അതിശക്തമായി ഒഴുകിയ നദിയിൽ കുടുങ്ങിപ്പോയ കാർ യാത്രികരെ സാഹസികമായി രക്ഷിക്കുന്നതിന്റെ ഞെട്ടിക്കുന്ന ദൃശ്യങ്ങൾ പുറത്ത്. മഹാരാഷ്ടയിലെ തലോജയ്ക്കു സമീപം ഗോട്ട്ഗാവിലാണ് സംഭവം നടന്നത്. കാറിൽ കുടുങ്ങിയ ഇവർ വാഹനത്തിന്റെ മുകളിൽ കയറിയിരിക്കുകയായിരുന്നു. സംഭവം കണ്ട് ഇവിടേക്ക് എത്തിയ പ്രദേശവാസികൾ കയർ ഉപയോഗിച്ച് യാത്രികരെ എല്ലാവരെയും സുരക്ഷിതമായി രക്ഷിക്കുകയായിരുന്നു. മുപ്പത്തിയേഴുവയസുകാരനായ അഷറഫ് ഖലിൽ ഭാര്യ ഹാമിദ ഇവരുടെ രണ്ടു കുട്ടികൾ എന്നിവരാണ് കാറിൽ കുടുങ്ങിയത്. രക്ഷാപ്രവർത്തനം അൽപ്പം കൂടി വൈകിയിരുന്നുവെങ്കിൽ ഇവർ ഒഴുകി പോകുമായിരുന്നു, പാലത്തിൽ നിന്നിരുന്ന വാഹനം ശക്തമായ ഒഴുക്കിൽപെട്ട് നദിയിലേക്കു വീണാണ് കുടുങ്ങിപ്പോയത്. വെള്ളത്തിന്റെ അളവ് വർദ്ധിച്ചപ്പോൾ രക്ഷപ്പെടാൻ ഇവർ കാറിനു മുകളിലേക്കു കയറിയിരിക്കുകയും ചെയ്തു. സമീപമുണ്ടായിരുന്നവർ പകർത്തിയ ഈ രക്ഷാപ്രവർത്തനത്തിന്റെ ദൃശ്യങ്ങൾ ഇതിനോടകം തന്നെ വൈറലായി മാറിയിരിക്കുകയാണ്.
Read MoreCategory: NRI
ഡോക്ടർ, എന്റെ കാലിൽ കറന്റ് അടിക്കുന്നതുപോലെ..! യുവതിയുടെ കാലില് പരിശോധന നടത്തിയ ഡോക്ടര് ഞെട്ടി
ഡോക്ടർ, എന്റെ കാലിൽ കറന്റ് അടിക്കുന്നതുപോലെ തോനുന്നു. ഈ പരാതിയുമായാണ് ഫ്രാൻസിലെ ഒരാശുപത്രിയിൽ മുപ്പത്തഞ്ചു വയസുള്ള യുവതിയെത്തിയത്. കാലുകൾക്കു വിറയൽ, വൈദ്യുതി പ്രവഹിക്കുന്നു തുടങ്ങിയ ലക്ഷണങ്ങൾ പറഞ്ഞായിരുന്നു അവർ ഡോക്ടറെ സമീപിച്ചത്. വിശദമായ പരിശോധന നടത്തിയ ഡോക്ടർ ഞെട്ടി. യുവതിയുടെ നട്ടെല്ലിനുള്ളിൽ കണ്ടെത്തിയ നാടവിരയുടെ ലാർവയാണ് യുവതിയുടെ ഈ അവസ്ഥയ്ക്കു കാരണമായത്. ന്യൂ ഇംഗ്ലണ്ട് ജേർണൽ ഓഫ് മെഡിസിന്റെ റിപ്പോർട്ട് അനുസരിച്ച് കുതിരസവാരിയിൽ കമ്പമുള്ള ആളാണ് രോഗി. കൂടാതെ കന്നുകാലിവളർത്തലുമുണ്ട്. ഈ രോഗലക്ഷണങ്ങൾ കാരണം കുതിരസവാരി നടത്താൻ കഴിയുന്നില്ല. അതിനാലാണ് അവർ ആശുപത്രിയിലെത്തിയത്. ശസ്ത്രക്രിയ നടത്തി നാടവിരയുടെ ലാർവകളെ നീക്കം ചെയ്തു. എക്കിനോകോക്കസ് ഗ്രാനുലോസസ് എന്ന അണുബാധയാണ് ഈ അവസ്ഥയ്ക്കു കാരണം. നായ്ക്കളിലും മറ്റു വളർത്തുമൃഗങ്ങളിലുമാണ് ഈ പരാദവിരകൾ കാണപ്പെടുന്നത്.
Read Moreറോഡ് നിർമാണത്തിനിടെ 12-ാം നൂറ്റാണ്ടിലെ സ്വർണ നാണയങ്ങൾ ലഭിച്ചു
ഛത്തീസ്ഗഡിൽ റോഡ് നിർമാണത്തിനിടെ 12-ാം നൂറ്റാണ്ടിലെ സ്വർണ നാണയങ്ങൾ ലഭിച്ചു. ഛത്തീസ്ഗഡിലെ കൊൻഡഗണിൽ റോഡ് നിർമിക്കുന്നതിനായി മണ്ണ് എടുത്തപ്പോഴാണ് സ്വർണ നാണയങ്ങളും വെള്ളി നാണയവും ലഭിച്ചത്. മണ്കലത്തിൽ സൂക്ഷിച്ച നിലയിലായിരുന്നു നാണയങ്ങൾ. 57 സ്വർണ നാണയങ്ങളും ഒരു വെള്ളി നാണയവുമാണ് ലഭിച്ചതെന്ന് ജില്ലാ കളക്ടർ നിലകാന്ത് പറഞ്ഞു. കോർകോടി-ബെഡ്മാ ഗ്രാമങ്ങളെ തമ്മിൽ ബന്ധിപ്പിക്കുന്നകിനായി റോഡ് നിർമിക്കുന്നതിനിടെയാണ് നാണയങ്ങൾ ലഭിച്ചതെന്നും കളക്ടർ പറഞ്ഞു.
Read Moreലേസർ തോക്ക് യാഥാർഥ്യമാക്കി ചൈനീസ് ശാസ്ത്രജ്ഞർ
സിനിമകളിൽ മാത്രം കണ്ടിട്ടുള്ള ലേസർതോക്ക് ചൈനീസ് കന്പനി യാഥാർഥ്യമാക്കിയതായി റിപ്പോർട്ട്. ഷാൻക്സി പ്രവിശ്യയിലുള്ള ചൈനീസ് അക്കാഡമി ഓഫ് സയൻസിലെ ശാസ്ത്രജ്ഞരാണ് സെഡ്എകെ എസ്എം എന്ന ലേസർ തോക്ക് നിർമിച്ചിരിക്കുന്നത്. എകെ 47 തോക്കുകളുടെ മാതൃകയിലാണ് നിർമാണം. വെടിയുണ്ടകൾക്കു പകരം നഗ്ന നേത്രങ്ങൾകൊണ്ട് കാണാനാവാത്ത ലേസർ രശ്മികളാണ് ഈ തോക്കിൽനിന്ന് പുറപ്പെടുക. വെടിയുതിർക്കുന്പോൾ ശബ്ദവുമുണ്ടാവില്ല. ശരീരഭാഗം കരിഞ്ഞുതുടങ്ങുന്പോൾ മാത്രമായിരിക്കും വെടിയേറ്റ ആളുപോലുമറിയുക.അടുത്ത മാസം മുതൽ ചൈനയിലെ ഭീകരവിരുദ്ധ സേന ലേസർ തോക്കുകൾ പരീക്ഷണാടിസ്ഥാനത്തിൽ ഉപയോഗിച്ചുതുടങ്ങുമെന്നുമാണ് ചൈനീസ് മാധ്യമങ്ങളുടെ റിപ്പോർട്ട്.
Read Moreചൊവ്വയിലേക്ക് പോകാൻ തയാറായി എലീസ കാർസൺ
ഒരു ബഹിരാകാശ സഞ്ചാരിയാകാൻ ആഗ്രഹിക്കാത്ത ആരുമുണ്ടാകില്ല. എലീസ കാർസണും അങ്ങനെയായിരുന്നു. അമേരിക്കയിലെ ലൂസിയാന സ്വദേശിനിയായ എലീസ ഇനിമുതൽ നാസയുടെ ഭാഗമാണ്. ചൊവ്വയിലേക്ക് മനുഷ്യരെ അയയ്ക്കുന്ന നാസയുടെ ദൗത്യത്തിലേക്കാണ് എലീസയെ തെരഞ്ഞെടുത്തിരിക്കുന്നത്. നാസയുടെ ദൗത്യങ്ങളിൽ അംഗമാകുന്ന ഏറ്റവും പ്രായം കുറഞ്ഞ വ്യക്തിയെന്ന റിക്കാർഡ് എലീസയ്ക്കു ലഭിക്കുമെങ്കിലും ചൊവ്വാദൗത്യം ആരംഭിക്കുന്പോൾ എലീസയ്ക്ക് 32 വയസാകും. അതായത്, 2033ൽ ചൊവ്വയിലേക്ക് മനുഷ്യരെ അയയ്ക്കാനാണ് നാസയുടെ പദ്ധതി. രണ്ടു മുതൽ മൂന്നു വർഷം വരെയാണ് ദൗത്യകാലാവധി. നിലവിൽ എലീസ ചൊവ്വാ ദൗത്യത്തിന്റെ ഭാഗമാകാനുള്ള പരിശീലനത്തിലാണ്. നാസയുടെ പോളാർ ഓർബിറ്റൽ സയൻസിലാണ് പരിശീലനം. സീറോ ഗ്രാവിറ്റി ട്രെയിനിംഗ്, വെള്ളത്തിനടിയിൽ ജീവിക്കാനുള്ള പരിശീലനം തുടങ്ങിയവയാണ് ഇവിടെ നല്കുന്നത്. നാസയുടെ ബഹിരാകാശസഞ്ചാരി എന്ന പേര് ഒൗദ്യോഗികമായി ലഭിക്കണമെങ്കിൽ 18 വയസ് പൂർത്തിയാകണം. അതിനാൽ ബ്ലൂബെറി എന്ന കോഡ് നെയിമാണ് എലീസയ്ക്ക് നല്കിയിരിക്കുന്നത്. കുട്ടിക്കാലത്ത് നാസയുടെ യുണെറ്റഡ് സ്റ്റേറ്റ്…
Read Moreമുട്ടക്കറി വയ്ക്കാൻ വിസമ്മതിച്ച ഭാര്യയെ ഭർത്താവ് കൊലപ്പെടുത്തി
മുട്ടക്കറി വയ്ക്കാൻ വിസമ്മതിച്ച ഭാര്യയുടെ നേർക്ക് ഭർത്താവ് നിറയൊഴിച്ചു. ഉത്തർപ്രദേശിലെ ഷാജഹാൻപൂറിലാണ് സംഭവം. തുടർന്നു മൻഗേഷ് ശുക്ല എന്ന യുവതി കൊല്ലപ്പെട്ടു. ഇവരുടെ ഭർത്താവ് നവ്നീതിനെ പോലീസ് അറസ്റ്റ് ചെയ്തു. മദ്യലഹരിയിലായിരുന്ന ഇയാൾ പിതാവിന്റെ പേരിൽ ലൈസൻസുള്ള തോക്കുകൊണ്ടാണ് ഭാര്യയെ ആക്രമിച്ചത്. പന്ത്രണ്ട് വർഷങ്ങൾക്കു മുമ്പ് വിവാഹിതരായ ഇവർക്ക് മൂന്നു മക്കളുണ്ട്. കുട്ടികൾ സ്കൂളിലും മാതാപിതാക്കൾ വീടിനു പുറത്തും പോയ സമയത്താണ് സംഭവം നടന്നത്. വ്യാഴാഴ്ച്ച ഉച്ചകഴിഞ്ഞ് മദ്യപിച്ച് വീട്ടിലെത്തിയ നവ്നീത് മുട്ടക്കറി ഉണ്ടാക്കിത്തരുവാൻ ഭാര്യയോട് ആവശ്യപ്പെട്ടു. എന്നാൽ ഇത് നിരസിച്ച മൻഗേഷ് ഭർത്താവുമായി വാക്കുതർക്കത്തിലേർപ്പെട്ടു. തുടർന്ന് വീട്ടിൽ നിന്നും ഇറങ്ങിപ്പോയ നവ്നീത് തോക്കുമായി വന്ന് ഭാര്യയുടെ നേർക്ക് നിറയൊഴിക്കുകയായിരുന്നു. ശബ്ദം കേട്ട് ഇവിടെ എത്തിയ അയൽവാസികൾ മൻഗേഷിനെ ആശുപത്രിയിൽ എത്തിച്ചുവെങ്കിലും അതിനു മുമ്പേ ഇവർ മരിച്ചിരുന്നു. കൊലയ്ക്കുപയോഗിച്ച തോക്ക് സ്ഥലത്തു നിന്നും പോലീസ് കണ്ടെടുത്തു. കുട്ടികൾ…
Read Moreരണ്ടു ലക്ഷം ഡോളർ തന്നാൽ ബഹിരാകാശത്തു കൊണ്ടുപോകാം: ജെഫ് ബെസോസ്
രണ്ടു ലക്ഷം ഡോളർ തന്നാൽ ബഹിരാകാശത്തു കൊണ്ടുപോകാം. പറയുന്നത് മറ്റാരുമല്ല; ലോകത്തിലെ ഏറ്റവും ധനികനും ആമസോണിന്റെ സ്ഥാപകനുമായ ജെഫ് ബെസോസാണ്. ബെസോസിന്റെ റോക്കറ്റ് കന്പനിയായ ബ്ലൂ ഒറിജിനാണ് ബഹിരാകാശത്തേക്ക് വിനോദയാത്ര നടത്തുന്നത്. ടിക്കറ്റ് നിരക്ക് വ്യക്തമായി കമ്പനി പ്രഖ്യാപിച്ചിട്ടില്ലെങ്കിലും ഏകദേശം രണ്ടു മുതൽ മൂന്നു വരെ ലക്ഷം ഡോളർ (1.36-2.05 കോടി രൂപ) മുടക്കിയാൽ ബഹിരാകാശയാത്ര നടത്താൻ താത്പര്യമുള്ളവർക്ക് അവസരം ലഭിക്കും. ബ്ലൂ ഒറിജിന്റെ കന്നിയാത്ര അടുത്ത വർഷം നടത്താനാണ് തീരുമാനം. ബ്ലൂ ഒറിജിന്റെ ന്യൂ ഷെപ്പേഡ് സ്പേസ് വെഹിക്കിളിലാണ് ബഹിരാകാശയാത്രികരെ കൊണ്ടുപോകുക. സ്പേസ് ടൂറിസത്തിലുള്ള സാധ്യത കണക്കിലെടുത്താണ് കമ്പനി ഇത്തരത്തിലൊരു പദ്ധതി ആവിഷ്കരിച്ചത്. അടുത്ത വർഷം ടിക്കറ്റ് വില്പന തുടങ്ങുമെന്നാണ് കമ്പനിയുടെ വെളിപ്പെടുത്തൽ. ആറു യാത്രക്കാരെയും വഹിച്ച് ഭൂമിക്ക് പുറത്ത് 100 കിലോമീറ്റർ ഉയരത്തിൽ സ്വയം സഞ്ചരിക്കാൻ ശേഷിയുള്ള പേടകമാണ് ന്യൂ ഷെപ്പേഡ്. കുറച്ചുനേരത്തെ ഭാരക്കുറവ്…
Read Moreഹാഫ്കൈൻ ഇൻസ്റ്റിറ്റ്യൂട്ടിൽ അണലി പാമ്പ് ജന്മം നൽകിയത് മുപ്പത്തിയാറ് കുഞ്ഞുങ്ങൾക്ക്
മുംബൈയിലെ ഹാഫ്കൈൻ ഇൻസ്റ്റിറ്റ്യൂട്ട് ഫോർ റിസർച്ച് ആൻഡ് ടെസ്റ്റിംഗ് എന്ന സ്ഥാപനത്തിൽ മുപ്പത്തിയാറ് അണലി കുഞ്ഞുങ്ങൾ ജനിച്ചു. വിഷകാരികളായ പാമ്പുകളിൽ പരീക്ഷണം നടത്തുന്നതിൽ മുൻപന്തിയിൽ നിൽക്കുന്ന രാജ്യത്തെ സ്ഥാപനങ്ങളിൽ ഒന്നാണ് ഹാഫ്കൈൻ ഇൻസ്റ്റിറ്റ്യൂട്ട്. മാത്രമല്ല വിഷകാരികളായ പാമ്പുകളെ സംരക്ഷിക്കുവാൻ ലൈസൻസുള്ള രാജ്യത്തെ രണ്ടു സ്ഥാപനങ്ങളിൽ ഒന്നാണ് ഹാഫ്കൈൻ. ജൂണ് മാസത്തിലെ അവസാനവാരം മഹാരാഷ്ട്രയിലെ ബരസതി ജില്ലയിൽ നിന്നുമാണ് പെണ് വർഗത്തിൽപ്പെട്ട ഒരു അണലി പാമ്പിനെ പിടികൂടിയത്. ഹാഫ്കൈനിൽ ഇത്രയും അണലി കുഞ്ഞുങ്ങൾ ജനിച്ചതിൽ ഞങ്ങൾക്ക് വളരെയധികം സന്തോഷമുണ്ടെന്ന് സ്ഥാപന മേധാവി ഡോ. നിഷിഗന്ധ്ഗ നായിക് അറിയിച്ചു. അമ്മയും മുപ്പത്തിയാറ് കുഞ്ഞുങ്ങളും പൂർണ ആരോഗ്യമായിരിക്കുന്നുവെന്നും അവർ കൂട്ടിച്ചേർത്തു. സാധാരണ ഒരു സമയം ഇരുപത് മുതൽ മുപ്പത് വരെ കുഞ്ഞുങ്ങൾക്ക് ജന്മം നൽകുന്നവരാണ് അണലിപാമ്പുകൾ. ഇവരിൽ അക്രമണ സ്വഭാവം വളരെ കൂടുതലുമാണ്. അമ്മയേയും കുഞ്ഞുങ്ങളെയും വനത്തിൽ തുറന്നു വിടുന്നതു സംബന്ധിച്ചുള്ള…
Read Moreഅറുപത്തിയാറ് വർഷങ്ങൾക്കു ശേഷം നഖം മുറിച്ച ചിലാലിന് വിരലുകളുടെ ചലനശേഷി നഷ്ടമായി
നീണ്ട അറുപത്തിയാറു വർഷങ്ങൾക്കു ശേഷം നഖം മുറിച്ച പൂണെ സ്വദേശിയെ കുറിച്ച് വളരെ ആകാംക്ഷയോടെയാണ് ഏവരും വായിച്ചറിഞ്ഞത്. എന്നാൽ ഇപ്പോൾ പുറത്തുവരുന്ന അദ്ദേഹത്തിന്റേതായ വാർത്തയറിഞ്ഞ് ആശ്ചര്യത്തേക്കാൾ ഏറെ അമ്പരപ്പാണ് എല്ലാവർക്കും തോന്നുന്നത്. കാരണം നഖം മുറിച്ചതിനു ശേഷം അദ്ദേഹത്തിന് സ്വന്തം വിരലുകൾ ചലിപ്പിക്കുവാൻ സാധിക്കുന്നില്ല. നഖത്തിന്റെ ഭാരവും നീളവും കാരണം ദീർഘകാലമായി വിരലുകൾ മടക്കാനാവാതെ ഇരുന്നതാണ് വിരലുകളുടെ ചലന ശക്തി നഷ്ടമാകാൻ കാരണമായത്. 1952ൽ വിദ്യാർഥിയായിരിക്കെ അബദ്ധത്തിൽ അധ്യാപകന്റെ നഖം ഒടിച്ചതിന് ചിലാൽ ശാസനയേറ്റിരുന്നു. അതിനു ശേഷമാണ് അദ്ദേഹം നഖം മുറിക്കാതിരുന്നത്. എണ്പത്തിയെട്ടു വയസുകാരനായ ഇദ്ദേഹം പ്രായാധിക്യത്തെ തുടർന്നുള്ള അവശതകൾ കൊണ്ടാണ് താൻ നഖം മുറിക്കുന്നതെന്നാണ് അറിയിച്ചത്. 909 സെന്റീ മീറ്റർ നീളമുള്ള നഖമായിരുന്നു ഇദ്ദേഹത്തിനുണ്ടായിരുന്നത്. ഇതിൽ തള്ള വിരലിന്റെ നീളം 197.8 സെന്റീമീറ്റർ ഉണ്ട്. അമേരിക്കയിലെ ടൈം സ്ക്വയറിലുള്ള മ്യൂസിയത്തിൽവച്ചായിരുന്നു ചിലാലിന്റെ നഖം വെട്ടിയത്. ഈ…
Read Moreഎട്ടു വർഷത്തെ തെരച്ചിലിനൊടുവിൽ 1328 പൗണ്ട് തൂക്കമുള്ള ഭീമൻ മുതലയെ കണ്ടെത്തി
എട്ടു വർഷത്തെ തെരച്ചിലിനൊടുവിൽ 600 കിലോഗ്രാം(1328 പൗണ്ട്) തൂക്കമുള്ള ഭീമൻ മുതല പിടിയിൽ. ഓസ്ട്രേലിയയിലെ കാതറിൻ നഗരപ്രാന്തത്തിലാണ് 4.7 മീറ്റർ നീളമുള്ള മുതല പിടിയിലായത്. 2010-ലാണ് മുതല നഗരത്തിലെ ജനവാസകേന്ദ്രത്തിനു സമീപമുള്ളതായി ശ്രദ്ധയിൽപ്പെടുന്നത്. ഇതിനെ പിടിക്കുന്നതിനായി അധികൃതർ ശ്രമിച്ചുവരികയായിരുന്നു. പിടിയിലായ മുതലയ്ക്ക് 60 വയസ് പ്രായമുണ്ടെന്നാണു കരുതപ്പെടുന്നത്. മുതലയെ ജനവാസകേന്ദ്രത്തിനു സമീപത്തുനിന്ന് മാറ്റിപ്പാർപ്പിക്കുമെന്ന് നോർത്തേണ് ടെറിട്ടറി വൈൽഡ് ലൈഫ് ഓപ്പറേഷൻസ് മേധാവി ട്രേസി ഡൽഡിഗ് അറിയിച്ചു.
Read More