പോര്ട്ട് ഓഫ് സ്പെയ്ൻ: വിരമിക്കല് സംബന്ധിച്ച അഭ്യൂഹങ്ങള്ക്ക് അന്ത്യം കുറിച്ച് വെസ്റ്റ് ഇൻഡീസ് താരം ക്രിസ് ഗെയ്ൽ. ഇന്ത്യക്കെതിരായ പരമ്പരയോടെ രാജ്യാന്തര ക്രിക്കറ്റിൽ നിന്ന് വിരമിക്കുമെന്നായിരുന്നു ഗെയ്ൽ പറഞ്ഞിരുന്നത്. എന്നാല്, താന് വിരമിക്കുന്നതായി ആരോടും പറഞ്ഞിട്ടില്ലെന്നാണ് ഗെയ്ലിന്റെ പുതിയ പ്രതികരണം. വെസ്റ്റ് ഇന്ഡീസ് ക്രിക്കറ്റ് ടീം പുറത്തുവിട്ട വീഡിയോയിലാണ് താരം ഇക്കാര്യം പറയുന്നത്. ഇന്ത്യക്കെതിരായ മൂന്നാം ഏകദിനത്തിൽ 301-ാം നമ്പർ ജഴ്സിയണിഞ്ഞാണ് താരം കളത്തിലിറങ്ങിയത്. 41 പന്തില് 72 റണ്സടിച്ച ഗെയ്ല് പവലിയനിലേക്ക് മടങ്ങുന്നതിനിടെ ഇന്ത്യന് താരങ്ങള് യാത്രയയപ്പ് നല്കുകയും ചെയ്തു. ബാറ്റ് ഉയര്ത്തി ആരാധകരോട് യാത്ര പറഞ്ഞാണ് ഗെയ്ല് മടങ്ങിയത്. എന്നാല് മത്സരശേഷം ഗെയ്ലിന്റെ വാക്കുകള് ക്രിക്കറ്റ് ആരാധകരെ ഞെട്ടിച്ചിരിക്കുകയാണ്. ഞാന് ഇതുവരെ വിരമിക്കല് പ്രഖ്യാപിച്ചിട്ടില്ല. ഔദ്യോഗിക അറിയിപ്പുണ്ടാകുന്നത് വിന്ഡീസ് ക്രിക്കറ്റ് ടീമിലുണ്ടാകും.”-ഗെയ്ൽ വീഡിയോയിൽ പറയുന്നു. ഗെയ്ൽ വിരമിച്ചിട്ടില്ലെന്നാണ് തന്റെ അറിവെന്ന് വിൻഡീസ് നായകൻ ജേസൺ…
Read MoreCategory: Sports
‘ദ്രാവിഡിനു ഭിന്നതാത്പര്യമില്ല’
മുംബൈ: ഇന്ത്യൻ മുൻ നായകൻ രാഹുൽ ദ്രാവിഡിനെ നാഷണൽ ക്രിക്കറ്റ് അക്കാഡമിയുടെ മേധാവിയായി നിയമിച്ച നടപടിക്ക് ബിസിസിഐയുടെ താത്കാലിക ഭരണസമിതിയായ കമ്മിറ്റി ഓഫ് അഡ്മിനിസ്ട്രേറ്റേഴ്സിന്റെ (സിഒഎ) അംഗീകാരം. ദ്രാവിഡിന് ഭിന്നതാത്പര്യമൊന്നുമില്ലെന്നും കമ്മിറ്റി ഓഫ് അഡ്മിനിസ്ട്രേറ്റേഴ്സ് അംഗം ലഫ്. ജനറൽ രവി തോഗ്ഡെ പറഞ്ഞു. ബിസിസിഐയുടെ ഓംബുഡ്സ്മാനും എത്തിക്സ് ഓഫീസറുമായ റിട്ട. ജസ്റ്റീസ് ഡി.കെ. ജയ്നാണ് ദ്രാവിഡിന് നോട്ടീസ് നൽകിയിരിക്കുന്നത്. നാഷണൽ ക്രിക്കറ്റ് അക്കാഡമി തലവനായ ദ്രാവിഡ് ഇന്ത്യ സിമന്റ്സ് വൈസ് പ്രസിഡന്റ് പദവിയും വഹിക്കുന്നതാണ് ഇതിന് കാരണം. മധ്യപ്രദേശ് ക്രിക്കറ്റ് അസോസിയേഷൻ അംഗം സഞ്ജീവ് ഗുപ്ത നല്കിയ പരാതിയെത്തുടർന്നായിരുന്നു നോട്ടീസ്.
Read Moreഡേവിസ് കപ്പ് ; പാക്കിസ്ഥാനിലേക്കില്ല, വേദി മാറണമെന്ന് താരങ്ങൾ
ന്യൂഡൽഹി: പാക്കിസ്ഥാനെതിരായ ഡേവിസ് കപ്പ് ടെന്നീസ് മത്സരത്തിന് നിഷ്പക്ഷ വേദി വേണമെന്ന ആവശ്യവുമായി ഇന്ത്യൻ ടീം രംഗത്ത്. വേദിമാറ്റത്തിന് പകരം സുരക്ഷാനടപടികൾ പുനഃപരിശോധിക്കണമെന്നു മാത്രം ഇന്റർനാഷണൽ ടെന്നിസ് ഫെഡറേഷനോട് ആവശ്യപ്പെട്ട ഓൾ ഇന്ത്യ ടെന്നീസ് അസോസിയേഷന്റെ (എഐടിഎ) നടപടിയിൽ കളിക്കാർ അതൃപ്തി രേഖപ്പെടുത്തുകയും ചെയ്തു. ഇസ്ലാമാബാദിന് പകരം ഒരു നിഷ്പക്ഷ വേദി അനുവദിക്കണമെന്ന് ആവശ്യപ്പെട്ടതായി ഇന്ത്യൻ ക്യാപ്റ്റൻ മഹേഷ് ഭൂപതി പറഞ്ഞു. സെപ്റ്റംബർ 14, 15 തീയതികളിലാണ് ഇന്ത്യ x പാക് ഡേവിസ് കപ്പ് പോരാട്ടം. ഏഷ്യ-ഓഷ്യാന ഗ്രൂപ്പ് ഒന്ന് മത്സരം ഒരു ഉഭയകക്ഷി പരന്പര അല്ലാത്തതിനാൽ ഡേവിസ് കപ്പ് മത്സരം മാറ്റിവയ്ക്കാൻ അന്താരാഷ്ട്ര ടെന്നീസ് ഫെഡറേഷന് കഴിയില്ലെന്ന് കേന്ദ്ര സ്പോർട്സ് മന്ത്രി കിരണ് റിജിജു പറഞ്ഞു. 2017 മുതൽ പാക്കിസ്ഥാൻ തങ്ങളുടെ അഞ്ച് ഹോം മത്സരങ്ങളിൽ നാലും ഇസ്ലാമാബാദിൽ തന്നെയാണ് കളിച്ചത്. ദക്ഷിണ കൊറിയ, തായ്ലൻഡ്,…
Read Moreഇന്ത്യൻ ക്രിക്കറ്റ് ടീം മുഖ്യപരിശീലകൻ: അന്തിമ പട്ടികയിൽ ആറു പേര്
മുംബൈ: ഇന്ത്യൻ ക്രിക്കറ്റ് പുരുഷ ടീം മുഖ്യപരിശീലകനായുള്ള അന്തിമ പട്ടിക ബിസിസിഐ പുറത്തുവിട്ടു. നിലവിലെ പരിശീലകൻ രവിശാസ്ത്രി ഉൾപ്പെടെ ആറ് പേരാണ് അവസാന പട്ടികയിൽ ഉള്ളത്. വെള്ളിയാഴ്ച ബിസിസിഐയും മുംബൈയിലെ ആസ്ഥാനത്ത് ഇവരുടെ മുഖാമുഖം നടക്കും. ഇന്ത്യൻ മുൻ ക്യാപ്റ്റൻ കപിൽ ദേവിന്റെ നേതൃത്വത്തിലുള്ള ക്രിക്കറ്റ് അഡ്വൈസറി കമ്മിറ്റിയാണ് (സിഎസി) മുഖാമുഖം നടത്തുന്നത്. അൻശുമാൻ ഗെയ്ക്വാദ്, ശാന്ത രംഗസ്വാമി എന്നിവരാണ് സിഎസിയിൽ കപിൽ ദേവിനൊപ്പമുള്ളത്. മുഖ്യപരിശീലകൻ, ബാറ്റിംഗ് പരിശീലകൻതുടങ്ങി ഏഴ് സ്ഥാനങ്ങളിലേക്കാണ് ബിസിസിഐ അപേക്ഷ ക്ഷണിച്ചത്. അന്തിമപട്ടികയിലുള്ളവർ: 1. രവി ശാസ്ത്രി 2017 ജൂലൈ മുതൽ രവി ശാസ്ത്രിയാണ് ഇന്ത്യൻ മുഖ്യപരിശീലകൻ. 2015-16ൽ ഇന്ത്യൻ ടീം ഡയറക്ടറായി എട്ട് മാസം പ്രവർത്തിച്ചതാണ് 2017ൽ അദ്ദേഹത്തിനു ഗുണമായത്. 2019 ലോകകപ്പോടെ രവി ശാസ്ത്രിയുടെ കരാർ കാലാവധി തീർന്നെങ്കിലും ബിസിസിഐ 45 ദിവസത്തേക്കുകൂടി നീട്ടി നല്കി. അനിൽ കുംബ്ലെ x…
Read Moreമാഞ്ചസ്റ്ററിൽ ചുവപ്പു വിപ്ലവം
ലണ്ടൻ: മാഞ്ചസ്റ്റർ യുണൈറ്റഡിന്റെ തട്ടകമായ ഓൾഡ് ട്രാഫോഡിൽ ചുവന്ന വിപ്ലവമാണ് അരങ്ങേറിയത്. ഇംഗ്ലീഷ് പ്രീമിയർ ലീഗിലെ തങ്ങളുടെ സീസണിലെ ആദ്യ മത്സരത്തിൽ ചുവന്ന ചെകുത്താന്മാർ മറുപടിയില്ലാത്ത നാല് ഗോളിനു ചെൽസിയെ തകർത്തു. മുൻ ക്യാപ്റ്റനായ ഫ്രാങ്ക് ലംപാർഡ് പരിശീലകനായി ചെൽസിയിൽ തിരിച്ചെത്തിയ ആദ്യ മത്സരത്തിലാണ് ഈ തോൽവി എന്നതും ശ്രദ്ധേയം. ഇരുപത്തൊന്നുകാരനായ വെയ്ൽസ് താരം ഡാനിയേൽ ജയിംസ് അരങ്ങേറ്റ മത്സരത്തിൽ യുണൈറ്റഡിനായി ഗോൾ നേടിയതും ശ്രദ്ധിക്കപ്പെട്ടു. മത്സരത്തിന്റെ 18-ാം മിനിറ്റിൽ പെനൽറ്റിയിലൂടെ മാർക്കസ് റാഷ്ഫോഡ് ചെൽസിയുടെ വല കുലുക്കി. 65-ാം മിനിറ്റിൽ ആന്റണി മർത്യാലിലൂടെ യുണൈറ്റഡ് ലീഡ് 2-0 ആക്കി. രണ്ട് മിനിറ്റിനുശേഷം റാഷ്ഫോഡ് തന്റെ രണ്ടാം ഗോളും ആതിഥേയരുടെ മൂന്നാം ഗോളും നേടി. 81-ാം മിനിറ്റിലായിരുന്നു പോൾ പോഗ്ബയുടെ അസിസ്റ്റിൽനിന്ന് ഡാനിയേൽ ജയിംസ് ചെൽസിയുടെ വലയിൽ പന്ത് നിക്ഷേപിച്ചത്. തുടർച്ചയായ നാലാം ഓപ്പണിംഗ് ഡേ ലീഗ്…
Read Moreഗുസ്തി താരം ബബിത ഫോഗാട്ട് ബിജെപിയിൽ; ഇനി ഗോദ ഹരിയാന രാഷ്ട്രീയം
ന്യൂഡൽഹി: ഗുസ്തി താരം ബബിത ഫോഗാട്ട് ബിജെപിയിൽ ചേർന്നു. മൂന്നു തവണ കോമണ്വെൽത്ത് ഗെയിംസിൽ മെഡൽ നേടിയിട്ടുള്ള ബബിത, കേന്ദ്ര കായിക മന്ത്രി കിരണ് റിജിജുവിൽ നിന്നാണ് ബിജെപി അംഗത്വം സ്വീകരിച്ചത്. പ്രധാനമന്ത്രി നരേന്ദ്രമോദിയിൽ ആകൃഷ്ടനായാണ് ബിജെപിയിൽ എത്തിയതെന്ന് ബബിത ഫൊഗാട്ട് മാധ്യമങ്ങളോടു പറഞ്ഞു. ജമ്മു കാഷ്മീരിനു പ്രത്യേക അധികാരം നൽകുന്ന ഭരണഘടനയുടെ 370-ാം അനുച്ഛേദം റദ്ദാക്കിയ കേന്ദ്ര സർക്കാരിന്റെ നടപടിയെ അനുകൂലിച്ച് അടുത്തിടെ ബബിത ട്വീറ്റ് ചെയ്യുകയും ചെയ്തിരുന്നു. വൻഹിറ്റായ ബോളിവുഡ് സിനിമ ദംഗലിനു പ്രചോദനമായ ജീവിത കഥയിലെ നായികയാണ് ബബിത ഫൊഗാട്ട്. ഈ വർഷം നിയമസഭ തെരഞ്ഞെടുപ്പ് നടക്കുന്ന ഹരിയാനയിൽ ബബിത ഫൊഗാട്ടിനെ സ്ഥാനാർഥിയാക്കാനാണ് ബിജെപിയുടെ നീക്കമെന്നാണ് നേതാക്കൾ സൂചിപ്പിക്കുന്നത്.
Read Moreകോഹ്ലി 80 ഏകദിന സെഞ്ചുറികൾ നേടുമെന്ന് വസീം ജാഫറിന്റെ പ്രവചനം
മുംബൈ: വിൻഡീസിനെതിരായ ഏകദിനത്തിൽ തകർപ്പൻ സെഞ്ചുറി നേടിയ ഇന്ത്യൻ നായകൻ വിരാട് കോഹ്ലിക്ക് നാലുപാടു നിന്നും അഭിനന്ദന പ്രവാഹമാണ്. ഏകദിനത്തിലെ 42–ാം സെഞ്ചുറിനേടിയ കോഹ്ലി സാക്ഷാൽ സച്ചിൻ തെൻഡുൽക്കറിന്റെ റെക്കോർഡിലേക്ക് കോലി ഒരു ചുവടു കൂടി അടുക്കുകയും ചെയ്തു. കോഹ്ലിയെ അഭിനന്ദിച്ച് ഒരുപാടു പേർ രംഗത്തെത്തിയെങ്കിലും അവരിൽ നിന്നൊക്കെ വ്യത്യസ്തമായൊരു ആശംസയുമായി രംഗത്തെത്തിയിരിക്കുകയാണ് മുൻ ഇന്ത്യൻ താരം വസീം ജാഫർ. 42–ാം സെഞ്ചുറി കുറിച്ച കോലിഹ്ലിയെ അഭിനന്ദിക്കുന്നതിനൊപ്പം ഏകദിനത്തിൽ കോഹ്ലി എത്ര സെഞ്ചുറി നേടുമെന്ന് കൂടി ജാഫർ പ്രവചിച്ചു. ഏകദിനത്തിൽ ഇനിയും നീണ്ട വർഷങ്ങൾ കളിക്കാൻ സാധ്യതയുള്ള കോഹ്ലി, വിരമിക്കുന്നതിനു മുൻപായി 75 മുതൽ 80 സെഞ്ചുറികൾ വരെ നേടുമെന്നാണ് ജാഫറിന്റെ പ്രവചനം. ‘11 ഇന്നിങ്സുകൾക്കു ശേഷം സാധാരണ സർവീസ് പുനഃരാരംഭിച്ചിരിക്കുന്നു. അതായത്, കോഹ്ലിക്ക് മറ്റൊരു രാജ്യാന്തര സെഞ്ചുറി കൂടി. ഏകദിനത്തിൽ കോഹ്ലി 75–80 സെഞ്ചുറികൾ നേടുമെന്നാണ്…
Read Moreറൺമല താണ്ടി ഗെയ്ൽ; ലാറ ഇനി രണ്ടാമൻ
പോർട്ട് ഓഫ് സ്പെയിൻ: റിക്കാർഡുകളുടെ കളിത്തോഴനായ ക്രിസ് ഗെയ്ലിന് ഏകദിനത്തിൽ മറ്റൊരു പൊൻതൂവൽ കൂടി. ഏകദിന ക്രിക്കറ്റിൽ വെസ്റ്റ് ഇൻഡീസിനായി ഏറ്റവും കൂടുതൽ റൺസ് നേടുന്ന താരമെന്ന റിക്കാർഡാണ് ഗെയ്ൽ സ്വന്തമാക്കിയത്. ഇതിഹാസ താരം സാക്ഷാൽ ബ്രിയാൻ ലാറയുടെ റിക്കാർഡ് ഗെയ്ൽ പഴങ്കഥയാക്കി. ഇന്ത്യക്കെതിരായി മൂന്നു മത്സരങ്ങളുടെ പരമ്പരയിലെ രണ്ടാം മത്സരത്തിലാണ് ഗെയ്ൽ നേട്ടം സ്വന്തമാക്കിയത്. ബ്രിയാൻ ലാറ കുറിച്ച 10,405 റൺസിന്റെ റിക്കാർഡ് മറികടക്കാൻ ഗെയ്ലിന് ഒമ്പത് റൺസ് മാത്രമായിരുന്നു വേണ്ടിയിരുന്നത്. ഖലീൽ അഹമ്മദിന്റെ പന്ത് ബൗണ്ടറി കടത്തി ഗെയ്ൽ റിക്കാർഡ് സ്വന്തം പേരിലാക്കി. എന്നാൽ മത്സരത്തിൽ ഗെയ്ലിനു (11) തിളങ്ങാൻ കഴിഞ്ഞില്ല. റിക്കാർഡ് നേട്ടം സ്വന്തമാക്കിയതിനു പിന്നാലെ ഭുവനേശ്വർ കുമാറിന്റെ പന്തിൽ വിക്കറ്റിനു മുന്നിൽ കുടുങ്ങി ഗെയ്ൽ പുറത്തായി. ഗെയ്ലിന്റെ 300 ാം ഏകദിന മത്സരം കൂടിയായിരുന്നു ഇത്. ലാറയുടെ മറ്റൊരു റിക്കാർഡും ഇതോടെ…
Read Moreറോജേഴ്സ് കപ്പിൽ സെറീനയുടെ കണ്ണീർ; ബിയാങ്കയ്ക്കു കിരീടം
ടൊറേന്റോ: റോജേഴ്സ് കപ്പ് ടെന്നീസ് വനിതാ സിംഗിൾസ് ഫൈനലിൽനിന്ന് അമേരിക്കയുടെ സെറീന വില്യംസ് പിൻമാറി. പുറംവേദനയെ തുടർന്ന് ആദ്യ സെറ്റ് പൂർത്തിയാക്കുന്നതിനു മുമ്പാണ് സെറീന മത്സരത്തിൽനിന്നും പിൻമാറിയത്. ഇതോടെ കാനഡയുടെ കൗമാരതാരം ബിയാങ്ക ആന്ദ്രീസ്കു കിരീടം സ്വന്തമാക്കി. റോജേഴ്സ് കപ്പ് വനിതാ സിംഗിൾസ് കിരീടം 1969 ന് ശേഷം ആദ്യമായി സ്വന്തമാക്കുന്ന കാനേഡിയൻ താരമായി പത്തൊൻപതുകാരിയായ ബിയാങ്ക.പരിക്കിനെ തുടർന്ന് കരഞ്ഞുകൊണ്ടാണ് സെറീന കളംവിട്ടത്. മത്സരത്തിൽ 1-3 ന് പിന്നിൽനിൽക്കുമ്പോഴായിരുന്നു 37 കാരിയായ സെറീനയുടെ പിൻമാറ്റം. ഈ വർഷം തനിക്ക് വിഷമമുള്ളതാണെങ്കിലും തിരിച്ചുവരുമെന്ന് സെറീന ആത്മവിശ്വാസം പ്രകടിപ്പിച്ചു. ഇതിന് മുൻപ് ഒരു സിംഗിൾസ് ഫൈനലിൽ സെറീന പിൻമാറുന്നത് 2000 ൽ ആയിരുന്നു. ആ വർഷമാണ് ഇത്തവണത്തെ എതിരാളിയായ ബിയാങ്ക ജനിച്ചത്.
Read Moreകോഹ്ലിക്കു സെഞ്ചുറി; രണ്ടാം ഏകദിനത്തിൽ ഇന്ത്യക്ക് ജയം
പോർട്ട് ഓഫ് സ്പെയിൻ: രണ്ടാം ഏകദിനത്തിൽ ഇന്ത്യക്ക് ജയം. വെസ്റ്റ് ഇൻഡീസിനെ 59 റൺസിന് ഇന്ത്യ പരാജയപ്പെടുത്തി. ഇന്ത്യ ഉയർത്തിയ 280 റൺസിന്റെ വിജയലക്ഷ്യം പിന്തുടർന്ന വിൻഡീസ് 42 ഓവറിൽ 210 റൺസിന് പുറത്തായി. മഴയെ തുടർന്ന് മത്സരം തടസപ്പെട്ടതോടെ വെസ്റ്റ് ഇൻഡീസിന്റെ വിജയലക്ഷ്യം 46 ഓവറിൽ 270 റൺസായി ചുരുക്കീയിരുന്നു. അർധ സെഞ്ചുറി നേടിയ ഓപ്പണർ ഇവിൻ ലെവീസിനും (65) മധ്യനിരയിൽ നിക്കോളാസ് പൂരാനും (42) മാത്രമാണ് വിൻഡീസ് നിരയിൽ തിളങ്ങാനായത്. ക്രിസ് ഗെയ്ലിനെ (11) തുടക്കത്തിലേ പുറത്താക്കാൻ ഇന്ത്യക്കായി. ഭുവനേശ്വറാണ് വിക്കറ്റ് വീഴ്ത്തിയത്. നാല് പേർക്ക് ഇരട്ട അക്കം കടക്കാനായില്ല. ഇതിൽ മൂന്നു പേർ പൂജ്യത്തിനു പുറത്തായി. നാല് വിക്കറ്റ് വീഴ്ത്തിയ ഭുവനേശ്വർ കുമാറാണ് വിൻഡീസിനെ തകർത്തത്. കുൽദീപും ഷമിയും രണ്ടു വിക്കറ്റുകൾ വീതം വീഴ്ത്തി. ഖലീൽ അഹമ്മദും ജഡേജയും ഓരോവിക്കറ്റ് വീഴ്ത്തി. നേരത്തെ…
Read More