ഓറിഗണ്: ഏറ്റവും കൂടുതൽ സമ്മാനങ്ങൾ കൈമാറുന്ന ക്രിസ്മസ് സീസണിൽ ഓറിഗണിൽ ഒരു മുത്തച്ഛൻ തന്റെ പേരക്കുട്ടികൾക്ക് സമ്മാനമായി നൽകിയത് ഒരു സ്കൂൾ ബസ്. ഡഗ് ഹെയ്സ് എന്ന മുത്തച്ഛനാണ് വേറിട്ടൊരു സമ്മാനം നൽകി തന്റെ പത്തു പേരക്കുട്ടികളെ അത്ഭുതപ്പെടുത്തിയത്. ഓറിഗണിലെ ഗ്ലാഡ്സ്റ്റോണിൽ കത്തോലിക്കാ സ്കൂളിൽ പഠിക്കുന്ന കുട്ടികൾക്ക് സ്കൂളിൽ പോകാനും വരാനുമാണ് അവർക്ക് സ്വന്തമായി ഒരു സ്കൂൾ ബസ് നൽകിയതെന്ന് ഡഗ് ഹെയ്സ് പറയുന്നു. ക്രിസ്മസിന് ഏതാനും ദിവസങ്ങൾക്ക് മുന്പാണ് ’ഗ്രാൻഡ് ഫാദർ എക്സ്പ്രസ്’ എന്ന് പേരിട്ടിരിക്കുന്ന ബസ് ഹെയ്സ് കുട്ടികൾക്ക് സമ്മാനമായി നൽകിയതെന്ന് കെജിഡബ്ല്യു ചാനൽ റിപ്പോർട്ട് ചെയ്തു. എല്ലാ അവധിക്കാലത്തും കുടുംബം പല സ്ഥലങ്ങളിലും ഉല്ലാസ യാത്ര പോകാറുണ്ട്. എന്നാൽ ഈ വർഷം സ്കൂൾ ആരംഭിച്ചതു മുതൽ അവർ നേരിടുന്ന യാത്രാ ദുരിതങ്ങൾക്ക് അറുതി വരുത്തണമെന്നു തോന്നിയതാണ് ബസ് വാങ്ങിക്കാൻ കാരണമെന്ന് മുത്തച്ഛൻ ഹെയ്സ്…
Read MoreCategory: NRI
അപ്പാർട്ടുമെന്റിൽ തീപിടിത്തം; പിതാവും രണ്ടു മക്കളും വെന്തുമരിച്ചു; ദാരുണ സംഭവം ഇങ്ങനെ…
കലിഫോർണിയ: സതേൺ കലിഫോർണിയായിലെ അപ്പാർട്ട്മെന്റിന്റെ ഇരുപത്തിയഞ്ചോളം യൂണിറ്റുകളിൽ ഉണ്ടായ തീപിടിത്തത്തിൽ നാല്പത്തി ഒന്നുകാരനായ പിതാവും നാലും പന്ത്രണ്ടും വയസുള്ള രണ്ടു പെൺമക്കളും വെന്തുമരിച്ചു. എട്ടു വയസുള്ള ആൺകുട്ടി ഗുരുതരാവസ്ഥയിലാണ്. ഡിസംബർ 27 നു രാവിലെ ലോസ് ആഞ്ചലസിൽ നിന്നും 70 മൈൽ ദൂരെ സ്ഥിതി ചെയ്യുന്ന ഹീമറ്റിലായിരുന്നു ദുരന്തം. അപ്പാർട്ട്മെന്റിലെ യൂണിറ്റിൽ ഭാര്യയും ഭർത്താവും നാലും എട്ടും പന്ത്രണ്ടും പതിനൊന്നും മൂന്നു മാസം പ്രായമുള്ള കുട്ടികളുമാണുണ്ടായിരുന്നത്. സമീപത്തുള്ള യൂണിറ്റുകളിൽ നിന്നും തീ പടരുന്നതു കണ്ടു 11 വയസുള്ള പെൺകുട്ടിയേയും മൂന്നു മാസം പ്രായമുള്ള കുട്ടിയേയും എടുത്തു ഭാര്യ പുറത്തേക്കിറങ്ങി രക്ഷപ്പെട്ടു. ഭർത്താവ് വീടിനുള്ളിൽ അകപ്പെട്ട മറ്റു മൂന്നു കുട്ടികളെ രക്ഷിക്കുന്നതിന് അകത്തേക്ക് ഓടിക്കയറിയെങ്കിലും അപ്പാർട്ട്മെന്റിൽ അഗ്നി ആളിപടർന്നതിനാൽ കുട്ടികളെ രക്ഷപ്പെടുത്താനായില്ല. മൂന്നു പേരും അഗ്നിയിൽ വെന്തു മരിക്കുകയായിരുന്നു. പോലീസ് കുടുംബാംഗങ്ങളെ സംബന്ധിച്ചു കൂടുതൽ കാര്യങ്ങൾ വെളിപ്പെടുത്തിയിട്ടില്ല. അപ്പാർട്ട്മെന്റിൽ…
Read Moreനിരപരാധികൾക്ക് ജയിൽ മോചനം സാധ്യമാക്കിയ പ്രമുഖ അറ്റോർണി വാഹനമിടിച്ചു മരിച്ചു
ഓക്ക്പാർക്ക്, ഷിക്കാഗോ: നിരപരാധികളായ നിരവധി പേർക്ക് ജയിൽ മോചനം നേടികൊടുത്ത ഷിക്കാഗോയിലെ പ്രമുഖ അറ്റോർണി കേരൺ എൽ. ഡാനിയേൽ (62) വീടിനു സമീപം ഉണ്ടായ വാഹനാപകടത്തിൽ മരിച്ചു. ഡിസംബർ 26നു രാവിലെ ഓക്ക് പാർക്കിനു സമീപം നായയുമൊത്തു പ്രഭാത സവാരിക്കിറങ്ങിയ കേരണിനെ നിയന്ത്രണം വിട്ട പിക്അപ് ട്രക്ക് ഇടിച്ചു തെറിപ്പിക്കുകയായിരുന്നു. സംഭവ സ്ഥലത്തു തന്നെ മരണം സംഭവിച്ചതായി ഓക്ക് പാർക്ക് പോലീസും കുക്ക് കൗണ്ടി മെഡിക്കൽ എക്സാമിനേഴ്സ് ഓഫീസും സ്ഥിരീകരിച്ചു. അമിത വേഗതയിൽ വാഹനം ഓടിച്ചതിനും വഴിയാത്രക്കാരെ കണ്ടിട്ടും നിർത്താതെ പോയതിനും ട്രക്ക് ഡ്രൈവർക്കു പോലീസ് ടിക്കറ്റ് നൽകി. ഡ്രൈവർ മദ്യപിച്ചിട്ടില്ലായിരുന്നുവെന്നു പരിശോധനകളിൽ നിന്നും തെളിഞ്ഞതായും പോലീസ് വ്യക്തമാക്കി. ചെയ്യാത്ത കൊലപാതക കുറ്റം ചുമത്തി ജയിലിൽ ശിക്ഷ അനുഭവിക്കുന്നവരുടെ മോചനത്തിനായി ശക്തമായി വാദിച്ചിരുന്ന അറ്റോർണിയായിരുന്നു കേരൺ. ഏകദേശം 20–ൽപരം തടവുകാരുടെ മോചനത്തിന് ഇവർ വഴിയൊരുക്കിയിരുന്നു. ഷിക്കാഗോ യൂണിവേഴ്സിറ്റി…
Read Moreമോഷ്ടിച്ച പണം ക്രിസ്മസ് സമ്മാനമായി ജനക്കൂട്ടത്തിന് നൽകി; മധ്യവയസ്കൻ പിടിയിൽ
ബാങ്കിൽ നിന്നും മോഷ്ടിച്ച പണം ക്രിസ്മസ് സമ്മാനമായി ജനക്കൂട്ടത്തിന് വലിച്ചെറിഞ്ഞു നൽകിയ മധ്യവയസ്കൻ പിടിയിൽ. ഡേവിഡ് വെയ്ൻ എന്നയാളാണ് അറസ്റ്റിലായത്. അമേരിക്കയിലെ കൊളോറാഡോയിലാണ് സംഭവം. ജനക്കൂട്ടത്തിന് നേർക്ക് പണം വലിച്ചെറിഞ്ഞ ഇയാൾ ക്രിസ്മസ് ആശംസയും നൽകി. കോളോറാഡോയിൽ പ്രവർത്തിക്കുന്ന അക്കാദമി ബാങ്കിലാണ് ഇയാൾ മോഷണം നടത്തിയത്. ബാങ്കിൽ നിന്നും പുറത്തിറങ്ങിയ ഇയാൾ പണം ജനക്കൂട്ടത്തിന് നൽകുകയായിരുന്നു. പണം ലഭിച്ചവരിൽ ചിലർ അത് തിരികെ നൽകുവാൻ തയാറായി. എന്നാൽ ഇനിയും പണം ലഭിക്കുവാനുണ്ടെന്നാണ് അധികൃതർ പറയുന്നത്.
Read Moreശല്യം ചെയ്തതിന്റെ പ്രതികാരം ! ഗർഭിണിയായ സഹോദരിയെ കൊലപ്പെടുത്തിയ കേസിൽ 19 കാരൻ അറസ്റ്റിൽ
ഡാളസ്: എട്ടു മാസം ഗർഭിണിയായ യുവതിയെ കൊലപ്പെടുത്തിയ കേസിൽ സഹോദരൻ അറസ്റ്റിൽ. നോർത്ത് ഈസ്റ്റ് ഡാളസിലെ കോളനി സിറ്റിയിലെ വെർഡിയാന അര്വേലൊ (23) എന്ന യുവതിയെ 19 കാരനായ എഡ്വേർഡോ അർവേലൊയാണു കഴുത്തു ഞെരിച്ചു കൊലപ്പെടുത്തിയത്. ഡിസംബർ 16 മുതൽ കാണാതായ വെർഡിയാനയുടെ മൃതദേഹം ഡിസംബർ 22 നാണ് പോലീസ് കണ്ടെത്തിയത്. സോഫയിൽ ഇരിക്കുകയായിരുന്ന യുവതിയെ കഴുത്തു ഞെരിച്ചാണു സഹോദരൻ കൊലപ്പെടുത്തിയത്. തന്നെ ശല്യം ചെയ്തതിന്റെ പ്രതികാരം തീര്ക്കാനാണ് എഡ്വേർഡോ കൊലപാതകം നടത്തിയതെന്നാണു പോലീസ് നൽകുന്ന വിശദീകരണം. കൊലപാതകം ആത്മഹത്യയാക്കി തീർക്കുന്നതിന് ഇയാൾ തന്നെ എഴുതിവച്ചിരുന്ന ആത്മഹത്യക്കുറിപ്പ് പോലീസിനു ലഭിച്ചു. ചോദ്യം ചെയ്യലിൽ പ്രതി കുറ്റം സമ്മതിച്ചു. കൊലപ്പെടുത്തിയ ശേഷം മൃതദേഹം സമീപമുള്ള ഒരു വയലിൽ മറവു ചെയ്തു. പിന്നീട് മൃതദേഹം അവിടെ നിന്നും എടുത്തു മാറ്റി. എഡ്വേർഡോ ഇത്തരത്തിലൊരു കൃത്യം നടത്തുവാൻ തയാറാകില്ലെന്നും വെർഡിയാന ബീച്ചുകളിൽ…
Read Moreലൈവ് റിപ്പോർട്ടിംഗിനിടെ റിപ്പോർട്ടർക്ക് ലോട്ടറിയടിച്ചു; ലൈവിൽ ആഹ്ലാദപ്രകടനം, രാജിപ്രഖ്യാപനം, പിന്നെ ട്വിസ്റ്റ്
ലോട്ടറി നറുക്കെടുപ്പ് ലൈവിൽ റിപ്പോർട്ട് ചെയ്യുന്നതിനിടെ ഭാഗ്യശാലികളുടെ കൂട്ടത്തിൽ തന്റെ പേരും കണ്ട് തുള്ളിച്ചാടി റിപ്പോർട്ടർ. സ്പെയിനിലെ പ്രശസ്തമായ എല് ഗോര്ഡോ ക്രിസ്മസ് ബംപർ ലോട്ടറിയുടെ നറുക്കെടുപ്പിനിടെയാണ് സംഭവം. ആര്ടിവിഇ ചാനലിലെ റിപ്പോർട്ടറായ നതാലിയ എസ്ക്യുഡെറോയ്ക്കാണ് ലോട്ടറിയടിച്ചത്. വിജയികളുടെ പേരുകൾ വായിക്കുന്നതിനിടെയാണ് 40 ലക്ഷം യൂറോ കിട്ടിയവരുടെ കൂട്ടത്തില് നതാലിയ സ്വന്തം പേരു കണ്ടത്. ആദ്യമൊന്ന് ഞെട്ടിയ അവർ പിന്നെ തുള്ളിച്ചാടി. ആഘോഷത്തിനിടെ തത്സമയം തന്റെ രാജിയും പ്രഖ്യാപിച്ചു. എന്നാൽ ആവേശമടങ്ങിയപ്പോൾ ഒന്നുകൂടി നോക്കിയപ്പോഴാണ് സംഗതിയുടെ കിടപ്പുവശം മനസിലായത്. സമ്മാനം മറ്റു വിജയികളുമായി പങ്കിടേണ്ടതായിരുന്നു. അതായത്, 40 ലക്ഷം യൂറോയിൽ വെറും നാലായിരം യൂറോ മാത്രമെ നതാലിയയ്ക്കു ലഭിക്കൂ. ഇതോടെ നതാലിയ ട്വിറ്റരിൽ ഖേദപ്രകടനവുമായി എത്തി. കുറച്ചുനാളുകളായി ചില സ്വകാര്യ വിഷമങ്ങളിലായിരുന്നുവെന്നും പെട്ടെന്ന് ഭാഗ്യം വന്നപ്പോൾ പരിസരം മറന്നുപോയെന്നുമാണ് നതാലിയയുടെ വിശദീകരണം.
Read Moreവാതിൽ തുറക്കാൻ അറിയില്ല; എടിഎമ്മിനുള്ളിൽ കള്ളന്റെ പരാക്രമം; വീഡിയോ വൈറല്
മോഷണത്തിനായി എടിഎമ്മിനുള്ളിൽ കയറിയ മോഷ്ടാവ് കൗണ്ടറിലെ വാതിൽ തുറക്കാൻ അറിയാതെ കുടുങ്ങി പോലീസ് പിടിയിലായി. ചൈനയിലെ ഷാൻഡോംഗ് സിറ്റിയിലാണ് സംഭവം. കണ്ടറിനുള്ളിൽ കയറിയതിന് ശേഷം ഇയാൾ തന്നെയാണ് വാതിൽ അടച്ചത്. ഓട്ടോമാറ്റിക്ക് വോയിസ് മെസേജ് കേട്ട ഇയാൾ പരിഭ്രാന്തനായി വാതിൽ തുറക്കുവാൻ ശ്രമിച്ചു. എന്നാൽ അദ്ദേഹത്തിന് അത് സാധിച്ചില്ല. പേടിച്ചുപോയ ഇയാൾ ഒരു മെറ്റൽ ട്രെ ഉപയോഗിച്ച് വാതിലും എടിഎം മെഷിനും തല്ലിപ്പൊളിക്കുവാൻ ശ്രമിച്ചു. എങ്ങനയൊക്കയോ പുറത്ത് കടന്ന ഇയാൾ പിന്നീട് പോലീസിന്റെ പിടിയിലാകുകയായിരുന്നു.
Read Moreട്രക്കിൽ നിന്നും തെറിച്ചു വീണ ഐസ് പാളി കാറിലേക്ക്; ഞെട്ടിക്കുന്ന ദൃശ്യം
മുൻപിൽ പോയ ട്രക്കിൽ നിന്നും തെറിച്ചുവീണ വലിയ ഐസ് പാളി പിന്നാലെ വന്ന കാറിൽ വീണുണ്ടായ അപകടത്തിന്റെ ദൃശ്യങ്ങൾ പുറത്ത്. വാർവിക്ഷയറിലാണ് സംഭവം. നഴ്സായ ജോലി ചെയ്യുന്ന ലോറ സ്മിത്തിനാണ് ഈ ദുരനുഭവമുണ്ടായത്. ജോലി കഴിഞ്ഞ് വീട്ടിലേക്ക് മടങ്ങുമ്പോഴാണ് ഇവരുടെ കാറിന്റെ മുൻവശത്തെ ഗ്ലാസിലേക്ക് വലിയ ഐസ് പാളി വന്ന് പതിച്ചത്. ഭയന്ന് പോയെങ്കിലും കാറിന്റെ നിയന്ത്രണം വീണ്ടെടുക്കുവാൻ ലോറയ്ക്കായി. കാറിൽ സ്ഥാപിച്ച ഡാഷ്കാമിലാണ് ഈ അപകടത്തിന്റെ ദൃശ്യങ്ങൾ പതിഞ്ഞത്. അപകടത്തിൽ ഇവർക്ക് പരിക്കുകളൊന്നും സംഭവിച്ചിട്ടില്ലെന്നാണ് റിപ്പോർട്ടുകൾ സൂചിപ്പിക്കുന്നത്.
Read Moreആദ്യത്തെ തല മാറ്റിവയ്ക്കൽ ശസ്ത്രക്രിയ പത്തു വർഷത്തിനുള്ളിൽ
ലണ്ടൻ: മനുഷ്യരുടെയും മൃഗങ്ങളുടെയുമൊക്കെ തല മാറ്റിവയ്ക്കുന്ന കഥകൾ പുരാണങ്ങളിലും ചിത്രകഥകളിലും മറ്റുമാണ് കണ്ടിട്ടുള്ളത്. എന്നാലിത് യാഥാർഥ്യമാകാൻ പോകുന്നു. പത്തു വർഷത്തിനുള്ളിൽ ലോകത്തെ ആദ്യ തല മാറ്റിവയ്ക്കൽ ശസ്ത്രക്രിയ നടത്താൻ സാധിക്കുമെന്നാണ് എൻച്ച്എസിലെ മുൻ ന്യൂറോസർജൻ ഡോ ബ്രൂസ് മാത്യൂസ് പറയുന്നത്. ഹൾ യൂണിവേഴ്സിറ്റി ടീച്ചിംഗ് ഹോസ്പിറ്റൽസിലെ മുൻ ക്ലിനിക്കൽ മേധാവി കൂടിയാണ് അദ്ദേഹം. റോബോട്ടിക്സിലും വിദഗ്ധനായ ഡോ. മാത്യൂസിന്റെ അഭിപ്രായം അനുസരിച്ച്, തല മാറ്റിവയ്ക്കൽ അപ്രായോഗികമായ കാര്യമല്ല. സ്റ്റെം സെൽ ഗവേഷണം ഇത്രയും പുരോഗമിച്ച സാഹചര്യത്തിൽ ഇതു സാധ്യമാക്കാൻ കഴിയുമെന്നാണ് അദ്ദേഹം പറയുന്നത്. 2017ൽ തല മാറ്റിവയ്ക്കൽ ശസ്ത്രക്രിയ നടത്തിയതായി ഒരു ചൈനീസ് ശാസ്ത്രജ്ഞൻ അവകാശപ്പെട്ടിരുന്നെങ്കിലും സ്ഥിരീകരിക്കാൻ സാധിച്ചിരുന്നില്ല. റിപ്പോർട്ട്: ജോസ് കുന്പിളുവേലിൽ
Read Moreഓസ്റ്റിനിൽ കാണാതായ യുവതിയുടെ മൃതദേഹം കാറിന്റെ ഡിക്കിയിൽ, കുഞ്ഞ് സുരക്ഷിത ; കൂട്ടുകാരി അറസ്റ്റിൽ
ഓസ്റ്റിൻ: മകനെ സ്കൂളിൽ രാവിലെ ഇറക്കിയ ശേഷം വീട്ടിൽ തിരിച്ചെത്തിയ യുവതിയെയും മൂന്നാഴ്ച പ്രായമുള്ള കുഞ്ഞിനേയും കാണാതായ സംഭവത്തിൽ ഞെട്ടിക്കുന്ന വെളിപ്പെടുത്തൽ. ഓസ്റ്റിനിലെ കവൻ എലിമെന്ററി സ്കൂളിൽ നിന്നു തിരിച്ചെത്തിയ ശേഷമാണ് ഹീഡി ബ്രൊസാഡിനേയും (33) കുഞ്ഞിനെയും കാണാതായത്. തുടർന്നു നടത്തിയ അന്വേഷണത്തിൽ ഡിസംബർ 19 നു രാത്രി ഹീഡിയുടെ ജഡം കാറിന്റെ ഡിക്കിയിൽ നിന്നും പോലീസ് കണ്ടെടുത്തു. കാർ പാർക്ക് ചെയ്തിരുന്ന ഹൂസ്റ്റണിലെ വീട്ടിൽനിന്നു കണ്ടെത്തിയ കുഞ്ഞിനെ സുരക്ഷിതമായി ആശുപത്രിയിലേക്ക് മാറ്റി. ഡിസംബർ 12 നു രാവിലെയാണ് യുവതിയും കുഞ്ഞും വീട്ടിൽ നിന്നും അപ്രത്യക്ഷമായത്. വീട്ടിൽ ബലപ്രയോഗം നടന്നതിന്റെ ലക്ഷണമൊന്നും ഇല്ലായിരുന്നു. ഹീഡി കൊല്ലപ്പെട്ട സംഭവത്തിൽ ഇവരുടെ ഏറ്റവും അടുത്ത കൂട്ടുകാരിയെ പോലീസ് അറസ്റ്റ് ചെയ്തു. പോലീസ് നടത്തിയ വാർത്താ സമ്മേളനത്തിലാണ് വിവരങ്ങൾ നൽകിയത്. എങ്ങനെയാണ് ഹീഡി കൊല്ലപ്പെട്ടതെന്ന് വെളിപ്പെടുത്തിയില്ല. ലഭ്യമായ വിവരമനുസരിച്ച് ഹീഡിയുടെ കൂട്ടുകാരി…
Read More