വാഷിംഗ്ടൺ ഡിസി: കൊളംബിയ സ്പേസ് ഷട്ടിൽ ദുരന്തത്തിൽ കൊല്ലപ്പെട്ട ഇന്ത്യൻ വംശജയായ ബഹിരാകാശയാത്രിക കൽപന ചൗള അമേരിക്കയുടെ നായികയാണെന്ന് പ്രസിഡന്റ് ഡോണൾഡ് ട്രംപ്. ബഹിരാകാശ ഗവേഷണത്തിനു സ്വയം സമർപ്പിച്ച കൽപ്പനയുടെ ജീവിതം ലക്ഷക്കണക്കിന് പെൺകുട്ടികൾക്ക് പ്രചോദനമാണെന്ന് അദ്ദേഹം പറഞ്ഞു. ഏഷ്യൻ, പസഫിക് ദ്വീപ് വംശജരായ അമേരിക്കക്കാരുടെ പൈതൃകസ്മരണയ്ക്കുള്ള മാസമായി മേയ് മാസത്തെ പ്രഖ്യാപിച്ചതിനോട് അനുബന്ധിച്ചായിരുന്നു ട്രംപിന്റെ പരാമർശം.
Read MoreCategory: NRI
ഇംഗ്ലണ്ടില്നിന്ന് ഇന്ത്യയിലേക്ക്..! ഭർത്താവിന്റെ പാസ്പോർട്ടിൽ ഭാര്യയുടെ വിമാനയാത്ര; പിടിവീണത് ന്യൂഡല്ഹിയിലെത്തിയപ്പോള്
ലണ്ടൻ: ഭർത്താവിന്റെ പാസ്പോർട്ടിൽ ഇംഗ്ലണ്ടിൽനിന്ന് ഇന്ത്യയിലേക്കു യാത്ര ചെയ്ത വനിതയുടെ കഥ മാഞ്ചസ്റ്റർ ഈവനിംഗ് ന്യൂസ് റിപ്പോർട്ടു ചെയ്തു. ഏപ്രിൽ 23നാണ് മാഞ്ചസ്റ്ററിൽ ബിസിനസുകാരിയായ ഗീത മോദ ഭർത്താവിന്റെ പാസ്പോർട്ട് ഉപയോഗിച്ച് ന്യൂഡൽഹിയിലേക്കു ദുബായി വഴി വിമാനയാത്ര നടത്തിയത്. ഒരിടത്തും പിടിക്കപ്പെടാതെ 2018ൽ ഇത്തരമൊരു യാത്ര നടത്താൻ സാധിച്ചത് എയർപോർട്ടുകളിലെ സുരക്ഷാവീഴ്ചയിലേക്കു വെളിച്ചം വീശുന്നതാണെന്നു റിപ്പോർട്ടിൽ ചൂണ്ടിക്കാട്ടി. ന്യൂഡൽഹിയിലെത്തിയപ്പോഴാണ് പിടിവീണത്. തെറ്റായ പാസ്പോർട്ടാണെന്നു മനസിലാക്കിയ അധികൃതർ ഗീതയെ ദുബായിലേക്കു തിരിച്ചയച്ചു. ലണ്ടനിൽനിന്ന് എമിറേറ്റ്സ് വിമാനത്തിൽ സ്വന്തം പാസ്പോർട്ട് വരുത്തിയശേഷമാണ് അവർക്ക് യാത്ര തുടരാനായത്.
Read Moreകൗതുകമുണർത്തും പിയാനോ ഹൗസ്
കിഴക്കൻ ചൈനയിലെ അൻഹ്വി പ്രവിശ്യയിലുള്ള പിയാനോ ഹൗസ് ചൈനയിലെ റൊമാന്റിക് ബിൽഡിംഗ് എന്നാണ് അറിയപ്പെടുക. സംഗീതത്തോടും വാസ്തുവിദ്യയോടും താത്പര്യമുള്ളവർക്കാണെങ്കിൽ ഈ കെട്ടിടം വളരെയേറെ ഇഷ്ടപ്പെടുകയും ചെയ്യും. മൂന്നു കോണ്ക്രീറ്റ് കാലുകളിൽ നിൽക്കുന്ന കെട്ടിടം പൂർണമായും ഒരു പിയാനോയുടെ ആകൃതിയിലാണ് നിർമിച്ചിരിക്കുന്നത്. പിയാനോയെ ചാരി ഒരു വയലിൻ കെട്ടിടവും നിർമിച്ചിട്ടുണ്ട്. ഇത് പൂർണമായും ഗ്ലാസ് ഉപയോഗിച്ച് നിർമിച്ചതാണ്. ഇവിടെയെത്തുന്ന സന്ദർശകർക്ക് വയലിൻ കെട്ടിടത്തിലൂടെയാണ് ഉള്ളിലേക്കു പ്രവേശിക്കാൻ കഴിയുക.
Read Moreറോളർകോസ്റ്ററിൽ കുടുങ്ങിയ യാത്രക്കാർ അന്തരീക്ഷത്തിൽ തലകീഴായി തൂങ്ങി കിടന്നത് രണ്ടു മണിക്കൂർ
യന്ത്ര തകരാറിനെ തുടർന്ന് അന്തരീക്ഷത്തിൽ പ്രവർത്തനരഹിതമായ റോളർകോസ്റ്ററിൽ സഞ്ചാരികൾ തലകീഴായി കിടന്നത് രണ്ടു മണിക്കൂർ. ആറുപത്തിനാല് സഞ്ചാരികളാണ് ഇത്തരത്തിൽ മരണത്തിനും ജീവിതത്തിനുമിടയിലുള്ള അവസ്ഥ നേരിട്ടത്. ജപ്പാനിലെ യൂണിവേഴ്സൽ സ്റ്റുഡിയോസിലാണ് ഒരു നാടിനെ മുഴുവൻ ഞെട്ടിച്ച സംഭവം അരങ്ങേറിയത്. ദീർഘസമയത്തെ പരിശ്രമത്തിനൊടുവിലാണ് ഇവരെ സുരക്ഷിതമായി ഇറക്കാനായത്. അപകടത്തിൽ ആർക്കും പരിക്കേറ്റിട്ടില്ല. സഞ്ചാകരികൾ തലകീഴായി കിടക്കുന്നതിന്റെ ദൃശ്യങ്ങൾ പകർത്തിയത് ഹെലികോപ്റ്ററിൽ നിന്നുമാണ്.
Read Moreയെമനിലേക്ക് പോകരുതെന്ന് ഇന്ത്യക്കാരോട് സൗദി ഇന്ത്യന് എംബസി
സൗദി: യെമനിലേക്ക് പോകരുതെന്ന് ഇന്ത്യക്കാര്ക്ക് സൗദിയിലെ ഇന്ത്യന് എംബസി മുന്നറിയിപ്പ് നൽകി. യെമനിൽ സംഘര്ഷം നിലനില്ക്കുന്ന പശ്ചാത്തലത്തിലാണ് മുന്നറിയിപ്പ്. വിലക്ക് അവഗണിച്ച് യെമനിലേക്ക് പോകുന്നവരുടെ പാസ്പോര്ട്ട് രണ്ട് വര്ഷത്തേക്ക് കണ്ടുകെട്ടുമെന്ന് വിദേശകാര്യ മന്ത്രാലയം വ്യക്തമാക്കിയിട്ടുണ്ടെന്നും എംബസി അറിയിച്ചു. യെമനിലേക്ക് മുന്നറിയിപ്പ് അവഗണിച്ച് ജോലിക്കോ മറ്റു ആവശ്യങ്ങള്ക്കോ കൊണ്ടുപോകുന്ന ഇന്ത്യക്കാരുടെ കാര്യത്തില് ഏജന്റോ തൊഴിലുടമയോ ഉത്തരവാദികളായിരിക്കുമെന്നും എംബസി അറിയിച്ചു. ഇങ്ങനെ പോകുന്ന ഇന്ത്യക്കാരെ തിരിച്ചെത്തിക്കാനുള്ള ചിലവ് ഏജന്റോ തൊഴിലുടമയെ വഹിക്കേണ്ടിവരുമെന്നും എംബസി അറിയിച്ചു.
Read Moreചൈനയിൽ ഭീമൻകൊതുകിനെ കണ്ടെത്തി; ഇവ രക്തം ഉൗറ്റിക്കുടിച്ചല്ല ജീവിക്കുന്നത്….
ചൈനയിലെ ഷിഷുവാൻ പ്രവിശ്യയിൽനിന്ന് വന്പൻ കൊതുകിനെ കണ്ടെത്തി. പ്രാണികളെക്കുറിച്ച് പഠനം നടത്തുന്ന ശാസ്ത്രജ്ഞൻമാരാണ് ചിറകുകൾ തമ്മിൽ 11.15 സെന്റീമീറ്റർ നീളമുള്ള വന്പൻ കൊതുകിനെ കണ്ടെത്തിയത്. ലോകത്ത് ഇതുവരെ കണ്ടെത്തിയതിൽവച്ച് ഏറ്റവും വലിയ കൊതുകു വർഗമാണിത്. ഷിഷുവാൻ പ്രവിശ്യയിലുള്ള ക്വിൻചെൻഗ് എന്ന പർവതത്തിലാണ് ഇവ കാണപ്പെടുന്നത്. സാധാരണ ചെറിയ കൊതുകുകളെപ്പോലെ ഇവ രക്തം ഉൗറ്റിക്കുടിച്ചല്ല ജീവിക്കുന്നത്. ചെടികളുടെ തണ്ടുകളിലുള്ള നീരും പൂക്കളിലെ തേനുമാണ് ഇവയുടെ ആഹാരം. രണ്ടു മുതൽ മൂന്നു ദിവസംവരെയാണ് ഇവയുടെ ആയുസ്. ലോകത്ത് പതിനായിരക്കണക്കിന് കൊതുകു വർഗങ്ങളുണ്ടെന്നാണ് കണക്കാക്കുന്നത്. അവയിൽ നൂറിൽ താഴെ മാത്രമെ മനുഷ്യരക്തം കുടിക്കുകയും മനുഷ്യന് ഉപദ്രവം വരുത്തിവയ്ക്കുകയും ചെയ്യുന്നുള്ളു.
Read Moreഅസഹനീയമായ ചൂട്! ശുദ്ധവായു ലഭിക്കുവാന് യാത്രികന് ടേക്ക് ഓഫിനു തൊട്ടുമുമ്പ് വിമാനത്തിന്റെ വാതില് തുറന്നു
ശുദ്ധവായു ലഭിക്കുവാൻ ടേക്ക് ഓഫിനു തൊട്ടുമുന്പ് യാത്രക്കാരൻ വിമാനത്തിന്റെ വാതിൽ തുറന്നു. അസഹനീയമായ ചൂടായതിനാലാണ് താൻ വാതിൽ തുറന്നതെന്നാണ് അധികൃതരോട് ഇയാൾ വിശദീകരണം നൽകിയത്. ചൈനയില മിയാൻയാംഗ് നാൻജിയോ വിമാനത്താവളത്തിലാണ് ഏവരെയും അന്പരപ്പിച്ച സംഭവം നടന്നത്. ചെൻ എന്നു പേരുള്ള ഇരുപത്തിയഞ്ചു വയസുകാരനാണ് വാതിൽ തുറന്നത്. അമിതമായ ചൂടെടുത്തതിനാൽ അൽപം ശുദ്ധവായു ലഭിക്കുവാനാണ് താൻ ഒരു വാതിലിൽ പിടിച്ചതെന്നും എന്നാൽ അത് വിമാനത്തിന്റെ എമർജൻസി എക്സിറ്റ് ഡോർ ആയിരുന്നുവെന്ന് തനിക്ക് അറിയില്ലായിരുന്നുവെന്നും അദ്ദേഹം പറഞ്ഞു. ചെൻ പതിനഞ്ചു ദിവസത്തേക്ക് പോലീസ് കസ്റ്റഡിയിൽ ആണ്. മാത്രമല്ല വിമാനത്തിനുണ്ടായ കേടുപാടിനുള്ള നഷ്ടപരിഹാരമായി അദ്ദേഹത്തിന്റെ പക്കൽ നിന്നും 70,000 യെൻ ഈടാക്കുമെന്നും അധികൃതർ വ്യക്തമാക്കി.
Read Moreരാജകുമാരൻ ലൂയിസ് ആണെങ്കിൽ ഒട്ടകക്കുഞ്ഞും ലൂയിസ് തന്നെ
കൊട്ടാരത്തിലെത്തിയ പുത്തൻ അതിഥി ലൂയിസ് രാജകുമാരനെ താലോലിക്കുന്ന തിരക്കിലാണ് ബ്രിട്ടീഷ് രാജകുടുംബാംഗങ്ങളെല്ലാം. കഴിഞ്ഞദിവസമാണ് കുഞ്ഞിന് ലൂയിസ് എന്നു പേരിട്ടത്. ബ്രിട്ടീഷ് രാജകുടുംബത്തിന്റെ അടുത്ത സൃഹൃത്തായ ലൂയീസ് മൗണ്ട് ബാറ്റൻ പ്രഭുവിനെ അനുസ്മരിച്ചായിരുന്നു ഈ നാമകരണം. കൊട്ടരം അധികൃതർ കുഞ്ഞിന്റെ പേര് ഒൗദ്യോഗികമായി അറിയിച്ചതിനു തൊട്ടുപിന്നാലെ മറ്റൊരു കുഞ്ഞിനും ലൂയിസ് എന്നു പേരു വീണു. ഇംഗ്ലണ്ടിലെ ബ്ലാക് പൂൾ മൃഗശാലയിലെ ഒരു ഒട്ടകക്കുഞ്ഞിനാണ് അധികൃതർ ബ്രിട്ടീഷ് രാജകുമാരന്റെ അതേ പേരു നല്കിയത്. കഴിഞ്ഞ തിങ്കളാഴ്ച ലൂയിസ് രാജകുമാരൻ പിറന്ന സമയത്തുതന്നെയാണ് ഈ ഒട്ടകക്കുഞ്ഞും ജനിച്ചത്. അതാണ് ഒട്ടകക്കുഞ്ഞിനും ഇതേ പേരുതന്നെ നല്കാൻ കാരണം. രണ്ടു ലൂയിസുമാരുടെയും ചിത്രങ്ങൾ ചേർത്തുവച്ചുള്ള പോസ്റ്റുകൾ ബ്രിട്ടീഷ് സമൂഹമാധ്യമങ്ങളിൽ വൈറലായതോടെ ലൂയിസ് ഒട്ടകക്കുഞ്ഞിനെ കാണാൻ തിരക്കേറിയതായി മൃഗശാലാ അധികൃതർ അറിയിച്ചു.
Read Moreകളി കാണണമെന്നു തീരുമാനിച്ചിട്ടുണ്ടെങ്കിൽ കണ്ടിരിക്കും; ഇതല്ലേ ഹീറോയിസം.!
തന്റെ പ്രിയപ്പെട്ട ഫുട്ബോൾ ടീമിന്റെ കളി കാണാമല്ലോ എന്നുകരുതിയാണ് അയാൾ തുർക്കിയിലെ ഡെനിസ്ലിലുള്ള ഫുട്ബോൾ സ്റ്റേഡിയത്തിലുള്ളത്. അപ്പോഴാണ് തനിക്ക് ഫുട്ബോൾ സ്റ്റേഡിയത്തിൽ പ്രവേശിക്കാനാകാത്തവിധം ഒരു വർഷത്തെ വിലക്കുള്ള കാര്യം ഓർമയിൽ വന്നത്. മാത്രമല്ല സുരക്ഷാ ഉദ്യോഗസ്ഥർ അയാൾ അകത്തു കയറാതെ പ്രത്യേകം ശ്രദ്ധിക്കുകയും ചെയ്തു. മത്സരം കാണണമെന്നു കരുതി ഇറങ്ങിയതാണ്. അപ്പോൾ കണ്ടിട്ടേയുള്ളൂ എന്ന് അയാളും കരുതിയിട്ടുണ്ടാവണം! ഒരു ക്രെയിൻ വാടകയ്ക്കെടുത്ത് തന്റെ പ്രിയപ്പെട്ട ടീം ആയ ഡെനിസ്ലിസ്പോറിന്റെ പച്ചയും കറുപ്പും നിറങ്ങളിലുള്ള കൊടിയും പിടിച്ച് സ്റ്റേഡിയത്തിനു പുറത്തെത്തി. ക്രെയിൻ ഉപയോഗിച്ച് സ്റ്റേഡിയത്തിനു മുകളിൽ ഉയർന്നു നിന്ന് കളി മുഴുവൻ കാണുകയും ചെയ്തു. മത്സരം ഏറെക്കുറെ പൂർത്തിയായശേഷം പോലീസ് ഇയാളെ അന്വേഷണവിധേയമായി സ്റ്റേഷനിലേക്ക് കൂട്ടിക്കൊണ്ടുപോയി. ഇയാൾ ആരാണെന്നോ എങ്ങനുള്ള വ്യക്തിയാണെന്നോ പുറത്തു വിട്ടിട്ടില്ല.
Read Moreനായ തലയിൽ വീണ യുവതിക്കു സംഭവിച്ചത്; ഞെട്ടിക്കുന്ന സിസിടിവി ദൃശ്യങ്ങൾ
കെട്ടിടത്തിന്റെ മുകളിൽ നിന്നും നായ തലയിലേക്കു വീണതിനെ തുടർന്ന് യുവതി ബോധരഹിതയായി വീഴുന്നതിന്റെ ഞെട്ടിക്കുന്ന ദൃശ്യങ്ങൾ നവമാധ്യമങ്ങളിൽ വ്യാപകമായി പ്രചരിക്കുന്നു. ചൈനയിലെ ഗുവാൻസ്ഹുവിലുള്ള ബൈയുൻ ജില്ലയിലാണ് സംഭവം. മറ്റൊരു യുവതിക്കൊപ്പം ഒരു കെട്ടിടത്തിനുള്ളിലേക്ക് ഇവർ നടന്നു കയറുന്പോൾ മുകളിൽ നിന്നും ഒരു നായ ഈ യുവതിയുടെ തലയിലേക്കു വീഴുകയായിരുന്നു. ഇതിന്റെ ആഘാതത്തിൽ യുവതി ബോധരഹിതയായി നിലത്തേക്കു വീഴുകയും ചെയ്തു. എന്നാൽ നായ അവിടെ നിന്നും ഓടി പോകുകയും ചെയ്തു. അപകടം നടന്നതിനു സമീപമുള്ള ഒരു ആശുപത്രിയിൽ പ്രവേശിപ്പിച്ചിരിക്കുന്ന യുവതിയുടെ കഴുത്തിന് പൊട്ടലുണ്ട്. സമീപത്ത് സ്ഥാപിച്ചിരിക്കുന്ന സിസിടിവിയിലാണ് അപകടത്തിന്റെ ദൃശ്യങ്ങൾ പതിഞ്ഞത്.
Read More