ഡാളസ്: അമേരിക്കയിലെ ടെക്സസിൽ മരിച്ച മൂന്നു വയസുകാരി ഷെറിൻ മാത്യൂസിന്റെ വളർത്തമ്മ മലയാളി സിനി മാത്യൂസ് അറസ്റ്റിൽ. മൂന്നു വയസുകാരിയെ വീട്ടിൽ തനിച്ചാക്കിയത് അപകടത്തിന് ഇടയാക്കിയെന്ന കുറ്റത്തിനാണ് അറസ്റ്റ്. കേസിൽ ഭർത്താവ് വെസ്ലി മാത്യൂവിനെ നേരത്തെ അറസ്റ്റ് ചെയ്തിരുന്നു. എറണാകുളം സ്വദേശി വെസ്ലി മാത്യുവും ഭാര്യ സിനിയും ചേർന്ന് ബിഹാറിലെ മദർ തെരേസ അനാഥ് സേവാ ആശ്രമത്തിൽ നിന്നു ദത്തെടുത്ത ഷെറിനെ ഒക്ടടോബർ ഏഴിനാണ് കാണാതാവുന്നത്. രണ്ടാഴ്ചയ്ക്കു ശേഷം തിങ്കളാഴ്ച കുഞ്ഞിന്റേതെന്നു കരുതുന്ന മൃതദേഹം വീട്ടിൽനിന്ന് മുക്കാൽ കിലോമീറ്റർ അകലെ കലുങ്കിനടിയിൽ കണ്ടെത്തി. കുഞ്ഞിനെ കാണാതായതിനു പിന്നാലെ വെസ്ലിയെ അറസ്റ്റ് ചെയ്തെങ്കിലും രണ്ടരലക്ഷം ഡോളറിന്റെ ജാമ്യത്തിൽ പുറത്തിറങ്ങി. വളർച്ചാപ്രശ്നം നേരിടുന്ന കുട്ടി പാലു കുടിക്കാൻ വിസമ്മതിച്ചപ്പോൾ വീടിനു പുറത്തുനിർത്തി ശിക്ഷിക്കുകയായിരുന്നുവെന്നും തുടര്ന്ന് കാണാതാകുകയുമായിരുന്നെന്നാണ് വെസ്ലി പോലീസിന് നല്കിയ ആദ്യ മൊഴി. നിർബന്ധിച്ചു പാലു കുടിപ്പിച്ചപ്പോൾ ശ്വാസംമുട്ടിയാണ് കുഞ്ഞ്…
Read MoreCategory: NRI
കൂറുമാറി ! ഒളിച്ചോടിയ പട്ടാളക്കാരനെ ഉത്തരകൊറിയക്കാർ വെടിവച്ചിട്ടു; ദക്ഷിണകൊറിയക്കാർ രക്ഷിച്ചു
സീയൂൾ: ഉത്തരകൊറിയയിൽനിന്ന് ദക്ഷിണകൊറിയയിലേക്കു രക്ഷപ്പെടാൻ ശ്രമിക്കവേ വെടിയേറ്റ പട്ടാളക്കാരൻ ഗുരുതരാവസ്ഥയിൽ തുടരുന്നു. രക്ഷപ്പെടുത്താനാകുമെന്ന പ്രത്യാശ ദക്ഷിണകൊറിയൻ ഡോക്ടർമാർ പ്രകടിപ്പിച്ചു. ഇരു കൊറിയകൾക്കും ഇടയിലുള്ള പാൻമുൻജോമിൽ തിങ്കളാഴ്ചയാണ് അത്യപൂർവ സംഭവം അരങ്ങേറിയത്. പട്ടാളവണ്ടിയിലെത്തിയ സൈനികൻ ദക്ഷിണകൊറിയാ ഭാഗത്തേക്ക് ഓടിച്ചുപോകുകയായിരുന്നു. ഉത്തരകൊറിയൻ പട്ടാളക്കാർ തുരുതുരാ വെടിയുതിർത്തു. വണ്ടി നിയന്ത്രിക്കാൻ പറ്റാതായപ്പോൾ സൈനികൻ ഇറങ്ങിയോടി. നാല്പതു വട്ടം ഇയാൾക്കു നേർക്കു വെടിവയ്ക്കപ്പെട്ടുവെന്നു ദക്ഷിണകൊറിയൻ വൃത്തങ്ങൾ പറഞ്ഞു. ആറെണ്ണം ശരീരത്തിൽ തറച്ചു. ദക്ഷിണകൊറിയൻ ഭാഗത്തെ ഒരു കെട്ടിടത്തിൽ അഭയം തേടിയ സൈനികനെ ഹെലികോപ്റ്ററിൽ ആശുപത്രിയിലെത്തിച്ചു. ആന്തരാവയവങ്ങൾക്കു ഗുരുതര ക്ഷതമുണ്ട്. നിരവധി ശസ്ത്രക്രിയകൾ നടത്തി. അപകടനില തരണം ചെയ്തിട്ടില്ല. ഉത്തരകൊറിയൻ പട്ടാളക്കാർ കൂറുമാറി ഒളിച്ചോടുന്നത് അപൂർവ സംഭവമാണ്. പാൻമുൻജോനിൽ വിന്യസിക്കുന്ന എലീറ്റ് സേനാ വിഭാഗത്തിൽ പെട്ടയാളല്ല ഇയാളെന്ന് അനുമാനിക്കുന്നു.
Read Moreബാർബി ആദ്യമായി ഹിജാബ് ധരിച്ചു; മോഡലായത് യുഎസ് ഫെൻസിംഗ് താരം
ന്യൂയോർക്ക്: ലോകത്തിലാദ്യമായി ശിരോവസ്ത്രം ധരിച്ച ബാർബി പാവ പുറത്തിറങ്ങുന്നു. ഹിജാബ് ധരിച്ച് ഒളിന്പിക്സിൽ പങ്കെടുത്ത അമേരിക്കൻ ഫെന്സിംഗ് താരം ഇബ്തിഹാജ് മുഹമ്മദിനോടുള്ള ആദരസൂചകമായാണ് പാവ പുറത്തിറക്കിയത്. ഗ്ലാമര് മാഗസിന്റെ വുമണ് ഓഫ് ദ് ഇയര് പരിപാടിയിൽ വച്ചാണ് ബാര്ബി ഈ പുതിയ തീരുമാനം പ്രഖ്യാപിച്ചത്. “എന്റെ ബാല്യകാല സ്വപ്നം പൂവണിഞ്ഞത് പോലെയാണ് എനിക്ക് തോന്നുന്നത്.’ -ഇബ്തിഹാജ് പ്രതികരിച്ചു. അടുത്ത വർഷത്തോടെ ഹിജാബ് ധരിച്ച പാവയെ വിപണിയിൽ എത്തിക്കാനാണ് ബാർബിയുടെ തീരുമാനം. റിയോ ഒളിമ്പിക്സിൽ ഹിജാബ് ധരിച്ച് ഫെൻസിംഗ് മത്സരത്തിനിറങ്ങിയ ഇബ്തിഹാജ് വെങ്കലം നേടിയിരുന്നു. ഒളിമ്പിക്സില് മെഡല് നേടുന്ന ആദ്യ അമേരിക്കൻ- മുസ്ലിം വനിത എന്ന നേട്ടവുംയും 31 വയസുകാരിയായ ഇബ്തിഹാജ് സ്വന്തമാക്കിയിരുന്നു.
Read Moreബാർകോഡ് മാറ്റി ഒട്ടിച്ചു കുറഞ്ഞ വിലക്ക് സാധനങ്ങൾ വാങ്ങാൻ ശ്രമിച്ച യുവതി അറസ്റ്റിൽ
ഫ്ളോറിഡാ: 1825.20 ഡോളർ വിലമതിക്കുന്ന ഇലക്ട്രോണിക്സ് സാധനങ്ങൾ 3.70 ഡോളറിന് വാങ്ങാൻ ശ്രമിച്ച ആംബർ വെസ്റ്റ് എന്ന 25കാരിയെ പോലീസ് അറസ്റ്റ് ചെയ്തു. കന്പ്യൂട്ടർ ഉൾപ്പെടെ നിരവധി സാധനങ്ങൾ തെരഞ്ഞെടുത്ത ശേഷം ക്ലിയറിംഗ് വിൽപനക്ക് വച്ചിരുന്ന സാധനങ്ങളുടെ സ്റ്റിക്കർ പറിച്ചെടുത്തു. വില കൂടിയ സാധനങ്ങളുടെ സ്റ്റിക്കറിനു മുകളിൽ പതിച്ചാണ് യുവതി തട്ടിപ്പിനു ശ്രമിച്ചത്. ഫ്ളോറിഡാ ലോക്കൽ വാൾമാർട്ടിൽ വാരാന്ത്യമായിരുന്നു സംഭവം. സെൽഫ് ചെക്കൗട്ടിൽ എത്തി സാധനങ്ങൾ സ്കാൻ ചെയ്ത് ബാഗിൽ വയ്ക്കുന്നതിനിടെ സംശയം തോന്നിയാണ് ഇവരെ പിടികൂടിയത്. മകന് ഗിഫ്റ്റ് നൽകുന്നതിന് ആവശ്യമായ പണം ഇല്ലാത്തതിനാലാണ് ഇതിനു ശ്രമിച്ചതെന്നും കംപ്യൂട്ടർ ഭർത്താവിനു വേണ്ടിയായിരുന്നുവെന്നും ഇവർ പോലീസിനോട് കുറ്റസമ്മതം നടത്തി. ഷോപ്പിൽ നിന്നും സാധനങ്ങൾ കടത്തി കൊണ്ടു പോകാൻ ശ്രമിച്ചതിനും കളവു നടത്തിയതിനും ഇവർക്കെതിരെ കേസെടുത്തതായി റിവർ കൗണ്ടി ഷെറിഫ് ഓഫിസ് അറിയിച്ചു. തുടർന്ന് ജയിലിലടച്ച ഇവരെ 3,000…
Read Moreഡെന്റൽ വിദ്യാർത്ഥിനിയുടെ കൊലപാതകം; ഡ്രൈവറെ കണ്ടെത്തുന്നതിന് തെരച്ചിൽ ഉൗർജിതമാക്കി
ന്യൂയോർക്ക്: ലോണ ഐലന്റിൽ ഇന്ത്യൻ വംശജയും ഡെന്റൽ ഡോക്ടർ വിദ്യാർത്ഥിനിയുമായ തരണ്ജിത് പാർമറിനെ(18) ട്രക്ക് കയറ്റി കൊലപ്പെടുത്തിയ കേസിൽ പ്രതിക്കുവേണ്ടിയുള്ള തെരച്ചിൽ പോലീസ് ഉൗർജ്ജിതപ്പെടുത്തി. ഡ്രൈവറെ കണ്ടെത്തുന്നതിന് പൊതുജനത്തിന്റെ സഹകരണം പോലീസ് അഭ്യർത്ഥിച്ചിട്ടുണ്ട്. പാർമർ ഓടിച്ചിരുന്ന ജീപ്പിൽ മറ്റൊരു ട്രക്ക് ഇടിച്ചതിനെ തുടർന്നു ഇരുവാഹനങ്ങളും തൊട്ടടുത്തുള്ള ഗ്യാസ് സ്റ്റേഷനിലേക്ക് മാറ്റിയിട്ടു. പാർമർ ജീപ്പിൽ നിന്നും ഇറങ്ങി ജീപ്പിനുപറ്റിയ കേടുപാടുകൾ പരിശോധിക്കുന്നതിനിടയിൽ ട്രക്ക് ഡ്രൈവർ പാർമറെ ഇടിച്ചിട്ട ശേഷം അതിവേഗം വാഹനം ഓടിച്ചു പോകുകയായിരുന്നു. ജീപ്പിൽ നിന്നും ഇറങ്ങി മാതാവിനെ ഫോണിൽ വിളിച്ചു സംസാരിക്കുന്നതിനിടയിലാണ് ട്രക്ക് ്രെഡെവർ വാഹനം മുന്നോട്ടെടുത്തത്. ജീപ്പിന് കാര്യമായ കേടുപാടുകൾ സംഭവിച്ചിട്ടില്ലായിരുന്നുവെന്നും ഇത്രയും ചെറിയ അപകടത്തിൽ പാർമറുടെ ജീവൻ നഷ്ടപ്പെടുത്തിയതിന് ഉത്തരവാദിയായ ഡ്രൈവറെ എത്രയും വേഗം കണ്ടെത്തണമെന്നും നാസു കൗണ്ടി പോലീസ് ഡിപ്പാർട്ട്മെന്റ് വക്താവ് വിൻസന്റ് ഗാർസിയ പറഞ്ഞു. അഡൽഫി യൂണിവേഴ്സിറ്റി വിദ്യാർത്ഥിനിയായ പാർമറിനു…
Read Moreബുഷ് സീനിയർ വീണ്ടും വിവാദത്തിൽ; “16 വയസുകാരിയെ’ മോശമായി സ്പർശിച്ചെന്നു ആക്ഷേപം
വാഷിംഗ്ടൺ: യുഎസ് മുൻ പ്രസിഡന്റ് ജോർജ് ബുഷ് സീനിയറിനെതിരെ പരാതിയുമായി ഒരു വനിത കൂടി രംഗത്ത്. 2003ൽ ബുഷ് സീനിയറിന്റെ ഒപ്പമെടുത്ത ചിത്രമടക്കം റോസലിൻ കോറിഗൻ എന്ന സ്ത്രീയാണ് ആരോപണമുന്നയിച്ചത്. കൗമാരപ്രായത്തിൽ ബുഷിനൊപ്പം ഫോട്ടോയെടുക്കാൻ നോക്കിയപ്പോഴാണ് മോശം അനുഭവമുണ്ടായതെന്നാണ് ആരോപണം. 2003ൽ ടെക്സസിൽ സിഐഎ ഓഫീസർമാരുടെ യോഗത്തിനിടെ ബുഷ് സീനിയറിനൊപ്പം താനും അമ്മയും ഫോട്ടോ എടുത്തിരുന്നു. അന്ന് 16 വയസുണ്ടായിരുന്ന തന്റെ ശരീരത്തിൽ മോശമായി സ്പർശിച്ച് ബുഷ് സീനിയർ കോമഡി പറയുകയായിരുന്നു. വലിയ നടുക്കമാണ് അന്നുണ്ടായതെന്ന് റോസലിൻ വെളിപ്പെടുത്തി. ബുഷ് സീനിയറിനെതിരെ പരാതിയുമായി രംഗത്തെത്തുന്ന ആറാമത്തെ സ്ത്രീയാണ് റോസലിൻ. 2014ൽ ബുഷ് തന്നോട് മോശമായി പെരുമാറിയെന്നാരോപിച്ച് നടി ഹേതർ ലിൻഡാണ് ആദ്യം പരാതിയുന്നയിച്ചത്.
Read Moreഐഎസ് വധിച്ച 400 പേരുടെ കൂട്ടക്കുഴിമാടം കിര്കുക്കില്; 2014 ല് നടന്ന സംഭവം ഇങ്ങനെ…
ബാഗ്ദാദ്: കിർകുക്ക് പ്രവിശ്യയിലെ ഹവിജാ നഗരത്തിനു സമീപം 400 പേരുടെ കൂട്ടക്കുഴിമാടം കണ്ടെത്തിയതായി റിപ്പോർട്ട്. ഐഎസ് വധിച്ച സിവിലിയന്മാരെ സംസ്കരിച്ച അഞ്ചു കുഴിമാടങ്ങളാണു കാണപ്പെട്ടത്. വധിക്കപ്പെടേണ്ടവരെ വാഹനങ്ങളിൽ എത്തിച്ചശേഷം വെടിവച്ചു കുഴിയിൽ തള്ളുകയായിരുന്നു. വെടിവയ്പിനു ദൃക്സാക്ഷികളായിരുന്നവരിൽ ചിലരാണ് കൂട്ടക്കുഴിമാടത്തിന്റെ സ്ഥലം കാണിച്ചുതന്നതെന്ന് ഇറാക്കി സൈന്യം പറഞ്ഞു. ഡിഎൻഎ പരിശോധന നടത്തി കൊല്ലപ്പെട്ടവരെ തിരിച്ചറിയാൻ നടപടി എടുക്കണമെന്ന് കിർകുക്ക് ഗവർണർ സയിദ് ബാഗ്ദാദ് ഭരണകൂടത്തോട് ആവശ്യപ്പെട്ടു. 2014ലാണ് കിർകുക്ക് മേഖലയുടെ നിയന്ത്രണം ഐഎസ് പിടിച്ചെടുത്തത്. രണ്ടു വർഷത്തിനുശേഷം ഐഎസിനെ തുരത്തി കുർദുകൾ നിയന്ത്രണം പിടിച്ചു. കിർകുക്കു വിടാൻ കുർദുകൾക്ക് ഇറാക്ക് സൈന്യം നിർദേശം നൽകിയെങ്കിലും അനുസരിച്ചില്ല. ഇതേത്തുടർന്നു ഒക്ടോബറിൽ സൈന്യം കുർദുകളെ കിർകുക്ക് മേഖലയിൽനിന്നു തുരത്തി.
Read Moreലൈംഗിക ചൂഷണത്തിനെതിരേ ഹോളിവുഡില് “മീ ടൂ’ മാര്ച്ച്
ലോസ് ആഞ്ചലസ്: ലൈംഗിക ചൂഷണങ്ങള്ക്കെതിരേ സമൂഹമാധ്യമങ്ങളില് തരംഗമായ മീ ടൂ ക്യാംമ്പയിനിന്റെ പ്രചോദനം ഉള്ക്കൊണ്ട് ലോസ് ആഞ്ചലസിലെ ഹോളിവുഡില് നൂറു കണക്കിനാളുകള് പ്രതിഷേധ മാര്ച്ച് നടത്തി. ഹോളിവുഡിലെ ബോളിവാര്ഡില്നിന്നും സിഎന്എന് ആസ്ഥാനം വരെയാണ് മാര്ച്ച് നടന്നത്. ലൈംഗികാതിക്രമ കേസുകളില് അധികൃതര് ശക്തമായ നടപടിയെടുക്കണമെന്ന ആവശ്യമുന്നയിച്ച് ഫേസ്ബുക്കിലൂടെ രൂപീകരിച്ച കൂട്ടായ്മയാണ് മാര്ച്ച് നടത്തിയത്. സ്ത്രീകൾക്കും കുട്ടികൾക്കുമെതിരേ നടക്കുന്ന ലൈംഗികാതിക്രമങ്ങൾ എത്രത്തോളം വ്യാപകമായിക്കഴിഞ്ഞു എന്ന് വ്യക്തമാക്കുക എന്ന ഉദ്ദേശത്തോടെയാണ് മീ ടൂ ക്യാംപെയ്ൻ തുടങ്ങിയത്. അമേരിക്കൻ അഭിനേത്രിയായ അലീസ മിലാനോയുടെ ട്വീറ്റാണ് ക്യാംപെയ്ന് തുടക്കം കറിച്ചത്.
Read Moreജെറ്റ് സ്യൂട്ടുമായി പറപറന്ന് ഗിന്നസ് ബുക്കിലേക്ക്; കിടിലൻ വീഡിയോ
ജെറ്റ് എഞ്ചിൻ പവർ സ്യൂട്ടണിഞ്ഞ് അന്തരീക്ഷത്തിലൂടെ ഏറ്റവും കൂടുതൽ വേഗത്തിൽ സഞ്ചരിച്ച് യുകെ സ്വദേശി ഗിന്നസ് ബുക്കിൽ ഇടംപിടിച്ചു. റിച്ചാർഡ് ബ്രൗണിംഗ് എന്നയാളാണ് ശാസ്ത്രലോകത്ത് പുതിയ ഒരു അധ്യായം കുറിച്ചത്. സ്വയം നിർമിച്ച സ്യൂട്ട് അണിഞ്ഞ് 32.02 മൈൽ വേഗത്തിലാണ് അദ്ദേഹം സഞ്ചരിച്ചത്. ബെർക്ക്ഷയറിലെ ലഗൂണപാർക്കിലെ തടാകത്തിനു മുകളിലൂടെയാണ് ബ്രൗണിംഗ്, ജെറ്റ് എഞ്ചിൻ പവർ സ്യൂട്ടുമണിഞ്ഞ് പറന്നത്. പഴയ ഗിന്നസ് ലോകറിക്കാർഡായിരുന്ന 30 മൈൽ എന്ന വേഗം തകർത്തെറിഞ്ഞാണ് അദ്ദേഹം പുതിയ നേട്ടം സ്വന്തമാക്കിയത്. ആദ്യ രണ്ടു ശ്രമങ്ങളും പരാജയപ്പെട്ട ബ്രൗണിംഗ് മൂന്നാമത്തെ ശ്രമത്തിലാണ് ലക്ഷ്യം നേടിയത്. എയ്റോനോട്ടിക്കൽ എൻജിനിയറായ പിതാവിൽ നിന്നുള്ള പ്രചോദനമാണ് മുപ്പത്തിയെട്ടുകാരനായ ബ്രൗണിംഗിന് ഇത് നേടിയെടുക്കുവാൻ പ്രചോദനമായത്. കൈയിൽ ഘടിപ്പിച്ച പ്രത്യേക ഉപകരണത്തിന്റെ സഹായത്താലാണ് പറക്കൽ നിയന്ത്രിക്കുന്നത്. ഹെൽമെറ്റിനുള്ളിലെ ഡിസ്പ്ലേയിലൂടെയാണ് ഇന്ധത്തിന്റെ ലഭ്യതയെക്കുറിച്ച് മനസിലാക്കുന്നത്.
Read Moreജോലി സമയം അവസാനിച്ചതിനെ തുടർന്നു പൈലറ്റ് വിമാനം ഉപേക്ഷിച്ചു: “യാത്രക്കാർ പെരുവഴിയിൽ’
ജയ്പൂർ: ജോലി സമയം പൂർത്തിയായെന്ന് ചൂണ്ടിക്കാട്ടി പൈലറ്റ് വിമാനം ഉപേക്ഷിച്ചതിനെ തുടർന്നു 48 യാത്രക്കാർ ജയ്പൂർ വിമാനത്താവളത്തിൽ കുടുങ്ങി. ലക്നോവിൽ നിന്നു ഡൽഹിയിലേക്കുള്ള 9ഐ644 വിമാനമാണ് പൈലറ്റ് ഉപേക്ഷിച്ചത്. ഡൽഹി വിമാനത്താവളത്തിലെ മോശം കാലവസ്ഥയും സാങ്കേതിക പ്രശ്നങ്ങളെയും തുടർന്ന് വിമാനം വൈകിയതാണ് സംഭവത്തിനു കാരണമായത്. ബുധനാഴ്ച രാത്രി ഒൻപതിന് ജയ്പുരിൽ എത്തേണ്ടിയിരുന്ന വിമാനം വ്യാഴാഴ്ച പുലർച്ചെ 1.30നാണ് എത്തിയത്. സാങ്കേതിക തകരാറിനെ തുടർന്നു വീണ്ടും വിമാനം വൈകിയതോടെയാണ് പൈലറ്റ് വിമാനം ഉപേക്ഷിച്ചത്. വിമാനം മുടങ്ങിയതിനെ തുടർന്നു ചില യാത്രക്കാർ ഹോട്ടലിൽ താമസിച്ചെന്നും മറ്റുള്ളവരെ ബസ് മാർഗം ഡൽഹിയിലേക്ക് അയച്ചതായും അധികൃതർ അറിയിച്ചു. എയർപോർട്ട് അധികൃതർ സംഭവം സ്ഥിരീകരിച്ചു. എന്നാൽ ഇതേകുറിച്ച് അധികൃതരുടെ ഭാഗത്തുനിന്നു യാതൊരു പ്രതീകരണവും ഉണ്ടായിട്ടില്ല.
Read More