മുംബൈ: ദോഹയില് നടക്കുന്ന ലോക അത്ലറ്റിക് ചാമ്പ്യന്ഷിപ്പിനുള്ള 25 അംഗ ഇന്ത്യന് ടീമിനെ പ്രഖ്യാപിച്ചു. മലയാളി താരം പി.യു. ചിത്ര ടീമിൽ ഇടംപിടിച്ചു. 1500 മീറ്ററിലാണ് ചിത്ര മത്സരിക്കുക. ഏഷ്യൻ ചാന്പ്യൻ എന്ന നിലയിലാണ് ചിത്രയെ ടീമിൽ ഉൾപ്പെടുത്തിയത്. കഴിഞ്ഞ തവണ ചിത്രയെ ടീമിൽനിന്ന് ഒഴിവാക്കിയത് വൻ വിവാദമായിരുന്നു. ഈ മാസം അവസാനമാണ് ദോഹയിൽ ചാന്പ്യൻഷിപ്പ് നടക്കുന്നത്. ചിത്രയ്ക്കു പുറമേ മലയാളി താരങ്ങളായ ജിൻസണ്, അനസ്, ഗോപി, ശ്രീശങ്കർ എന്നിവരും ഇന്ത്യൻ ടീമിൽ ഇടംനേടി.
Read MoreCategory: Sports
സെമന്യ ഇനി ഫുട്ബോളും കളിക്കും
ഒരു ഒളിന്പിക് സൂപ്പർ താരം കൂടി ഫുട്ബോൾ കളത്തിലേക്ക് എത്തുന്നു. ഭൂഗോളത്തിലെ ഏറ്റവും വേഗമേറിയ ഓട്ടക്കാരനായ ഒളിന്പ്യൻ ഉസൈൻ ബോൾട്ടിനു പിന്നാലെ ഇപ്പോൾ ഫുട്ബോൾ കളിക്കാൻ ഒരുങ്ങുന്നത് ദക്ഷിണാഫ്രിക്കയുടെ വിവാദ വനിതാ ഒളിന്പിക് ജേതാവായ കാസ്റ്റർ സെമന്യ. ദക്ഷിണാഫ്രിക്കൻ വനിതാ ഫുട്ബോൾ ടീമായ ജെവിഡബ്ല്യു എഫ്സിയുമായി സെമന്യ കരാറിലെത്തി. ട്രാൻസ്ഫർ ജാലകം അടച്ചതിനാൽ അടുത്ത വർഷം തുടക്കം മാത്രമെ സെമന്യക്ക് കളിക്കാനാകൂ. 2012, 2016 ഒളിന്പിക്സ് വനിതാ 800 മീറ്റർ ജേതാവാണ് ഇരുപത്തെട്ടുകാരിയായ സെമന്യ. പുരുഷ ഹോർമോണിന്റെ അളവ് കൂടുതലുള്ളതിനാൽ സെമന്യ പുരുഷനാണെന്ന വിവാദം ഇതുവരെ നിലച്ചിട്ടില്ല. ഈ വർഷത്തെ ദോഹ ലോകചാന്പ്യൻഷിപ്പിൽ അതോടെ സെമന്യക്ക് പങ്കെടുക്കാനാവില്ല. ഇതിനു പിന്നാലെയാണ് സെമന്യ ഇപ്പോൾ ഫുട്ബോൾ കളത്തിലെത്താനൊരുങ്ങുന്നത്.
Read Moreസെറീന x ബിയാങ്ക ഫൈനൽ
ന്യൂയോർക്ക്: രണ്ടു വ്യത്യസ്ത തലമുറകളുടെ പോരാട്ടത്തിനാണ് യുഎസ് ഓപ്പണ് ടെന്നീസ് വനിതാ സിംഗിള്സ് ഫൈനലില് സെറീന വില്യംസും ബിയാങ്ക ആന്ദ്രെസ്കുവും ഏറ്റുമുട്ടുമ്പോള് ഫ്ളഷിംഗ് മെഡോസ് സാക്ഷ്യം വഹിക്കുക. സെറീന ആദ്യമായി 1999ൽ യുഎസ് ഓപ്പൺ നേടുന്പോൾ ബിയാങ്ക ജനിച്ചിട്ടില്ലായിരുന്നു. അതേ സെറീനയെ യുഎസ് ഓപ്പണ് ഫൈനലില് പത്തൊമ്പതുകാരി ബിയാങ്ക നേരിടാനൊരുങ്ങുകയാണ്. ഇന്ന് രാത്രിയാണ് (ഞായറാഴ്ച പുലർച്ചെ 1.30ന്) ഫൈനൽ. സെറീന പത്താം യുഎസ് ഓപ്പണ് ഫൈനലില് പ്രവേശിച്ചപ്പോള് ബിയാങ്ക ആദ്യ ഗ്രാന്സ്ലാം ഫൈനലില് കന്നിക്കിരീടമാണ് തേടുന്നത്. എലീന സ്വിറ്റോലിനയെ 6-3, 6-1ന് തോല്പ്പിച്ചാണ് സെറീന ഫൈനലില് പ്രവേശിച്ചത്. യുഎസ് ഓപ്പണില് മുന് ചാമ്പ്യന്റെ 101-ാമത്തെ ജയമാണ്. ഇതോടെ സെറീന യുഎസ് ഓപ്പണില് ക്രിസ് എവര്ട്ടണിന്റെ ജയത്തിനൊപ്പമെത്തി. അമേരിക്കന് താരത്തിന്റെ 33-ാം ഗ്രാന്സ്ലാം ഫൈനലാണ്. കനേഡിയന് താരം ബിയാങ്ക 7-6(7-3), 7-5ന് ബെലിന്ഡ ബെന്സിച്ചിനെയാണ് പരാജയപ്പെടുത്തിയത്. 2019ല് ഇന്ത്യന്…
Read Moreഗ്രീൻഫീൽഡിൽ “നല്ലോണം’ വിരുന്നൂട്ടി സഞ്ജു; ഇന്ത്യ എയ്ക്കു തകർപ്പൻ ജയം
തിരുവനന്തപുരം: സഞ്ജു സാംസണിന്റെ വെടിക്കെട്ടിൽ ഇന്ത്യ എയ്ക്കു തകർപ്പൻ ജയം. സ്വന്തം ഗ്രൗണ്ടിൽ ബാറ്റുകൊണ്ട് ഓണവിരുന്നൂട്ടിയ സഞ്ജുവിന്റെ (48 പന്തിൽ 91 റൺസ്) ബാറ്റിംഗ് കരുത്തിൽ 36 റണ്സിന് ദക്ഷിണാഫ്രിക്ക എ ടീമിനെ ഇന്ത്യ പരാജയപ്പെടുത്തി. മഴമൂലം 20 ഓവറായി ചുരുക്കിയ മത്സര ത്തിൽ ഇന്ത്യ കുറിച്ച 204 റണ്സിന്റെ കൂറ്റൻ ലക്ഷ്യം പിന്തുടർന്ന സന്ദർശകർ 168 റൺസിന് പുറത്തായി. ഇതോടെ 4-1 ന് ഇന്ത്യ പരമ്പര സ്വന്തമാക്കി. ദക്ഷിണാഫ്രിക്കൻ നിരയിൽ അർധസെഞ്ചുറി നേടിയ ഓപ്പണർ ആർ.ആർ ഹെൻഡ്രിക്സ് (59) മാത്രമാണ് പൊരുതിയത്. ഹെൻഡ്രിക്സിനു പുറമേ വെറേണിക്ക് (24 പന്തിൽ 44 റണ്സ്) ശ്രമം നടത്തിയെങ്കിലും വിജയത്തിന് അതുമതിയാകുമായിരുന്നില്ല. ക്യാപ്റ്റൻ താംബെ ബാവും, ജിഎഫ് ലിൻഡേ, എം.ജാൻസണ്, ബി.ഇ ഹെൻഡ്രിക്സ്, സി.ജെ ഡാല എന്നിവർക്ക് രണ്ടക്കം കടക്കാൻ സാധിച്ചില്ല. ഓപ്പണർ മലാൻ (16), ക്ലാസൻ (14), ഖുഷേലി…
Read Moreലോകം കണ്ടു ഖത്തർ ലോഗോ
ദോഹ: 2022 ഖത്തർ ലോകകപ്പ് ഫുട്ബോൾ ചരിത്ര സംഭവമായിരിക്കുമെന്ന ആദ്യ സൂചനയോടെ ഒൗദ്യോഗിക ലോഗോ പ്രകാശനം ചെയ്തു. ഖത്തറിനൊപ്പം ഇന്ത്യ ഉൾപ്പെടെയുള്ള 23 ലോക രാജ്യങ്ങളിലെ പ്രധാന സ്ഥലങ്ങളിലെല്ലാം വന്പൻ സ്ക്രീനുകളിൽ ഒൗദ്യോഗിക ലോഗോ പ്രദർശിപ്പിച്ചു. ചരിത്രത്തിലാദ്യമായാണ് ഇത്തരമൊരു പ്രകാശനം നടക്കുന്നത്. ഇന്ത്യയിൽ മുംബൈയിലെ ബാബുൽ നാഥിലാണ് ലോഗോ പ്രദർശിപ്പിച്ചത്. ഡിജിറ്റൽ കാന്പെയ്നിലൂടെ ഖത്തർ ലോകകപ്പ് സംഘാടകരായ സുപ്രീം കമ്മിറ്റി ഫോർ ഡെലിവറി ആൻഡ് ലെഗസിയാണ് ലോഗോ പ്രകാശനം ചെയ്തത്. എട്ടിന്റെ ആകൃതിയിലുള്ള ഡിസൈൻ ലോകകപ്പ് മത്സരങ്ങൾക്ക് വേദിയാകുന്ന എട്ട് സ്റ്റേഡിയങ്ങളെയും ഖത്തറിന്റെ പാരന്പര്യത്തെയും പ്രതിനിധാനം ചെയ്യുന്നതാണ്. ഖത്തറിലെ പ്രാദേശിക സമയം രാത്രി 8.22ന് (20:22) ആയിരുന്നു പ്രകാശനം. കുവൈറ്റ്, അൾജീരിയ, ലബനൻ, ടുണീഷ്യ, ഇറാഖ്, ജോർദാൻ, മൊറോക്കോ തുടങ്ങിയ അറബ് രാജ്യങ്ങളിലും ഖത്തർ ലോകകപ്പ് ലോഗോ ഒരേസമയം പ്രദർശിപ്പിച്ചു. അമേരിക്ക, അർജന്റീന, ബ്രസീൽ, ചിലി, മെക്സിക്കോ,…
Read Moreസ്വപ്നം ഖത്തർ
ഗോഹട്ടി: ഇന്ത്യന് ഫുട്ബോള് ടീം വീണ്ടും പോരാട്ട വേദിയില്. 2022 ലോകകപ്പ് ഫുട്ബോള് യോഗ്യതയ്ക്കുള്ള ആദ്യ മത്സരത്തില് ഇന്ത്യ ഇന്ന് ഒമാനെതിരേ ഇറങ്ങും. ഗോഹട്ടിയില് ഇന്ദിരാ ഗാന്ധി അത്ലറ്റിക് സ്റ്റേഡിയത്തിലാണ് മത്സരം. ലോകകപ്പിനൊപ്പം ഏഷ്യന് കപ്പിനുള്ള യോഗ്യതയും കൂടിയാണ് ഇന്ത്യ ലക്ഷ്യമിടുന്നത്. ഈ മത്സരം കഴിഞ്ഞ് യോഗ്യതയില് ഇന്ത്യ എവേ മത്സരത്തില് 10-ാം തീയതി ഖത്തറിനെ നേരിടും. പുതിയ പരിശീലകന് ഇഗര് സ്റ്റിമാച്ചിനു കീഴില് ഇന്ത്യ പുതിയ ചരിത്രം കുറിക്കാനുള്ള ശ്രമത്തിലാണ്. പ്രധാന കളിക്കാരെയെല്ലാം ഉള്പ്പെടുത്തിയാണ് അദ്ദേഹം ദേശീയ ക്യാംപ് നടത്തിയത്. സ്റ്റിമാച്ചിനു കീഴില് ഇന്ത്യ അഞ്ചു കളിയില് ഒരു ജയവും ഒരു സമനിലയും മൂന്നു തോല്വിയിലുമാണ്. കിംഗ്സ് കപ്പില് തായ്ലന്ഡിനെതിരേയായിരുന്നു ഏക ജയം. ടീമിലുള്ള പല കളിക്കാര്ക്കും കിംഗ്സ് കപ്പിലും ഇന്റര്കോണ്ടിനെന്റല് കപ്പിലും അവസരം ലഭിച്ചിരുന്നു. ഗ്രൂപ്പ് ഇയില് ഇന്ത്യക്കും ഒമാനും പുറമെ ഖത്തര്, അഫ്ഗാനിസ്ഥാന്,…
Read Moreയുഎസ് ഓപ്പണ്; റാഫേൽ നദാൽ സെമിയിൽ
ന്യൂയോർക്ക്: യുഎസ് ഓപ്പണ് ടെന്നീസ് പുരുഷ സിംഗിൾസിൽ ലോക രണ്ടാം നന്പർ താരമായ സ്പെയിനിന്റെ റാഫേൽ നദാൽ സെമിയിൽ. ക്വാർട്ടറിൽ മൂന്ന് സെറ്റ് നീണ്ട പോരാട്ടത്തിൽ അർജന്റീന താരം ഡീഗോ ഷ്വാർട്ട്സ്മാനെ കീഴടക്കിയാണ് നദാൽ സെമിയിൽ ഇടംപിടിച്ചത്. സ്കോർ: 6-4, 7-5, 6-2.
Read Moreയുഎസ് ഓപ്പൺ: ചരിത്രത്തിലേക്ക് രണ്ടടി കൂടി, സെറീന സെമിയിൽ
ന്യൂയോർക്ക്: ടെന്നീസ് ഇതിഹാസം സെറീന വില്യംസ് യുഎസ് ഓപ്പൺ സെമിയിൽ കടന്നു. ചൈനയുടെ വാംഗ് ക്വിയാംഗിനെ നിലം തൊടാൻ അനുവദിക്കാതെ കശക്കിയെറിഞ്ഞാണ് അമേരിക്കൻ താരം സെമിയിൽ കടന്നത്. നേരിട്ടുള്ള സെറ്റുകൾക്ക് അനായാസമായിരുന്നു വിജയം. സ്കോർ: 6-1, 6-0. എതിരാളിയെ കശാപ്പ് ചെയ്ത സെറീന മത്സരം 44 മിനിറ്റിനുള്ളിൽ തീർത്തു. മുപ്പത്തിയേഴുകാരിയായ സെറീന 25 വിന്നറുകളാണ് മത്സരത്തിൽ പായിച്ചത്. സെമിയിൽ അഞ്ചാം സീഡ് എലിന സ്വിറ്റോളിനയാണ് സെറീനയുടെ എതിരാളി. 24 ാം ഗ്രാൻഡ് സ്ലാമെന്ന റിക്കാർഡിലേക്കാണ് സെറീനയുടെ കുതിപ്പ്. ആറ് തവണ യുഎസ് ഓപ്പൺ ചാമ്പ്യനായിട്ടുള്ള സെറീന 2017 സെപ്റ്റംബറിൽ മകൾ ഒളിമ്പിയക്ക് ജന്മം നൽകിയ ശേഷം കളത്തിൽ തിരിച്ചെത്തിയെങ്കിലും പിന്നീട് ഇതുവരെ ഒരു ഗ്രാൻഡ് സ്ലാം കിരീടം നേടാനായിട്ടില്ല.
Read Moreയുഎസ് ഓപ്പൺ: ഫെഡറർ ക്വാർട്ടറിൽ പുറത്ത്
ന്യൂയോർക്ക്: മുൻ ചാമ്പ്യൻ റോജർ ഫെഡറർ യുഎസ് ഓപ്പൺ ക്വാർട്ടറിൽ പുറത്ത്. യുഎസ് ഓപ്പണിൽ അഞ്ച് തവണ കിരീടം ഉയർത്തിയിട്ടുള്ള ഫെഡററെ ബൾഗേറിയയുടെ ഗ്രിഗോർ ദിമത്രോവാണ് വീഴ്ത്തിയത്. രണ്ടിനെതിരെ മൂന്നു സെറ്റുകൾക്കാണ് ദിമത്രോവ് വെറ്ററൻ താരത്തെ പരാജയപ്പെടുത്തിയത്. സ്കോർ: 3-6, 6-4, 3-6, 6-4, 6-2. കഴിഞ്ഞ ഏഴുതവണ ദിമത്രോവുമായി ഏറ്റുമുട്ടിയപ്പോഴും വിജയം മുപ്പത്തിയെട്ടുകാരനായ ഫെഡറർക്കൊപ്പമായിരുന്നു. സെമിയിൽ റഷ്യയുടെ അഞ്ചാം സീഡ് ദാനിൽ മെദ്വെദേവിനെ ദിമത്രോവ് നേരിടും.
Read Moreമിഥാലി രാജ് വിരമിച്ചു
മുംബൈ: മിഥാലി രാജ് അന്താരാഷ്ട്ര ട്വന്റി-20 ക്രിക്കറ്റിനോട് വിടപറഞ്ഞു. 2021-ലെ ഏകദിന ലോകകപ്പിൽ ശ്രദ്ധകേന്ദ്രീകരിക്കുന്നതിന് വേണ്ടിയാണ് കുട്ടിക്രിക്കറ്റിനോട് വിടപറയുന്നതെന്ന് മിഥാലി വ്യക്തമാക്കി. 2006 മുതൽ താൻ ട്വന്റി-20 ക്രിക്കറ്റിന്റെ ഭാഗമാണ്. എന്നാൽ ഏകദിന ലോകകപ്പ് രാജ്യത്തിനായി നേടുക എന്ന തന്റെ സ്വപ്നത്തിനായി പ്രയത്നിക്കേണ്ടതുണ്ട്. ഇതിനായി പൂർണ ശ്രദ്ധ നൽകുകയാണെന്നും അതിനാൽ ട്വന്റി-20 മതിയാക്കിയെന്നും മിഥാലി വാർത്താക്കുറിപ്പിൽ അറിയിച്ചു. 32 ട്വന്റി-20 മത്സരങ്ങളിൽ ഇന്ത്യയെ നയിച്ച മിഥാലി 2012, 2014, 2016 ലോകകപ്പുകളിലും ക്യാപ്റ്റനായിരുന്നു. 36 വയസുകാരിയായ താരം 37.5 ശരാശരയിൽ 2,364 റണ്സ് സ്കോർ ചെയ്തിട്ടുണ്ട്. 97 റണ്സ് നേടി പുറത്താകാതെ നിന്നതാണ് മികച്ച പ്രകടനം.
Read More