പണം ചിലവഴിക്കുന്നതിൽ വളരെയധികം പിശുക്ക് കാണിക്കുന്ന ഭർത്താവിൽ നിന്നും മധുവിധു കഴിയുന്നതിനു മുമ്പേ വിവാഹമോചനം ആവശ്യപ്പെട്ട് നവവധു. അബുദാബിയിലാണ് സംഭവം. വീട്ടിലേക്കുള്ള സാധനങ്ങൾ വാങ്ങിക്കുന്നതിനും കറന്റ് ബില്ലും വെള്ളത്തിന്റെ വാടകയും കൊടുക്കുവാൻ ഭർത്താവ് തയാറാകുന്നില്ലെന്നും എല്ലാത്തിനുമുള്ള പണം നൽകുവാൻ തന്നെ എപ്പോഴും നിർബന്ധിക്കുകയാണെന്നാണ് വധുവിന്റെ വാദം. വിവാഹത്തിനുള്ള പണം പോലും ഭർത്താവ് ചിലവാക്കിയില്ലെന്ന് ഈ യുവതി പറയുന്നു. വീട്ടിലേക്കുള്ള എല്ലാ ഫർണിച്ചർ ഉപകരണങ്ങളും യുവതിയാണ് വാങ്ങിയത്. ഭർത്താവിൽ നിന്നുമുള്ള ഈ പെരുമാറ്റത്തിൽ മനം മടുത്ത ഭാര്യ തന്റെ അതൃപ്തിയെക്കുറിച്ച് അദ്ദേഹത്തോട് പറഞ്ഞുവെങ്കിലും ഭാര്യയെ അവഗണിക്കുകയാണ് അദ്ദേഹം ചെയ്തത്. ഇതിനെ തുടർന്നാണ് ഭർത്താവിൽ നിന്നും വിവാഹമോചനം ആവശ്യപ്പെട്ട് യുവതി കോടതിയെ അപേക്ഷിച്ചത്.
Read MoreCategory: NRI
അഞ്ചു സഹോദരങ്ങളെ പൊന്നുപോലെ നോക്കുന്ന ചേച്ചിക്ക് അയൽക്കാരന്റെ സ്നേഹ സമ്മാനം
മാതാപിതാക്കൾ മരിച്ചതോടെ തന്റെ ഇളയ അഞ്ചു സഹോദരങ്ങളെയും നോക്കുന്ന സമാന്ത എന്ന പെണ്കുട്ടിക്ക് അയൽക്കാരന്റെ സ്നേഹ സമ്മാനം. ഫ്ളോറിഡക്കാരിയായ ഈ ഇരുപതുകാരിക്ക് ഒരു പുതിയ കാറാണ് അയൽക്കാരൻ സമ്മാനമായി നൽകിയത്. ഇത്ര ചെറുപ്പത്തിൽത്തന്നെ തന്റെ ഇളയ സഹോദരങ്ങളുടെ ഉത്തരവാദിത്വം ഏറ്റെടുത്ത് അവരെ പരിപാലിക്കുന്ന സമാന്തയുടെ ജീവിതകഥ പല മാധ്യമങ്ങളും റിപ്പോർട്ട് ചെയ്തിരുന്നു. ഇതുകണ്ടാണ് അയൽക്കാരൻ സമാന്തയ്ക്ക് ഈ സമ്മാനം നൽകിയത്. എന്നാൽ തന്റെ അയൽക്കാരിൽ ആരാണ് ഈ സമ്മാനം നൽകിയതെന്ന് സമാന്തയ്ക്ക് അറിയില്ല. പേരുവെളിപ്പെടുത്താൻ ആഗ്രഹിക്കാത്ത സമാന്തയുടെ അയൽക്കാരിൽ ഒരാൾ വാഹനം പോലീസ് സ്റ്റേഷനിൽ എത്തിച്ചശേഷം അവരോട് സമാന്തയ്ക്ക് കൈമാറാൻ ആവശ്യപ്പെടുകയായിരുന്നു. സമാന്തയുടെ ജീവിത കഥകേട്ട് നിരവധിപ്പേരാണ് അവളെയും സഹോദരങ്ങളെയും സഹായിക്കാനായി മുന്നോട്ടു വരുന്നത്.
Read Moreഫേസ് ലോക്ക് കൊടുത്ത പണി..! ഉറങ്ങിക്കിടന്നയാളുടെ ഫോണ് അൺലോക്ക് ചെയ്ത് റൂംമേറ്റ്സ് കവർന്നത് ഒരു ലക്ഷം രൂപ
മുറിയിൽ ഉറങ്ങി കിടന്നയാളുടെ മുഖം ഉപയോഗിച്ച് അദ്ദേഹത്തിന്റെ ഫോണ് ലോക്ക് തുറന്ന് കൂടെയുണ്ടായിരുന്ന രണ്ടുപേർ അക്കൗണ്ടിൽ നിന്നും പണം പിൻവലിച്ചു. ചൈനയിലെ നിൻഗ്ബോയിലാണ് ഏറെ അമ്പരപ്പ് ഉണ്ടാക്കിയ സംഭവം നടന്നത്. ഇവിടെ പ്രവർത്തിക്കുന്ന ഒരു റസ്റ്ററന്റിലെ ജീവനക്കാരാണ് ഇവരെല്ലാവരും. ജോലി ചെയ്തതിന്റെ ക്ഷീണത്തിൽ ഇയാൾ മുറിയിൽ കിടന്ന് ഉറങ്ങുമ്പോൾ സമീപമെത്തിയ രണ്ടു പേർ ഇയാളുടെ മുഖം ഉപയോഗിച്ച് ഫോണ് ലോക്ക് തുറക്കുകയും പണം ഇവരുടെ അക്കൗണ്ടിലേക്ക് മാറ്റുകയുമായിരുന്നു. 10,000 യുവാൻ (ഒരു ലക്ഷം രൂപ) ആണ് ഇവർ മോഷ്ടിച്ചത്. ഉറക്കത്തിൽ നിന്നും എഴുന്നേറ്റ ഇയാൾ പണം നഷ്ടമായത് മനസിലാക്കി പോലീസിനെ അറിയിച്ചു. ഇവർ നടത്തിയ അന്വേഷണത്തിൽ കൂടെയുണ്ടായിരുന്നവരാണ് പണം മോഷ്ടിച്ചതെന്ന് മനസിലാക്കുകയായിരുന്നു. ഇരുവരെയും പോലീസ് അറസ്റ്റ് ചെയ്തു.
Read Moreധൈര്യമുണ്ടോ തീകൊണ്ട് മുടിവെട്ടാൻ..!
തീ ഉപയോഗിച്ച് മുടിവെട്ടി ഇന്റർനെറ്റ് ലോകത്തെയാകെ സ്തബ്ധരാക്കിയിരിക്കുകയാണ് ചെന്നൈക്കാരനായ ഒരു ബാർബർ. മുടിക്ക് ചെറുതായി തീ കൊടുത്ത ശേഷം 12 സെക്കൻഡുകൾക്കുള്ളിൽ ചീപ്പുകൊണ്ട് ചീകി തീ കെടുത്തുന്ന വിദ്യയാണ് ഇദ്ദേഹം ചെയ്യുന്നത്. മുടി കത്തിക്കുന്പോൾ ഉണ്ടാകുന്ന മണം ഒഴിവാക്കാൻ തീ കത്തിക്കുന്നതിനൊപ്പം അൽപ്പം കുന്തിരിക്കം കൂടി പുകയ്ക്കും. ഇത്തരത്തിൽ തീ കൊണ്ട് മുടി വെട്ടിയാൽ ശക്തിയില്ലാത്തതും അറ്റം പൊട്ടിയതുമായ മുടിയിഴകളെ ഒഴിവാക്കാനാകുമെന്ന് ഈ ബാർബർ പറയുന്നു. തലയിൽ ഒരു ജെല്ലും അൽപ്പം സുഗന്ധദ്രവ്യവും പുരട്ടിയ ശേഷമാണ് മുടി വെട്ടൽ ആരംഭിക്കുന്നത്. അതിസാഹസികമായി ഇത്തരത്തിൽ മുടിവെട്ടുന്നതിന് ആയിരം രൂപയ്ക്ക് മുകളിലാണ് നിരക്ക്.
Read More17 അടി നീളമുള്ള പെരുമ്പാമ്പിനെ പിടികൂടി; വയറ്റിൽ 73 മുട്ടകൾ
ഗവേഷകർ പിടികൂടിയ ഭീമൻ പെരുമ്പാമ്പിന്റെ വയറ്റിൽ നിന്നും കണ്ടെടുത്തത് 73 മുട്ടകൾ. അമേരിക്കയിലെ ഫ്ളോറിഡയിൽ ഗവേഷകർ കണ്ടെത്തിയ 17 അടിയിലേറെ നീളവും 65 കിലോയോളം ഭാരവുമുള്ള പെരുമ്പാമ്പിന്റെ വയറ്റിൽ നിന്നുമാണ് ഇത്രെയധികം മുട്ടകൾ കണ്ടെത്തിയത്. ബിഗ് സൈപ്രസ് നാഷണൽ പ്രിസേർവിൽ നിന്നും ഗവേഷകർ പുതിയ സാങ്കേതിക വിദ്യ ഉപയോഗിച്ചാണ് പാമ്പിനെ പിടികൂടിയത്. റേഡിയോ ട്രാൻസ്മിറ്ററുകൾ ഘടിപ്പിച്ച ആണ് പെരുമ്പാമ്പുകളെ ഉപയോഗിച്ച് പ്രസവിക്കാറായ പെണ് പെരുമ്പാമ്പുകളെ കണ്ടുപിടിക്കുന്ന സാങ്കേതിക വിദ്യയാണ് ഉപയോഗിച്ചത്. സോഷ്യൽമീഡിയയിൽ ചിത്രം പങ്കുവച്ചാണ് പാമ്പിനെ പിടികൂടിയത് ഗവേഷകർ അറിയിച്ചത്.
Read Moreമുൻഭർത്താവിന്റെ ഭാര്യയെ “കുതിര’ എന്ന് വിളിച്ചു; യുവതിക്ക് രണ്ട് വർഷം തടവ് ശിക്ഷയും 45 ലക്ഷം രൂപ പിഴയും
ഭർത്താവിന്റെ മുൻഭാര്യയെ “കുതിര’ എന്ന് വിളിച്ച യുവതിക്ക് രണ്ട് വർഷം തടവ് ശിക്ഷ. ബ്രിട്ടീഷ് യുവതിയായ ലലേഹ് ഷാർവേഷിനാണ് ഈ ശിക്ഷ സ്വീകരിക്കേണ്ടി വന്നത്. 2016ലാണ് ഈ ലലേഹിൽ നിന്നും വിവാഹമോചനം നേടി ഭർത്താവ് മറ്റൊരു യുവതിയെ വിവാഹം ചെയ്തത്. നവദമ്പതികൾ സോഷ്യൽമീഡിയയിൽ പങ്കുവച്ച ചിത്രത്തിന്റെ കമന്റ് ബോക്സിൽ നിങ്ങൾ നശിച്ചു പോകട്ടേയെന്നും ഈ കുതിരയ്ക്കു വേണ്ടിയാണോ നിങ്ങൾ എന്നെ ഉപേക്ഷിച്ചതെന്നും ലലേഹ് കുറിച്ചിരുന്നു. ഇരുവരും ദുബായിയിലാണ് താമസിച്ചിരുന്നത്. പതിനെട്ട് വർഷത്തെ വിവാഹജീവിതത്തിന് വിരാമമിട്ട് ലലേഹ് ലണ്ടനിലേക്ക് മടങ്ങിയെങ്കിലും ഭർത്താവ് ദുബായിയിൽ തുടരുകയായിരുന്നു. ലണ്ടനിൽ താമസിക്കുകയായിരുന്ന ഇവർ മുൻഭർത്താവ് മരിച്ചപ്പോൾ അനുശോചനം അറിയിക്കുവാൻ എത്തിയപ്പോൾ ദുബായ് വിമാനത്താവളത്തിൽ വച്ച് പോലീസ് പിടികൂടുകയായിരുന്നു. രണ്ട് വർഷത്തെ തടവ് ശിക്ഷയ്ക്കു പുറമെ 45 ലക്ഷം രൂപ പിഴ അടയ്ക്കണമെന്നും കോടതി വിധിച്ചു. ഇവർക്ക് പതിനാല് വയസുകാരിയായ മകളുണ്ട്.
Read Moreകാണ്ടാമൃഗ വേട്ടക്കാരനെ ആന ചവിട്ടിയരച്ചു; സിംഹങ്ങൾ ഭക്ഷണമാക്കി
ജൊഹാനസ്ബർഗ്: കാണ്ടാമൃഗ വേട്ടക്കാരനെ ആന ചവിട്ടിയരച്ചു, സിംഹങ്ങൾ ഭക്ഷണമാക്കി. ദക്ഷിണാഫ്രിക്കയിലെ ക്രൂഗർ ദേശീയ ഉദ്യാനത്തിലാണു സംഭവം അരങ്ങേറിയത്.വേട്ടക്കാരനൊപ്പമുണ്ടായിരുന്നവരാണ് ചൊവ്വാഴ്ച ആനയുടെ ആക്രമണം സംബന്ധിച്ച് കൊല്ലപ്പെട്ടയാളുടെ കുടുംബത്തെ വിവരം ധരിപ്പിക്കുന്നത്. ഇവർ ദേശീയ പാർക്ക് അധികൃതരെ വിവരമറിയിച്ചു. ഇവർ നടത്തിയ പരിശോധനയിൽ വ്യാഴാഴ്ച മൃതദേഹം കണ്ടെത്തിയെങ്കിലും തലയോട്ടിയും ഒരു ജോടി വസ്ത്രവും മാത്രമാണ് അവശേഷിച്ചിരുന്നത്. സംഭവസ്ഥലത്തു നിന്ന് തോക്കുകളും തിരകളും കണ്ടെത്തി. ക്രൂഗർ ദേശീയ ഉദ്യാനത്തിൽ വേട്ടക്കാരുടെ നിരന്തരശല്യമുണ്ട്. കാണ്ടാമൃഗത്തെ വേട്ടയാടുകയാണ് ഇവരുടെ പ്രധാന ഉദ്ദേശ്യം. കാണ്ടാമൃഗത്തിന്റെ കൊന്പിന് ഏഷ്യൻ വിപണിയിൽ ഏറെ ആവശ്യക്കാരുണ്ട്.
Read Moreമനം നിറയ്ക്കുന്ന ചോക്ലേറ്റ് കുന്നുകൾ
ഫിലിപ്പീൻസിലെ പത്താമത്തെ വലിയ ദ്വീപാണ് ബൊഹോൽ. പ്രകൃതി സൗന്ദര്യം തുളിന്പിനിൽക്കുന്ന കുന്നുകളും വെളുത്ത മണൽ വിരിച്ച കടൽത്തീരവും ഈ പ്രദേശത്തെ സഞ്ചാരികളുടെ പറുദീസയാക്കുന്നു. ലോകത്ത് ഇവിടെ മാത്രമായി സഞ്ചാരികൾക്കായി പ്രകൃതി ഒരുക്കി വച്ചിരിക്കുന്ന ഒരു കാഴ്ചയുണ്ട്. ബെഹോലിലെ ചോക്ലേറ്റ് കുന്നുകൾ. കോണാകൃതിയിലുള്ള പച്ചപുതച്ച ആയിരക്കണക്കിന് ചെറുകുന്നുകളാണ് ചോക്ലേറ്റ് കുന്നുകൾ എന്നറിയപ്പെടുന്നത്. 50 ചതുരശ്രകിലോമീറ്റർ സ്ഥലത്തായി 1776 കുന്നുകൾ ഇവിടെയുണ്ട്. 30 മുതൽ 50 മീറ്റർ വരെയാണ് ഇവയിൽ മിക്കതിന്റെയും ഉയരം. പുൽമേടുകളാണ് ഈ കുന്നുകൾ വേനൽക്കാലമാകുന്നതോടെ പുല്ലുകൾ കരിഞ്ഞ് ബ്രൗണ് നിറത്തിലാകും. ഈ നിറമാണ് ഇവയ്ക്ക് ചോക്ലേറ്റ് കുന്നുകൾ എന്ന പേരുനൽകിയത്. പേര് ചോക്ലേറ്റ് കുന്നെന്നൊക്കെ ആണെങ്കിലും ശരിക്കും ഈ കുന്നുകളിലുള്ളത് ചുണ്ണാന്പുകല്ലുകളാണ്. ഈ ചോക്ലേറ്റു കുന്നുകളുടെ ഉത്പത്തിയെക്കുറിച്ച് രസകരമായ രണ്ടു കഥകളുണ്ട്. പണ്ട് വലിയ ശരീരമുള്ള ഒരു മനുഷ്യൻ ആകാശത്തുനിന്ന് ഇറങ്ങിവന്നത്രെ. ഇയാൾ ഈ പ്രദേശത്തുള്ള…
Read Moreകുത്തിവരയല്ല, ചിത്രംവര..! രണ്ടു വയസുകാരിയുടെ ചിത്രരചനകൾക്ക് വില ഒരു ലക്ഷം വരെ
ആദ്യാക്ഷരങ്ങൾ കുറിക്കാൻ പ്രായമാകുംമുന്പേ പെയിന്റിംഗ് ബ്രഷുകൾ കൊണ്ട് ലോകത്തെ അദ്ഭുതപ്പെടുത്തുകയാണ് ലോല ജൂണ് എന്ന രണ്ടു വയസുകാരി. കഴിഞ്ഞ ആഴ്ച ന്യൂയോർക്കിൽ സമാപിച്ച ചിത്രപ്രദർശനത്തിൽ ലോലയുടെ ചിത്രങ്ങൾ വിറ്റുപോയത് പതിനായിരക്കണക്കിന് രൂപയ്ക്കാണ്. ഇതിൽ ഒരു ചിത്രത്തിന് ഒരു ലക്ഷം രൂപയും ലഭിച്ചു. കുഞ്ഞു പിക്കാസോ എന്ന ഓമനപ്പേരു ലഭിച്ച ഈ കൊച്ചു മിടുക്കിയുടെ 40 ചിത്രങ്ങളാണ് പ്രദർശനത്തിന് വച്ചത്. ഇതിൽ 34 എണ്ണവും ദിവസങ്ങൾക്കുള്ളിൽ വിറ്റുപോയി. ഒരു വയസു തികയും മുന്പേ ചായങ്ങളോട് കൂട്ടുകൂടിയ ആളാണ് ലോല. പടം വരയ്ക്കാൻ ഒരു പേപ്പറും ബ്രഷും കുറച്ച് ചായങ്ങളും കൊടുത്താൽപ്പിന്നെ ലോലയ്ക്ക് മറ്റൊന്നും വേണ്ടെന്ന് അവളുടെ അമ്മ ജവിയർ പറയുന്നു. ജവിയറിന്റെ കൂട്ടുകാരിയാണ് ലോലയുടെ ചിത്രകലാ പാഠവം ആദ്യം തിരിച്ചറിഞ്ഞത്. കുഞ്ഞുലോല വരച്ച ചിത്രങ്ങൾ അവർ ന്യൂയോർക്ക് നഗരത്തിലുള്ള ഒരു ഗാലറി ഉടമയെ കാണിച്ചു. ചിത്രങ്ങൾ ഇഷ്ടപ്പെട്ട ഗ്യാലറി…
Read Moreപേരറിയാത്ത പുരാതന നഗരം കണ്ടെത്തി
4000 വർഷം പഴക്കമുള്ള പുരാതന നഗരം കണ്ടെത്തി. ഒരു സംഘം ഫ്രഞ്ച് പുരാവസ്തു ഗവേഷകരാണ് ഇറാക്കിലെ കുർദിസ്ഥാനത്തിൽ പുരാതന നഗരാവശിഷ്ടങ്ങൾ കണ്ടെത്തിയത്. 2012 മുതൽ നടന്നുവന്ന ഗവേഷണങ്ങളുടെ ഭാഗമായാണ് സാഗ്റോസ് മലനിരകൾക്ക് സമീപം നഗരം കണ്ടെത്തിയത്. മലനിരകളിൽ താമസിച്ചിരുന്ന ലുല്ലുബി എന്ന മനുഷ്യവംശത്തിലെ ആളുകൾ താമസിച്ചിരുന്നതാകാം ഈ നഗരം എന്ന് കരുതപ്പെടുന്നു. ബിസി 2200ൽ സ്ഥാപിക്കപ്പെട്ട ശിലാഫലകങ്ങളും മണ്ഫലകങ്ങളും ഇവിടെനിന്ന് കണ്ടെടുത്തിട്ടുണ്ട്. വിവിധ ധാന്യങ്ങൾ ഇവിടെ കൃഷി ചെയ്യപ്പെട്ടിട്ടുണ്ടെന്നാണ് കണക്കാക്കുന്നത്. 4000 വർഷം മുന്പുണ്ടായ ഒരു തീപിടുത്തത്തിലാണ് ഈ നഗരം നശിപ്പിക്കപ്പെട്ടത്. എന്നാൽ ഇതുവരെയും ഈ നഗരത്തിന്റെ പേരെന്തായിരുന്നുവെന്ന് കണ്ടെത്താൻ ഗവേഷകർക്ക് ആയിട്ടില്ല.
Read More