തിരുവനന്തപുരം: മന്ത്രി തോമസ് ചാണ്ടിയുടെ രാജി ആവശ്യപ്പെട്ട് തലസ്ഥാനം ഇന്ന് സമരചൂടിൽ. ബിജെപിയും യൂത്ത് കോണ്ഗ്രസും സമരപരിപാടികൾ ശക്തമാക്കിയതോടെ തലസ്ഥാനത്ത് ഇന്ന് പോലീസ് ഗതാഗത നിയന്ത്രണം ഏർ്പ്പെടുത്തി. ബിജെപിയുടെ സെക്രട്ടേറിയറ്റ് ഉപരോധം ഇന്ന് രാവിലെ ഏഴു മണിയോടെ ആരംഭിച്ചു. സെക്രട്ടേറിയറ്റിലെ മൂന്ന് ഗേറ്റുകളും ബിജെപി പ്രവർത്തകർ ഉപരോധിച്ചു. തോമസ് ചാണ്ടിയുടെ രാജി ആവശ്യപ്പെട്ട് യൂത്ത് കോണ്ഗ്രസ് പ്രവർത്തകരും പ്രക്ഷോഭ രംഗത്തുണ്ട്. തോമസ് ചാണ്ടിയെ മുഖ്യമന്ത്രി സംരക്ഷിക്കുന്നുവെന്നാരോപിച്ച് യൂത്ത് കോണ്ഗ്രസ് പ്രവർത്തകർ മുഖ്യമന്ത്രിയുടെ ഒൗദ്യോഗിക വസതിയായ ക്ലിഫ് ഹൗസിലേക്ക് മാർച്ച് നടത്തുന്നുണ്ട്. സമപപരിപാടികളെയും ഉപരോധത്തെയും നേരിടാൻ കൂടുതൽ പോലീസിനെ വിന്യസിച്ചിട്ടുണ്ട്.
Read MoreCategory: TVM
രാജിക്കാര്യത്തിൽ ഒറ്റക്കെട്ട്..! മന്ത്രിപദം ഒഴിയുന്ന കാര്യത്തിൽ കാനവും മന്ത്രി തോമസ് ചാണ്ടിയും തമ്മിൽ വാക്കേറ്റം
തിരുവനന്തപുരം: എൽഡിഎഫ് യോഗത്തിൽ സിപിഐ പ്രതിനിധികളും മന്ത്രി തോമസ് ചാണ്ടിയും തമ്മിൽ വാക്കേറ്റമുണ്ടായി. എൽഡിഎഫിന്റെ ജനജാഗ്രതാ യാത്രയിൽ ആലപ്പുഴയിലെ കുട്ടനാട്ടിൽ ഒരുക്കിയ വേദിയിൽ മന്ത്രി തോമസ് ചാണ്ടി പരസ്യമായി വെല്ലുവിളിച്ചതിനെ സിപിഐ സംസ്ഥാന സെക്രട്ടറി കാനം രാജേന്ദ്രൻ വിമർശിച്ചപ്പോഴായിരുന്നു ഇരുവരും തമ്മിൽ വാക്കേറ്റമുണ്ടായത്. കായലും ഭൂമിയും കൈയേറിയെന്ന് ആരോപണം നേരിടുന്ന മന്ത്രി തോമസ് ചാണ്ടി മന്ത്രിപദം ഒഴിയുന്നതാണു നല്ലതെന്നാണു സിപിഐയുടെയും മുന്നണിയുടെയും നിലപാടെന്നു പന്ന്യൻ രവീന്ദ്രനും അറിയിച്ചു. ഇതോടെ പന്ന്യനെതിരേയും തോമസ് ചാണ്ടി തിരിഞ്ഞു. തർക്കം മൂത്തതോടെ, ജനതാദൾ- എസ് പ്രതിനിധികളും തോമസ് ചാണ്ടി രാജിവയ്ക്കുന്നതാണ് ഉചിതമെന്ന് അറിയിച്ചു. രാജി വേണമെന്ന നിലപാടിലേക്ക് മുന്നണിയിലെ ഭൂരിപക്ഷം കക്ഷികളും നീങ്ങിയതോടെ ഇക്കാര്യത്തിൽ തീരുമാനമെടുക്കാൻ മുഖ്യമന്ത്രിയെ ചുമതലപ്പെടുത്തുകയായിരുന്നു.
Read Moreവർഗീയ പരമാർശവുമായി പ്രിയദർശനും..! മറ്റു ജാതിക്കാർ തഴച്ചുവളരുന്നത് ഹിന്ദുക്കളുടെ കരുണയിലെന്നു പ്രിയദർശൻ
തിരുവനന്തപുരം: സംവിധായകൻ മേജർ രവിക്കു പിന്നാലെ വിവാദ വർഗീയ പരാമർശവുമായി സംവിധായകൻ പ്രിയദർശൻ. ഹിന്ദുക്കളുടെ ക്ഷമയും കാരുണ്യവും ഭീരുത്വമാണെന്ന് കരുതുന്നവർക്കുള്ള മറുപടിയാണ് ആർഎസ്എസ് എന്ന് പ്രിയദർശൻ പറഞ്ഞു. ആർഎസ്എസ് സേവനവിഭാഗമായ സേവാഭാരതിയുടെ സംസ്ഥാനതല സേവാസംഗമം ഉദ്ഘാടന ചടങ്ങിൽ സംസാരിക്കുകയായിരുന്നു പ്രിയദർശൻ. ഹിന്ദുക്കളുടെ ക്ഷമയും കാരുണ്യവും മര്യാദയും കൊണ്ടാണ് മറ്റ് രാജ്യക്കാരും ജാതിക്കാരുമെല്ലാം ഇവിടെയെത്തി തഴച്ചു വളർന്നത്. എന്നാൽ നമ്മുടെ ക്ഷമയും മര്യാദയുമെല്ലാം ഭീരുത്വമാണെന്നാണ് പലരും കരുതിയത്. ആർഎസ്എസിന്റെ മുഖത്തിന് ഭംഗി നൽകുന്ന പ്രസ്ഥാനമാണ് സേവാഭാരതി- പ്രിയദർശൻ പറഞ്ഞു. നേരത്തെ സമാനരീതിയിൽ വർഗീയ പരാമർശവുമായി സംവിധായകൻ മേജർ രവി രംഗത്തുവന്നിരുന്നു. ഹിന്ദുക്കൾ ഉണരണമെന്നും ഇനിയും ഉണരാൻ തയാറല്ലെങ്കിൽ ഹിന്ദു ഇല്ലാതായിത്തീരുമെന്നുമായിരുന്നു മേജർ രവിയുടെ പ്രസ്താവന.
Read Moreകുട്ടുകാരന്റെ സഹോദരിയെക്കുറിച്ച് മോശമായി പറഞ്ഞത് കൂട്ടുകാരനോട് പറഞ്ഞു; ഇതിന്റെ വൈരാഗ്യം തീർത്തത് കൂട്ടുകാരനായ വൈശാകിനെ വെട്ടിപ്പരിക്കേൽപ്പിച്ച്; സംഭവത്തിൽ നാലുപേർ അറസ്റ്റിൽ
പേരൂർക്കട: വ്യക്തിവൈരാഗ്യത്തിന്റെ പേരിൽ യുവാവിനെ വഴയിൽയിൽ വച്ച് വെട്ടിപ്പരിക്കേൽപ്പിച്ച സംഭവത്തിൽ നാല് പേർ പേരൂർക്കട പോലീസിന്റെ പിടിയിലായി. വിനോദ് വർമ്മ എന്ന യുവാവിനെ വെട്ടിപ്പരിക്കേൽപ്പിച്ച കേസിലെ പ്രതികളെയാണ് പേരൂർക്കട എസ്ഐ ശ്രീകുമാറിന്റെ നേതൃത്വത്തിലുള്ള പോലീസ് സംഘം പിടികൂടിയത്. ശ്രീകാര്യംചെറുവയ്ക്കൽ സ്വദേശി ആഷിഷ് (20), ചിറയിൻകീഴ് ചിലന്പ് സ്വദേശി കിട്ടു എന്ന് വിളിക്കുന്ന വൈശാഖ് (21),ശ്രീകാര്യം ചെറുവയ്ക്കൽ സ്വദേശി അഭിജിത്ത് (20), ശ്രീകാര്യം ഇളംകുളം സ്വദേശി വിജീഷ് (23) എന്നിവരാണ് പിടിയിലായത്. കേസിൽ തിരുവല്ലം പാച്ചല്ലൂർ സ്വദേശി വിഷ്ണു എന്നൊരാളെ പിടികൂടാനുണ്ട്. വിനോദ് വർമ്മയുടെ കൂട്ടുകാരന്റെ സഹോദരിയെക്കുറിച്ച് ചിലർ മോശമായി സംസാരിച്ചിരുന്നു. ഇതിന്റെ ഭാഗമായി സഹോദരിയോട് മോശമായി സംസാരിച്ചവരോട് കൂട്ടുകാരൻ താക്കീത് നൽകി. ഇതിന് പ്രതികാരം ചെയ്യാനെത്തിയവരാണ് വിനോദ് വർമ്മയെ വെട്ടിപ്പരിക്കേൽപ്പിച്ചത്. സംഭവത്തിൽ ഉൾപ്പെട്ട നാലു പേരും ഇന്നലെ മെഡിക്കൽകോളജ് ആശുപത്രിയിൽ പ്രാഥമിക ചികത്സയ്ക്ക് എത്തിയിരുന്നുവെങ്കിലും പോലീസ്…
Read Moreനിയമോപദേശം പുറത്തേക്കുള്ളത്..! മന്ത്രി തോമസ് ചാണ്ടിക്കെതിരെ കളക്ടർ നൽകിയ റിപ്പോർട്ട് തള്ളിക്കളയാനാകില്ലെന്ന് എജിയുടെ നിയമോപദേശം
തിരുവനന്തപുരം: മന്ത്രി തോമസ് ചാണ്ടിക്കെതിരെ ആലപ്പുഴ ജില്ലാ കളക്ടർ സമർപ്പിച്ച റിപ്പോർട്ടിന് നിയമസാധ്യതയുണ്ടെന്ന് എജിയുടെ നിയമോപദേശം. തോമസ് ചാണ്ടിക്കെതിരെ നിയമനടപടികളുമായി മുന്നോട്ട് പോകേണ്ടി വരുമെന്നും ഭൂമി കയ്യേറ്റവുമായി ബന്ധപ്പെട്ട് മന്ത്രി തോമസ് ചാണ്ടിക്കെതിരെ കളക്ടർ നൽകിയ റിപ്പോർട്ട് തള്ളിക്കളയാനാകില്ലെന്നും കാട്ടിയാണ് അഡ്വക്കേറ്റ് ജനറൽ സർക്കാരിന് നൽകിയ നിയമോപദേശം. മന്ത്രി തോമസ് ചാണ്ടിയുടെ രാജി കാര്യത്തിൽ കോടതി വിധി വരുന്നത് വരെ കാത്തിരിക്കണോയെന്ന് സർക്കാരിന് തീരുമാനിക്കാമെന്നാണ് എജി നൽകിയ നിയമോപദേശം. നിയമോപദേശത്തിന്റെ അടിസ്ഥാനത്തിൽ ഇനിയും തോമസ്ചാണ്ടിയെ സംരക്ഷിക്കുന്നത് സർക്കാരിന് ക്ഷീണമാകുമെന്ന് സിപിഐ കടുത്ത നിലപാട് സ്വീകരിച്ചിരുന്നു.
Read Moreഎബിവിപി റാലിയിൽ പങ്കെടുക്കാനെത്തിയ എബിവിപിക്കാർക്ക് സ്വാഗതവും നിർദേശവും നൽകി റെയിൽവേ അനൗൺസ്മെന്റ്
തിരുവനന്തപുരം: ഇന്നു തലസ്ഥാനത്ത് നടക്കുന്ന എബിവിപി റാലിയിൽ പങ്കെടുക്കാനെത്തിയവർക്ക് ഒൗദ്യോഗിക അനൗണ്സ്മെന്റ് സംവിധാനം ഉപയോഗിച്ച് സ്വാഗതമാശംസിച്ചും നിർദേശങ്ങൾ നൽകിയും റെയിൽവേ. ഇന്നലെ തന്പാനൂർ റെയിൽവേ സ്റ്റേഷനിലാണ് ട്രെയിൻ അറിയിപ്പുകൾ നൽകാൻ മാത്രം ഉപയോഗിക്കുന്ന സംവിധാനം എബിവിപി റാലിക്കാരെ സ്വീകരിക്കാൻ ഉപയോഗിച്ചത്. ഓരോ ട്രെയിൻ വന്നുപോകുന്പോഴും ഇംഗ്ലീഷിലും ഹിന്ദിയിലും മലയാളത്തിലുമടക്കം സ്വാഗതം നേരലുണ്ടായി.റാലിയിൽ പങ്കെടുക്കാൻ ഉത്തരേന്ത്യൻ സംസ്ഥാനങ്ങളിൽനിന്ന് പ്രവർത്തകർ വെള്ളിയാഴ്ച രാവലെ മുതൽ തന്പാനൂരിൽ എത്തിയിരുന്നു. ഇവർക്കായി സ്റ്റേഷനിൽ മൂന്ന് കൗണ്ടറുകൾ സംഘാടകൾ ഒരുക്കിയിരുന്നു. പ്രവർത്തകർക്കുവേണ്ട നിർദേശങ്ങളും അനൗണ്സ്മെൻറിന്റെ ഭാഗമായി ഉണ്ടായിരുന്നു. ഒന്നാമത്തെ പ്ലാറ്റ്ഫോമിൽനിന്ന് മറ്റ് ട്രെയിനുകളുടെ അറിയിപ്പ് യാത്രക്കാർക്ക് നൽകുന്നതിനിടെയാണ് പ്രവർത്തകരെ തലസ്ഥാനത്തേക്ക് സ്വാഗതം ചെയ്തുള്ള സന്ദേശവും വന്നത്. ഒൗദ്യോഗിക അറിയിപ്പുകൾക്ക് പുറമെ ഏജൻസിവഴി ലഭിക്കുന്ന പരസ്യങ്ങൾ ഡിവിഷൻ അധികൃതരുടെ അനുമതിയോടെ നിശ്ചിത സമയത്തേക്ക് നൽകാറുണ്ട്. എന്നാൽ രാഷ്്ട്രീയപാർട്ടികളുടെ ഇത്തരം ജാഥകളോ മറ്റു പരിപാടികളോ സംബന്ധിച്ച അറിയിപ്പ്…
Read Moreഎല്ലാം പറയും..! തന്നെ ബ്ലാക്ക്മെയിൽ ചെയ്യാൻ ശ്രമിച്ചത് രാഷ്ട്രീയക്കാരനല്ല; ആരാണെന്നുള്ളത് സമയമാകുമ്പോൾ പറയുമെന്ന് ഉമ്മൻചാണ്ടി
തിരുവനന്തപുരം: സോളാർ കേസുമായി ബന്ധപ്പെട്ടു തന്നെ ബ്ലാക്ക്മെയിൽ ചെയ്തത് കേരള കോൺഗ്രസ്-ബി ചെയർമാൻ ആർ. ബാലകൃഷ്ണപിള്ളയല്ലെന്ന് മുൻ മുഖ്യമന്ത്രി ഉമ്മൻ ചാണ്ടി. ചില മാധ്യമങ്ങളിൽ ബാലകൃഷ്ണപിള്ളയാണെന്ന തരത്തിൽ വാർത്തകൾ പ്രചരിച്ചതോടെയാണ് ഉമ്മൻ ചാണ്ടി ഇക്കാര്യം വ്യക്തമാക്കിയത്. തന്നെ ബ്ലാക്ക്മെയിൽ ചെയ്യാൻ ശ്രമിച്ചത് രാഷ്ട്രീയക്കാരനല്ലെന്നും ആരാണെന്നുള്ളത് സമയമാകുന്പോൾ വ്യക്തമാക്കാമെന്നും അദ്ദേഹം പറഞ്ഞു. തിരുവനന്തപുരത്ത് വാർത്താ സമ്മേളനത്തിലാണ് അദ്ദേഹം ഇക്കാര്യങ്ങൾ വ്യക്തമാക്കിയത്. സോളാർ കേസുമായി ബന്ധപ്പെട്ട് ഏത് അന്വേഷണത്തെയും നേരിടാൻ തയാറാണെന്ന നിലപാടിൽ മാറ്റമില്ല. അന്വേഷണത്തെ ഭയപ്പെടുന്നില്ലെന്നും സർക്കാർ പ്രതികാര രാഷ്ട്രീയ കളിക്കുകയാണെന്നും അദ്ദേഹം കുറ്റപ്പെടുത്തി. സരിതയുടെ കത്ത് തെളിവായി സ്വീകരിച്ച കമ്മീഷൻ അതിന്റെ ആധികാരികത ഒരിക്കൽ പോലും പരിശോധിച്ചുവെന്ന് തോന്നുന്നില്ല. രണ്ടു കത്തുണ്ടായ സാഹചര്യവും കമ്മീഷൻ പരിഗണിച്ചില്ല. വിഷയവുമായി ബന്ധപ്പെട്ട് കോൺഗ്രസിൽ യാതൊരു തർക്കവുമില്ലെന്നും കേസ് ഒറ്റക്കെട്ടായി പാർട്ടി നേരിടുമെന്നും ഉമ്മൻ ചാണ്ടി വ്യക്തമാക്കി.
Read Moreആ കണ്ടെത്തലുകൾ ഇങ്ങനെ..! ഉമ്മൻ ചാണ്ടിക്കു സരിതയുമായി ഒരു ബന്ധവുമില്ലെന്ന് ഉറപ്പിക്കാൻ ഡിജിപി ഹേമചന്ദ്രൻ ശ്രമിച്ചെന്നു കമ്മീഷൻ
തിരുവനന്തപുരം: മുഖ്യമന്ത്രിയായിരുന്ന ഉമ്മൻ ചാണ്ടിക്ക് സോളാർ തട്ടിപ്പു കേസിലെ പ്രതി സരിത എസ്. നായരുമായും അവരുടെ കമ്പനിയുമായും ഒരു ബന്ധവുമില്ലെന്ന് ഉറപ്പിക്കാൻ പ്രത്യേക അന്വേഷണ സംഘവും അതിന്റെ തലവൻ എ. ഹേമചന്ദ്രനും അന്വേഷണത്തിൽ ഉടനീളം ശ്രമിച്ചതായി സോളാർ ജുഡീഷൽ അന്വേഷണ കമ്മീഷൻ റിപ്പോർട്ട്. മുഖ്യമന്ത്രിയുടെ വസതിയിലെ ലാൻഡ് ഫോണിന്റെ കോൾ ലിസ്റ്റ് പോലും പരിശോധിക്കാൻ പ്രത്യേക അന്വേഷണ സംഘം തയാറായില്ല. തട്ടിപ്പുമായി ബന്ധപ്പെട്ടു നിയമസഭാ ചർച്ചകളിലുണ്ടായ നിലപാടുകൾ അന്വേഷിക്കാൻ പ്രത്യേക അന്വേഷണ സംഘം തയ്യാറായില്ല. ഇതു നിയമസഭയോടുള്ള അനാദരവായാണു കണക്കാക്കിയത്. ഉന്നത റാങ്കിലുള്ള ഉദ്യോഗസ്ഥരുടെ ഭാഗത്തു നിന്നുള്ള ഇത്തരം നിലപാട് സേനയിലെ കീഴ് ഉദ്യോഗസ്ഥർക്കു തെറ്റായ സന്ദേശമാകും നൽകുക. എഡിജിപിയുടെ ഇടക്കാല റിപ്പോർട്ടിലും മുഖ്യമന്ത്രിയെ വെള്ളപൂശാനാണു ശ്രമിച്ചത്. എൽഡിഎഫ് നൽകിയ നിവേദനത്തിലെ ആരോപണങ്ങളും സംഘം പരിശോധിച്ചില്ല. കസ്റ്റഡിയിൽ ഇരിക്കെ സരിത എഴുതിയ കത്ത് അവഗണിച്ചതിൽ എസ്ഐടിക്ക് ന്യായീകരണമില്ല.…
Read Moreവട്ടിയൂർക്കാവിൽ കോണ്ഗ്രസ് നേതാവ് വീടിനുള്ളിൽ മരിച്ച നിലയിൽ; പന്തളം സ്വദേശി സക്കീർ തൈക്കൂട്ടത്തിലാണ് മരിച്ചത്; പോലീസ് അന്വേഷണം തുടങ്ങി.
വട്ടിയൂർക്കാവ്: തിരുവനന്തപുരം വട്ടിയൂർക്കാവിൽ കോണ്ഗ്രസ് നേതാവിനെ മരിച്ച നിലയിൽ കണ്ടെത്തി. കെപിസിസി അംഗവും കർഷക കോണ്ഗ്രസ് മുൻ സംസ്ഥാന ജനറൽ സെക്രട്ടറിയുമായിരുന്ന സക്കീർ തൈക്കൂട്ടത്തിൽ (50) ആണ് മരിച്ചത്. പന്തളം സ്വദേശിയായ സക്കീർ വട്ടിയൂർക്കാവിൽ വീടെടുത്തായിരുന്നു താമസം. ഇന്ന് രാവിലെയാണ് മൃതദേഹം കണ്ടെത്തിയത്. രാവിലെ സുഹൃത്തുക്കളും ഡ്രൈവറും മൊബൈലിൽ വിളിച്ചപ്പോൾ പ്രതികരണമുണ്ടായില്ല. പിന്നീട് സംശയം തോന്നി വീട്ടിലെത്തിയപ്പോഴാണ് മൃതദേഹം കണ്ടെത്തിയത്. വീട്ടിൽ മറ്റാരും ഉണ്ടായിരുന്നില്ല. മരണത്തിൽ അസ്വാഭാവികമായി ഒന്നും കണ്ടെത്താൻ പോലീസിന് കഴിഞ്ഞിട്ടില്ല. അന്വേഷണം തുടങ്ങി.
Read Moreസോളാർ റിപ്പോർട്ടിലെ കണ്ടെത്തലുകൾ അതീവ ഗുരുതരം; പ്രതികരണങ്ങൾ വിഷയം പഠിച്ചശേഷമെന്ന് വി.എം.സുധീരൻ
തിരുവനന്തപുരം: സോളാർ കമ്മീഷൻ അന്വേഷണ റിപ്പോർട്ടിലെ കണ്ടെത്തലുകൾ അതീവ ഗുരുതരമെന്ന് കോണ്ഗ്രസ് നേതാവ് വി.എം.സുധീരൻ. റിപ്പോർട്ട് സർക്കാർ നിയമസഭയിൽ വച്ചതിന്റെ പശ്ചാത്തലത്തിലാണ് സുധീരന്റെ പ്രതികരണം. റിപ്പോർട്ടിലെ കണ്ടെത്തലുകൾ ഗുരുതരമാണ്. യുഡിഎഫ് സർക്കാർ നിയമിച്ച കമ്മിഷന്റെ റിപ്പോർട്ടിലെ കണ്ടെത്തലുകളാണ് ഇതെന്നത് ആരോപണങ്ങളുടെ ഗൗരവം വർധിപ്പിക്കുന്നു. കൂടുതൽ പ്രതികരണങ്ങൾ വിഷയം പഠിച്ചശേഷമാകാമെന്നും സുധീരൻ മാധ്യമങ്ങളോടു പ്രതികരിച്ചു.
Read More