എറണാകുളം: ആർഎംപി നേതാവ് ടി. പി ചന്ദ്രശേഖരൻ വധത്തിൽ സിപിഎമ്മിനെതിരെ മുസ്ലീം ലീഗ് സംസ്ഥാന സെക്രട്ടറിയും മുൻ എംഎൽഎയുമായ കെ. എം ഷാജി. ഊരാളുങ്കൽ സൊസൈറ്റി പിടിച്ചെടുക്കുമോ എന്ന ഭയമാണ് ടിപിയെ കൊല്ലപ്പെടുത്താൻ കാരണമെന്ന് കെ. എം ഷാജി പറഞ്ഞു. എറണാകുളം മൂവാറ്റുപുഴയിൽ യുഡിഎഫ് സംഘടിപ്പിച്ച കുറ്റവിചാരണ സദസിലായിരുന്നു ഷാജിയുടെ കുറ്റപെടുത്തൽ. ടി.പി ചന്ദ്രശേഖരന്റെ നേതൃത്വത്തിൽ ഊരാളുങ്കലിൽ വിജയിച്ചാൽ കേരളത്തിലെ സിപിഎം നേതാക്കളുടെ കള്ളപ്പണ സ്രോതസ്സ് പുറത്തുവരുമെന്ന പേടിയാണ് കൊലപാതകത്തിലേക്ക് നയിച്ചത്. അന്വേഷണം സിപിഎം കോഴിക്കോട് ജില്ലാ സെക്രട്ടറി പി. മോഹനനിൽ നിന്ന് മുകളിലേക്ക് പോയിരുന്നെങ്കിൽ മുഖ്യമന്ത്രിയുൾപ്പെടെയുള്ളവർ മറുപടി പറയേണ്ടി വരുമായിരുന്നു എന്നും ഷാജി ആരോപിച്ചു. അന്വേഷണ ഉദ്യോഗസ്ഥരുടെ സഹായത്തോടെ കേസന്വേഷണം പി മോഹനനിൽ നിർത്താൻ ചില കളികളിലൂടെ സിപിഎമ്മിന് സാധിച്ചുവെന്നും കെ. എം ഷാജി കൂട്ടിചേർത്തു.
Read MoreCategory: Loud Speaker
നവകേരള സദസിൽ മുഖ്യമന്ത്രിയുടെ ഫ്ലക്സ് ബോർഡിൽ കരി ഓയിൽ ഒഴിച്ചു; പ്രതി പിടിയിൽ
കോട്ടയം: പാലായിൽ നവകേരള സദസിന്റെ ഫ്ലക്സ് ബോർഡ് കരി ഓയിൽ ഒഴിച്ചു നശിപ്പിച്ച സംഭവം ഒരാൾ പിടിയിൽ. പാലാ പ്രവിത്താനം സ്വദേശി ജയിംസ് പാമ്പയ്ക്കൽ ആണ് പോലീസ് കസ്റ്റഡിയിലായത്. ഇന്നലെ രാവിലെയാണ് സംഭവം. ഫ്ലക്സ് ബോർഡിൽ ഇയാൾ കരി ഓയില് ഒഴിക്കുന്നതിന്റെ സിസിടിവി ദൃശ്യങ്ങള് ലഭിച്ചിരുന്നു. ഇതിന്റെ അടിസ്ഥാനത്തിൽ നടത്തിയ അന്വേഷണത്തിലാണ് പ്രതിയെ പിടികൂടിയത്. നവകേരള സദസിന് വേദിയൊരുങ്ങുന്ന മുന്സിപ്പല് സ്റ്റേഡിയത്തിനു മുന്നിലെ റിവര് വ്യൂ റോഡില് സ്ഥാപിച്ചിരുന്ന ഫ്ലക്സ് ബോര്ഡിലാണ് കരി ഓയില് ഒഴിച്ചത്. ഇതിനു മുൻപും ഇയാളെ പോലീസ് പിടികൂടിയിരുന്നു. കഴിഞ്ഞ മാർച്ചിൽ സിപിഎം സംസ്ഥാന സെക്രട്ടറി എം. വി ഗോവിന്ദൻ നയിച്ച ജനകീയ പ്രതിരോധ ജാഥയുടെ പാലാ കൊട്ടാരമറ്റം ബസ് ടെർമിനലിലെ സ്വീകരണ വേദി തകർക്കുമെന്ന് കാണിച്ച് ബോംബ് ഭീഷണി മുഴക്കി ഇയാൾ കത്തെഴുതിയതിന് പോലീസ് അറസ്റ്റ് ചെയ്തിരുന്നു.
Read Moreഡൽഹിയിൽ ബലാത്സംഗത്തിന് ഇരയായവരിൽ 70 ശതമാനവും 18നും 30നും ഇടയിൽ പ്രായമുള്ളവർ
ന്യൂഡൽഹി: 2021-ൽ ഡൽഹിയിൽ ബലാത്സംഗത്തിന് ഇരയായ സ്ത്രീകളിൽ ഏറ്റവും കൂടുതൽ ശതമാനം 18-30 പ്രായത്തിലുള്ളവർ. വെള്ളിയാഴ്ച പുറത്തിറക്കിയ സംസ്ഥാന സർക്കാർ റിപ്പോർട്ട് പ്രകാരം റിപ്പോർട്ട് ചെയ്യപ്പെട്ട കേസുകളിൽ 72 ശതമാനത്തിലധികവും ഇങ്ങനെയാണ്. ഡയറക്ടറേറ്റ് ഓഫ് ഇക്കണോമിക്സ് ആൻഡ് സ്റ്റാറ്റിസ്റ്റിക്സിന്റെ റിപ്പോർട്ട് അനുസരിച്ച് 2021ൽ ഡൽഹിയിൽ ബലാത്സംഗത്തിന് ഇരയായ 1,251 പേരിൽ 905 പേർ 18-30 വയസ്സിനിടയിലും 328 പേർ 30-45 വയസ്സിനിടയിലുമാണ്. ദേശീയ തലത്തിലും ഈ രീതി സ്ഥിരമാണ്. അവിടെ 20,065 ബലാത്സംഗ ഇരകളിൽ ഏറ്റവും കൂടുതൽ പേർ 18 മുതൽ 30 വരെ പ്രായമുള്ളവരാണ്. മൊത്തം 7,627 പേർ 30-45 പ്രായത്തിലുള്ളവരാണ്. റിപ്പോർട്ടുകൾ പ്രകാരം 2021ൽ രാജ്യത്തുടനീളം 31,878 സ്ത്രീകൾ ബലാത്സംഗത്തിന് ഇരയായിട്ടുണ്ട്. എന്നാൽ വർഷങ്ങളായി സ്ത്രീകളേക്കാൾ കൂടുതൽ പുരുഷന്മാരാണ് ആത്മഹത്യ ചെയ്യുന്നതെന്ന് റിപ്പോർട്ട് വെളിപ്പെടുത്തുന്നു. റിപ്പോർട്ടുകൾ പ്രകാരം 2021-ൽ ഡൽഹിയിൽ ആത്മഹത്യ ചെയ്ത 2,840…
Read More‘പാർട്ടിക്കു വേണ്ടി മൈദപശയുമായി ഓടി നടക്കുന്ന ലോക്കൽ സഖാക്കൾക്ക് എന്തു കിട്ടി’ ; പരിഹാസവുമായി പി. കെ അബ്ദുറബ്
നവകേരള സദസിൽ മർദ്ദനമേറ്റ സിപിഐ പ്രവർത്തകൻ പാർട്ടി വിട്ട സംഭവത്തിൽ പ്രതികരിച്ച് മുൻ മന്ത്രിയും മുസ്ലിം ലീഗ് നേതാവുമായ പി. കെ അബ്ദുറബ്. എറണാകുളം തമ്മനം ഈസ്റ്റ് ബ്രാഞ്ച് കമ്മിറ്റി അംഗം റയിസാണ് പാർട്ടി വിട്ടത്. ഇന്നലെ കൊച്ചി മറൈൻഡ്രൈവിൽ നടന്ന നവകേരള സദസിനിടെയാണ് റയിസിന് മർദനമേറ്റത്. ഇതിനെതിരെ ഫേസ്ബുക്കിൽ പരിഹാസ പോസ്റ്റുമായാണ് പി. കെ അബ്ദുറബിന്റെ പ്രതികരണം. കോൺഗ്രസിൽ നിന്നും ലീഗിൽ നിന്നും ഉദ്ദിഷ്ടകാര്യങ്ങൾക്ക് മറുകണ്ടം ചാടിയവർക്ക് കൊടുക്കാൻ മന്ത്രിപ്പണിയുണ്ട്, എംഎല്എ സ്ഥാനമുണ്ട് മുൻസിപ്പൽ ചെയർമാൻ മുതൽ ബോർഡ് ചെയർമാൻ പദവികൾ വരെയുണ്ടെന്ന് പി. കെ അബ്ദുറബ് പറഞ്ഞു. പാർട്ടിക്കു വേണ്ടി മൈദപശയുമായി ഓടി നടക്കുന്ന ലോക്കൽ സഖാക്കൾക്ക് എന്തു കിട്ടി എന്ന് മാത്രം ചോദിക്കരുത്. അവർക്ക് ഇങ്ങനെ ഇടക്കിടെ കിട്ടി കൊണ്ടേയിരിക്കും. നവകേരള സദസ്സിൽ എന്തിനൊക്കെ പരിഹാരം കണ്ടു എന്നു ചോദിക്കുന്നവർക്കുള്ള വായടപ്പൻ മറുപടിയാണ്…
Read Moreഭാര്യക്ക് 18 വയസോ അതിൽ കൂടുതലോ എങ്കിൽ വൈവാഹിക ബലാത്സംഗം കുറ്റകരമല്ല; അലഹബാദ് ഹൈക്കോടതി
അലഹബാദ്: ഭാര്യക്ക് 18 വയസിന് മുകളിൽ പ്രായമുണ്ടെങ്കിൽ വൈവാഹിക ബലാത്സംഗം ഇന്ത്യൻ ശിക്ഷാ നിയമപ്രകാരം കുറ്റമായി കണക്കാക്കാനാവില്ലെന്ന് അലഹബാദ് ഹൈക്കോടതി. പ്രകൃതിവിരുദ്ധ കുറ്റം ചെയ്തതിന് ഭർത്താവിനെ കുറ്റവിമുക്തനാക്കിക്കൊണ്ടാണ് കോടതി ഈ പരാമർശങ്ങൾ നടത്തിയത്. ഈ കേസിലെ പ്രതികളെ ഐപിസി സെക്ഷൻ 377 പ്രകാരം ശിക്ഷിക്കാൻ കഴിയില്ലെന്ന് വ്യക്തമാക്കിയ ജസ്റ്റിസ് രാം മനോഹർ നരേൻ മിശ്രയുടെ ബെഞ്ച്, ഈ രാജ്യത്ത് ഇതുവരെ വൈവാഹിക ബലാത്സംഗം കുറ്റകരമാക്കിയിട്ടില്ലെന്ന് വ്യക്തമാക്കി. എന്നാൽ വൈവാഹിക ബലാത്സംഗം ക്രിമിനൽ കുറ്റമാക്കണമെന്ന് ആവശ്യപ്പെട്ടുള്ള ഹർജികൾ ഇപ്പോഴും സുപ്രീം കോടതിയുടെ പരിഗണനയിലിരിക്കുന്നതിനാൽ, ഭാര്യക്ക് 18 വയസോ അതിൽ കൂടുതലോ പ്രായമാണെങ്കിൽ വൈവാഹിക ബലാത്സംഗത്തിന് ക്രിമിനൽ ശിക്ഷയില്ലെന്ന് ഹൈക്കോടതി ചൂണ്ടിക്കാട്ടി. വൈവാഹിക ബലാത്സംഗം കുറ്റകരമാക്കുന്നതിനുള്ള ഹർജികൾ പട്ടികപ്പെടുത്താൻ ഈ വർഷം ആദ്യം സുപ്രീം കോടതി സമ്മതിച്ചിരുന്നു. വൈവാഹിക ബലാത്സംഗം ക്രിമിനൽ കുറ്റമാക്കുന്നത് സാമൂഹിക പ്രത്യാഘാതങ്ങൾ ഉണ്ടാക്കുമെന്ന് കേന്ദ്ര സർക്കാർ…
Read Moreആശുപത്രിയിലെ ചവറ്റുകുട്ടയിൽ നവജാത ശിശുവിന്റെ മൃതദേഹം; കേസെടുത്ത് പോലീസ്
മുംബൈ: ആശുപത്രി വളപ്പിലെ ചവറ്റുകുട്ടയ്ക്കുള്ളിൽ നിന്ന് നവജാത ശിശുവിന്റെ മൃതദേഹം കണ്ടെത്തി. സംഭവത്തിൽ മുംബൈ പോലീസ് കേസെടുത്തു. സിയോൺ ഹോസ്പിറ്റൽ എന്നറിയപ്പെടുന്ന മുംബൈയിലെ, ലോകമാന്യ തിലക് മുനിസിപ്പൽ ജനറൽ ഹോസ്പിറ്റലിൽ ജോലി ചെയ്യുന്ന സ്വീപ്പറാണ് മൃതദേഹം ശുചിമുറിയിലെ ചവറ്റുകുട്ടയിൽ കണ്ടത്. തുടർന്ന് ഡ്യൂട്ടി ഡോക്ടർമാരെ വിവരം അറിയിക്കുകയായിരുന്നു. പ്രാഥമിക അന്വേഷണത്തിൽ കുഞ്ഞ് മരിച്ചതായി സ്ഥിരീകരിച്ചു. പിന്നാലെ ഡോക്ടർമാർ മൃതദേഹം പോസ്റ്റ്മോർട്ടത്തിന് അയച്ച ശേഷം പോലീസിൽ അറിയിച്ചു. സംഭവത്തിൽ കൂടുതൽ വിവരങ്ങൾ ലഭിക്കുന്നതിനായി ആശുപത്രിയിൽ സ്ഥാപിച്ചിട്ടുള്ള സിസിടിവി ക്യാമറകളുടെ ദൃശ്യങ്ങൾ പോലീസ് പരിശോധിച്ച് വരികയാണ്.
Read Moreവിയോജിപ്പുകൾ വെട്ടിത്തുറന്നു പറഞ്ഞ തന്റേടി കാനം രാജേന്ദ്രൻ
തിരുവനന്തപുരം: കേരളത്തിലെ ഇടതു രാഷ്ട്രീയത്തിൽ യൗവനകാലം മുതൽ തലയെടുപ്പോടെനിന്ന നേതാവാണു കാനം രാജേന്ദ്രൻ. എഴുപത്തിമൂന്നാം വയസിൽ അപ്രതീക്ഷിതമായി വിടവാങ്ങുന്പോൾ അത് വർത്തമാന കേരളരാഷ്ട്രീയത്തിലെ മുൻനിരനേതാക്കളിൽ ഒരാളാണ് ഇല്ലാതാകുന്നത്. രണ്ടു മാസത്തോളമായി ആശുപത്രിയിൽ കഴിയുന്ന കാനത്തിനു പകരക്കാരനെ വയ്ക്കേണ്ടെന്നായിരുന്നു പാർട്ടി തീരുമാനം. കൂട്ടായ നേതൃത്വം തീരുമാനങ്ങളെടുത്തു മുന്നോട്ടു പോകാനും പാർട്ടി തീരുമാനിച്ചു. പാദം മുറിച്ചു മാറ്റിയതിനു ശേഷം കൃത്രിമപാദം ഉപയോഗിക്കാനായിരുന്നു തീരുമാനം. അതിനു ശേഷം കാനം സിപിഐ രാഷ്ട്രീയത്തിലേക്കു മടങ്ങി വരണമെന്നു പാർട്ടി ആഗ്രഹിച്ചിരുന്നു. കാനത്തിനു പകരക്കാരനേക്കുറിച്ചു ചിന്തിക്കാൻ പോലും പാർട്ടിക്കു കഴിയുമായിരുന്നില്ല. എന്നാൽ എല്ലാവരെയും ഞെട്ടിച്ചുകൊണ്ട് കാനം അപ്രതീക്ഷിതമായി വിടവാങ്ങി. കേരള രാഷ്ട്രീയത്തിനും ഇടതുരാഷ്ട്രീയത്തിനും നഷ്ടം. 1969 ൽ എഐവൈഎഫ് സംസ്ഥാന സെക്രട്ടറി ആയിരുന്ന സി.കെ. ചന്ദ്രപ്പൻ ദേശീയ പ്രസിഡന്റ് ആയപ്പോൾ കാനം സംസ്ഥാന സെക്രട്ടറി ആയി. അന്നു പ്രായം 19 മാത്രം. ഒരുപക്ഷേ കേരളത്തിൽ ഒരു…
Read Moreവെള്ളം കുടിക്കുന്നതിനിടെ തേനീച്ചയെ വിഴുങ്ങി; യുവാവിനു ദാരുണാന്ത്യം
ഭോപ്പാല്: വെള്ളം കുടിക്കുന്നതിനിടെ ഗ്ലാസിലുണ്ടായിരുന്ന തേനീച്ചയെ അബദ്ധത്തിൽ വിഴുങ്ങിയ യുവാവിനു ദാരുണാന്ത്യം. മധ്യപ്രദേശിലെ ബെറാസിയയില് ബുധനാഴ്ച രാത്രിയായിരുന്നു സംഭവം.ബെറാസിയയിലെ മന്പുറ ചക് ഗ്രാമത്തില് താമസിക്കുന്ന ഹിരേന്ദ്ര സിംഗ് എന്ന 22 വയസുകാരനാണ് മരിച്ചത്. നാക്കിലും അന്നനാളത്തിലും തേനീച്ചയുടെ കുത്തേറ്റ് ശ്വാസതടസം അനുഭവപ്പെട്ട ഇയാളെ ഉടനെതന്നെ അടുത്തുള്ള ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. കര്ഷക തൊഴിലാളിയായിരുന്ന ഇയാള് ബുധനാഴ്ച രാത്രി ഒന്പതോടെ ഭക്ഷണം കഴിച്ച ശേഷം വെള്ളം കുടിച്ചപ്പോഴായിരുന്നു സംഭവം. ചികിത്സയ്ക്കിടെ ഛര്ദിച്ചപ്പോള് തേനീച്ച പുറത്തുവന്നുവെന്ന് ബന്ധുക്കള് പറയുന്നു.
Read Moreപോലീസ് സ്റ്റേഷനിൽ യുവതിക്ക് വെടിയേറ്റു; പണം നൽകാത്തതിനാൽ എസ്ഐ വെടിവച്ചെന്നു ബന്ധുക്കൾ
ലക്നോ: ഉത്തർപ്രദേശിലെ അലിഗഢ് പോലീസ് സ്റ്റേഷനിൽ യുവതിക്കു വെടിയേറ്റു. പാസ്പോർട്ട് വെരിഫിക്കേഷനായി സ്റ്റേഷനിലെത്തിയ ഇസ്രത്തിനാണ് വെടിയേറ്റത്. എസ്ഐ മനോജ് ശർമ വെടിയുതിർക്കുന്നതും സ്റ്റേഷനിൽനിന്ന യുവതിയുടെ തലയിൽ ബുള്ളറ്റ് പതിക്കുന്നതുമായ ദൃശ്യങ്ങളടങ്ങിയ വീഡിയോ പുറത്തുവന്നു. തലയ്ക്ക് വെടിയേറ്റ യുവതി തീവ്രപരിചരണ വിഭാഗത്തിൽ ചികിത്സയിലാണ്. പാസ്പോർട്ട് വെരിഫിക്കേഷന്റെ ചുമതലയുള്ള ഉദ്യോഗസ്ഥൻ പണത്തിനായി യുവതിയെ ഭീഷണിപ്പെടുത്തിയിരുന്നുവെന്നും തർക്കത്തെ തുടർന്നാണ് ഉദ്യോഗസ്ഥൻ വെടിവച്ചതെന്നും ബന്ധുക്കൾ ആരോപിച്ചു. പോലീസുകാരൻ ഒളിവിലാണ്. ഇയാളെ ജോലിയിൽനിന്നു സസ്പെൻഡ് ചെയ്തിട്ടുണ്ട്. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു.
Read Moreജീവിച്ചിരിക്കുന്ന കാലത്തോളം അക്ബറുദീൻ ഒവൈസിക്ക് മുന്നിൽ സത്യപ്രതിജ്ഞ ചെയ്യില്ല; ബിജെപി എംഎൽഎ രാജാ സിംഗ്
തെലുങ്കാന: സംസ്ഥാനത്ത് പുതിയതായി തെരഞ്ഞെടുക്കപ്പെട്ട എംഎൽഎമാർ നിയമസഭയുടെ ആദ്യ സമ്മേളനത്തിൽ സത്യപ്രതിജ്ഞ ചെയ്യും. എന്നാൽ എഐഎംഐഎം നേതാവ് അക്ബറുദീൻ ഒവൈസിയെ പ്രോടേം സ്പീക്കറായി നിയമിച്ചതിന് പിന്നാലെ പ്രതിഷേധവുമായി ബിജെപി രാജാ സിംഗ് എംഎൽഎ. താനും മറ്റ് ബിജെപി എംഎൽഎമാരും സത്യപ്രതിജ്ഞാ ചടങ്ങിൽ പങ്കെടുക്കില്ലെന്ന് രാജാ സിംഗ് പറഞ്ഞു. പ്രോടെം സ്പീക്കറും എഐഎംഐഎം എംഎൽഎയുമായ അക്ബറുദ്ദീൻ ഒവൈസിയാണ് എംഎൽഎമാർക്ക് സത്യവാചകം ചൊല്ലിക്കൊടുക്കുന്നത്. എന്നാൽ താൻ ജീവിച്ചിരിക്കുന്നിടത്തോളം കാലം എഐഎംഐഎമ്മിന് മുന്നിൽ സത്യപ്രതിജ്ഞ ചെയ്യില്ലെന്ന് രാജ സിംഗ് പറഞ്ഞു. നേരത്തെ ഹിന്ദു വിരുദ്ധ പരാമർശം നടത്തിയ ഒരാളുടെ മുന്നിൽ സത്യപ്രതിജ്ഞ ചെയ്യണോ? ഒവൈസിയെ ചുമതലയിൽ നിന്ന് മാറ്റി മുഴുവൻ സമയ സ്പീക്കറെ നിയമിച്ചതിന് ശേഷം മാത്രമേ താൻ സത്യപ്രതിജ്ഞ ചെയ്യുകയുള്ളു. മുൻഗാമി കെ. ചന്ദ്രശേഖർ റാവുവിനെപ്പോലെ തെലങ്കാനയിലെ പുതിയ മുഖ്യമന്ത്രി കോൺഗ്രസിന്റെ രേവന്ത് റെഡിക്ക് എഐഎംഐഎമ്മിനെ ഭയമാണെന്നും അതുകൊണ്ടാണ് ഒവൈസിയെ…
Read More