കടുത്ത വേനലിനുശേഷം വരുന്ന മഴക്കാലവും അതിനോടനുബന്ധിച്ചുവരുന്ന കർക്കടക ചികിത്സയും കേരളത്തിൽ വളരെ പ്രാധാന്യം അർഹിക്കുന്ന ഒന്നാണ്. ഈ കാലാവസ്ഥയിൽ അഗ്നിബലവും രോഗപ്രതിരോധ ശക്തിയും കുറയുകയും ധാരാളം രോഗങ്ങൾ പിടിപെടാനുള്ള സാധ്യത കൂടുകയും ചെയ്യുന്നു. വേനൽക്കാലത്ത് സൂര്യന്റെ ചൂടുകൊണ്ട് ചുട്ടുപഴുത്തിരിക്കുന്ന ഭൂമിയെ മഴകൊണ്ടു പെട്ടെന്ന് തണുപ്പിക്കുകയും ഇതുമൂലം ഭൂമിയുടെ അമ്ലാവസ്ഥ കൂടുകയും ഇത് വായുവിനെ ദുഷിപ്പിച്ച് രോഗാണുക്കളെ കരുത്ത് ആർജിപ്പിക്കുകയും ചെയ്യുന്നു. ഈ സാഹചര്യത്തിൽ ആരോഗ്യവാന്മാർക്കുപോലും രോഗഭയം ഉണ്ടാകുന്നു. ഇവിടെയാണ് കർക്കടക ചികിത്സയുടെ പ്രാധാന്യം. ആരോഗ്യസംരക്ഷണത്തിന് ഒരു രോഗിയുടെ രോഗം ചികിത്സിച്ചു മാറ്റുക എന്നതിനോടൊപ്പം ആരോഗ്യവാന്റെ ആരോഗ്യം സംരക്ഷിക്കുക എന്നതിനുകൂടി ആയുർവേദം പ്രാധാന്യംനൽകുന്നുണ്ട്. കർക്കടക ചികിത്സ ഒരു ചികിത്സ മാത്രമല്ല ഒരു ജീവിതചര്യകൂടിയാണ്. അതിനാലാണ് കർക്കടക ചികിത്സയ്ക്ക് കേരളത്തിൽ ഇത്രയും പ്രാധാന്യം നൽകുന്നത്. തെറ്റിദ്ധാരണ വേണ്ട ഇന്ന് ജനങ്ങൾക്കിടയിൽ കർക്കടക ചികിത്സയെക്കുറിച്ച് ധാരാളം തെറ്റിദ്ധാരണങ്ങൾകടന്നുകൂടിയിട്ടുണ്ട്. ഇവയിൽ ചിലത് ഇവിടെ…
Read Moreകർക്കടക ചികിത്സ എന്ന ജീവിതചര്യ
