധാരണം എന്ന് വിശേഷിപ്പിച്ച മുഖ്യമന്ത്രി പിണറായി വിജയന് ചുട്ട മറുപടിയുമായി സിപിഐ മുഖപത്രം ജനയുഗം. ചീഫ് എഡിറ്റർ കാനം രാജേന്ദ്രൻ ഒന്നാം പേജിൽ എഴുതിയ മുഖപ്രസംഗത്തിലാണ് ഓരോ കാര്യങ്ങൾക്കും അക്കമിട്ട് മുഖ്യമന്ത്രിക്ക് മറുപടി നൽകിയിരിക്കുന്നത്. തോമസ് ചാണ്ടി പങ്കെടുക്കുന്ന മന്ത്രിസഭായോഗം ബഹിഷ്കരിച്ച സിപിഐ മന്ത്രിമാരുടെ നടപടി അസാധാരണമെന്നായിരുന്നു മുഖ്യമന്ത്രി പിണറായി വിജയന്റെ അഭിപ്രായം. അത്തരത്തിൽ അസാധാരണമായ നടപടി സ്വീകരിക്കാനുണ്ടായ സാഹചര്യങ്ങളും കാരണങ്ങളുമാണ് കാനം രാജേന്ദ്രൻ തന്റെ ലേഖനത്തിൽ വിശദീകരിച്ചിരിക്കുന്നത്. അസാധാരണ സാഹചര്യമാണ് സിപിഐയെ അസാധാരണ നടപടിക്ക് നിർബന്ധിതമാക്കിയതെന്ന് ലേഖനത്തിൽ പറയുന്നു. തങ്ങളുടെ അസാധാരണ നടപടി പ്രതീക്ഷിച്ച ഫലപ്രാപ്തിയിലേക്കാണ് കേരള രാഷ്ട്രീയത്തെ നയിച്ചത്. തോമസ് ചാണ്ടിക്കെതിരെ ഹൈക്കോടതി നടത്തിയ പരാമർശങ്ങളും വിധിയും മന്ത്രി സ്ഥാനത്ത് തുടരാനുള്ള സാധുതയെ ചോദ്യം ചെയ്യുന്നതായിരുന്നു. സർക്കാരിനെയും ചീഫ് സെക്രട്ടറിയെയും എതിർ കക്ഷികളാക്കി…
Read Moreമുഖ്യമന്ത്രിയെ കുറ്റക്കാരനാക്കുന്ന അവസ്ഥ ഒഴിവാക്കാനായിരുന്നു രാജി; സിപിഐയുടെ വിമർശനങ്ങൾ പാർട്ടിയിൽ ചർച്ചയയേക്കുമെന്ന് പീതാംബരൻ മാസ്റ്റർ
തിരുവനന്തപുരം: തോമസ് ചാണ്ടി വിഷയത്തിൽ മുഖ്യമന്ത്രിയെ കുറ്റക്കാരൻ ആക്കുന്ന അവസ്ഥ ഉണ്ടാകാരിക്കാനാണ് മന്ത്രിസ്ഥാനം രാജിവച്ചതെന്ന് എൻസിപി അധ്യക്ഷൻ ടി.പി. പീതാംബരൻ മാസ്റ്റർ. മന്ത്രിമാർ കുറ്റവിമുക്തർ ആകുന്നതുവരെ പിടിച്ചുനിൽക്കേണ്ട ആവശ്യം എൻസിപിക്ക് ഇല്ലെന്നും അദ്ദേഹം പറഞ്ഞു. മന്ത്രിസ്ഥാനം നൽകുകയെന്നത് മുന്നണിയുടെ കടമയാണെന്നും സിപിഐയുടെ വിമർശനങ്ങൾ പാർട്ടിയിൽ ചർച്ചയയേക്കുമെന്നും പീതാംബരൻ പറഞ്ഞു.
Read Moreനിങ്ങളും ഇരയായിട്ടുണ്ടോ? എങ്കില് അടുത്തുള്ള പോലീസ് സ്റ്റേഷനില് ബന്ധപ്പെടുക! പോലീസ് ചമഞ്ഞു പണം തട്ടിയ അഭിലാഷിനെ പോലീസ് പൊക്കി
വെഞ്ഞാറമൂട്: പോലീസ് ചമഞ്ഞു ജോലി വാഗ്ദാനം ചെയ്തു പണം തട്ടിയാളെ വട്ടപ്പാറ പോലീസ് അറസ്റ്റ് ചെയ്തു .വട്ടിയൂർക്കാവ് കൊടുങ്ങാമ്പൂർ മൂന്നാം മൂട് ടിസി35/843പിഎൽആർഎ83 പഞ്ചമി ലൈനിൽ ചോതി വീട്ടിൽ അഭിലാഷ് (33) നെയാണ് പോലീസ് അറസ്റ്റ് ചെയ്തത്. ജോലി വാങ്ങിത്തരാം എന്നു പറഞ്ഞായിരുന്നു ഇയാൾ പണം തട്ടിയിരുന്നത്. റെയിൽവേയിൽ ഉദ്യോഗസ്ഥനാണെന്നും റെയിൽവേയിൽ ജോലി വാങ്ങി തരാം എന്നും പറഞ്ഞു വിശ്വസിപ്പിച്ചു ആളുകളിൽ നിന്ന് പണം അഭിലാഷ് വാങ്ങിയിരുന്നതായി പോലീസ് പറഞ്ഞു.വട്ടപ്പാറ കണക്കോട് ഉദിമൂട് നിവാസിൽ സജുവിൽ നിന്നും അഭിലാഷ് 319000 രൂപയും പതിനാറു ചെക്കുകളും ഒപ്പിട്ടു വാങ്ങുകയും ചെയ്തു.തുടർന്ന് അഭിലാഷ് ഒളിവിൽ പോകുകയും ചെയ്തു.സജു വട്ടപ്പാറ പോലീസിൽ നൽകിയ പരാതിയെ തുടർന്ന് അന്വേഷണം നടത്തിയപ്പോഴാണ് ഇയാൾ മറ്റുള്ളവരിൽ നിന്നും പണം തട്ടിയെടുത്തതായി അറിയുന്നത്. അന്വേഷണത്തിൽ വട്ടിയൂർക്കാവ് തൊഴുവൻ കോട് സ്വദേശി അരുൺ കുമാറിൽ നിന്നും 99000 രൂപയും…
Read Moreഒരു ഒപ്പുകിട്ടിയാൽ പട്ടിണി മാറിയേനേ; മകന്റെ മരണത്തിന് കിട്ടിയ ഇൻഷുറൻസ് തുക കിട്ടാൻ മരുമകളുടെ ഒപ്പു വേണം; ബുദ്ധിമുട്ടെന്ന് മരുമകളും
തിരുവനന്തപുരം: ജീവിക്കാനോ മൂന്നു നേരം ഭക്ഷണത്തിനോ മരുന്നിനോ നിവൃത്തിയില്ലെന്നു പറഞ്ഞു ഭാരതി കൃഷ്ണൻ പൊട്ടിക്കരഞ്ഞു. ആശ്വസിപ്പിക്കാനെന്നോണം ഭർത്താവ് എൻ. കൃഷ്ണൻ ഭാരതിയുടെ കൈ പിടിച്ചുവെങ്കിലും അദ്ദേഹവും വിങ്ങിപ്പോയി. അന്തരിച്ച മേജർ കെ. മനോജ് കുമാറിന്റെ അച്ഛനും അമ്മയും കൈകൂപ്പി, നിറകണ്ണുകളോടെ വനിതാ കമ്മീഷൻ അദാലത്തിൽ ഇരുന്നു. മകന്റെ വേർപാടിലും നൊമ്പരം അടക്കിപ്പിടിച്ചു നിന്നവരാണ് ഇവിടെ എല്ലാവർക്കും മുന്നിൽ ഉടഞ്ഞ മനസുമായി ഇരുന്നത്. 2016-ൽ പുൽഗാവിലുള്ള കേന്ദ്ര ആയുധസംഭരണ ഡിപ്പോയിലുണ്ടായ തീപിടിത്തത്തിലാണ് മേജർ കെ. മനോജ് കുമാർ മരിച്ചത്. ഇതേത്തുടർന്ന് 60 ലക്ഷം രൂപ ഇൻഷ്വറൻസ് ഇനത്തിൽ മേജറിന്റെ കുടുംബത്തിനു ലഭിച്ചു. ഭാര്യക്കും മകനും 20,10,000 രൂപ വീതവും മാതാപിതാക്കൾക്ക് 19,80,000 രൂപയുമാണ് അനുവദിച്ചത്. വയോധികരായ അച്ഛനും അമ്മയ്ക്കും ഈ തുക ലഭിക്കണമെങ്കിൽ മരുമകൾ ബീനയുടെ ഒപ്പുകൂടി വേണം. ഇതിനായി പലവട്ടം മരുമകളുമായി ഫോണിൽ ബന്ധപ്പെടാൻ ശ്രമിച്ചുവെങ്കിലും അവർ…
Read Moreരാജിക്ക് ഉപാധി അംഗീകരിക്കില്ലെന്ന് സിപിഐ; മന്ത്രി സഭാ യോഗത്തിൽ നിന്നും മന്ത്രിമാർ വിട്ടുനിന്നു
തിരുവനന്തപുരം: ഗുരുതര ആരോപണങ്ങളും ഹൈക്കോടതിയുടെ രൂക്ഷ വിമർശനവും നേരിടുന്നതിനിടെ മന്ത്രിസഭയിൽ നിന്ന് തൽക്കാലം മാറി നിൽക്കാമെന്ന തോമസ് ചാണ്ടിയുടെ പ്രഖ്യാപനത്തിലും എതിർപ്പറിയിച്ച് സിപിഐ. രാജിക്കാര്യത്തിൽ മന്ത്രി മുന്നോട്ട് വച്ച ഒരു ഉപാധികളും അംഗീകരിക്കില്ലെന്ന് സിപിഐ നേതൃത്വം അറിയിച്ചു. ഇക്കാര്യം ചൂണ്ടിക്കാട്ടി സിപിഐയുടെ നാല് മന്ത്രിമാരും മുഖ്യമന്ത്രി പിണറായി വിജയനെ കാണും. നിയമസഭാകക്ഷി നേതാവായ മന്ത്രി ഇ.ചന്ദ്രശേഖരന്റെ നേതൃത്വത്തിലാണ് മന്ത്രിമാർ മുഖ്യമന്ത്രിയെ കാണുക. രാവിലെ നടന്ന മന്ത്രിസഭായോഗത്തിൽ നിന്ന് സിപിഐ മന്ത്രിമാർ വിട്ടുനിന്നിരുന്നു. സെക്രട്ടറിയേറ്റിൽ എത്തിയ മന്ത്രിമാരായ വി.എസ്.സുനിൽകുമാർ, കെ.രാജു, പി.തിലോത്തമൻ, ഇ.ചന്ദ്രശേഖരൻ എന്നിവർ തോമസ് ചാണ്ടി മന്ത്രിസഭാ യോഗത്തിൽ പങ്കെടുക്കുന്നതിൽ വിയോജിപ്പറിയിച്ച് വിട്ടുനിൽക്കുകയായിരുന്നു. എന്നാൽ യോഗം അവസാനിക്കുന്നതുവരെ ഇവർ റവന്യൂ മന്ത്രിയുടെ മുറിയിൽ തുടരുകയും ചെയ്തു.
Read More