മുന് ക്രിക്കറ്റ് താരം കുമാര് സംഗക്കാര ശ്രീലങ്കന് വിഭവമായ തേങ്ങാ സാമ്പോള് ഉണ്ടാക്കുന്നതിന്റെ ചിത്രത്തിലാണ് സോഷ്യല്മീഡിയയുടെ കണ്ണുടക്കുന്നത്. മലയാളികള് തേങ്ങാ ചമ്മന്തിയുണ്ടാക്കുന്ന വിധമാണ് തേങ്ങാ സാമ്പോളും ഉണ്ടാക്കുന്നത്. സംഗക്കാര തന്നെയാണ് ഈ ചിത്രം ട്വിറ്ററിലൂടെ പങ്കുവച്ചത്. കുടുംബത്തോടൊപ്പം ലണ്ടനില് അവധി ആഘോഷിക്കുകയാണ് താരം. ചിത്രം ആരാധകര് ആഘോഷമാക്കുകയാണ്. രസകരമായ പ്രതികരണവും ചിത്രത്തിന് ലഭിക്കുന്നുണ്ട്.
Read MoreCategory: NRI
കഴുതയുമായി ട്രെയിനിൽ; കർഷകൻ പെട്ടു
കഴുതയുമായി ട്രെയിനിൽ യാത്ര ചെയ്ത കർഷകൻ പുലിവാൽ പിടിച്ചു. കഴുതയുടെ ട്രെയിൻ യാത്ര നാട്ടുകാരിൽ കൗതുകവും പ്രതിഷേധവുമുണ്ടാക്കി. ഈജിപ്തിലാണ് സംഭവം. പല രാജ്യങ്ങളിലും മൃഗങ്ങളുമായി യാത്രക്കാർ ട്രെയിനിൽ കയറാറുണ്ടെങ്കിലും ഈജിപ്തിൽ അത് സാധാരണമല്ല. ഖിനാ പ്രവിശ്യയിലെ നഗഅ് ഹമ്മാദി നഗരത്തിൽനിന്ന് ദക്ഷിണ ഈജിപ്തിലെ ലക്സോറിലേക്കായിരുന്നു കഴുതയോടൊപ്പം കർഷകന്റെ യാത്ര. ഇതിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുകയും വാർത്ത പത്രങ്ങളിൽ വരികയും ചെയ്തതോടെ റെയിൽവെ അഥോറിറ്റി വിശദീകരണ പ്രസ്താവന പുറത്തിറക്കി. കർഷകൻ ഇപ്പോൾ കോടതിയിൽ നിയമ നടപടി നേരിടുകയാണ്. ഡോറിനു സമീപമുള്ള തൂണിൽ ഇയാൾ കഴുതയെ കെട്ടിയിട്ടു. അബ്നൂദിലെ കാലിച്ചന്തയിൽനിന്ന് കഴുതയെ വാങ്ങി സ്വദേശമായ ലക്സോറിലേക്ക് കൊണ്ടുപോകുകയായിരുന്നു. കുറഞ്ഞ ചെലവിൽ കഴുതയെ ലക്സോറിലെത്തിക്കാൻ മറ്റു മാർഗമില്ലാത്തതിനാൽ ട്രെയിനിൽ കയറ്റുകയായിരുന്നു. ടിക്കറ്റ് കളക്ടർ ട്രെയിനിനകത്ത് കഴുതയെ കണ്ടതോടെ മർകസ് ഖോസ് റെയിൽവെ സ്റ്റേഷനിൽ ഇറക്കാൻ ശ്രമിച്ചു. എന്നാൽ കഴുതയെ ഇറക്കിവിട്ടാൽ താൻ…
Read Moreകൊടുങ്കാറ്റ് അനുഗ്രഹിച്ചു; വിമാനം രണ്ടു മണിക്കൂർ നേരത്തെ പറന്നെത്തി
ഏഴു വർഷത്തിനിടെ ഉണ്ടായ ഏറ്റവും വലിയ കൊടുങ്കാറ്റാണ് യുകെയിലും യൂറോപ്പിലും വീശിയടിക്കുന്നത് എന്നാൽ സിയര കൊടുങ്കാറ്റിനെ ലണ്ടനിലേക്കുള്ള യാത്രയിൽ പ്രയോജനപ്പെടുത്തി റിക്കാർഡ് സ്ഥാപിച്ചിരിക്കുകയാണ് ബ്രിട്ടീഷ് എയർവേയ്സ് വിമാനങ്ങൾ. കാറ്റിന്റെ വേഗവും ഗതിയും പ്രയോജനപ്പെട്ടതോടെ 1,290 കിലോമീറ്റർ വേഗത്തിലാണ് ന്യൂയോർക്കിൽനിന്നും ഹീത്രുവിലേക്ക് പുറപ്പെട്ട വിമാനം പറന്നത്. ഇതോടെ 4.56 മണിക്കൂറുകൾ കൊണ്ട് ഹീത്രു വിമാനത്താവളത്തിൽ ബ്രിട്ടീഷ് എയർവേയ്സിന്റെ ബോയിംഗ് 747 വിമാനം ലാൻഡ് ചെയ്തു. സാധാരണ ഏഴുമണിക്കൂർ വേണ്ടിടത്താണ് ഇത്. ഏറ്റവും വേഗത്തിൽ ലക്ഷ്യസ്ഥാനത്തെത്തി ഈ വിമാനം റിക്കാർഡിട്ടു. രണ്ട് മണിക്കൂറാണ് യാത്രസമയത്തിൽ കുറവ് വന്നത്. ഈ വിമാനം ലാൻഡ് ചെയ്തതിന് തൊട്ടുപിന്നാലെ വെർജിൻ അറ്റ്ലാന്റിക് കന്പനിയുടെ വിമാനം ഒരുമിനിറ്റ് മാത്രം വൈകി ഹീത്രുവിൽ ലാൻഡ് ചെയ്തു. ഞായറാഴ്ച ഇതേ കന്പനിയുടെ മറ്റൊരു വിമാനവും സമാനമായ രീതിയിൽ ലാൻഡ് ചെയ്തിരുന്നു. എന്നാൽ തിരിച്ച് ന്യൂയോർക്കിലേക്കുള്ള യാത്രാവിമാനങ്ങളെ സംബന്ധിച്ചിടത്തോളം ശ്രമകരമാണ്.…
Read Moreആ നീളന് കൊമ്പുകള് ഓര്മയായി; “ടിം ‘വിടവാങ്ങി
ലോകത്തിലെ ഏറ്റവും നീളം കൂടിയ കൊമ്പുള്ള ആനയെന്ന ബഹുമതിക്ക് ഉടമയായിരുന്ന ആന ചരിഞ്ഞു. ആമ്പോസ്ലി ദേശിയ പാര്ക്കിലാണ് ആനയെ ചരിഞ്ഞ നിലയില് കണ്ടെത്തിയത്. ടിം എന്ന് പേരുള്ള ആനയ്ക്ക് 50 വയസുണ്ട്. ആഫ്രിക്കന് ഭൂഖണ്ഡത്തിലെ ഏറ്റവും വലിയ കൊമ്പിനുടമയായ ടിമ്മിന്റെ കൊമ്പിന് ഏകദേശം 45 കിലോയോളം ഭാരമുണ്ടായിരുന്നു. ഗ്രാമങ്ങളിലെ കൃഷിയിടങ്ങളിലിറങ്ങി വിളകള് നശിപ്പിക്കുന്ന സ്വഭാവമുള്ള ടിമ്മിന് നിരവധി തവണ കുന്തം കൊണ്ടുള്ള ആക്രമണം നേരിടേണ്ടി വന്നിട്ടുണ്ട്. ഇതിന് ശേഷം ടിമ്മിന്റെ നീക്കങ്ങള് മനസിലാകുവാന് അധികൃതര് 2016ല് കോളര് ഘടിപ്പിച്ചു. ടിമ്മിന്റെ ജീവനില്ലാത്ത ശരീരം കെനിയയിലെ വനം വകുപ്പ് നെയ്റോബിയിലുള്ള നാഷണല് മ്യൂസിയത്തിന് നല്കി.
Read Moreപ്രണയദിനത്തില് കുതിരകള്ക്ക് മാംഗല്യം
പ്രണയദിനത്തില് കുതിരകള്ക്ക് മാംഗല്യം. ബംഗളൂരുവിലെ കബണ് പാര്ക്കിലാണ് ഏറെ വ്യത്യസ്തമായ വിവാഹത്തിന് വേദിയൊരുങ്ങിയത്. രാജാ, റാണി എന്നിങ്ങനെയാണ് കുതിരകളുടെ പേര്. നാദസ്വരവും തകിലും കൊട്ടുംപാട്ടുമായി വളരെ ആഘോഷപരമായാണ് ചടങ്ങുകള് നടന്നത്. ആക്ടിവിസ്റ്റും കന്നഡ വട്ടാള് പാര്ട്ടിയുടെ ചെയര്മാനുമായ വട്ടാള് നാഗ്രാജ് ആണ് ചടങ്ങുകള്ക്ക് നേതൃത്വം നല്കിയത്. ചടങ്ങിനെത്തിയവര്ക്ക് മധുര പലഹാരവും വിതരണം ചെയ്തു. പ്രണയദിനത്തിന് എതിരെ പ്രവര്ത്തിക്കുന്നവര്ക്കും പ്രണയിക്കുന്നവര്ക്ക് പിന്തുണ നല്കുകയുമാണ് ഈ വിവാഹത്തിലൂടെ ലക്ഷ്യം വച്ചതെന്ന് വട്ടാള് നാഗ്രാജ് പറഞ്ഞു. പ്രണയിക്കുന്നവര്ക്ക് കേന്ദ്രസര്ക്കാരും സംസ്ഥാന സര്ക്കാരും ധനസഹായം നല്കണമെന്നും നാഗ്രാജ് വ്യക്തമാക്കി. കഴിഞ്ഞ വര്ഷം പ്രണയദിനത്തില് ആടുകളെ വിവാഹം കഴിപ്പിച്ച് നാഗ്രാജ് വാര്ത്തകളില് ഇടം നേടിയിരുന്നു.
Read Moreബഹിരാകാശത്ത് നിന്നും മടങ്ങിയെത്തിയ യജമാനത്തിയെ കണ്ട വളര്ത്തുനായയുടെ സന്തോഷം
ബഹിരാകാശത്ത് 11 മാസങ്ങള് ചിലവിട്ടതിന് ശേഷം തിരികെ വീട്ടിലെത്തിയ ബഹിരാകാശ സഞ്ചാരിയെ കണ്ട വളര്ത്തുനായയുടെ സന്തോഷമാണ് സോഷ്യല്മീഡിയയുടെ കൈയടി നേടുന്നത്. നാസയുടെ ബഹിരാകാശ സഞ്ചാരിയായ ക്രിസ്റ്റീന കോച്ചാണ് 328 ദിവസങ്ങള്ക്ക് ശേഷം ഭൂമിയിലേക്ക് തിരികെയെത്തിയത്. ടെക്സസിലാണ് ഇവര് താമസിക്കുന്നത്. ക്രിസ്റ്റീനയെ കണ്ട സന്തോഷം അടക്കാനാകാതെ തുള്ളിച്ചാടുന്നത് വീഡിയോയില് കാണാം. നിലത്തിരുന്ന ക്രിസ്റ്റാനയുടെ ശരീരത്തിലേക്ക് നായ ചാടി കയറുകയും മുഖത്ത് നക്കുകയും ചെയ്തു. ദൃശ്യങ്ങള് വൈറലായി മാറുകയാണ്. ക്രിസ്റ്റീന ട്വിറ്ററില് പങ്കുവച്ചിരിക്കുന്ന വീഡിയോയ്ക്ക് നാസയും പ്രതികരണം നല്കിയിട്ടുണ്ട്.
Read Moreഅശ്രദ്ധമായി ആറുവരിപ്പാത മുറിച്ചുകടന്ന് ഓട്ടോ ഡ്രൈവർ, പിന്നാലെ കൂട്ടിയിടി; ഞെട്ടിക്കുന്ന അപകടദൃശ്യങ്ങൾ
ആറ് വരിപാത അശ്രദ്ധമായി മുറിച്ചു കടന്ന ഓട്ടോറിക്ഷ കാറുമായി കൂട്ടിയിടിച്ചുണ്ടായ അപകടത്തിന്റെ ഭീകരദൃശ്യങ്ങള് പുറത്ത്. ഗുജറാത്തിലെ മട്ടറിലെ ദേശിയ പാതയിലാണ് അപകടം നടന്നത്. സര്വീസ് റോഡില് കൂടിയെത്തിയ ഓട്ടോ, വാഹനം വരുന്നത് ശ്രദ്ധിക്കാതെ റോഡ് മുറിച്ചു കടന്നതാണ് അപകടത്തിന് കാരണമായത്. ഓട്ടോറിക്ഷയില് സഞ്ചരിച്ചവര്ക്ക് ഗുരുതര പരിക്കുണ്ടെന്നും കാര് യാത്രികര് സുരക്ഷിതരാണെന്നുമാണ് റിപ്പോര്ട്ടുകള് സൂചിപ്പിക്കുന്നത്. സമീപത്തെ സിസിടിവിയില് ആണ് അപകടത്തിന്റെ ദൃശ്യങ്ങള് പതിഞ്ഞത്.
Read Moreകൊറോണ വൈറസ് ബാധിതനായി അഭിനയിച്ചു; റഷ്യന് സ്വദേശിക്ക് അഞ്ച് വര്ഷത്തെ തടവ് ശിക്ഷ
മെട്രോ ട്രെയിനിനുള്ളില് കുഴഞ്ഞ് വീണ് കൊറോണ വൈറസ് രോഗിയായി അഭിനയിച്ചയാള്ക്ക് ജയില് ശിക്ഷ. റഷ്യയിലെ മോസ്കോയിലാണ് സംഭവം. പ്രാങ്ക് വീഡിയോ ചിത്രീകരിക്കുന്നതിന് വേണ്ടിയായിരുന്നു ഇയാൾ ഇങ്ങനെ ചെയ്തത്. മാസ്ക് ധരിച്ചെത്തിയ ഒരാള് ട്രെയിനിലെ യാത്രക്കാര്ക്കിടയിലേക്ക് വരുന്നതും നിലത്ത് വീണ് കിടന്ന് പിടയ്ക്കുന്നതുമാണ് ദൃശ്യങ്ങളിലുള്ളത്. സംഭവം കണ്ട് ഭയചകിതരായ യാത്രികര് സ്ഥലത്ത് നിന്നും ഓടി മാറുന്നതും വീഡിയോയില് വ്യക്തമാണ്. ഇയാള്ക്കൊപ്പമുണ്ടായിരുന്ന ഒരാള് പകര്ത്തിയ ദൃശ്യങ്ങള് നിമിഷനേരം കൊണ്ട് സോഷ്യല്മീഡിയയില് വൈറലായി മാറുകയായിരുന്നു. പിന്നീട് തമാശയ്ക്ക് ഒപ്പിച്ചപണിയായിരുന്നു ഇതെന്ന് അധികൃതര്ക്ക് മനസിലായതിനെ തുടര്ന്ന് ഇയാളെ പോലീസ് അറസ്റ്റ് ചെയ്തു. ഏകദേശം അഞ്ച് വര്ഷത്തെ തടവ് ശിക്ഷ ഇയാള് അനുഭവിക്കേണ്ടി വരുമെന്നാണ് റിപ്പോര്ട്ടുകള് സൂചിപ്പിക്കുന്നത്.
Read Moreആളിപ്പടർന്ന അഗ്നിയിൽനിന്നും സഹോദരിയെ രക്ഷിച്ച നാലുവയസുകാരന്റെ അവയവം ദാനം ചെയ്തു
ഫ്ലോറിഡ: ആളിപ്പടർന്ന അഗ്നി വീടിനെ വിഴുങ്ങുന്പോൾ നാലു വയസുകാരനായ സൈഡൻ മയറിന് ഒറ്റ ലക്ഷ്യം മാത്രമേ മനസിലുണ്ടായിരുന്നുള്ളൂ. തന്റെ സഹോദരിയെയും മുത്തച്ഛനേയും രക്ഷിക്കുക എന്നത്. ഒടുവിൽ പുകനിറഞ്ഞ മുറിയിൽനിന്നും അതിസാഹസികമായി സഹോദരിയെ രക്ഷിച്ച സൈഡന്, സ്വന്തം ജീവൻ തന്നെയാണ് ബലികൊടുക്കേണ്ടിവന്നത്. മരണത്തിനു കീഴടങ്ങിയ സൈഡന്റെ അവയവം ദാനം ചെയ്തിരുന്നു. അവയവങ്ങൾ സ്വീകരിച്ച നവജാത ഇരട്ടക്കുട്ടികൾക്കു പുതു ജീവിതം ലഭിച്ചതായി മാതാവ് അഭിമാനത്തോടെ പറയുന്നു. മകൻ പ്രകടിപ്പിച്ച ധീരതയിൽ അഭിമാനം കൊള്ളുന്നതായി അവർ അറിയിച്ചു. വെള്ളിയാഴ്ച്ച രാത്രി സൈഡനും മൂന്നുവയസുകാരി സഹോദരിയും മുത്തച്ഛനൊപ്പം വീട്ടിൽ ഉറങ്ങി കിടക്കുമ്പോഴാണു വീടിനു തീപിടിച്ചത്. മാതാവ് പുറത്തു ജോലിയിലായിരുന്നു. എന്നാൽ രോഗബധിതനായ മുത്തച്ഛൻ ഇതൊന്നും അറിഞ്ഞില്ല. മുറി മുഴുവൻ പുകകൊണ്ടു നിറഞ്ഞിരുന്നു. പുക അപകടകരമാണെന്ന് മനസിലാക്കിയ സൈഡൻ, ഇവർ കിടന്നിരുന്ന മുറിയുടെ ജനൽ തുറന്ന് മൂന്നുവയസുള്ള സഹോദരിയെ രക്ഷപ്പെടുത്തി. ഇതിനിടയിൽ പുക ശ്വസിച്ചു…
Read Moreകാണാതായ ആറുവയസുകാരിയെ മരിച്ച നിലയിൽ കണ്ടെത്തി; സമീപത്ത് ഒരു പുരുഷന്റെ മൃതദേഹവും
സൗത്ത് കരോളൈന: സൗത്ത് കരോളൈനയിലെ വീടിനു മുന്പിൽ നിന്നും ഫെബ്രുവരി 10 നു കാണാതായ ആറുവയസുകാരി ഫെയ മേരിയുടെ മൃതദേഹം കണ്ടെത്തിയതായി സയക്ക് പബ്ലിക് സേഫ്റ്റി ഡയറക്ടർ ബയ്റൺ അറിയിച്ചു. എന്നാൽ മൃതദേഹം എവിടെയാണു കണ്ടെത്തിയതെന്ന് വെളിപ്പെടുത്താൻ ഡയറക്ടർ വിസമ്മതിച്ചു. കുട്ടിയുടെ മൃതദേഹം കണ്ടെത്തിയ സ്ഥലത്തിനു സമീപം ചർച്ച് ഹിൽ ഹൈറ്റ്സിൽ നിന്നു മറ്റൊരു പുരുഷന്റെ മൃതദേഹവും തിരിച്ചറിയാനാകാത്ത വിധം കണ്ടെത്തിയതായി ബയ്റൺ അറിയിച്ചു. ഫെയുടെ മരണവുമായി ഇതിനു ബന്ധമുണ്ടോ എന്നു ഡയറക്ടർ വെളിപ്പെടുത്തിയിട്ടില്ല. തിങ്കളാഴ്ച വൈകിട്ട് സ്കൂളിൽ നിന്നും വീട്ടിലെത്തിയ കുട്ടിയെ വീടിനു മുന്പിൽ കളിച്ചു കൊണ്ടിരിക്കെ അപ്രത്യക്ഷയാകുകയായിരുന്നു. ഫെയെ അവസാനമായി കാണുമ്പോൾ ചർച്ച് ഹിൽ ഹൈറ്റ്സിൽ രണ്ട് അപരിചിത വാഹനങ്ങൾ കണ്ടെത്തിയതായി പറയപ്പെടുന്നു. എഫ്ബിഐ ഉൾപ്പെടെ നിരവധി പോലീസ് ഉദ്യോഗസ്ഥർ തിങ്കളാഴ്ച മുതൽ തന്നെ കുട്ടിയെ കണ്ടെത്തുന്നതിനുള്ള അന്വേഷണം ആരംഭിച്ചിരുന്നു. കുട്ടിയെ തട്ടിക്കൊണ്ടുപോയി എന്നതിനു…
Read More