അയോധ്യ: രാമക്ഷേത്രത്തിലെ വൈദ്യുതി കണക്ഷൻ ജോലികൾ പൂർത്തിയായതായി ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. ഏറെ പ്രതീക്ഷയോടെ കാത്തിരിക്കുന്ന ഈ രാമക്ഷേത്ര പദ്ധതിയുടെ പൂർത്തീകരണത്തിലാണ് സംസ്ഥാനത്തെ ജനങ്ങളെന്ന് യോഗി എക്സിൽ കുറിച്ചു. അതേസമയം ശ്രീരാമ ജന്മഭൂമി ട്രസ്റ്റ് 2024 ജനുവരി 22 ന് നടത്താൻ നിശ്ചയിച്ചിരിക്കുന്ന ക്ഷേത്രത്തിന്റെ പ്രതിഷ്ഠാ ചടങ്ങിനുള്ള ഒരുക്കങ്ങൾ ശക്തമാക്കി. ചടങ്ങിൽ പങ്കെടുക്കുന്നതിനായി പ്രമുഖർക്ക് ട്രസ്റ്റ് ക്ഷണക്കത്ത് വിതരണം ചെയ്തു. കുറഞ്ഞത് 4,000 സന്യാസിമാരെയെങ്കിലും ‘പ്രാണപ്രതിഷ്ഠ’ ചടങ്ങിലേക്ക് ക്ഷണിക്കുന്നതായി ശ്രീരാമ ജന്മഭൂമി ട്രസ്റ്റ് ജനറൽ സെക്രട്ടറി ചമ്പത് റായ് പറഞ്ഞു. അയോധ്യയിൽ പ്രതിഷ്ഠാ ചടങ്ങിൽ പ്രധാനമന്ത്രി നരേന്ദ്ര മോദി അധ്യക്ഷനാകും. ഉത്തർപ്രദേശ് സർക്കാരിന്റെ ടൂറിസം ആൻഡ് കൾച്ചർ വകുപ്പ് ഓരോ ജില്ലയിലും ടൂറിസം ആൻഡ് കൾച്ചറൽ കൗൺസിലിന്റെ സഹായത്തോടെ പരിപാടി സംഘടിപ്പിക്കും. കൂടാതെ, രാമക്ഷേത്രത്തിന്റെ പ്രതിഷ്ഠാ ചടങ്ങിനെ അടയാളപ്പെടുത്തുന്നതിനായി ക്ഷേത്രഭരണാധികാരം മതപരമായ പരിപാടികളുടെ ഒരു പരമ്പര…
Read MoreCategory: Loud Speaker
ഗതാഗത നിയമലംഘനം ആവർത്തിക്കുന്നവർക്കെതിരെ കർശന നടപടി: മൂന്ന് മാസത്തേക്ക് ലൈസൻസ് റദ്ദാക്കാൻ നിർദേശം
ലക്നോ: മൂന്ന് തവണ ട്രാഫിക് നിയമങ്ങൾ ലംഘിക്കുന്നവരുടെ ഡ്രൈവിംഗ് ലൈസൻസ് കുറഞ്ഞത് മൂന്ന് മാസത്തേക്ക് സസ്പെൻഡ് ചെയ്യണമെന്ന നിർദേശവുമായി സ്റ്റേറ്റ് ട്രാൻസ്പോർട്ട് കമ്മീഷണർ ചന്ദ്രഭൂഷൺ സിംഗ്. നേരത്തെ ഉത്തർപ്രദേശ് മുഖ്യമന്ത്രി യോഗി ആദിത്യനാഥ് അവലോകന യോഗം ചേർന്ന് കുറ്റം ആവർത്തിക്കുന്നവരെ കണ്ടെത്താൻ ഉദ്യോഗസ്ഥർക്ക് നിർദേശം നൽകിയിരുന്നു. ഗതാഗത വകുപ്പിന്റെ കണക്കുകൾ പ്രകാരം ജനുവരി മുതൽ സെപ്തംബർ വരെയുള്ള കാലയളവിൽ 7,070 ഡ്രൈവിംഗ് ലൈസൻസുകളാണ് സംസ്ഥാനത്തുടനീളം സസ്പെൻഡ് ചെയ്തത്. അതേസമയം, ഡ്രൈവിംഗ് ലൈസൻസുകൾ സസ്പെൻഡ് ചെയ്യുന്നതിന് ചില മാനദണ്ഡങ്ങളുണ്ടെന്ന് ആർടിഒ ഗാസിയാബാദ് പികെ സിംഗ് പറഞ്ഞു. “ചില കുറ്റകൃത്യങ്ങളിൽ മൂന്ന് തവണ വരെ ലംഘനങ്ങൾ ഉണ്ടായാൽ ലൈസൻസുകൾ സസ്പെൻഡ് ചെയ്യും. അമിതവേഗത, മദ്യപിച്ച് വാഹനമോടിക്കുന്നത് പോലെ – മൂന്നിൽ കൂടുതൽ നിയമലംഘനങ്ങൾ ഉണ്ടായാൽ ലൈസൻസുകൾ റദ്ദാക്കാം, ”എന്നും അദ്ദേഹം പറഞ്ഞു.
Read Moreഡോ. ഷഹനയുടെ ആത്മഹത്യ; റുവൈസിന്റെ പിതാവ് ഒളിവിൽ
തിരുവനന്തപുരം: പി ജി വിദ്യാർഥിനി ഡോ.ഷഹന ജീവനൊടുക്കിയ കേസിൽ അറസ്റ്റിലായ ഡോ. റുവൈസിന്റെ പിതാവ് ഒളിവിൽ. പോലീസ് ചോദ്യം ചെയ്യാനെത്തിയപ്പോൾ വീട് ഒഴിഞ്ഞ നിലയിലായിരുന്നു. കേസിൽ ഷഹനയുടെയും റുവൈസിന്റെയും സുഹൃത്തുക്കളുടെ മൊഴി രേഖപ്പെടുത്താനാണ് പോലീസിന്റെ തീരുമാനം. പ്രതിയെ കസ്റ്റഡിയിൽ വാങ്ങാനുള്ള അപേക്ഷ കോടതിയിൽ സമർപ്പിക്കും. വിവാഹത്തിൽനിന്നുള്ള റുവൈസിന്റെ പിന്മാറ്റം ഷഹനയെ മാനസികമായി ഉലയ്ക്കുകയായിരുന്നു. മരണത്തിന് ഏകദേശം ഒരാഴ്ച മുമ്പുതന്നെ ഷഹന മാനസികമായി ഏറെ തളർന്നിരുന്നതായി സുഹൃത്തുക്കളും പറയുന്നു. ഷഹനയുടെ ആത്മഹത്യാക്കുറിപ്പിൽ “അവൻ’ എന്നു മാത്രമാണ് സൂചിപ്പിച്ചിരിക്കുന്നത് എന്നും റുവൈസ് എന്ന പേര് എടുത്ത് പറഞ്ഞിട്ടില്ലെന്നും മെഡിക്കൽ കോളജ് പോലീസ് വ്യക്തമാക്കി. “അവനും ഒരു സഹോദരി ഉണ്ടല്ലോ” എന്ന രീതിയിലുള്ള പരാമർശവും ആത്മഹത്യാക്കുറിപ്പിൽ കാണുന്നുണ്ട്. താനും ഒരു സ്ത്രീയാണെന്നും ഭീമമായ സ്ത്രീധനം ചോദിച്ചാൽ വിവാഹം മുന്നോട്ടു കൊണ്ടുപോകാൻ സാധിക്കില്ല എന്നുമുള്ള രീതിയിൽ കുറിപ്പ് എഴുതിയിട്ടുണ്ട്. റുവൈസ് പതിയെ വിവാഹനിശ്ചയത്തിൽനിന്നു…
Read Moreപലിശനിരക്കിൽ മാറ്റമില്ല; റിപ്പോ നിരക്ക് 6.5 ശതമാനമായി തുടരും; റിപ്പോ നിരക്കിൽ മാറ്റമുണ്ടാകാത്തത് അഞ്ചാംതവണ
കോഴിക്കോട്: റിപ്പോ നിരക്ക് 6.5 ശതമാനം തന്നെ ആയിരിക്കുമെന്ന് റിസർവ് ബാങ്ക് പ്രഖ്യാപിച്ചതോടെ പലിശ നിരക്കിൽ മാറ്റമുണ്ടാകില്ലെന്ന് ഉറപ്പായി. തുടർച്ചയായ അഞ്ചാംതവണയാണ് റിപ്പോ നിരക്കിൽ മാറ്റമുണ്ടാകാത്തത്. മോണിറ്ററി പോളിസി കമ്മിറ്റി(എംപിസി) യോഗത്തിനു ശേഷം റിസർവ് ബാങ്ക് ഗവർണർ ശക്തികാന്ത ദാസാണ് റിപ്പോ നിരക്കിൽ മാറ്റമുണ്ടാകില്ലെന്നു പ്രഖ്യാപിച്ചത്. ആറംഗ എംപിസി യോഗം ഐകകണ്ഠേനയാണ് നിരക്കിൽ മാറ്റം വേണ്ട എന്നു തീരുമാനിച്ചതെന്ന് അദ്ദേഹം വ്യക്തമാക്കി. ഇതുമൂലം നിലവിലെ വിപണിയിലെ പലിശ നിരക്കുകൾ എല്ലാം തന്നെ അതേപടി തുടരാനാണ് സാധ്യത. റിപ്പോ നിരക്കിൽ മാറ്റമില്ലെന്ന പ്രഖ്യാപനം വന്നതോടെ ഓഹരി വിപണയിൽ വൻ മുന്നേറ്റമുണ്ടായി. സെപ്റ്റംബർ മാസം പുറത്തുവിട്ട കണക്കുപ്രകാരം രാജ്യത്തെ മൊത്ത ആഭ്യന്തര ഉത്പാദനം 7.6 ശതമാനമായി രേഖപ്പെടുത്തിയിരുന്നു. പ്രതീക്ഷിച്ചതിലും മികച്ച സാന്പത്തിക വളർച്ചയാണ് രേഖപ്പെടുത്തിയത്. സാന്പത്തിക നില സുസ്ഥിരമായി തുടരുന്നതും പണപ്പെരുപ്പം നിയന്ത്രിക്കാൻ കഴിഞ്ഞതും കണക്കിലെടുത്താണ് നിരക്കിൽ മാറ്റം വരുത്താത്തത്.
Read Moreകുട്ടിയെ തട്ടിക്കൊണ്ടുപോയ സംഭവം: ആദ്യമൊഴികളിൽ ഉറച്ച് പ്രതികൾ; കോടികളുടെ സാമ്പത്തിക ബാധ്യത ഉണ്ടെന്നത് കളവാണെന്ന് പോലീസ്
കൊല്ലം: ഓയൂരിൽ ആറു വയസുകാരിയെ തട്ടിക്കൊണ്ടുപോയ കേസിൽ പ്രതികളുടെ ചോദ്യം ചെയ്യൽ തുടരുന്നു. പോലീസിന് നൽകിയ ആദ്യ മൊഴിയിൽതന്നെ പ്രതികൾ ഉറച്ച് നിൽക്കുകയാണ്. ഒന്നാംപ്രതി കെ.ആർ. പദ്മകുമാർ കുട്ടിയെ തട്ടിക്കൊണ്ടു പോയത് പണത്തിനു വേണ്ടിയെന്നാണ് അന്വേഷണ സംഘത്തോട് ആവർത്തിച്ചു പറയുന്നത്. അഞ്ച് കോടിരൂപയുടെ സാമ്പത്തിക ബാധ്യത പദ്മകുമാറിനുണ്ടെന്ന വാദം കളവാണെന്ന് ലഭ്യമായ രേഖകൾ നിരത്തി അന്വേഷണസംഘം ഏറെക്കുറെ ഉറപ്പിച്ച് കഴിഞ്ഞുവെന്നാണ് സൂചനകൾ. തട്ടിക്കൊണ്ട് പോകലിന്റെ മുഖ്യ ആസൂത്രക ഭാര്യ അനിതകുമാരിയാണെന്നാണ് ഇയാൾ ക്രൈംബ്രാഞ്ച് സംഘത്തോട് പറഞ്ഞതായി അറിയുന്നത്. എല്ലാം മകൾ കൂടി അറിഞ്ഞാണ് നടപ്പാക്കിയത്. കുട്ടിയെ തട്ടിക്കൊണ്ട് പോയശേഷം കാറിൽ വച്ച് വായ് പൊത്തിപ്പിടിച്ചതും പിന്നീട് ചാത്തന്നൂരിലെ വീട്ടിൽ എത്തിച്ചപ്പോൾ ഉറക്ക ഗുളികകൾ നൽകിയതും അനുപമ ആണെന്ന് അന്വേഷണ ഉദ്യോഗസ്ഥർ സ്ഥിരീകരിച്ചിട്ടുണ്ട്. തട്ടിക്കൊണ്ട് പോകലിന് മറ്റാരുടെയെങ്കിലും സഹായം ലഭിച്ചോ എന്ന ചോദ്യത്തിന് ഇല്ല എന്നു തന്നെയാണ് ഇയാൾ…
Read Moreപിണറായിക്കെതിരേ മത്സരിച്ച കോൺഗ്രസ് നേതാവ് പാർട്ടി വിട്ടു; കോൺഗ്രസിന്റെ ഡിഎൻഎ എല്ലാ അർഥത്തിലും മാറിയെന്ന് സി. രഘുനാഥ്
കണ്ണൂർ: ധർമടം മണ്ഡലത്തിൽ 2021 ൽ പിണറായി വിജയനെതിരേ മത്സരിച്ച യുഡിഎഫ് സ്ഥാനാർഥിയും കണ്ണൂർ ഡിസിസി ജനറൽ സെക്രട്ടറിയുമായ സി. രഘുനാഥ് കോൺഗ്രസ് വിട്ടു. ജില്ലയിലെ മുതിർന്ന നേതാക്കളിലൊരാളായ രഘുനാഥ് ഫേസ്ബുക്ക് കുറിപ്പിലൂടെ പാർട്ടി വിടുന്ന കാര്യം ഇന്നലെ അറിയിച്ചിരുന്നു. ഇന്ന് രാവിലെ പത്രസമ്മേളനം വിളിച്ച് പാർട്ടി വിടുന്ന കാര്യം ഔദ്യോഗികമായി പ്രഖ്യാപിക്കുകയായിരുന്നു. അഞ്ചു പതിറ്റാണ്ടായി കോൺഗ്രസുമായുള്ള ബന്ധം ഉപേക്ഷിച്ച് പടിയിറങ്ങുകയാണ്. കോൺഗ്രസിന്റെ ഡിഎൻഎ എല്ലാ അർഥത്തിലും മാറിയെന്നും ഗതികെട്ടാണ് താൻ ധർമടത്ത് മത്സരിച്ചതെന്നും മത്സരിക്കുന്പോൾ തനിക്ക് യാതൊരു പിന്തുണയും പാർട്ടി നല്കിയില്ലെന്നും രഘുനാഥ് മാധ്യമങ്ങളോട് പറഞ്ഞു. കെപിസിസി പ്രസിഡന്റ് കെ. സുധാകരനുമായി അടുത്ത ബന്ധം പുലർത്തിയിരുന്നു രഘുനാഥ് അടുത്തിടെ സുധാകരനുമായി അകന്നിരുന്നു. ഇതിനു പിന്നാലെ കണ്ണൂർ ഡിസിസിക്കെതിരെയും നേതാക്കൾക്കെതിരെയും വിമർശനവും ഉന്നയിച്ചിരുന്നു. നവകേരള സദസിനെതിരേ ധർമടം മണ്ഡലത്തിൽ യുഡിഎഫ് സംഘടിപ്പിച്ച വിചാരണ സദസിൽ പങ്കെടുക്കാതെ രഘുനാഥ്…
Read Moreവിഷാദരോഗം; ഭാര്യയെയും കുട്ടികളെയും കൊലപ്പെടുത്തി ഡോക്ടർ ആത്മഹത്യ ചെയ്തു
റായ്ബറേലി: ഭാര്യയെയും രണ്ട് മക്കളെയും കൊലപ്പെടുത്തിയ ശേഷം ഡോക്ടർ തൂങ്ങിമരിച്ചു. ചൊവ്വാഴ്ച രാത്രി വീട്ടുകാരിൽ നിന്ന് ആരും ഫോൺ കോളുകൾക്ക് മറുപടി നൽകാത്തതിനെ തുടർന്ന് ഡോക്ടറുടെ സഹപ്രവർത്തകർ പോലീസിൽ വിവരമറിയിച്ചതോടെയാണ് സംഭവം പുറത്തറിയുന്നത്. പോലീസ് എത്തിയാണ് വാതിൽ തകർത്ത് അകത്ത് കടന്ന് മൃതദേഹങ്ങൾ കണ്ടെത്തി. മിർസാപൂർ സ്വദേശിയായ അരുൺ കുമാർ സിംഗ് (45) 2017 മുതൽ മോഡേൺ റെയിൽ കോച്ച് ഫാക്ടറി ഹോസ്പിറ്റലിൽ നേത്രരോഗ വിദഗ്ധനായിരുന്നു. ഭാര്യ അർച്ചന (40), മകൻ ആരവ് (5), മകൾ ആരിബ (14) എന്നിവർക്കൊപ്പമാണ് ഇയാൾ താമസിച്ചിരുന്നത്. റിപ്പോർട്ടുകൾ പ്രകാരം, സിംഗ് തന്റെ കുട്ടികളെ കൊല്ലുന്നതിന് മുമ്പ് അവരെ അബോധാവസ്ഥയിലാക്കാൻ ആദ്യം മയക്കുമരുന്ന് കുത്തിവച്ചതായി പോലീസ് സൂപ്രണ്ട് അലോക് പ്രിയദർശി പറഞ്ഞു. പ്രാഥമിക അന്വേഷണത്തിൽ ഡോക്ടർ വിഷാദരോഗത്തിന് അടിമയായിരുന്നുവെന്ന് പോലീസ് പറഞ്ഞു. രണ്ട് ദിവസം മുമ്പ് ഞായറാഴ്ചയാണ് കുടുംബത്തെ അവസാനമായി കണ്ടതെന്ന്…
Read Moreകോവിഡ്; ജീവിതം അവസാനിപ്പിച്ചത് 35,950 വിദ്യാർഥികൾ; ആത്മഹത്യയിൽ മുന്നിൽ മഹാരാഷ്ട്ര
ന്യൂഡൽഹി: കോവിഡ് കാലത്ത്(2019-21) രാജ്യത്ത് ആത്മഹത്യ ചെയ്തത് 35,950 വിദ്യാർഥികൾ. കേന്ദ്ര സാമൂഹികനീതി ശാക്തീകരണ മന്ത്രാലയം പാർലമെന്റിൽ സമർപ്പിച്ച കണക്കിലാണ് ഈ വെളിപ്പെടുത്തൽ. സാമൂഹികവിവേചനംമൂലം ആത്മഹത്യചെയ്ത പട്ടികജാതി-പട്ടികവർഗ-പിന്നാക്ക സമുദായങ്ങളിലെ വിദ്യാർഥികളുടെ വിവരങ്ങൾ തേടിയുള്ള ചോദ്യത്തിനു മറുപടിയായാണ് ഇക്കാര്യം അറിയിച്ചത്. ദേശീയ ക്രൈം റിക്കാർഡ്സ് ബ്യൂറോയുടെ (എൻസിആർബി) കണക്കുകൾ പ്രകാരം 2019ൽ 10,335 വിദ്യാർഥികളാണ് ജീവിതം അവസാനിപ്പിച്ചത്. 2020ൽ ഇത് 12,526 ആയി ഉയർന്നു. 2021ൽ 13,089യും വർധിച്ചതായി സഹമന്ത്രി അബ്ബയ്യ നാരായണസ്വാമി പറഞ്ഞു. പ്രസ്തുത കാലയളവിൽ കേരളത്തിൽ യഥാക്രമം 418, 468, 497 വിദ്യാർഥികൾ ജീവനൊടുക്കി. വിദ്യാർഥി ആത്മഹത്യയിൽ മുന്നിൽ മഹാരാഷ്ട്ര (4969)യാണ്. മിസോറ(25)മിലാണ് കുറവ്. കേന്ദ്രഭരണപ്രദേശങ്ങളിൽ ഡൽഹിയിലാണ് (854) ഏറ്റവും കൂടുതൽ വിദ്യാർഥി ആത്മഹത്യ. ലക്ഷദ്വീപിൽ ഒരു ആത്മഹത്യ പോലും നടന്നില്ലെന്നതും ശ്രദ്ധേയമായി.
Read Moreമഴ ശക്തമാകും; കടലാക്രമണത്തിന് സാധ്യത
തിരുവനന്തപുരം: സംസ്ഥാനത്ത് വീണ്ടും മഴ ശക്തമാകുന്നു. നാളെയും ശനിയാഴ്ചയും എറണാകുളം, ഇടുക്കി ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ ശക്തമായ മഴയാണ് പ്രവചിക്കുന്നത്. മണിക്കൂറിൽ 40 കിലോമീറ്റർ വേഗതയിൽ കാറ്റ് വീശാനും സാധ്യതയുണ്ട്. അതേസമയം കേരളതീരത്ത് ഉയർന്ന തിരമാലകൾക്കും കടലാക്രമണത്തിനും സാധ്യതയുണ്ടെന്ന് സമുദ്രസ്ഥിതി പഠന ഗവേഷണ കേന്ദ്രം അറിയിച്ചു. കേരളതീരത്ത് ഇന്ന് രാത്രി 11.30വരെ 0.6 മുതൽ 1.5 മീറ്റർ വരെ ഉയർന്ന തിരമാലകൾക്കാണ് സാധ്യത.
Read Moreതൃക്കരിപ്പൂരിൽ പോപ്പുലർ ഫ്രണ്ട് നേതാവായിരുന്നയാളുടെ സഹോദരങ്ങളുടെ വീടുകളിൽ എൻഐഎ റെയ്ഡ്
തൃക്കരിപ്പൂർ: പോപ്പുലർ ഫ്രണ്ട് കാസർഗോഡ് ജില്ല പ്രസിഡന്റായിരുന്ന സി.ടി. സുലൈമാന്റെ സഹോദരങ്ങളുടെ വീടുകളിൽ ദേശീയ അന്വേഷണ ഉദ്യോഗസ്ഥരുടെ പരിശോധന. ഇന്നുരാവിലെ 6.30 മുതൽ ആരംഭിച്ച പരിശോധന 10 വരെ നീണ്ടു. മെട്ടമ്മൽ ബീച്ച് റോഡിലുള്ള സഹോദരിയുടെ വീട്ടിലാണു രാവിലെ 6.30ന് രണ്ടു വാഹനങ്ങളിലായാണു കേന്ദ്ര സേനാംഗങ്ങൾക്കൊപ്പം എൻഐഎ ഉദ്യോഗസ്ഥർ എത്തിയത്. വീട്ടുകാരുമായി ഒരു മണിക്കൂറോളം സംസാരിച്ച സംഘം ഉടുമ്പുന്തല മസ്ക്കറ്റ് റോഡിലെ സഹോദരന്റെ വീട്ടിലെത്തി പരിശോധന നടത്തി. കഴിഞ്ഞ വർഷം സെപ്റ്റംബർ 22ന് പോപ്പുലർ ഫ്രണ്ട് ജില്ലാ പ്രസിഡന്റായ സി.ടി. സുലൈമാനെ പയ്യന്നൂർ റെയിൽവേ സ്റ്റേഷൻ പരിസരത്തുനിന്നും ദേശീയ അന്വേഷണ സംഘം അറസ്റ്റ് ചെയ്തിരുന്നു. അന്നു പുലർച്ചെ നാലിന് സുലൈമാന്റെ മെട്ടമ്മലിലെ വീട്ടിലും കാസർഗോഡ് പെരുമ്പള പാലത്തിനു സമീപം പ്രവർത്തിക്കുന്ന പോപ്പുലർ ഫ്രണ്ട് ജില്ലാ ഓഫീസിലും റെയ്ഡ് നടത്തിയിരുന്നു. ഇന്നു രാവിലെ മുതൽ നടന്ന പരിശോധനയുടെ…
Read More