മുംബൈ: യുവാക്കളോട് അവരുടെ പ്രണയാഭ്യർഥന നിരസിച്ച പെണ്‍കുട്ടികളെ തട്ടിക്കൊണ്ടുവന്നുതരാമെന്ന ബിജെപി എംഎൽഎ രാം കദമിന്‍റെ പ്രസ്താവനയ്ക്കെതിരേ മഹാരാഷ്ട്ര വനിതാ കമ്മീഷൻ നോട്ടീസയച്ചു. സ്ത്രീവിരുദ്ധ പ്രസ്താവനയിൽ എട്ടുദിവസത്തിനുള്ളിൽ മറുപടി നല്കണമെന്നാണ് നോട്ടീസിലെ നിർദേശം. ഘട്കോപ്പർ നിയമസഭാ മണ്ഡലത്തിൽ നിന്നുള്ള എംഎൽഎയാണ് കദം. ദഹി ഹണ്ടി ആഘോഷത്തിനിടെയാണ് കദമി!ന്‍റെ വിവാദ പ്രസ്താവന. ’’നിങ്ങൾ പെണ്കുട്ടിയോട് പ്രണയാഭ്യർഥന നടത്തുകയും അവൾ അത് നിരസിക്കുകയും ചെയ്താൽ നിങ്ങൾ മാതാപിതാക്കളെയും കൂട്ടി എന്‍റെ അടുത്ത് വരുക. അവർക്കുകൂടി പെണ്‍കുട്ടിയെ ഇഷ്ടമായാൽ ഞാനവളെ തട്ടിക്കൊണ്ടുവന്ന് നിങ്ങൾക്ക് തരും’’ഇതായിരുന്നു കദമിന്‍റെ വാക്കുകൾ. രാം കദമിനെതിരേ വനിതാ കമ്മീഷൻ സ്വമേധയാ കേസെടുത്തിരുന്നു. പ്രസ്താവന വിവാദമായതോടെ എംഎൽഎ വ്യാഴാഴ്ച മാപ്പുപറഞ്ഞിരുന്നു. എംഎൽഎ മാപ്പുപറഞ്ഞ പശ്ചാത്തലത്തിൽ വിവാദം അവസാനിച്ചുവെന്നു ബിജെപി വക്താവ് മാധവ് ഭണ്ഡാരി പറഞ്ഞു.
Read Moreപ്രണയാഭ്യര്‍ഥന നിരസിച്ച പെണ്‍കുട്ടികളെ തട്ടിക്കൊണ്ടുവന്നു തരാമെന്ന് ബിജെപി എംഎല്‍എ; എംഎല്‍എയ്‌ക്കെതിരേ വനിതാ കമ്മീഷന്‍ നോട്ടീസ്
