തിരുവനന്തപുരം: വീണാ വിജയന്റെ കമ്പനിക്കെതിരെ അന്വേഷണം പ്രഖ്യാപിച്ച് കേന്ദ്ര കോര്പറേറ്റ്കാര്യ മന്ത്രാലയം. മാസപ്പടി വിവാദവുമായി ബന്ധപ്പെട്ട് ആദായ നികുതി ബോര്ഡ് കണ്ടെത്തിയ വിവരങ്ങളുടെ അടിസ്ഥാനത്തിലാണ് കേന്ദ്രം അന്വേഷണം പ്രഖ്യാപിച്ചത്. അന്വേഷണ ചുമതല മൂന്നംഗ ഉന്നത സംഘത്തിന്. കോർപ്പറേറ്റ്കാര്യ മന്ത്രാലയം ഇറക്കിയ ഉത്തരവിൽ എക്സാലോജിക്കിനെ പറ്റി കടുത്ത വിമർശനമാണുള്ളതെന്ന് റിപ്പോർട്ടുകൾ ചൂണ്ടിക്കാട്ടുന്നു. കമ്പനി നിരവധി നിയമലംഘനങ്ങൾ നടത്തിയെന്ന് ഉത്തരവിലുണ്ട്. രജിസ്ട്രാര് ഓഫ് കമ്പനീസ് ബംഗളുരു നടത്തിയ പ്രാഥമിക അന്വേഷണത്തിൽ ഇത് നേരത്തെ തെളിഞ്ഞിരുന്നു. മാത്രമല്ല കരിമണല് കമ്പനിയായ സി.എം.ആര്.എല്ലിനെതിരെയും പൊതുമേഖലാ സ്ഥാപനമായ വ്യവസായ വികസന കോര്പറേഷനെതിരെയും അന്വേഷണം പുരോഗമിക്കുകയാണ്. സിഎംആർഎല്ലും എക്സാലോജിക്കും തമ്മിലുള്ള ഇടപാടുകളിൽ വിശദമായ അന്വേഷണം വേണമെന്ന് ആവശ്യപ്പെട്ട് രജിസ്ട്രാര് ഓഫ് കമ്പനീസിന് നേരത്തെ പരാതി കിട്ടിയിരുന്നു. മുഖ്യമന്ത്രിയുമായുള്ള ബന്ധത്തിന്റെ പേരിൽ എക്സാലോജിക്കിന് സിഎംആർഎൽ 1.72 കോടി രൂപ അനധികൃതമായി നൽകിയെന്നാണ് ആദായ നികുതി ഇന്ററിം സെറ്റിൽമെന്റ്…
Read MoreCategory: Loud Speaker
‘സ്വച്ഛത അഭിയാൻ’; ക്ഷേത്ര പരിസരം വൃത്തിയാക്കി നരേന്ദ്രമോദി
മഹാരാഷ്ട്ര: നാസിക്കിലെ കലാറാം ക്ഷേത്രത്തിൽ നടന്ന ‘സ്വച്ഛത അഭിയാനിൽ’ പങ്കെടുത്ത് പ്രധാനമന്ത്രി നരേന്ദ്ര മോദി. അയോധ്യയിലെ രാമക്ഷേത്രത്തിന്റെ പ്രതിഷ്ഠാ ചടങ്ങിന് മുന്നോടിയായി രാജ്യത്തുടനീളമുള്ള ക്ഷേത്രങ്ങളിൽ ശുചീകരണ പ്രവർത്തനങ്ങൾ നടത്താനും മോദി ജനങ്ങളോട് പറഞ്ഞു. ക്ഷേത്രത്തിലെ മരത്തിന് സമീപമുള്ള സ്ഥലം ബക്കറ്റും മോപ്പും ഉപയോഗിച്ച് പ്രധാനമന്ത്രി വൃത്തിയാക്കുന്ന വീഡിയോ പുറത്തുവന്നിരുന്നു. കലാറാം ക്ഷേത്രത്തിൽ ശുചീകരണ യജ്ഞം നടത്തിയ ശേഷം നരേന്ദ്ര മോദി നാസിക്കിലെ രാംകുണ്ഡിൽ പ്രാർത്ഥനയും നടത്തി. #WATCH | PM Modi took part in 'Swachhata Abhiyan' today at the Kalaram temple in Maharashtra's Nashik The PM had also appealed to everyone to carry out Swachhata activities at temples across the country. pic.twitter.com/80C9nXRCI1 — ANI (@ANI) January 12, 2024 …
Read Moreരാജ്യത്തെ ആദ്യ ബുള്ളറ്റ് ട്രെയിന് 2026ൽ: പ്രഖ്യാപനവുമായി റെയിൽവേ മന്ത്രി
അഹമ്മദാഹാദ്: ഇന്ത്യയിലെ ആദ്യ ബുള്ളറ്റ് ട്രെയിൻ 2026 മുതൽ പ്രവർത്തനം ആരംഭിക്കുമെന്നു റെയിൽവേ മന്ത്രി അശ്വിനി വൈഷ്ണവ്. വൈബ്രന്റ് ഗുജറാത്ത് സമ്മിറ്റില് വച്ചായിരുന്നു സ്വപ്നപദ്ധതിയെക്കുറിച്ചുള്ള മന്ത്രിയുടെ പ്രഖ്യാപനം. സൂറത്ത് മുതൽ ബിലിമോറ വരെയാണ് ബുള്ളറ്റ് ട്രെയിൽ സർവീസ് നടത്താൻ തീരുമാനിച്ചിരിക്കുന്നത്. 270 കിലോമീറ്ററോളം നീളമുള്ള ട്രാക്കിന്റെ അടിത്തറയുടെ പണികൾ പൂർത്തിയായിട്ടുണ്ടെന്നും മന്ത്രി പറഞ്ഞു. ഗുജറാത്ത്, മഹാരാഷ്ട്ര, ദാദ്ര, ഹവേലി എന്നീ സ്ഥലങ്ങളിലൂടെയാണ് ട്രെയിൻ കടന്നുപോകുന്നത്. ഇവിടെ പദ്ധതിയുടെ നിർമാണത്തിന് ആവശ്യമായ സ്ഥലം ഏറ്റെടുത്തതായും റെയിൽവേ മന്ത്രാലയം അറിയിച്ചു.
Read Moreഎംടിയുടെ വിമർശനം കേന്ദ്രത്തിനും പ്രധാനമന്ത്രിക്കുമെതിരേ: ഇ.പി. ജയരാജൻ
തിരുവനന്തപുരം: കോഴിക്കോട് കേരള ലിറ്ററേച്ചർ ഫെസ്റ്റ് ഉദ്ഘാടനത്തിനിടെ സാഹിത്യകാരൻ എം.ടി.വാസുദേവൻ നടത്തിയ രാഷ്ട്രീയ വിമർശനത്തിൽ പ്രതികരിച്ച് എൽഡിഎഫ് കൺവീനർ ഇ.പി.ജയരാജൻ. എംടിയുടെ വിമർശനം കേന്ദ്രത്തിനെതിരെയാണെന്ന് ഇ.പി.ജയരാജൻ പറഞ്ഞു. എം.ടിയെ വിവാദത്തിലേക്ക് വലിച്ചിഴയ്ക്കരുതെന്നും ഇ.പി. ജയരാജൻ പറഞ്ഞു. എംടിയുടെ പ്രസംഗം കേട്ടപ്പോൾ അത് കേന്ദ്രത്തിനും പ്രധാനമന്ത്രി നരേന്ദ്ര മോദിക്കും എതിരെയാണെന്നാണ് ഞാൻ മനസിലാക്കിയത്. മുഖ്യമന്ത്രിയെ വേദിയിലിരുത്തിക്കൊണ്ട് എംടി മുഖ്യമന്ത്രിയെ അധിക്ഷേപിക്കാൻ ഒരു സാധ്യതയുമില്ല. മുഖ്യമന്ത്രിയെ എതിർക്കുന്നവർ ഇത് അദ്ദേഹത്തിനെതിരെ ഉപയോഗിക്കുകയാണ്- ഇ.പി.ജയരാജൻ മാധ്യമങ്ങളോട് പറഞ്ഞു. എംടി സാഹിത്യരംഗത്തെ അതികായനാണെന്നും അദ്ദേഹത്തെ വെറുതെ വിവാദങ്ങളിലേക്ക് വലിച്ചിഴയ്ക്കരുതെന്നും നേതൃപൂജ സിപിഎമ്മിലില്ലെന്നും ഇ.പി.ജയരാജൻ പറഞ്ഞു.
Read Moreജബൽപുർ-കോയമ്പത്തൂർ ഫെസ്റ്റിവൽ സ്പെഷൽ ട്രെയിൻ നീട്ടി
കൊല്ലം: ഉത്സവകാല സ്പെഷലായി ഓടിച്ച 02198 ജബൽപുർ – കോയമ്പത്തൂർ സൂപ്പർ ഫാസ്റ്റ് പ്രതിവാര ട്രെയിൻ വീണ്ടും സർവീസ് നീട്ടിയതായി വെസ്റ്റ് സെൻട്രൽ റെയിൽവേ അധികൃതർ അറിയിച്ചു. ജനുവരി 12 ,19, 26, ഫെബ്രുവരി രണ്ട്, ഒമ്പത്, 16, 23, മാർച്ച് ഒന്ന്, എട്ട്, 15, 22, 29 ( എല്ലാം വെള്ളി) എന്നിങ്ങനെയാണ് സർവീസ് നീട്ടിയിട്ടുള്ളത്. ജബൽപൂരിൽ നിന്ന് രാത്രി 11.50 ന് പുറപ്പെടുന്ന വണ്ടി മൂന്നാം ദിവസം ഉച്ചകഴിഞ്ഞ് 2.40 ന് കോയമ്പത്തൂരിൽ എത്തും. 02197 കോയമ്പത്തൂർ – ജബൽപുർ ട്രെയിൻ ജനുവരി 15, 22, 29, ഫെബ്രുവരി അഞ്ച്, 12, 19, 26, മാർച്ച് നാല്, 11, 18, 28, ഏപ്രിൽ ഒന്ന് എന്നീ തീയതികളിലും ( എല്ലാം തിങ്കൾ ) ഓടും. കോയമ്പത്തൂരിൽ നിന്ന് വൈകുന്നേരം 5.05 – ന് പുറപ്പെടുന്ന…
Read Moreദളിത് പെൺകുട്ടികളെ കൂട്ടബലാത്സംഗത്തിനിരയാക്കി: ഒരാൾ മരിച്ചു; പ്രതികൾ പിടിയിൽ
പാറ്റ്ന: ബിഹാറിൽ ചാണക വറളി ശേഖരിക്കാന് പോയ ദളിത് പെൺകുട്ടികൾ കൂട്ടബലാത്സംഗത്തിനിരയാവുകയും ഒരാൾ മരിക്കുകയും ചെയ്ത സംഭവത്തിൽ രണ്ടുപേർ പിടിയിൽ. പുൽവാരിയിലാണ് പെൺകുട്ടികൾ കൂട്ടബലാത്സംഗത്തിനിരയായത്. പുൽവാരി ഷെരിഫിലെ ഹിന്ദുനി ബദര് പ്രദേശത്താണ് നടുക്കുന്ന സംഭവം നടന്നത്. ചാണക വിറളി ശേഖരിക്കാന് പോയ പെണ്കുട്ടികളെ കാണാതാവുകയായിരുന്നു. ഇതിൽ ഒരാളുടെ മൃതദേഹം പിന്നീട് ഒരു കുഴിയില്നിന്നു പ്രദേശവാസികള് കണ്ടെത്തി. സമീപത്ത് 12 വയസുള്ള രണ്ടാമത്തെ പെണ്കുട്ടി പരിക്കേറ്റു കിടക്കുന്നുണ്ടായിരുന്നു. അന്വേഷണത്തിൽ വീഴ്ച്ച വരുത്തിയതിന് എഎസ്ഐ നരേഷ് പ്രസാദ് സിംഗിനെ സസ്പെൻഡ് ചെയ്തു.
Read Moreഎം.വി. ഗോവിന്ദന് വക്കീൽ നോട്ടീസ് അയയ്ക്കാൻ യൂത്ത് കോൺഗ്രസ്: ഇന്നു ക്ലിഫ് ഹൗസിലേക്ക് നൈറ്റ് മാർച്ച്
തിരുവനന്തപുരം: രാഹുൽ മാങ്കൂട്ടത്തിലിന്റെ ചികിത്സ സംബന്ധിച്ച് സിപിഎം സംസ്ഥാന സെക്രട്ടറി എം.വി ഗോവിന്ദന്റെ പ്രസ്താവനക്കെതിരേ വക്കീൽ നോട്ടീസ് അയയ്ക്കാൻ യൂത്ത് കോൺഗ്രസ്. രാഹുൽ മാങ്കൂട്ടത്തിലിന്റെ മെഡിക്കൽ സർട്ടിഫിക്കറ്റ് വ്യാജമെന്ന എം.വി.ഗോവിന്ദന്റെ പ്രസ്താവനയ്ക്കെതിരേയാണ് നിയമനടപടി. രാഹുൽ മാങ്കൂട്ടത്തിലിന്റെ നിർദ്ദേശപ്രകാരം അഭിഭാഷകനായ മൃദുൽ ജോണ് മാത്യു മുഖേന വക്കീൽ നോട്ടീസ് അയയ്ക്കുമെന്നും യൂത്ത് കോൺഗ്രസ് സംസ്ഥാന വൈസ് പ്രസിഡന്റ് അബിൻ വർക്കി അറിയിച്ചു. രാഹുൽ മാങ്കൂട്ടത്തിലിന്റെ മെഡിക്കൽ രേഖ അട്ടിമറിച്ചവർക്കെതിരേ നടപടിയെടുക്കണമെന്നും യൂത്ത് കോൺഗ്രസ് ആവശ്യപ്പെട്ടു. അതേസമയം മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസിലേക്ക് യൂത്ത് കോണ്ഗ്രസിന്റെ നൈറ്റ് മാർച്ച് ഇന്നു നടക്കും. രാത്രി 8 മണിക്ക് ക്ലിഫ് ഹൗസിലേക്ക് സമരജ്വാല എന്ന പേരിൽ നൈറ്റ് മാർച്ച് നടത്തും. ജില്ലാതല പ്രതിഷേധങ്ങൾ വരും ദിവസങ്ങളിലും തുടരും. ഇന്ന് കോട്ടയം, കണ്ണൂർ ജില്ലകളിൽ പ്രതിഷേധ മാർച്ച് സംഘടിപ്പിക്കും. യൂത്ത് കോണ്ഗ്രസ് സംസ്ഥാന…
Read Moreഎംടിയുടെ വിമർശനത്തിൽ ഞെട്ടി സിപിഎം; വിശദീകരണവുമായി പാര്ട്ടി പത്രം
കോഴിക്കോട്: മുഖ്യമന്ത്രി പിണറായി വിജയനെ വേദിയിലിരുത്തി എം.ടി. വാസുദേവന് നായര് നടത്തിയ രാഷ്ട്രീയ വിമർശനത്തിൽ ഞെട്ടി സിപിഎമ്മും കേരള ലിറ്ററേച്ചർ ഫെസ്റ്റ് (കെഎൽഎഫ്) സംഘാടകസമിതിയും. എംടിയുടെ വിമർശനം മുഖ്യമന്ത്രിയെയും സർക്കാരിനെയും ഉദ്ദേശിച്ചല്ലെന്നു പാര്ട്ടി പത്രം വിശദീകരിക്കുമ്പോഴും സിപിഎമ്മിനുണ്ടായ ഞെട്ടല് മാറിയിട്ടില്ല. രാഷ്ട്രീയ എതിരാളികൾ പിണറായിക്കും പാർട്ടിക്കുമെതിരേ പ്രയോഗിക്കുന്ന നേതൃപൂജ എന്ന വാക്കുള്പ്പെടെ എംടി ഉപയോഗിച്ചതു തീര്ത്തും അപ്രതീക്ഷിതമായി. എംടിയുടെ ശക്തമായ വിമര്ശനം നടക്കുമ്പോള് പാര്ട്ടി സംസ്ഥാന സെക്രട്ടറി എം.വി. ഗോവിന്ദനടക്കം പ്രമുഖ നേതാക്കളെല്ലാം കോഴിക്കോട്ടുണ്ടായിരുന്നു. ദേശാഭിമാനിയുടെ പുതിയ ഓഫീസ് തറക്കല്ലിടലുമായി ബന്ധപ്പെട്ടായിരുന്നു നേതാക്കള് കോഴിക്കോട്ടെത്തിയിരുന്നത്. എംടിയുടെ വിമര്ശനം സിപിഎമ്മിനോ, ഇടതു സര്ക്കാരിനോ എതിരല്ലെന്നു വരുത്താൻ നേതാക്കള് ശ്രമിച്ചെങ്കിലും എതിരാളികളും വിമർശകരും എംടിയുടെ വാക്കുകൾ ഉപയോഗിച്ച് കനത്ത ആക്രമണമാണു നടത്തുന്നത്. വിവാദ പ്രസംഗം സംസ്ഥാന സർക്കാരിനെയോ മുഖ്യമന്ത്രിയെയൊ ഉദ്ദേശിച്ചല്ലെന്ന് എംടി അറിയിച്ചെന്നാണ് പാർട്ടി പത്രമായ ദേശാഭിമാനി വിശദീകരിക്കുന്നത്. വിവാദത്തിൽ…
Read Moreപ്രതിഷ്ഠാ വേളയിൽ ഇന്ത്യയിലെ ജനങ്ങളെ പ്രതിനിധീകരിക്കാനാണ് ദൈവം എന്നെ സൃഷ്ടിച്ചത്: പ്രധാനമന്ത്രി
ന്യൂഡൽഹി: അയോധ്യ രാമക്ഷേത്ര പ്രതിഷ്ഠ ചടങ്ങിനായുള്ള പ്രധാനമന്ത്രിയുടെ ശബ്ദ സന്ദേശം പുറത്തിറക്കി. ഇന്ന് മുതൽ 11 ദിവസത്തെ വ്രതം അനുഷ്ടിക്കുമെന്ന് നരേന്ദ്ര മോദി. ചരിത്രപരമായ ഈ ദൗത്യത്തിൽ പങ്കെടുക്കാൻ സാധിച്ചത് ഭാഗ്യമാണെന്ന് അദ്ദേഹം പറഞ്ഞു. പ്രതിഷ്ഠാ ചടങ്ങിലേക്ക് എല്ലാ ജനങ്ങളിൽ നിന്നുമുള്ള അനുഗ്രഹം ആവശ്യമാണെന്നും അദ്ദേഹം കൂട്ടിച്ചേർത്തു. “പ്രതിഷ്ഠാ വേളയിൽ ഇന്ത്യയിലെ ജനങ്ങളെ പ്രതിനിധീകരിക്കാനാണ് ദൈവം എന്നെ സൃഷ്ടിച്ചത്. ഇത് മനസിൽ വച്ചുകൊണ്ട് ഞാൻ ഇന്ന് മുതൽ 11 ദിവസത്തെ പ്രത്യേക ചടങ്ങ് ആരംഭിക്കുന്നു, ഞാൻ വികാരാധീനനാണ്. ജീവിതത്തിൽ ആദ്യമായിട്ടാണ് ഞാൻ ഇത്തരം വികാരങ്ങൾ അനുഭവിക്കുന്നത്. ജീവിതത്തിലെ ചില നിമിഷങ്ങൾ യാഥാർത്ഥ്യമായി മാറുന്നത് ദൈവിക അനുഗ്രഹം കൊണ്ടാണ്. ഇന്ന് നമുക്കെല്ലാവർക്കും ലോകമെമ്പാടുമുള്ള രാമഭക്തർക്കും ഇത് വളരെ പുണ്യമുള്ള അവസരമാണ്. എല്ലായിടത്തും ശ്രീരാമനോടുള്ള ഭക്തിയുടെ അത്ഭുതകരമായ അന്തരീക്ഷമുണ്ട്.” എന്നാണ് പ്രധാനമന്ത്രിയുടെ വാക്കുകൾ.
Read Moreപുസ്തകം കൈകൊണ്ട് തൊടാത്ത സഖാക്കൾക്ക് ഇനിമേൽ എം. ടി. സാഹിത്യം വരേണ്യസാഹിത്യം: ജോയ് മാത്യു
മലയാളത്തിലെ നട്ടെല്ലുള്ള എഴുത്തുക്കാരനാണ് എം. ടി. വാസുദേവൻ നായരെന്ന് നടൻ ജോയ് മാത്യു. ഫേസ്ബുക്കിലൂടെയാണ് അദ്ദേഹം എം.ടി. യെ പ്രശംസിച്ച് പോസ്റ്റ് പങ്കുവച്ചിരിക്കുന്നത്. ഫേസ്ബുക്ക് പോസ്റ്റിന്റെ പൂർണരൂപം… എഴുത്തുകാരൻ എന്നാൽ.. എം ടി എന്ന എഴുത്തുകാരൻ ഉന്നത ശീർഷനാകുന്നത് അധികാരികൾക്ക് മുൻപിൻ റാൻ മൂളിക്കിട്ടുന്ന പദവിയുടെ താൽക്കാലിക തിളക്കങ്ങളിലല്ല, മറിച്ച് സർവ്വാധികാരിയെന്നഹങ്കരിക്കുകയും ഭയത്താൽ ജനങ്ങളിൽ നിന്നും ഒളിച്ചു നടക്കുകയും ചെയ്യുന്ന അധികാരികളുടെ മണ്ടയ്ക്കടിക്കുന്ന ചോദ്യങ്ങൾ ചരിത്രബോധത്തോടെ നേർക്ക് നേർ നിന്ന് ചോദിക്കുന്നത് കൊണ്ടാണ്. സത്യമായും മലയാളത്തിൽ നട്ടെല്ലുള്ള ഒരു എഴുത്തുകാരൻ ഉണ്ടെങ്കിൽ അത് എം. ടി. യാണ്. (പുസ്തകം കൈകൊണ്ട് തൊടാത്ത സഖാക്കൾക്ക് ഇനിമേൽ എം. ടി. സാഹിത്യം വരേണ്യസാഹിത്യം!)
Read More