തിരുവനന്തപുരം: ദുബായിലെ പ്രമുഖ ഹോംഹെൽത്ത് കെയർ സെന്ററിൽ ഹോം നഴ്സായി വനിതാ നഴ്സുമാരെ നോർക്ക റൂട്ട്സ് മുഖേന തെരഞ്ഞെടുക്കും. 25നും 40 നും മധ്യേ പ്രായമുള്ള ബിഎസ്സി വനിതാ നഴ്സുമാർക്ക് രജിസ്റ്റർ ചെയ്യാം. രണ്ടു വർഷത്തെ പ്രവൃത്തി പരിചയമുള്ളവർക്ക് മുൻഗണന. ശമ്പളം 4,000 യുഎഇ ദിർഹം (ഏകദേശം 77,600 രൂപ) വരെ. താല്പര്യമുള്ളവർ ബയോഡേറ്റ nrkhom [email protected] ൽ 25 നകം സമർപ്പിക്കണം. വിവരങ്ങൾ 18004253939 (ഇന്ത്യയിൽ നിന്ന്) 00918802012345 (വിദേശത്തു നിന്നു മിസ്ഡ് കോൾ സേവനം) ൽ ലഭിക്കും.
Read MoreCategory: NRI
കണ്ടപ്പോള് കൗതുകം! ഉടമയുടെ വിവാഹമോതിരം അകത്താക്കി വളര്ത്തു നായ
ഉടമയുടെ വിവാഹമോതിരം വിഴുങ്ങി വളര്ത്തുനായ. സൗത്ത് ആഫ്രിക്കയിലാണ് സംഭവം. വീട്ടില് വച്ചാണ് വിരലില് നിന്നും ഊരി മാറ്റി വച്ച മോതിരം നായ അകത്താക്കിയത്. സംഭവം കണ്ട ഉടമ ഉടന് തന്നെ പട്ടിയുമായി വാലി ഫാം ആനിമല് ഹോസ്പിറ്റലില് എത്തുകയായിരുന്നു. പട്ടിയുടെ ശരീരത്തിനുള്ളില് മോതിരം കിടക്കുന്നതിന്റെ ചിത്രം ആശുപത്രി അധികൃതരാണ് സോഷ്യല് മീഡിയയില് പങ്കുവച്ചത്. ദീര്ഘ നേരത്തെ ചികിത്സയ്ക്ക് ശേഷം നായയുടെ വയറ്റില് നിന്നും മോതിരം പുറത്തെടുക്കുവാന് സാധിച്ചു. പിന്നീട് നായ ഉടമയ്ക്കൊപ്പം വീട്ടിലേക്ക് മടങ്ങുകയും ചെയ്തു.
Read More328 ദിവസം! ഭൂമിക്കുചുറ്റും വലംവച്ചത് 5248 തവണ; ബഹിരാകാശത്ത് റിക്കാർഡിട്ട് ക്രിസ്റ്റിന തിരിച്ചെത്തി
ടെക്സസ്: ബഹിരാകാശത്ത് ഏറ്റവും കൂടുതൽ ദിവസം ചിലവഴിച്ച വനിതാ ബഹിരാകാശ സഞ്ചാരി ക്രിസ്റ്റിന കോച്ച് ദൗത്യം നിറവേറ്റി തിരിച്ചെത്തി. ക്രിസ്റ്റീന (ടെക്സസ്), ലുക്ക പർമിറ്റാനൊ (ഇറ്റലി), അലക്സാണ്ടർ സ്ക്വവോർട്ട്സോവ് (റഷ്യ) എന്നീ മൂന്നു സഞ്ചാരികളെയും വഹിച്ചുള്ള സൊയൂസ് സ്പെയ്സ് കാപ്സ്യൂർ ഖസാക്കിസ്ഥാനിലുള്ള കസക്ക് ടൗണിൽ സുരക്ഷിതമായി ഇറങ്ങി. 288 ദിവസം ബഹിരാകാശത്തു ചിലവഴിച്ച പെഗ്ഗി വിറ്റ്സണിന്റെ റിക്കാർഡാണ് ക്രിസ്റ്റിന തിരുത്തിയത്. 328 ദിവസം ബഹിരാകാശത്ത് കഴിഞ്ഞ ക്രിസ്റ്റിന ഭൂമിക്കുചുറ്റും 5248 തവണയാണ് വലം വച്ചത്. ഇതിനിടയിൽ സ്പേയ്സ് സ്റ്റേഷനിൽ നിന്നും ആറു തവണ പുറത്തിറങ്ങുകയും 42 മണിക്കൂർ 15 മിനിട്ട് ഇന്റർനാഷനൽ സ്പേയ്സ് സ്റ്റേഷനു പുറത്തു നിരവധി പ്രവർത്തനങ്ങളിലും ഗവേഷണങ്ങളിലും ഏർപ്പെടുകയും ചെയ്തു. ബുധനാഴ്ച രാവിലെ 8.30 നോടടുത്താണ് ഇന്റർ സ്പേയ്സ് സ്റ്റേഷനിൽ നിന്നും ഇവരുടെ വിടവാങ്ങൽ ചടങ്ങുകൾ പൂർത്തീകരിച്ചത്. ദൗത്യം വിജയകരമായി പൂർത്തീകരിച്ച ക്രിസ്റ്റിന, എത്രയും…
Read Moreഅഞ്ചു കുടുംബാംഗങ്ങളെ വെടിവച്ചു കൊലപ്പെടുത്തി; പ്രതിയുടെ ശിക്ഷ നടപ്പാക്കി
ഹൂസ്റ്റണ്: പതിനെട്ടു വര്ഷങ്ങള്ക്കുമുമ്പ് അഞ്ചു കുടുംബാംഗങ്ങളെ വെടിവച്ചു കൊലപ്പെടുത്തിയ പ്രതിഏബല് ഓച്ചോയുടെ വധശിക്ഷ ഫെബ്രുവരി ആറാംതീയതി വ്യാഴാഴ്ച വൈകിട്ട് ഹണ്ട്സ് വില്ല ജയിലില് നടപ്പാക്കി. 2020-ല് ടെക്സസില് നടപ്പാക്കുന്ന രണ്ടാമത്തെ വധശിക്ഷയാണിത്. മയക്കുമരുന്നു വാങ്ങുന്നതിനു പണം നല്കാന് വിസമ്മതിച്ചതില് പ്രകോപിതനായി ഭാര്യ സിസിലിയ (32), ഏഴു വയസുകാരി മകള് ക്രിസ്റ്റല്, ഏഴുമാസം പ്രായമുള്ള മകള് അനഫി, ഭാര്യാപിതാവ് ബാര്ട്ട്ലോ (56), ഭാര്യാസഹോദരി ജാക്വിലിന് (20) എന്നിവരെയാണ് ഏബല് ഓച്ചോ വീട്ടില് വച്ചു കൊലപ്പെടുത്തിയത്. മറ്റൊരു ഭാര്യാ സഹോദരി ആത്മയ്ക്ക് വെടിയേറ്റെങ്കിലും മരണത്തില് നിന്നും രക്ഷപെട്ടിരുന്നു. ബുധനാഴ്ച പ്രതിയുടെ അപ്പീല് യുഎസ് സുപ്രീംകോടതി തള്ളിയതിനു തുടര്ന്നു വിഷമിശ്രിതം കുത്തിവെച്ചു വധശിക്ഷ നടപ്പാക്കുകയായിരുന്നു. ചെയ്തതു തെറ്റായിരുന്നുവെന്നും, മാപ്പപേക്ഷിക്കുന്നുവെന്നും നീണ്ട ജയില് ജീവിതത്തിനിടയില് ക്രിസ്തുവിനെ രക്ഷിതാവായി സ്വീകരിക്കാന് അവസരം ലഭിച്ചുവെന്നും അതുകൊണ്ടുതന്നെ മരണത്തെ ഭയമില്ലെന്നും ഏബല് പറഞ്ഞു. റിപ്പോര്ട്ട്: പി.പി. ചെറിയാന്
Read Moreനീ തവളയല്ല, പുലിയാണ്..! ലോകത്തിലെ ഏറ്റവും വിഷമുള്ള പാമ്പിനെ അകത്താക്കിയ തവള രക്ഷപെട്ടു
ലോകത്തിലെ ഏറ്റവും വിഷമുള്ള പാമ്പിനെ അകത്താക്കിയ തവള അത്ഭുതകരമായി രക്ഷപെട്ടു. ഓസ്ട്രിയയിലെ ടൗണ്സ്വില്ലെയിലാണ് സംഭവം. ലോകത്തിലെ ഏറ്റവും വിഷമുള്ള മൂന്നാമത്തെ പാമ്പായ കോസ്റ്റല് തായ്പന്നെ വീടിന്റെ സമീപം കണ്ടെത്തിയെന്ന് ഒരു യുവതി സ്നേക് ടേക് എവേ ആന്ഡ് ചാപല് പെസ്റ്റ് കണ്ട്രോളിന്റെ ഉടമയായ ജമീ ചാപ്പലിനെ വിളിച്ച് അറിയിച്ചിരുന്നു. ഉടന് തന്നെ വീട്ടിലെത്തിയ ജമീ കണ്ടത് പാമ്പിനെ ഒരു തവള അകത്താക്കിയതാണ്. ഇവര് എത്തുമ്പോൾ പാമ്പിന്റെ തലഭാഗം മാത്രം പുറത്തുള്ള അവസ്ഥയിലായിരുന്നു. ഇവര് ഉടന് തന്നെ തവളയുമായി സ്ഥലത്തു നിന്നും മടങ്ങുകയും ചെയ്തു. എന്നാല് പാമ്പിന് ഇതുവരെ യാതൊരു കുഴപ്പവുമില്ലെന്നാണ് ജനീ പറയുന്നത്. ഫേസ്ബുക്ക് കുറിപ്പ് പങ്കുവച്ചാണ് ഇവര് സംഭവത്തെക്കുറിച്ച് അറിയിച്ചത്. സംഭവം എന്തായാലും വൈറലായി മാറിയിരിക്കുകയാണ്.
Read Moreആരും പേടിക്കേണ്ട, ഓടിക്കോ..! കുരങ്ങന്മാരെ തുരത്താന് “കരടിയെ’ ഇറക്കി വിമാനത്താവള ജീവനക്കാര്
വിമാനത്താവളത്തില് കുരങ്ങന്മാരുടെ ശല്യം ഒഴിവാക്കാന് കരടിയുടെ വേഷം ധരിച്ച് ജീവനക്കാര്. ഗുജറാത്തിലെ സര്ദാര് വല്ലഭായി പട്ടേല് വിമാനത്താവളത്തിലാണ് സംഭവം. ഇവിടെ കുരങ്ങ് ശല്യം അതിരൂക്ഷമാണ്. ഇതിനെ തുടര്ന്ന് ഒരാഴ്ച മുന്പാണ് ജീവനക്കാര് പുതിയ ആശയം പരീക്ഷിക്കുന്നത്. കരടിയുടെ വേഷം ധരിച്ച ജീവനക്കാരന് കുരങ്ങന്മാരെ ഓടിച്ചു വിടുന്നതാണ് ദൃശ്യങ്ങളിലുള്ളത്. ഇതിന് മുന്പ് ഉത്തര്പ്രദേശിലെ ഒരു ഗ്രാമവാസികള് കുരങ്ങന്മാരുടെ ശല്യം ഒഴിവാക്കാന് കരടി വിദ്യ പരീക്ഷിച്ചിരുന്നു.
Read Moreകൊറോണ വൈറസ് ബാധിതരെ പരിചരിക്കുവാൻ റോബോട്ടുകൾ; പ്രവര്ത്തനങ്ങള് ഇങ്ങനെ…
കൊറോണ വൈറസ് ബാധിതരെ ചികിത്സിക്കുവാൻ റോബോട്ടുകളെ രംഗത്തിറക്കി ചൈന. ഹാംഗ്ഷൂവിലെ ഒരു ഹോട്ടലിലാണ് ലിറ്റിൽ പീനട്ട് എന്ന് പേരുള്ള ഈ റോബോട്ടുള്ളത്. രോഗം ഒരാളിൽ നിന്നും മറ്റൊരാളിലേക്ക് പകരുന്നത് തടയുവാൻ ഈ ആശയം കൊണ്ട് സാധിക്കും. കൊറോണ ബാധിതരെന്ന് സംശയിച്ച് ഒരിടത്ത് പാർപ്പിച്ചിരിക്കുന്നവർക്ക് റോബോട്ട് ഭക്ഷണം നൽകുന്നതിന്റെ ദൃശ്യങ്ങൾ വൈറലാണ്. ആശുപത്രികളിൽ രോഗികൾക്ക് മരുന്ന് നൽകുന്നതിനും മറ്റും റോബോട്ടുകളെ ഉപയോഗിച്ചു വരികയാണ്. ചൈനയിൽ മാത്രമല്ല വാഷിംഗ്ടണിലെ എവററ്റിലെ പ്രൊവിഡൻസ് റീജിയണൽ മെഡിക്കൽ സെന്ററിലെ ഉദ്യോഗസ്ഥർ ആദ്യമായി കൊറോണ സ്ഥിരീകരിച്ച രോഗിയെ പരിചരിക്കുവാൻ റോബോട്ടിന്റെ സഹായമാണ് തേടിയത്. കഴിഞ്ഞ ദിവസങ്ങളിലായി 16 നിലകളുള്ള ഹോട്ടലിൽ നിരവധി റോബോട്ടുകളെ വിന്യസിച്ചിരുന്നു. രോഗിയുമായി എത്ര കുറച്ച് ഇടപഴകുന്നോ അത്രെയും നല്ലതാണെന്നാണ് ചൈനയിലെ ടഗ് എന്ന് പേരുള്ള റോബോട്ടിനെ നിർമിച്ച എയ്തോൺ കമ്പനിയുടെ എക്സിക്യൂട്ടിവ് പീറ്റർ സെയ്ഫ് നൽകുന്ന വിശദീകരണം. ആശുപത്രികളിൽ രോഗികൾക്കുള്ള…
Read Moreഈ മീൻ ഇതെന്താ ഇങ്ങനെ ? വെള്ളം ഒഴുകി വരുന്ന ഭിത്തിയുടെ എതിർ ദിശയിലേക്ക് നീന്തിക്കയറാൻ പാടുപെട്ട് മീൻ; വീഡിയോ കാണാം
വെള്ളം ഒഴുകി വരുന്ന ഭിത്തിയുടെ എതിർ ദിശയിലേക്ക് നീന്തിക്കയറാൻ ശ്രമിക്കുന്ന മീനിന്റെ വീഡിയോ സോഷ്യൽമീഡിയയിൽ ഹിറ്റ്. ഈ ദൃശ്യങ്ങൾ എവിടെ നിന്നും പകർത്തിയതാണെന്ന് വ്യക്തമല്ല. ഏറെ നേരത്തെ പരിശ്രമത്തിനൊടുവിൽ മീൻ വിജയം കൈവരിക്കുന്നിടത്ത് വീഡിയോ അവസാനിക്കുകയാണ്. സംഭവം സോഷ്യൽമീഡിയയിൽ വൈറലായതിന് പിന്നാലെ പ്രതികരണവുമായി നിരവധിയാളുകൾ രംഗത്തെത്തിയിട്ടുണ്ട്. ഇതിന് മുൻപ് 2015ൽ സമാനമായ വീഡിയോ ദൃശ്യങ്ങൾ വൈറലായി മാറിയിരുന്നു.
Read Moreബൈക്ക് യാത്രികർക്ക് മുന്നിൽ സിംഹം; പിന്നീട് നടന്നത്…
യാത്രികർക്ക് കടന്ന് പോകുവാൻ പെണ് സിംഹവും കുഞ്ഞുങ്ങളും വഴി മാറി കൊടുക്കുന്നതിന്റെ ദൃശ്യങ്ങൾ വൈറലാകുന്നു. ഗുജറാത്തിലെ ഗിർ വനത്തിലാണ് സംഭവം. മണ് റോഡിൽ നിൽക്കുകയായിരുന്നു അമ്മ സിംഹവും കുഞ്ഞുങ്ങളും. ഒരു വാഹനത്തിന്റെ ശബ്ദം കേട്ട ഇവർ മുന്നോട്ട് നടന്ന് നീങ്ങുമ്പോൾ എതിർ വശത്ത് നിന്നും ഒരു ബൈക്ക് വന്ന് നിന്നു. എന്നാൽ ആക്രമണത്തിന് മുതിരാതെ അമ്മ സിംഹം കുഞ്ഞുങ്ങളെയും കൂട്ടി കാടിനുള്ളിലേക്ക് കയറി പോകുകയായിരുന്നു. രാജ്യസഭാംഗമായ പരിമൾ നത്വാനിയാണ് ഈ ദൃശ്യങ്ങൾ പങ്കുവച്ചത്.
Read Moreവാഹനപരിശോധനയ്ക്കിടെ കടന്നുകളയാൻ ശ്രമം; ബോണറ്റിൽ ചാടിക്കയറിയ പോലീസുമായി കാർ സഞ്ചരിച്ചത് രണ്ട് കിലോമീറ്റർ
വാഹനപരിശോധനയ്ക്കിടെ കടന്ന് കളയാൻ ശ്രമിച്ചയാളുടെ കാറിന്റെ ബോണറ്റിൽ ചാടി കയറി പോലീസ് ഉദ്യോഗസ്ഥൻ. ഡൽഹിയിലാണ് സംഭവം. വഴിയിൽ വാഹനപരിശോധന നടത്തുന്നതിനിടെ വന്ന കാർ നിർത്താൻ പോലീസ് ആവശ്യപ്പെട്ടു. എന്നാൽ കാർ നിർത്താൻ ഡ്രൈവർ തയാറായില്ല. ഇവരെ തടയുവാൻ പോലീസ് ഉദ്യോഗസ്ഥരിൽ ഒരാൾ കാറിന്റെ ബോണറ്റിലേക്ക് ചാടി കയറി. എന്നാൽ വാഹനം നിർത്താതെ ബോണറ്റിൽ കിടക്കുന്ന പോലീസുമായി കാർ മുൻപിലേക്ക് സഞ്ചരിച്ചു. ഏകദേശം രണ്ട് കിലോമീറ്റർ മുൻപിലേക്ക് പോയി പോലീസ് ഉദ്യോഗസ്ഥനെ വഴിയിൽ ഇറക്കി വിട്ടതിന് ശേഷം ഡ്രൈവർ കാറുമായി കടന്നുകളയുകയായിരുന്നു. സംഭവത്തിൽ പോലീസ് ഉദ്യോഗസ്ഥന് പരിക്കേറ്റു. നവംബറിൽ നടന്ന സംഭവത്തിന്റെ ദൃശ്യങ്ങൾ അടുത്തിടെയാണ് വൈറലായത്. ഇയാളെ കണ്ടെത്തുവാൻ പോലീസ് അന്വേഷണം ആരംഭിച്ചിട്ടുണ്ട്.
Read More