മുംബൈ താനെയിൽ ഷോപ്പിംഗ് മാളിൽ പുലിയിറങ്ങി. താനെയിലെ കോറം മാളിലാണ് പുലി എത്തിയതായുള്ള സിസിടിവി ദൃശ്യങ്ങൾ ലഭിച്ചത്. പോലീസും വനംവകുപ്പ് ഉദ്യോഗസ്ഥരും പുലിയെ പിടികൂടാനുള്ള ശ്രമങ്ങൾ തുടങ്ങി. ബുധനാഴ്ച പുലർച്ചെ അഞ്ചരയോടെയാണ് പുലി മാളിനുള്ളിൽ കടന്നതെന്നാണ് ജീവനക്കാർ നൽകുന്ന വിവരം. മാളിൽ പുലി കയറിയെന്ന വാർത്ത പരന്നതോടെ ആളുകൾ ഇവിടേക്കു വരാതായിരിക്കുകയാണെന്നും ജീവനക്കാർ പറഞ്ഞു.
Read MoreCategory: NRI
എന്തിനീ ക്രൂരത..ഒരു വയസുകാരനായ മകനെ ബിയർ കുടിപ്പിച്ച പിതാവ് അറസ്റ്റിൽ
ഒരു വയസുകാരനായ മകനെ ബിയർ കുടിപ്പിച്ച പിതാവിനെ പോലീസ് അറസ്റ്റ് ചെയ്തു. ശ്രീലങ്കയിലെ അനുരാധപുര ജില്ലയിലുള്ള മീഗാലാവയിലാണ് സംഭവം നടന്നത്. പിതാവിന്റെ മൂന്നു സുഹൃത്തുക്കളും സമീപമുണ്ടായിരുന്നു. അവരിലൊരാളാണ് ഈ ദൃശ്യങ്ങൾ പകർത്തിയത്. കുട്ടിയോടുള്ള ഈ ക്രൂരതയുടെ ദൃശ്യങ്ങൾ വൈറലായതിനെ തുടർന്നാണ് പോലീസ് നടപടി സ്വീകരിച്ചത്. പിതാവിന്റെ സുഹൃത്തുക്കളെയും പോലീസ് അറസ്റ്റ് ചെയ്തിട്ടുണ്ട്. പിതാവിന്റെ പ്രവൃത്തിയെ വിമർശിച്ചും നിരവധിയാളുകൾ രംഗത്തെത്തിയിട്ടുണ്ട്.
Read Moreപെരുമ്പാമ്പും മുതലയും തമ്മിൽ ഉഗ്ര പോരാട്ടം; അവസാനം…
പെരുമ്പാമ്പും ഭീമൻ മുതലയും തമ്മിൽ നടന്ന ഭീകരപോരാട്ടത്തിന്റെ ഞെട്ടിക്കുന്ന ദൃശ്യങ്ങൾ സോഷ്യൽമീഡിയയിൽ വൈറലാകുന്നു. ഫ്ളോറിഡയിലെ എവർഗ്ലേഡ്സ് നാഷണൽ പാർക്കിലുള്ള ഷാർക്ക് വാലി സെന്ററിലാണ് സന്ദർശകരെ ഏറെ അമ്പരപ്പിച്ച സംഭവം അരങ്ങേറിയത്. ഏകദേശം 10 അടി നീളമുണ്ടായിരുന്നു പെരുമ്പാമ്പിന്. ദീർഘ നേരത്തെ പോരാട്ടത്തിനൊടുവിൽ പെരുമ്പാമ്പിനെ മുതല കടിച്ചു കുടഞ്ഞു. ഫ്ളോറിഡ സ്വദേശിയായ റിച്ചു ക്രുഗെറാണ് ഈ ദൃശ്യങ്ങൾ പകർത്തി സോഷ്യൽമീഡിയയിൽ പങ്കുവച്ചത്.
Read More80 മീറ്റര് ഉയരത്തില് നിന്നുള്ള ക്യാച്ചെടുത്തു; ഓസീസ് വനിതാ കീപ്പറിന് ഗിന്നസ് റിക്കാർഡ്
ഏറ്റവും ഉയരത്തില് നിന്നുള്ള ക്യാച്ചെടുത്തതിനുള്ള ഗിന്നസ് റിക്കാർഡിൽ പേരെഴുതി ഓസീസ് വനിതാ ടീം വിക്കറ്റ് കീപ്പർ ആലിസ ഹീലി. ഡ്രോണ് ഉപയോഗിച്ച് 80 മീറ്റര് ഉയരത്തില് നിന്ന് താഴേക്കിട്ട പന്ത് താരം കൈകളിലൊതുക്കി. കീപ്പിംഗ് ഗ്ലൗസ് ഉപയോഗിച്ചാണ് താരം ക്യാച്ചെടുത്തത്. മെൽബൺ ക്രിക്കറ്റ് മൈതാനത്തുവച്ചായിരുന്നു ഹീലിയുടെ വിസ്മയപ്രകടനം. മൂന്നാമത്തെ ശ്രമത്തിലാണ് താരം ക്യാച്ചെടുത്തത്. ഇതോടെ ക്രിസ്റ്റ്യന് ബൗഗാര്ട്ട്നർ സ്ഥാപിച്ച 62 മീറ്ററിന്റെ റിക്കാർഡാണ് പഴങ്കഥയായത്. 1 year to go to the @ICC Women’s #T20WorldCup in Australia! To celebrate, @ahealy77 faces up to a ball dropped from above the MCG lights in a @GWR title attempt for the highest catch of a cricket ball! See it in full @ https://t.co/9BFoVKDlzL…
Read Moreഒറ്റ പ്രസവത്തിൽ യുവതി ജന്മം നൽകിയത് ഏഴ് കുഞ്ഞുങ്ങൾക്ക്
ഒറ്റ പ്രസവത്തിൽ യുവതി ജന്മം നൽകിയത് ഏഴ് കുഞ്ഞുങ്ങൾക്ക്. ഇറാഖിലെ ദിയാലി പ്രവശ്യയിലുള്ള ആശുപത്രിയിലാണ് ഇരുപത്തിയഞ്ച് വയസുകാരി ഏഴ് കുഞ്ഞുങ്ങൾക്ക് ജന്മം നൽകിയത്. ആറ് പെണ്കുഞ്ഞുങ്ങളും ഒരു ആണ് കുഞ്ഞുമാണ് ജനിച്ചത്. അമ്മയും കുഞ്ഞുങ്ങളും സുഖമായിരിക്കുന്നുവെന്ന് ആശുപത്രി വൃത്തങ്ങൾ അറിയിച്ചു. ഒറ്റ പ്രസവത്തിൽ ഏഴ് കുട്ടികൾ ജനിക്കുന്ന സംഭവം ഇറാഖിൽ ഇതാദ്യമായാണ്. ലോകത്ത് ആദ്യമായി ഒറ്റപ്രസവത്തിൽ ഏഴ് കുട്ടികൾ ജനിച്ചത് 1997ലാണ്.
Read Moreമെയ്ദും പിരമിഡിൽ കൗമാരക്കാരിയുടെ മമ്മി
നൂറ്റാണ്ടുകൾക്കു മുമ്പ് മരണമടഞ്ഞ കൗമാരക്കാരിയുടെ മമ്മി കണ്ടെത്തി. ഏകദേശം 4,600 വർഷങ്ങൾ പഴക്കമുള്ള മെയ്ദും പിരമിഡിൽ നിന്നുമാണ് പുരാവസ്തു ഗവേഷകർ 13 വയസുള്ളപ്പോൾ മരണമടഞ്ഞ കുട്ടിയുടെ മമ്മി കണ്ടെത്തിയത്. ഈജിപ്തിലെ കെയ്റോയിൽ നിന്നും 100 കിലോമീറ്റർ അകലെയാണ് മെയ്ദും പിരമിഡ് സ്ഥിതി ചെയ്യുന്നത്. ഈ പിരമിഡിന്റെ ഏറ്റവും താഴെയുള്ള കല്ലറയ്ക്കുള്ളിൽ നിന്നുമാണ് മമ്മി കണ്ടെത്തിയത്. ഇതിനൊപ്പം മൂന്ന് മണ് കലങ്ങളും രണ്ട് കാളകളുടെ തലയോട്ടിയും രാജകീയ മുദ്രയിൽ കുറിച്ച സന്ദേശങ്ങളും എഴുതിയിട്ടുണ്ട്. ഈ സന്ദേശത്തിന്റെ അർത്ഥം കണ്ടെത്താനുള്ള ശ്രമത്തിലാണ് പുരാവസ്തു ഗവേഷകർ.
Read Moreപ്രണയദിനത്തിൽ ഭാര്യയ്ക്ക് സമ്മാനമായി നൽകിയ ലോട്ടറി ടിക്കറ്റിന് ഒരു മില്യണ് ഡോളർ സമ്മാനം
പ്രണയദിനത്തിൽ ഭർത്താവ് ഭാര്യയ്ക്ക് സമ്മാനമായി നൽകിയ ഭാഗ്യക്കുറിക്ക് ഒരു മില്യണ് ഡോളർ. അമേരിക്കയിലെ വിർജീനിയ സ്വദേശികളായ ദമ്പതികളെ തേടിയാണ് ഈ അപൂർവ ഭാഗ്യമെത്തിയത്. പ്രണയദിനത്തിൽ ഭാര്യ മഡോണയ്ക്ക് എന്തെങ്കിലും സമ്മാനം നൽകണമെന്ന് ഭർത്താവ് ടെറി മഡ്ഡ് തീരുമാനിച്ചിരുന്നു. എന്നാൽ ജോലി തിരക്ക് കാരണം അദ്ദേഹം സമ്മാനത്തിന്റെ കാര്യം മറന്നു പോയി. വൈകുന്നേരമായപ്പോഴേക്കും ഇതേക്കുറിച്ച് ഓർമ വന്ന അദ്ദേഹം സമ്മാനം വാങ്ങുവാനായി അടുത്തുള്ള കടയിൽ പോയി. ഈ യാത്രയിലാണ് വെറുതെ ഒരു ലോട്ടറി അദ്ദേഹം എടുത്തത്. തിരികെ വീട്ടിലെത്തിയപ്പോൾ വാങ്ങിയ സമ്മാനത്തോടൊപ്പം ഈ ലോട്ടറി ടിക്കറ്റും അദ്ദേഹം ഭാര്യയ്ക്ക് നൽകി. പിന്നീടാണ് ഈ ലോട്ടറിക്ക് സമ്മാനം ലഭിച്ചെന്ന് ഇരുവരും അറിയുന്നത്. ആദ്യം അമ്പരപ്പും പിന്നീട് വളരെ സന്തോഷവും തോന്നിയ ഇരുവരും ജോലിയിൽ നിന്നും വിരമിച്ചതിനു ശേഷം ഈ പണം ഉപയോഗിച്ച് രാജ്യം മുഴവൻ സഞ്ചരിക്കുവാനാണ് തീരുമാനിച്ചിരിക്കുന്നത്.
Read Moreകാൾ ലാഗെർഫെൽഡിന്റെ മരണത്തോടെ കോടീശ്വരിയായത് വളർത്തുപൂച്ച
വിഖ്യാത ഫാഷൻ ഡിസൈനർ കാൾ ലാഗെർഫെൽഡിന്റെ മരണവാർത്ത ഏറെ ദുഖത്തോടെയാണ് ഫാഷൻ ലോകം കേട്ടിട്ടുള്ളത്. ഫാഷൻ വിസ്മയങ്ങളിലൂടെ ഏറെ തവണ വാർത്തകളിൽ നിറഞ്ഞിട്ടുള്ളയാളാണ് ലാഗെർഫെൽഡ്. എന്നാൽ ഇപ്പോൾ അദ്ദേഹത്തിന്റെ മരണശേഷം വാർത്താ താരമായിരിക്കുന്നത് അദ്ദേഹത്തിന്റെ പൊന്നോമനയായിരുന്ന വളർത്തു പൂച്ച ചൗപെറ്റേയാണ്. ലാഗെർഫെൽഡിന്റെ കോടിക്കണക്കിന് മൂല്യമുള്ള സ്വത്തുക്കളുടെ അവകാശികളിൽ ഒരാളാണ് ഈ എട്ടുവയസുകാരി വെള്ളപ്പൂച്ച. 2011 ലെ ക്രിസ്മസ് ദിനത്തിലാണ് കാൾ ചൗപെറ്റെയെ വാങ്ങുന്നത്. അന്നുമുതൽ പിരിക്കാനാകാത്ത വിധം അടുപ്പത്തിലായിരുന്നു ഇരുവരും. ചൗപെറ്റെയെ വിവാഹം കഴിക്കാൻ കഴിഞ്ഞിരുന്നെങ്കിൽ താൻ വിവാഹം കഴിച്ചേനെയെന്ന് ലാഗെർഫെൽഡ് ഒരു അഭിമുഖത്തിൽ പറഞ്ഞിരുന്നു. ചൗപെറ്റെ ആള് നിസാരക്കാരിയല്ല. ഇൻസ്റ്റഗ്രാമിൽ ഈ പൂച്ച സുന്ദരിക്ക് 1,31,000 ഫോളോവേഴ്സുണ്ട്. മനുഷ്യർക്ക് പോലും സ്വപ്നം കാണാവുന്നതിലപ്പുറമുള്ള ആഢംബര ജീവിതമാണ് ഈ പൂച്ചയുടേത്. എപ്പോഴും കൂടെ രണ്ടു പരിചാരികമാർ, ഒരു അംഗരക്ഷൻ പിന്നെ ഒരു സ്വകാര്യ ഡോക്ടറും- ഇങ്ങനെ പോകുന്നു…
Read More“എന്റെ അമ്മയെ ഓർത്ത് ഞാനെന്നും കരയും’; ബംഗ്ലാദേശ് ഫോട്ടോഗ്രാഫറുടെ കരളുലയ്ക്കുന്ന അനുഭവ കുറിപ്പ്
അമ്മയുടെ സ്നേഹവും സാമിപ്യവും അനുഭവിക്കേണ്ട പ്രായത്തിൽ അനാഥത്വത്തിന്റെയും പട്ടിണിയുടെയും ഇടയിലേക്ക് എറിയപ്പെടുന്ന നിരവധി ബാല്യങ്ങളുണ്ട്. അങ്ങനെയൊരു കുട്ടിയിലാണ് സോഷ്യൽമീഡിയയുടെ കണ്ണ് ഉടക്കുന്നത്. ബംഗ്ലാദേശി ഫോട്ടോഗ്രാഫറായ ജി.എം.ബി. ആകാശ് എന്നയാളാണ് വളരെ ചെറുപ്രായത്തിൽ തന്നെ അനാഥനായ “മാസും’ എന്ന കുട്ടിയെ ഫേസ്ബുക്ക് പേജിൽ കൂടി നവാധ്യമങ്ങളിൽ പരിചയപ്പെടുത്തുന്നത്. വിശപ്പ് എന്ന ഭീകര വികാരത്തോടൊപ്പം ഒറ്റപ്പെടുകയും ചെയ്ത മാസും എന്ന കുട്ടിയുടെ കഥ കണ്ണീരോടെയല്ലാതെ ആർക്കും വായിക്കാനാകില്ല. മാസുമിന്റെ കഥയിങ്ങനെ വിശന്ന വയറുമായി എന്റെ നിൽപ്പ് കാണുന്പോൾ അമ്മ എന്നും ആവശ്യപ്പെടും ഭക്ഷണത്തിനായി യാചിച്ച് ആരുടെയെങ്കിലുമൊക്കെ വാതിലിൽ ചെന്ന് മുട്ടാൻ. നാല് വർഷങ്ങൾക്ക് മുമ്പാണ് അച്ഛൻ ഞങ്ങളെ വിട്ടു പോയത്. അമ്മ ഒരു അസുഖക്കാരിയായതിനാൽ ജോലിയ്ക്ക് പോകാനൊന്നും കഴിയില്ല. ദിവസവും കഠിന വേദന സഹിക്കാനാവാതെ രണ്ടു കൈ കൊണ്ടും വയർ അമർത്തിപ്പിടിക്കുന്ന എന്റെ അമ്മയുടെ വേദന നിറഞ്ഞ മുഖം കാണാറുണ്ട്.…
Read Moreമകൾക്ക് പോളിയോ വാക്സിൻ നൽകാൻ വിസമ്മതിച്ചു; പാക് നടൻ ഫവാദ് ഖാനെതിരെ കേസ്
ലാഹോർ: മകൾക്ക് പോളിയോ വാക്സിൻ നൽകാൻ വിസമ്മതിച്ചതിനെ തുടർന്ന് പാക്കിസ്ഥാൻ നടൻ ഫവാദ് ഖാനെതിരെ കേസ്. ഫവാദിന്റെ ഭാര്യയാണ് മകൾക്ക് പോളിയോ വാക്സിൻ നൽകുന്നതിനെ എതിർത്തത്. പോളിയോ വാക്സിനേഷൻ ടീം പോലീസിൽ പരാതി നൽകിയതിനെ തുടർന്നാണ് കേസെടുത്തത്. നടന്റെ ഫൈസൽ ടൗണിലെ വസതിയിൽ പോളിയോ വാക്സിൻ നൽകാൻ എത്തിയവർക്കു നേരെ മോശമായി പെരുമാറിയെന്നാണ് പരാതി. സംഭവ സമയത്ത് പാക്കിസ്ഥാൻ സൂപ്പർ ലീഗുമായി ബന്ധപ്പെട്ട് ഫവാദ് ദുബായിൽ ആയിരുന്നു. കേസിൽ കുറ്റക്കാരനാണെന്ന് തെളിഞ്ഞാൽ രണ്ടു വർഷം വരെ തടവ് ലഭിക്കാം.
Read More