ഇന്ത്യയും പാക്കിസ്ഥാനും തമ്മിൽ നടന്ന ക്രിക്കറ്റ് മത്സരം ഏറെ ആകാംക്ഷയോടെയാണ് ആരാധകർ കണ്ടിരുന്നത്. കാത്തിരിപ്പിനൊടുവിൽ ഇന്ത്യ വിജയം നേടിയപ്പോൾ കൈയ്യടികളോടെയാണ് ഓരോ ആരാധകനും ആ നിമിഷം സ്വീകരിച്ചത്. ഇപ്പോഴിതാ മത്സരത്തിനിടയിൽ ഒരു പാക്കിസ്ഥാൻ ആരാധകൻ ഇന്ത്യയുടെ ദേശിയ ഗാനം ഏറ്റുപാടുന്ന വീഡിയോ ദൃശ്യങ്ങളാണ് സോഷ്യൽമീഡിയയിൽ ഏറെ കൗതുകകരമാകുന്നത്. മത്സരത്തിനു മുമ്പ് സ്റ്റേഡിയത്തിൽ ഇന്ത്യയുടെ ദേശിയ ഗാനം ഇട്ടപ്പോൾ അദ്ദേഹം അതിനോടൊപ്പം ഏറ്റുപാടുകയായിരുന്നു. സോഷ്യൽമീഡിയയിൽ വ്യാപകമായി പ്രചരിക്കുന്ന വീഡിയോ കണ്ട് ഇദ്ദേഹത്തെ അഭിനന്ദിച്ച് ആയിരക്കണക്കിനാളുകളാണ് രംഗത്തെത്തിയിരിക്കുന്നത്. ഇരുരാജ്യത്തുമുള്ള ആളുകൾക്കുമിടയിൽ സമാധാനത്തിന്റെ സന്ദേശമെത്തിക്കുവാൻ ഇദ്ദേഹത്തിന് സാധിച്ചുവെന്നാണ് ഏവരും അഭിപ്രായപ്പെടുന്നത്.
Read MoreCategory: NRI
അമേരിക്കയിൽ വിമാനം കാറിലിടിച്ചു; മലയാളി അത്ഭുതകരമായി രക്ഷപെട്ടു
നിരത്തിൽ എമർജൻസി ലാൻഡിംഗിനു ശ്രമിക്കുന്നതിനിടെ വിമാനം ഇടിച്ച് കഷ്ടിച്ചു രക്ഷപെട്ടവരിൽ മലയാളിയും. അമേരിക്കയിലെ ഡ്രഗ് എൻഫോഴ്സ്മെന്റ് ഏജൻസിയുടെ ചെറുവിമാനം തകരാറിലായിരുന്നു. തുടർന്നാണ് ടെക്സസിലെ നിരത്തിൽ വിമാനം എമർജൻസി ലാൻഡിംഗിനു ശ്രമിച്ചത്. നിരത്തിലിറങ്ങിയ വിമാനം പിന്നീട് ഓടിക്കൊണ്ടിരിക്കുകയായിരുന്ന ഓരോ വാഹനങ്ങളിലും ഇടിച്ചു. ഈ കാറുകളിലൊന്ന് മലയാളിയായ ഒനീൽ കുറപ്പ് എന്ന വ്യക്തിയുടേതായിരുന്നു. ടെസ്ല എക്സ് ആയിരുന്നു അദ്ദേത്തിന്റെ കാർ. സംഭവത്തിനു ശേഷം ഈ അപകടത്തിന്റെ ചിത്രങ്ങൾ അദ്ദേഹം തന്നെയാണ് സോഷ്യൽമീഡിയയിൽ പങ്കുവച്ചത്. ഒനീൽ കുറുപ്പും മകനുമായിരുന്നു വാഹനത്തിലുണ്ടായിരുന്നത്. ഇരുവരും സുരക്ഷിതരാണ്.
Read Moreചിലന്തിവലകളാൽ നിറഞ്ഞ ഒരു കടൽതീരം
ചിലന്തിവലകളാൽ നിറഞ്ഞ ഒരു കടൽ തീരത്തിന്റെ ഭീകരാന്തരീക്ഷം നിറഞ്ഞ ഞെട്ടിക്കുന്ന ചിത്രങ്ങൾ സോഷ്യൽമീഡിയയിൽ നിറയുന്നു. ഗ്രീസിലാണ് സംഭവം. ചെടികളും മരങ്ങളും പൂക്കളുമെല്ലാം ചിലന്തിവലകളാൽ മൂടപ്പെട്ടിരിക്കുന്ന അവസ്ഥയാണ് കാണുവാൻ സാധിക്കുന്നത്. ആയിരക്കണക്കിന് ചിലന്തികളാണ് ഇവിടെയുള്ളത്. വളരെ ചെറിയ ഇനത്തിൽപ്പെട്ട ഈ ചിലന്തികൾക്ക് കരയിലൂടെയും വെള്ളത്തിലൂടെയും വളരെ വേഗത്തിൽ സഞ്ചരിക്കുവാൻ സാധിക്കുമെന്നാണ് പഠനങ്ങൾ തെളിയിക്കുന്നത്. എന്നാൽ ഈ ചിലന്തികൾ മനുഷ്യനെ ഉപദ്രവിക്കില്ല. ഈ ചിലന്തികളുടെ പ്രിയപ്പെട്ട ഭക്ഷണമായ ഗ്നാറ്റ് എന്നയിനത്തിൽപ്പെട്ട പ്രാണി ഈ മേഖലയിലുള്ളതാണ് ചിലന്തികൾ ഇവിടെ വർദ്ധിക്കുവാൻ കാരണമാകുന്നത്.
Read Moreഅയ്യയ്യോ എന്തൊരു നാണക്കേട് ! സ്വന്തം പേരു തെറ്റിച്ച് വിമാനക്കന്പനി
‘അയ്യയ്യോ എന്തൊരു നാണക്കേട് സ്വന്തം പേരു പോലും എഴുതാനറിയില്ലേ നിങ്ങൾക്ക്.’…. ലോകമെന്പാടുനിന്നുമുള്ള ട്രോൾ ശരങ്ങളേറ്റു പിടയുകയാണ് ഹോങ്കോംഗ് ആസ്ഥാനമായ കാതെ പസഫിക് എന്ന വിമാനക്കന്പനി. എന്താണ് ഇവർ ചെയ്ത തെറ്റ് എന്നു ചോദിച്ചാൽ… പുതുതായി ഇറക്കിയ തങ്ങളുടെ വിമാനത്തിൽ കന്പനിയുടെ പേര് എഴുതിച്ചേർത്തപ്പോൾ ഒരക്ഷരം വിട്ടുപോയി, അത്രമാത്രം. പസഫിക് എന്ന വാക്കിലെ ‘എഫ്’അക്ഷരമാണ് വിട്ടുകളഞ്ഞത്. കാതെ പസഫികിനു പകരം ‘കാതെ പസീക്’. വിമാനം കണ്ട് യാത്രക്കാരിൽ ചിലരാണു സംഭവം കന്പനി അധികൃതരുടെ ശ്രദ്ധയിൽപ്പെടുത്തിയത്. തെറ്റ് സ്ഥിരീകരിച്ച കന്പനിയാകട്ടെ ന്യായീകരിക്കാൻ മെനക്കെടാതെ, തമാശരൂപണേ സംഭവത്തിൽ ഖേദം പ്രകടിപ്പിക്കുകയും ചെയ്തു. ഒട്ടും വൈകാതെ, തെറ്റു പറ്റിയ ഭാഗം പെയിന്റ് ഉപയോഗിച്ചു മറച്ച ചിത്രവും കന്പനി ട്വിറ്ററിൽ പോസ്റ്റ് ചെയ്തു. മികവാർന്ന പ്രവർത്തനങ്ങളുടെ പേരിൽ നിരവധി അന്താരാഷ്ട്ര അവാർഡുകൾ സ്വന്തമാക്കിയിട്ടുള്ള കന്പനിയാണ് കാതെ പസഫിക്.
Read Moreഅമിതമായി ഭക്ഷണം കഴിച്ചയാൾക്ക് ഭക്ഷണശാലയിൽ വിലക്ക്
ജർമൻ സ്വദേശിയായ യുവാവിന് ഭക്ഷണശാലയിൽ പ്രവേശിക്കുന്നതിന് വിലക്ക്. ജറോസ്ലാവ് ബോബ്രോസ്കി എന്ന യുവാവിനാണ് ഈ ദുരനുഭവം. റസ്റ്റോറിന്റെിന്റെ അധികൃതർ പറഞ്ഞ കാരണം അറിഞ്ഞാൽ ഏറെ രസകരം. ജറോസ്ലാവ് അമിതമായി ഭക്ഷണം കഴിക്കുന്നുവെന്ന കാരണത്താലാണ് ഈ നടപടി സ്വീകരിച്ചത്. ഇവിടെ പ്രവർത്തിക്കുന്ന “ഓൾ യൂ കാൻ ഈറ്റ്’ എന്ന റസ്റ്റൊറന്റ് അധികൃതരാണ് ഇത്തരമൊരു നടപടി സ്വീകരിച്ചത്. കഴിഞ്ഞ ദിവസം തന്റെ പെണ്സുഹൃത്തുമായി ഇവിടെ എത്തിയ ജറോസ്ലാവ്, ജാപ്പനീസ് വിഭവമായ “സുഷി’ നൂറ് പ്ലേറ്റ് കഴിച്ചതാണ് പ്രശ്നങ്ങൾക്ക് കാരണമായത്. മുപ്പതു വയസുകാരനായ ജറോസ്ലാവ് ഒരു സോഫ്റ്റ് വെയർ എൻജീനിയറാണ്. ജോലി സംബന്ധമായ തിരക്കുള്ള സമയം ഇരുപതു മണിക്കൂറിലേറെ ഭക്ഷണം കഴിക്കാതിരിക്കുന്ന ഇദ്ദേഹം തിരക്കു കഴിയുമ്പോൾ ഇതിന്റെ കണക്ക് എല്ലാം തീർക്കും. അത്തരത്തിൽ കഴിക്കാനെത്തിയപ്പോഴാണ് ഇനി ഇങ്ങോട്ട് വരെണ്ടന്ന് റസ്റ്റൊറന്റ് അധികൃതർ വ്യക്തമാക്കിയത്. ഇതിനു മുമ്പും ഇവിടെ വന്ന് ഇത്തരത്തിൽ ജറോസ്ലാവ്…
Read Moreനല്ല മരുമകളെ വേണോ, ബർക്കത്തുള്ള യൂണിവേഴ്സിറ്റിയിലേക്ക് പോന്നോളു !
സ്ത്രീപീഡനങ്ങൾക്കും സ്ത്രീധനപീഡനങ്ങൾക്കുമൊക്കെ ഏറെ പേരുകേട്ട രാജ്യമാണ് ഇന്ത്യ. ഇതിനെതിരേ നമ്മുടെ സർക്കാരുകൾ സ്വീകരിക്കുന്ന നടപടികൾ അത്ര കാര്യക്ഷമമാകുന്നില്ല എന്നുതന്നെയാണ് ചുറ്റും നടക്കുന്ന സംഭവങ്ങൾ സൂചിപ്പിക്കുന്നത്. എന്നാൽ ബിജെപി ഭരിക്കുന്ന സംസ്ഥാനമായ മധ്യപ്രദേശിലെ ഒരു സർവകലാശാലയിൽ സ്ത്രീശാക്തീകരണത്തിന്റെ ഭാഗമായി വിചിത്രമായ ഒരു കോഴ്സ് പെണ്കുട്ടികൾക്കുവേണ്ടി മാത്രമായി തുടങ്ങാൻ തീരുമാനിച്ചിരിക്കുകയാണ്. നല്ല മരുമക്കളെ കിട്ടണമെന്ന് ആഗ്രഹിക്കുന്ന മാതാപിതാക്കൾ അടുത്ത അധ്യയന വർഷം മുതൽ മധ്യപ്രദേശിലെ ബർക്കത്തുള്ള സർവകലാശാലയിൽ ചെന്നാൽ മതിയാകും. കാരണം അടുത്ത അധ്യയന വർഷം മുതൽ എങ്ങനെ ഒരു നല്ല മരുമകളാകാം എന്ന് പഠിപ്പിക്കുന്ന ഒരു പുതിയ കോഴ്സ് ഇവിടെ തുടങ്ങുകയാണ്. മൂന്നു മാസമാണ് ഈ സർട്ടിഫിക്കറ്റ് കോഴ്സിന്റെ ദൈർഘ്യം. അതായത് മൂന്നുമാസംകൊണ്ട് ഇവിടെ എത്തുന്ന പെണ്കുട്ടികളെ പഠിപ്പിച്ച് നല്ല മരുമകളാകാൻ ഒരുക്കുമത്രേ. സൈക്കോളജി, സോഷ്യോളജി, വിമൻ സ്റ്റഡീസ് എന്നീ വിഭാഗങ്ങൾ ചേർന്നാകും ഈ പുതിയ കോഴ്സ് നടത്തുക.…
Read Moreതൊഴിലാളികൾ അവരെ കണ്ടു; ആദ്യം ഞെട്ടൽ, പിന്നെ കൗതുകം
പടിഞ്ഞാറൻ കാനഡയിലെ ഒരു സ്വർണ ഖനിയിൽ ഖനനത്തിൽ ഏർപ്പെട്ടിരിക്കുകയായിരുന്നു ഒരു കൂട്ടം തൊഴിലാളികൾ. അപ്പോഴാണ് തണുത്തുറഞ്ഞ പാറകൾക്കിടയിൽനിന്ന് രണ്ടു ജീവികളുടെ മൃതദേഹങ്ങൾ അവർക്കു കിട്ടിയത്. കൂടുതൽ പരിശോധനയിൽ ഒരെണ്ണം ഒരു ചെന്നായ കുഞ്ഞും മറ്റേത് റെയിൻ ഡിയർ കുഞ്ഞുമായിരുന്നു. തൊഴിലാളികൾ ഉടൻതന്നെ അടുത്തുള്ള ചരിത്രമ്യൂസിയത്തിൽ വിവരമറിയിച്ചു. മ്യൂസിയം അധികൃതർ നടത്തിയ പരിശോധനയിൽ അവ വെറും മൃതദേഹങ്ങൾ അല്ലെന്നും വളരെ കാലപ്പഴക്കമുള്ള മമ്മികളാണെന്നും കണ്ടെത്തി. 50,000 വർഷത്തിനു മുന്പ് ഭൂമുഖത്തുണ്ടായിരുന്ന ജീവികളുടെ മമ്മിയായിരുന്നു അത്. എന്തോ കാരണത്താൽ ഭൂമിക്കടിയിൽപ്പെട്ടുപോവുകയും പിന്നീട് സ്വാഭാവിക പ്രക്രിയയിലൂടെ മമ്മികളായി മാറുകയുമായിരുന്നു. ചരിത്രത്തിലാദ്യമാണ് ഇത്രയും പഴക്കമുള്ള മൃഗങ്ങളുടെ മമ്മികൾ ലഭിക്കുന്നത്. ചെന്നായ കുഞ്ഞിന്റെ ശരീരം ഏകദേശം പൂർണമായും സംരക്ഷിക്കപ്പെട്ട നിലയിലാണ്. തലയും വാലും കൈകളും രോമങ്ങളും ചർമവുമെല്ലാം അതേപടിയുണ്ടെന്നാണ് മ്യൂസിയം അധികൃതർ പറയുന്നത്. എന്നാൽ റെയിൻ ഡിയർ കുഞ്ഞിന്റെ കുറച്ചു ഭാഗങ്ങൾ നശിച്ചുപോയിട്ടുണ്ട്. ഹിമയുഗ…
Read Moreസ്ട്രോബറി കഴിക്കാൻ പേടിച്ച് ഓസ്ട്രേലിയക്കാർ
സ്ട്രോബറി പഴങ്ങൾ കഴിക്കാൻ ഭയമാണിപ്പോൾ ഓസ്ട്രേലിയക്കാർക്ക്. രാജ്യത്തിന്റെ പല ഭാഗങ്ങളിലും സൂചി ഉള്ളിലുള്ള സ്ട്രോബറി പഴങ്ങൾ ലഭിക്കുന്നതു വ്യാപകമായതാണു കാരണം. സംഭവം ആദ്യം റിപ്പോർട്ട് ചെയ്യപ്പെട്ടത് ക്വീൻസ്ലാൻഡിലാണ്. ഇത് ഒറ്റപ്പെട്ട സംഭവമാണെന്നു കരുതിയിരിക്കെയാണ് രാജ്യത്തിന്റെ പല ഭാഗങ്ങളിൽനിന്നു സൂചികളുള്ള സ്ട്രോബറികൾ ലഭിക്കുന്നത്. ഇവിടത്തെഎല്ലാ സംസ്ഥാനങ്ങളിലും ഇത്തരം സംഭവങ്ങളുണ്ടായതായി വിവിധ വിദേശ മാധ്യമങ്ങൾ റിപ്പോർട്ട് ചെയ്തു. സ്ട്രോബറി പഴത്തിനുള്ളിലുണ്ടായിരുന്ന പിൻ വയറിനുള്ളിലെത്തി കഴിഞ്ഞ ദിവസം രണ്ടുപേർ അവശനിലയിലായിരുന്നു. സംഭവവുമായി ബന്ധപ്പെട്ട് ഒരാളെ അറസ്റ്റ് ചെയ്തെങ്കിലും സംഭവത്തിനു പിന്നിലെ ദുരൂഹത നീക്കാൻ ഓസ്ട്രേലിയൻ പോലീസിനിതുവരെയാ യിട്ടില്ല. വാണിജ്യ ഭീകരപ്രവർത്തനമാണിതെന്നാണു പ്രാഥമികവിലയിരുത്തൽ. നന്നായി പരിശോധിച്ച ശേഷമേ സ്ട്രോബറി പഴങ്ങൾ ഉപയോഗിക്കാവൂ എന്ന് അധികൃതർ അറിയിച്ചു. സംഭവത്തിനു പിന്നിലുള്ളവരേക്കുറിച്ചു സൂചന നൽകുന്നവർക്ക് ഓസ്ട്രേലിയൻ പോലീസ് വൻ പാരിതോഷികവും പ്രഖ്യാപിച്ചിട്ടുണ്ട്. ഡിറ്റക്ടർ ഉപയോഗിച്ചു പരിശോധിച്ച ശേഷമാണ് രാജ്യത്തു പലരുമിപ്പോൾ സ്ട്രോബറി വാങ്ങുന്നത്. അതേസമയം, സ്ട്രോബറി…
Read Moreസീരിയൽ കില്ലർ! നാലു സ്ത്രീകളെ കൊലപ്പെടുത്തിയ യുഎസ് ഉദ്യോഗസ്ഥൻ അറസ്റ്റിൽ; കൊല്ലപ്പെട്ട നാലു സ്ത്രീകളും വേശ്യവൃത്തിയില് ഏര്പ്പെട്ടവരാണെന്ന്
വെബ് കൗണ്ടി (ടെക്സസ്): ടെക്സസിൽ നിന്നുള്ള നാലു സ്ത്രീകളെ തട്ടികൊണ്ടുപോയി കൊലപ്പെടുത്തിയ സീരിയൽ കില്ലർ, യുഎസ് ബോർഡർ പട്രോൾ സൂപ്പർ വൈസർ വാൻ ഡേവിഡ് ഓർട്ടിസിനെ (35) പൊലീസ് അറസ്റ്റ് ചെയ്തു. 2.5 മില്യൻ ഡോളറാണ് ബോണ്ടായി നിശ്ചയിച്ചിരിക്കുന്നതെന്ന് വെബ് കൗണ്ടി ഡിസ്ട്രിക്റ്റ് അറ്റോർണി ഇസി ഡ്രൊ അലനിസ് പറഞ്ഞു. സെപ്റ്റംബർ 15 നു ലറിഡൊ ഹോട്ടലിന് പുറത്തു പാർക്ക് ചെയ്തിരുന്ന ട്രക്കിൽ നിന്നാണ് ഇയാളെ പിടികൂടിയത്. നാലു കൊലപാതകം, മാരകായുധം കൊണ്ടു മുറിവേൽപിക്കൽ, നിയമ വിരുദ്ധമായി തടഞ്ഞു വയ്ക്കൽ തുടങ്ങിയ കുറ്റങ്ങളാണ് ഇയാൾക്കുമേൽ ചുമത്തിയിരിക്കുന്നത്. കൊല്ലപ്പെട്ട നാലു സ്ത്രീകളും വേശ്യവൃത്തിയിലെർപ്പെട്ടവരാണെന്നും നാലു പേരെയും വെടിവച്ചു കൊലപ്പെടുത്തിയശേഷം സൗത്ത് ടെക്സസ് കൗണ്ടി ഉൾപ്രദേശങ്ങളിലുള്ള റോഡുകളിൽ ഉപേക്ഷിക്കുകയായിരുന്നുവെന്നും ഡിസ്ട്രിക്ട് അറ്റോർണി പറഞ്ഞു. സെപ്റ്റംബർ 14 ന് ഒരു സ്ത്രീയെ തട്ടിയെടുത്ത് ട്രക്കിലിട്ടു കൊണ്ടു പോകുന്നതിനിടയിൽ രക്ഷപ്പെട്ട എറിക്ക് പെന്ന…
Read Moreസമൂഹമാധ്യമങ്ങൾക്ക് കർശന നിർദേശവുമായി യൂറോപ്യൻ യൂണിയൻ
ബ്രസൽസ്: ഭീകരവാദ പ്രചരണം സംബന്ധിച്ച് യൂറോപ്യൻ യൂണിയൻ സമൂഹ മാധ്യമങ്ങൾക്ക് കർശന മുന്നറിയിപ്പ് നൽകി. ഉള്ളടക്കത്തെക്കുറിച്ച് പരാതി വന്നാൽ ഒരു മണിക്കൂറിനകം നടപടിയെടുക്കണമെന്നാണ് ഫേസ്ബുക്ക്, ട്വിറ്റർ, യൂ ട്യൂബ് എന്നിവയ്ക്ക് നൽകിയിരിക്കുന്ന നിർദേശം. നിർദേശം ലംഘിക്കുന്ന സ്ഥാപനങ്ങളിൽ നിന്ന് ആഗോള വരുമാനത്തിന്റെ നാലുശതമാനം പിഴയായി ഈടാക്കും. ഇന്റർനെറ്റും സമൂഹ മാധ്യമങ്ങളും ഉപയോഗിച്ച് ഭീകരസംഘടനയിലേക്ക് ആളെ കൂട്ടുകയും കൂട്ടക്കൊലപാതകങ്ങൾ നടത്തുകയും ചെയ്യുന്ന സാഹചര്യത്തിലാണ് നടപടികൾ കർക്കശമാക്കുന്നത്. കന്പനി സ്വമേധയാ നടപടിയെടുക്കാത്തതിനെ തുടർന്നാണ് ഇയു നേരിട്ട് രംഗത്തുവന്നതെന്ന് യൂറോപ്യൻ കമീഷൻ പ്രസിഡന്റ് ജാൻ ക്ലോദ് യങ്കർ പറഞ്ഞു.ജർമനി ഇക്കാര്യത്തിൽ നേരത്തെ തന്നെ നടപടി സ്വീകരിച്ചിരുന്നു. സമൂഹ മാധ്യമങ്ങളലൂടെ അപകീർത്തിപ്പെടുത്തലുകളോ മറ്റു വ്യക്തിപരമായ വിഷയങ്ങളിലും മോശപ്പെടുത്തിയാൽ നടപടി മാത്രമല്ല പിഴയും ഒടുക്കേണ്ടി വരും. ചില സമയങ്ങളിൽ നിരീക്ഷണത്തിനു പുറമെ നിയന്ത്രണവിധേയവുമാണ് സമൂഹമാധ്യമങ്ങൾ. റിപ്പോർട്ട്: ജോസ് കുന്പിളുവേലിൽ
Read More